മനുഷ്യന് സൗന്ദര്യ സംരക്ഷണത്തെ കുറിച്ച് ചിന്തിച്ചു തുടങ്ങിയ കാലം മുതല് ഒരു പക്ഷേ അവന് അമിതമായി മുടികൊഴിയുന്നതിനെ കുറിച്ചും ചിന്തിച്ചിട്ടുണ്ടാവണം.നൂറ്റാണ്ടുകള്ക്കു മുന്പ് എഴുതപ്പെട്ട നമ്മുടെ ആയുര്വേദ ഗ്രന്ഥങ്ങളില് കേശ സംരക്ഷണത്തിന് ഉതകുന്ന ധാരാളം മര്ഗ്ഗങ്ങളെകുറിച്ചും ഔഷധങ്ങളെക്കുറിച്ചും പ്രദിപാദിച്ചിട്ടുള്ളത് ഇതിനെ ശരിവെക്കുന്നതാണ്.
മനുഷ്യ ചര്മ്മം ഏകദേശം 5 മില്ല്യണ് ഹെയര് ഫോളിക്കിള്സ് അടങ്ങിയതും, ഏറ്റവും വലുപ്പമേറിയതുമായ ഒരു അവയവമാണ്. ഗര്ഭാവസ്ഥയില്ത്തന്നെ ഈ ഫോളിക്കിള്സ് നമ്മില് രൂപപ്പെട്ടിട്ടുണ്ട് എന്നതാണ് യാഥാര്ത്ഥ്യം. ഇവയില് ഏകദേശം ഒരു ലക്ഷം മുതല് 1.5 ലക്ഷം ഫോളിക്കിള്സ് തലയില് മാത്രമായിട്ടുണ്ട്.
പൂര്ണ്ണ വളര്ച്ചയെത്തിയ തലമുടി 50 മുതല് 100 വരെ എണ്ണം ദിവസേന പൊഴിഞ്ഞു പോകുന്നത് തികച്ചും സ്വഭാവികമായ ഒരു പ്രതിഭാസമാണ്. നമ്മള് കുളിക്കുകയോ മുടി ചീകുമ്പോഴോ ഒക്കെ നാം അറിയാതെ തന്നെ ഇത് സംഭവിക്കുന്നുണ്ട്. ശരീരത്തില് സ്വാഭാവികമായി സംഭവിക്കുന്ന ഈ മുടികൊഴിച്ചിലിന് യാതൊരു വിധത്തിലുമുള്ള പരിശോധനയോ ചികിത്സയോ ആവശ്യമില്ല. ഇങ്ങനെ പൊഴിയുന്ന മുടിക്ക് പകരമായി പുതിയ മുടി കിളിര്ക്കുകയെന്നത് ശരീരത്തിന്റെ സ്വാഭാവിക പ്രവര്ത്തനമാണ്. എന്നാല് അതിനുമുകളിലുള്ള മുടികൊഴിച്ചില്, മുടിയുടെ ഉള്ളു കുറയല്, തലയില് വട്ടം വട്ടമായി മുടി കൊഴിയുകമുതലായവയെല്ലാം ഒരു ഡര്മറ്റോളജിസ്റ്റിന്റെ വിദഗ്ദ്ധ പരിശോധയ്ക്ക് വിധേയമാക്കേണ്ട ഒരു മെഡിക്കല് കണ്ടീഷനായി പരിഗണിക്കണം.
പല കാരണങ്ങള് കൊണ്ടും മുടി കൊഴിച്ചില് വരാം. പ്രസവാനന്തരം ചിലര്ക്ക് വളരെ വലിയ രീതിയിലുള്ള മുടി കൊഴിച്ചില് കണ്ടു വരാറുണ്ട്. മറ്റു ചിലര്ക്ക് മേജര് സര്ജറിയുടെ ഫലമായും ഇങ്ങനെ കണ്ടുവരാറുണ്ട്. എന്തെങ്കിലും കാരണം കൊണ്ട് വളരെ വലിയ തൂക്കകുറവ് വന്നവര്ക്കും അത്യധികമായ മാനസിക പിരിമുറുക്കം അനുഭവിക്കുന്നവര്ക്കും പെട്ടെന്നുള്ള മുടികൊഴിച്ചില് അനുഭവപ്പെടാം. ഇതിന്റെ കാരണം എന്നത് മുടിയുടെ വളര്ച്ചാഘട്ടത്തില് നിന്നും പെട്ടന്ന് റെസ്റ്റിംഗ് ഫേയ്സിലേക്ക് മുടികള് എത്തുന്നു എന്നതാണ്. ചിലപ്പോള് മരുന്നുകളുടെ പാര്ശ്വഫലം എന്ന രീതിയിലും മുടികൊഴിച്ചില് സംഭവിക്കാറുണ്ട്.
മുടികൊഴിച്ചില് എന്നത് ചിലര്ക്ക് പാരമ്പര്യമായി ലഭിക്കാറുണ്ട്. മുടികൊഴിച്ചില് കാര്യമായി കണ്ടുവരുമ്പോള്തന്നെ ഏതെങ്കിലും തരത്തിലുള്ള നിയന്ത്രണമര്ഗ്ഗങ്ങള് തേടേണ്ടതാണ്. മുടികൊഴിച്ചില് കുറക്കുന്നതിനുവേണ്ടി പുറമേ പുരട്ടുവനുള്ള ഔഷധങ്ങള് ഇന്ന് മോഡേണ് മെഡിസിനില് ലഭ്യമാണ്.
ശരീരത്തിന്റെ ചയാപചയങ്ങളെ നിയന്തിക്കുന്നതില് തൈറോയിഡ് ഗ്രന്ധിക്ക് വലിയ സ്ഥാനമാണുള്ളത്. തൈറോയിഡ് ഹോര്മോണിന്റെ അളവ് കൂടിയാലും കുറഞ്ഞാലും നമുക്ക് പലതരത്തിലുള്ള ബുദ്ധിമുട്ടുകള് വരാം. തൈറോയിഡ് ഹോര്മോണിന്റെ അളവു കൂടുമ്പോള് ശരീരത്തില് മെറ്റാബോളിസത്തിന്റെ സ്പീഡ് കൂടുകയും അത് മുടി കൊഴിച്ചിലിന് കാരണമാകുകയും ചെയ്യുന്നു.
സ്ത്രീകളില് കണ്ടുവരുന്ന മുടികൊഴിച്ചിലിന്റെ പ്രധാനപ്പെട്ട കാരണങ്ങളിലൊന്ന് PCOS (Poly cystic Ovarian Syndrome) എന്ന രോഗാവസ്ഥയാണ്. ഇതു മൂലം വലിയതോതിലുള്ള മുടികൊഴിച്ചിൽ കൂടാതെ സ്ത്രീകള്ക്ക് മുഖത്ത് രോമങ്ങള് വളരുക, ക്രമം തെറ്റിയ ആര്ത്തവം, മുഖക്കുരു തുടങ്ങിയ പല ബുദ്ധിമുട്ടുകളും അനുഭവപ്പെടുന്നു.
മുടികൊഴിച്ചിലിനു കാരണമാകുന്ന മറ്റൊരു പ്രധാന പ്രശ്നമാണ് Alopecia areata എന്നത്. ഇത് ശരീരത്തിലെ പ്രതിരോധ സംവിധാനം (immune system) ഹെയര് ഫോളിക്കോള്സിനെ തെറ്റായി മനസിലാക്കുകയും അതിനെ അറ്റാക്ക് ചെയ്യുകയുമാണ് ചെയ്യുന്നത്. ഈ അവസ്ഥ സ്ത്രീകളെപ്പോലെതന്നെ പുരുഷന്മാരിലും കണ്ടുവരുന്ന ഒരു ഡിസോഡര് ആണ്. ഇതിന്റെ കാരണം വ്യക്തമല്ലായെങ്കിലും മാനസിക പിരിമുറുക്കവും രോഗങ്ങളും ഇതിന് കാരണമാകാറുണ്ടെന്ന് കണ്ടെത്തിയിട്ടുണ്ട്.
പുരുഷന്മാരില് ഏതാണ്ട് 95% പേര്ക്കും മുടികൊഴിച്ചിലിന്റെ കാരണം male pattern baldness ആണ് (MPB). ഇത് തികച്ചും പാരമ്പര്യമായി ലഭിക്കുന്ന ഒരു സംഗതിയാണ്.
സ്ത്രീകളിലും പുരുഷന്മാരിലും ഉണ്ടാകുന്ന മുടികൊഴിച്ചിലിനും male pattern baldness ഉം ഇന്ന് വൈദ്യശാസ്ത്രത്തില് ഫലപ്രദമായ പരിഹാര മാർഗങ്ങൾ ഉണ്ട് . ഇവയില് ഇന്ന് ഏറ്റവും അധികം പ്രചാരം ലഭിച്ചു കൊണ്ടിരിക്കുന്ന ഒന്നാണ് PRP hair loss treatment (Platelet Rich Plasma Therapy).
എങ്ങനെ
വളരെ ലളിതവും സുരക്ഷിതവുമായ ഒരു ചികിത്സാ രീതിയാണ് പ്ലേറ്റ്ലെ റ്റ് റിച് പ്ലാസ്മ തെറാപ്പി(PRP Hair Loss Treatment). മുടികൊഴിച്ചിലിന് പരിഹാരം തേടുന്നവരുടെ ശരീരത്തില് നിന്നുതന്നെ 10ml ബ്ലഡ് എടുക്കുന്നു. പ്രത്യേക machinery യുടെ സഹായത്തത്തോടെ ബ്ലഡിലെ പ്ലേറ്റ്ലെറ്റ് റിച്ച് പ്ലാസ്മ വേര്തിരിച്ച് എടുക്കുന്നു. ഇങ്ങനെ ലഭിക്കുന്ന P.R.P (ഏകദേശം 2ml) മുടികൊഴിച്ചിലുള്ള സ്ഥലത്തെ ചര്മ്മത്തില് ഒരു സെന്റീമീറ്റര് ഇടവിട്ട് കുത്തിവയ്ക്കുന്നു. PRP യില് അടങ്ങിയിരിക്കുന്ന ഗ്രോത്ത് ഫാക്ടര് ഹെയര് ഫോളികില്സില് നിന്നും പുതിയ മുടിവളരുന്നതിനെ സഹായിക്കുന്നു. ഇത് 3 മുതല് 6 തവണ വരെ ആവര്ത്തിക്കുന്നു.
പുറമെ കാണാവുന്ന രീതിയിലുള്ള നല്ലൊരു റിസള്ട്ടിന് മിനിമം 3 തവണയെങ്കിലും PRP ചെയ്യേണ്ടതായി വരും. രണ്ടു പ്രൊസീജിയറുകള് തമ്മില് ഏകദേശം 30 ദിവസം ഇടവേള നല്കേണ്ടതാണ്. ട്രീറ്റ്മെന്റ് കോഴ്സ് കംപ്ലീറ്റ് ചെയ്തതിനുശേഷം ആറുമാസം കൂടുമ്പോള് ഒന്നുവീതം maintenance session ചെയ്യേണ്ടതായിവരാം. ഏകദേശം 30 മിനിറ്റാണ് ട്രീറ്റ്മെന്റിനു വേണ്ടി വരുന്ന സമയ . ഇത് തികച്ചും ഒരു ഒ.പി. പ്രൊസീജിയറാണ്. പ്രത്യേകമായി വിശ്രമം ആവശ്യമില്ലെങ്കിലും പ്രൊസീജിയര് സമയത്ത് ഒരല്പ്പം വേദന സഹിക്കേണ്ടതായി വരാം. പ്രത്യേകപരിശീലനം നേടിയ സ്കിൻ specialists ആണ് (ഡര്മറ്റോളജിസ്റ്റ്) ഇത്തരം ട്രീട്മെന്റ്റ് ചെയ്യുന്നത്. ചെലെവേറിയ ഹെയർ ട്രാൻസ്പ്ലാൻറ് പോലെയുള്ള മറ്റു ചികിത്സാ മാർഗങ്ങളെ അപേഷിച്ച് വളരെ ചെലവ് കുറവാണെന്നതും PRP യെ ജനകിയമാക്കുന്ന ഘടകങ്ങളിൽ ഒന്നാണ്.
