Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

നഖങ്ങള്‍ സംരക്ഷിക്കാം

സൗന്ദര്യത്തില്‍ നഖങ്ങള്ക്കുനമുണ്ട് ഒരു പ്രത്യേക സ്ഥാനം.

നഖങ്ങള്‍ സംരക്ഷിക്കാം

സൗന്ദര്യത്തില്‍ നഖങ്ങള്‍ക്കുമുണ്ട് ഒരു പ്രത്യേക സ്ഥാനം. കാണാന്‍ വൃത്തിയില്ലാത്ത നഖങ്ങള്‍ ഒട്ടും ആകര്‍ഷണീയമാവില്ല. നഖങ്ങള്‍ എപ്പോഴും വൃത്തിയായി സൂക്ഷിക്കുകയെന്നത് ആരോഗ്യപരിപാലനത്തിലും അത്യാവശ്യമാണ്. നഖങ്ങളില്‍ ചിലപ്പോള്‍ കണ്ടുവരുന്ന വെള്ളപ്പാടുകള്‍ പ്രോട്ടീനിന്റെ അഭാവത്താലുണ്ടാകുന്നതാണ്. പ്രോട്ടീന്‍ അടങ്ങിയ ഭക്ഷണപദാര്‍ത്ഥങ്ങള്‍ കഴിക്കുന്നതിലൂടെ ഇത് ഒവിവാക്കാം.

സണ്‍പ്രൊട്ടക്ഷന്‍ ക്രീം കൈവിരലുകളിലും പുരട്ടുന്നത് നല്ലതാണ്. മാനിക്യൂര്‍ ചെയ്യന്നത് കൈകള്‍ വൃത്തിയായും സുന്ദരമായും സംരക്ഷിക്കപ്പെടുന്നതിന് വളരെ നല്ലതാണ്. മാനിക്യൂര്‍ ട്രീറ്റ്‌മെന്റ് വഴി കൈപത്തിയിലെ മൃതകോശങ്ങള്‍ നീക്കം ചെയ്യപ്പെടുകയും നഖം വിണ്ടുകീറല്‍, പൊട്ടിപ്പോകല്‍ എന്നിവയെ നിയന്ത്രിക്കുകയും ചെയ്യാം.

ഒരു ബേസിനില്‍ ചൂട് വെള്ളം എടുത്ത് അതില്‍ അല്‍പം ഉപ്പ്, വീര്യം കുറഞ്ഞ ഷാമ്പൂ, ഒരു തുള്ളി ഡെറ്റോള്‍ , ഒരു സ്പൂണ്‍ നാരങ്ങാനീര് എന്നിവ മിക്‌സ് ചെയ്ത് കൈകള്‍ അതില്‍ മുക്കി വെക്കുക. നഖങ്ങള്‍ നന്നായി കുതിരണം. വരണ്ട ചര്‍മക്കാര്‍ അല്‍പം മോയ്‌സ്ച്വറൈസിങ് ക്രീം പുരട്ടിയതിനു ശേഷം കൈകള്‍ വെള്ളത്തില്‍ വെക്കുന്നതാണ് നല്ലത്.  നഖങ്ങളിലെ പോളീഷ് നീക്കം ചെയ്ത ശേഷം മാത്രമേ കൈകള്‍ വെള്ളത്തില്‍ മുക്കിവെക്കാവൂ. നഖം കുതിര്‍ന്നാല്‍ അതിലെ അഴുക്ക് ഇളക്കി കളഞ്ഞതിനു ശേഷം നഖത്തിനു ചുറ്റുമുള്ള മൃതകോശങ്ങള്‍ നീക്കം ചെയ്യുക. കൈകള്‍ സ്‌ക്രബ് ഉപയോഗിച്ച് രണ്ടോ മൂന്നോ മിനുട്ട് തിരുമ്മുക. പിന്നീട് നന്നായി കഴുകി ക്രീം ഉപയോഗിച്ച്  മസാജ് ചെയ്യുക.

നഖത്തിന്റെ ഭംഗിയും ആരോഗ്യവും പരിപാലിക്കാന്‍ ചിലകാര്യങ്ങള്‍ ശ്രദ്ധിക്കാം. നഖത്തില്‍ കറപുരണ്ടത് മാറണമെങ്കില്‍ നാരങ്ങ നീരോ വിനാഗിരിയോ കലര്‍ത്തിയ വെള്ളത്തില്‍ നഖം മുക്കി വെച്ച് കോട്ടണ്‍ ഉപയോഗിച്ച് തുടച്ചാല്‍ മതി.  ഇളം ചൂടുള്ള ഒലിവ് എണ്ണയില്‍ നഖങ്ങള്‍ അഞ്ച് മിനിറ്റ് മുക്കി വയ്ക്കുക. നഖങ്ങള്‍ക്ക് കട്ടി കിട്ടുന്നതിനും ഇത് സഹായിക്കും.    സ്ഥിരമായി നഖം പോളിഷ് ചെയ്യുന്നവരാണെങ്കില്‍ ആഴ്ചയില്‍ ഒരു ദിവസമെങ്കിലും പോളീഷ് നീക്കം ചെയ്ത് നഖം വൃത്തിയാക്കണം.  സ്വാഭാവിക പരിചരണം നല്‍കാന്‍ നഖത്തില്‍ പെട്രോളിയം ജെല്ലി തേച്ച ശേഷം കോട്ടണ്‍ തുണികൊണ്ട് തുടച്ചാല്‍ മതി.

സോപ്പ് ഉപയോഗിക്കുമ്പോളും പച്ചക്കറികള്‍ അരിയുമ്പോഴും കൈയ്യറുകള്‍ ഉപയോഗിക്കുന്നത് കൈകള്‍ക്കും നഖങ്ങള്‍ക്കും കൂടുതല്‍ സംരക്ഷണം നല്‍കുന്നു.    പെട്ടെന്ന് ഉണങ്ങുന്ന തരം നെയില്‍ പോളിഷുകള്‍ ഉപയോഗിക്കുക.   നഖം പൊട്ടിപ്പോകുന്നത് തടയാന്‍ വൃത്തിയായും ഈര്‍പ്പം നിലനില്‍ക്കാതെയും വേണം സൂക്ഷിക്കാന്‍.

നഖങ്ങള്‍ക്ക് ഭംഗി വരുത്താന്‍

ഭംഗിയുള്ള കൈവിരലുകള്‍ ആരെയാണ് ആകര്‍ഷിക്കാത്തത്? സുന്ദരമായ നഖങ്ങള്‍ വിരലുകള്‍ക്ക് പത്തരമാറ്റ് അധിക സൌന്ദര്യം നല്‍കുമെന്ന കാര്യവും വിസ്മരിക്കേണ്ട. നഖങ്ങള്‍ സുന്ദരമാക്കി നിലനിര്‍ത്താന്‍ പരിചരണം ആവശ്യമാണ്.

ഒരിക്കല്‍ വൃത്തിയാക്കി പോളിഷ് ചെയ്താല്‍ പിന്നെ അക്കാര്യത്തില്‍ ശ്രദ്ധിക്കാത്തവര്‍ സൂക്ഷിക്കുക. നിങ്ങള്‍ നഖത്തിന്‍റെ ഭംഗി മാത്രമല്ല ആരോഗ്യവും നശിപ്പിക്കുന്നു. നഖം പരിപാലിക്കാന്‍ ഓര്‍ക്കേണ്ട ചില കാര്യങ്ങളിതാ...

നഖത്തില്‍ കറപുരണ്ടത് മാറ്റണമെങ്കില്‍ നാരങ്ങ നീര് കലര്‍ത്തിയ വെള്ളത്തില്‍ നഖം മുക്കി വച്ചാല്‍ മതി.

സ്ഥിരമായി നഖം പോളിഷ് ചെയ്യുന്നവരാണെങ്കില്‍ ആഴ്ചയില്‍ ഒരു ദിവസമെങ്കിലും പോളീഷ് നീക്കം ചെയ്ത് നഖത്തിന് സ്വാഭാവിക പരിചരണം നല്‍കണം.

നഖത്തിന് സ്വാഭാവിക പരിചരണം നല്‍കാന്‍ നഖത്തില്‍ പെട്രോളിയം ജല്ലി തേച്ച ശേഷം തുണികൊണ്ട് തുടച്ചാല്‍ മതി.

നഖത്തിന് കട്ടി കുറവാണെങ്കില്‍ണെങ്കില്‍ വിഷമിക്കേണ്ട. ചൂട് ഒലിവ് എണ്ണയില്‍ അഞ്ച് മിനിറ്റ് മുക്കി വയ്ക്കുക. നഖം കട്ടിയുള്ളതാവാന്‍ ഇത് ഒന്നിടവിട്ട ദിവസങ്ങളില്‍ ആവര്‍ത്തിച്ചാല്‍ മതി.

സോപ്പ് ഉപയോഗിക്കുമ്പോള്‍ കൈയ്യുറകള്‍ ഉപയോഗിക്കുന്നത് കൈയ്ക്കും നഖത്തിനും മാത്രമല്ല അലര്‍ജിയില്‍ നിന്നുള്ള സംരക്ഷണം കൂടിയാണ്.

നഖങ്ങള്‍ മോടിയാക്കാം

നീല, പച്ച, മഞ്ഞ തുടങ്ങി കടുപ്പമുള്ള നിറങ്ങളോടുള്ള പ്രിയം ഒരിക്കലും നമുക്ക് കുറയാറില്ല. വൃത്തിയും പുതുമയുള്ളതുമായ നിറങ്ങള്‍ക്കാണ് കൂടുതല്‍ ആകര്‍ഷകത്വം. ഇത്തരം നിറങ്ങള്‍ നല്‍കുമ്പോള്‍ നഖങ്ങളുടെ പരിചരണം ഇടയ്ക്കിടെ ആവശ്യമായി വരും, നഖം വളരുമ്പോള്‍ തെളിഞ്ഞ് കാണുന്ന നഖത്തിന്റെ നിറം അഭംഗിയുണ്ടാക്കുമെന്നതാണ്
കാരണം

വ്യാജമാണ് പക്ഷേ...

കട്ടിയില്ലാത്തതോ കേടുകള്‍ വന്നതോ പൊട്ടിയതോ ആണോ നഖങ്ങളെങ്കില്‍ കൃത്രിമ നഖങ്ങള്‍ ഉപയോഗിക്കാം. പക്ഷേ അവയെ പരിപാലിക്കാന്‍ ഇടയ്ക്കിടയ്ക്ക് ബ്യൂട്ടിപാര്‍ലറുകളില്‍ പോകേണ്ടി വരും. മാത്രമല്ല, ശരിക്കുമുള്ള നഖങ്ങളെ കൂടുതല്‍ നശിപ്പിക്കുന്നതിന് ഇത് കാരണമാകുകയും ചെയ്യും. ഈറനുള്ളതോ, അയവുള്ളതോ, പൊട്ടിയതോ ആണ് കൃത്രിമ വിരലുകളെങ്കില്‍ നഖങ്ങള്‍ക്കിടയില്‍ ഈര്‍പ്പം കെട്ടി നിന്ന് അണുബാധയുണ്ടാകാനും സാധ്യതയുണ്ട്. കൃത്രിമ നഖങ്ങള്‍ ഇടയ്ക്ക് മാറ്റി വയ്‌ക്കേണ്ടത് നഖങ്ങളുടെ ആരോഗ്യത്തിന് ആവശ്യമാണ്

നഖങ്ങളിലെ കല

ഒരൊറ്റ നിറത്തേക്കാള്‍ നഖങ്ങള്‍ക്ക് കൂടുതല്‍ ഭംഗി നല്‍കുന്നത് അതില്‍ ചെറിയ മുത്തുകളോ ഡിസൈനുകളോ ചേര്‍ക്കുമ്പോഴാണ്. പഴയ പെയിന്റിന്റെ പ്രതീതിയുണ്ടാക്കുന്ന പോറലുകളും നഖത്തിന്റെ അഗ്രങ്ങളില്‍ മാത്രം നിറങ്ങള്‍ നല്കുന്നതും പുതിയ ട്രന്‍ഡ്. മെറ്റാലിക് പോളീഷിനുള്ളില്‍ മാഗ്നറ്റ് ഉപയോഗിച്ച് ചിത്രങ്ങള്‍ വരയ്ക്കുന്നത് യുവത്വത്തിന്റെ പ്രിയപ്പെട്ട ട്രെന്‍ഡാണ്. മൂണ്‍ മാനിക്യൂര്‍ എന്നറിയപ്പെടുന്ന രീതിക്കും ആരാധകരേറെ. മങ്ങിയ നിറത്തില്‍ അര്‍ദ്ധ വൃത്താകൃതിയില്‍ നഖത്തിന്റെ പകുതിയില്‍ നെയില്‍ പോളീഷ് ഇട്ട്, മുകള്‍ പകുതിയില്‍ മറ്റു നിറങ്ങളിടുന്നതിനാണ് ഈ പേര് പറയുന്നത്.

ദൈനംദിന സംരക്ഷണം

പാത്രം കഴുകുമ്പോഴും പൂന്തോട്ടത്തിലെ പണികള്‍ക്കും പെയിന്റിങ്ങിനും മറ്റും പോകുമ്പോഴും കൈയ്യുറകള്‍ ധരിക്കാന്‍ മറക്കരുത്. പ്രൈസ് ടാഗ് ചുരണ്ടിക്കളയാന്‍ നഖത്തിനു പകരം സ്പൂണോ മറ്റെന്തെങ്കിലുമോ ഉപയോഗിക്കുക. സോഡാക്കുപ്പി തുറക്കാന്‍ നഖങ്ങളുപയോഗിക്കേണ്ട. ബാര്‍ സോപ്പിനു പകരം ഹാന്‍ഡ് വാഷ് ശീലിക്കാം. ക്യൂട്ടിക്കിള്‍ മൃദുലമായിരിക്കാന്‍ ലോഷന്‍ ഉപയോഗിക്കാം. 

മാനിക്യൂര്‍ ചെയ്യുന്നതിനു മുമ്പു തന്നെ പേഴ്‌സും താക്കോലുമെല്ലാം പുറത്തെടുത്തു വയ്ക്കണം. ഉണങ്ങാത്ത വിരലുകളുമായി പേഴ്‌സിനുള്ളില്‍ കൈയ്യിട്ട് നെയില്‍ പോളീഷ് പോകാതിരിക്കാനാണിത്. വസ്ത്രങ്ങളില്‍ പോളീഷ് പടരാതിരിക്കാനും പോളീഷ് കോട്ടിടുന്നത് നല്ലതായിരിക്കും. നഖങ്ങളുടെ സംരക്ഷണത്തിനായി പ്രത്യേക എണ്ണയും ഉപയോഗിക്കാം. 

