Skip to content. | Skip to navigation

Vikaspedia

ഹോം പേജ് / ആരോഗ്യം / ആരോഗ്യവിവരങ്ങൾ / ആരോഗ്യവും രോഗമില്ലാത്ത അവസ്ഥയും
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

ആരോഗ്യവും രോഗമില്ലാത്ത അവസ്ഥയും

കൂടുതല്‍ വിവരങ്ങള്‍

തലവേദനയെ പമ്പ കടത്താന്‍ ചില വഴികളിതാ....

തലവേദന എന്നത് നമ്മള്‍ക്ക് എപ്പോള്‍ വേണമെങ്കിലും വരാം .തലവേദന ഉണ്ടാകുമ്പോളുള്ള അസ്വസ്ഥത പല വിധത്തിലാണ് നമ്മളെ സ്വാധീനിക്കാറുള്ളത് . കടുത്ത മാനസിക സമ്മര്‍ദ്ദവും ജീവിതശൈലിയും ഭക്ഷണക്രമവും എല്ലാം തലവേദനയുടെ കാരണങ്ങളാവാറുണ്ട് . ചില തലവേദനകള്‍ പല വിധത്തില്‍ ഗുരുതരമായ ആരോഗ്യപ്രശ്‌നങ്ങള്‍ ഉണ്ടാക്കാറുണ്ട് .

പ്രായഭേദമില്ലാതെ എല്ലാവരേയും തലവേദന പെട്ടെന്ന് തന്നെ ബാധിക്കാറുണ്ട് . എന്നാല്‍ തലവേദന പലകാരണങ്ങള്‍ കൊണ്ട് ഉണ്ടാവാം. ഓരോരുത്തരിലും പല വിധത്തിലാണ് തലവേദന ഉണ്ടാവുന്നതും അനുഭവപ്പെടുന്നതും. പലരിലും ടെന്‍ഷന്‍ മൂലമുണ്ടാവുന്ന തലവേദനയാണ് സാധാരണ ഉണ്ടാവുന്നത്.എന്നാല്‍ മറ്റുപല കാരണങ്ങള്കൊണ്ടു തലവേദന ഉണ്ടാകുന്നു . ചില ഭക്ഷണത്തിലൂടെ നമുക്ക് തലവേദനക്ക് പരിഹാരംകാണുന്നതിന് സഹായിക്കുന്നു.

തലവേദന ഉണ്ടാവുന്നത് പലപ്പോഴും ശരീരത്തില്‍ നിര്‍ജ്ജലീകരണം സംഭവിക്കുമ്പോഴാണ്.  ഉരുളക്കിഴങ്ങ് കഴിക്കുന്നത് എന്തുകൊണ്ടും ഇതിന് നല്ലതാണ്. ഇതിലെ പൊട്ടാസ്യം നല്ല ആരോഗ്യത്തിന് സഹായിക്കുന്നു. ഇത് തലവേദനയെ ഇല്ലാതാക്കാന്‍ സഹായിക്കുന്നു.

ആരോഗ്യത്തിന് വളരെയധികം സഹായിക്കുന്ന ഒന്നാണ്കുക്കുമ്പര്‍. ഇതില്‍ 97 ശതമാനവും വെള്ളമുള്ളതിനാല്‍ കുക്കുമ്പര്‍ കഴിക്കുന്നത് തലവേദന ഇല്ലാതാക്കാന്‍ സഹായിക്കുന്നു .

അതുപോലെ ടെന്‍ഷന്‍പോലുള്ള തലവേദനക്കും മൈഗ്രേയ്‌നിനും പരിഹാരം കാണുന്നതിന് സഹായിക്കുന്ന ഒന്നാണ് കാപ്പി. ഇഞ്ചി കഴിക്കുന്നതിലൂടെ തലവേദനയെ പ്രതിരോധിക്കാനുംകഴിയുന്നു .

തലവേദനയെന്ന പ്രതിസന്ധിയെ ഇല്ലാതാക്കാന്‍ സഹായിക്കുന്നു മറ്റൊരുഭക്ഷണമാണ് ഓട്‌സ് ,ചെറി എന്നിവ. ഇവയെല്ലാം നമ്മള്‍ ഭക്ഷണത്തില്‍ ഉള്‍പ്പെടുത്തിയാല്‍ തലവേദനയെ നിശ്ശേഷം ഇല്ലാതാക്കാന്‍ വളരെയധികം സഹായിക്കുന്നു.

ഡ്രൈ ഐ ; ശ്രദ്ധിക്കേണ്ട കാര്യങ്ങള്‍

മനുഷ്യശരീരത്തിലെ പ്രാധാന്യം നിറഞ്ഞ ഒരു അവയവമാണ് കണ്ണ്. കണ്ണുകളുടെ ആരോഗ്യത്തില്‍ കണ്ണുനീരിന്‍റെ പ്രധാന്യവും വളരെ വലുതാണ്. എന്നാല്‍ പുതിയകാലത്ത് കമ്പ്യൂട്ടറുകളും മൊബൈല്‍ ഫോണുകളും വ്യാപകമായതോടെ നിരവധിപേരെ അലട്ടുന്ന ഒരു പ്രശ്നമാണ് 'ഡ്രൈ ഐ' അഥവാ വരണ്ട കണ്ണുകള്‍.

രോഗപ്രതിരോധത്തിനും കണ്‍പോളകള്‍ക്കിടയിലെ ലൂബ്രിക്കന്‍റായി പ്രവര്‍ത്തിക്കാനും കണ്ണുനീര്‍ ആവശ്യമാണ്. കാഴ്ച ആയാസരഹിതമാക്കുന്നതിനും കണ്ണുനീര്‍വേണം. പ്രായം  കൂടുന്നതിനനുസരിച്ച്‌ സ്വാഭാവികമായി കണ്ണുകള്‍ക്ക് ഇത്തരം പ്രശ്നങ്ങള്‍ വരാം. ചില ഔഷധങ്ങളുടെ പാര്‍ശ്വഫലങ്ങളായും കണ്ണുകള്‍വരളുന്നതായി കണ്ടുവരുന്നുണ്ട്.

കമ്പ്യൂട്ടര്‍, ടി.വി, മൊബൈല്‍ഫോണ്‍ എന്നിവയില്‍ നിരന്തരം നോക്കിയിരിക്കുന്നവര്‍ക്ക് ഡ്രൈ ഐ ബാധിക്കുന്നു. വരണ്ടതും പൊടിപിടിച്ചതും ശക്തമായ കാറ്റടിക്കുന്നതുമായ അന്തരീക്ഷവും കണ്ണുകളെ ദോഷമായി ബാധിക്കുന്നു.

എയര്‍കണ്ടീഷന്‍, കണ്ണുനീര്‍ത്തുള്ളിയുടെ അമിതമായ ബാഷ്പീകരണം എന്നിവയെല്ലാം ഡ്രൈ ഐക്ക് കാരണമാകാം.

ചൊറിച്ചിലും പുകച്ചിലും അനുഭവപ്പെടുകയാണ് ഡ്രൈ ഐയുടെ ലക്ഷണം. കണ്ണില്‍ സദാ കരട് ഉള്ളതുപോലെതോന്നുക, വേദനയും കണ്ണുചുവക്കല്‍ തുടങ്ങിയവയും അനുഭവപ്പെടാം.

കണ്ണ്ചിമ്മുന്ന വ്യായാമങ്ങള്‍ ചെയ്യുക, കണ്ണടച്ചുപിടിച്ച്‌ കണ്‍പോളകള്‍ കഴുകുക, ദീര്‍ഘസമയം കമ്പ്യൂട്ടര്‍ ഉപയോഗിക്കുന്നവര്‍ ഇടയ്ക്ക് കണ്ണ് ചിമ്മുകയും കണ്ണിന് വിശ്രമം നല്‍കുകയും ചെയ്യുക ഇവയെല്ലാം കണ്ണുകള്‍ വരളുന്നത് തടയാന്‍ സഹായിക്കും. ഇടയ്ക്കിടയ്ക്ക് സ്‌ക്രീനില്‍ നിന്ന് കണ്ണെടുത്ത് ദൂരേക്ക്‌ നോക്കുന്നതും നന്നായിരിക്കും.

ഗ്ലാസുകള്‍ ധരിക്കുക വഴികണ്ണിലെ അമിതമായ ബാഷ്പീകരണം തടയാം. പുക, പൊടി എന്നിവ കണ്ണിലേക്ക് അടിക്കുന്നത് ഒഴിവാക്കണം. യാത്ര ചെയ്യുമ്പോഴും മറ്റും ഇക്കാര്യം ശ്രദ്ധിക്കുക.

എല്ലുകളുടെയും പല്ലിന്‍റെയും ആരോഗ്യത്തിന് പൈനാപ്പിള്‍ കഴിക്കാം

സ്വാദ് മാത്രമല്ല ആരോഗ്യത്തിന്‍റെ കാര്യത്തിലും പൈനാപ്പിള്‍ മികച്ചതാണ്. ജ്യൂസായും പഴമായും പലതരം ഡെസേര്‍ട്ടുകളിലും ഭക്ഷണ പാനീയങ്ങളിലും നമ്മള്‍ ഉപയോഗിക്കുന്ന ഒന്നാണ് പൈനാപ്പിള്‍. പൈനാപ്പിള്‍ കഴിക്കുന്നത് വഴി നിങ്ങളുടെ ശരീരത്തിനാവിശ്യമായ ആന്‍റി ഓക്‌സിഡന്‍റുകള്‍ ലഭിക്കുന്നു.

ഇത്ക്യാന്‍സര്‍, ഹൃദ്രോഗം, വാതം എന്നിവയില്‍ നിന്ന് ശരീരത്തിന് സംരക്ഷണംനല്‍കും. കൂടാതെ ദിവസവും ഒരു ഗ്ലാസ് പൈനാപ്പിള്‍ ജൂസ് കഴിക്കുന്നത് എല്ലുകളുടെയും പല്ലിന്‍റെയും ആരോഗ്യത്തിന് നല്ലതാണ്.  ഇതില്‍അടങ്ങിരിക്കുന്ന പൊട്ടാസ്യം രക്തസമ്മര്‍ദ്ദം നിയന്ത്രിക്കാന്‍ സഹായിക്കുന്നു.പൈനാപ്പിള്‍ വിറ്റമിനുകളുടെയും മിനറലുകളുടെയും ഒരു ശേഖരമാണ്.വൈറ്റമിനുകളായ A, B, C, E എന്നിവയും ആയണ്‍, കാല്‍സ്യം, പൊട്ടാസ്യം, മാംഗനീസ് എന്നീ മിനറലുകളും ഇവയില്‍ അടങ്ങിയിട്ടുണ്ട്.

ആഴ്ചയില്‍ മൂന്ന് തവണ പൈനാപ്പിള്‍ ജൂസ് കഴിക്കുന്നത് രോഗപ്രതിരോധശേഷി വര്‍ധിപ്പിക്കും. പൈനാപ്പിളിലെ നാരുകള്‍ ദഹന പ്രക്രിയ സുഖമമാക്കുന്നതാണ്.പൈനാപ്പിള്‍ സ്ഥിരമായി കഴിക്കുന്നത് ചര്‍മ്മത്തിന്‍റെ യുവത്വം നിലനിര്‍ത്തും.

എന്താണ് പിറ്റിറിയാസിസ് റോസ്യ?

ചര്‍മ്മത്തില്‍ ഓവല്‍ ആകൃതിയില്‍ അടയാളങ്ങള്‍ പ്രത്യക്ഷപ്പെടുന്ന അവസ്ഥയാണ്പിറ്റിറിയാസിസ് റോസ്യ. ഉയര്‍ന്നു നില്‍ക്കുന്ന പൊറ്റകളായിട്ടാവും പാടുകള്‍ കാണപ്പെടുക. ഇത് താല്‍ക്കാലികമായുള്ള ഒരു ചര്‍മ്മപ്രശ്നമാണ്. 'ഹെറാള്‍ഡ്പാച്ച്‌' എന്നും അറിയപ്പെടുന്ന ഇവ നെഞ്ചിലും പുറത്തുമാണ് കാണപ്പെടാറുള്ളത്. പ്രധാനമായും, കുട്ടികളെയും യുവാക്കളെയുമാണ് ഇത് ബാധിക്കാറുള്ളത്.

കാരണങ്ങള്‍

ഇതിന്‍റെ കൃത്യമായ കാരണം കണ്ടെത്തിയിട്ടില്ല. വൈറസുകളുടെയും ഫംഗസുകളുടെയും പ്രവര്‍ത്തനഫലമായാണ് ഇതുണ്ടാകുന്നതെന്ന് ചില തെളിവുകള്‍ സൂചിപ്പിക്കുന്നു.

ലക്ഷണങ്ങള്‍

നെഞ്ചില്‍ അല്ലെങ്കില്‍ പുറത്ത്, പൊറ്റ പോലെ ഉയര്‍ന്നു നില്‍ക്കുന്ന അടയാളമായാണ് ഇത്ആരംഭിക്കുന്നത്. ഇതിന് 2-8 സി.എം വരെ വലിപ്പമുണ്ടാകാം. ഏതാനും ദിവസം കഴിയുമ്പോഴേക്കും ഇത് മറ്റു ഭാഗങ്ങളിലേക്ക് പടരുകയും പൊറ്റ പിടിക്കുകയുംചെയ്യും.

പൊറ്റ പിടിച്ചതും ഉയര്‍ന്നുനില്‍ക്കുന്നതുമായ നിരവധി അടയാളങ്ങള്‍ ഉണ്ടാകാം. വെളുത്ത ചര്‍മ്മമുള്ളവരില്‍, പിങ്ക് അല്ലെങ്കില്‍ ചുവന്ന നിറത്തിലുള്ള അടയാളങ്ങളും ഇരുണ്ട നിറമുള്ള ആളുകളില്‍ തവിട്ടുനിറത്തിലുള്ള അടയാളങ്ങളുമാവും കാണപ്പെടുക.