അധികമായ മുടികൊഴിച്ചില് നിങ്ങളുടെ ശ്രദ്ധയില്പെട്ടിട്ടുണ്ടെങ്കില് ഉടന്തന്നെ ഒരു ഡര്മറ്റോളജിസ്റ്റിന്റെ ഉപദേശം തേടുകയും ഫലപ്രദമായ നിയന്ത്രണ മാര്ഗ്ഗങ്ങള് തേടുകയും ചെയ്യുക.
നമ്മുടെ ശരീരത്തിലെ ഓരോ ഘടനകളെയും പ്രവര്ത്തനങ്ങളെയും കുറിച്ചോര്ക്കുമ്പോള് പലപ്പോഴും നമുക്ക് നമ്മുടെ ശരീരത്തോട് തന്നെ അതിശയം തോന്നി പോകും. എത്രയോ മഹത്തായ
കാര്യങ്ങള് നമ്മുടെ ജീവന് നിലനിര്ത്തുവാന് നമ്മുടെ ശരീരം ചെയ്യുന്നു. അത്ഭുതപ്പെടുത്തുന്ന പല കാര്യങ്ങളും നമ്മുടെ ശരീരം ചെയ്യുന്നുണ്ട്. അതിനെ എങ്ങനെയൊക്കെ വ്യാഖ്യാനിച്ചാലും ശരിയാകില്ല.
ശരീരത്തില് നടക്കുന്ന അരോഗ്യകരവും അല്ലാത്തതുമായ കാര്യങ്ങള്ക്ക് ഒരു പരിധി വരെ കാരണക്കാര് നമ്മുടെ ശരീരം തന്നെയാണെന്നുള്ളതാണ് മറ്റൊരു സത്യം.
എന്തൊക്കെയാണ് ഇത്തരത്തില് മനുഷ്യ ശരീരത്തില് കുടിയേറിയിരിക്കുന്ന അത്ഭുതങ്ങള് എന്നു നോക്കാം.
വയറ്റിലെ ആസിഡും ലേസര് ബ്ലേഡും
നമ്മുടെ വയറ്റിലെ ആസിഡിന് ലേസര് ബ്ലേഡിനേക്കാള് മൂര്ച്ചയുണ്ടെന്നതാണ് സത്യം.
അവയവങ്ങള് നശിച്ചാലും ജീവിതം
നമ്മുടെ ശരീരത്തിലെ അവയവങ്ങളോരോന്നായി നശിച്ചാലും പിന്നെയും നമുക്ക് ജീവിയ്ക്കാന് സാധിയ്ക്കും. വയറ്, കരളിന്റെ ഭാഗങ്ങള്, ശ്വാസകോശത്തിന്റെ ഭാഗങ്ങള് ഇവയെല്ലാം ഇത്തരം അവയവങ്ങള്ക്ക് ഉദാഹരണമാണ്.
തലച്ചോറിലും വെള്ളം
നമ്മുടെ ശരീരത്തിന്റെ 75 ശതമാനവും വെള്ളമാണ്. എന്നാല് തലച്ചോറിലാകട്ടെ 80 ശതമാനത്തിലധികവും വെള്ളമാണ് എന്നതാണ് സത്യം.
വിയര്പ്പ് ഗ്രന്ഥികള്
ശരീരം ധാരാളം വിയര്പ്പ് ഉത്പാദിപ്പിക്കുന്നു.ശരീരത്തിലെ വിയര്പ്പ് ഗ്രന്ഥികള് ഏകദേശം 500000 ആണ്
സ്ത്രീകള് മുന്നില്
കണ്ണടയ്ക്കുന്ന കാര്യത്തില് പുരുഷന്മാരേക്കാള് മുന്നിലാണ് സ്ത്രീകള്. എക്കിളെടുക്കുന്ന കാര്യത്തിലാകട്ടെ സ്ത്രീകളേക്കാള് മുന്പില് പുരുഷന്മാരാണ് എന്നതാണ് മറ്റൊരുസത്യം.
ഭക്ഷണശേഷം കേള്വി കുറയുന്നു
അമിതമായി ഭക്ഷണം കഴിച്ച് കഴിഞ്ഞാല് നമ്മുടെ കേള്വിശക്തി അല്പം കുറയും എന്നതാണ് സത്യം. പ്രത്യേകിച്ച് 60 വയസ് കഴിഞ്ഞാല്.
ഇന്ത്യയില് ഒരു വര്ഷം ഏകദേശം രണ്ട് ലക്ഷം ആളുകളെങ്കിലും ഹൃദയ ശസ്ത്രക്രിയകള്ക്ക് വിധേയരാകുന്നുണ്ട്; 2015 ലെ കണക്കുകള് പ്രകാരം രാജ്യത്ത് 30 മില്ല്യന് ഹൃദ്രോഗികള് ഉണ്ടായിരുന്നതായാണ് അറിയുവാന് കഴിഞ്ഞത്. ഹൃദ്രോഗങ്ങള് ഉണ്ടാവാന് കാരണമായ ചില കാര്യങ്ങളുണ്ട്, ഇവയില് ചിലത് നമുക്ക് നിയന്ത്രിക്കുവാന് കഴിയുന്നതും ചിലത് കഴിയാത്തതുമായവയാണ്.
നിങ്ങള്ക്ക് ഹൃദയ സംബന്ധിയായ രോഗങ്ങള് ഉണ്ടാകുവാനുള്ള സാധ്യതകള് വര്ദ്ധിപ്പിക്കുന്ന ചില രോഗങ്ങള് ഏതെല്ലാമെന്ന് അറിയാം.
1. പൊതു കാര്യങ്ങള്:
പാരമ്പര്യമായും, പ്രായമേറുന്നതുവഴിയും, ലഭിക്കുന്ന ചില രോഗങ്ങള്, നമ്മുടെ ധമനികളെ ചുരുക്കുവാനും, ഹൃദയത്തിലെ മസിലുകളുടെ ബലം കുറയ്ക്കുവാനും കാരണമാകുന്നു.ഇത് ഹൃദ്രോഗങ്ങളിലേയ്ക്ക് വഴിവെയ്ക്കുകയും ചെയ്യുന്നു.
2. രക്തത്തില് കൊളസ്ട്രോളിന്റെ ഉയര്ന്ന അളവ്:
രക്തത്തില് ചീത്ത കൊളസ്ട്രോളിന്റെ (LDL) അളവ് കൂടുമ്പോള് ധമനികളുടെ ഉള്ളില് പ്ലാക്ക് ഉണ്ടാകുവാനുള്ള സാധ്യത വളരെ കൂടുതലാണ്. ഇതുമൂലം അതിരോസ്ലെറോസിസ് (atherosclerosis) പോലെയുള്ള പലവിധ ഹൃദ്രോഗങ്ങള്ക്ക് വഴിവയ്ക്കുന്നു.
3. പുകവലി:
പുകവലിക്കുമ്പോള് ശരീരത്തില് പ്രവേശിക്കുന്ന നിക്കോട്ടിന് കാരണം, രക്തധമനികള് ചുരുങ്ങുക, ആന്തരികഭാഗത്തെ മോശമായി ബാധിക്കുക തുടങ്ങിയ അവസ്ഥകള് ഉണ്ടാകുന്നു. ഇത് പലവിധ ഗുരുതര ഹൃദയ രോഗങ്ങളിലേയ്ക്ക് വഴിവയ്ക്കും. പുകവലിക്കുന്ന ആളുകള്ക്ക് പുകവലിക്കാത്തവരേക്കാള് ഹൃദയസ്തംഭനം ഉണ്ടാകുവാനുള്ള സാധ്യത കൂടുതലാണെന്നാണ് പല പഠനങ്ങളും സാക്ഷ്യപ്പെടുത്തുന്നത്.
4. രക്തസമ്മര്ദ്ദം:
നിങ്ങളുടെ ബ്ലഡ് പ്രഷര് സാധാരണയിലും കൂടുതലാണെങ്കില്, ധമനികളിലെ രക്തയോട്ടം കുറയുകയും ഇതുവഴി ധമനികളുടെ ഭിത്തികള് കട്ടിയാകുകയും ചെയ്യുന്നു. ഇത് നിങ്ങളുടെ ഹൃദയത്തിന്റെ ആരോഗ്യത്തെ വളരെയധികം ബാധിക്കുകയും പിന്നീട് ഹൃദയസംബന്ധമായ രോഗങ്ങള് ഉണ്ടാകുകയും ചെയ്യും.
5. പ്രമേഹം:
നിയന്ത്രണത്തില് ഇല്ലാത്ത പ്രമേഹം ഹൃദയസ്തംഭനം ഉണ്ടാകുവാനുള്ള സാധ്യത വര്ദ്ധിക്കുന്നു. പ്രമേഹവും അമിതവണ്ണവും ഉള്ള ആളുകള്ക്ക് ഹൃദയസംബന്ധമായ രോഗങ്ങള് എളുപ്പം ഉണ്ടാകുവാനുള്ള സാധ്യതയും വളരെ കൂടുതലാണ്.
6. സ്ട്രെസ്സ്:
നിങ്ങളുടെ ദേഷ്യത്തേയും, സ്ട്രെസ്സിനെയും നിയന്ത്രിച്ച് നിര്ത്തുക, കാരണം ഇത് നിങ്ങളുടെ ധമനികളെ മോശമായി ബാധിക്കുവാന് ഇടയുണ്ട്. കൂടാതെ ഹൃദയസ്തംഭനം, സ്ട്രോക്ക് മുതലായ അവസ്ഥകള് ഉണ്ടാകുവാനും സാധ്യത ഏറെയാണ്.
ഹൃദയം ആരോഗ്യമുള്ളതായി നിലനിര്ത്തൂ, സന്തോഷകരമായ ജീവിതം നയിക്കൂ.
തേനിന്റെ ആരോഗ്യ ഗുണങ്ങളെക്കുറിച്ച് പ്രത്യേകം പറയേണ്ട ആവശ്യമില്ല. സൗന്ദര്യവും ആരോഗ്യവും നല്കുന്നതില് തേന് വഹിയ്ക്കുന്ന പങ്ക് എത്രത്തോളമെന്ന് നമുക്കെല്ലാവര്ക്കും
അറിയാം. എന്നാല് എന്നും ഒരു ടീസ്പൂണ് തേന് കഴിച്ചാല് നമ്മുടെ ശരീരത്തില് എന്താണ് സംഭവിക്കുക എന്ന് നിങ്ങള്ക്കറിയാമോ?
ഒരു ടീ സ്പൂണ് തേന് കൊണ്ട് തന്നെ നമ്മുടെ ആരോഗ്യത്തെ മാറ്റിമറിക്കാം. എങ്ങനെയൊക്കെ തേന് ആരോഗ്യത്തിന്റെ കാര്യത്തില് സഹായിക്കും എന്നു നോക്കാം.
തടി കുറയ്ക്കുന്നു
ദിവസവും ഒരു സ്പൂണ് തേന് വെച്ചു കഴിച്ചാല് ഇത് ശരീരഭാരം കുറയ്ക്കുന്നു. തടി കുറയ്ക്കാന് കഷ്ടപ്പെടുന്നവര് ഇനി മുതല് ദിവസവും ഒരു സ്പൂണ് തേന് വീതം കഴിച്ചു നോക്കൂ.
കൊളസ്ട്രോള് കുറയ്ക്കുന്നു
കൊളസ്ട്രോള് കുറയ്ക്കാനും ഇത്തരത്തില് തേന് വഹിയ്ക്കുന്ന പങ്ക് വളരെ വലുതാണ്. കൊളസ്ട്രോള് എന്ന ജീവിതശൈലി രോഗത്തെ തേന് വഴി നമുക്ക് ഇല്ലാതാക്കാം.
ദഹനം സുഗമമാക്കുന്നു
ദഹനത്തിന്റെ കാര്യത്തില് യാതൊരു വിധത്തിലുള്ള വിട്ടുവീഴ്ചയ്ക്കും നമ്മള് തയ്യാറാകുന്നില്ലെങ്കില് എന്നും തേന് കഴിയ്ക്കുന്നതാണ് നല്ലത്.
നെഞ്ചെരിച്ചില് ഇല്ലാതാക്കുന്നു
അനാരോഗ്യത്തിന്റെ പ്രകടമായ ലക്ഷണങ്ങളില് ഒന്നാണ് നെഞ്ചെരിച്ചില്. ഇത് ഇല്ലാതാക്കാന് തേന് കഴിയ്ക്കുന്നതിലൂടെ കഴിയുന്നു.