ബ്യൂട്ടിപാര്‍ലറിനു പുറത്തു വച്ച് വിരലുകളില്‍ എന്തെങ്കിലും വരയോ കുറിയോ ഉണ്ടായാല്‍ ദേഷ്യം വരാന്‍ മറ്റൊന്നും വേണ്ട. വിഷമിക്കണ്ട, കുറച്ച് അസറ്റോണ്‍ എടുത്ത് അവിടെ പുരട്ടി പൊളിഞ്ഞു പോയത് പൂര്‍ണമായും കളയുക. ഉണങ്ങിയതിനു ശേഷം അതേ നിറത്തിലുള്ള നെയില്‍ പോളീഷ് നഖത്തില്‍ ഇട്ടു കൊടുത്താല്‍ മതി.

പേള്‍ പിങ്ക് കൂടുതല്‍ തിളക്കത്തോടെ

മങ്ങിയതോ പേള്‍, പിങ്ക് നിറത്തിലുള്ളതോ ആയ നെയില്‍ പോളിഷുകള്‍ മറ്റുള്ളവയേക്കാള്‍ കൂടുതല്‍ നാള്‍ തിളക്കത്തോടെ നിലനില്‍ക്കും. ന്യൂട്രല്‍ നിറങ്ങള്‍ നഖത്തിലെ കുഴികളും പോറലുകളും കുറച്ചു മാത്രമേ കാണിക്കൂ. വീട്ടില്‍ ചെറിയ ടച്ച് അപ്പ് നടത്തുന്നതിന് ഒരു പാളി കൂടി നെയില്‍ പോളീഷ് ഇട്ടാല്‍ മതി. രണ്ട് നേരിയ പാളികളാണ് കട്ടിയുള്ള ഒരു പാളിയേക്കാള്‍ നഖത്തിന് സൗന്ദര്യം നല്കുന്നത്.

നെയില്‍ പോളീഷ് തെരഞ്ഞെടുക്കുമ്പോള്‍

കടും ചുവപ്പ് നിങ്ങളെ കൂടുതല്‍ സുന്ദരിയാക്കുമോ അതോ പേടിപ്പിക്കുമോ? ഉത്തരം നിങ്ങളുടെ തൊലിയുടെ നിറത്തിലാണ്. ഒലീവ് നിറമെങ്കില്‍ വെള്ള, ചോക്കലേറ്റ്, ഇളം ചുവപ്പ് നിറങ്ങള്‍ നന്ന്. നഖങ്ങള്‍ക്കു മുകളില്‍ സെലോഫാന്‍ ടേപ്പ് ചുറ്റി അതിന്‍ നെയില്‍ പോളീഷ് ഇട്ട് പരിശോധിച്ചിട്ട് നിറം തെരഞ്ഞെടുക്കാം.

കൈകള്‍ക്കു ചേരുന്ന ആകൃതി


നഖങ്ങള്‍ ചെറുതോ നീണ്ടതോ മുനയുള്ളതോ ഏത് വേണമെന്ന് തിരഞ്ഞെടുക്കുന്നത് ആലോചിച്ച് വേണം. ഓവല്‍ ആകൃതിയാണ് മിക്കവാറും വിരലുകള്‍ക്ക് ചേരുന്നത്. മിതത്വമാണ് നിങ്ങളുടെ ആഗ്രഹമെങ്കില്‍ കുറച്ചു വൃത്താകൃതി വിരലുകള്‍ക്കു നല്കാം. നീണ്ട വിരലുകള്‍ക്കാണ് ചതുര നഖങ്ങള്‍ ഏറെ യോജിക്കുന്നത്. അരികുകള്‍ വൃത്താകൃതിയില്‍ വെട്ടിയൊതുക്കിയ ചതുര നഖങ്ങള്‍ക്ക് ഭംഗിയേറും. കൂര്‍ത്ത മുനയുള്ള നഖങ്ങള്‍ വിരലുകള്‍ക്ക് നീളക്കൂടുതല്‍ തോന്നിപ്പിക്കും.

പൊട്ടിയ നഖങ്ങള്‍ക്ക്

ഒരുപക്ഷേ നിങ്ങളുടെ ഭ്രാന്തന്‍ ആശയങ്ങള്‍ നഖങ്ങളുടെ ഭംഗി നശിപ്പിച്ചേക്കാം. നഖങ്ങളില്‍ പൊട്ടലുണ്ടായാല്‍ ജെല്‍ അല്ലെങ്കില്‍ ഷെല്ലാക്ക് മാനിക്യൂറുകള്‍ പ്രയോജനകരമാകും. മൂന്നാഴ്ച വരെ നഖങ്ങളുടെ തിളക്കവും മിനുസവും കാത്തു സൂക്ഷിക്കാന്‍ ഇത് സഹായിക്കും. മാനിക്യൂറിനു ശേഷം നിരവധി അടുക്ക് നെയില്‍ പോളീഷ് കൊടുക്കാന്‍ ശ്രദ്ധിക്കണം. ഇവ നീക്കം ചെയ്യാന്‍ ഇത്തിരി കഷ്ടപ്പെടുമെന്നു മാത്രം.

.ഫ്രഞ്ച് മാനിക്യൂര്‍

മങ്ങിയ പിങ്ക് നെയില്‍ പോളീഷും നഖത്തിന്റെ അറ്റത്ത് മാത്രം വെള്ള നിറവും നഖങ്ങള്‍ക്ക് ക്ലാസ്സിക് ഭംഗിയോ, പഴയ ഫാഷന്റെ ഓര്‍മ്മയോ തന്നേക്കാം. നഖങ്ങള്‍ക്ക് ഇത് നീളക്കൂടുതല്‍ തോന്നിപ്പിക്കും. തീര്‍ച്ചയായും ഗൗരവമുള്ള അവസരങ്ങളില്‍ ഏറെ യോജിക്കുന്നത് മങ്ങിയ നിറങ്ങളാണ്. ഉദാ: അഭിമുഖ പരീക്ഷകള്‍

അണുബാധയുണ്ടാകാതെ നോക്കാം

സലൂണിലെ ഉപകരണങ്ങള്‍ അണുബാധാ വിമുക്തമാണെന്ന് ഉറപ്പു വരുത്തണം. സ്വന്തമായി ഉപകരണങ്ങള്‍ കൊണ്ടു പോകുന്നവരും ഉണ്ട്. മാനിക്യൂറിനു ശേഷം ചൊറിച്ചിലോ പുകച്ചിലോ ഉണ്ടായാല്‍ അപ്പോള്‍ തന്നെ അവരോട് വിവരം പറയുക. നഖങ്ങള്‍ ചുവന്ന് തടിച്ചു വരുകയോ കൂടുതല്‍ അസ്വസ്ഥതയോ തോന്നിയാല്‍ ഡോക്ടറെയ കാണണം.

കുഴിനഖത്തിന് പ്രത്യേക പരിചരണം

പുറത്തേക്ക് വളരുന്ന നഖങ്ങള്‍ക്ക് താങ്ങു നല്കുന്നതിന് കടലാസ് പട്ട നല്കാം.ആദ്യം തന്നെ ബേസ് കോട്ട് നല്കുകയാണ് വേണ്ടത്. ഒരേ പോളീഷുപയോഗിച്ച് പട്ടയും നഖവും പോളീഷ് ചെയ്യാം. കുഴിനഖം കഠിനമാണെങ്കില്‍ ഡോക്ടറെ കാണാന്‍ മടിക്കണ്ട.

യു.വി അപകടകാരിയല്ല

കൈവിരലുകള്‍ ഇടയ്ക്കിടെ അള്‍ട്രാ വയലറ്റ് രശ്മികളുടെ കീഴില്‍ വച്ച് മാനിക്യൂര്‍ ചെയ്യുന്നത് നഖത്തിന്റെ ആരോഗ്യത്തിന് നന്നെല്ലെന്ന വാദം അത്ര ശരിയല്ല. വെയിലു കൊള്ളിച്ച് കറുപ്പിക്കാനുപയോഗിക്കുന്ന സൂര്യ രശ്മിയിലെ യു.വി രശ്മികളുടെ അത്ര കാഠിന്യം മാത്രമേ ഇവയ്ക്കുമുള്ളൂ. ചുളിവുകളോ, ത്വക്ക് രോഗങ്ങളോ ഇതു മൂലം വരില്ല. സണ്‍സ്‌ക്രീന്‍ ലോഷന്‍ കൈയ്യില്‍ പുരട്ടിയാല്‍ മതിയാകും.

മാനിക്യൂര്‍ എപ്പോള്‍

മുഖംപോലെ മിനുക്കി സൂക്ഷിക്കേണ്ടവയാണ് കൈനഖങ്ങള്‍. നഖസൗന്ദര്യം മൊത്തത്തിലുള്ള അഴക് വര്‍ധിപ്പിക്കമെന്നതില്‍ ഇന്നാര്‍ക്കും സംശയംതെല്ലുമില്ല. അതിനാല്‍തന്നെ കൈവിരലുകളുടെയും നഖങ്ങളുടെയും സൗന്ദര്യം നിലനിര്‍ത്താന്‍ ഏറെ ശ്രദ്ധചെലുത്തുന്നവരാണ് എല്ലാവരും.

നഖ സൗന്ദര്യം സംരക്ഷിക്കുന്നതിനെക്കുറിച്ച് എപ്പോഴാണ് ചിന്തിച്ചുതുടങ്ങേണ്ടത്? കൗമാരത്തില്‍ ഇതിനുള്ള തയ്യാറെടുപ്പ് തുടങ്ങാം. മിക്ക സലൂണുകളും സുരക്ഷിതമാണ്. ചിലയിടങ്ങളില്‍ കുട്ടികള്‍ക്കായി പ്രത്യേക സേവനവുമുണ്ട്.