മിക്കപ്പോഴും ഈഅടയാളങ്ങള്‍ പൈന്‍ വൃക്ഷത്തിന്‍റെ രൂപത്തിലാവും ചര്‍മ്മത്തില്‍ കൂട്ടത്തോടെ കാണപ്പെടുക. സാധാരണയായി, 12 ആഴ്ചയ്ക്കുള്ളില്‍ അല്ലെങ്കില്‍ പരമാവധി അഞ്ച്മാസത്തിനുള്ളില്‍ ഇവ അപത്യക്ഷമാവും. വൈറസ് മൂലമുള്ളവ പിന്നീടെപ്പോഴെങ്കിലും ആവര്‍ത്തിക്കുകയും ചെയ്തേക്കാം. ഇവ മൂലം വടുക്കള്‍ ഉണ്ടാകില്ല. എന്നാല്‍, കടുത്ത ചൊറിച്ചിലിനു കാരണമാവും.

ചില ആളുകളില്‍, ഇത്തരം അടയാളങ്ങള്‍ പ്രത്യക്ഷപ്പെടുന്നതിനു മുമ്പ് ഇനി പറയുന്ന ലക്ഷണങ്ങള്‍ ഉണ്ടാകാം

  • ശരീരോഷ്മാവ് ഉയരുക
  • തലവേദന
  • ദഹനക്കേട്
  • വിശപ്പില്ലായ്മ
  • സന്ധിവേദന

രോഗനിര്‍ണയം (Diagnosis)

പിറ്റിറിയാസിസ്റോസ്യ ഡോക്ടര്‍ക്ക് ബുദ്ധിമുട്ടില്ലാതെ തിരിച്ചറിയാന്‍ സാധിക്കും. ഇനിപറയുന്ന പരിശോധനകളാണ് സാധാരണ നിര്‍ദേശിക്കാറുള്ളത്;

  • ഫംഗസ്ബാധ ഇല്ലെന്നു നിശ്ചയിക്കുന്നതിനുള്ള ലാബ് പരിശോധന
  • ചര്‍മ്മത്തിന്‍റെ ബയോപ്സി - രോഗബാധിത ചര്‍മ്മത്തിന്‍റെ സാമ്പിള്‍ള്‍ ലാബില്‍ പരിശോധനയ്ക്ക് വിധേയമാക്കുന്നു.

പ്രതിരോധം (Prevention)

പിറ്റിറിയാസിസ് റോസ്യ പ്രതിരോധിക്കുന്നതിനുള്ള മാര്‍ഗങ്ങള്‍ വ്യക്തമല്ല.

സങ്കീര്‍ണതകള്‍

ഇരുണ്ട നിറമുള്ള ചര്‍മ്മമുള്ളവരില്‍ തവിട്ടു നിറമുള്ള പാടുകള്‍ നിലനില്‍ക്കുന്നതിനും കടുത്ത ചൊറിച്ചില്‍ ഉണ്ടാകുന്നതിനും സാധ്യതയുണ്ട്.ഗര്‍ഭത്തിന്റെ ആദ്യ ഘട്ടങ്ങളില്‍ പിറ്റിറിയാസിസ് റോസ്യ പിടിപെടുന്നത് ചിലസ്ത്രീകളില്‍ മാസം തികയാതെയുള്ള പ്രസവം, ഗര്‍ഭമലസല്‍, മറ്റു പ്രീനേറ്റല്‍പ്രശ്നങ്ങള്‍ എന്നിവയ്ക്ക് കാരണമായേക്കാം.

നിങ്ങളുടെ ചര്‍മ്മത്തില്‍ മായാത്ത അടയാളം കാണുകയാണെങ്കില്‍, ഡോക്ടറുടെ സഹായം തേടുക.

അള്‍സറിന് പരിഹാരം നല്‍കും ഒറ്റമൂലികള്‍

അള്‍സര്‍ എന്നത് സാധാരണ എല്ലാവരും കേള്‍ക്കുന്ന ഒന്നാണ്. പല കാരണങ്ങള്‍ ഇതിന് പിന്നില്‍ ഉണ്ടാവുന്നുണ്ട്. പല കാരണങ്ങള്‍ മൂലം ആമാശയത്തിലും മറ്റുംവ്രണങ്ങള്‍ രൂപപ്പെടാറുണ്ട്. ഇതിനെയാണ് പലപ്പോഴും അള്‍സര്‍ എന്ന്പറയുന്നത്. ഭക്ഷണ പ്രതിസന്ധികള്‍ കൊണ്ട് തന്നെയാണ് ഇത്തരത്തില്‍ ഉള്ള അവസ്ഥകള്‍ ഉണ്ടാവുന്നത്. ദഹന രസങ്ങള്‍ ആമാശയത്തില്‍ തങ്ങി നിന്ന് അത് നേരിയമുറിവുകളും വ്രണങ്ങളായും രൂപപ്പെടുന്നു. ആദ്യഘട്ടത്തില്‍ ഒരു ചെറിയ ദ്വാരം ആണ് ഉണ്ടാവുന്നത്.

എന്നാല്‍ ഇത്ശ്രദ്ധിക്കാതെ ഇരുന്നാല്‍ വ്രണം പിന്നീട് വലുതാവുകയും ഇത് മുറിവിലേക്ക് നയിക്കുകയും ചെയ്യുന്നു. ഈ മുറിവ് പിന്നീട് ഉണങ്ങാതിരിക്കുമ്പോഴാണ് അത്അള്‍സറായി രൂപപ്പെടുന്നത്. ഇതിനെ ഈ അവസ്ഥയില്‍ എങ്കിലും ശ്രദ്ധിക്കേണ്ടതുണ്ട്. അല്ലെങ്കില്‍ അതുണ്ടാക്കുന്ന ബുദ്ധിമുട്ടുകള്‍ ഭാവിയില്‍ അനുഭവിക്കേണ്ടിവരും.

വയറ്റില്‍ കത്തുന്ന പോലെയുള്ള വേദന, ഭക്ഷണത്തിലെ അസ്വസ്ഥത, ഉറങ്ങുമ്പോള്‍ പോലും ഉള്ള വേദന, ഭക്ഷണം വിഴുങ്ങാനുള്ള ബുദ്ധിമുട്ട്, നെഞ്ചെരിച്ചില്‍, തലചുറ്റല്‍, ഇടക്കിടെയുള്ള ഏമ്പക്കം, ശരീരഭാരം കുറയല്‍ എന്നിവയാണ് അള്‍സര്‍ ശരീരത്തില്‍ ഉണ്ടെന്നതിന്‍റെ ലക്ഷണം. ഭക്ഷണത്തിലെ അശ്രദ്ധ, പുകവലി, മദ്യപാനം എന്നിവയെല്ലാം അള്‍സര്‍ പോലുള്ള പ്രശ്‌നങ്ങളിലേക്ക് നയിക്കുന്നു. അച്ചാര്‍ പോലുള്ളവയെല്ലാം പലപ്പോഴും കഴിക്കുമ്പോള്‍ അതിലുള്ള അശ്രദ്ധ ഉണ്ടാവുന്നത് അള്‍സര്‍ പോലുള്ള പ്രശ്‌നങ്ങള്‍ക്ക് കാരണമാവുന്നു. അള്‍സറിനെ നിയന്ത്രിക്കാന്‍ വളരെയധികം ശ്രദ്ധിക്കേണ്ടതാണ്. പല ഭക്ഷണങ്ങളിലൂടെയും ഒറ്റമൂലികളിലൂടെയും അള്‍സറിനെ നമുക്ക് ഇല്ലാതാക്കാവുന്നതാണ്.

കാബേജ് : ആരോഗ്യത്തിന് വളരെയധികം സഹായിക്കുന്ന ഒന്നാണ് കാബേജ്. അള്‍സറിനെ പ്രതിരോധിക്കുന്ന കാര്യത്തില്‍ വളരെയധികം സഹായിക്കുന്ന ഒന്നാണ് അള്‍സര്‍. കാബേജ് കഴിക്കുന്നതിലൂടെ ഇത് അമിനോ ആസിഡിന്‍റെ അളവ് കുറക്കുന്നു. ഇതില്‍വിറ്റാമിന്‍ സി ധാരാളം അടങ്ങിയിട്ടുണ്ട്. ഇത് പെട്ടെന്ന് തന്നെ ഇത്തരത്തിലുള്ള അവസ്ഥകള്‍ക്ക് പരിഹാരം കാണുന്നതിന് സഹായിക്കുന്നു. കാബേജ് ജ്യൂസ് കഴിക്കുന്നത് കൊണ്ട് തന്നെ ഇത്തരത്തിലുള്ള അവസ്ഥകള്‍ക്ക് പെട്ടെന്ന്തന്നെ പരിഹാരം കാണാവുന്നതാണ്. കാബേജ് നല്ലതു പോലെ അരച്ച്‌ അതില്‍ അല്‍പം നാരങ്ങ നീര് മിക്‌സ് ചെയ്ത് കുടിച്ച്‌ നോക്കൂ.  ഇത് പെട്ടെന്ന് തന്നെ അള്‍സറിന് പരിഹാരം കാണുന്നതിന് സഹായിക്കുന്നു.

പഴം : പഴം പെട്ടെന്ന് തന്നെ ഇത്തരത്തിലുള്ള അവസ്ഥകള്‍ക്ക് പരിഹാരം കാണുന്നതിന് സഹായിക്കുന്നു. ഇതിലുള്ള ആന്‍റി ബാക്ടീരിയല്‍ കോംപൗണ്ട്‌സ് എല്ലാം ആണ് അള്‍സറിന് പരിഹാരം കാണുന്നതിന് സഹായിക്കുന്നത്.  മൂന്ന് പഴങ്ങള്‍ ദിവസവും കഴിച്ചാല്‍ അത് ഇത്തരത്തിലുള്ള പ്രതിസന്ധികളെ പെട്ടെന്ന് തന്നെപരിഹാരം കാണുന്നതിന് സഹായിക്കുന്നു. കൂടാതെ പഴം ഉണക്കി അത് പൊടിച്ച്‌കഴിക്കുന്നതും ഇത്തരം പ്രതിസന്ധികള്‍ക്ക് പരിഹാരം കാണുന്നതിന് സഹായിക്കുന്നു. ഒരാഴ്ച കൊണ്ട് ഇത്തരത്തിലുള്ള പ്രതിസന്ധികള്‍ക്ക് പരിഹാരം കാണുന്നതിന് സഹായിക്കുന്നു പഴം.

വെളുത്തുള്ളി : വെളുത്തുള്ളിയും അള്‍സര്‍ പോലുള്ള പ്രശ്‌നങ്ങളെ പരിഹരിക്കുന്നതിന് സഹായിക്കുന്നു. ഇതിലുള്ള സള്‍ഫര്‍ കോംപൗണ്ട് ആണ് ആരോഗ്യത്തിന് സഹായിക്കുന്നത്. ഇത് അള്‍സര്‍ പോലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്ന ഒന്നാണ് എന്ന കാര്യത്തില്‍ സംശയം വേണ്ട. രണ്ടോ മൂന്നോ വെളുത്തുള്ളി ചതച്ച്‌ ഒരു ഗ്ലാസ്സ് വെള്ളത്തില്‍ വെറും വയറ്റില്‍ കുടിക്കുക. എന്നിട്ടും മാറിയില്ലെങ്കില്‍ അത് ഡോക്ടറെ കാണിക്കേണ്ടത് അത്യാവശ്യമാണ്.

ഉലുവ :ഉലുവ കൊണ്ട് ഇത്തരത്തിലുള്ള പ്രതിസന്ധികള്‍ക്ക് പരിഹാരംകാണാവുന്നതാണ്. ഇത് അള്‍സര്‍ പെട്ടെന്ന് തന്നെ ഇല്ലാതാക്കാന്‍ സഹായിക്കുന്നു. ഉലുവ രണ്ട് കപ്പ് വെള്ളത്തിലിട്ട് തിളപ്പിച്ച്‌ ഇത് അരിച്ചെടുത്ത് ഈ വെള്ളം അല്‍പം തേന്‍ മിക്‌സ് ചെയ്ത് കഴിക്കാവുന്നതാണ്. ദിവസവും രണ്ട് നേരം കഴിക്കാവുന്നതാണ്. മാത്രമല്ല ഉലുവ പൊടി പാലില്‍ മിക്‌സ്ചെയ്ത് കഴിക്കുന്നതും അള്‍സര്‍ എന്ന പ്രതിസന്ധിയെ ഇല്ലാതാക്കാന്‍ സഹായിക്കുന്ന ഒന്നാണ്. അതുകൊണ്ട് തന്നെ ഇത്തരം അവസ്ഥകള്‍ക്കെല്ലാം പരിഹാരം കാണുന്നതിന് സഹായിക്കുന്നു.

ആപ്പിള്‍ സിഡാര്‍ വിനീഗര്‍ : ആപ്പിള്‍ സിഡാര്‍ വിനീഗര്‍ കൊണ്ട് ഇത്തരത്തിലുള്ള പ്രതിസന്ധികള്‍ക്ക് പരിഹാരം കാണുന്നതിന് സഹായിക്കുന്നു. രണ്ട് ടേബിള്‍ സ്പൂണ്‍ ആപ്പിള്‍ സിഡാര്‍ വിനീഗര്‍ ഒരു ഗ്ലാസ്സ് ഇളം ചൂടുവെള്ളത്തില്‍ മിക്‌സ് ചെയ്ത് അല്‍പം തേനും മിക്‌സ് ചെയ്ത്കഴിക്കാവുന്നതാണ്. ഇത് ദിവസവും രണ്ട് നേരം കഴിക്കാവുന്നതാണ്. ഇത് അള്‍സറിനെ ഇല്ലാതാക്കാന്‍ സഹായിക്കുന്നു. ആരോഗ്യത്തിന് വില്ലനാവുന്ന ഇത്തരം അവസ്ഥകളെ നമുക്ക് അല്‍പം ആപ്പിള്‍ സിഡാര്‍ വിനീഗറിലൂടെ ഇല്ലാതാക്കാവുന്നതാണ്.

