ക്ലോറിന് ലായനി തയ്യാറാക്കുന്ന വിധം: 6 ടീസ്പ്പൂണ് ബ്ലീച്ചിംഗ് പൗഡര് വെള്ളം ചേര്ത്ത് കുഴമ്ബുരൂപത്തിലാക്കുക. അതിലേക്ക് ഒരു ലിറ്റര് വെള്ളം ചേര്ത്ത് കലക്കി ലയിപ്പിക്കുക. 10 മിനിറ്റ് സമയം അനക്കാതെ വച്ച് തെളിയാന് അനുവദിക്കുക. ശേഷം അതിന്റെ തെളി എടുത്ത് ഉപയോഗിക്കാം. ക്ലോറിന് ലായനി ഒഴിച്ച് അര മണിക്കൂര് കഴിഞ്ഞശേഷം മാത്രം കഴുകുക.
കിണര് ക്ലോറിനേഷന് ചെയ്യുന്ന വിധം
ഒരു സാധാരണ കിണറിന്റെ ഒരു ഉറ(തൊടി) യ്ക്ക് ഏകദേശം അര ടീസ്പൂണ് ബ്ലീച്ചിംഗ് പൗഡര് എന്ന കണക്കില് ആകെയുള്ള വെള്ളത്തിന്റെ അളവില് ക്ലോറിന് ലായനി തയ്യാറാക്കി കിണറ്റില് ഒഴിച്ച് ഒരു മണിക്കൂറിന് ശേഷം വെള്ളം ഉപയോഗിക്കാം. ആയിരം ലിറ്റര് വെള്ളത്തിന് അര ടീസ്പണ് (രണ്ടരഗ്രാം) ബ്ലീച്ചിംഗ് പൗഡര് സാധാരണ ക്ലോറിനേഷനും ഒരു ടീസ്പൂണ് പൗഡര് സൂപ്പര് ക്ലോറിനേഷനും
ഉപയോഗിക്കണം.
ആരോഗ്യകരമായ മൂന് കരുതലുകള്
കുടിവെള്ളം തിളപ്പിച്ച് ആറ്റിയത് മാത്രം ഉപയോഗിക്കുക. പാത്രം കഴുകാനും ബ്ലീച്ചിംഗ് ലായനി ഉപയോഗിക്കണം. ബ്ലീച്ചിംഗ് ലായനിയില് അല്പം ഡിറ്റര്ജന്റ് പൗഡര് കൂടി ഉപയോഗിച്ച് കഴുകാനുള്ള ലായനി തയ്യാറാക്കാം. സോപ്പ് ഉപയോഗിച്ച് കൈകഴുകിയശേഷം മാത്രം ഭക്ഷണം കഴിക്കുക. നനഞ്ഞു കുതിര്ന്ന് കേടായ വസ്ത്രങ്ങളും കിടക്കയും മറ്റും ഉപേക്ഷിക്കുക. പരിസരം വൃത്തിയാക്കുന്നതിന് നീറ്റുകക്ക, കുമ്മായം ഇവ ഉപയോഗിക്കുക. മലിനജലവുമായി സമ്ബര്ക്കത്തില്പ്പെടുന്നവര് ആഴ്ചയിലൊരിക്കല് പ്രതിരോധ മരുന്ന് കഴിക്കണം. കൈകാലുകളില് മുറിവുള്ളവര് ഡോക്ടറുടെ ഉപദേശം തേടേണ്ടതും പ്രതിരോധ ഗുളിക കഴിക്കേണ്ടതുമാണ്. അണുബാധയുണ്ടാകാന് സാധ്യതയുള്ളതിനാല് പ്രമേഹരോഗികള് കൃത്യമായി ചികിത്സയെടുക്കണം. ഭക്ഷണം പാകം ചെയ്യുവാന് ഉപയോഗിക്കുന്ന പാത്രങ്ങള്, ഗ്ലാസ്സുകള് തുടങ്ങിയ വസ്തുക്കള് ക്ലോറിനേറ്റ് ചെയ്തു. വെള്ളത്തില് കഴുകിയെടുത്തതിനുശേഷം ഉപയോഗിക്കുക. കൈയും വായും കഴുകുന്നതിനും ക്ലോറിനേറ്റ് ചെയ്ത വെള്ളം ഉപയോഗിക്കണം. വീട് വൃത്തിയാക്കുമ്ബോള് പാഴ്വസ്തുക്കള് അലക്ഷ്യമായി വലിച്ചെറിയരുത്. പ്ലാസ്റ്റിക് മാലിന്യങ്ങള് വ്യത്തിയാക്കി ശുചീകരണ പ്രവര്ത്തനം നടത്തുമ്ബോള് വിഷപ്പാമ്ബുകളുടെ സാന്നിദ്ധ്യം ഉണ്ടാകാനിടയുള്ളതിനാല് സൂക്ഷിക്കണം. വീടിന് പുറത്ത് ഇറങ്ങുമ്ബോഴെല്ലാം നിര്ബന്ധമായും ചെരുപ്പ് ഉപയോഗിക്കണം. പാത്രം കഴുകുന്നതിനായി ശേഖരിക്കുന്ന വെള്ളത്തില് 20 ലിറ്ററിന് 1 എന്ന കണക്കില് ക്ലോറിന് ഗുളിക ചേര്ക്കുക. ആരോഗ്യപ്രവര്ത്തകരുടെ നിര്ദ്ദേശങ്ങള് കര്ശനമായി പാലിക്കുക.
ചില കാര്യങ്ങള് വളരെ ശ്രദ്ധിക്കണം
കടപ്പാട്:Kerala Online News
അവസാനം പരിഷ്കരിച്ചത് : 2/16/2020