നോക്കൂ നഖകാന്തി

ആരു കണ്ടാലും രണ്ടാമതൊന്നു നോക്കണം. സുന്ദരിയാകാന്‍ ആഗ്രഹിക്കുന്ന എല്ലാവരുടെയും മനസിലുള്ള സ്വകാര്യമാണത്. മുഖം സുന്ദരമാകണമെന്ന് ആഗ്രഹിക്കുമ്ബോഴും പലരും കൈവിരലുകളിലും നഖങ്ങളിലും അത്ര ശ്രദ്ധ നല്‍കാറില്ല. നല്ല ഭംഗിയുള്ള വിരലുകളും നഖങ്ങളും ആരുടേയും ശ്രദ്ധയാകര്‍ഷിക്കും. സുന്ദരമായ നഖങ്ങള്‍ സ്ത്രീ സൗന്ദര്യത്തിന്റെ ലക്ഷണമൊത്ത കാഴ്‌ച തന്നെ. ആരോഗ്യത്തിന്റെ പിങ്ക് നിറം വിരലുകളുടെ മുന്നറ്റത്തുള്ള മാംസം വരെയുള്ള നഖഭാഗത്തെ നെയില്‍ പ്ളേറ്റ് എന്നുപറയും. നെയില്‍ പ്ളേറ്റ് കഴിഞ്ഞ് മാംസത്തില്‍ നിന്നും വിട്ടു നില്‍ക്കുന്ന ഭാഗമാണ് ഫ്രീ എഡ്‌ജ്. ഈ ഫ്രീ എഡ്‌ജ് ആണ് നാം വെട്ടി രൂപഭംഗി വരുത്തുന്നത്. നഖങ്ങള്‍ മാസത്തില്‍ 2 മില്ലീമീറ്ററോളം വളരും. നല്ല ആരോഗ്യമുള്ള നഖത്തിന് പിങ്ക് നിറമായിരിക്കും. ഒരു നഖം പൂര്‍ണമായ വളര്‍ച്ച എത്തുന്നതിന് 6 മാസം വേണം. നഖം മാംസത്തില്‍ നിന്ന് വിട്ടുകഴിഞ്ഞാല്‍ പിന്നെ നിര്‍ജ്ജീവ വസ്തുവാണ്. നഖങ്ങളുടെ ശാസ്ത്രീയനാമം ഒനിക്സ് എന്നാണ്. നഖത്തെക്കുറിച്ച്‌ പഠിക്കുന്നതിന് ഒനിക്കോളജി എന്നുപറയും. കാത്സ്യം വേണം, അയണും നഖത്തിന്റെ ആരോഗ്യത്തിന് കാത്സ്യവും അയണും അത്യാവശ്യമാണ്. ഇത് ആഹാരത്തില്‍ഉള്‍പ്പെടുത്തുക. എല്ലാവരുടേയും നഖത്തിന്റെ ഷേപ്പും ആരോഗ്യവും ഒരുപോലെ ആയിരിക്കില്ല. ചില നഖങ്ങള്‍ പരന്നും കുറുകിയും മാംസത്തോട് ചേര്‍ന്നും കാണപ്പെടും. പാരമ്ബര്യമാണത്. അവയെ വളര്‍ത്തി പരിപാലിച്ചതിനുശേഷം നെയില്‍കട്ടറും നെയില്‍ഫില്ലറും ഉപയോഗിച്ച്‌ കട്ട് ചെയ്ത്, ഫില്ലു ചെയ്ത് ആകൃതിക്കനുസരിച്ച്‌ ഷേപ്പ് ആക്കുകയാണ് ചെയ്യുന്നത്. ഇത് വളരെ സാവധാനം സമയമെടുത്ത് ചെയ്യേണ്ടതാണ്. ആഴ്ചയില്‍ ഒരുദിവസം 2 മണിക്കൂര്‍ ഇതിനായി വിനിയോഗിക്കുക. കാല്‍നഖ പരിചരണം കൈനഖങ്ങള്‍ പോലെ പ്രധാനമാണ് കാല്‍നഖങ്ങളും. നഖങ്ങള്‍ നീട്ടിവളര്‍ത്തുകയാണെങ്കിലും അല്ലെങ്കിലും ഓവല്‍ഷേപ്പ് ആണ് നല്ലത്. നഖങ്ങള്‍ ഒരിക്കലും മാംസത്തോടു ചേര്‍ത്തുവച്ച്‌ മുറിക്കരുത്. നഖങ്ങള്‍ക്കരികിലുള്ള ക്യൂട്ടിക്കിള്‍ കട്ട്ചെയ്തുമാറ്റണം. നാം സ്ഥിരമായി ഉപയോഗിക്കുന്ന ഡിറ്റര്‍ജന്റുകളും രാസവസ്തുക്കളും മണ്ണും പൊടിയും അഴുക്കും വെള്ളവും എല്ലാം നഖത്തിന്റെ ദോഷകാരികളാണ്. നഖത്തില്‍ ഈര്‍പ്പം തങ്ങിനില്‍ക്കാതെ ശ്രദ്ധിക്കേണ്ടത് അത്യാവശ്യമാണ്. നഖങ്ങള്‍ക്കുണ്ടാകുന്ന രോഗങ്ങളെ ഒനിക്കോസിസ് എന്നു പറയും. മസാജിന്റെ മേന്മ വാസലിനോ പെട്രോളിയം ജെല്ലിയോ ഉപയോഗിച്ച്‌ ദിവസവും മസാജുചെയ്യുന്നത് നഖങ്ങളുടെ ആരോഗ്യം വര്‍ദ്ധിപ്പിക്കും. കുഴിനഖം, നഖം പിളരുക, നഖങ്ങള്‍ ചതഞ്ഞ് നഖങ്ങള്‍ക്കിടയില്‍ രക്തം കെട്ടിക്കിടക്കുക, നഖം മാംസത്തില്‍ നിന്ന് വിട്ടുവളരുക എന്നിങ്ങനെ നഖങ്ങള്‍ക്കുണ്ടാകുന്ന കേടുപാടുകള്‍ അനവധിയാണ്. നഖത്തിന്റം ചികിത്സയ്ക്ക് മൈലാഞ്ചി ഇലയും പ്ളാവിലത്തണ്ടും കസ്തൂരി മഞ്ഞളും ചേര്‍ത്തരച്ച്‌ ഇട്ടാല്‍ കുഴിനഖം ശമിക്കുന്നതാണ്. നാരങ്ങ തുളച്ചിടുന്നതും നന്നായിരിക്കും. നഖം പിളരുകയോ പൊട്ടിപ്പോകുയോ ചതയുകയോ ചെയ്യുന്നതിന് ബേബി ഓയിലും വെളുത്ത അയഡിനും സമം ചേര്‍ത്ത് നഖത്തിലും ചുറ്റുമുള്ള ചര്‍മ്മത്തിലും പുരട്ടേണ്ടതാണ്. മൈലിഞ്ചിയിലയിട്ട് തിളപ്പിച്ച ചെറുചൂടുവെള്ളത്തില്‍ കാലിറക്കി 10 മിനിട്ടു വയ്‌ക്കുക. നഖങ്ങള്‍ ബ്രഷുചെയ്തു കഴുകി തുടച്ചതിനുശേഷം കാസ്റ്റര്‍ ഓയിലും ഒലിവോയിലും വെളുത്ത അയഡിനും ചേര്‍ത്ത് മാംസത്തോടു ചേര്‍ത്ത് പതിയെ മസാജു ചെയ്യുക. ചതഞ്ഞരഞ്ഞ നഖത്തിനുള്ള പരിചരണമാണിത്. ചൂടുചോറും ഉപ്പും കൂടി കുഴച്ച്‌ തുണികൊണ്ടു പൊതിഞ്ഞുകെട്ടി 12 മണിക്കൂര്‍ വയ്‌ക്കുക. ചതഞ്ഞരഞ്ഞ നഖത്തിനുള്ള പ്രതിവിധിയാണ്. നഖം മാംസത്തില്‍ നിന്നും വിട്ടുവളരുകയാണെങ്കില്‍ ചെറിയൊരു സര്‍ജറിമൂലം അത് നേരെയാക്കാം. മാസത്തിലൊരിക്കല്‍ മാനിക്യൂര്‍, പെഡിക്യൂര്‍ എന്നിവ ചെയ്യുന്നത് നഖത്തിന്റെ ആരോഗ്യം വര്‍ദ്ധിപ്പിക്കും. നഖത്തില്‍ പോളീഷ് ചെയ്യുമ്ബോള്‍ ഒരു ബേസ്കോട്ട് കൊടുത്തതിനുശേഷം രണ്ടാമത് ഒരു കോട്ടുകൂടി കൊടുക്കണം. ശ്രദ്ധിക്കേണ്ട കാര്യങ്ങള്‍ * നെയില്‍പോളീഷ് ഇളക്കി മാറ്റാനായി ബ്ലേഡോ, പിന്നോ, കത്തിയോ ഉപയോഗിക്കരുത്. ഇങ്ങനെ ചെയ്താല്‍ നഖത്തിന്റെ ഇനാമല്‍ നഷ്ടപ്പെടാന്‍ കാരണമാകും. നെയില്‍ പോളീഷ് റിമൂവര്‍ ഉപയോഗിച്ച്‌ തുടച്ചുമാറ്റുന്നതാണ് നല്ലത്. *സ്ഥിരമായുള്ള റിമൂവറിന്റെ ഉപയോഗവും വിലകുറഞ്ഞ നെയില്‍ പോളീഷും നഖങ്ങള്‍ക്ക് കേടുവരുത്തും. *നഖങ്ങള്‍ ഒരിക്കലും കടിച്ചുമുറിക്കരുത്. നീട്ടിവളര്‍ത്തിയ നഖങ്ങള്‍ക്കിടയില്‍ അഴുക്കും എണ്ണമയവും കയറാന്‍ സാദ്ധ്യതയുണ്ട്. അത് അണ്ടര്‍നെയില്‍ ഡെര്‍ട്ട് റിമൂവര്‍ ഉപയോഗിച്ച്‌ എടുത്തുമാറ്റാവുന്നതാണ്. *വലതുകൈയില്‍ ഒരിക്കലും നഖം നീട്ടിവളര്‍ത്തരുത്. അത് ദൈനംദിന പ്രവര്‍ത്തനങ്ങള്‍ക്ക് തടസ്സമാകും. നഖത്തിന്റെ ആരോഗ്യത്തിന് ഈസ്റ്റ് കഴിക്കുന്നത് നല്ലതാണ്. സിങ്ക്, ഫോസ്‌ഫറസ് ഇവയെല്ലാം ഈസ്റ്റില്‍ സമ്ബുഷ്ടമാണ്. ആഹാരസാധനങ്ങളിലോ പാല് ഈസ്റ്റ് ചേര്‍ത്ത് പുളിപ്പിച്ചോ ഉപയോഗിക്കാം. *പാല്, മത്സ്യം, കരള്‍, പച്ചക്കറികള്‍, നെല്ലിക്ക, മുട്ട ഇവ ഭക്ഷണത്തില്‍ ഉള്‍പ്പെടുത്തുക. ആപ്പിള്‍ ജ്യൂസ് കഴിക്കുന്നത് നഖത്തിന്റെ ആരോഗ്യത്തിന് നല്ലതാണ്. നഖങ്ങള്‍ക്ക് ഭംഗി പോരാ എന്നുള്ളവര്‍ക്ക് കൃത്രിമനഖങ്ങള്‍ നഖങ്ങള്‍ക്കു മുകളില്‍ ഒട്ടിച്ചുവയ്ക്കാം. ഈ പ്ളാസ്റ്റിക് നഖങ്ങള്‍ സ്ഥിരമായി ഉപയോഗിക്കരുത് എന്നുമാത്രം. സ്ഥിരമായി ഉപയോഗിച്ചാല്‍ ഇതിലെ രാസവസ്തുക്കള്‍ യഥാര്‍ത്ഥ നഖത്തിന്റെ ആരോഗ്യത്തെ തകര്‍ക്കും.

പ്രമേഹരോഗികളുടെ കാല്‍പ്പാദങ്ങള്‍ക്ക് വേണം പ്രത്യേക പരിചരണം

രക്തത്തിലെ പഞ്ചസാരയുടെ അളവ് കൂടുന്ന അവസ്ഥയാണ് പ്രമേഹം. ദീര്‍ഘകാലം ശരീരത്തെ ആക്രമിക്കുന്ന ഒരു രോഗം കൂടിയാണിത്.കാലങ്ങളായി രക്തത്തില്‍ അധിക ഗ്ലൂക്കോസ് നിലനില്‍ക്കുന്നത് നാഡികളെ തകരാറിലാക്കുന്ന ന്യൂറോപതി ഉള്‍പ്പടെ പല ശാരീരിക പ്രശ്‌നങ്ങള്‍ക്കും കാരണമാകും. പ്രമേഹം മൂലമുണ്ടാകുന്ന പല ശാരീരികഅവസ്ഥകളും ആദ്യഘട്ടത്തില്‍ തിരിച്ചറിയാതെ പോകും.

പ്രമേഹരോഗികളുടെ കാല്‍പ്പാദങ്ങള്‍ക്ക് പ്രത്യേക പരിചരണം ആവശ്യമാണ്. പ്രമേഹരോഗിയുടെ ശരീരത്തിലെ ചെറിയ മുറിവുകളും പോറലുകളും പോലും കൈകാലുകള്‍ മുറിച്ചു കളയുന്ന അവസ്ഥയിലേക്ക് എത്തിക്കും.

സെന്‍സറി ഡയബറ്റിക് ന്യൂറോപതി

 

അനിയന്ത്രിതമായ പ്രമേഹം സെന്‍സറി ഡയബറ്റിക് ന്യൂറോപതി എന്ന അവസ്ഥയ്ക്ക് കാരണമാകും. പ്രമേഹം കാലിലെ നാഡികളെ നശിപ്പിക്കുന്നത് മൂലം കാല്‍പ്പാദങ്ങള്‍ക്ക് തണുപ്പ്, ചൂട്, വേദന എന്നിവ തിരിച്ചറിയാന്‍ കഴിയാത്ത അവസ്ഥയാണിത്.

ചെറിയ അശ്രദ്ധ പോലും വലിയ അപകടത്തിലേക്ക് നയിക്കും. കാലുകളില്‍ ഉണ്ടാകുന്ന ചെറിയൊരു പോറല്‍ പോലും അണുബാധയ്ക്ക് കാരണമാകും. ഇത് ഉണങ്ങാതെ വ്രണമായി മാറും. നാഡീതകരാറുകള്‍ മൂലം കാലുകളിലെ പേശികള്‍ പ്രവര്‍ത്തിക്കാതെ വരിക. കാലില്‍ പ്രത്യേക ഭാഗങ്ങളില്‍ സമ്മര്‍ദ്ദം കൊടുക്കാന്‍ കഴിയാതെ വരിക തുടങ്ങിയ പ്രശ്‌നങ്ങള്‍ ഈ രോഗം മൂലം ഉണ്ടാകും.

പെരിഫറല്‍ വാസ്‌കുലാര്‍ ഡിസീസ്

 

അധിക ഗ്ലൂക്കോസ് നില രക്തക്കുഴലുകളെ നശിപ്പിക്കുന്നതും പ്രമേഹരോഗികളില്‍ കാല്‍പ്പാദ രോഗങ്ങള്‍ക്കിടയാക്കുന്നു. പെരിഫറല്‍ വാസ്‌കുലാര്‍ ഡിസീസ് എന്ന ഈ അവസ്ഥ പാദങ്ങളിലേക്കുള്ള രക്തത്തിന്റെ ഒഴുക്കിന് തടസമുണ്ടാക്കുന്നു. പാദങ്ങളിലേക്കുള്ള രക്തത്തിന്റെ ഒഴുക്ക് കുറയുന്നത് മൂലം കാലിലെ ടിഷ്യൂകള്‍ നശിക്കുകയും മുറിവുകള്‍ ഉണങ്ങാന്‍ കൂടുതല്‍ സമയമെടുക്കുകയും ചെയ്യുന്നു. കാലുകളില്‍ അള്‍സര്‍ ഉണ്ടാകുന്നതിനും ഇത് കാരണമാകുന്നു.കാല്‍പ്പാദങ്ങളെ ആക്രമിക്കുന്ന മറ്റ് രോഗങ്ങളും പ്രമേഹത്തിന്റെ സാന്നിധ്യത്തില്‍ മൂര്‍ച്ഛിക്കും.

പാദരോഗ ലക്ഷണങ്ങള്‍

പാദങ്ങളില്‍ ഉണ്ടാകുന്ന ചെറിയ മാറ്റങ്ങള്‍ പോലും അവഗണിക്കാതെ വേണ്ട പരിചരണം നല്‍കിയാല്‍ പ്രമേഹം കൊണ്ടുണ്ടാകുന്ന വലിയ അപകടങ്ങളില്‍ നിന്നും രക്ഷ നേടാം.

കാലുകളിലേക്കുള്ള രക്തത്തിന്റെ ഒഴുക്ക് കുറഞ്ഞാല്‍ വേദന, ചര്‍മ്മത്തിന് അസാധാരണമായ തിളക്കവും മൃദുത്വവും, കാലുകളിലെയോ പാദങ്ങളിലെയോ രോമം കൊഴിയുക, കാലിലെ നഖങ്ങളുടെ കട്ടി കൂടുക, പാദങ്ങള്‍ തണുത്ത് വിളറിയിരിക്കുക, കാലുകള്‍ക്ക് നിറംമാറ്റം ഉണ്ടാകുക, മുറിവുകള്‍ എന്നിവ അനുഭവപ്പെട്ടേക്കാം.

മറ്റ് പാദരോഗങ്ങള്‍ ഉണ്ടെങ്കില്‍ മറ്റ് ചില ലക്ഷണങ്ങള്‍ കൂടി ദൃശ്യമാകും.

 

  • പാദങ്ങളില്‍ തരിപ്പ്, സൂചി കുത്തുന്നതു പോലെയുള്ള വേദന
  • മരവിപ്പ്
  • വേദന
  • പാദങ്ങള്‍ വിയര്‍ക്കാത്ത അവസ്ഥ
  • പാദങ്ങളില്‍ ചുവപ്പ് ദൃശ്യമാകുക, ചൂട് അനുഭവപ്പെടുക.
  • പാദത്തിന്റെ രൂപമാറ്റം
  • പാദങ്ങളിലെ ത്വക്ക് കട്ടിയുള്ളതാകുക

പാദപരിചരണത്തിനായി അല്‍പനേരം

 

കാലുകള്‍ക്ക് നിരന്തര പരിചരണം ആവശ്യമാണ്. നിങ്ങളൊരു പ്രമേഹരോഗിയാണെങ്കില്‍ പ്രത്യേകിച്ച്. സാധാരണ നിങ്ങള്‍ അവഗണിക്കുന്ന കാലുകളിലെ ചെറിയ പ്രശ്‌നങ്ങള്‍ പോലും പ്രമേഹരോഗികളില്‍ കടുത്ത പ്രത്യാഘാതം ഉണ്ടാക്കും.

ദിവസവും കാലുകളുടെ പരിചരണത്തിനായി കുറച്ച് സമയം കണ്ടെത്തുക. പാദങ്ങളില്‍ അസ്വാഭാവികതകള്‍ ഇല്ലെന്ന് ഉറപ്പ് വരുത്തുക. പാദങ്ങളുടെ അടിവശം ദൃശ്യമല്ലെങ്കില്‍ കണ്ണാടി ഉപയോഗിക്കുക. ദിവസവും സോപ്പ് ഉപയോഗിച്ച് ചൂടുവെള്ളത്തില്‍ കാലുകള്‍ കഴുകുക. കാലുകളിലെ നനവ് പ്രത്യേകിച്ച് വിരലുകള്‍ക്കിടയില്‍ ഉള്ളത് തുണി കൊണ്ട് തുടച്ച് വൃത്തിയാക്കുക. കാലുകളില്‍ മോയ്‌സുചൈറേസഷന്‍ ക്രീം പുരട്ടുക(വിരലുകള്‍ക്കിടയില്‍ പുരട്ടേണ്ടതില്ല).