ചര്മ്മസംരക്ഷണത്തിന്
ചര്മ്മ സംരക്ഷണത്തിനും തേന് ഉത്തമസഹായിയാണ്. തേന് കഴിയ്ക്കുന്നതും തേന് പുരട്ടുന്നതും ചര്മ്മത്തെ സംരക്ഷിക്കുന്നു.
തൊണ്ടവേദനയ്ക്ക പരിഹാരം
തൊണ്ട വേദനയ്ക്ക് പരിഹാരം കാണാന് തേന് നല്ലതാണ്. തൊണ്ട വേദന ഇല്ലാതാക്കാന് ഒരു ടീസ്പൂണ് തേന് നാരങ്ങ നീരില് ചേര്ത്ത് കഴിച്ചാല് മതി.
ശരീരത്തിന് ഊര്ജ്ജം നല്കുന്നു
ശരീരത്തിന് ഊര്ജ്ജം നല്കുന്ന കാര്യത്തില് തേന് മിടുക്കനാണ്. എന്നും രാവിലെ വെറും വയറ്റില് ഒരു സ്പൂണ് തേന് വെള്ളത്തില് കലര്ത്തി കഴിച്ചാല് മതി.
ശോധന കൃത്യമാക്കുന്നു
ശോധനയുടെ കാര്യത്തിലും തേന് പരിഹാരം നല്കുന്നു. ശോധന കൃത്യമാക്കാന് എന്നും രാവിലെ വെറും വയറ്റില് ഒരു ടീസ്പൂണ് തേന് കഴിച്ചാല് മതി.
സന്തോഷത്തോടെ ജീവിതം നയിക്കുക എന്നത് ഏവരുടെയും ആഗ്രഹമാണ്. എല്ലാവരും അവരവരുടേതായ ശൈലിയിലാണ് തങ്ങളുടെ ജീവിതത്തെ ക്രമപ്പെടുത്തുന്നത്. ചിലപ്പോള് സന്തോഷമാണെങ്കില് മറ്റുചിലപ്പോള് ദുഖമായിയിരിക്കും. നാം എത്രയൊക്കെ ശ്രമിച്ചാലും ഇതില് മാറ്റം ഉണ്ടാക്കുവാന് അത്ര എളുപ്പമല്ല, എന്നാല് അസാധ്യവുമല്ല.
ഭാവി ജിവിതം സന്തോഷപൂര്ണ്ണവും ആഹ്ലാദകരവുമാക്കുന്നതില് നിങ്ങളെ സഹായിക്കുവാന് ചില വഴികള് ഇവിടെ പരിചയപ്പെടുത്തുകയാണ്.
1. ലക്ഷ്യം മനസിലാക്കുക:
ജീവിതത്തില് മുന്നോട്ട് പോകുവാന് നിങ്ങളെ പ്രചോദിപ്പിക്കുന്ന ഒരു ലക്ഷ്യം ഉണ്ടായിരിക്കണം. ഓരോ ദിവസവും ആ ലക്ഷ്യം നേടുവാനുള്ള ചിന്ത എപ്പോഴും മനസ്സില് ഉണ്ടാകുന്നതും അതിനുവേണ്ടി പ്രവര്ത്തിക്കുന്നതും ജീവിത വിജയത്തിലേയ്ക്ക് നയിക്കും. ഇനി നിങ്ങള് ഇതുവരെ ഒരു ലക്ഷ്യം മനസ്സില് കണ്ടിട്ടില്ലെങ്കില് ഉടന് തന്നെ അതിനുവേണ്ടിയുള്ള കാര്യങ്ങള് ചെയ്തു തുടങ്ങുക.
2.പരാജയം വിജയത്തിന് മുന്നോടി മാത്രം:
ഒരിക്കല് പരാജയപ്പെട്ടു എന്ന് കരുതി പിന്നീട് ആ കാര്യത്തിനായി പരിശ്രമിക്കാതെ പോകരുത്. ഇപ്പോഴും പരിശ്രമിച്ചുകൊണ്ടിരിക്കുകയാണ് വേണ്ടത്. പരാജയം വിജയത്തിന് മുന്നോടി മാത്രമാണെന്ന് മനസ്സിലാക്കി പ്രവര്ത്തിക്കുക.
3.അനുഭവങ്ങളില് നിന്നും പഠിക്കുക:
നിങ്ങള് പണം മുടക്കി എത്രമാത്രം ഒരു കാര്യം പഠിക്കുവാന് ശ്രമിക്കുന്നുവോ, അതിനേക്കാള് അറിവ് നിങ്ങള്ക്ക് നിങ്ങളുടെ അനുഭവങ്ങളില് നിന്നും ലഭിക്കും. ചില ജീവിതാനുഭവങ്ങള് നമ്മെ വളരെയധികം കാര്യങ്ങള് പഠിപ്പിക്കും.
4.നിങ്ങളുടെ കരിയര് മാത്രം പ്ലാന് ചെയ്യാതെ ജീവിതം കൂടി പ്ലാന് ചെയ്യുക:
നിങ്ങളുടെ ജീവിതം നിങ്ങളാഗ്രഹിച്ചത് പോലെ ആകണമെങ്കില് കരിയര് മാത്രമല്ല നിങ്ങളുടെ ജീവിതം കൂടി നിങ്ങള് പ്ലാന് ചെയ്യണം. എപ്പോഴും ജീവിതം ഉന്നതങ്ങളിലേയ്ക്ക് പ്ലാന് ചെയ്യുക.
5. യഥാര്ത്ഥ സൗന്ദര്യം കാണുക:
ഒരു മാഗസിനിന്റെ ഗ്ലോസ്സി കവര് പേജില് കാണുന്നതുപോലെയായിരിക്കില്ല യാഥാര്ത്ഥ്യത്തില് ഒരാളും. സത്യമായ സൗന്ദര്യം മാത്രം കാണുവാന് ശ്രമിക്കുക, പ്രകൃതിയുടെ, നിഷ്കളങ്കമായ ലാളനയുടെ എല്ലാം സൗന്ദര്യം ആസ്വദിക്കുവാന് ശ്രമിക്കുക.
6. മറ്റുള്ളവരുടെ ജീവിതവുമായി നിങ്ങളുടെ ജീവിതം താരതമ്യം ചെയ്യാതിരിക്കുക:
നിങ്ങളുടെ ജീവിതം ഇപ്പോള് തന്നെ സുന്ദരമാണ്. നിങ്ങളുടെ ജീവിതം സന്തോഷപൂര്ണ്ണമാക്കുവാന് കഠിന പ്രയത്നം വേണം. എന്നാല് മറ്റുള്ളവരുടെ ജീവിതം കണ്ട് ആഗ്രഹിക്കുന്നത് ശരിയല്ല. സ്വന്തം ജീവിതം മറ്റുള്ളവരുടെ ജീവിതവുമായി താരതമ്യം ചെയ്യുന്നതും ജീവിതത്തോടുള്ള തെറ്റായ ഒരു വീക്ഷണമാണ്
കുട്ടിയെ മുലയൂട്ടുക, ആവോളം അവരെ ഓമനിക്കുക; പ്രസവ ശേഷമുള്ള ആദ്യത്തെ കുറച്ച് ആഴ്ചകള് അമ്മമാര് ഇതുമാത്രം ചെയ്താല് മതിയെങ്കിലോ? അമ്മയ്ക്കും നവജാത ശിശുവിനും വേണ്ടിയുള്ള അനവധിസേവനങ്ങള് അടങ്ങിയ, ഏവരും ആഗ്രഹിച്ചുപോകുന്ന ഒരു പ്രോഗ്രാമാണ് Mother’s Holiday അഥവാ “MOLIDAY”.
പ്രസവാനന്തര പരിചരണത്തിനുള്ള, ബ്രാന്ഡഡ് ആയുര്വേദ ഉല്പന്നങ്ങളുടെ നിര്മ്മാണത്തിലും വിപണനത്തിലും, സര്ട്ടിഫൈഡ് തെറാപിസ്റ്റുകളെ ലഭ്യമാക്കുന്നതിലും പ്രശസ്തരായ “സൂതിക” യാണ്Moliday എന്ന ഈ നവീനമായ ആശയത്തിന്റെ പിന്നില്.
പ്രസവാനന്തരം സ്ത്രീകളില് കണ്ടുവരുന്ന വിഷാദം, മാനസിക പിരിമുറുക്കം തുടങ്ങിയവയ്ക്ക് പിന്നില്, ഉറക്കക്കുറവ്, കുട്ടിയെ നോക്കുന്നതിലുള്ള പരിചയക്കുറവ്, വിശ്രമമില്ലായ്മ്മ, ജോലിഭാരം തുടങ്ങിയ നിരവധി കാരണങ്ങളുണ്ട്. തിരക്കുപിടിച്ച ജീവിത രീതിയും അണുകുടുംബങ്ങളുടെ വ്യാപനവും മൂലം അറിഞ്ഞോ അറിയാതെയോ പല സ്ത്രീകളും ഇന്ന് കുഴമ്പ് തേച്ചുള്ള കുളി, മസ്സാജിംഗ്, തുടങ്ങിയ ശാസ്ത്രീയമായ പ്രസവാനന്തര പരിചരണമോ ആവശ്യത്തിന് വിശ്രമമോ എടുക്കാറില്ല. ഇത് പില്കാലത്ത് നിരവധി ആരോഗ്യപ്രശ്നങ്ങളിലേയ്ക്ക് നയിക്കുന്നതായി പഠനങ്ങള് സാക്ഷ്യപ്പെടുത്തുന്നു.
പ്രസവപരിചരണവും വിശ്രമവും സ്ത്രീയ്ക്കുള്ള ആനൂകൂല്യമല്ല, അവകാശമാണ്. ഒരു കുഞ്ഞിനു നമുക്ക് നല്കാന് കഴിയുന്ന ഏറ്റവും നല്ല സമ്മാനം, സന്തോഷവും ആരോഗ്യമുള്ള ഒരമ്മയെയാണ്. MOLIDAY യുടെ ലക്ഷ്യവും ഫിലോസഫിയും ഇതുതന്നെയാണ്.
കേരളത്തിലെ പ്രധാനപ്പെട്ട എല്ലാ നഗരങ്ങളിലേയും പ്രശസ്തമായ അപ്പാര്ട്ട്മെന്റ് ഹോട്ടലുകളുമായി ചേര്ന്നാണ് MOLIDAY-യുടെ പ്രവര്ത്തനം. ആശുപത്രിയുടെ അന്തരീക്ഷത്തില് നിന്നും മാറി, ഒഴിവ് ദിനങ്ങള് ആസ്വദിക്കുവാന് വരുന്ന ആളെപ്പോലെ ഹോട്ടലില് താമസിച്ച്, അവിടുത്തെ എല്ലാ സൗകര്യങ്ങളും ഉപയോഗിക്കാന് MOLIDAY അവസരമൊരുക്കുന്നു. അമ്മയുടെ മനസ്സിന് ഉണര്വും ഉന്മേഷവും നല്കി ശരീരത്തിന് ആരോഗ്യവും ഭംഗിയും വീണ്ടെടുക്കുവാന് MOLIDAY യുടെ സേവനങ്ങളും ഹോട്ടലിലെ ആഡംബരപൂര്ണ്ണമായ താമസവുംകൊണ്ട് സാധിക്കുന്നു.
ആവശ്യമായ വിശ്രമവും ശാസ്ത്രീയമായ പരിചരണവും ഉറപ്പ് നല്കിക്കൊണ്ട് പാരമ്പര്യ തനിമ ചോരാതെയുള്ള ആയുര്വേദ പരിചരണമാണ് Moliday യുടെ ഭാഗമായി അമ്മയ്ക്കും കുഞ്ഞിനും നല്കുന്നത്.
തികച്ചും ശാസ്ത്രീയമായി ചിട്ടപ്പെടുത്തിയതാണ് MOLIDAY-യിലെ ഓരോ ഘട്ടവും. നവജാത ശിശുക്കളെ കുളിപ്പിക്കുന്നതിനും പരിചരിക്കുന്നതിനും പ്രാഗല്ഭ്യവും വീട്ടുജോലികളില് പരിചയവുമുള്ള ഒരു നാനിയുടെ മുഴുവന്സമയ സേവനം MOLIDAY യുടെ ഭാഗമാണ്. തന്മൂലം അമ്മയ്ക്ക് കുട്ടിയുടെ മറ്റ് കാര്യങ്ങള് ശ്രദ്ധിക്കേണ്ടതായോ, പാചകം, വസ്ത്രമലക്കല് തുടങ്ങിയ മറ്റു ജോലികല് ചെയ്യേണ്ടതായോ വരുന്നില്ല.