കാപ്‌സിക്കം മുളക് പൊടി : മുളക് അധികം കഴിച്ചാല്‍ അത് പലപ്പോഴും അള്‍സറിന് കാരണമാകുന്നു. എന്നാല്‍ ഇതിന് പരിഹാരം കാണുന്നതിന് സഹായിക്കുന്നഒന്നാണ് മുളക്. അര ടീസ്പൂണ്‍ കാപ്‌സിക്കം മുളക് പൊടി അല്‍പം ഇളം ചൂടുവെള്ളത്തില്‍ മിക്‌സ് ചെയ്ത് ഇത് ദിവസവും കഴിക്കുക. ഇതെല്ലാം അള്‍സര്‍ എന്ന പ്രശ്‌നത്തിന് പരിഹാരം കാണുന്നതിന് സഹായിക്കുന്നു. അതുകൊണ്ട് ഇത്തരത്തിലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് കാപ്‌സിക്കം മുളക് നല്ലതാണ്

ഇരട്ടിമധുരത്തിന്റെ വേര് : ഇരട്ടിമധുരത്തിന്റെ വേരിലൂടെയും പലപ്പോഴും അള്‍സര്‍ എന്ന പ്രശ്‌നത്തിന് പരിഹാരം കാണുന്നതിന് സഹായിക്കുന്ന മാര്‍ഗ്ഗങ്ങളില്‍ മികച്ചതാണ്. ഒരു ടീസ്പൂണ്‍ ഇരട്ടിമധുരം പൊടിച്ചത് ഒരുകപ്പ് വെള്ളത്തില്‍ മിക്‌സ് ചെയ്ത് അതില്‍ അല്‍പം തേനും കൂടി മിക്‌സ്ചെയ്ത് കഴിക്കുന്നത് നല്ലതാണ്. ഇത് അള്‍സറിനെ ഇല്ലാതാക്കാന്‍ സഹായിക്കുന്നു. പല വിധത്തിലുള്ള പ്രതിസന്ധികള്‍ക്ക് പരിഹാരം കാണാന്‍പെട്ടെന്ന് സഹായിക്കുന്നു. ഇത് ഉപയോഗിക്കുന്നതിന് മുന്‍പ് ഡോക്ടറെ കണ്ട് ഇതിന്‍റെ അളവ് നിശ്ചയിക്കേണ്ടത് അത്യാവശ്യമാണ്.

തേന്‍:തേന്‍ ഉപയോഗിച്ച്‌ ഇത്തരം പ്രതിസന്ധികളെ നമുക്ക് പെട്ടെന്ന്തന്നെ പരിഹരിക്കാവുന്നതാണ്. ഏത് വിധത്തിലുള്ള അസ്വസ്ഥകള്‍ക്കും പരിഹാരംകാണുന്നതിന് സഹായിക്കുന്നു തേന്‍. ഇത് വയറിലെ അള്‍സറിനെ പെട്ടെന്ന് തന്നെ പ്രതിരോധിക്കാന്‍ സഹായിക്കുന്നു. രണ്ട് ടേബിള്‍ സ്പൂണ്‍ തേന്‍ ദിവസവും കഴിക്കുന്നത് ശീലമാക്കുക. ഇത് വെറും വയറ്റില്‍ കഴിക്കുന്നത് ശീലമാക്കുക. ഇത്തരത്തില്‍ ചെയ്യുന്നത് അള്‍സറിനെ പ്രതിരോധിക്കുന്നു. തേനില്‍ അല്‍പം കറുവപ്പട്ടയില്‍ മിക്‌സ് ചെയ്ത് കഴിക്കാവുന്നതാണ്. ഇതെല്ലാം അള്‍സറിന്പ്രതിരോധം തീര്‍ക്കുന്നതാണ്.

മാനസിക സമ്മര്‍ദ്ദം കുറക്കുക : മാനസിക സമ്മര്‍ദ്ദം ഇന്നത്തെ കാലത്ത്ഏറ്റവും അധികം പ്രതിസന്ധി ഉണ്ടാക്കുന്ന ഒന്നാണ്. എന്നാല്‍ ഇത്തരം പ്രതിസന്ധികള്‍ക്ക് പരിഹാരം കാണുന്നതിന് ശ്രദ്ധിക്കണം. അതുകൊണ്ട് തന്നെ അള്‍സറെന്ന രോഗത്തിന് പ്രതിരോധം കണ്ടെത്തുന്നതിന് മാനസിക സമ്മര്‍ദ്ദം കുറക്കേണ്ടത് അത്യാവശ്യമാണ്. ഇത് ആരോഗ്യത്തിന് വില്ലനാവുന്ന അവസ്ഥക്ക് പരിഹാരം കാണുന്നതിന് സഹായിക്കുന്നു.

വരണ്ട ചുമയെ പ്രതിരോധിക്കാന്‍ ചില വഴികളിതാ....

കാലാവസ്ഥ വ്യതിയാനം അനുസരിച്ച്‌ കുഞ്ഞുങ്ങളെന്നോ, മുതിര്‍ന്നവരെന്നോ ഭേദഭാവമില്ലാതെ നമ്മളില്‍ പലരെയും അലട്ടുന്ന ആരോഗ്യപ്രശ്‌നമാണ് ചുമ. രണ്ട് വിധം ചുമയാണ് സാധാരണകാണപ്പെടുന്നത്. കഫക്കെട്ടുള്ള ചുമയും വരണ്ട ചുമയും. വരണ്ട ചുമ ഡ്രൈ കഫ് എന്നാണ് അറിയപ്പെടുന്നത്. അലര്‍ജിയുള്ളവരില്‍ ഡ്രൈ കഫ് സാധാരണ കാണപ്പെടുന്നത്. കഫക്കെട്ടുള്ള ചുമയാണെങ്കില്‍ ആന്‍റിബയോട്ടിക് മരുന്നുകള്‍ കഴിക്കേണ്ടിവരും. എന്നാല്‍, വരണ്ട ചുമ അത്രത്തോളം അപകടകാരിയല്ല. വരണ്ടചുമയെ പ്രതിരോധിക്കാന്‍ സഹായിക്കുന്ന പരിഹാര മാര്‍ഗ്ഗങ്ങളെക്കുറിച്ച്‌അറിയൂ...

ചൂടുവെള്ളം: വരണ്ട ചുമയെ പ്രതിരോധിക്കാന്‍ സഹായിക്കുന്ന ഏറ്റവും ഉചിതവും ലളിതവുമായ ഒരു മാര്‍ഗ്ഗമാണ് ചെറുചൂടുള്ള വെള്ളം കുടിക്കുക എന്നത്. ചൂടുവെള്ളം കുടിക്കുന്നത് ചുമയെ പ്രതിരോധിക്കുക മാത്രമല്ല, ഇത് തൊണ്ടയ്ക്കുണ്ടാകുന്ന അസ്വാസ്ഥ്യവും ഇല്ലാതാക്കും.

ആവി പിടിക്കുക: ആവി പിടിക്കുന്നതും ചുമയെ പ്രതിരോധിക്കാന്‍ ഉത്തമമാണ്.

ഉപ്പുവെള്ളം കവിള്‍ക്കൊള്ളുക:  ചെറുചൂടുള്ള ഉപ്പുവെള്ളം കവിള്‍ക്കൊള്ളുന്നത് വരണ്ട ചുമയെ പ്രതിരോധിക്കും.

മിഠായി: തൊണ്ട വരളുമ്പോഴാണ് ഡ്രൈ കഫ് പ്രധാനമായും ഉണ്ടാകുക. മിഠായി വായിലിട്ട് നുണയുന്നത് പ്രശ്‌ന പരിഹാരത്തിനൊരു ഉത്തമ പരിഹാര മാര്‍ഗ്ഗമാണ്.

ഹെര്‍ബല്‍ ടീ: വൈറ്റമിന്‍ സി ചുമയെ പ്രതിരോധിക്കാന്‍ ഉത്തമമാണ്.വൈറ്റമിന്‍ സി അടങ്ങിയിട്ടുള്ള ഹെര്‍ബല്‍ ടീ കുടിക്കുന്നത് ഡ്രൈ കഫിനുള്ളൊരു പരിഹാര മാര്‍ഗ്ഗമാണ്. ചൂടുവെള്ളത്തില്‍ ചെറുനാരങ്ങ പിഴിഞ്ഞ്കുടിക്കുന്നത് വരണ്ട ചുമയെ പ്രതിരോധിക്കും.

ഇഞ്ചി: ഇഞ്ചി നീര് കുടിക്കുന്നത് ചുമയ്ക്കുള്ളൊരു നല്ല പ്രതിവിധിയാണ്. ഇഞ്ചിനീരിനോടൊപ്പം അല്‍പം ചെറുനാരങ്ങാനീരോ, തേനോ ചേര്‍ത്ത് കുടിക്കുന്നതും പ്രശ്‌നപരിഹാരത്തിന് ഉത്തമാണ്.

ആപ്പിള്‍ സിഡെര്‍ വിനെഗര്‍ : ആപ്പിള്‍ സിഡെര്‍ വിനെഗര്‍ കുടിക്കുന്നതും ചുമയില്‍ നിന്ന് രക്ഷനേടാന്‍ ഉത്തമമാണ്.

കറുവാപ്പട്ടയും ഉപ്പും:   കറുവാപ്പട്ടയിട്ട് തിളപ്പിച്ച വെള്ളത്തില്‍ അല്‍പം ഉപ്പ് ചേര്‍ത്ത് കുടിക്കുന്നത്, തൊണ്ടയിലെ അസ്വസ്ഥതകള്‍ ഇല്ലാതാക്കി ചുമയെ അകറ്റന്‍ നല്ലതാണ്.

കുഞ്ഞു കണ്ണുകള്‍ക്കുവേണം ഏറെ കരുതല്‍

കണ്ണുകളുടെ സംരക്ഷണം ചെറിയ പ്രായത്തില്‍ തന്നെ തുടങ്ങണം, പ്രത്യേകിച്ച്‌ ഫോണും ടിവിയും പതിവായ ഇക്കാലത്ത്. ടെക്‌നോളജി വികസിച്ചതോടെ ടിവിയും, മൊബൈല്‍ ഫോണും, ഐപാഡും, കമ്പ്യൂട്ടറുമെല്ലാം കുട്ടികള്‍ ജനിക്കുന്നത് മുതല്‍ ഉപയോഗിച്ച്‌ തുടങ്ങുന്നു. ഇത്തരം ശീലങ്ങള്‍ കണ്ണിന് വരുത്തിവെയ്ക്കുന്ന കേടുപാട് ചെറുതല്ല.

ജനിതകമായ പ്രശ്‌നങ്ങളും കണ്ണിന് നേരിടേണ്ടതായി വരും. കുട്ടികളുടെ കണ്ണിന്‍റെ ആരോഗ്യംമികച്ച രീതിയില്‍ സൂക്ഷിക്കാന്‍ ചില കാര്യങ്ങള്‍ ശ്രദ്ധിക്കണം. കുട്ടികള്‍ക്ക് ടിവിയും, ഫോണും, ടാബുമെല്ലാം ഉപയോഗിക്കുന്നതിന് സമയപരിധി നിശ്ചയിക്കണം. സ്‌ക്രീന്‍ ടൈമിന് പുറത്ത് ഗാഡ്‌ജെറ്റുകള്‍ ഉപയോഗിക്കാന്‍ അനുവദിക്കരുത്. ഇതിന് മുതിര്‍ന്നവര്‍ ഉദാഹരണവും ആകണം.

ടിവിയുടെയും, മറ്റ് ഗാഡ്‌ജെറ്റുകള്‍, പുസ്തകങ്ങള്‍ ഏറെ അടുത്ത് പിടിക്കാതിരിക്കാന്‍ ശ്രദ്ധിക്കണം. സുരക്ഷിതമായ അകലം ഇതില്‍ സ്വീകരിക്കാം, പുറത്ത് കളിക്കാനും ചെറിയ ജോലികള്‍ക്കും ഇവരെ അനുവദിക്കണം. വീട്ടിലിരിക്കുമ്പോള്‍ ഗാഡ്‌ജെറ്റുകളില്‍ പറ്റിപ്പിടിച്ച്‌ ഇരിക്കുന്നത് ശീലമാകും.

വായിക്കുന്നത് മുതലുള്ള സമയങ്ങളില്‍ കൃത്യമായ വെളിച്ചം ക്രമീകരിക്കാം. വൈറ്റമിന്‍ എ നിറഞ്ഞ ഭക്ഷണങ്ങള്‍ നല്‍കാന്‍ ശ്രദ്ധിക്കണം. ഇതിന് പുറമെ എന്തെങ്കിലും പ്രശ്‌നങ്ങള്‍ തോന്നിയാല്‍ ഐ സ്‌പെഷ്യലിസ്റ്റിനെ കാണിക്കുകയും വേണം.