മുറിവ് പറ്റിയാല്‍ അത് അവഗണിക്കാതെ മരുന്ന് വെക്കുകയോ ഡോക്ടറെ കാണുകയോ ചെയ്യുക. ആഴ്ചയില്‍ ഒരു തവണയെങ്കിലും നഖം വെട്ടുക. നഖങ്ങളുടെ അറ്റവും വശങ്ങളും വൃത്തിയാക്കാന്‍ കൂര്‍ത്ത അറ്റങ്ങളുള്ള വസ്തുക്കള്‍ ഉപയോഗിക്കാതിരിക്കുക.

കാലുകളുടെ വലുപ്പത്തിനനുസരിച്ചുള്ള പാദുകങ്ങള്‍ ധരിക്കുക. തണുപ്പ് കൂടുന്ന അവസരങ്ങളില്‍  കാലുറകള്‍ ധരിക്കുക.

പുകവലിയും പ്രമേഹവും പരസ്പര വൈരികളാണ്. പ്രമേഹരോഗികളിലെ പുകവലി രക്തചംക്രമണത്തെയും പാദരോഗങ്ങളെയും ബാധിക്കും.

അഴകും ആരോഗ്യവുമുള്ള പാദങ്ങള്‍ക്ക് പെഡിക്യൂര്‍...

 

പെഡിക്യൂര്‍ ബ്യൂട്ടി പാര്‍ലറില്‍ പോയി ചെയ്യേണ്ട ഒന്നാണെന്നാണ് മിക്കവരുടേയും ധാരണ. എന്നാല്‍, കാലുകള്‍ക്ക് നല്‍കേണ്ട സൗന്ദര്യ സംരക്ഷണം മാത്രമല്ല ആരോഗ്യ പരിചരണം കൂടിയാണ് പെഡിക്യൂര്‍. പാദങ്ങള്‍ക്ക് വീട്ടില്‍ തന്നെ പെഡിക്യൂര്‍ ചെയ്യുന്നത് ശീലമാക്കാം.

സ്ഥിരമായി പെഡിക്യൂര്‍ ചെയ്യുന്നത് കാലുകളിലെ മൃതകോശങ്ങള്‍ നീക്കം ചെയ്ത് കാലുകളെ മൃദുവാക്കും. മഞ്ഞുകാലത്ത് ഇതൊരു അത്യാവശ്യ സൗന്ദര്യ സംരക്ഷണമാണ്.

ആഴ്ചയില്‍ രണ്ട് ദിവസമെങ്കിലും പെഡിക്യൂര്‍ ചെയ്യണം. തുടക്കം നഖങ്ങള്‍ മുറിച്ചു കൊണ്ടാകാം. നെയില്‍ കട്ടര്‍ കൊണ്ട് ഇരുവശവും ആദ്യവും പിന്നീട് നടുഭാഗവും എന്ന ക്രമത്തില്‍ നഖങ്ങളുടെ അറ്റം അല്‍പം വളഞ്ഞിരിക്കുന്ന രീതിയില്‍ നഖം മുറിക്കാം. നെയില്‍ പോളീഷ് ഉണ്ടെങ്കില്‍ റിമൂവര്‍ ഉപയോഗിച്ച് അവ നീക്കം ചെയ്യണം.

കാലുകള്‍ കഴുകി തുടച്ച ശേഷം എണ്ണയോ ഏതെങ്കിലും മോയ്സ്ചറൈസിങ് ക്രീമോ ഉപയോഗിച്ച് കാലുകള്‍ മസാജ് ചെയ്യുക. ഉപ്പൂറ്റി, വിരലുകള്‍, വിരലിടകള്‍ എന്നിവ നന്നായി മസാജ് ചെയ്യണം.

കട്ടിലില്‍ ഇരുന്ന ശേഷം ഉരുണ്ട റൂള്‍തടിയോ, പൈപ്പോ നിലത്ത് വച്ച് കാല്‍ ചവുട്ടി സാവധാനം ഉരുട്ടുന്നത് കാല്‍പാദങ്ങള്‍ക്ക് മസാജ് നല്‍കും. കാലുകള്‍ മുന്നോട്ടും പിന്നോട്ടും വട്ടത്തിലും സ്ട്രെച്ച് ചെയ്യുക.

ഒരു ചെറിയ ബേസിനില്‍ ഇളം ചൂട് വെള്ളമെടുത്ത് പാദങ്ങള്‍ 5-10 മിനിറ്റ് മുക്കി വയ്ക്കുക. ഈ വെള്ളത്തില്‍ ഡെഡ് സീ സാള്‍ട്ട് ചേര്‍ക്കുന്നത് നല്ലതാണ്. സാധാരണ ഉപ്പും നാരങ്ങാനീരും കലര്‍ത്തുന്നതും ഗുണം ചെയ്യും. ഉപ്പ്, കാലിലെ ചെറിയ മുറിവുകളും അണുബാധകളും കുറയ്ക്കുകയും നാരങ്ങാനീര് മൃദുത്വം നല്‍കുകയും ചെയ്യും.

ഇതിന് ശേഷം ഫുട് സ്ക്രബ് ഉപയോഗിച്ച് കാലുകള്‍ മൃദുവായി ഉരസുക. മൃതകോശങ്ങള്‍ ഇതിലൂടെ നീക്കം ചെയ്യാം. വൃത്താകൃതിയില്‍ വേണം സ്ക്രബ് കൊണ്ട് ഉരസാന്‍. സ്ക്രബ് ചെയ്യാന്‍ മൃദുവായ ലിക്വിഡ് സോപ്പും പ്യൂമിസ് സ്റ്റോണും ഉപയോഗിക്കാം.

കാല്‍ കഴുകി തുടച്ച ശേഷം മോയിസ്ചറൈസിങ് ക്രീമോ ഫുട് ക്രീമോ ഉപയോഗിക്കാം. കാലുകള്‍ക്കായി പ്രത്യേകമായി തയ്യാറാക്കിയ ക്രീമുകള്‍ പുരട്ടുന്നത് നന്നായിരിക്കും.

സൗന്ദര്യം അറിയാൻ പാദങ്ങളിലേക്കു നോക്കാം...

 

മുഖം അതിസുന്ദരമായി സൂക്ഷിക്കുന്നവര്‍ പോലും കാല്‍പാദങ്ങളെ അവഗണിക്കുന്ന പൊതുസ്വഭാവമാണ്. ഉപ്പൂറ്റി വിണ്ടുകീറി, പാദങ്ങള്‍ വരണ്ടുണങ്ങിയിരുന്നാല്‍ എത്ര ചമഞ്ഞൊരുങ്ങി നടന്നിട്ടും എന്തു കാര്യം! അതുകൊണ്ടാണ് സൗന്ദര്യം അറിയണമെങ്കില്‍ പാദങ്ങളിലേക്കു നോക്കണം എന്നൊരു സൗന്ദര്യ നിരീക്ഷകന്‍ പണ്ടേ പറഞ്ഞുവച്ചത്.

ഉപ്പൂറ്റി വിണ്ടുകീറലാണു പാദങ്ങള്‍ നേരിടുന്ന വലിയൊരു പ്രശ്നം. ഇതിനു പ്രതിവിധിയായി ഒട്ടേറെ ക്രീമുകള്‍ ഇപ്പോള്‍ വിപണിയിലുണ്ട്. കാണുന്നതെല്ലാം പരീക്ഷിക്കും മുമ്പ് വിദഗ്ധാഭിപ്രായം തേടുന്നതാണു നല്ലത്. വീട്ടിലിരുന്നു ചെയ്യാവുന്ന ചികില്‍സ ഇതാ: മുട്ടയുടെ വെള്ളയും ഗ്ലിസറിനും സമം ചേര്‍ത്തു പുരട്ടുക. പച്ചമഞ്ഞളും കറിവേപ്പിലയും അരച്ചു പുരട്ടിയ ശേഷം ഉണങ്ങുമ്പോള്‍ പാദങ്ങള്‍ ഉരച്ചുകഴുകുന്നതു ഫലപ്രദമായ മറ്റൊരു നാടന്‍ ചികില്‍സയാണ്. 

പാദങ്ങള്‍ വൃത്തിയായി പരിചരിച്ചാല്‍ വിണ്ടുകീറല്‍ വരാതെ നോക്കാം. വരണ്ട ത്വക്കുള്ളവര്‍ പാദങ്ങള്‍ക്കു പ്രത്യേക പരിചരണം നല്‍കണം. കുളിക്കുംമുമ്പ് പാദങ്ങളില്‍ വെളിച്ചെണ്ണയോ നല്ലെണ്ണയോ പുരട്ടണം. കുളി കഴിഞ്ഞാല്‍ മോയ്സ്ചറൈസര്‍ അടങ്ങിയ ക്രീം കൊണ്ട് മസാജ് ചെയ്യണം. രാത്രി ഉറങ്ങും മുമ്പ് പാദങ്ങള്‍ സോപ്പ് ഉപയോഗിച്ചു കഴുകി വൃത്തിയാക്കിയ ശേഷം ബേബി ഒായില്‍ പുരട്ടുക. ദിവസവും ഉപ്പൂറ്റി പ്യുമിക്സ്റ്റോണ്‍ ഉപയോഗിച്ച് ഉരച്ചുകഴുകണം. 

കാല്‍പാദങ്ങള്‍ വൃത്തിയുള്ളതായി സൂക്ഷിkക്കുന്നതുപോലെ നഖങ്ങള്‍ യഥാസമയം വെട്ടി അതിനിടയിലെ അഴുക്ക് എന്നും നീക്കം ചെയ്യാനും ശ്രദ്ധിക്കണം. നല്ലതു പോലെ സോപ്പ് തേച്ച ശേഷം പഴയ ടൂത്ത് ബ്രഷ് കൊണ്ട് നഖങ്ങള്‍ക്കിടയില്‍ അഴുക്ക് നീക്കാം. ഷൂസ് പോലെ പാദങ്ങള്‍ മൂടി നില്‍ക്കുന്ന ചെരിപ്പ് ഉപയോഗിക്കുന്നവര്‍ വീട്ടില്‍ വെറുതെയിരിക്കുമ്പോള്‍ ചെരിപ്പ് ഉപയോഗിkക്കാതെ പാദങ്ങളെ കാറ്റും വെളിച്ചവുമേല്‍ക്കാന്‍ അനുവദിക്കണം. വേനല്‍ക്കാലത്ത് കാലുകള്‍ നന്നായി വിയര്‍ക്കും. 

വായു സഞ്ചാരമില്ലാത്ത പാദരക്ഷകളാണ് ഉപയോഗിക്കുന്നതെങ്കില്‍ വിയര്‍പ്പ് കെട്ടിനിന്നു ചര്‍മ രോഗങ്ങള്‍ക്കു സാധ്യതയുണ്ട്. ഫംഗസ് ബാധയാണു പ്രധാന വില്ലന്‍. പാദരക്ഷ ഇടുംമുമ്പ് കാലുകള്‍ വൃത്തിയായി കഴുകിത്തുടച്ച് പൌഡര്‍ ഇടുന്നതു വിയര്‍പ്പ് നിയന്ത്രിക്കും. ഇടയ്ക്കു പാദരക്ഷകളില്‍ നിന്നു കാലിനെ സ്വതന്ത്രമാക്കണം.സോക്സ് ഉപയോഗിക്കുന്നവര്‍ ദിവസവും അതു മാറ്റണം. കാലിനു കൃത്യമായ അളവിലുള്ളതാകണം പാദരക്ഷ. ഫാഷന്‍ അല്ല, കാലിന് ഏറ്റവും കംഫര്‍ട്ടബ്ള് എന്നതാകണം ചെരിപ്പ് തിരഞ്ഞെടുക്കുന്നതിലെ മാനദണ്ഡം.

മാസത്തിലൊരിക്കല്‍ പെഡിക്യൂര്‍ ചെയ്യുന്നതു കാലിനെ സുന്ദരമാക്കും. വീട്ടിലിരുന്നു ചെയ്യാവുന്ന ചെറിയൊരു പെഡിക്യൂര്‍ ഇതാ: ചെറു ചൂടുവെള്ളത്തില്‍ ലെമണ്‍ ഷാംപൂവും ഡെറ്റോളും ഗിസറിനും ചേര്‍ത്ത ശേഷം ഇതില്‍ ഇരുപത് മിനിറ്റ് പാദങ്ങള്‍ മുക്കിവയ്ക്കുക. അതിനു ശേഷം പ്യൂമിക് സ്റ്റോണ്‍ ഉപയോഗിച്ചു ഉപ്പൂറ്റി ഉരച്ചു നിര്‍ജീവ കോശങ്ങളെ നീക്കുക. നഖങ്ങള്‍ക്കിടയിലെ അഴുക്ക് ബ്രഷ് കൊണ്ടു നീക്കുക. കാലുകള്‍ കഴുകിയ ശേഷം ക്ളെന്‍സിങ് മില്‍ക്ക് ഉപയോഗിച്ചു മസാജ് ചെയ്യുക. ഇനി തുടച്ചു വൃത്തിയാക്കി നഖങ്ങളില്‍ ഇണങ്ങുന്ന നിറത്തിലുള്ള നെയില്‍ പോളിഷ് പുരട്ടാം. ഇത് ആഴ്ചയിലൊരിക്കല്‍ പതിവായി ചെയ്യുക.

വസ്ത്രങ്ങൾക്കിണങ്ങും പാദരക്ഷകൾ...

 

പാദരക്ഷകള്‍ വ്യത്യസ്ത നിറത്തിലും തരത്തിലും ഫാഷനിലും ഇന്ന് വിപണിയില്‍ നിറയുകയാണ്. മിക്കവരും ഭംഗി മാത്രം നോക്കി ചെരിപ്പു വാങ്ങുന്നവരാണ്. ഈ പ്രവണത തെല്ലും ശരിയല്ല. ഭംഗി വേണ്ടെന്നല്ല. എന്നാല്‍ അതിനെക്കാള്‍ പ്രാധാന്യം കല്‍പിക്കേണ്ടത് സൗകര്യത്തിനും ധരിക്കുമ്പോഴുള്ള യോജിപ്പിനുമാണ്. ചെരിപ്പു വാങ്ങാന്‍ വൈകുന്നേരങ്ങളില്‍ പോകുന്നതാണ് ഉത്തമം. കാരണം ഈ സമയത്ത് കാലുകള്‍ക്ക് തെല്ലു വികാസം ഉണ്ടാകും. അതിന് യോജിച്ച രീതിയില്‍ വാങ്ങിയാല്‍ പിന്നീട് ഇടുമ്പോള്‍ വീര്‍പ്പുമുട്ടല്‍ അനുഭവിക്കേണ്ടി വരില്ല. ഫ്ലാറ്റ്, പ്ളാറ്റ്ഫോം ബോട്ടം ചെരിപ്പുകളാണ് സ്ഥിരോപയോഗത്തിന് നന്ന്. ഏറെ സെന്‍സിറ്റീവായ ചര്‍മമാണ് നിങ്ങളുടേതെങ്കില്‍ നേര്‍ത്ത ഒന്നോ രണ്ടോ വള്ളികളുള്ള ചെരിപ്പു തിരഞ്ഞെടുക്കുക. അല്ലെങ്കില്‍ കാലില്‍ ചെരിപ്പിന്റെ തഴമ്പുണ്ടായേക്കാം. 