7 ദിവസം,14 ദിവസം, 28 ദിവസം തുടങ്ങി കസ്റ്റമേഴ്സിന്റെ ബഡ്ജറ്റിനുസരിച്ചുള്ള പാക്കേജുകള് MOLIDAY യില് ലഭ്യമാണ്. ചുരുങ്ങിയത് 14 ദിവസമെങ്കിലും നീണ്ടു നില്ക്കുന്ന ഒരു പാക്കേജ് അമ്മയുടെയും കുഞ്ഞിന്റെയും സമഗ്ര ആരോഗ്യത്തിന് മുതല്കൂട്ടാകും എന്നതില് തര്ക്കമില്ല.
കൂടുതല് വിവരങ്ങള്ക്കും ബുക്കിംഗിനും: +91 99950 38888
പ്രസവ സമയത്ത് അമ്മയ്ക്കോ കുഞ്ഞിനോ ഏതെങ്കിലും തരത്തിലുള്ള പ്രശ്നങ്ങളോ ബുദ്ധിമുട്ടുകളോ ഉണ്ടാകുവാനുള്ള സാധ്യത കണക്കിലെടുത്ത് അവലംബിക്കുന്ന മാര്ഗ്ഗം, അതാണ്
സിസ്സേറിയന്. എന്നാല് ഇന്ന് പ്രസവ വേദന അനുഭവിക്കുവാന് താല്പര്യമില്ലാത്തവരും തന്റെ കുഞ്ഞിന് ജന്മം നല്കുവാന് ഈ മാര്ഗ്ഗം സ്വീകരിച്ചുവരുന്നു.
സിസ്സേറിയന് ശേഷം സ്ത്രീകള്ക്ക് അല്പ്പം ബുദ്ധിമുട്ടുകള് ഉണ്ടാകുന്നത് സാധാരണയാണ്. എന്നാല് ഇത്തരം ബുദ്ധിമുട്ടുകളെ കൂടാതെ മറ്റുചില കാര്യങ്ങള് കൂടി ശ്രദ്ധിക്കേണ്ടതുണ്ട്. അവ ഏതെല്ലാമെന്ന് അറിയുവാന് വായിക്കൂ:
സാനിറ്ററി നാപ്കിന് ഉപയോഗിച്ചാല് ക്യാന്സര് വരുമോ?
ഈ കാലഘട്ടത്തില് സാനിറ്ററി നാപ്കിനുകള് ഉപയോഗിക്കുന്നവരുടെ എണ്ണം വളരെ കൂടുതലാണ്. തിരക്ക് പിടിച്ച ജീവിത ശൈലി ഉള്ള സ്ത്രീകള്ക്ക് ആര്ത്തവസമയത്ത് സാനിറ്ററി
നാപ്കിനുകള് എപ്പോഴും ഏറെ ഗുണപ്രദമാണ്. അതിനാല് തന്നെ ഇന്ന് പലതരത്തിലും ബ്രാന്ഡിലുമുള്ള സാനിറ്ററി നാപ്കിനുകള് മാര്ക്കറ്റില് ലഭ്യമാണ്. എന്നാല് ഇവ കൂടുതലായി ഉപയോഗിച്ചാല് ഉണ്ടാകുന്ന പല ആരോഗ്യപ്രശ്നങ്ങളെക്കുറിച്ചും പലരും അക്ജ്ഞരാണ്.
സാനിറ്റി നാപ്കിനുകള് നൂറു ശതമാനം വൃത്തി വാഗ്ദാനം ചെയ്യുമ്പോഴും ഇതു മൂലം പല ദോഷങ്ങളും ഉണ്ടാകുന്നു എന്നതാണ് വാസ്തവം.
ലിക്വിഡ് ജെല്ലാക്കി മാറ്റി ദീര്ഘനേരം ഉപയോഗിയ്ക്കാമെന്നവകാശപ്പെട്ട് അള്ട്രാ നാപ്കിനുകള് മാര്ക്കറ്റില് സുലഭമാണ്. ഇവ ദീര്ഘനേരം ഉപയോഗിയ്ക്കാന് സാധിയ്ക്കുന്നു, എന്നാല് ഇതിന്റെ അമിത ഉപയോഗം ബ്ലാഡര്, യൂട്രസ് ക്യാന്സറുകള്ക്ക് വഴിയൊരുക്കുന്നു എന്നത് ഒരു യാഥാര്ത്ഥ്യമാണ്.
ആര്ത്തവരക്തത്തിന്റെ ദുര്ഗന്ധമകറ്റുമെന്നവകാശപ്പെട്ട് സുഗന്ധമുള്ള നാപ്കിനുകള് വരുന്നുണ്ട്. ഇവയില് പോളിഎഥിലീന്, പോളിപ്രൊപൈലീന് തുടങ്ങിയ കെമിക്കലുകള് അടങ്ങിയിട്ടുണ്ട്. ഇവ വന്ധ്യത, ക്യാന്സര്, ഹോര്മോണ് പ്രശ്നങ്ങള് എന്നിവയ്ക്കെല്ലാം വഴിയൊരുക്കും.
ചില നാപ്കിനുകള് നല്ലപോലെ വെളുത്തു വൃത്തിയായിരിയ്ക്കും. ഇവ ഇതേ രീതിയിലാക്കാന് ഉപയോഗിയ്ക്കുന്നത് ക്ലോറിന് ഗ്യാസാണ്. ഇത് ഡയോക്സിനുകള് ശരീരത്തിലാകാന് വഴിയൊരുക്കുന്നു.
ഡയോക്സിനുകള് കോശങ്ങളില് ശേഖരിക്കപ്പെട്ട് സ്ത്രീകളുടെ പ്രത്യുല്പാദന അവയവയങ്ങളില് ശേഖരിയ്ക്കപ്പെടുന്നു. ഡയോക്സിനുകള് ക്യാന്സര് സാധ്യതയുണ്ടാക്കുന്ന കാര്സിനോജനുകളാണ്.
നാപ്കിനുകള് നിര്മിക്കാന് പ്ലാസ്റ്റിക്, സിന്തെറ്റിക് വസ്തുക്കള് ഉപയോഗിയ്ക്കുന്നു. ഇവ ബാക്ടീരിയല് അണുബാധകള്ക്ക് കാരണമാകും.
ഇത്തരം പ്ലാസ്റ്റിക്, സിന്തെറ്റിക് വസ്തുക്കള് ടോക്സിക് ഷോക്ക് സിന്ഡ്രോം എന്ന അവസ്ഥയുണ്ടാക്കും. ഇവയിലെ നാരുകള് ശരീരത്തില് തന്നെ പറ്റിയിരിയ്ക്കുന്നതു വഴിയാണ് ഇതുണ്ടാകുന്നത്.
നാപികിനുകള് ഉപയോഗിയ്ക്കാനുണ്ടാക്കുന്ന പഞ്ഞി കീടനാശിനികളും കെമിക്കലുകളും മറ്റും തളിച്ചു വരുന്നവയാണ്. ഇത് വ്ന്ധ്യതയടക്കമുള്ള പല പ്രശ്നങ്ങള്ക്കും കാരണമാകും.
ഓര്ഗാനിക് സാനിറ്ററി നാപ്കിനുകളും മെന്സ്ട്രല് കപ്പുകളും ഉപയോഗിയ്ക്കുന്നതാണ് സുരക്ഷിതമായ വഴി.
നമ്മുടെ ശരീരത്തില് കോശങ്ങളുടെ രൂപീകരണത്തിലും, എനര്ജി ലെവല് മികച്ചതാക്കി നിലനിര്ത്തുന്നതിനും സഹായകമാകുന്ന അനേകം വിറ്റാമിനുകളുണ്ട്, അവയില് ഒന്നാണ് വിറ്റാമിന് B12. പാല്, ഇറച്ചി എന്നീ ഉത്പന്നങ്ങളിലാണ് ഇവ കൂടുതലായും അടങ്ങിയിട്ടുള്ളത്, അതിനാല് സസ്യാഹാരികളില് ഇതിന്റെ അപര്യാപ്തത കൂടുതലായി കണ്ടുവരാറുണ്ട്. നാഡീവ്യൂഹത്തെ ക്രമീകരിക്കുവാനും ഇതുവഴി തലച്ചോറില് ബാധിക്കുന്ന പലവിധ രോഗങ്ങളെയും ഒരു പരിധി വരെ തടഞ്ഞു നിര്ത്തുവാനും വിറ്റാമിന് B12 സഹായിക്കുന്നു. അതുപോലെ നിങ്ങളുടെ ശരീരത്തില് ഈ വിറ്റാമിന്റെ അളവ് കുറഞ്ഞാല് ചില രോഗങ്ങളിലേയ്ക്ക് അത് വഴി വച്ചേക്കാം.
1. തീവ്രത കുറഞ്ഞ അനീമിയ:
വിറ്റാമിന് B12 കുറയുമ്പോള് സാധാരണയായി ഉണ്ടാകുന്ന ഒന്നാണ് അനീമിയ (രക്തക്കുറവ്). ശരീരത്തില് വിറ്റാമിന് B12 കുറയുമ്പോള് കോശങ്ങളുടെ ഇരട്ടിക്കല് തടസ്സപ്പെടുകയും, ചുവന്ന രക്താണുക്കളുടെ അളവില് കുറവുണ്ടാകുകയും, ഇത് അനീമിയയിലേയ്ക്ക് വഴിതെളിക്കുകയും ചെയ്യുന്നു.
2. ബുദ്ധിയ്ക്കും ഓര്മ്മയ്ക്കും ഉണ്ടാകുന്ന പ്രശ്നങ്ങള് (Cognitive difficulties):
ഓര്മ്മക്കുറവ്, വിഭ്രാന്തി, വിവേകം നഷ്ടപ്പെടുക എന്നിങ്ങനെയുള്ള അവസ്ഥകള് വിറ്റാമിന് B12ന്റെ അളവ് കുറയുമ്പോള് ഉണ്ടാകുന്നു. ഈ അവസ്ഥകള് 60 വയസ്സ് കഴിഞ്ഞ ആളുകളിലാണ് കൂടുതലായും കണ്ടു വരുന്നത്.
3. നാഡീസംബന്ധിയായ പ്രശ്നങ്ങള്:
ശരീരത്തില് വിറ്റാമിന് B12ന്റെ അളവ് കുറയുമ്പോള് ബുദ്ധിബ്രംശം, ചിത്തഭ്രമം, വിഷാദം എന്നീ അവസ്ഥകള് ഉണ്ടാകുന്നു. നാഡീവ്യൂഹത്തിലും, തലച്ചോറിലും ഉണ്ടാകുന്ന മാറ്റങ്ങളാണ് ഇതിനു കാരണം.
4. ഉന്മേഷക്കുറവ്:
B12ന്റെ കുറവ് കാരണം ഉദാസീനത അനുഭവപ്പെടുകയും എനര്ജി റിലീസ് ചെയ്യുവാന് സഹായിക്കുന്ന ഫോളിക്ക് ആസിഡിനെ ആകിരണം ചെയ്യുന്നതില് മന്ദത അനുഭവപ്പെടുകയും ചെയ്യുന്നു. ഉന്മേഷക്കുറവ് കാരണം അതിയായ ക്ഷീണം, നടപ്പ് ഉറയ്ക്കാത്ത പോലെ വരിക എന്നീ അവസ്ഥകളും ഉണ്ടാകുന്നു.
5. വൈകാരികത:
ഈ വിറ്റാമിന് കുറവുള്ള പല ആളുകളിലും കൈകാലുകള്, വിരലുകള്, പാദം എന്നിവിടങ്ങളില് ഇടയ്ക്കിടെ ഇക്കിളി അനുഭവപ്പെടാറുണ്ട്. ചിലര്ക്ക് മുഖത്ത് തരിപ്പ് അനുഭവപ്പെടുകയും ചെയ്യും.
6. ഹൃദയമിടിപ്പും സ്വാസോച്ച്വാസവും വര്ദ്ധിക്കുന്നു:
വിറ്റാമിന് B12 ന്റെ കുറവ് കോശങ്ങളുടെ ഉത്പാദനത്തെ ബാധിക്കുന്നു. അതിനാല് ഹൃദയമിടിപ്പിലും സ്വാസോച്ച്വാസത്തിലും ഉള്ള വര്ദ്ധനവ്, ക്ഷീണം, തളര്ച്ച എന്നിവ അനുഭവപ്പെടുകയും ചെയ്യുന്നു.
