Skip to content. | Skip to navigation

Vikaspedia

ഹോം പേജ് / ആരോഗ്യം / ആരോഗ്യവിവരങ്ങൾ / ഇരട്ട വ്യക്തിത്വം എന്നത് മാനസിക രോഗം ?
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

ഇരട്ട വ്യക്തിത്വം എന്നത് മാനസിക രോഗം ?

മനസികാരോഗ്യവുമായി ബന്ധപെട്ടു നമ്മള്‍ ഇടയ്ക്കിടെ പല സാഹചര്യങ്ങളിലും കേള്‍ക്കാറുള്ള രോഗങ്ങളുടെ പേരുകളാണ് ഇരട്ട വ്യക്തിത്വം , ഹിസ്റ്റീരിയ , തുടങ്ങിയവ.

മനസികാരോഗ്യവുമായി ബന്ധപെട്ടു നമ്മള്‍ ഇടയ്ക്കിടെ പല സാഹചര്യങ്ങളിലും കേള്‍ക്കാറുള്ള രോഗങ്ങളുടെ പേരുകളാണ് ഇരട്ട വ്യക്തിത്വം , ഹിസ്റ്റീരിയ , തുടങ്ങിയവ. ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ അഥവാ വ്യക്തിത്വ വ്യത്യാസങ്ങള്‍ എന്ന് അറിയപ്പെട്ടു വരുന്ന ഈ മാനസിക രോഗം ഒരു സങ്കീര്‍ണമായ മാനസികാവസ്ഥയാണ് .
ബാല്യത്തില്‍ നേരിടേണ്ടി വന്ന തീവ്രമായ മാനസിക ശാരീരിക പീഡനമോ , ആവര്‍ത്തിച്ചുള്ള വൈകാരിക ചൂഷണമോ ആകാം ഈ അസുഖത്തിന്റെ പ്രധാന കാരണം .

ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ എന്താണ്?

ഒരു പ്രത്യേക കാര്യം ചെയ്തു കൊണ്ടിരിക്കുമ്ബോള്‍ പെട്ടന്ന് ചുറ്റുമുള്ളതൊക്കെ മറന്നു പോവുകയും ദിവാസ്വപ്നം കാണുകയും ചെയ്യാറുണ്ട് നമ്മള്‍. നമ്മള്‍ നമ്മളെ തന്നെ മറന്നു പോകുന്ന അവസ്ഥ നിങ്ങള്‍ക്കു തന്നെ പല തവണ അനുഭവപെട്ടിട്ടുണ്ടാകാം .
എന്നാല്‍ ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ ഇതില്‍ നിന്നും തികച്ചും വ്യത്യസ്തമായ ,വിദൂരമായ അവസ്ഥയാണ് . ഈ രോഗാവസ്ഥയില്‍ രോഗി താന്‍ ജീവിക്കുന്ന ചുറ്റുപാടുകളെയോ ബന്ധങ്ങളെയോ,ഓര്‍മകളെയോ, വികാരങ്ങളെയോ ചിന്തകളെയോ കുറിച്ച്‌ ബോധവാനായിരിക്കില്ല .
ഡിസൊഷ്യേറ്റീവ് ഐഡന്റിറ്റി രോഗാവസ്ഥയില്‍ ചില രോഗികള്‍ താന്‍ ജീവിക്കുന്ന ചുറ്റുപാടുകളില്‍ നിന്ന് തന്നെ പൂര്‍ണമായും പറിച്ചു മാറ്റി മറ്റൊരിടത്തു സ്വയം പറിച്ചുനടുന്നു .ഈ അവസ്ഥ സങ്കീര്‍ണവും വേദനാജനകവുമാണ് . ഇത്തരം ഒരവസ്ഥയാണ് മലയാളികള്‍ ഫാസില്‍ ചിത്രമായ മണിച്ചിത്രത്താഴില്‍ കണ്ടത്.
ഇരട്ട വ്യക്തിത്വം എന്ന മാനസിക രോഗം

ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ എന്ന രോഗം വാസ്തവമാണോ?

ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ യഥാര്‍ത്ഥമാണോ എന്ന് നിങ്ങള്‍ ചിന്തിച്ചേക്കാം. സിനിമകളില്‍ ഈ അസുഖത്തെ കുറിച്ച്‌ പല രീതിയില്‍ പരാമര്‍ശിച്ചത് കൊണ്ടാണ് ഈ സംശയം . ഇരട്ട വ്യക്തിത്വം എന്ന മാനസിക വിഭ്രാന്തി ഒരു വ്യക്തിയില്‍ എങ്ങനെ ഉടലെടുക്കുന്നു എന്നും .. പിന്നീട് അത് എങ്ങനെ സങ്കീര്‍ണമാക്കുന്നു എന്നും മാനസികാരോഗ്യ ഡോക്ടര്‍മാരുടെ ഇടയില്‍ പോലും പല അഭിപ്രായങ്ങള്‍ നിലനില്‍ക്കുന്നു .
അത്ര ഏറെ സങ്കീര്‍ണമാണ് ഒരു മനുഷ്യന്റെ മനസ്സ് . പ്രവര്‍ത്തന പരിചയവും വിദ്യാഭ്യാസ സമ്ബന്നനുമായ ഡോക്ടര്‍ ആണെങ്കില്‍ പോലും ഒരു വ്യക്തിയുടെ താളം തെറ്റിയ മനസ് മനസ്സിലാക്കാന്‍ പ്രയാസം തന്നെ ആണ് . ചില മാനസികരോഗ വിദഗ്ദ്ധര്‍, വിശ്വസിക്കുന്നത് ഇത് ചിത്തഭ്രമത്തിന്റെ മറ്റൊരാവസ്ഥയാണെന്നാണ് . സമ്മര്‍ദ്ദങ്ങളെ ചെറുക്കുന്നതില്‍ പരാജയപെടുന്നവരും , ബന്ധങ്ങളില്‍ വിള്ളല്‍ ഉണ്ടാകുമ്ബോള്‍ അത് താങ്ങാന്‍ കഴിയാത്തവരുമാണ് ഈ അവസ്ഥയിലേക്ക് പോകുന്നത് എന്ന് ചില മനഃശാസ്ത്രജ്ഞര്‍ പറയുന്നു

ഡിസോഷ്യേറ്റീവ് ഐഡന്റിറ്റി ഡിസോര്‍ഡറിന്‍റെ ലക്ഷണങ്ങള്‍ എന്തൊക്കെയാണ്?