ധരിക്കുന്ന വസ്ത്രങ്ങള്‍ക്കിണങ്ങും വിധമായിരിക്കണം ചെരിപ്പു ധരിക്കേണ്ടത്. പാശ്ചാത്യ വസ്ത്രങ്ങളോടൊപ്പം (മിഡി, മിഡിസ്യൂട്ട്, കാപ്രിസ്, ജീന്‍സ് മുതലായവ) ഷൂവോ ഹാഫ് ഷൂവോ മുന്‍ഭാഗം മുഴുവനായി മൂടിയ ചെരിപ്പുകളോ ധരിക്കാം. സാരിയും ചുരിദാറും ധരിക്കുമ്പോള്‍ നേര്‍ത്ത വള്ളികളുള്ള ചെരിപ്പ് ധരിക്കാം. കോലാപ്പൂരി, രാജസ്ഥാനി ചെരിപ്പുകളും ഉപയോഗിക്കാം. 

കുര്‍ത്ത പോലുള്ള ഉത്തരേന്ത്യന്‍ വേഷങ്ങളോടൊപ്പം ഇവ നന്നായി ഇണങ്ങും. പോയിന്റഡ് ഹീല്‍ ചെരിപ്പുകള്‍ സാരിയോടൊപ്പം ധരിക്കാം. എന്നാല്‍ അവയില്‍ തടഞ്ഞ് വീഴാതിരിക്കാന്‍ ശ്രദ്ധിക്കണം. രാത്രിയിലും മറ്റുമുള്ള വിരുന്നുകള്‍ക്കായി ഗോള്‍ഡന്‍, സില്‍വര്‍ നിറങ്ങളും അലങ്കാരപ്പണികളുമുള്ള ചെരിപ്പുകള്‍ ഉപയോഗിക്കാം. ഇത്തരം അവസരങ്ങളില്‍ മുത്തുകളും നിറമുള്ള കല്ലുകളും വച്ച ചെരിപ്പുകള്‍ പാദങ്ങള്‍ക്ക് അഴകേറ്റും. വിവാഹവേളകളില്‍ വധുവിനായി ഇത്തരം ചെരിപ്പുകള്‍ തിരഞ്ഞെടുക്കാം. 

ഏതു ചെരിപ്പും ഉപയോഗിക്കാന്‍ തുടങ്ങും മുന്‍പ് വീട്ടിനുള്ളില്‍ അല്‍പ്പനേരം ഇട്ടു നടക്കുന്നത് നന്നായിരിക്കും. പുതിയ ചെരിപ്പ് ഉപയോഗിക്കുമ്പോഴുണ്ടാകുന്ന അസ്വസ്ഥതകള്‍ മാറാനും മടമ്പുയര്‍ന്ന ചെരിപ്പുകളാണെങ്കില്‍ നടക്കുമ്പോള്‍ ബാലന്‍സ് സൂക്ഷിക്കാനും ഇതു സഹായകമാകും. പല വട്ടം ഇട്ടിട്ടും ചെരിപ്പ് കാലിന് യോജിക്കുന്നില്ല എന്നുണ്ടെങ്കില്‍ അത് ഉപയോഗിക്കാതിരിക്കുകയാണു ഭംഗി. പണനഷ്ടം ആലോചിച്ച് അവ തന്നെ ഉപയോഗിച്ചാല്‍ അതു മൂലമുണ്ടാകുന്ന ശാരീരിക പ്രശ്നങ്ങള്‍ പരിഹരിക്കാന്‍ ഇരട്ടി പണം ചെലവഴിക്കേണ്ടി വരും.

കാലുകളുടെ നഷ്ട സൗന്ദര്യം വീണ്ടെടുക്കാന്‍...

 

കാലിനുവേണ്ടി കാശുമുടക്കാന്‍ പറ്റില്ല എന്നു വാശിപിടിച്ചിരിക്കല്ലേ. പൊടിയും ചെളിയും വരള്‍ച്ചയുമെല്ലാം ചേര്‍ന്നു വിണ്ടു കീറിയും വരണ്ടും പാദങ്ങള്‍ ഉറക്കം കെടുത്താന്‍ തുടങ്ങും.അല്‍പം സമയം കാലിനു കൊടുത്താല്‍ ഈ പ്രയാസം മാറിക്കിട്ടുമെന്ന കാര്യം പലരും ഓര്‍ക്കാറില്ല. വീട്ടിലെ അടുക്കളയില്‍ നിന്നുള്ള സൗന്ദര്യ വര്‍ധകങ്ങള്‍ ഉപയോഗിച്ച് ഒരു ഹോം പെഡിക്യൂര്‍, കാലുകളിലെ രക്തയോട്ടം വര്‍ധിപ്പിക്കാന്‍ അല്‍പം ഫുട്ട് മസാജ്....ഇത്രയും മതി കാലുകളുടെ നഷ്ട സൗന്ദര്യം വീണ്ടെടുക്കാന്‍.

ചെയ്യുന്ന വിധം
ഒരു വലിയ പാത്രത്തില്‍ ഇളം ചൂടുവെള്ളമെടുത്ത് അല്‍പം ഷാംപൂ ചേര്‍ത്ത് കാലുകള്‍ പത്തു മിനിറ്റ് നേരം അതില്‍ മുക്കി വയ്ക്കണം. അതിനു ശേഷം പുറത്തെടുത്ത് പ്യൂമിക് സ്റ്റോണോ ഫുട്ട് ബ്രഷോ കൊണ്ട് നന്നായി വൃത്തിയാക്കി തുടച്ചുണക്കുക.

ഇനി കാലുകളില്‍ നല്ലെണ്ണകൊണ്ട് ചെറുതായി മസാജ് നല്‍കാം. ഇനി നെയില്‍പോളിഷ് തുടച്ചു മാറ്റി നഖങ്ങള്‍ വൃത്തിയാക്കാം. നഖങ്ങള്‍ക്കിടയിലെ അഴുക്കുകളയുന്നതിനും വിരലുകളുടെ വശങ്ങളിലെ കടുപ്പമുള്ള ചര്‍മം ഒഴിവാക്കുന്നതിനും ബ്യൂട്ടി ഷോപ്പില്‍ നിന്നും വാങ്ങാന്‍ കിട്ടുന്ന പെഡിക്യൂര്‍ സെറ്റ് ഉപയോഗിക്കാം.

അല്‍പം വെണ്ണയില്‍ വൈറ്റമിന്‍ ഇ ക്യാപ്സൂള്‍ പൊട്ടിച്ചൊഴിച്ച് കാലുകളില്‍ നന്നായി മസാജ് ചെയ്യുന്നതു ചര്‍മത്തിന്റെ തിളക്കം കൂട്ടും. മൊരിയും വരള്‍ച്ചയും മാറി ചര്‍മം മൃദുവാകുകയും ചെയ്യും.

ഇനി ഫുട്ട് സ്ക്രബ് ഉപയോഗിച്ച് മസാജ് ചെയ്യണം. അല്‍പം റവയും പാല്‍പ്പാടയും നാരങ്ങനീരും യോജിപ്പിച്ചാല്‍ ഹെര്‍ബല്‍ സ്ക്രബ് ആയി. അഞ്ചു മിനിറ്റ് മസാജ് ചെയ്തശേഷം ചര്‍മം തുടച്ചുണക്കി അല്‍പം നല്ലെണ്ണയില്‍ പച്ചക്കര്‍പ്പൂരം പൊടിച്ചുചേര്‍ത്തതു പുരട്ടി നന്നായി മസാജ് ചെയ്യുക.

അല്‍പ സമയത്തിനുശേഷം ഫുട്ട്പായ്ക്ക് നല്‍കാം. കടലമാവിനൊപ്പം തേനും തൈരും ചേര്‍ത്തു മിശ്രിതമാക്കിയതില്‍ കാരറ്റോ വെള്ളരിക്കയോ പപ്പായയോ ചേര്‍ത്ത് ഹെര്‍ബല്‍ പായ്ക്ക് നല്‍കാം.

ഇരുപതു മിനിറ്റിനു ശേഷം ഇതു കഴുകാം. പായ്ക്ക് പാതി ഉണങ്ങുമ്പോള്‍ കഴുകിക്കളയാന്‍ ശ്രദ്ധിക്കണം. അല്ലെങ്കില്‍ ചര്‍മത്തില്‍ ചുളിവുകള്‍ വീഴാം.

ഹോം പെഡിക്യൂര്‍ മാസത്തില്‍ രണ്ടു തവണ ചെയ്യാം. ഇതോടൊപ്പം തന്നെ ഡെയ്ലി കെയര്‍ നല്‍കുകയും ചെയ്യണം. മുട്ടയുടെ മഞ്ഞ, ആല്‍മണ്ട് ഓയില്‍, പനിനീര്‍, തേന്‍ ഇവ യോജിപ്പിച്ചു ദിവസവും കുളിക്കും മുമ്പ് കാലുകളില്‍ പുരട്ടണം. തേനും ഗിസറിനും നാരങ്ങാനീരും ചേര്‍ന്ന മിശ്രിതവും നല്ലതാണ്.

വേനലില്‍ ദിവസവും പത്തുഗാസ് എങ്കിലും വെള്ളം കുടിക്കുക. ഇത് കാലിലെ വരള്‍ച്ചയ്ക്കും വിള്ളലിനും ആശ്വാസം നല്‍കും. കാലുകളിലെ കരിവാളിപ്പ് അകറ്റും. വേനലില്‍ പാദം മൂടിയുള്ള ചെരിപ്പുകള്‍ ഉപയോഗിക്കുന്നതും നല്ലതാണ്.

കട്ടിയായ ചര്‍മവും കരിവാളിപ്പും
ഒരേ ചെരിപ്പു തന്നെ സ്ഥിരമായി ഉപയോഗിക്കുന്നവരില്‍ കാലില്‍ നിറം മാറ്റം കാണാം. ചില ഭാഗങ്ങളില്‍ ചര്‍മം കട്ടിയാവും. പല ചെരിപ്പുകള്‍ മാറിമാറി ഉപയോഗിക്കുന്നത് ഒരു പരിധി വരെ കാലിലെ നിറം മാറ്റം തടയാന്‍ സഹായിക്കും. കരിവാളിപ്പുള്ള ഭാഗങ്ങളില്‍ വെള്ളരിക്കാനീരു പുരട്ടുന്നതു നല്ലതാണ്. ചര്‍മം കട്ടിയായ ഭാഗങ്ങളില്‍ നാരങ്ങത്തൊണ്ടും പഞ്ചസാരയും ചേര്‍ത്ത് ഉരസുന്നതും ഗുണം ചെയ്യാം.

ആരും കണ്ടാൽ കൊതിക്കും കാൽപാദം...

 

കാല്‍പ്പാദങ്ങള്‍ വ്യക്തിയുടെ സ്വഭാവത്തിലേക്കുള്ള ചൂണ്ടുപടിയാണ്. ആകര്‍ഷകമായ വ്യക്തിത്വത്തിന്റെ സാക്ഷ്യപത്രമാണ് വൃത്തിയും ഭംഗിയുമുള്ള കാല്‍പ്പാദങ്ങള്‍. കാല്‍പ്പാദങ്ങള്‍ വൃത്തിയായി സംരക്ഷിക്കേണ്ടത് ആരോഗ്യസംരക്ഷണത്തിനും ആവശ്യമാണ്. അതിനാല്‍ കാല്‍പ്പാദങ്ങളുടെ സംരക്ഷണത്തിന് മുഖചര്‍മത്തിന്റെ സംരക്ഷണത്തിനെന്നപോലെ ശ്രദ്ധ നല്‍കണം. 

കാല്‍പ്പാദങ്ങളും കാല്‍നഖങ്ങളും ഭംഗിയാക്കാനുള്ള മാര്‍ഗമാണ് പെഡിക്യൂര്‍. ആവശ്യമായ സാധനങ്ങള്‍ ലേഡീസ് സ്റ്റോറില്‍നിന്നു വാങ്ങി ആഴ്ചയിലൊരിക്കല്‍ ഇതു വീട്ടില്‍ത്തന്നെ ചെയ്യാവുന്നതേയുള്ളു. ആദ്യമായി നഖങ്ങളിലെ നെയില്‍ പോളിഷ്, റിമൂവര്‍ ഉപയോഗിച്ച് നീക്കം ചെയ്യണം. നഖങ്ങള്‍ അര്‍ദ്ധവൃത്താകൃതിയില്‍ മുറിച്ചശേഷം നെയില്‍ ഫയല്‍ ഉപയോഗിച്ച് രാകി ആകൃതി വരുത്തുക. നഖം മുറിക്കുമ്പോള്‍ ഉള്ളിലേക്കിറക്കി വെട്ടാതിരിക്കാന്‍ ശ്രദ്ധിക്കണം. 

അര ബക്കറ്റ് ഇളംചൂടുവെള്ളത്തില്‍ അല്‍പം ഷാംപൂ, ഒരു ടീ സ്പൂണ്‍ ഉപ്പുപൊടി, ഒരു ചെറുനാരങ്ങയുടെ നീര്, ?പനിനീര് ഇവ ചേര്‍ത്ത് പാദങ്ങള്‍ അതില്‍ മുക്കി വയ്ക്കുക. പതിനഞ്ചു മിനിറ്റിനുശേഷം പഴയ ടൂത്ത് ബ്രഷ് ഉപയോഗിച്ച് നഖങ്ങളുടെ അടിഭാഗവും ഇടകളും വൃത്തിയാക്കുക. ഉപ്പൂറ്റിയിലെയും പാദങ്ങളുടെ വശങ്ങളിലെയും കട്ടിയുള്ള തൊലിയില്‍ പ്യൂമിസ് സ്റ്റോണ്‍കൊണ്ട് ഉരസുക. വരണ്ട ചര്‍മം ഇളകിപ്പോരും. 