കഴിക്കാം പല്ലിന് വേണ്ടിയും

ശരീരത്തിന്‍റെ ആരോഗ്യത്തിനെന്നപോലെ പല്ലുകളുടെ ആരോഗ്യത്തിനും പരമപ്രധാനമാണ് പോഷകങ്ങളടങ്ങിയ ഭക്ഷണം. ഇവ പല്ലുകളെയും മോണകളെയും ശക്തിപ്പെടുത്തും. പല്ലിനും മോണയ്‌ക്കും ഉണ്ടാകുന്ന രോഗങ്ങളെ പ്രതിരോധിക്കാനും ഇത് സഹായിക്കും. തൈര് കഴിക്കുക. ഇതില്‍ അടങ്ങിയിട്ടുള്ള പ്രോബയോട്ടിക്, നല്ലബാക്ടീരിയകള്‍ വളരാന്‍ സഹായിക്കും. ഒപ്പം ഉപദ്രവകാരികളായ ബാക്ടീരിയകളെ ഇല്ലാതാക്കും. പ്രോട്ടീന്‍ അടങ്ങിയ ഭക്ഷണം പല്ലിന്‍റെ  ആരോഗ്യംമെച്ചപ്പെടുത്തും. കൊഴുപ്പ് കുറഞ്ഞ ഇറച്ചി, മുട്ട, ബീഫ് എന്നിവയില്‍ ധാരാളം പ്രോട്ടീനുകളുണ്ട്. പല്ലിന്‍റെ ആരോഗ്യം മെച്ചപ്പെടുത്തുന്നതില്‍ പ്രധാന പങ്കുവഹിക്കുന്നവയാണ് പച്ചക്കറികള്‍. ബ്ലൂബെറി, കാബേജ്, റാസ്‌ബെറി, ആപ്പിള്‍ എന്നിവയും പല്ലിന്‍റെ ആരോഗ്യത്തിന് സഹായിക്കും. ആന്‍റി ഓക്സിഡന്‍റ്സ് അടങ്ങിയ ഗ്രീന്‍ ടീ പല്ലിന്‍റെ മിത്രമാണ്. ഇത് ചീത്ത ബാക്ടീരിയകളെ നശിപ്പിച്ച്‌ നല്ല ബാക്ടീരിയകളെ ഉത്പാദിപ്പിക്കും. കാത്സ്യം അടങ്ങിയ ഭക്ഷണം നിര്‍ബന്‌ധമായും കഴിക്കുക. ഇത്പല്ലിന്‍റെ ആരോഗ്യം മെച്ചപ്പെടുത്തും.

വൈറ്റമിന്‍റെ കലവറയായ മധുരക്കിഴങ്ങ്

വൈറ്റമിന്‍ ബി 6 ധാരാള മടങ്ങിയിട്ടുള്ള മധുരക്കിഴങ്ങ് ഹൃദയാഘാത സാധ്യത കുറയ്ക്കുന്നു. മധുരക്കിഴങ്ങില്‍ അടങ്ങിയിട്ടുള്ള ബീറ്റാകരോട്ടിന്‍ ചര്‍മത്തില്‍ ചുളിവുകള്‍ വീഴുന്നത് തടയും. പ്രതിരോധ ശക്തിവര്‍ധിപ്പിക്കുന്നതിനും മാനസിക സമ്മര്‍ദം കുറയ്ക്കുന്നതിനും ഇവയിലെ അയണ്‍ സഹായിക്കും. കാണുമ്പോള്‍ ഭംഗിയുള്ളതും ഉറപ്പുള്ളതും നോക്കി വാങ്ങണം.

തൊടുമ്ബോള്‍ ഉറപ്പില്ലാത്തതു പോലെ അനുഭവപ്പെട്ടാല്‍ അതു പഴകിയതായിരിക്കാം. മധുരക്കിഴങ്ങ് മുറിച്ചു നോക്കിയാല്‍ ഉള്‍വശം മഞ്ഞ കലര്‍ന്ന ഓറഞ്ചു നിറമാണ്എങ്കില്‍ അതിനുള്ളില്‍ ബീറ്റാകരോട്ടിന്‍ കൂടുതലടങ്ങിയിട്ടുണ്ട്. പ്രമേഹമുള്ളവര്‍ വളരെ നിയന്ത്രിച്ചു കഴിക്കണം.

പാദം വിണ്ടുകീറുന്നതിനു പരിഹാരം വീട്ടില്‍ തന്നെ

വരണ്ടതും വിണ്ടുകീറിയതുമായ പാദങ്ങള്. പാദം വിണ്ടുകീറല്‍ മൂലം വിഷമിക്കുന്ന നിരവധി സ്ത്രീകള്‍ ഉണ്ടായിരിക്കും. ഇത്ശ്രദ്ധക്കുറവിന്റെ സൂചനയാണ്. കൈകളും കാലുകളും മുഖവും മോയിസ്ചറൈസ് ചെയ്യാന്‍ആരും മറക്കാറില്ല. എന്നാല്‍, കാല്‍പ്പാദങ്ങളുടെ കാര്യംഅവഗണിക്കുകയായിരിക്കും പതിവ്! വിവിധ ഭൂപ്രകൃതികളെയും കാലാവസ്ഥകളെയുംതരണംചെയ്യുന്ന പാദങ്ങള്‍ക്കും മറ്റെല്ലാ ഭാഗങ്ങള്‍ക്കും നല്‍കുന്നതുപോലെയുള്ള ശ്രദ്ധ നല്‍കേണ്ടത് അത്യാവശ്യമാണ്. സ്പാകളില്‍പോകുന്നതും പെഡിക്യൂര്‍ ചെയ്യുന്നതും മറ്റും ചെലവേറിയ കാര്യങ്ങളായിരിക്കും. മിക്കവര്‍ക്കും ഇതിനുള്ള സമയം ലഭിച്ചുവെന്നും വരില്ല. അതിനാല്‍, വിണ്ടുകീറിയ പാദങ്ങള്‍ക്ക് വീട്ടില്‍ തന്നെ ചികിത്സ നല്‍കാവുന്നതാണ്. ഇതിലൂടെ പാദങ്ങള്‍ക്ക് സുഖം പകരുകയും അവയെ മൃദുലങ്ങളും സ്നിഗ്ധവുമാക്കുകയും ചെയ്യാം.

വെജിറ്റബിള്‍ ഓയില്‍ മാസ്ക്

സുലഭമായിലഭിക്കുന്ന സസ്യ എണ്ണകള്‍ പാദങ്ങള്‍ വിണ്ടുകീറുന്നത് സുഖപ്പെടുത്താന്‍ഉപയോഗിക്കാം. സാധാരണ മോയിസ്ചറൈസറുകള്‍ക്ക് പകരം ഒലിവെണ്ണ, സൂര്യകാന്തിഎണ്ണ, ബദാം എണ്ണ എന്നിവ ഉപയോഗിച്ച്‌ പാദങ്ങള്‍ മോയിസ്ചറൈസ് ചെയ്യാം. ഇത്ഉപയോഗിക്കുന്ന രീതിയും വളരെ ലളിതമാണ്. രാത്രി ഉറങ്ങാന്‍ പോകുന്നതിനുമുമ്പ്, മുകളില്‍ പറഞ്ഞിരിക്കുന്ന എണ്ണകളില്‍ ഏതെങ്കിലും ഒന്ന് പാദത്തില്‍പുരട്ടി സാവധാനത്തില്‍ മസാജു ചെയ്യുക. എണ്ണ പുരട്ടുന്നതിനു മുമ്പ് പാദങ്ങള്‍ വൃത്തിയാക്കണം. ഈ രീതി പിന്തുടരുകയാണെങ്കില്‍, ഏതാനും ആഴ്ചകള്‍ക്കുള്ളില്‍ പ്രകടമായ വ്യത്യാസം ഉണ്ടാകും.

ഗ്ളിസറിന്‍ മാസ്ക്

ഗ്ളിസറിന്‍മെഡിക്കല്‍ സ്റ്റോറുകളില്‍ വാങ്ങാന്‍ ലഭിക്കും. ഗ്ളിസറിന്‍ റോസ്വാട്ടറിനൊപ്പം ചേര്‍ത്ത് ഉപയോഗിക്കുന്നത് പാദങ്ങള്‍ വിണ്ടുകീറുന്നത്ഭേദമാക്കും. ഗ്ളിസറിന്‍ പാദങ്ങള്‍ മൃദുലമാക്കാന്‍ സഹായിക്കും. റോസ്വാട്ടര്‍ വൈറ്റമിനുകള്‍ നല്‍കുകയും പാദങ്ങള്‍ വൃത്തിയാക്കുകയും ചെയ്യും.റോസ് വാട്ടറും ഗ്ളിസറിനും തുല്യ അളവിലെടുത്ത് പാദങ്ങളില്‍ പുരട്ടുക.പുരട്ടിയ ശേഷം വൃത്തിയുള്ള സോക്സ് ധരിക്കുന്നത് നന്നായിരിക്കും. ഉറങ്ങാന്‍പോകുന്നതിനു മുമ്ബ് പുരട്ടുന്നതായിരിക്കും ഉത്തമം.

നാരങ്ങാ നീര്

നാരങ്ങാനീര് നല്ലൊരു എക്സ്ഫോലിയേറ്ററും ബ്ളീച്ചും ആയിപ്രവര്‍ത്തിക്കുന്നു. ഇതില്‍ അടങ്ങിയിരിക്കുന്ന അമ്ലം വിണ്ടുകീറിയ സ്ഥലത്തുനിന്നുള്ള വരണ്ട ചര്‍മ്മം നീക്കം ചെയ്യാന്‍ സഹായിക്കും. ഉപ്പുംനാരങ്ങാനീരും ചേര്‍ത്ത ഇളം ചൂടുള്ള വെള്ളത്തില്‍ പാദങ്ങള്‍ മുക്കിവയ്ക്കുക.അതിനുശേഷം, ഒരു സ്ക്രബര്‍ ഉപയോഗിച്ച്‌ പാദങ്ങളിലെ മൃതകോശങ്ങളെനീക്കംചെയ്യുക. വിള്ളലുകള്‍ സുഖപ്പെടുന്നതിനായി റോസ് വാട്ടറും ഈമിശ്രിതത്തിനൊപ്പം ചേര്‍ക്കാം. നാരങ്ങാനീരിനൊപ്പം ഗ്ളിസറിനും റോസ്‌വാട്ടറും ചേര്‍ന്ന മിശ്രിതവും പാദങ്ങള്‍ വിണ്ടുകീറുന്നത് സുഖപ്പെടുത്താനായിഉപയോഗിക്കാം.

വെളിച്ചെണ്ണ

പാദങ്ങള്‍ വിണ്ടുകീറുന്നത് സുഖപ്പെടുത്താനും വെളിച്ചെണ്ണ ഉപയോഗിക്കാം. പാദങ്ങള്‍ വൃത്തിയാക്കിയ ശേഷം വെളിച്ചെണ്ണ നന്നായി പുരട്ടുക മാത്രമാണ്നിങ്ങള്‍ ചെയ്യേണ്ടത്. ഒരു സ്വാഭാവിക മോയിസ്ചറൈസറായി പ്രവര്‍ത്തിക്കുന്നവെളിച്ചെണ്ണ പാദങ്ങള്‍ക്ക് സുഖം പകരും. ചര്‍മ്മത്തിന്റെ ഉള്‍പാളികളിലേക്കും ആഴ്ന്നിറങ്ങാനുള്ള കഴിവ് ഉള്ളതിനാല്‍ പാദങ്ങള്‍ക്ക് പൊതുവായആരോഗ്യം നല്‍കുന്നതിനും വെളിച്ചെണ്ണയ്ക്ക് കഴിയും. ഏതാനും ദിവസംവെളിച്ചെണ്ണ ഉപയോഗിക്കുന്നതിലൂടെ മാറ്റങ്ങള്‍ അനുഭവിച്ചറിയാന്‍ സാധിക്കും.ദിവസങ്ങള്‍ക്കുള്ളില്‍ പാദങ്ങള്‍ മൃദുലസുന്ദരങ്ങളാക്കാന്‍ ഈ രീതികള്‍ സഹായിക്കും.

പല്ലുവേദന നിസാരമായി കാണരുത്

ദന്താരോഗ്യ സംരക്ഷണത്തില്‍ പൊതുവേ ഉദാസീനരാണ് നമ്മള്‍ മലയാളികള്‍. പല്ലിന്‍റെ കേടും മോണരോഗവും മൂര്‍ച്ചിക്കുമ്പോഴല്ലാതെ നമ്മളില്‍ പലരും ഒരുദന്തഡോക്ടറെ കാണുക പതിവില്ല.

പക്ഷേ, അങ്ങനെ അവഗണിച്ചു തള്ളേണ്ടതാണോ ദന്തക്ഷയവും മോണ രോഗവും? അല്ല എന്നാണ് വാഷിങ്ടണ്‍ സ്‌കൂള്‍ ഓഫ് ഡന്‍റിസ്ട്രിയിലെ ഡോ. ഫിലിപ്പ് പി. ഹജോള്‍ പറയുന്നത്.

നമ്മുടെ പല്ലിന്‍റെയും മോണയുടെയും അനാരോഗ്യം ശരീരത്തിന്‍റെ ആകെ അനാരോഗ്യത്തിന്‍റെ സൂചനയാണ് എന്ന് ജേര്‍ണല്‍ ഓഫ് ഡന്‍റല്‍ റിസര്‍ച്ചില്‍ എഴുതിയ ലേഖനത്തില്‍ അദ്ദേഹം അഭിപ്രായപ്പെടുന്നു.