7. പേശി വീക്കം:
ഫോളിക്ക് ആസിഡിന്റെ ആകിരണം ശരിയായ ക്രമത്തില് നടക്കാതെ വരുന്നതിനാല് പേശി വീക്കം ഉണ്ടാകുവാനും സാധ്യത ഏറെയാണ്. ബ്ലീഡിംഗ് എളുപ്പത്തില് ഉണ്ടാകുവാനുള്ള സാധ്യത, പല്ലുകള്ക്കിടയില് നിന്നും രക്തം വരുക, തുടങ്ങിയ അവസ്ഥകളും ഉണ്ടാകുന്നു.
ഇത്തരം ലക്ഷണങ്ങള് ശ്രദ്ധയില് പെട്ടാല് ഉടന് തന്നെ ഡോക്ടറെ കണ്ട് ഉചിതമായ ചികിത്സ തേടുക എന്നത് പ്രധാനമാണ്.
ശരീരത്തിലെ പ്രത്യക്ഷമായ മിക്ക ഭാഗങ്ങളെയും പരിപാലിക്കുന്ന കാര്യത്തില് നാം വിട്ടുവീഴ്ച വരുത്താറില്ല. പക്ഷെ മറ്റു ഭാഗങ്ങളെ അത്രയധികം ശ്രദ്ധിക്കാറുമില്ല. ഉദാഹരണത്തിന് യോനി അല്ലെങ്കില് വജൈന (Vagina) നന്നായി പരിപാലിച്ചില്ലെങ്കില് വളരെയധികം അസ്വസ്ഥതകള് അനുഭവപ്പെടാന് സാധ്യതയുള്ള ഒരു അവയവമാണ് ഇത്. യോനിയില് പ്രകൃതിദത്തമായ ആസിഡുകളും ഇന്ഫെക്ഷനുകളെ തടയുവാനായി സഹായിക്കുന്ന ആരോഗ്യകരമായബാക്റ്റീരിയകളും ഉണ്ട്. എന്നിരുന്നാലും ചില ഇന്ഫെക്ഷനുകള്, വരള്ച്ച, മൂത്രനാളിയിലെ പഴുപ്പ് എന്നിവയെല്ലാം ഇവിടെ ഉണ്ടാകാറുണ്ട്. ഇവയെ എല്ലാം ഒരു പരിധി വരെ തടഞ്ഞു നിര്ത്തുവാന് നിങ്ങള് കഴിക്കുന്ന ചില ആഹാരങ്ങള്ക്ക് സാധിക്കും. അവ ഏതെല്ലാമെന്ന് ചുവടെ:
1. ക്രാന്ബെറി ജ്യൂസ്:
മൂത്രനാളിയിലെ പഴുപ്പ് മറ്റ് ഇന്ഫെക്ഷനുകള്, ചീത്ത ബാക്റ്റീരിയകള് എന്നിവയെ എല്ലാം ഒരു പരിധി വരെ തടഞ്ഞ് നിര്ത്തുവാന് അമ്ലാംശമുള്ള ഈ പഴത്തിന്റെ ജ്യൂസ് കുടിക്കുന്നത് വളരെയധികം സഹായിക്കും. പുളിപ്പുള്ള പഴം തന്നെ വാങ്ങുവാന് ശ്രദ്ധിക്കുക.
2. യോഗര്ട്ട്:
നല്ല ബാക്റ്റീരിയകളുടെ കലവറയാണ് യോഗര്ട്ട്. ഇത് യോനീ ഭാഗത്തെ ph ലെവല് സന്തുലിതമായി നിലനിര്ത്തുവാന് സഹായിക്കും.
3. വെളുത്തുള്ളി:
ആന്റിമൈക്രോബിയല് ഗുണങ്ങളുള്ള വെളുത്തുള്ളിക്ക് യോനിയില് ഉണ്ടാകുന്ന പലവിധ ഇന്ഫെക്ഷനുകളെ ഒരു പരിധി തടയുവാന് സാധിക്കും.
4. സോയ:
ഫൈറ്റോഈസ്ട്രോജെന്(phytoestrogen) അധികമായുള്ള ഇത് യോനിയെ നനവുള്ളതാക്കി നിലനിര്ത്തുവാന് സഹായിക്കുന്നു. സംസ്കരിച്ചെടുത്ത സോയയ്ക്ക് പകരം കൂടുതല് നാച്യുറല് വറൈറ്റിയായ ടോഫു (tofu) കഴിക്കുക.
5. മധുരക്കിഴങ്ങ്:
ആരോഗ്യമുള്ള വജൈനയ്ക്കായി വിറ്റാമിന് A കൂടുതലായടങ്ങിയിട്ടുള്ള മധുരക്കിഴങ്ങ് കഴിക്കുന്നത് നല്ലതാണ്. ഇത് യോനിയെ നനവുള്ളതാക്കി നിലനിര്ത്തുവാന് സഹായിക്കുന്ന ഹോര്മോണുകളുടെ ഉത്പാദനത്തില് സഹായിക്കുന്നു.
6. ഡാര്ക്ക് ചോക്ലേറ്റ്:
ആന്റിഒക്സിഡന്റ്സിന്റെ കലവറയായ ഫ്ലെവനോയിടുകളാല് സമ്പുഷ്ടമാണ് ഇത്. നിങ്ങളുടെ മൂഡ് നന്നാക്കുവാനും വജൈനയുടെ ആരോഗ്യത്തിനും ഇത് കഴിക്കുന്നത് ഫലം ചെയ്യും.
7. ഫ്രഷ് ഫ്രൂട്ട്സ്:
ആര്ത്തവകാലത്തെത്തെയും, ലൈംഗീകവേഴ്ചയ്ക്കിടെയുമുള്ള വേദനയ്ക്ക് ശുദ്ധമായ പഴങ്ങള് ഒരു പരിധി വരെ പരിഹാരം നല്കും. വിറ്റാമിനുകള്, മിനറലുകള് എന്നിവയാല് സമ്പുഷ്ടമായ ഇവ കഴിക്കുന്നത് യോനിയെ മാത്രമല്ല നിങ്ങളുടെ ശരീരം മുഴുവനും ആരോഗ്യമുള്ളതാക്കി നിലനിര്ത്തുവാന് സഹായിക്കും.
8. വെള്ളം:
നിങ്ങളുടെ ചര്മ്മത്തിന് മാത്രമല്ല യോനിയുടെ ആരോഗ്യത്തിനും ധാരാളം വെള്ളം കുടിക്കുന്നത് നല്ലതാണ്. അതിനാല് ധാരാളം വെള്ളം കുടിക്കുക.
മുഖത്ത് കൊഴുപ്പ് അടിഞ്ഞുകൂടുന്നത് കാരണം പല സ്ത്രീകള്ക്കും തങ്ങളുടെ പ്രകൃതിദത്തമായ സൗന്ദര്യം നഷ്ടമാകാറുണ്ട്. ചീര്ത്ത മുഖം കാരണം വിഷമിക്കുന്ന സ്ത്രീകളും വിരളമല്ല. അതിനാല് മുഖത്ത് അടിഞ്ഞുകൂടുന്ന ഇത്തരം കൊഴുപ്പ് കുറയ്ക്കുവാനായി പലവിധ പരിഹാര മാര്ഗ്ഗങ്ങളും തേടുന്നു. മുഖത്തെ കൊഴുപ്പ് കുറയ്ക്കുവാനും ഭംഗിയുള്ള താടി ലഭിക്കുവാനും ചില ഉഗ്രന് മാര്ഗ്ഗങ്ങളെ ഈ ലേഖനത്തില് പരിചയപ്പെടുത്തുന്നു.
1.താടിയ്ക്കായി വ്യായാമം ചെയ്യാം:
താടിയഴകിനായ് വ്യായാമം ചെയ്യേണ്ടത് അത്യാവശ്യമാണ്. മുഖത്തെ കൊഴുപ്പ് കളഞ്ഞ് മുഖം ഭംഗിയുള്ളതാക്കുവാന് പല തരത്തിലുള്ള വ്യായാമങ്ങളും ഉണ്ട്. തല വട്ടത്തില് കറക്കുക, വായ തുറക്കുകയും അടയ്ക്കുകയും ചെയ്യുക തുടങ്ങി പല വ്യായാമ മുറകള് നിങ്ങള് ആഗ്രഹിച്ച താടിയഴക് നേടുവാന് സഹായകരമാകും.
2. ചിരിക്കുന്നത് ഗുണം ചെയ്യും:
ചിരിക്കുന്നത് വഴി പല ആരോഗ്യ ഗുണങ്ങളും നമുക്ക് ലഭിക്കുന്നു, അതിലൊന്നാണ് മുഖത്തെ മസിലുകളെ ടോണ് അപ്പ് ചെയ്യുവാന് സാധിക്കുന്നത്. ചിരിക്കുന്നത് ഒരു നല്ല വ്യായാമം കൂടിയാണ്. കൂടാതെ ഇത് നല്ല മൂഡ് ഉണ്ടാക്കുവാനം സഹായകരമായ ഒന്നാണ്.
3. ച്യൂയിംഗ് ഗം ചവയ്ക്കാം:
മുഖത്തെ മസിലുകള്ക്കായുള്ള ഉത്തമവും എളുപ്പവുമായ വ്യായാമ മുറയാണ് ച്യൂയിംഗ് ഗം ചവയ്ക്കുന്നത്. ഇതുവഴി താടി ഒതുക്കമുള്ളലതായി മാറ്റുവാന് സാധിക്കും. അതുമാത്രമല്ല ഇതിനായി അധികം പരിശ്രമിക്കേണ്ടതുമില്ല.
4.ചിന് ലിഫ്റ്റ് ചെയ്യാം:
വായ മുഴുവനായി തുറക്കുകയും അടയ്ക്കുകയും ചെയ്യുന്നതിലൂടെ കവിളുകളില് അധികമായുള്ള കൊഴുപ്പ് കുറയ്ക്കുവാന് സാധിക്കും. ഇത് ദിവസേന 10 തവണയെങ്കിലും ചെയ്യുക.
5.മീനിന്റെ പോലെ മുഖം പിടിക്കുക:
മീനുകളുടെ മുഖം പോലെ നിങ്ങളുടെ കവിളുകള് വായിലേയ്ക്ക് ചുരുക്കി പിടിച്ച് ചിരിക്കുക. മുഖത്തെ മസിലുകളെ ഒതുക്കമുള്ളതാക്കുവാന് ഇങ്ങനെ ചെയ്യുന്നത് സഹായിക്കും. അഞ്ച് സെക്കന്റ് നേരമെങ്കിലും ഇതേ രീതിയില് മുഖം പിടിക്കുക, ശേഷം രണ്ടുമൂന്നു തവണയെങ്കിലും ആവര്ത്തിക്കുക.
6.മുഖം മസ്സാജ് ചെയ്യുക:
രക്തയോട്ടം വര്ദ്ധിപ്പിക്കുവാന് മസ്സാജിംഗ് ചെയ്യുന്നത് വളരെ ഫലപ്രദമാണ്, അതിനാല് മുഖത്ത് വൃത്താകൃതിയില് മസ്സാജ് ചെയ്യുക. താടി, കവിളുകള്, നെറ്റി, കണ്തടം എന്നിവിടങ്ങളില് കുറച്ച് സമയം ഇതുപോലെ മസ്സാജ് ചെയ്യുക. ചര്മ്മം ദൃഡമാക്കുവാനും ഇതിലൂടെ സാധിക്കുന്നു. ഐസ് ക്യൂബുകള് ഉപയോഗിച്ചും മസ്സാജിംഗ് ചെയ്യാവുന്നതാണ്.
7. നന്നായി ഉറങ്ങുക:
ആരോഗ്യമുള്ള ശരീരത്തിനായി ദിവസേന 8 മണിക്കൂറെങ്കിലും ഉറങ്ങുക. വേണ്ടവിധം ഉറങ്ങിയില്ലെങ്കില് ക്ഷീണവും തളര്ച്ചയും നിങ്ങളുടെ മുഖത്തെ സൗന്ദര്യത്തിന് മങ്ങലേല്പ്പിച്ചേക്കാം.