നഖത്തിന്റെ പിന്‍ഭാഗത്തെ ചര്‍മം (ക്യൂട്ടിക്കിള്‍), ക്യൂട്ടിക്കിള്‍ പുഷര്‍ എന്ന ഉപകരണം കൊണ്ട് പിന്നിലേക്കു തള്ളിമാറ്റി ക്യൂട്ടിക്കിള്‍ നൈഫ് ഉപയോഗിച്ചു സൂക്ഷ്മതയോടെ മുറിക്കണം. പിന്നെ ഗിസറിന്‍ സോപ്പ് ഉപയോഗിച്ച് പാദങ്ങള്‍ കഴുകി മൃദുവായ തുണികൊണ്ട് ഈര്‍പ്പം ഒപ്പിയെടുക്കണം. കാല്‍വിരലുകള്‍ക്കിടയിലെ ഈര്‍പ്പം തുടച്ചു മാറ്റാന്‍ പ്രത്യേകം ശ്രദ്ധിക്കുക. പാദങ്ങള്‍ ബോഡി ലോഷന്‍ ഉപയോഗിച്ച് തടവുക. നഖങ്ങളില്‍ നെയില്‍ പോളിഷ് അണിയുക. ഇത്രയുമായാല്‍ നിങ്ങളുടെ പാദങ്ങള്‍ മനോഹരമാകും.

മുഖം എങ്ങിനെയോ അങ്ങിനെ തന്നെ പാദങ്ങളും...

 

താമരപോലുള്ള പാദങ്ങള്‍ സ്ത്രീയുടെ സ്വപ്നമാണ്. പെണ്‍കൊച്ചു സുന്ദരിയാണ്. പക്ഷേ, കാലു കണ്ടില്ലേ? ചാമ്പലില്‍ ചവിട്ടിയ പോലെ! ' പുതുതായി പരിചയപ്പെട്ട പെണ്‍കുട്ടിയെക്കുറിച്ച് ചെറുപ്പക്കാരന്റെ കമന്റ്! ആരും ഒന്നുകൂടി നോക്കിപ്പോകുന്ന തരത്തില്‍ സുന്ദരമായ മുഖമുണ്ട്. വില കൂടിയ ചൂരിദാറും ധരിച്ചിരിക്കുന്നു. പക്ഷേ വിണ്ടൂകീറിയതോ വരണ്ടുണങ്ങിയതോ ആയ പാദങ്ങളാണുള്ളതെങ്കില്‍ ആരാധനയോടെ നോക്കിയവര്‍ അതേ വേഗതയില്‍ മുഖം ചുളിക്കുക തന്നെ ചെയ്യും. മുഖം എങ്ങിനെയോ അങ്ങിനെ തന്നെ പാദങ്ങളെയും സംരക്ഷിക്കുക. താമരപോലുള്ള പാദങ്ങള്‍ സ്ത്രീയുടെ സ്വപ്നമാണ്. 

ചെരുപ്പ്
കൃത്യമായ അളവിലുള്ള ചെരുപ്പുകള്‍ സംഘടിപ്പിക്കുകയാണ് പാദസംരക്ഷണത്തില്‍ ഏറ്റവും പ്രധാനം. യോജിക്കാത്ത ചെരുപ്പുകള്‍ പാദത്തിന്റെ ആകൃതിയില്‍ വരെ മാറ്റമുണ്ടാക്കും. നിങ്ങളുടെ പാദത്തിനെക്കാള്‍ അര ഇഞ്ച് നീളം കൂടുതലുള്ള ചെരുപ്പാണ് ഏറ്റവും കൃത്യം. നടുവേദനയും മറ്റുമുള്ളവര്‍ പോയിന്റഡ് ഹീല്‍സ് ഉള്ള ചെരുപ്പുകള്‍ ഒഴിവാക്കണം. കഴിയുന്നതും വൈകുന്നേരമോ സന്ധ്യകളിലോ ചെരുപ്പുവാങ്ങാന്‍ പോകുക. പകല്‍ നേരത്തെ നടപ്പും മറ്റും കഴിഞ്ഞുള്ള സമയമായതിനാല്‍ പാദങ്ങള്‍ അല്‍പം വിങ്ങിയിരിക്കും. പാദത്തിന് ഏറ്റവും അനുയോജ്യമായ അളവിലുള്ള ചെരുപ്പുകള്‍ ആ സമയത്താണ് വാങ്ങാന്‍ കഴിയുക. 

വ്യായാമം
പാദത്തിന് വ്യായാമമോ എന്നു ചിരിച്ചു തള്ളാന്‍ വരട്ടെ. പകല്‍ മുഴുവന്‍ നിന്നു, നടന്നു എന്നതൊന്നും പാദത്തിന്റെ പേശികള്‍ക്ക് ബലം നല്‍കുന്നില്ല. പാദങ്ങള്‍ക്കായുള്ള ചെറുവ്യായാമങ്ങള്‍ വളരെ ആവശ്യമാണ്. എളുപ്പമുള്ളതുമാണ്. 

ദിവസത്തിന്റെ അവസാനമാണ് ഇതിനു നല്ലത്. ഒരു കസേരയില്‍ നിവര്‍ന്നിരിക്കുക. എന്നിട്ട് കാല്‍വിരലുകളെല്ലാം മടക്കുകയും നിവര്‍ക്കുകയും ചെയ്യുക. ഇതൊരു ആറ് ഏഴ് പ്രാവശ്യം ചെയ്യുക. തുടര്‍ന്ന്, വായുവില്‍ പാദങ്ങള്‍ വട്ടം ചുഴറ്റുക. ആദ്യം ഒരു പാദം കൊണ്ട് വലതുവശത്തേക്ക് വട്ടം ചുഴറ്റുക. ഇതൊരു 56 പ്രാവശ്യം ചെയ്തിട്ട് ഇടത്തേക്കും ചെയ്യുക. 

വൃത്തിയാക്കല്‍ 
ഒരു ബേസിനില്‍ അല്‍പം ഉപ്പിട്ട ചെറുചൂടുള്ള വെള്ളം എടുക്കുക. പാദങ്ങള്‍ ഇതില്‍ മുക്കി വയ്ക്കുക. കാലിനു കഴപ്പും മറ്റുമുണ്ടെങ്കില്‍ മാറാന്‍ ഇതു നല്ലതാണ്. അല്‍പനേരം ഇങ്ങനെ ചെയ്തിട്ട് പാദങ്ങള്‍ വൃത്തിയായി തുടയ്ക്കുക. എന്നിട്ട് ഗിസറിനും അല്‍പം റോസ് വാട്ടറും കലര്‍ത്തി പാദങ്ങളില്‍ തേയ്ക്കുക. വീണ്ടും തുടച്ചെടുക്കുക. 

വിണ്ടുകീറല്‍ 
ഏറ്റവും സാധാരണവും അതുപോലെ തന്നെ അപമാനമുണ്ടാക്കുന്നതുമായൊരു പ്രശ്നമാണിത്. നിങ്ങള്‍ പാദങ്ങളെ തീരെ ശ്രദ്ധിക്കുന്നില്ല എന്നതിന്റെ പ്രധാനലക്ഷണമാണ് വിണ്ടുകീറല്‍. എന്നും കിടക്കുന്നതിനു മുന്‍പ് സോപ്പോ ഷാംപൂവോ പതച്ച ചെറുചൂടുള്ള വെള്ളത്തില്‍ 15 മിനുറ്റ് നേരം പാദങ്ങള്‍ മുക്കിവയ്ക്കുക. തുടര്‍ന്ന്് പാദങ്ങള്‍ തുടച്ചെടുക്കുക. എന്നിട്ട്, ഒരു ടീസ്പൂണ്‍ വാസിലിനും (മിക്ക ഷോപ്പുകളിലും വാങ്ങാന്‍ കിട്ടും) ഒരു നാരങ്ങയുടെ നീരും ചേര്‍ത്ത മിശ്രിതം പാദങ്ങളില്‍ വിണ്ടുകീറിയ ഭാഗങ്ങളില്‍ പ്രത്യേകിച്ച്) നല്ലവണ്ണം തേച്ചു പിടിപ്പിക്കുക.

ശരിയായ അളവിലുള്ള ചെരുപ്പും ഷൂസും എങ്ങനെ കണ്ടെത്തും ?

 

ചെരുപ്പുകൾ വൈകുന്നേരങ്ങളിൽ വാങ്ങുന്നതാണ് നല്ലത്. നിങ്ങളുടെ കാലിന്റെ ശരിയായ അളവ് വ്യക്തമായി ലഭിക്കുന്നത് അപ്പോഴായിരിക്കും. .

പ്രിന്റ് ചെയ്തിരിക്കുന്ന സൈസ് നോക്കിയല്ല ഇട്ട് നോക്കി വേണം പാദരക്ഷകൾ വാങ്ങാൻ. കമ്പനി നൽകിയിരിക്കുന്ന അളവ് നിങ്ങളുടെ കാലിന് ചേരുന്നതാകണം എന്നില്ല.

അധികം അയവോ മുറുക്കമോ ഇല്ലാത്ത വിധത്തിലാകണം ചെരുപ്പുകൾ കാലിൽ കിടക്കേണ്ടത്. സാന്‍ഡലുകളാണെങ്കിൽ മുന്നില്‍ വിരൽ സോളിനകത്തുതന്നെ നില്‍ക്കുന്നുവെന്ന് ഉറപ്പു വരുത്തണം.

ഷൂസുകളാണ് വാങ്ങുന്നതെങ്കില്‍ ഷൂ ധരിച്ച് എഴുന്നേറ്റു നിന്നാൽ മുന്നിൽ അര ഇഞ്ച് സ്ഥലം ഉണ്ടാകണം. നടക്കുമ്പോഴുള്ള കാലുകളുടെ ചലനംസുഗമമാകാൻ ഇത് അത്യാവശ്യമാണ്. ഇടം കുറവായാൽ നടക്കുമ്പോൾ നഖങ്ങള്‍ ഷൂവിന്റെ മുൻഭാഗത്ത് തട്ടി നഖങ്ങൾക്കും പെരുവിരലിനും വേദന വരാൻ സാധ്യതയുണ്ട്.

ഷൂ ഇട്ടു നടക്കുമ്പോൾ പിൻഭാഗം ഉൗരി പോകുന്നില്ലെന്ന് ഉറപ്പാക്കണം. സോക്സിനോടൊപ്പമാണ് ഷൂ ഇടാൻ ഉദ്ദേശിക്കുന്നതെങ്കിൽ സോക്സ് ഇട്ട ശേഷം തന്നെ ഷൂ ഇട്ട് നോക്കി വാങ്ങുക.

ഷൂവിന്റെ മുൻഭാഗം വഴക്കമുള്ള മെറ്റീരിയൽ കൊണ്ട് നിർമിച്ചതാണെന്ന് ഉറപ്പുവരുത്തണം. വിരലുകളുടെ ചലനത്തിനൊത്ത് വഴങ്ങാത്ത മുൻഭാഗം കാലുവേദനയ്ക്ക് കാരണമാകാൻ സാധ്യതയുണ്ട്.

ഏതു ചെരുപ്പും ഇട്ടു നടന്നു നോക്കിയ ശേഷം വാങ്ങുക. ചെരുപ്പിട്ട് കാർപെറ്റിൽ കൂടുതൽ നേരം നടന്നു നോക്കുക. എന്തെങ്കിലും പ്രയാസം തോന്നുന്നുവെങ്കിൽ ഉടൻ മാറ്റി വാങ്ങുക.

അഴകാര്‍ന്ന പാദങ്ങള്‍

മുഖസൗന്ദര്യം പോലെ തന്നെ ഏറെ പ്രധാന്യമുള്ളതാണ് പാദങ്ങളുടെ സംരക്ഷണവും നഖങ്ങളുടെ സംരക്ഷണവും. വീണ്ടുകീറി പൊട്ടിപൊളിഞ്ഞ നഖം നമ്മുടെ വ്യക്തിത്വത്തിന് ഏറെ മങ്ങല്‍ ഏല്‍പ്പിക്കുന്നതാണ്. അല്‍പ്പം സമയം പാദസംരക്ഷണത്തിനും പരിപാലനത്തിനും മാറ്റിവച്ചാല്‍ വീട്ടില്‍ തന്നെ ഇരുന്നു നമ്മുക്ക് സുന്ദരമായ പാദം സ്വന്തമാക്കാന്‍ സാധിക്കും. വീട്ടില്‍ ഇരുന്നു ചെയ്യാവുന്ന പാദസംരക്ഷണങ്ങള്‍ എന്തൊക്കെയാണ് നോക്കാം.

 

1. ചെറു ചൂടുവെള്ളത്തില്‍ അല്‍പ്പം ഷാമ്പൂവൂം നാരങ്ങനീരും ഉപ്പും മിക്‌സ് ചെയ്യത് പാദങ്ങള്‍ അതില്‍ 10 മുതല്‍ 15 മിനിട്ട് വരെ മുക്കിവയ്ക്കുക. അതിന്‌ശേഷം പ്യൂമിസ് സ്റ്റോണ്‍ ഉപയോഗിച്ച് പാദത്തിന്റെ അടിവശം നന്നായി ഉരച്ചു കഴുക. അതിന്‌ശേഷം ഒരു ബ്രഷ് ഉപയോഗിച്ച് നഖങ്ങള്‍ നന്നായി വൃത്തിയാക്കുക അതിന് ശേഷം നഖം വെട്ടി ഉപയോഗിച്ച് ആകൃതി വരുത്തുക. വാസലീന്‍ ക്രിം ഉപയോഗിച്ച് നഖങ്ങള്‍ക്ക് മസാജ് കൊടുക്കുക. അതിന്‌ശേഷം മൊയിസ്ച്ചറൈഡിക് ക്രീം ഇടാന്‍ സുന്ദരമായ പാദങ്ങള്‍ സ്വന്തമാക്കാം.
2. ചെറുനാരങ്ങയുടെ നീര് മാറ്റിയ തോട് എടുത്ത് പാദങ്ങളില്‍ 5 മുതല്‍ 15 മിനിറ്റ് വരെ ഉരസുക. ഇത് പാദത്തിന് നല്ലനിറവും തിളക്കവും കിട്ടാന്‍ ഇത് സഹായിക്കും.
3. പുറത്തു പോകുമ്പോള്‍ മുഖത്ത് ഡണ്‍സ്‌ക്രീന്‍ ഉപയോഗിക്കുന്നത് പോലെ തന്നെ പാദങ്ങളിലും സണ്‍ഡ്ക്രീന്‍ ഉപയോഗിക്കണം.
4. സ്ഥിരമായി നെയില്‍ പോളീഷ് ഉപയോഗിക്കുന്നത് നഖത്തിന് അത്ര നന്നല്ല.
5. പാദം ഒതുങ്ങി സുന്ദരമായിരിക്കാന്‍ ഷൂസ് ടൈപ്പ് ചപ്പലുകള്‍ ഉപയോഗിക്കുന്നതാണ് നല്ലത്.