രണ്ടോ അതിലധികമോ വ്യക്തികളായി പെരുമാറുക, സ്വഭാവത്തില്‍ മുന്‍പ് കാണാത്ത രീതിയിലുള്ള ദേഷ്യവും സങ്കടവും പ്രകടമാവുക തുടങ്ങിയവയാണ് ആദ്യ ലക്ഷണങ്ങള്‍ . . ഏറ്റവും ലളിതമായ കാര്യങ്ങള്‍ , പ്രത്യേകിച്ച്‌ വ്യക്തിഗത വിവരങ്ങള്‍ ഓര്‍ക്കാന്‍ കഴിയാതെ വരുക എന്നത് മറ്റൊരു ലക്ഷണമാണ് . . ഡിസോഷ്യേറ്റീവ് ഐഡന്റിറ്റി ഡിസോര്‍ഡിനൊപ്പം ഓര്‍മക്കുറവ് പ്രകടമാണ് . ചുറ്റും ഉള്ളവരെ, സ്ഥലം , പേരുകള്‍ തുടങ്ങിയവ രോഗി മറന്നു തുടങ്ങുന്നു .
"ഇരട്ട വ്യക്തിത്വം " എന്ന മാനസിക അവസ്ഥയും രോഗി മറ്റൊരാളായി മാറുമ്ബോള്‍ ,ഭൂരിഭാഗം രോഗികളും തന്‍്റെ സമ പ്രായക്കാരായോ, താനുമായി സാമ്യമുള്ളവരുമായോ ആണ് മാറുക. ഓരോരുത്തര്‍ക്കും അവരവരുടേതായ ആംഗ്യങ്ങള്‍ , വ്യത്യസ്തത , സംസാരിക്കുന്ന ശൈലി തുടങ്ങിയവ ഉണ്ട്. അത് കൊണ്ട് തന്നെ ഈ മാറ്റം പെട്ടന്ന് തിരിച്ചറിയാന്‍ സാധിക്കും . ചിലര്‍ മാറുന്നത് മനസ്സില്‍ അവര്‍ തന്നെ കണ്ടെത്തിയ സാങ്കല്പിക വ്യക്തികളായിട്ടാകും . . ചിലപ്പോള്‍ മൃഗങ്ങള്‍. പെട്ടന്നുള്ള ഈ മാറ്റാതെ "സ്വിച്ചിംഗ്" എന്ന് വിളിക്കുന്നു. രോഗത്തിന്റെ തീവ്രത അനുസരിച്ചു ദിവസങ്ങളിലേക്കോ, നിമിഷങ്ങളിലേക്കോ ആകാം ഈ മാറ്റം . ഹിപ്നോസിസിന് വിധേയമാകുന്ന സമയത്ത്, വ്യക്തിയുടെ വ്യത്യസ്ത "മാറ്റങ്ങളും" അല്ലെങ്കില്‍ തിരിച്ചറിയലുകളും ഡോക്ടര്‍ക്ക് മനസ്സിലാക്കാം
ഈ ലക്ഷണങ്ങളും രോഗിയില്‍ കാണാം
ഡിസൊസോഷ്യേഷന്‍, മള്‍ട്ടിപ്പിള്‍ അല്ലെങ്കില്‍ സ്പ്ലിറ്റ് വ്യക്തിത്വങ്ങള്‍ക്കൊപ്പം ഈ ലക്ഷണങ്ങളും രോഗിയില്‍ കാണാം ,
വിഷാദം
മൂഡ് മാറ്റം
ആത്മഹത്യാ പ്രവണതകള്‍
ഉറക്കക്കുറവ് (ഉറക്കമില്ലായ്മ, ഉറക്കത്തില്‍ എഴുനേറ്റു നടത്തം)
ആശങ്ക, ആക്രമണങ്ങള്‍
മദ്യവും മയക്കുമരുന്ന് ഉപയോഗവും
ഡിസോഷ്യേറ്റീവ് ഐഡന്റിറ്റി ഡിസോര്‍ഡിലെ മറ്റു ലക്ഷണങ്ങള്‍
തലവേദന, ഓര്‍മ കുറവ് , സ്ഥല കാല ബോധം ഇല്ലായ്മ എന്നിവ ഉള്‍പ്പെടാം.
ഡിസോഷ്യേറ്റീവ് ഐഡന്റിറ്റി സിന്‍ഡ്രോം ചലരില്‍ സ്വയം-വേദനിപ്പിക്കാനും ആക്രമിക്കാനും പ്രവണത ഉണ്ടാക്കിയേക്കാം . ഉദാഹരണമായി, ഡിസോഷ്യേറ്റീവ് ഐഡന്റിറ്റി സിന്‍ഡ്രോം ഉള്ള ഒരാള്‍ സാധാരണഗതിയില്‍ ചെയ്യാത്ത കാര്യങ്ങള്‍ ചെയ്യുന്നത്, വേഗത, അശ്രദ്ധമായ ഡ്രൈവിംഗ്, അല്ലെങ്കില്‍ അവരുടെ കൂടെ ജോലി ചെയുന്ന സുഹൃത്തിന്റെ പണം മോഷ്ടിക്കുക, തുടങ്ങിയവ ,