ഹൃദ്രോഗം, പ്രമേഹം തുടങ്ങിയ രോഗങ്ങളുടെ ഒരു അപായമണിയായി വേണം ദന്തക്ഷയത്തെയും മോണരോഗത്തെയും കാണാന്. ആധുനിക ഭക്ഷണശീലത്തിന്റെ ഭാഗമായ കാര്‍ബോഹൈഡ്രേറ്റുകള്‍ ആണ് ഇവിടെ വില്ലന്. ഉമിനീരും വായക്കുള്ളിലെ ബാക്ടീരിയയും ആയി ചേര്‍ന്ന് ഭക്ഷണ പദാര്‍ത്ഥങ്ങളിലെ (ഫെര്‍മെന്‍റബിള്‍ കാര്‍ബോഹൈഡ്രേറ്റ്‌സ്) അവശിഷ്ടങ്ങള്‍ പല്ലിനെ ദ്രവിപ്പിക്കുന്നു. ഓരോ തവണയും ഭക്ഷണം കഴിച്ചശേഷം വായ ശരിയായ രീതിയില്‍ ശുചിയാക്കിയില്ലെങ്കില്‍ ഇത് വര്‍ധിക്കുന്നു. കാര്‍ബോഹൈഡ്രേറ്റുകള്‍അടങ്ങിയ ഭക്ഷണങ്ങള്‍ അമിതമായി കഴിക്കുന്നത് പ്രമേഹത്തിനും ഹൃദ്‌രോഗത്തിനും ഇടയാക്കും.

പഞ്ചസാരയടങ്ങിയ ഭക്ഷണ പദാര്‍ത്ഥങ്ങള്‍ കൂടുതല്‍ കഴിക്കുന്നവരെ മോണരോഗം വളരെപ്പെട്ടെന്ന് കീഴടക്കുന്നതായി പഠനങ്ങള്‍ വ്യക്തമാക്കുന്നു. നമ്മുടെ പല്ലിന്‍റെ ആരോഗ്യം കാക്കുന്ന ഭക്ഷണം നമ്മുടെ ശരീരത്തിന്‍റെ മൊത്തം ആരോഗ്യത്തെ സംരക്ഷിക്കുന്ന ഭക്ഷണം ആണോ എന്ന് ഗവേഷകര്‍ കണ്ടെത്തണം എന്നും ഡോ. ഹജോള്‍ അഭിപ്രായപ്പെടുന്നുണ്ട്.  എന്തായാലും പല്ല് വേദനയെ ഒരു വേദനസംഹാരികൊണ്ട് അല്ല നേരിടേണ്ടത് എന്നാണ് ഈ പഠനങ്ങള്‍ നല്കു്ന്ന ഗുണപാഠം. മുന്നറിയിപ്പുകള്‍ അവഗണിക്കാനുള്ളതല്ല.

നഖങ്ങളെ ബാധിക്കുന്ന പൂപ്പല്‍ബാധ

ന​മ്മു​ടെ വി​ര​ലു​ക​ള്‍​ക്കു സം​ര​ക്ഷ​ണ​വും ഭം​ഗി​യും ന​ല്‍​കു​ന്ന ഭാ​ഗ​ങ്ങ​ളാ​ണ് ന​ഖ​ങ്ങ​ള്. കൊ​രാ​റ്റി​ന്‍ എ​ന്ന മാം​സ്യ​ത്തി​നാ​ല്‍ നി​ര്‍​മി​ക്ക​പ്പെ​ട്ട​വ​യാ​ണി​വ. ഇ​വ സ്പ​ര്‍​ശ​ന​ത്തി​നും സ​ഹാ​യി​ക്കു​ന്നു​ണ്ട്. ന​ഖ​ങ്ങ​ള്‍ രൂപ​പ്പെ​ടു​ന്ന​തു ഗ​ര്‍​ഭ​കാ​ല​ത്തെ ഒ​മ്പതി​നും ഇ​രു​പ​തി​നും ആ​ഴ്ച​ക​ള്‍​ക്കി​ട​യി​ലാ​ണ്.
ന​ഖ​ങ്ങ​ളെ ബാ​ധി​ക്കു​ന്ന ഏ​റ്റ​വും പ്ര​ധാ​ന​പ്പെ​ട്ട രോ​ഗ​മാ​ണു പൂ​പ്പ​ല്‍​ബാ​ധ. പ്രാ​യ​പൂ​ര്‍​ത്തി​യാ​യ​വ​രെ​യാ​ണു കൂ​ടു​ത​ലാ​യും ബാ​ധി​ക്കു​ന്ന​ത്. സ്ത്രീ​ക​ളേ​ക്കാ​ള്‍ കൂ​ടു​ത​ലാ​യി പു​രു​ഷന്മാരി​ലാ​ണു പൂ​പ്പ​ല്‍​ബാ​ധ കാ​ണു​ന്ന​ത്. കൈ​ക​ളി​ലേ​യും കാ​ലു​ക​ളി​ലേ​യും ന​ഖ​ങ്ങ​ളെ ബാ​ധി​ക്കാ​മെ​ങ്കി​ലും കൈ​വി​ര​ലു​ക​ളി​ലെ ന​ഖ​ങ്ങ​ളി​ലാ​ണു പൂ​പ്പ​ല്‍​ബാ​ധ കൂ​ടു​ത​ലാ​യും കാ​ണു​ന്ന​ത്.

പൂ​പ്പ​ല്‍​ബാ​ധ​യ്ക്കു​ള്ള സാഹചര്യങ്ങള്‍

1. സ്ഥി​ര​മാ​യി വെ​ള്ള​വു​മാ​യു​ള്ള സ​മ്പര്‍​ക്കം (ഹോ​ട്ട​ല്‍, കൂ​ള്‍​ബാ​ര്‍ എ​ന്നി​വി​ട​ങ്ങ​ളി​ല്‍ ജോ​ലി​ചെ​യ്യു​ന്ന​വ​ര്)
2. പ്ര​മേ​ഹ രോ​ഗം
3. ന​ഖ​ങ്ങ​ളി​ലു​ള്ള ക്ഷ​ത​ങ്ങ​ള്‍
4. എ​ച്ച്‌ഐ​വി അ​ണു​ബാ​ധ
5. വാ​ര്‍​ധ​ക്യം 
6. കൂ​ര്‍​ത്ത അ​ഗ്ര​മു​ള്ള ഷൂ​വി​ന്‍റെ ഉ​പ​യോ​ഗം 
7. അ​മി​ത വി​യ​ര്‍​പ്പ്
8. പു​ക​വ​ലി
ല​ക്ഷ​ണ​ങ്ങ​ള്‍
ന​ഖ​ങ്ങ​ളെ ച​ര്‍​മ​വു​മാ​യി കൂ​ട്ടി​യോ​ജി​പ്പി​ക്കു​ന്ന ക്യൂ​ട്ടി​ക്കി​ള്‍ എ​ന്ന ഭാ​ഗ​ത്തെ​യാ​ണ് അ​സു​ഖം ആ​ദ്യം ബാ​ധി​ക്കു​ന്ന​ത്. ക്യൂ​ട്ടി​ക്കി​ളി​നെ ന​ശി​പ്പി​ച്ച​ശേ​ഷം ന​ഖ​ത്തി​ന്‍റെ മ​റ്റു ഭാ​ഗ​ങ്ങ​ളി​ലേ​ക്കു വ്യാ​പി​ക്കു​ക​യാ​യി. 
പൂ​പ്പ​ല്‍​ബാ​ധ ഉ​ണ്ടാ​വു​ന്ന​തോ​ടെ ന​ഖ​ങ്ങ​ളു​ടെ നി​റം മാ​റി​ത്തു​ട​ങ്ങു​ക​യാ​യി. ക​റു​പ്പ്, മ​ഞ്ഞ, വെ​ള്ള എ​ന്നീ നി​റ​ങ്ങ​ളി​ലേ​തെ​ങ്കി​ലും ഒ​ന്നി​ല്‍ ന​ഖ​ങ്ങ​ള്‍ കാ​ണ​പ്പെ​ടാം. ചി​ല​യ​വ​സ​ര​ങ്ങ​ളി​ല്‍ ന​ഖ​ങ്ങ​ളു​ടെ ക​ട്ടി കു​റ​യു​ക​യാ​ണെ​ങ്കി​ല്‍ മറ്റ​വ​സ​ര​ങ്ങ​ളി​ല്‍ പൂ​പ്പ​ല്‍​ബാ​ധ ന​ഖ​ങ്ങ​ളു​ടെ ക​ട്ടിവ​ര്‍​ധി​പ്പി​ക്കു​ക​യാ​ണു ചെ​യ്യു​ന്ന​ത്. ചി​ല​ഭാ​ഗ​ങ്ങ​ളി​ല്‍ ന​ഖം പൊ​ടി​ഞ്ഞും കാ​ണ​പ്പെ​ടാ​റു​ണ്ട്. അ​വ​സാ​നം ന​ഖം അ​തി​ന്‍റെ അ​ടി​യി​ല്‍ ചേര്‍​ന്നി​രി​ക്കു​ന്ന ഭാ​ഗ​ത്തി​ല്‍​നി​ന്നും വേ​ര്‍​പെ​ട്ട് വ​രി​ക​യുംചെ​യ്യു​ന്നു. ച​ര്‍​മ​ത്തി​നും ന​ഖ​ത്തി​നു​മി​ട​യി​ല്‍ വെ​ളു​ത്ത പൗ​ഡ​ര്‍​ പോ​ലു​ള്ള പ​ദാ​ര്‍​ഥം പ്ര​ത്യ​ക്ഷ​പ്പെ​ടു​ക​യും ചെ​യ്യാം. സാ​ധാ​ര​ണ​യാ​യി ഒ​ന്നോ​ര​ണ്ടോ ന​ഖ​ങ്ങ​ളെ മാ​ത്ര​മേ ഒ​രേ​ സ​മ​യംപൂ​പ്പ​ല്‍ ബാ​ധി​ക്കു​ക​യു​ള്ളു.

ചി​കി​ത്സ
പൂ​പ്പ​ല്‍ബാ​ധ​യ്ക്ക് നി​ര​വ​ധി മ​രു​ന്നു​ക​ള്‍ വി​പ​ണി​യി​ലു​ണ്ട്. എ​ല്ലാ​ത്തി​നും അ​തി​ന്‍റേതാ​യ ഗു​ണ​വും ദോ​ഷ​വും ഉ​ണ്ട്. ന​ഖ​ത്തി​ല്‍ നെയി​ല്‍​പോ​ളി​ഷ് പോ​ലെ പു​ര​ട്ടു​ന്ന നെ​യി​ല്‍ ലാ​ക്ക​റു​ക​ളും വി​പ​ണി​യി​ല്‍ സു​ല​ഭ​മാ​ണ്. ഉ​ള്ളി​ല്‍ ക​ഴി​ക്കു​ന്ന മ​രു​ന്നു​ക​ളാ​ണ് മിക്ക​യ​വ​സ​ര​ങ്ങ​ളി​ലും ഗു​ണം​ചെ​യ്യാ​റുള്ളത്.

കമ്പ്യൂട്ടര്‍ ഉപയോഗിക്കുമ്പോള്‍ കണ്ണിന് വേണം കരുതല്‍

ക​മ്പ്യൂട്ട​റില്‍ ദീര്‍​ഘ​നേ​രം ജോ​ലി ചെ​യ്യു​ന്ന​ത് പല​വി​ധ​ത്തി​ലു​ള്ള ആ​രോ​ഗ്യ​പ്ര​ശ്‌​ന​ങ്ങ​ളു​ണ്ടാ​ക്കാം. ക​മ്പ്യൂട്ടര്‍ വി​ഷന്‍ സിന്‍​ഡ്രോം (​സി.​വി.​എ​സ്) അ​ഥ​വാ ഇ​ല​ക്‌​ട്രോ​ണി​ക് ഐ പെ​യി​നാ​ണ് ഇ​തില്‍ പ്ര​ധാ​നം. തു​ടര്‍​ച്ച​യായ ത​ല​വേ​ദ​ന, മോ​ണി​റ്റ​റി​ലേ​ക്ക് നോ​ക്കു​മ്പോള്‍ കൂ​ടു​തല്‍ സമ്മര്‍​ദ്ദം തോ​ന്നു​ക, വ​സ്തു​ക്ക​ളി​ലേ​ക്ക് സൂ​ക്ഷ്മ​മാ​യി നോ​ക്കാന്‍ബു​ദ്ധി​മു​ട്ട് തു​ട​ങ്ങി​യ​വ​യെ​ല്ലാം ഈ രോ​ഗ​ത്തി​ന്‍റെ ല​ക്ഷ​ണ​ങ്ങ​ളാ​ണ്. മാ​ത്ര​മ​ല്ല ക​ണ്ണു​കള്‍​ക്ക് ആ​യാ​സം, വ​രള്‍​ച്ച, ചൊ​റി​ച്ചില്‍ എ​ന്നി​വ​യു​മു​ണ്ടാ​കും. എ.​സി മു​റി​ക​ളില്‍ ഇ​രു​ന്നു​ള്ള ക​മ്പ്യൂട്ടര്‍ ഉ​പ​യോ​ഗ​വും ക​ണ്ണി​ന്‍റെ ലെ​വ​ലി​നേ​ക്കാള്‍ ഉയ​ര​ത്തില്‍ മോ​ണി​റ്റര്‍ സ്ഥാ​പി​ക്കു​ന്ന​തും പ്ര​ധാനകാ​ര​ണ​ങ്ങ​ളാ​ണ്. ഒ​റ്റ​യി​രു​പ്പില്‍ ക​മ്പ്യൂട്ടര്‍ നോ​ക്കു​ന്ന​തും മോ​ണി​റ്റ​റില്‍ ആ​വ​ശ്യ​ത്തി​ന് വെ​ളി​ച്ച​മി​ല്ലാ​ത്ത​തും ക​ണ്ണി​ന് അ​സ്വ​സ്ഥ​ത​ക​ളു​ണ്ടാ​ക്കി​യേ​ക്കാം. സാ​ധാ​രണ ഗ​തി​യില്‍ ഒ​രുമി​നി​ട്ടില്‍ മൂ​ന്നോ നാ​ലോ ത​വണ ക​ണ്ണു​കള്‍ ചി​മ്മി തു​റ​ക്ക​ണം എ​ന്നാ​ണ് പ​റ​യു​ന്ന​ത്. പ​ക്ഷേ, ക​മ്പ്യൂട്ട​റില്‍ നോക്കി​യി​രി​ക്കു​മ്പോള്‍ പ​ല​രും ഇ​ത് ശ്ര​ദ്ധി​ക്കാ​റി​ല്ല.ക​ണ്ണു​കള്‍​ക്ക് ആ​വ​ശ്യ​ത്തി​ന് വി​ശ്ര​മ​വും വ്യാ​യാ​മ​വും നല്‍​കു​ക, ക​മ്പ്യൂട്ട​റില്‍ ജോ​ലി ചെ​യ്യു​മ്പോള്‍ ആ​ന്‍റി ഗ്ളെ​യര്‍ ഗ്ളാ​സു​കള്‍ ഉപ​യോ​ഗി​ക്കു​ക, മോ​ണി​റ്റ​റി​ലെ വെ​ളി​ച്ചം ക്ര​മീ​ക​രി​ക്കുക തു​ട​ങ്ങിയ കാ​ര്യ​ങ്ങള്‍ അ​സ്വ​സ്ഥ​ത​കള്‍ കു​റ​യ്‌​ക്കും.