ആകര്‍ഷകമായ നഖങ്ങള്‍ക്ക്

നഖങ്ങളുടെ പ്രകൃതവും ആരോഗ്യവുമായി അവിഭാജ്യ ബന്ധമാണുള്ളത്. നഖങ്ങള്‍ നിരീക്ഷിച്ചു നമ്മളിലെ ചില രോഗങ്ങള്‍ മനസ്സിലാക്കുവാന്‍ സാധിക്കും. ശാസ്ത്രത്തിന്റെ പിതാവായ ഹിപ്പോക്രേറ്റ്‌സ് വളരെ പണ്ടുകാലത്തേ വെളിപ്പെടുത്തിയതാണീ വിവരം. നഖങ്ങളുടെ അഗ്രം ഒരു ആര്‍ച്ചു
പോലെയോ ഒരു സ്പൂണിന്റെ അറ്റംപോലെയോ വളഞ്ഞിരിക്കുകയാണെങ്കില്‍ അത് ആ വ്യക്തിയുടെ വളര്‍ച്ചയെ ചൂണ്ടിക്കാണിക്കുന്നു. ഇതു മിക്കവാറും കാണപ്പെടുന്നതു മദ്ധ്യവയസ്‌കരിലാണ്. ഈ വളര്‍ച്ചയോടൊപ്പം ജീവകം ബി കോംപ്ലെക്‌സിന്റെ അഭാവവും ചില പ്രയാസങ്ങളും ഉണ്ടായേക്കാം. ഉദാഹരണത്തിനു ഭക്ഷണം വിഴുങ്ങാനുള്ള ബുദ്ധിമുട്ട് അനുഭവപ്പെടും.
ചിലപ്പോള്‍ നഖങ്ങളില്‍ കുറുകേ വരമ്പുപോലെയുള്ള അടയാളം പ്രത്യക്ഷപ്പെടുന്നതായി കാണാം. നഖങ്ങളുടെ വളര്‍ച്ചയ്ക്ക് തടസ്സം നേരിടുന്നതുമൂലമാണ് ഇങ്ങനെ സംഭവിക്കുന്നത്. കടുത്ത രോഗം ഉണ്ടാകുന്നതു കാരണമാണ് നഖങ്ങളുടെ വളര്‍ച്ചയ്ക്ക് തടസ്സം നേരിടുന്നത്. നഖങ്ങള്‍ക്കു പൂര്‍ണ്ണവളര്‍ച്ച പ്രാപിക്കുവാന്‍ 6 മാസം വേണ്ടിവരും. വിദഗ്ധനായ ഒരു ഡോക്ടര്‍ ഒരാളുടെ നഖം സൂക്ഷ്മതയോടെ വീക്ഷിച്ചാല്‍ അയാളുടെ പ്രായം മനസ്സിലാക്കുവാന്‍ സാധിക്കും.
ചില ത്വക്ക് രോഗങ്ങളും നഖത്തെ സാരമായി ബാധിച്ചേക്കാം. ഉദാഹരണത്തിനു സോറിയാസിസ് രോഗം ഉണ്ടാകുന്നതിനു വളരെ മുമ്പുതന്നെ നഖത്തില്‍ ചെറിയ കുഴികള്‍ പ്രത്യക്ഷപ്പെട്ടേക്കാം. ഇക്കാര്യം മുന്‍കൂട്ടി നിശ്ചയിക്കാനുള്ള കഴിവ്  ത്വക്ക് രോഗവിദഗ്ധര്‍ക്കുണ്ട്. സോറിയാസിസ് രോഗം മൂര്‍ച്ഛിക്കുമ്പോള്‍ നഖത്തില്‍ കുഴികള്‍കൂടാതെ നഖങ്ങളുടെ കട്ടി വര്‍ദ്ധിക്കുകയും ചെയ്യും. സ്ത്രീകളുടെ മുഖ്യപരാതിയെന്തെന്നാല്‍ നഖം പെട്ടെന്നു പൊട്ടുന്നുവെന്നതാണ്. ഈ പ്രശ്‌നം ജീവകം എ യുടെയും ഡിയുടെയും അഭാവത്തെ സൂചിപ്പിക്കുന്നു.

ആകര്‍ഷകമായ നഖങ്ങള്‍ക്ക് തുടര്‍ച്ചയായി ക്യൂട്ടെക്‌സ് ഉപയോഗിക്കുന്നതും നഖം ഒടിയുവാനിടം ഒരുക്കുന്നു. കാരണമോ വെറും ലളിതം. ക്യൂട്ടെക്‌സ് അഥവാ നെയില്‍ പോളിഷ് നഖങ്ങളിലെ എണ്ണമയം കുറയ്ക്കുന്നു. ഇതിനു യോജിച്ച പ്രതിവിധി ചൂടെണ്ണയില്‍ വിരലഗ്രം മുക്കിവയ്ക്കുക എന്നതാണ്. ഈ പ്രവൃത്തിമൂലം ഈ പ്രശ്‌നം ഏറക്കുറെ പരിഹരിക്കുവാന്‍ സാധിച്ചേക്കും. നഖം കടിക്കുന്ന ശീലക്കാരും നമുക്കിടയില്‍ വിരളമല്ല. ഇതൊരു രോഗമല്ല, ശീലമാണ്. എങ്കിലും ചില അവസരങ്ങളില്‍ ഇതു വളരെയേറെ പ്രശ്‌നങ്ങള്‍ സൃഷ്ടിച്ചുവെന്നുവരാം. ഇക്കൂട്ടര്‍ മനോരോഗവിദ ഗ്ധരെ സമീപിക്കുന്നത് ഉചിതമായിരിക്കും.

നഖങ്ങള്‍ക്കു നിറമില്ല. അവ സുതാര്യവുമാണ്. എന്നാല്‍ ചിലരുടെ നഖത്തിനു പിങ്ക്‌നിറമുണ്ടായിരിക്കും. ഇത് അവരുടെ പൂര്‍ണ്ണ ആരോഗ്യത്തെ എടുത്തുകാണിക്കുന്നു. വിളര്‍ച്ചയുള്ളവരുടെ നഖം പെട്ടെന്നൊടിയുകയും അവ വെള്ളനിറത്തോടു കൂടിയവയുമായിരിക്കും. ഒരു നഖത്തിന്റെ ശരാശരി നീളം 10 മുതല്‍ 12 മില്ലീമീറ്ററാണ്. ദിവസേനയുള്ള വളര്‍ച്ച 0.07 മില്ലീമീറ്ററാണ്. 15 ദിവസം കൊണ്ടിതു 1 മി.മീറ്റര്‍ വളര്‍ന്നിരിക്കും. ആകയാല്‍ രണ്ടാഴ്ച കൂടുന്തോറും നഖങ്ങളുടെ അഗ്രം വെട്ടി വെടിപ്പാക്കേണ്ടതാണ്. ഇളംപൈതലിന്റെ നഖംപോലും വെട്ടി സൂക്ഷിക്കേണ്ടതാണ്. കുഞ്ഞുറങ്ങുന്ന സമയത്തായിരിക്കും അമ്മമാര്‍ ഇതു ചെയ്യാറ്. മുതിര്‍ന്നവര്‍ നഖത്തിനിടയ്ക്കുള്ള അഴുക്കുകള്‍ മാറ്റുവാന്‍ ശ്രദ്ധിക്കണം. ചെറുചൂടുവെള്ളത്തില്‍ സോപ്പ് ചേര്‍ത്ത് അതില്‍ വിരലുകള്‍ മുക്കിവയ്ക്കുന്നതു നഖങ്ങള്‍ ശുചിയാക്കുവാനും ആരോഗ്യമുള്ള നഖങ്ങളുടെ ഉടമയാകുവാനും സഹായിക്കുന്നു. നനവോടെ നഖങ്ങള്‍ വെട്ട
രുത്. കാരണം ഇങ്ങനെ ചെയ്താല്‍ നഖങ്ങള്‍ തുണ്ടുതുണ്ടായി ഒടിഞ്ഞുപോകാനിതു സാഹചര്യം ഒരുക്കും. നഖങ്ങള്‍ വെട്ടുവാനായി ബ്ലേഡും മെറ്റല്‍സാമഗ്രികളും ഉപയോഗിക്കരുത്. നെയില്‍ കട്ടര്‍ വാങ്ങി അതുകൊണ്ടു വെട്ടുന്നതാണു ശരിയായ രീതി. നഖംവെട്ടി ഉടന്‍തന്നെ എന്തെങ്കിലും ഒരു ആന്റിസെപ്റ്റിക് പുരട്ടുകയും വേണം. ഒരു ഔണ്‍സ് ജലാറ്റിന്‍ അല്പം ചൂടുപാലില്‍ കുതിര്‍ത്ത് അതില്‍ നഖങ്ങള്‍ അല്പനേരം മുക്കിവയ്ക്കണം. ദിവസേന ഇപ്രകാരംചെയ്താല്‍ നഖങ്ങളുടെ ബലം വര്‍ദ്ധിപ്പിക്കാം. വേനല്‍ക്കാലത്ത് നഖങ്ങള്‍ പെട്ടെന്നു വളരും. ടൈപ്പ് ചെയ്യല്‍, പിയാനോ വായിക്കല്‍, കൈകള്‍കൊണ്ടുള്ള മറ്റു വ്യായാമമുറകള്‍ എന്നിവ രക്തചംക്രമണം വര്‍ദ്ധിപ്പിക്കുന്നു. ആകയാല്‍ ഈ പ്രവൃത്തികള്‍ നഖങ്ങളുടെ വളര്‍ച്ചയ്ക്കു പ്രതികൂലമായി പ്രവര്‍ത്തിക്കുന്നു. വിരലുകള്‍ക്കു മാറ്റുകൂട്ടുന്നത് നല്ല ഭംഗിയും ഒതുക്കവുമുള്ള നഖങ്ങളാണ്.

നഖങ്ങള്‍ ഭംഗിയാക്കാന്‍ ചില ടിപ്പുകള്‍ ഇതാ:

  • രണ്ടോമൂന്നോ ഉരുളക്കിഴങ്ങ് പുഴുങ്ങി നന്നായിയുടച്ചു നഖങ്ങളും കൈപ്പത്തിയും ഉള്‍പ്പെടെ നന്നായി കവര്‍
  • ചെയ്ത് അരമണിക്കൂര്‍ വിശ്രമിക്കുക. ഇതു മുടങ്ങാതെ ചെയ്യണം. നഖങ്ങള്‍ക്കു കാന്തി ലഭിക്കും.
  • ചെറുനാരങ്ങാനീര് നഖങ്ങളില്‍ പുരട്ടി അരമണിക്കൂറിനുശേഷം പനിനീരില്‍ മുക്കിയ പഞ്ഞികൊണ്ടു തുടയ്ക്കുക. നഖങ്ങള്‍ക്കു തിളക്കം കിട്ടും.
  • രാത്രിയില്‍ ഒലിവെണ്ണയില്‍ നഖങ്ങള്‍ മുക്കി കുറെനേരം ഇരിക്കുക. വിരലുകള്‍ കൂടക്കൂടെ സോപ്പുവെള്ളത്തില്‍ മുക്കിവയ്ക്കുന്നതും നഖങ്ങള്‍ പെട്ടെന്നു പൊട്ടിപ്പോകുന്നതു തടയും.
  • നഖങ്ങള്‍ പാടുവീണതും നിറംമങ്ങിയതുമായാല്‍ കൈകള്‍ നന്നായി കഴുകി വൃത്തിയാക്കിയശേഷം അല്പം നാരങ്ങാനീരോ ഹൈഡ്രജന്‍ പെറോക്‌സൈഡോ ഉപയോ ഗിച്ച് ഈ പാടിനു മീതേ തിരുമ്മിയതിനുശേഷം കഴുകുക.
  • നഖങ്ങള്‍ വിളറിയതും പെട്ടെന്ന് ഒടിയുന്നവയുമാണെങ്കില്‍ സമയം കിട്ടുമ്പോഴൊക്കെ നഖങ്ങളില്‍ എണ്ണ പുരട്ടുക. ഇതിന് ഏത് എണ്ണയായാലും മതി. ഒരു ചെറിയ ചരുവത്തില്‍ ചൂടാക്കിയ എണ്ണയൊഴിച്ച് ഇരു കരങ്ങളും 3 മിനിട്ടു സമയം ഇതില്‍ മുക്കിവയ്ക്കുക. ശരീരത്തിന്റെ മറ്റു ഭാഗങ്ങളെ അപേക്ഷിച്ച് എണ്ണഗ്രന്ഥികള്‍ കുറവ് കൈകളിലാണ്. അതിനാല്‍ അവയ്ക്കു നല്ല പരിചരണം ആവശ്യമാണ്.
  • വിരലഴകിനു നഖസുരക്ഷ
    • നഖങ്ങളുടെ പ്രകൃതവും ആരോഗ്യവുമായി അവിഭാജ്യ ബന്ധമാണുള്ളത്. നഖങ്ങള്‍ നിരീക്ഷിച്ചു നമ്മളിലെ ചില രോഗങ്ങള്‍ മനസ്സിലാക്കുവാന്‍ സാധിക്കും.നഖങ്ങളുടെ അഗ്രം ഒരു ആര്‍ച്ചു പോലെയോ ഒരു സ്പൂണിന്റെ അറ്റംപോലെയോ വളഞ്ഞിരിക്കുകയാണെങ്കില്‍ അത് ആ വ്യക്തിയുടെ വളര്‍ച്ചയെ ചൂണ്ടിക്കാണിക്കുന്നു. ഇതു മിക്കവാറും കാണപ്പെടുന്നതു മദ്ധ്യവയസ്‌കരിലാണ്. ഈ വളര്‍ച്ചയോടൊപ്പം ജീവകം “ബി’ കോംപ്ലെക്‌സിന്റെ അഭാവവും ചില പ്രയാസങ്ങളും ഉണ്ടായേക്കാം. ഉദാഹരണത്തിനു ഭക്ഷണം വിഴുങ്ങാനുള്ള ബുദ്ധിമുട്ട് അനുഭവപ്പെടും.വിദഗ്ധനായ ഒരു ഡോക്ടര്‍ ഒരാളുടെ നഖം സൂക്ഷ്മതയോടെ വീക്ഷിച്ചാല്‍ അയാളുടെ പ്രായം മനസ്സിലാക്കുവാന്‍ സാധിക്കും. ചില ത്വഗ്രോഗങ്ങളും നഖത്തെ സാരമായി ബാധിച്ചേക്കാം. സ്ത്രീകളുടെ മുഖ്യപരാതിയെന്തെന്നാല്‍ നഖം പെട്ടെന്നു പൊട്ടുന്നുവെന്നതാണ്. ഈ പ്രശ്‌നം ജീവകം “എ’ യുടെയും “ഡി’ യുടെയും അഭാവത്തെ സൂചിപ്പിക്കുന്നു. തുടര്‍ച്ചയായി ക്യൂട്ടെക്‌സ് ഉപയോഗിക്കുന്നതും നഖം ഒടിയുവാനിടം ഒരുക്കുന്നു. കാരണമോ വെറും ലളിതം. ക്യൂട്ടെക്‌സ് അഥവാ നെയില്‍ പോളിഷ് നഖങ്ങളിലെ എണ്ണമയം കുറയ്ക്കുന്നു. ഇതിനു യോജിച്ച പ്രതിവിധി ചൂടെണ്ണയില്‍ വിരലഗ്രം മുക്കിവയ്ക്കുക എന്നതാണ്. ഈ പ്രവൃത്തിമൂലം ഈ പ്രശ്‌നം ഏറക്കുറെ പരിഹരിക്കുവാന്‍ സാധിച്ചേക്കും.
    • നഖങ്ങള്‍ ഭംഗിയാക്കാന്‍ ചില ടിപ്പുകള്‍ ഇതാ:
    • രണ്ടോമൂന്നോ ഉരുളക്കിഴങ്ങ് പുഴുങ്ങി നന്നായിയുടച്ചു നഖങ്ങളും കൈപ്പത്തിയും ഉള്‍പ്പെടെ നന്നായി കവര്‍ചെയ്ത് അരമണിക്കൂര്‍ വിശ്രമിക്കുക. ഇതു മുടങ്ങാതെ ചെയ്യണം. നഖങ്ങള്‍ക്കു കാന്തി ലഭിക്കും. ചെറുനാരങ്ങാനീര് നഖങ്ങളില്‍ പുരട്ടി അരമണിക്കൂറിനുശേഷം പനിനീരില്‍ മുക്കിയ പഞ്ഞികൊണ്ടു തുടയ്ക്കുക. നഖങ്ങള്‍ക്കു തിളക്കം കിട്ടും. രാത്രിയില്‍ ഒലിവെണ്ണയില്‍ നഖങ്ങള്‍ മുക്കി കുറെനേരം ഇരിക്കുക. വിരലുകള്‍ കൂടക്കൂടെ സോപ്പുവെള്ളത്തില്‍ മുക്കിവയ്ക്കുന്നതും നഖങ്ങള്‍ പെട്ടെന്നു പൊട്ടിപ്പോകുന്നതു തടയും. നഖങ്ങള്‍ പാടുവീണതും നിറംമങ്ങിയതുമായാല്‍ കൈകള്‍ നന്നായി കഴുകി വൃത്തിയാക്കിയശേഷം അല്പം നാരങ്ങാനീരോ ഹൈഡ്രജന്‍ പെറോക്‌സൈഡോ ഉപയോ ഗിച്ച് ഈ പാടിനു മീതേ തിരുമ്മിയതിനുശേഷം കഴുകുക. നഖങ്ങള്‍ വിളറിയതും പെട്ടെന്ന് ഒടിയുന്നവയുമാണെങ്കില്‍ സമയം കിട്ടുമ്പോഴൊക്കെ നഖങ്ങളില്‍ എണ്ണ പുരട്ടുക. ഇതിന് ഏത് എണ്ണയായാലും മതി. ഒരു ചെറിയ ചരുവത്തില്‍ ചൂടാക്കിയ എണ്ണയൊഴിച്ച് ഇരു കരങ്ങളും 3 മിനിട്ടു സമയം ഇതില്‍ മുക്കിവയ്ക്കുക. ശരീരത്തിന്റെ മറ്റു ഭാഗങ്ങളെ അപേക്ഷിച്ച് എണ്ണഗ്രന്ഥികള്‍ കുറവ് കൈകളിലാണ്. അതിനാല്‍ അവയ്ക്കു നല്ല പരിചരണം ആവശ്യമാണ്