8. മേയ്ക്കപ്പ് ഇടാം:
ഉടനെ ഒരു പരിഹാരമാണ് ആവശ്യമെങ്കില് മേയ്ക്ക് അപ്പ് നിങ്ങളെ സഹായിച്ചേക്കാം. അധികം ശ്രദ്ധിക്കാത്ത രീതിയില് അല്പ്പം മേയ്ക്ക് അപ്പ് ഇടുക. ബ്രോണ്സര് ടെക്നിക്ക്, ഹൈലൈറ്റര് എന്നിവ പ്രയോജനപ്രദമാകും.
9. കവിളുകളും ചുണ്ടുകളും ഇറുക്കിപിടിച്ച് ആര്ട്ടിഫിഷ്യലായി ചിരിക്കുക:
താടിയഴകിനായ് കവിളുകളും ചുണ്ടുകളും ഇറുക്കിപിടിച്ച് ആര്ട്ടിഫിഷ്യലായി ചിരിക്കുന്നത് ഏറെ ഗുണം ചെയ്യും. ദിവസേന 10-15 പ്രാവശ്യം ഇത് ആവര്ത്തിക്കുക. നിങ്ങളുടെ മുഖത്തെ കൊഴുപ്പ് കുറയ്ക്കുവാനും നല്ല ഭംഗിയുള്ള താടിയ്ക്കായും ഈ വ്യായാമം വളരെ നല്ലതാണ്.
നല്ല ആരോഗ്യത്തിനും വണ്ണം കുറയ്ക്കുവാനും ഓടാന് പോകുന്നത് (Jogging) വളരെയധികം സഹായിക്കുമെന്ന് നമുക്കെല്ലാം അറിയാമല്ലോ. എന്നാല് ഇത് മാത്രമല്ല ജോഗ്ഗിങ്ങ് ചെയ്താലുള്ള
ഗുണങ്ങള്. അടുത്തിടെ നടന്ന പഠനത്തില് കണ്ടെത്തുവാന് സാധിച്ചത് ജോഗ്ഗിങ്ങ് (അല്ലെങ്കില് മറ്റേതെങ്കിലും വ്യായാമം) ചെയ്യുന്നതിലൂടെ ബുദ്ധിവികാസം ഉണ്ടാകുന്നു എന്നാണ്. നിങ്ങളുടെ തലച്ചോറില് പുതിയ കോശങ്ങളെ വികസിപ്പിച്ച് ഓര്മ്മശക്തി വര്ദ്ധിപ്പിക്കുവാനും ഇതിലൂടെ സാധിക്കുന്നു.
മുതിര്ന്ന ആളുകളില് പുതിയ കോശങ്ങള് ഉണ്ടാകുന്നതിനെ ന്യൂറോജെനെസിസ് എന്നാണ് വിളിക്കുന്നത്. എലികളില് നടത്തിയ പരീക്ഷണത്തില് നിരന്തരമായി ഓടിക്കൊണ്ടിരുന്ന എലികളില് പുതിയ ന്യൂറോണുകള് വികസിച്ചതായും ബുദ്ധി വികസിച്ചതായും കണ്ടെത്തുവാന് സാധിച്ചു. ഇതുവഴി തലച്ചോറിന്റെ ഗുണമേന്മ വര്ദ്ധിക്കുന്നതായും കണ്ടെത്തിയിട്ടുണ്ട്
ഈ പഠനത്തിനായി ശാത്രജ്ഞര് രണ്ട് ഗ്രൂപ്പ് എലികളെയാണ് ഉപയോഗിച്ചത്. ഒരു ഗ്രൂപിനെ ഒന്നും ചെയ്യാതെ നിര്ത്തുകയും മറ്റേ ഗ്രൂപ്പിനെ വീലില് ഓടിക്കുകയും ചെയ്തു. ശേഷം നടത്തിയ ടെസ്റ്റുകളുടെ അടിസ്ഥാനത്തിലാണ് ഈ കണ്ടെത്തല്.
ജോഗ്ഗിങ്ങ് ചെയ്യുന്നതിലൂടെ ന്യൂറോജെനെസിസ് വഴി തലച്ചോറിന് നവോന്മേഷം ലഭിക്കുന്നു എന്നതാണ് ഈ പരീക്ഷണത്തിലൂടെയും കണ്ടെത്തലിലൂടെയും മനസിലാക്കുവാന് സാധിക്കുന്നത്.
ഇപ്പോള് ജോഗ്ഗിങ്ങ് ചെയ്യുന്നതിലൂടെ ലഭിക്കുന്ന മറ്റൊരു ഗുണം അറിഞ്ഞുകഴിഞ്ഞല്ലോ? എന്നാല് പിന്നെ സമയം പാഴാക്കാതെ നവോന്മേഷമുള്ള ആരോഗ്യജീവിതത്തിനായി ജോഗ്ഗിങ്ങ് (അല്ലെങ്കില് മറ്റേതെങ്കിലും വ്യായാമം) ശീലമാക്കൂ.
എല്ലുകളുടെ ഗുണവും സാന്ദ്രതയും പെട്ടെന്ന് നഷ്ടപെടുന്ന അവസ്ഥയെ അസ്ഥിക്ഷയം അഥവാ ഓസ്റ്റിയോപൊറോസിസ് (Osteoporosis) എന്ന് വിളിക്കുന്നു. ഈ അവസ്ഥയില് എല്ലുകള് വളരെ ദുര്ബലവും പെട്ടന്ന് പൊട്ടിപോകുന്ന സ്ഥിതിയിയിലുമാകുന്നു. എല്ലുകളില്പൊട്ടലുകളുണ്ടാകുവാനുള്ള സാധ്യതയും ഈ അവസ്ഥയില് വളരെ കൂടുതലാണ്. എല്ലുകളുടെ സാന്ദ്രത കുറയുകയും അവ ശോഷിച്ച് തുടങ്ങുകയും ചെയ്യും.
നാല്പത് വയസ്സിനു മുകളില് പ്രായമുള്ള സ്ത്രീകളില് ഈ അസുഖം വരാനുള്ള സാധ്യത വളരെയധികമാണ്. വയസ്സാകും തോറും ഈ അസുഖം പിടിപെടുവാനുള്ള സാഹചര്യം കൂടുന്നു. അസുഖത്തിന്റെ യാതൊരുവിധ ലക്ഷണങ്ങളും പ്രാരംഭകാലങ്ങളില് പ്രകടമാകാത്തതിനാല് ഇതിനെ ഒരു നിശബ്ദ അസുഖമായാണ് കണക്കാക്കപ്പെടുന്നത്.
പാരമ്പര്യമായ കാരണങ്ങള്, പോഷകക്കുറവ്, പുകവലി, അലസത, വണ്ണക്കുറവ്, തുടങ്ങി പല കാരണങ്ങളാലും ഈ അസുഖം പിടിപെടാം.
ശരീരത്തിലെ അപര്യാപ്തമായ കാത്സ്യത്തിന്റെ അളവും ഈ രോഗത്തിന് കാരണമാകുന്നു. ശരീരത്തില് മാംഗനീസ് , കോപ്പര്, സിങ്ക്, വിറ്റാമിന് D, K എന്നിവയുടെ കുറഞ്ഞ അളവും അസ്ഥിക്ഷയത്തിന് വഴിവയ്ക്കും. അതിനാല് ഈ അസുഖത്തില് നിന്നും ഒരു പരിധി വരെ രക്ഷ നേടുവാനായി കൃത്യതയുള്ളതും ആരോഗ്യപരവുമായ ഒരു ഭക്ഷണ ശൈലി വളര്ത്തിയെടുക്കേണ്ടതുണ്ട്.
ഈ ലേഖനത്തില് ഓസ്റ്റിയോപൊറോസിസ് ഉണ്ടാകുന്നത് തടയുവാനായി സഹായിക്കുന്ന പോഷകസമ്പുഷ്ടമായ ആഹാരങ്ങള് ഏതെല്ലാമെന്ന് പരിചയപ്പെടുത്തുന്നു:
മീന്:
ഓസ്റ്റിയോപൊറോസിനെ തടുക്കുവാനായി വളരെയധികം സഹായിക്കുന്ന ഒരു ആഹാരമാണ് മീന്. എല്ലുകളുടെ ആരോഗ്യം നിലനിര്ത്തുവാന് സഹായിക്കുന്നതില് ഒരു പ്രധാന പങ്കു വഹിക്കുന്ന കാല്സ്യത്തിന്റെ കലവറയാണ് ഇവ. മത്തി, കോര തുടങ്ങിയ മീനുകളില് കാല്സ്യത്തിന്റെ അളവ് വളരെയധികമാണ്. ഇവ കഴിക്കുന്നതിലൂടെ അസ്ഥിക്ഷയത്തെ പ്രതിരോധിക്കുവാനും, എല്ലുകളുടെ ആരോഗ്യം മികച്ചതായി നിലനിര്ത്തുവാനും സാധിക്കുന്നു.
യോഗര്ട്ട്:
ഇതില് അടങ്ങിയിട്ടുള്ള കാത്സ്യം, വിറ്റാമിനുകള്, പോഷകങ്ങള് എന്നിവ അസ്ഥിക്ഷയം ഉണ്ടാകുവാനുള്ള സാധ്യതയെ കുറയ്ക്കുന്നു. മാത്രമല്ല എല്ലുകളുടെ തേയ്മാനം തടയുവാനും ആരോഗ്യത്തിനും ഇതിലടങ്ങിയിട്ടുള്ള വിറ്റാമിന് D സഹായിക്കും. ഇത് കഴിക്കുന്നതിലൂടെ ആമാശയത്തിനെ ബാധിക്കുന്ന അസുഖങ്ങള് കുറയുകയും പ്രതിരോധ ശേഷി വര്ദ്ധിക്കുകയും ചെയ്യുന്നു.
പാല്:
നിത്യേന പാല് കുടിക്കുന്നത് അസ്ഥിക്ഷയത്തെ തടയുവാന് സഹായിക്കുന്നു. പാലും, പാലുത്പന്നങ്ങളും കാത്സ്യം, പ്രോട്ടീന്, കാര്ബോഹൈഡ്രേറ്റ്, വിറ്റാമിനുകള്, എന്നിവയാല് സമ്പുഷ്ടമാണ്. ഇത് വേഗത്തില് പ്രായം കൂടുന്നതും, അലര്ജികളെയും മറ്റും കുറയ്ക്കുവാനും, മുറിവുകള് ഉണക്കുവാനും, ചര്മ്മത്തിന് മൃദുത്വം നല്കുവാനും സഹായിക്കുന്നു.
മുട്ട:
അസ്ഥിക്ഷയത്തിനെ തടയുവാനായി മുട്ട കഴിക്കേണ്ടത് വളരെ അത്യാവശ്യമാണ്. വിറ്റാമിനുകള്, കാത്സ്യം, സെലെനിയം, ഫോളേറ്റ് എന്നിവയാല് സമ്പുഷ്ടമായ ഇത് കഴിക്കുന്നത് വഴി എല്ലുകളുടെ ആരോഗ്യം കാത്തുസൂക്ഷിക്കുവാനും, മുടിയുടെയും നഖങ്ങളുടെയും ആരോഗ്യം വര്ദ്ധിപ്പിക്കുവാനും സാധിക്കുന്നു. ഇതില് പ്രകൃതിദത്തമായി അടങ്ങിയിട്ടുള്ള പ്രോട്ടീനുകള് അസ്ഥിക്ഷയത്തെ തടഞ്ഞു നിര്ത്തുവാനും സഹായിക്കുന്നു.
ക്യാബേജ്:
നാരുകള്, വിറ്റാമിനുകള്, ധാതുക്കള് എന്നിവയാല് സമ്പുഷ്ടമാണ് ക്യാബേജ്. ഇതില് അടങ്ങിയിടുള്ള വിറ്റാമിന് K എല്ലുകളെ ബലപ്പെടുത്തുവാനും അല്ഷ്യെമേഴ്സ് രോഗത്തെ വരെ തടയുവാന് സഹായകമാകുന്നുണ്ട്.
പഴം:
കാത്സ്യം, പോഷകങ്ങള് എന്നിവയാല് സമ്പുഷ്ടമായ പഴം ദിവസേനെ കഴിക്കുന്നത് അസ്ഥിക്ഷയം ഉണ്ടാകുന്നത് തടയും. ക്യാന്സര്, പ്രമേഹം, മോര്ണിംഗ് സിക്നെസ് എന്നിവയില് നിന്നും ഒരു പരിധി വരെ പ്രതിരോധം നേടുവാനും ഇതുവഴി സാധിക്കും.