എന്താണ് വാസോവാഗല്‍ സിന്‍കോപ്?

വൈകാരികപിരിമുറുക്കം, അഹിതകരമായ കാഴ്ച തുടങ്ങിയ പ്രത്യേക പ്രേരകങ്ങള്‍ മൂലമാണ് വാസോവാഗല്‍ സിന്‍കോപ് അഥവാ പെട്ടെന്നുള്ള തലചുറ്റിവീഴല്‍ ഉണ്ടാകുന്നത്. ഹൃദയമിടിപ്പിന്‍റെ നിരക്കും രക്തസമ്മര്‍ദവും പെട്ടെന്ന് കുറയുന്നതു മൂലം തലച്ചോറിലേക്കുള്ള രക്തപ്രവാഹം കുറയുന്നു. ഇത് അല്പസമയത്തേക്ക് ബോധം നശിക്കാന്‍ കാരണമാകുന്നു.

സാധാരണഗതിയില്‍, ഈ അവസ്ഥ അപകടകരമല്ലാത്തതും ചികിത്സ ആവശ്യമില്ലാത്തതുമാണ്. എന്നാല്‍, പെട്ടെന്ന് മയങ്ങിവീഴുന്നതു മൂലം പരുക്കുകള്‍ പറ്റുന്നതിനുള്ള സാധ്യതകൂടുതലായിരിക്കും.ന്യൂറോകാര്‍ഡിയോജെനിക് സിന്‍കോപ് എന്നും ഇത് അറിയപ്പെടുന്നു.

കാരണങ്ങള്‍

രക്തം കാണുമ്പോഴും അപകടങ്ങളില്‍ പെടുന്ന അവസരങ്ങളിലും മറ്റും, രക്തസമ്മര്‍ദവും ഹൃദയമിടിപ്പിന്‍റെ നിരക്കും കൃത്യമായി നിലനിര്‍ത്തുന്ന, നാഡീവ്യൂഹത്തിന്‍റെ ഒരു ഭാഗം ശരിയായി പ്രവര്‍ത്തിക്കാത്തതാണ് ഇതിനു കാരണമാകുന്നത്. ഹൃദയമിടിപ്പിന്‍റെ നിരക്ക് കുറയുകയും കാലുകളിലെ രക്തക്കുഴലുകള്‍ വികസിക്കുകയും ചെയ്യുന്നു. ഇതു മൂലം കാലുകളില്‍ കൂടുതല്‍ രക്തം എത്തിച്ചേരുകയും രക്തസമ്മര്‍ദം കുറയുകയും ചെയ്യുന്നു. ഹൃദയമിടിപ്പിന്‍റെ നിരക്ക് കുറയുന്നതും രക്തസമ്മര്‍ദം കുറയുന്നതും തലച്ചോറിലേക്കുള്ള രക്തപ്രവാഹം കുറയ്ക്കുകയും മയങ്ങിവീഴാന്‍ കാരണമാകുകയും ചെയ്യുന്നു.

പൊതുവായ പ്രേരകങ്ങള്‍

  • രക്തം കാണുന്നത്
  • കടുത്ത ഭയം
  • കൂടുതല്‍ സമയം നില്‍ക്കുന്നത്
  • ചൂടുമായി സമ്പര്‍ക്കത്തിലാവുന്നത്
  • പരുക്ക് പറ്റുമെന്ന ഭയം

ലക്ഷണങ്ങള്‍

ബോധം നശിക്കുന്നതിനു മുമ്പ് ഇനി പറയുന്നവ അനുഭവപ്പെട്ടേക്കാം;

  • തലയ്ക്ക് ഭാരം കുറയുന്നതായി തോന്നുക
  • ഓക്കാനം
  • ചര്‍മ്മം വിളറുക
  • ടണല്‍ വിഷന്‍
  • മങ്ങിയ കാഴ്ച
  • വിയര്‍ക്കല്‍
  • ചൂട് തോന്നുക

സാധാരണഗതിയില്‍, ഒരു മിനിറ്റിനുള്ളില്‍ സിന്‍കോപെയില്‍ നിന്ന് സുഖപ്പെട്ടു തുടങ്ങും.

രോഗനിര്‍ണയം

ഇക്കോകാര്‍ഡിയോഗ്രാംനടത്തി ഹൃദയസംബന്ധമായ പ്രശ്നങ്ങള്‍ ഒന്നുമില്ലെന്ന് ഉറപ്പുവരുത്തും. ഇതിനായി എക്സര്‍സൈസ് സ്ട്രെസ് പരിശോധനയും നടത്തും. ചിലയവസരങ്ങളില്‍, രക്തപരിശോധന നടത്തണമെന്നും ഡോക്ടര്‍ നിര്‍ദേശിച്ചേക്കാം.

ചികിത്സയും പ്രതിരോധവും

സാധാരണഗതിയില്‍, ഇതിനു പ്രത്യേക ചികിത്സകളൊന്നും ആവശ്യമില്ല. നിങ്ങളുടെ പ്രേരകങ്ങളെ തിരിച്ചറിയുന്നതിനും അവ ഒഴിവാക്കുന്നതിനും ഡോക്ടര്‍ നിങ്ങള്‍ക്ക്മാര്‍ഗനിര്‍ദേശം നല്‍കും.

കാലുകളില്‍ രക്തം നിറയാതിരിക്കുന്നതിനായി പ്രത്യേക വഴികള്‍ ഡോക്ടര്‍ നിര്‍ദേശിച്ചേക്കാം. കാലുകള്‍ക്കുള്ള വ്യായാമങ്ങള്‍, കൂടുതല്‍ സമയം നില്‍ക്കുന്നത് ഒഴിവാക്കല്‍, ധാരാളം വെള്ളംകുടിക്കല്‍, കമ്ബ്രഷന്‍ സോക്സുകള്‍ ധരിക്കുക തുടങ്ങിയവ പിന്തുടരുന്നതിനായിരിക്കും ഡോക്ടര്‍ നിര്‍ദേശിക്കുക.  രക്തസമ്മര്‍ദം നിലനിര്‍ത്തുന്നതിനുള്ള മരുന്നുകളും നല്‍കിയേക്കാം.

പ്രതിരോധിക്കുന്നതെങ്ങനെ?

വാസോവാഗല്‍സിന്‍കോപ് പ്രതിരോധിക്കാന്‍ സാധിച്ചുവെന്നു വരില്ല. എന്നാല്‍, നിങ്ങള്‍ക്ക്ക്ഷീണം അനുഭവപ്പെടുകയും മയങ്ങിവീഴും എന്ന് തോന്നുകയും ചെയ്താല്‍, കാലുകള്‍ ഉയര്‍ത്തി വച്ച്‌ തറയില്‍ കിടക്കുക. ഇത് തലച്ചോറിലേക്കുള്ള രക്തപ്രവാഹം സാധാരണനിലയിലാക്കാന്‍ സഹായിക്കും.

അപ്പന്‍ഡിസൈറ്റിസ് രോഗത്തെ നിസാരമായി കാണരുത്

അപ്പന്‍ഡിസൈറ്റിസ് എന്ന രോ​ഗത്തെ നിസാരമായി കാണരുത്. കഠിനമായ വേദന വരുമ്പോള്‍ഴാണ് അപ്പന്‍ഡിസൈറ്റിസ് എന്ന രോ​ഗം ഉണ്ടെന്ന് അറിയുന്നത്. പൊക്കിളിനു താഴെ ചെറുകുടലും വന്‍കുടലുമായി സന്ധിക്കുന്ന ഭാഗത്തുള്ള ഒരുഅവയവമാണ്‌ അപ്പെന്‍ഡിക്സ്‌. ഏഴു മുതല്‍ പത്തുസെന്‍റീമീറ്റര്‍ വരെ വലിപ്പമുള്ള ഈ അവയവത്തിന്‌ ഒരു മണ്ണിരയുടെ ആകൃതിയാണ്‌.

അടിവയറ്റില്‍ ഉണ്ടാകുന്ന കഠിനമായ വേദനയാണ് അപ്പെന്‍ഡിസൈറ്റിസിന്‍റെ പ്രധാന ലക്ഷണം. എന്നാല്‍ വേദന മാത്രമല്ല ഈ രോഗത്തിന്‍റെ ലക്ഷണങ്ങള്‍. ശ്രദ്ധിച്ചില്ലെങ്കില്‍ മരണം വരെ സംഭവിക്കാവുന്ന അവസ്ഥ ഇതു മൂലം ഉണ്ടാകാം. അടിവയറ്റില്‍ ഉണ്ടാകുന്ന ശക്തമായ വേദനയാണ് അപ്പെന്‍ഡിസൈറ്റിസിന്‍റെ  പ്രധാനലക്ഷണം.

പൊക്കിളിനോടു ചേര്‍ന്നുണ്ടാകുന്ന വേദനയാണ് ഒട്ടുമിക്ക ആളുകള്‍ക്കും ആദ്യം ഉണ്ടാകുന്നത്. ഇത് ക്രമേണ അടിവയറില്‍ നിന്ന്മുകളിലേക്ക് വ്യാപിക്കും. എന്നാല്‍ ഇത്തരത്തില്‍ ഉണ്ടാകുന്ന എല്ലാ വേദനയും അപ്പെന്‍ഡിസൈറ്റിന്‍റെ ആകണമെന്നില്ല. മണിക്കൂറുകള്‍ കഴിയുന്നതോടെ കടുത്തുവരുന്ന വേദനയെ സൂക്ഷിക്കണം. ഛര്‍ദ്ദി, വിശപ്പില്ലായ്‌മ എന്നിവ അനുഭവപ്പെടും. അടിവയറില്‍ വലതുവശത്ത് താഴെയായി അമര്‍ത്തിയാല്‍ ശക്‌തിയായ വേദന ഉണ്ടാകും. ഇങ്ങനെ അമര്‍ത്തുമ്പോള്‍ വേദന മൂലം വയറിലെ മസില്‍ മുറുകും.

ചെറിയതോതിലുള്ള പനിയാണ് സാധാരണ ഉണ്ടാകാറുണ്ട്. ശക്‌തിയായ പനി വളരെ അപൂര്‍വമായേ ഉണ്ടാകൂ. ഇത് സൂചിപ്പിക്കുന്നത് അപ്പെന്‍ഡിക്‌സില്‍ പഴുപ്പ് ബാധിച്ചിട്ടുണ്ടെന്നാണ്. വെളുത്ത രക്‌താണുക്കളുടെ എണ്ണം കുറയുകയും ചെയ്യും. അസുഖത്തിന്‍റെ ആദ്യഘട്ടത്തില്‍ മലബന്ധം അനുഭവപ്പെടാം. തീരെ ചെറിയ കുഞ്ഞുങ്ങള്‍, വൃദ്ധര്‍, അമിതവണ്ണമുള്ളവര്‍ എന്നിവരില്‍ ശ്രദ്ധേയമായ ലക്ഷണങ്ങള്‍ ഉണ്ടാകണമെന്നില്ല.

ഗോതമ്പിന്‍റെ ഗുണങ്ങള്‍ നിസ്സാരമല്ല

രാത്രിയില്‍ അരിയാഹാരത്തിനു പകരം ഇന്ന് മലയാളികളുടെ ശീലം ചപ്പാത്തിയാണ്. അരിയില്‍ നിന്നു ഗോതമ്പിലേക്ക് ഇനിയും മാറാത്തവര്‍ അറിഞ്ഞോളൂ ഗോതമ്പിന്‍റെ ഗുണങ്ങള്‍ നിസ്സാരമല്ല

ഗോതമ്പ് രക്തം ശുദ്ധീകരിയ്ക്കുവാന്‍ സഹായിക്കുന്നു. രക്തദൂഷ്യം വഴിയുള്ള അസുഖങ്ങള്‍ ഇതുവഴി കുറയും. തടികുറയ്ക്കുവാന്‍ ശ്രമിയ്ക്കുന്നവര്‍ക്ക് പറ്റിയ നല്ലൊന്നാന്തരം ഭക്ഷമാണ് ഗോതമ്പ്. ഡയറ്റെടുക്കുന്നവര്‍ക്ക് ധൈര്യമായി കഴിയ്ക്കാം ദഹനശേഷി വര്‍ദ്ധിപ്പിയ്ക്കുവാന്‍ ഗോതമ്പ് നല്ലതാണ്.