 

മാറിക്കൊണ്ടിരിക്കുന്ന കാലാവസ്ഥ നമ്മുടെ ശരീരത്തിന് പലതരത്തിലുള്ള മാറ്റങ്ങള്‍ വരുത്തും. ചര്‍മ്മം ശരീരത്തിലെ പ്രധാനപ്പെട്ട ഭാഗമാണ്. അതിന് കൂടുതല്‍ പരിചരണവും ശ്രദ്ധയുംവേണം. ഓരോ കാലാവസ്ഥകളിലും വ്യത്യസ്ഥമായ സംരക്ഷണ രീതികള്‍ ആവശ്യമാണ്. മഞ്ഞു കാലവും, വേനല്‍ക്കാലവും സൌന്ദര്യത്തിന് പ്രത്യേക സംരക്ഷണം വേണ്ട സമയമാണ്.

ചെറിയ ശ്രദ്ധ മാത്രം ആവശ്യമുള്ള വലിയ സൌന്ദര്യ പ്രശ്നമാണ് വീണ്ടു കീറിയ കാല്‍പാദങ്ങള്‍. വൃത്തിയിലാത്ത ഈ കാലുകള്‍ പലരുടേയും മനസ്സിനെ അലട്ടുന്ന പ്രശ്നമാണ്. സൌന്ദര്യ പ്രശ്നം എന്നതു പോലെത്തന്നെ പൊട്ടിയ പാദങ്ങള്‍ അസഹ്യമായ വേദനയും ഉണ്ടാക്കും. സാധാരണയായി ഇത് മഞ്ഞുകാലത്താണ് ഉണ്ടാവുകയെങ്കിലും ചിലയാളുകള്‍ക്ക് ഇത് വേനല്‍ക്കാലം മുഴുവന്‍ നീണ്ടു നില്‍ക്കുന്നതായി കാണാം. പ്രായമായവര്‍ മുതല്‍ ചെറിയ കുട്ടികളില്‍ വരെ ഈ പ്രശ്നം കാണാം. നിരന്തരമായുള്ള മണ്ണില്‍ ഇറങ്ങിയുള്ള ജോലി , വരണ്ട ചര്‍മ്മം, പരുക്കന്‍ പ്രതലത്തിലൂടെയുള്ള നടത്തം, പിന്‍ഭാഗം തുറന്നുള്ള ചെരുപ്പുകള്‍, പ്രമേഹമോ അല്ലെങ്കില്‍ മറ്റെന്തെങ്കിലും ചര്‍മ്മ പ്രശ്നം, ഇങ്ങനെയുള്ളവര്‍ക്കാണ് ഇത് കാണാറുള്ളത്. ശരിയായ സംരക്ഷണത്തിലൂടെ ഇത് മാറ്റാവുന്നതാണ്.

  • സോക്സ് , അല്ലെങ്കില്‍ മൃദുവായ പാദ രക്ഷകളോ ഷൂവോ ധരിക്കുക.
  • വേപ്പിലയും മഞ്ഞളും അരച്ച് പുരട്ടുന്നത് നല്ലതാണ്.
  • ചെറിയ ചൂടു വെള്ളത്തില്‍ കുറച്ചു ഉപ്പും വാസ്ലിനും ചേര്‍ത്ത്  കാല്പാദം അര മണിക്കൂര്‍ ആ വെള്ളത്തില്‍ ഇറക്കി വെക്കുക. അതിന് ശേഷം മൃത ചര്‍മ്മത്തെ നീക്കാന്‍ ഉപ്പൂറ്റി സ്ക്രബ്ബര്‍ കൊണ്ടോ അല്‍പ്പം പരുത്ത കല്ല് കൊണ്ടോ ഉരതി വൃത്തിയാക്കുക. ഉറങ്ങാന്‍ പോകുന്നതിനു മുന്‍പ് കുറച്ചു ക്രീമെടുത്ത് ഉപ്പൂറ്റിയില്‍ പുരട്ടുക തീര്‍ച്ചയായും വ്യത്യാസം രണ്ടു ദിവസത്തിനകം കാണാം
  • ഗ്ലിസറിനും റോസ് വാട്ടറും കൂട്ടിച്ചേര്‍ത്തു  ദിവസവും ഉപ്പൂറ്റിയില്‍ പുരട്ടുന്നത് പാദം സോഫ്ട് ആകാന്‍ സഹായിക്കും.
  • കാല്‍ പാദം നാരങ്ങ നീരില്‍ മുക്കി വെച്ചു ഇരുപതു മിനിറ്റ് ഇരുന്നാള്‍ നല്ല മാറ്റം ഉണ്ടാകും. വീണ്ടു കീറിയ പാദത്തില്‍ ദിവസവും വെളിച്ചെണ്ണ പുരട്ടുന്നതും നല്ലതാണ്.
  • നല്ല കട്ടിയില്‍ കുറച്ചു തേനെടുത്തു പുരട്ടുന്നതും നല്ലതാണ്.
  • 250 മില്ലി ലിറ്റര്‍ ഇളം ചൂടുള്ള പാല്‍ എടുത്ത് പാദം അതില്‍ മുക്കി വെക്കുക. ഇത് മാസത്തില്‍ ഒരിക്കലെങ്കിലും ചെയ്യുക. ഇത് വഴി പാലിലെ ലേക്ടീവ് ആസിഡ് പാദങ്ങളിലേക്ക് ആഗിരണം ചെയ്തു പാടുകള്‍ മായുകയും ചര്‍മ്മം  മൃദുവാകുകയും ചെയ്യും. ഇത് മാസത്തില്‍ ഒരിക്കലെങ്കിലും ചെയ്യുക.
  • കാലിലെ നഖങ്ങള്‍ വൃത്തിയായി വെട്ടി നിരത്തുക. കാല്‍ കഴുകുന്നതോടൊപ്പം ഇത് ചെയ്യണം . കാലിലെ നഖം ഏറെ നീണ്ടിരുന്നാല്‍ അതില്‍ അഴുക്ക് നിറഞ്ഞ് ബേക്ടീരിയ വളരാനിടയാവുകയും അണുബാധക്കു കാരണമാവുകയും ചേയ്യും.
  • പാദങ്ങള്‍ മസാജ് ചെയ്യുന്നത് രക്തയോട്ടം കൂട്ടുകയും ആയാസം കുറക്കുകയും ചേയ്യും. മസാജ് വേളയിലെ ചര്‍മ്മം ഉരിഞ്ഞു പോകലും, എണ്ണയുപയോഗവും ചര്‍മ്മത്തിന് മൃദുത്വവും പുതുമയും നല്കും.
  • കാല്‍പ്പാദങ്ങള്‍ വിയര്‍ക്കുന്നവര്‍ കുറച്ചു വെള്ളത്തില്‍ ഒരു തുള്ളി ഷാംപൂ ചേര്‍ത്ത് അതില്‍ അഞ്ചു മിനിറ്റ് കാല്‍ മുക്കി വെച്ചു ദിവസവും ഉരച്ചു കഴുകുക.
  • 1 സ്പൂണ്‍ കടുകെണ്ണ 1 സ്പൂണ്‍ മഞ്ഞള്‍പ്പൊടി ചേര്‍ത്തു ചൂടാക്കുക. ഇത് തണുക്കുമ്പോള്‍ ഒരു പിടി ചുവന്നുള്ളി ചതച്ച് പിഴിഞ്ഞ നീര് ചേര്‍ത്ത് കാലിലെ വീണ്ടു കീറിയ ഭാഗത്ത് പുരട്ടുക.
  • കാലില്‍ ചിറ്റാമൃതിന്റെ ഇല അരച്ച് തേക്കുക.
  • നന്നായി പഴുത്ത പഴം പള്‍പ്പു രൂപത്തിലാക്കി കാലില്‍ തേക്കുക.
  • മാനിക്യൂര്‍ വീട്ടില്‍ തന്നെ ചെയ്യാം staff correspondent
  • മനോഹരമായ കൈകള്‍ ആരേയും ആകര്‍ഷിക്കുന്നവയാണ് . കൈപ്പത്തികളുടെ പരിചരണമാണ് മാനിക്യൂര്‍ ട്രീറ്റ്മന്റിലൂടെ സാധ്യമാവുന്നത്. ഇതിലൂടെ കൈപ്പത്തിയിലെ ചര്‍മം വൃത്തിയാവുകയും ചര്‍മത്തിലെ മൃതകോശങ്ങള്‍ നീക്കം ചെയ്യപ്പെടുകയും ചെയ്യും.നഖങ്ങള്‍ക്കുള്ള പരിചരണവും മാനിക്യൂര്‍ നല്‍കും.

    വീട്ടില്‍ തന്നെ മാനിക്യൂര്‍ ചെയ്യാവുന്നതാണ് .ഒരു ചെറിയ ബേസിനില്‍ അല്പം ചൂട് വെള്ളം എടുത്ത് അതില്‍ അല്പം ഉപ്പ്,ഷാമ്പൂ,ഒരു തുള്ളി ഡെറ്റോള്‍ ,നാരങ്ങാനീര് എന്നിവ മിക്‌സ് ചെയ്ത് കൈകള്‍ അതില്‍ മുക്കി വയ്ക്കുക.നഖങ്ങള്‍ നന്നായി കുതിരുന്നതാണ് കണക്ക്.വരണ്ട ചര്‍മക്കാര്‍ക്ക് അല്പം വാസലിന്‍ പുരട്ടിയതിനു ശേഷം കൈകള്‍ വെള്ളത്തില്‍ വയ്ക്കവുന്നതാണ്.കൈകള്‍ വെള്ളത്തില്‍ ആഴ്തുന്നതിനു മുന്‍പ് നഖങ്ങളിലെ പോളീഷ് നീക്കം ചെയ്യാന്‍ മറക്കരുത്. 
    ഇനി അധികം നീളമുള്ള നഖങ്ങള്‍ മുറിക്കാം.ഫ്രെഞ്ച് മാനിക്യൂറിന് നഖങ്ങളുടെ തുമ്പ് സ്‌ട്രേയിറ്റ് ആയി മുറിക്കണം.പിന്നീട് നഖം നെയില്‍ ഫൈലര്‍ ഉപയോഗിച്ച് ഷെയ്പ് ചെയ്യണം.നഖത്തിലെ അഴുക്ക് ഇളക്കി കളഞ്ഞതിനു ശേഷം നഖത്തിനു ചുറ്റുമുള്ള മൃതകോശങ്ങള്‍ നീക്കം ചെയ്യണം.ഇതിനെല്ലാമുള്ള ഉപകരണങ്ങള്‍ ഫാന്‍സി സ്‌റ്റോറൂകളില്‍ വാങ്ങാന്‍ കിട്ടും.

    ഇനി കൈകളില്‍ അല്പം സ്‌ക്രബ് തിരുമ്മാം.രണ്ടോ മൂന്നോ മിനുട്ട് മതിയാവും ഇത്.പിന്നീട് നന്നായി കഴുകി ക്രീം ഉപയോഗിച്ച് മസാജ് ചെയ്യണം.അല്പം പാക്ക് ഇട്ടാല്‍ വളരെ നന്ന്.മുള്‍ട്ടാണി മുട്ടി,കടലമാവ് ,പപ്പായ തേന്‍ ചേര്‍ത്തത് എന്നിവയൊക്കെ പാക്കിടാന്‍ നല്ലതാണ്. ശേഷം കൈകളിലുണ്ടാകുന്ന തിളക്കം തിരിച്ചറിയാവുന്നതാണ് .
2.90322580645
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