ഈ രോഗം വരാന്‍ സാധ്യത ഉള്ളവര്‍ ആരൊക്കെ

ഡിസോസിറ്റീവ് ഐഡന്റിറ്റി ഡിസോര്‍ഡറുടെ കാരണങ്ങള്‍ ഇപ്പോഴും വ്യക്തമല്ലെങ്കിലും, ഈ രോഗത്തിന് വ്യക്തിപരവും ജീവിതത്തില്‍ നേരിടേണ്ടി വരുന്ന അനുഭവങ്ങളുമായി നല്ല ബന്ധമുണ്ട്.
പ്രത്യേകിച്ചും കുട്ടിക്കാലത്തു നേരിടേണ്ടി വരുന്ന വൈകാരികമായ അനുഭവങ്ങളോ , ആഴത്തില്‍ മനസിനെ വേദനിപ്പിച്ച മറ്റെന്തെങ്കിലും സംഭവമൊ . ഈ രോഗം കണ്ടെത്തിയ ൯൯ ശതമാനം വ്യക്തികളും കുട്ടിക്കാലത്തു ദുരനുഭവങ്ങള്‍ നേരിട്ടിട്ടുണ്ട് .
ശാരീരികമോ ലൈംഗികമോ ആയ ദുരനുഭവങ്ങള്‍ ഇല്ലെങ്കിലും , , നിരന്തരമായി അവഗണിക്കപ്പെടുകയോ വൈകാരിക പീഡനം ഉണ്ടാകുകയോ ചെയ്യുമ്ബോള്‍ ഇത്തരമൊരു രോഗാവസ്ഥയില്‍ എത്തി ചേര്‍ന്നേക്കാം . . കുട്ടികളെ നിരന്തരമായി ഭയപ്പെടുത്തുകയും , ചട്ടക്കൂടിനുള്ളില്‍ വളര്‍ത്തുകയും ചെയുന്ന മാതാപിതാക്കള്‍ കുഞ്ഞിന്റെ മാനസികാവസ്ഥയെ ഈ ശൈലി ബാധിക്കുന്നുണ്ടോ എന്ന് പരിശോധിക്കേണ്ടതാണ് .
ഡിസോഷ്യേറ്റീവ് ഐഡന്റിറ്റി ഡിസോര്‍ഡര്‍ കണ്ടുപിടിക്കുന്നതിന് ഇനിപ്പറയുന്ന മാനദണ്ഡങ്ങള്‍ വായിക്കൂ
രണ്ടോ അതിലധികമോ വ്യക്തിത്വം ഒരു വ്യക്തി പ്രകടമാകുന്നു . രണ്ടും പരസ്പര ബന്ധമില്ലാത്തതും , ചുറ്റുപാടുകളോ , ആളുകളോ ആയുമായും സാമ്യമില്ലാത്തതും ആണ്.
താന്‍ ചെയ്തു കൊണ്ടിരുന്ന കാര്യങ്ങള്‍ ,തന്നെ കുറിച്ചുള്ള വിവരങ്ങള്‍ എന്നിവ മറന്നു പോവുക.
ഈ അസുഖം നേരിടുന്ന വ്യക്തി സങ്കീര്‍ണമായ മാനസികാവസ്ഥയുടെ ആണ് കടന്നു പോവുക.
ഈ അസ്വസ്ഥത മതപരമായോ മറ്റു അന്ധ വിശ്വാസങ്ങളുമായോ കൂട്ടി ചേര്‍ക്കരുത്.
ഈ ലക്ഷണങ്ങള്‍ മരുന്നുകളുടെ സൈഡ് എഫക്റ്റായോ , മദ്യത്തിന്റെ അമിത ഉപയോഗം മൂലമാണെന്നും തെറ്റിധരിക്കരുത് .
കടപ്പാട്:boldsky
2.5
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top