ഇതിലെ നാരുകളാണ് ഈ ഗുണം നല്‍കുന്നത്. ഗോതമ്പില്‍ ദോഷകരമായ കൂട്ടുകള്‍ കലരാത്തതു കൊണ്ട് ഹൃദയ സംബന്ധമായ പ്രശ്‌നങ്ങള്‍ അകറ്റി നിര്‍ത്താനും ഗോതമ്പ് നല്ലതാണ്.ഗോതമ്പിലെ സെലേനിയം, വൈറ്റമിന്‍ ഇ എന്നിവ ക്യാന്‍സര്‍ തടയുന്നതിനും ഗുണകരമാണ്

ഗോതമ്പ് ബിപി കുറയ്ക്കാനും സഹായിക്കും. ഇത്ഹൈപ്പര്‍ ടെന്‍ഷന്‍ അകറ്റാന്‍ നല്ലതാണ്. തൈറോയ്ഡ് അസുഖമുള്ളവര്‍ക്കും ഗോതമ്പ് നല്ലൊന്നാന്തരം ഭക്ഷണമാണ്. ശ്വാസത്തിലെ ദുര്‍ഗന്ധമകറ്റുന്നതിനും ഗോതമ്പ് നല്ലതാണ്. ഇതിലുള്ള വൈറ്റമിനുകളാണ് ഇതിന് സഹായിക്കുന്നത്. അസ്ഥികള്‍ക്കുണ്ടാകുന്ന ബലക്കുറവും ക്ഷതവുമെല്ലാം അകറ്റാനും ഗോതമ്പ്‌ നല്ലതുതന്നെ.

പ്രമേഹം തടയുവാന്‍ പറ്റിയ നല്ലൊരു ഭക്ഷണമാണിത്. പ്രമേഹരോഗികള്‍ക്ക് കഴിയ്ക്കുവാന്‍ പറ്റിയ ഒന്ന്. ധാരാളം നാരുകള്‍ അടങ്ങിയിട്ടുള്ളതു കൊണ്ടുതന്നെ മലബന്ധം തടയുവാനും ഗോതമ്പ് നല്ലതാണ്. കിഡ്‌നി സ്‌റ്റോണ്‍ അലിയിച്ചു കഴിയുവാനും വിളര്‍ച്ച മാറ്റാനും ഗോതമ്പുല്‍പന്നങ്ങള്‍ സഹായിക്കും. ധാരാളം പ്രോട്ടീന്‍ അടങ്ങിയ ഒരു ഭക്ഷണം കൂടിയാണിത്.

മുരിങ്ങക്കായ കഴിച്ചാലുള്ള ഗുണങ്ങള്‍

നമ്മുടെ വീട്ടുവളപ്പില്‍ സുലഭമായി കണ്ടുവരുന്ന ഒന്നാണ് മുരിങ്ങക്കായ. കഴിക്കാന്‍ മാത്രമല്ല പല രോഗങ്ങള്‍ക്കും മരുന്നായി മുരിങ്ങക്കായയും മുരിങ്ങയിലയും ഉപയോഗിക്കുന്നു. മുരിങ്ങക്കായ കഴിച്ചാലുള്ള ഗുണം പലതാണ്.

  • ആസ്തമ പോലുള്ള ശ്വാസകോശസംബന്ധമായ രോഗങ്ങള്‍ തടയാനും മുരിങ്ങ നല്ലതാണ്. മുരിങ്ങയിലയും മുരിങ്ങാക്കായയും ഇതിനായി ഉപയോഗിക്കാം.
  • ശക്തിയുള്ള എല്ലുകള്‍ക്ക് മുരിങ്ങ കഴിയ്ക്കുന്നത് നല്ലതാണ്. ഇതില്‍ അയേണ്‍, വൈറ്റമിന്‍, കാല്‍സ്യം എന്നിവ ധാരാളം അടങ്ങിയിട്ടുണ്ട്.
  • രക്തം ശുദ്ധീകരിക്കാനുള്ള ഒരു വഴിയാണ് മുരിങ്ങക്കായയും മുരിങ്ങയിലയും കഴിയ്ക്കുക എന്നത്. ഇതിനായി മുരിങ്ങയില ചതച്ച്‌ പാലില്‍ ചേര്‍ത്തു കഴിച്ചാല്‍ മതിയാകും.
  • ഗര്‍ഭിണികള്‍ക്ക് കഴിയ്ക്കാവുന്ന നല്ലൊരു ഭക്ഷണവസ്തുവാണ് മുരിങ്ങയില. ഗര്‍ഭകാലത്ത് ഛര്‍ദിയും ക്ഷീണവും കുറയ്ക്കാനും പ്രസവവേദന കുറയ്ക്കാനും മുരിങ്ങയില കഴിയ്ക്കുന്നത്നല്ലതാണ്.
  • മുലയൂട്ടുന്ന അമ്മമാരും മുരിങ്ങ കഴിയ്ക്കുന്നത് നല്ലതാണ്. മുലപ്പാല്‍ വര്‍ദ്ധിപ്പിക്കാനുള്ള തികച്ചും സ്വാഭാവിക രീതിയാണ് ഇത്.
  • മുരിങ്ങയ്ക്ക് അണുബാധകളെ തടയാനുള്ള കഴിവുണ്ട്. വയര്‍, നെഞ്ച്, തൊണ്ട എന്നിവിടങ്ങിലുണ്ടാകുന്ന അണുബാധകള്‍ തടയാന്‍ ഇത് നല്ലതാണ്.
  • വയറിനുണ്ടാകുന്ന അസ്വസ്ഥതകളും മലബന്ധം പോലുള്ള പ്രശ്നങ്ങളും തടയാന്‍ മുരിങ്ങയില നല്ലതാണ്. ഇതിലെ നാരുകളാണ് ഈ ഗുണം നല്‍കുന്നത്.
  • ലൈംഗികശേഷിവര്‍ദ്ധിപ്പിക്കാനുള്ള കഴിവും മുരിങ്ങയ്ക്കുണ്ട്. ഇത് സ്ഥിരംകഴിയ്ക്കുന്നത് പുരുഷന്മാരിലെ ഉദ്ധാരണക്കുറവു പോലുള്ള പ്രശ്നങ്ങള്‍അകറ്റാന്‍ സഹായിക്കും.

ആരോഗ്യസമ്പുഷ്ടമാണീ ബീന്‍സ്

പോ​ഷ​ക​ സ​മ്പുഷ്‌​ട​മാ​ണ് ​ ബീ​ന്‍​സ്.​ ​നാ​രു​ക​ളു​ടെ​​ ക​ല​വ​റ​യാ​യ​തി​നാ​ല്‍​ ​ഹൃ​ദ​യ​ത്തി​ന്‍റെ ച​ങ്ങാ​തി​യു​മാ​ണ്.​ ​ഒ​രു​​ക​പ്പ് ബീ​ന്‍​സി​ല്‍​ 36​ ​ഗ്രാം​നാ​രു​ക​ളു​ണ്ട്.​ ​ഇ​ത്​ കൊ​ള​സ്‌​ട്രോ​ള്‍​ ​കു​റ​ച്ച്‌ ​ഹൃ​ദ​യാ​രോ​ഗ്യം​​ മെ​ച്ച​പ്പെ​ടു​ത്തും.​ ​ര​ക്ത​ത്തി​ലെ​ ​പ​ഞ്ച​സാ​ര​യു​ടെ​ ​അ​ള​വ്​ കു​റ​യ്ക്കു​ന്ന​തി​നാ​ല്‍​ ​പ്ര​മേഹ​രോ​ഗി​ക​ള്‍​ക്ക് ​ഉ​ത്ത​മ​മാ​ണ്. മി​ന​റ​ലു​ക​ളും​ ​വി​റ്റാ​മി​നു​ക​ളും​ ​ധാ​രാ​ളം​​ അ​ട​ങ്ങി​യി​ട്ടു​ണ്ട്.​ ​മെ​ഗ്നീ​ഷ്യം,​ ​പൊ​ട്ടാ​സ്യം,​ ​അ​യേ​ണ്‍,​ ​കോ​പ്പ​ര്‍,​ ​ഫോ​സ്ഫ​റ​സ്,​ ​വൈ​റ്റ​മി​ന്‍​ ​ബി1,​ ​തൈ​മി​ന്‍​​ എ​ന്നി​വ​യു​ടെ​യും​ ക​ല​വ​റ​യാ​ണ്.​ ​ഇ​തി​ലു​ള്ള​ ​വൈ​റ്റ​മി​ന്‍​ ​ബി​ 1​ ​നാ​ഡീ​വ്യൂ​ഹ​ത്തി​ന്‍റെ ​പ്ര​വ​ര്‍​ത്ത​നം​ മെ​ച്ച​പ്പെ​ടു​ത്തു​ന്നു.​​ കോ​പ്പ​ര്‍​ അ​ട​ങ്ങി​യ​തി​നാ​ല്‍​ ​പ്ര​തി​രോ​ധ​ശേ​ഷി​​ വ​ര്‍​ദ്ധി​ക്കു​ക​യും​ ​ര​ക്ത​പ്ര​വാ​ഹം​ ​സു​ഗ​മാ​കും.​​ അ​സ്‌​ഥി​ക​ളു​ടെ​ ​ആ​രോ​ഗ്യ​വും​ ​മെ​ച്ച​പ്പെ​ടും. മെ​ഗ്നീ​ഷ്യ​വും​ ​ഫോ​സ്ഫ​റ​സും​ ഉ​ള്ള​തി​നാ​ല്‍​​ ര​ക്ത​സ​മ്മ​ര്‍​ദ്ദം​ ​കു​റ​യ്‌​ക്കും.​ ​അ​യ​ണ്‍​ ​വി​ള​ര്‍​ച്ച​​ പ​രി​ഹ​രി​ക്കും.​ ​ര​ക്ത​സ​ഞ്ചാ​രം​ ​സു​ഗ​മ​മാ​ക്കും.​ ​വി​ഷാ​ദ​രോ​ഗം​​ അ​ക​റ്റാ​നും​ ​ബീ​ന്‍​സി​ന് ക​ഴി​വു​ണ്ട്.​ ​ധാ​രാ​ളം​ ​ഇ​രു​മ്പും കാ​ത്സ്യ​വും​ ​ഉ​ള്ള​തി​നാ​ല്‍​ ​ഗ​ര്‍​ഭി​ണി​ക​ള്‍​ ​ക​ഴി​ക്ക​ണം.​​വൈ​റ്റ​മി​ന്‍​ ​സി​യു​ടെ​ ​ക​ല​വ​റ​യാ​യ​ ​ബീ​ന്‍​സി​ല്‍​ ​ഉ​ള്ള​​ ആ​ന്‍റിയോ​ക്സി​ഡ​ന്‍റുക​ള്‍​ രോ​ഗ​ങ്ങ​ളെ​ പ്ര​തി​രോ​ധി​ക്കും.​​ ച​ര്‍​മ​ത്തി​ന് ​ ആ​രോ​ഗ്യ​വും​ ​സൗ​ന്ദ​ര്യ​വും​ ​ന​ല്‍​കും.

അണ്ഡാശയ അര്‍ബുദത്തിന്‍റെ ലക്ഷണങ്ങളറിയാം

നിശബ്ദകൊലയാളിയെന്ന് വിശേഷിപ്പിക്കാവുന്ന രോഗമാണ് അണ്ഡാശയ കാന്‍സര്‍.രോഗം അതിന്‍റെ എല്ലാ തീവ്രതയോടെയും വ്യാപിക്കുന്നതുവരെ സൂചന നല്‍കുന്ന കൃത്യമായ ലക്ഷണങ്ങളൊന്നും പ്രകടമാകില്ല എന്നതാണ് ഈ രോഗത്തിന്‍റെ പ്രത്യേകത. ഓരോ വര്‍ഷവും 20,000 സ്ത്രീകള്‍ക്കാണ് ഗര്‍ഭാശയ ക്യാന്‍സര്‍ രോഗം നിര്‍ണ്ണയിക്കപ്പെടുന്നത്. ഏറ്റവും അപകടകരമായ ക്യാന്‍സര്‍ ആയതിനാല്‍അല്‍പ്പം മുന്‍കരുതല്‍ എടുക്കുന്നത് ഉചിതമാകും.

സ്തനാര്‍ബുദത്തില്‍ അനുഭവപ്പെടുന്നതുപോലെ തിരിച്ചറിയാന്‍ കഴിയുന്ന രോഗലക്ഷണങ്ങളില്ല എന്നതാണ് ഈ രോഗം കൂടുതല്‍ ഗൗരവമാക്കുന്നത്.
രോഗലക്ഷണങ്ങള്‍ വളരെ ചെറുതായി പ്രകടമാകുമെങ്കിലും പല കാരണങ്ങള്‍കൊണ്ട് ഇത് തിരിച്ചറിയപ്പെടാതെ പോകുകയാണ്. നിര്‍ഭാഗ്യവശാല്‍ ഇത് രോഗനിര്‍ണ്ണയത്തിന് കാലതാമസം വരുത്തുകയും ഫലപ്രദമായ ചികിത്സ വൈകിപ്പിക്കുകയും ചെയ്യുന്നു. ചില ലക്ഷണങ്ങള്‍ സൂക്ഷ്മമായി നിരീക്ഷിച്ച്‌ പരിശോധന നടത്തുന്നത് രോഗനിര്‍ണയം എളുപ്പമാക്കും.

എവിടെയെങ്കിലും പോകാന്‍ തോന്നാത്ത വിധം സ്ഥിരമായി വയറുവേദനയുണ്ടെന്ന പരാതി നിങ്ങള്‍ക്കുണ്ടോ. ഇത് മെന്‍സസുമായോ ആമാശയ വ്രണവുമായോ ബന്ധപ്പെട്ടതല്ലെങ്കില്‍ ഡോക്ടറെ സമീപിക്കുക. അര്‍ബുദം പടരുന്ന സാഹചര്യത്തില്‍ ഇത്തരം വേദന അനുഭവപ്പെട്ടേക്കാം.