ബീന്സ്:
ഇവയില് വിറ്റാമിന് D, കാത്സ്യം, ഫൈബര്, ആന്റിഓക്സിഡന്റ്സ് എന്നിവ വളരെയധികമായുണ്ട്. അതിനാല് അസ്ഥിക്ഷയം തടയുവാനുള്ള ഒരു ഉത്തമ ആഹാരമാണ് ബീന്സ്. ഇവ ചുവന്നരക്താണുക്കളെ ഉത്പാദിപ്പിക്കുന്നതിലും സഹായിക്കുന്നുണ്ട്.
നാം ഒരാളെ കാണുമ്പോള് ആദ്യം കാണുന്നത് കണ്ണുകളെയാണ് എന്നാണ് പഠനങ്ങള് സാക്ഷ്യപ്പെടുത്തുന്നത്. ഭംഗിയുള്ള കണ്ണുകളിലേക്ക് നാം പെട്ടന്ന് ആകൃഷ്ടരാകും. ഭംഗിയുള്ള കണ്ണുകള് സൗന്ദര്യത്തെ മാത്രമല്ല നല്ല ആരോഗ്യത്തെ കൂടിയാണ് സൂചിപ്പിക്കുന്നത്.
മോയ്സ്ച്യുറൈസിങ്ങ്, ക്ലെന്സിംഗ്, ടോണിങ്ങ് എന്നിങ്ങനെ മുഖത്തെത്തിന്റെയും ചര്മ്മത്തിന്റെയും തിളക്കം നിലനിര്ത്തുവാനും മറ്റുമായി നാം പല കാര്യങ്ങളും ചെയ്യാറുണ്ട്. എന്നാല് കണ്ണുകളുടെ പരിപാലനത്തില് അധികം ശ്രദ്ധ നല്കാറില്ല. അതിനാല് ഭംഗിയുള്ള കണ്ണുകള്ക്കായി ചില ശീലങ്ങള് പിന്തുടരേണ്ടതുണ്ട്.
അര്രോഗ്യമുള്ള തിളക്കമാര്ന്ന കണ്ണുകള്കക്കായി പാലിക്കേണ്ട ശീലങ്ങള് ഏതെല്ലാമെന്ന് നോക്കാം:
നന്നായി ഉറങ്ങുക:
ഉറക്കം, കണ്ണുകളുടെ പരിപാലനത്തിനായി അവശ്യം ചെയ്യേണ്ട ഒരു കാര്യമാണ്. നിങ്ങള് ഉറങ്ങുന്നതിനായി എടുക്കുന്ന സമയവും നിലവാരവുമാണ് നിങ്ങളുടെ കണ്ണുകളുടെ ഉന്മേഷത്തിന് ആധാരം. വൈകിയുള്ള ഉറക്കം നിങ്ങളുടെ കണ്ണുകളിലെ തിളക്കം നഷ്ടപ്പെടുത്തുവാന് കാരണമായേക്കാം. അതിനാല് വൈകിയുള്ള ഉറക്കം പരമാവധി ഒഴിവാക്കുകയും നിശ്ചിത സമയം ഉറങ്ങുവാനും ശ്രമിക്കുക.
സ്ട്രെസ് ഒഴിവാക്കി റിലാക്സ് ആകുക:
കണ്ണുകള് മനസ്സിലേയ്ക്കുള്ള വാതിലുകളാണ്. നമ്മുടെ മനസ്സിലെ വിഷമങ്ങളും സ്ട്രെസ്സും കണ്ണുകളില് പ്രതിഫലിച്ച് കാണും. ഇത്തരം അവസ്ഥ വാര്ദ്ധക്യത്തെ വേഗത്തില് നിങ്ങളിലെക്കെത്തിക്കും. അതിനാല് നിങ്ങള് വളരെയധികം സ്ട്രെസ് അനുഭവിക്കുന്ന ഒരാളാണെങ്കില് അത് കുറയ്ക്കുവാനുള്ള മാര്ഗ്ഗങ്ങള് സ്വീകരിക്കുക.
കണ്ണുകള്ക്ക് ഐ പായ്ക്ക്:
കണ്ണുകളില് ഫേസ് പായ്ക്കുകള് പുരട്ടാറില്ല, കണ്ണുകള്ക്ക് ചുറ്റും മാത്രമേ ഇവ പുരട്ടാറുള്ളൂ. കണ്ണുകളില് ഫേസ് പായ്ക്ക് പറ്റാതിരിക്കുവാനും അസ്വസ്ഥത ഉണ്ടാകാതിരിക്കുവാനുമാണ് ഇങ്ങനെ ചെയ്യുന്നത്. അതിനാല് കണ്തടത്തില് ഐ പായ്ക്കുകള് പുരട്ടുക. ഇവ കണ്തടത്തിലെ ചര്മ്മത്തിന് ഉതകുന്നതായിരിക്കും. എന്നിരുന്നാലും കണ്ണുകളെ റിലാക്സ് ആക്കുവാന്, ഒരു കഷ്ണം കുക്കുംബര് വട്ടത്തില് അരിഞ്ഞത് കണ്ണിനു മുകളില് വയ്ക്കുക. കണ്ണുകളെ റിലാക്സ് ആക്കുവാന് ഇത് സഹായിക്കും.
വാര്ദ്ധക്യത്തിന്റെ ലക്ഷണങ്ങള്:
കണ്ണുകള്ക്ക് ചുറ്റുമുല്ല ചര്മ്മത്തില് കാണപ്പെടുന്ന ചുളിവുകള് വയസ്സാകുന്നു എന്നതിനെ സൂചിപ്പിക്കുന്ന ആദ്യ ലക്ഷണമാണ്. കണ്ണുകള്ക്ക് ചുറ്റുമുള്ള ചര്മ്മം വളരെ ലോലമാണ്. അതിനാലാണ് ഇവിടം പ്രായം കൂടുംതോറും ചുളിഞ്ഞ് വരുന്നത്. അതിനാല് ഇവിടം ഇപ്പോഴും മോയ്സ്ച്യുറൈസര് ഉപയോഗിച്ച് ചെറുതായി മസ്സാജ് ചെയ്യുക.
ധാരാളം വെള്ളം കുടിക്കുക:
ശരീരത്തിലെ ജലാംശം കുറയുമ്പോള് നിങ്ങളുടെ പ്രകൃതിദത്തമായ ഭംഗി കുറയുന്നു. അതിനാല് ആവശ്യത്തിന് വെള്ളം കുടിക്കണം. ഇങ്ങനെ ചെയ്യുന്നത് കണ്ണുകളുടെ ആരോഗ്യത്തെയും നിലനിര്ത്തുവാന് സഹായിക്കും.
കണ്ണട ധരിക്കുന്നവര്ക്ക്:
കണ്ണട ധരിച്ചിരിക്കുന്ന ആളുകള് സാധാരണയായി അവരുടെ കണ്ണുകള് മുഴുവനായും തുറക്കാറില്ല. ഇത് നിങ്ങളുടെ കണ്ണുകളെ കുഴിഞ്ഞിരിക്കുന്നയി തോന്നിപ്പിക്കും. അതിനാല് കണ്ണട മാറ്റി കോണ്ട്ടാക്റ്റ് ലെന്സുകള് വയ്ക്കുകയോ നിങ്ങളുടെ കണ്പോളകള് മുഴുവനായും തുറന്നിരിക്കുന്നതിനെ തടസ്സപ്പെടുത്തുന്ന രീതിയിലുള്ള ഫ്രെയിമുകള് ഉള്ള കണ്ണടകള് ഉപയോഗിക്കുകയോ ചെയ്യുക. ഭംഗിയുള്ള കണ്ണുകള്ക്കായി ഇത് നിങ്ങളെ സഹായിക്കും.
കണ്ണുകള്ക്കുവേണ്ടി ഇവ കഴിക്കാം…
ആരോഗ്യസംപുഷ്ടമായ ഭക്ഷണം കഴിക്കുന്ന കാര്യം ആലോചിക്കുമ്പോള് നമ്മളില് പലരും തടി കുറയ്ക്കുക, എല്ലുകളുടെ ബലം കൂട്ടുക എന്നുതുടങ്ങിയ കാര്യങ്ങളെ ചിന്തിക്കുകയുള്ളൂ. നാംഹൃദയം, തലച്ചോര്, എല്ലുകള് എന്നിവയില് കൂടുതല് ശ്രദ്ധ നല്കി അവയ്ക്കനിയോജ്യമായ ഭക്ഷണം തിരഞ്ഞെടുക്കുന്നു. എന്നാല് കണ്ണുകള്ക്ക് ആരോഗ്യം പ്രദാനം ചെയ്യുന്ന ഭക്ഷണങ്ങളെക്കുറിച്ച് വളരെ കുറച്ചേ ചിന്തിക്കാറുള്ളൂ. വാര്ദ്ധക്യസഹജമായ കഴ്ചക്കുറവ്, തിമിരം തുടങ്ങി പല രോഗങ്ങളെയും ഒരു പരിധി വരെ തടഞ്ഞു നിര്ത്തുവാന് ആദ്യമേ മുതല് ചില ഭക്ഷണങ്ങള് കഴിക്കുന്നത് നല്ലതാണ്. അതിനാല് കണ്ണുകളുടെ ആരോഗ്യത്തിനായ് കഴിക്കേണ്ട ഇത്തരം ഭക്ഷണങ്ങളെകുറിച്ച് അറിയാം:
ഇലക്കറികള്: ഇലക്കറികള് ലൂറ്റീന്, സിയസാന്തിന് എന്നിവയുടെ കലവറയാണ്. ഇവ പുറപ്പെടുവിക്കുന്ന ആന്റി ഒക്സിഡന്റ്സിന് കണ്ണുകളില് മാക്യുലാര് ടീജെനെറേഷന്( വയസ്സാകും തോറും കാഴ്ച കുറയുന്ന അവസ്ഥ) ,തിമിരം എന്നിവ ഉണ്ടാകുന്നത് ഒരു പരിധി വരെ തടയുവാനുള്ള കഴിവുണ്ട്. അതിനാല് കണ്ണുകളുടെ ആരോഗ്യത്തിന് ഇലക്കറികള് അധികമായി കഴിക്കുക. ഇലക്കറികളില് ചീരയിലാണ് ലൂറ്റീന്, സിയസാന്തിന് എന്നിവ അധികമായും കാണപ്പെടുന്നത്.
മുട്ട: മുട്ടയില് ലൂറ്റീന്, സിയസാന്തിന് എന്നിവ വളരെ അധികമുണ്ട്. ഇവമാക്യുലാര് ടീജെനെറേഷന് (macular degeneration) തിമിരം എന്നിവയില് നിന്നും ഒരു പരിധി വരെ അകറ്റി നിര്ത്തുന്നു.
ബ്ലാക്ക് കറന്റ്: ഇതൊരു പഴവര്ഗ്ഗമാണ്.ഇതില് ആന്തോസയാനിന്സ് എന്ന ആന്റിഒക്സിടന്റിന്റെ അളവ് അധികമാണ്. ഇവയ്ക്ക് വയസ്സാകും തോറും കാഴ്ച കുറയുന്നതിനെ ഒരളവ് വരെ തടഞ്ഞുനിര്ത്തുവാന് സാധിക്കുന്നു.
ഓറഞ്ച്: കണ്ണുകളുടെ ആരോഗ്യം നിലനിര്ത്തുവാന് സഹായിക്കുന്ന ഒരു മികച്ച ഫ്രൂട്ടാണ് ഓറഞ്ച്. വിറ്റാമിന് C അധികമായുള്ള ഇത് കണ്ണുകളിലെ കോശങ്ങളുടെആരോഗ്യം വര്ദ്ധിപ്പിക്കുകയും ചെയ്യുന്നു.
ബദാം: വിറ്റാമിന് E യാല് സമ്പുഷ്ടമാണ് ബദാം. ഇത് കണ്ണുകളിലെ കാഴ്ച കുറയുന്ന അവസ്ഥയെ സാവധാനമാക്കുന്നു.
ആരോഗ്യമുള്ള കണ്ണുകള്ക്കായി ആരോഗ്യമുള്ള ഭക്ഷണം കഴിക്കൂ…
ചര്മത്തിന് കാന്തിയും തിളക്കവും ഉണ്ടാകുവാനായി ക്ലെന്സിംഗ്, ടോണിങ്ങ്, മോയ്സ്ച്യുറൈസിംഗ് എന്നിവ ചെയ്യുന്നത് വളരെ ഫലപ്രദമാണ്. ഇതില് തന്നെ ഏറ്റവും ചര്മ്മ സംരക്ഷണത്തിന് പ്രധാനപെട്ടതും ഗുണമുള്ളതുമായ ഒന്നാണ് ടോണിങ്ങ്. ചര്മ്മത്തിന്റെ pH ലെവല് വീണ്ടെടുക്കുന്നതിനും ടോണിങ്ങ് വളരെയധികം സഹായിക്കുന്നു.
