തടികുറക്കാന് കാലങ്ങളായി കഷ്ടപ്പെടുന്നു, എന്നിട്ടും പണം കുറഞ്ഞതല്ലാതെ തടി കുറഞ്ഞില്ല എന്ന് പരാതി പറയുന്നവര് ധാരാളം ഉണ്ട്. കാരണം കൃത്യമായി ഡയറ്റും വ്യായാമവും എല്ലാം ചെയ്തിട്ടും തടി കുറഞ്ഞില്ലേ, എന്നാല് അതിന് പിന്നിലെ പ്രധാന കാരണം നമ്മുടെ ശരീര പ്രകൃതി തന്നെയാണ്. തടിയും വയറും ഒതുക്കാന് ഒരിക്കലും ഒരേ ഡയറ്റ് അല്ല എല്ലാവര്ക്കും വേണ്ടത്. ശരീരത്തിന്റെ ആകൃതിയും ശരീരപ്രകൃതിയും അനുസരിച്ച് ഇതെല്ലാം മാറി മറിഞ്ഞ് വരും. എന്നാല് പലപ്പോഴും ഇത്തരം പ്രശ്നങ്ങളെ ഇല്ലാതാക്കുന്നതിന് ഓരോ ശരീര പ്രകൃതിക്കും അനുസരിച്ചുള്ള ഡയറ്റ് ആണ് വേണ്ടത്.
ശരീര പ്രകൃതി അനുസരിച്ച് ശ്രദ്ധിക്കേണ്ട ചില കാര്യങ്ങള് ഉണ്ട്. ചിലര്ക്ക് വയര് ചാടിയതായിരിക്കും. ചിലരുടേതാകട്ടെ ഇടുപ്പായിരിക്കും തൂങ്ങിയിട്ടുണ്ടാവുക, ചിലര്ക്ക് തടിയായിരിക്കും ഉണ്ടാവുക. ഇതെല്ലാം അറിഞ്ഞ് വേണം ഏത് തരത്തിലുള്ള ശരീര പ്രകൃതിയാണ് എന്ന് തീരുമാനിക്കേണ്ടത്. ഇതെല്ലാം അറിഞ്ഞ് മാത്രമേ നമുക്ക് ഇത്തരം പ്രതിസന്ധികളെ ഇല്ലാതാക്കുന്നതിന് സഹായിക്കുകയുള്ളൂ. ആരോഗ്യത്തിന് വില്ലനാവുന്ന അവസ്ഥകളില് നിന്നെല്ലാം രക്ഷപ്പെടുന്നതിന് ശരീരാകൃതി നോക്കി നമുക്ക് ഡയറ്റ് തീരുമാനിക്കാം. എങ്ങനെയെന്ന് നോക്കാം.
ആപ്പിള് ബോഡി ഷേപ്പ്
ആപ്പിളിന്റെ ഷേപ്പ് ആയിരിക്കും ചിലരുടെ ശരീരത്തിന്. ഉയരവും തടിയും എല്ലാം ഒരു പോലെയായിരിക്കും ഉണ്ടാവുക. അമിതവണ്ണം ഏറ്റവും കൂടുതല് അലട്ടുന്നതും ഇവരെ തന്നെയായിരിക്കും. ആപ്പിള് ബോഡി ഷേപ്പ് ഉള്ളവരുടെ തൂക്കം പ്രധാനമായും കേന്ദ്രീകരിയ്ക്കുന്നത് ശരീരത്തിന്റെ മധ്യത്തിലായാണ്. ഇടുപ്പിന്റേയും നെഞ്ചിന്റേയും അളവ് ഏകദേശം ഒരുപോലെ ആയിരിക്കും ഇവരില് പലര്ക്കും. ഇവര്ക്കുണ്ടാവുന്ന ആരോഗ്യ പ്രതിസന്ധികള് എന്തൊക്കെയെന്ന് നോക്കാം.
ആരോഗ്യപ്രശ്നം
ഇവര്ക്ക് പ്രധാനമായും ഹൃദയസംബന്ധമായ പ്രശ്നങ്ങളാണ് ഉണ്ടാവുന്നത്. ഇത് പ്രായമായവരിലാകട്ടെ ചെറുപ്പക്കാരിലാകട്ടെ തടിയും വയറും കൂടുതലുള്ള എല്ലാവര്ക്കും ഒരുപോലെ ഉണ്ടായിരിക്കും. അതുകൊണ്ട് തന്നെ നമ്മുടെ കാര്ഡിയോ വാസ്കുലര് സിസ്റ്റം കൂടുതല് ശ്രദ്ധ നല്കേണ്ടതാണ്. ഹൃദയസംബന്ധമായ പ്രശ്നങ്ങള് വര്ദ്ധിക്കുന്നതിനുള്ള സാധ്യത വളരെ കൂടുതലായാണ് കാണിക്കുന്നത്. അതുകൊണ്ട് വളരെയധികം ശ്രദ്ധിക്കണം.
ഡയറ്റില് ശ്രദ്ധിക്കാന്
ഇവര് ഡയറ്റില് ശ്രദ്ധിക്കേണ്ടത് അത്യാവശ്യമാണ്. ചോറ് കഴിക്കുന്നതിന്റെ അളവ് അല്പം കുറക്കാന് ശ്രദ്ധിക്കണം. ചോറിന്റെ അളവ് കുറച്ച് പച്ചക്കറികളും പഴങ്ങളും നിര്ബന്ധമായും കഴിച്ചിരിക്കണം. ഓട്സ് സ്ഥിരമായി കഴിയ്ക്കുന്നതും നല്ലതാണ്. പ്രോട്ടീന് ലഭിയ്ക്കാന് മത്സ്യം, പീസ്, ബീന്സ് തുടങ്ങിയവയും ശീലമാക്കുക. ഇതെല്ലാം ആരോഗ്യത്തിനുണ്ടാക്കുന്ന പ്രതിസന്ധികളെ ഇല്ലാതാക്കി തടിയും വയറും ഒതുക്കാന് സഹായിക്കുന്നു.
വ്യായാമം ചെയ്യേണ്ടത്
ഭക്ഷണത്തിന്റെ കാര്യത്തില് മാത്രം നിയന്ത്രണം വെച്ചതു കൊണ്ട് കാര്യമില്ല. വ്യായാമത്തിന്റെ കാര്യത്തിലും അല്പം ശ്രദ്ധിക്കണം. യോഗ സ്ഥിരമായി ചെയ്യുന്നതും രാവിലെ 15 മിനിട്ട് നേരം ഓടുന്നതും ശീലമാക്കുക. ഇതെല്ലാം അമിതവണ്ണവും തടിയും ഇല്ലാതാക്കി ആരോഗ്യത്തിന് സഹായിക്കുന്നു. പല ആരോഗ്യ പ്രതിസന്ധികളും ഈ ഡയറ്റിലൂടെ നമുക്ക് പരിഹരിച്ചെടുക്കാവുന്നതാണ്.
കടപ്പാട്:boldsky