മുഖത്തിന്റെ പരിപാലനത്തിനും, നിറം വര്ദ്ധിപ്പിക്കുവാനും, ഇന്ഫെക്ഷനുകളെ തടയുന്നതിനും ടോണിങ്ങ് സഹായിക്കുന്നു.
കെമിക്കല് ടോണറുകളില് അടങ്ങിയിട്ടുള്ള ആല്ക്കഹോള് മുഖത്തെ എണ്ണമയം മുഴുവന് കളയുകയും അതിനാല് ചര്മ്മം കൂടുതല് വരണ്ടതായി അനുഭവപ്പെടുവാനും കാരണമാകുന്നു. അതിനാല് പ്രകൃതിദത്തമായതും വീട്ടില് ഉണ്ടാക്കുന്നതുമായ സ്കിന് ടോണറുകള് ഉപയോഗിക്കുന്നതാണ് കൂടുതല് സുരക്ഷിതം. എണ്ണമയമുള്ള മുഖത്തിന് സ്കിന് ടോണറുകള് വളരെ അത്യന്താപേക്ഷിതമാണ്. മുഖത്തെ ചുളിവുകള്, പാടുകള് എന്നിവ മാറ്റുവാനും ഇവ സഹായിക്കുന്നു.
എണ്ണമയമുള്ള മുഖത്തിന്റെ പരിപാലനത്തിനായി വീട്ടില് തയ്യാറാക്കാവുന്ന ചില ടോണറുകളെ ഈ ലേഖനത്തില് പരിചയപ്പെടുത്തുന്നു:
പുതിന ഇല:
മുഖത്തെ ഡെഡ് സെല്ലുകളെ നീക്കം ചെയ്യുവാനും മുഖകാന്തി വര്ദ്ധിപ്പിക്കുവാനും പുതിന ഇല വളരെയധികം സഹായിക്കുന്നു. ചൂട് വെള്ളത്തില് പുതിന ഇലകള് ഇട്ട് തണുക്കുവാന് അനുവദിക്കുക. ഈ വെള്ളത്തില് മുഖം നന്നായി തുടച്ച് കഴുകുക. ശേഷം ശുദ്ധജലത്തില് മുഖം കഴുകുക.
കറ്റാര്വാഴ:
വെറും മോയ്സ്ച്യുറൈസറായി മാത്രമല്ല ചര്മ്മത്തിന്റെ കാന്തി വര്ദ്ധിപ്പിക്കുന്നതിനും ഇത് സഹായിക്കും. കറ്റാര്വാഴയുടെ ജ്യൂസോ ജെല്ലോ എടുത്ത് ഇത് മുഖത്ത് തേച്ച് പിടിപ്പിച്ച് കുറച്ച് സമയത്തിനു ശേഷം കഴുകി കളയുക. ഇങ്ങനെ ചെയ്യുന്നത് വളരെ ഫലപ്രദമാണ്.
തക്കാളി ജ്യൂസ്:
നഷ്ടപെട്ടുപോയ മുഖകാന്തിയും ചര്മ്മത്തിന്റെ തിളക്കം വീണ്ടെടുക്കുവാനും ഇതിലും നല്ല വെറോരു മാര്ഗ്ഗമില്ല. തക്കാളി ജ്യൂസില് സമം തേനും ചേര്ത്ത് കട്ടിയുള്ള ഒരു പേസ്റ്റ് ആക്കുക. ശേഷം മുഖത്ത് പുരട്ടി കുറച്ച് സമയത്തിനു ശേഷം കഴുകി കളയുക.
തണുത്ത വെള്ളം:
ചര്മ്മത്തിന്റെ തിളക്കം വീണ്ടെടുക്കുന്നതിനായി ഏറ്റവും ലഘുവായ ഒരു മാര്ഗ്ഗമാണ് ഇത്. ചര്മ്മത്തിന്റെ ഈര്പ്പം നിലനിര്ത്തി ചൂട്കുരു, മുഖക്കുരു എന്നിവയെ തടയുവാന് തണുത്ത വെള്ളം സഹായിക്കും. മുഖം തിളങ്ങുവാന് അല്പ്പം തണുത്ത വെള്ളത്തില് മുഖം കഴുകൂ. ഐസ് ക്യൂബുകള് ഉപയോഗിക്കുന്നതും ഫലം ചെയ്യും.
വിനാഗിരി:
ചര്മ്മകാന്തിയ്ക്കായി വിനാഗിരിയും ഏറെ സഹായിക്കുന്നു. ചര്മ്മത്തിന്റെ pH ലെവല് വീണ്ടെടുക്കുവാന് ഇത് സഹായിക്കും. ഒരു പഞ്ഞി വിനാഗിരിയില് മുക്കി മുഖം തുടയ്ക്കുക. ഇത് നിത്യേന ആവര്ത്തിക്കുന്നതിലൂടെ മാറ്റം നേരില് കാണുവാന് സാധിക്കും.
“സൗന്ദര്യം ശക്തിയാണ്, മേക്ക് അപ്പ് അതിനെ വളരെയധികം വര്ദ്ധിപ്പിക്കുന്ന ഒന്നും; അത് സ്ത്രീകളുടെ മാത്രം രഹസ്യമാണ്”
തങ്ങളുടെ ഭംഗിയെ വര്ദ്ധിപ്പിക്കുവാനായി മേക്ക് അപ്പ് ഇടുവാന് സ്ത്രീകള്ക്ക് പൊതുവേ വളരെയിഷ്ടമാണ്. പക്ഷെ പെര്ഫെക്റ്റ് ലുക്കിനായുള്ള മേക്ക് അപ്പിനായി ഏറെ നേരം ചിലവഴിക്കുന്നത് നമ്മില് പലര്ക്കും താല്പര്യമില്ലായിരിക്കാം. അതിനാല് അധികസമയം ചിലവിടാതെ തന്നെ ഈസിയായി മേക്ക് അപ്പ് ഇടുവാന് സാധിച്ചാലോ? അതെ, ഈസിയായി മിനിറ്റുകള് കൊണ്ട് സൗന്ദര്യം വര്ദ്ധിപ്പിക്കുവാന് ഇത് വായിക്കൂ:
1. ഫ്രഷ് മേക്ക് അപ്പ്:
ഒരു പാര്ട്ടിക്കിടയിലോ ഏതെങ്കിലും പരിപാടിക്കിടയിലോ നിങ്ങള് വാഷ് റൂമില് മേക്ക് അപ്പ് ഫ്രഷ് ആക്കുവാന് പോകുമ്പോള്, മുഖത്തുള്ളത് കളഞ്ഞ് പുതുതായി മേക്ക് അപ്പ് ഇടുന്നതിനു പകരം കണ്ണുകളുടെ മടക്കിലും തടത്തിലും അല്പ്പം ബ്ലഷ് പുരട്ടൂ. നിങ്ങളുടെ കണ്ണുകള് വളരെ ഫ്രഷ് ആയി കാണപ്പെടും.
2. ലിപ്പ് സ്റ്റെയിന്സ്:
ചുണ്ടുകളില് പുരട്ടുവാന് ലിപ്പ് സ്റ്റെയിനുകള്(Lip stains) ഇപ്പോള് പരക്കെ ഉപയോഗിക്കുന്നുണ്ട്. അപ്പോള് വീട്ടിലെ അടുക്കളയില് നിന്നും ഒരെണ്ണം ഉണ്ടാക്കിയാലോ? ചുണ്ടുകളില് ഒരു കഷണം ബീറ്റ്റൂട്ട് വെച്ച് തേക്കുക. ഇതിന്റെ നിറം ഏറെ മണിക്കൂറുകള് നിലനില്ക്കും. അതുമാത്രമല്ല നിങ്ങളുടെ ചുണ്ടുകളുടെ പ്രകൃതിദത്തമായ നിറമാണിതെന്നെ ആര്ക്കും തോന്നൂ.
3. സെലെക്റ്റീവ് ഫൌണ്ടേഷന്:
ഫൌണ്ടേഷന് ഇടുമ്പോള് മുഖത്ത് മുഴുവനായി തേക്കേണ്ട ആവശ്യമില്ല. കവിള് തടം, നെറ്റി, മൂക്കിനു മുകളില്, ചുണ്ടുകല് താഴെ, താടി ഭാഗം എന്നിങ്ങനെയുള്ള ഇടങ്ങളില് മാത്രം ഫൌണ്ടേഷന് ഇടുക.
4. പ്രൈമര് റീപ്ലേസ്മെന്റ്:
നിങ്ങളുടെ പക്കല് പ്രൈമര് ഇല്ലെങ്കില് വിഷമിക്കേണ്ടതില്ല. ആദ്യം മുഖം ശുദ്ധ ജലത്തില് നന്നായി കഴുകി, ക്ലെന്സിംഗ്, ടോനിംഗ്, മോയ്സ്ച്യുറൈസിംഗ് എന്നിവ ചെയ്യുക. ഇനി പ്രൈമര് പുരട്ടാം (ഫൌണ്ടേഷന് ഇടുന്നതിനു മുന്പ്). ഇതിനായി കുറച്ച് പൌഡര് കയ്യില് എടുത്ത് മുഖത്ത് പുരട്ടുക. ഇത് നിങ്ങളുടെ മേക്ക് അപ്പ് ഏറെ നേരം ഭംഗിയായി നിലനിര്ത്തുന്നതിന് സഹായിക്കും .
4. ലോവര് മസ്കാര:
നിങ്ങളുടെ കണ്പീലികളില് താഴെയുള്ളവയില് മസ്കാര, കോല് ഉപയോഗിച്ച് പുരട്ടുമ്പോള് അവിടെ ഇത് പടരുവാന് സാധ്യതയുണ്ട്. ഇതൊഴിവാക്കുവാന് താഴത്തെ കണ്പീലികളില് ഐ ഷാഡോ ബ്രഷ് ഉപയോഗിച്ച് മസ്കാര ഒരു കോട്ടിംഗ് പോലെ പുരട്ടുക. മസ്കാര നല്ല വൃത്തിയായി കാണപ്പെടും.
5. തിക്ക് ലാഷസ്:
കുറച്ച് മസ്കാര കണ്പീലികളില് പുരട്ടിയതിനു ശേഷം കുറച്ച് ബേബി പൌഡര് ഇതിന്മേല് തൂവുക. ശേഷം ഇതിനുമേല് ഒരു കോട്ട് മസ്കാര കൂടി പുരട്ടുക. കണ്പീലികള്ക്ക് നല്ല കട്ടി തോന്നിക്കുവാന് ഇത് സഹായകമാകും.
6. ഡ്രൈ ഷാംപൂ: നമുക്ക് മിക്കവര്ക്കും എണ്ണമയമുള്ള മുടിയാണ്. പക്ഷെ നമ്മുടെ പക്കല് ഇപ്പോഴും ഡ്രൈ ഷാംപൂ ഉണ്ടാകണമെന്നില്ലല്ലോ. ഇതിനു എളുപ്പത്തില് ചെയ്യാവുന്ന ഒരു പരിഹാര മാര്ഗ്ഗമുണ്ട്. കുറച്ച് ബേബി ടാല്ക്ക് എടുത്ത് മേക്ക് അപ്പ് ബ്രഷ് ഉപയോഗിച്ച് ശിരോചര്മ്മത്തില് തൂവുക. കുറച്ച് സമയത്തിനു ശേഷം ബ്രഷ് ഉപയോഗിച്ച് ഇത് നീക്കം ചെയ്യുക. താരനാണെന്ന് തെറ്റിദ്ധരിക്കാതിരിക്കാന് ശ്രദ്ധാപൂര്വ്വം നീക്കം ചെയ്യുക.
ഇനി മേക്ക് അപ്പും ഈസിയായി ചെയ്യാമല്ലോ?
അവസാനം പരിഷ്കരിച്ചത് : 6/22/2020
കൂടുതല് വിവരങ്ങള്
കൂടുതല് വിവരങ്ങള്
കൂടുതല് വിവരങ്ങള്
കൂടുതല് വിവരങ്ങള്