മലശോധന സൃഷ്ടിക്കാത്ത ഭക്ഷണം കഴിക്കാത്ത സാഹചര്യത്തിലും മലബന്ധം സ്ഥിരമായി അനുഭവപ്പെടുന്നു എങ്കില്‍ ശ്രദ്ധിക്കണം. ട്യൂമര്‍ വളരുന്നുണ്ടെങ്കില്‍ ശോധന തടസ്സപ്പെടും. ഗര്‍ഭാശയ ക്യാന്‍സര്‍ പടര്‍ന്നു കഴിയുന്ന അവസ്ഥ എല്ലായ്പ്പോഴും ഛര്‍ദിക്കണമെന്ന തോന്നലുണ്ടാക്കും. മലവിസര്‍ജ്ന വ്യവസ്ഥയെരോഗം തകരാറിലാക്കുന്നതിനാലാണിത്.

യൂറിന്‍ പാസ് ചെയ്യാനായി നിങ്ങള്‍ക്ക് ടോയിലറ്റിലേക്ക് അടിക്കടി പോകേണ്ടിവരുന്ന അവസ്ഥയും ശ്രദ്ധിക്കേണ്ടതാണ്. അണ്ഡാശയത്തിലെ അര്‍ബുധ ബാധ മൂത്രനാളിയുടെ ശേഷി കുറയ്ക്കുന്നതാണ്.

അണ്ഡാശയ അര്‍ബുധം മെന്‍സസിനെയും ബാധിക്കുന്നു. ക്രമക്കേടും തുടര്‍ച്ചയായ ബ്ലീഡിങ്ങും മെന്‍സസ് ഇല്ലാ്കയും ബ്ലീഡിംഗ് കുറവുമെല്ലാം ഇതിന്‍റെ കാരണങ്ങളായേക്കാം. ശരീരത്തിലുണ്ടാകുന്ന ചെറിയതും എന്നാല്‍ പൊതുവായതുമായ ഇത്തരം മാറ്റങ്ങള്‍ശ ശ്രദ്ധിച്ച്‌ വൈദ്യപരിശോധനക്ക് വിധേയമായാല്‍ ഒരു പരിധി വരെ രോഗത്തില്‍നിന്ന് രക്ഷപ്പെടാനാകുമെന്ന് ഓര്‍ക്കുക.

ശീമച്ചക്കയുടെ ആരോഗ്യഗുണങ്ങള്‍

നാ​ട്ടി​ന്‍​പു​റ​ങ്ങ​ളി​ല്‍​ ​ഒ​രു​കാ​ല​ത്ത് ​സു​ല​ഭ​മാ​യി​രു​ന്ന​​ ഫ​ല​മാ​ണ് ​ശീ​മ​ച്ച​ക്ക.​ ​ഹൃ​ദ​യാ​രോ​ഗ്യ​ത്തി​ന് ​മെ​ച്ച​പ്പെ​ട്ട​​ ഭ​ക്ഷ​ണ​മാ​ണി​ത്.​ ​കാ​ര​ണം​ ​അ​പ​ക​ട​ക​ര​മാ​യ​ ​കൊ​ള​സ്‌​ട്രോ​ള്‍​​ കുറ​യ്ക്കു​ക​യും​ ​ആ​രോ​ഗ്യ​ത്തി​ന് ​അ​ത്യാ​വ​ശ്യം​ ​വേ​ണ്ട​​ എ​ച്ച്‌.​ഡി​ .​എ​ല്‍​ ​കൊ​ള​സ്‌​ട്രോ​ളി​ന്‍റെ വ​ര്‍​ദ്ധന​യ്ക്കു​​ സ​ഹാ​യി​ക്കു​ക​യും​ ​ചെ​യ്യു​ന്നു.​ ​ശീ​മ​ച്ച​ക്ക​യു​ടെ​ ​ഈ​ ​ക​ഴി​വ്​ ഹൃ​ദ​യാ​ഘാ​ത​ത്തെ​ ​ചെ​റു​ക്കാ​ന്‍​ ​സ​ഹാ​യി​ക്കു​ന്നു.​​ നാ​രു​ക​ളു​ടെ​ ​ക​ല​വ​റ​ ​എ​ന്ന​ ​നി​ല​യി​ലും​ ​ഹൃ​ദ​യാ​രോ​ഗ്യം​​ മെ​ച്ച​പ്പെ​ടു​ത്തും.​ ​

ദ​ഹ​ന​സം​ബ​ന്ധ​മാ​യ​​ പ്ര​ശ്‌​ന​ങ്ങ​ള്‍​ ​പ​രി​ഹ​രി​ക്കാ​നും​ ​ശീ​മ​ച്ച​ക്ക​ ​ഉ​ത്ത​മ​മാ​ണ്.​​ ഇ​തി​ല​ട​ങ്ങി​യി​ട്ടു​ള്ള​ ​പോ​ഷ​ക​ങ്ങ​ള്‍​ ​കു​ട​ല്‍​ ​കാ​ന്‍​സ​ര്‍​​ സാ​ദ്ധ്യ​ത​യും​ ​കു​റ​യ്ക്കും.​ ​ര​ക്ത​സ​മ്മ​ര്‍​ദ്ദ​വും​ ​അ​നു​ബ​ന്ധ​​ ആ​രോ​ഗ്യ​പ്ര​ശ്‌​ന​ങ്ങ​ളും​ ​ഒ​ഴി​വാ​ക്കാ​നും​ ​ശീ​മ​ച്ച​ക്ക​​ ക​ഴി​ക്കു​ന്ന​ത് ​ഉ​ത്ത​മ​മാ​ണ്.​ ​ആ​സ്ത്മ​ ​രോ​ഗി​ക​ള്‍​ക്ക്​ ക​ഴി​ക്കാ​വു​ന്ന​ ​വ​ള​രെ​ ​ഫ​ല​പ്ര​ദ​മാ​യ​ ​ഒ​രു​ ​ഫ​ല​മാ​ണി​ത്.​​ വി​ള​ഞ്ഞ് ​പാ​ക​മാ​യ​ ​ശീ​മ​ച്ച​ക്ക​ ​പാ​ലി​ല്‍​ ​ചേ​ര്‍​ത്ത്​ വേ​വി​ച്ച്‌ ​മ​ധു​രം​ ​ചേ​ര്‍​ത്ത​ ​വി​ഭ​വം​ ​കു​ട്ടി​ക​ള്‍​ക്ക് നല്‍​കാ​വു​ന്ന​ ​മി​ക​ച്ച​ ​ഭ​ക്ഷ​ണ​മാ​ണ്. ഇ​തി​ന്‍റെ ​ഇ​ല​യ്‌​ക്കും​ ​ഔ​ഷ​ധ​ഗു​ണ​മു​ണ്ട്.​ ഇ​ല​​ ഉ​ണ​ക്കി​പ്പൊ​ടി​ച്ച്‌ ​ ഉ​പ​യോ​ഗി​ക്കു​ന്ന​തി​ലൂ​ടെ​ ​ത്വ​ക്​രോ​ഗ​ങ്ങ​ള്‍​ ​അ​ക​റ്റാം.​ ​ചെ​വി​യി​ലു​ണ്ടാ​കു​ന്ന​ ​ചൊ​റി​ച്ചി​ല്‍​​ പോ​ലു​ള്ള​ ​അ​സ്വ​സ്ഥ​ത​ക​ള്‍​ ​അ​ക​റ്റാ​ന്‍​ ​ഇ​തി​ന്‍റെ ​ഇ​ല​യു​ടെ​​ നീ​രെ​ടു​ത്ത് ​ര​ണ്ട് ​തു​ള്ളി​ ​ചെ​വി​യി​ല്‍​ ​ഒ​ഴി​ക്കു​ക.

പുഴമീന്‍ നല്‍കും ആരോഗ്യഗുണങ്ങള്‍

ആരോഗ്യത്തിന്‍റെ കാര്യത്തില്‍ വളരെയധികം ശ്രദ്ധിക്കുന്നവരാണ് നമ്മളെല്ലാവരും. മത്സ്യം ഏറ്റവും മികച്ച ആരോഗ്യം നല്‍കുന്ന ഒന്നാണ്. ഇതില്‍ തന്നെ ഏറ്റവും മികച്ച്‌ നില്‍ക്കുന്നത്പുഴമീനുകളാണ്. പുഴമീനിന്റെ ആരോഗ്യം നമുക്ക് വിവരിയ്ക്കാനാവുന്നതില്‍ അധികമാണ്.

പുഴമത്സ്യങ്ങള്‍ കഴിയ്ക്കുന്നവരും ഒട്ടും കുറവല്ല.  ആരോഗ്യത്തിന് മുതല്‍ക്കൂട്ടാണ് പുഴമത്സ്യങ്ങളും കായല്‍ മത്സ്യങ്ങളും എന്നകാര്യത്തില്‍ സംശയം വേണ്ട. എന്തൊക്കെ ആരോഗ്യ ഗുണങ്ങളാണ് പുഴമീനുകള്‍ വഴിലഭിയ്ക്കുന്നത് എന്ന് നോക്കാം. ഇത് നല്‍കുന്ന ആരോഗ്യ ഗുണങ്ങളെക്കുറിച്ച്‌അറിഞ്ഞിരിക്കേണ്ടത് അത്യാവശ്യമാണ്.

ഹൃദയാരോഗ്യം

ഇന്നത്തെകാലത്ത് ഹൃദ്രോഗികളുടെ എണ്ണം വളരെയധികം വര്‍ദ്ധിച്ചിരിക്കുന്ന അവസ്ഥയാണ്ഉള്ളത്. മാറിക്കൊണ്ടിരിക്കുന്ന ജീവിത ശൈലിയും ഭക്ഷണ രീതിയും എല്ലാമാണ് ഇത്തരത്തിലുള്ള പ്രശ്‌നങ്ങള്‍ക്ക് തുടക്കം കുറിക്കുന്നത്. ഇതിനെ പരിഹരിക്കുന്നതിന് ശ്രദ്ധിക്കേണ്ടത് അത്യാവശ്യമാണ്. ഹൃദയാരോഗ്യം സംരക്ഷിക്കുന്ന കാര്യത്തില്‍ പുഴമീനുകള്‍ വഹിയ്ക്കുന്ന പങ്ക് വളരെ വലുതാണ്. ഹാര്‍ട്ടറ്റാക്ക് പോലുള്ള രോഗങ്ങള്‍ക്ക് ഉത്തമ പ്രതിവിധിയാണ് പുഴമീനുകള്. ധാരാളം പുഴമീന്‍ കഴിക്കുന്നത് ഹൃദ്രോഗികളുടെ എണ്ണം കുറക്കുന്നു. പല ആരോഗ്യപ്രശ്‌നങ്ങള്‍ക്കും പരിഹാരം കാണുന്നതിന് സഹായിക്കുന്നു പുഴമീന്‍.

രോഗപ്രതിരോധ ശേഷി

രോഗപ്രതിരോധശേഷി വര്‍ദ്ധിപ്പിക്കുന്നതിന് വളരെയധികം സഹായിക്കുന്നു പുഴമീന്.  പുഴമീന്‍ സ്ഥിരമായി കഴിക്കുന്നവരില്‍ പല വിധത്തിലുള്ള ആരോഗ്യ പ്രതിസന്ധികളും ഇല്ലാതാവുന്നു. രോഗപ്രതിരോധ ശേഷി വര്‍ദ്ധിപ്പിക്കാന്‍ പറ്റിയ ഒന്നാണ് പുഴമീനുകള്‍. പുഴ മീന്‍ മാത്രമല്ല കായല്‍ മീനുകള്‍ക്കും രോഗപ്രതിരോധ ശേഷിവര്‍ദ്ധിപ്പിക്കാനുള്ള കഴിവുണ്ട്. അതുകൊണ്ട് തന്നെ അതിനെ പ്രതിരോധിക്കാന്‍ ഏറ്റവും മികച്ച്‌ നില്‍ക്കുന്ന ഒന്നാണ് പുഴമീന്. പനി, ജലദോഷം മറ്റ്സാംക്രമിക രോഗങ്ങള്‍ എന്നിവക്കെല്ലാം പരിഹാരം കാണുന്നതിന് സഹായിക്കുന്നു പുഴമീന്.

ചര്‍മ്മ രോഗങ്ങള്‍ക്ക് പ്രതിവിധി

ചര്‍മ്മത്തിനുണ്ടാവുന്ന അലര്‍ജിയാണ് മറ്റൊന്ന്. ഇതിനെ പ്രതിരോധിക്കാന്‍ സഹായിക്കുന്നു പുഴമീന്. എക്‌സിമ, സോറിയാസിസ് എന്നീ അവസ്ഥകള്‍ക്കെല്ലാം പരിഹാരം കാണുന്നതിന് സഹായിക്കുന്നു . . ചര്‍മ്മ രോഗങ്ങളെ പ്രതിരോധിയ്ക്കുന്നതിന് ഏറ്റവുംമികച്ച ഒന്നാണ് പുഴമീനുകള്. പുഴ മീനുകള്‍ കഴിയ്ക്കുന്നത് ചര്‍മ്മരോഗങ്ങള്‍ക്ക് എല്ലാ വിധത്തിലുള്ള പ്രതിവിധിയും നല്‍കുന്നു.

ആഴ്ചയില്‍ രണ്ട് തവണ

എപ്പോഴൊക്കെ കഴിക്കണം എന്നത് ശ്രദ്ധിക്കണം. ആഴ്ചയില്‍ രണ്ട് തവണയെങ്കിലും പുഴമീന്‍ കഴിക്കാന്‍ ശ്രദ്ധിക്കണം. അതുകൊണ്ട്തന്നെ ആഴ്ചയില്‍ രണ്ട് തവണ പുഴമീനുകള്‍ കഴിയ്ക്കുന്നത് നല്ലതാണ്. ബാക്കിദിവസങ്ങളില്‍ മറ്റ് മീനുകള്‍ക്ക് പ്രാധാന്യം നല്‍കാം. എങ്കിലും ആഴ്ചയില്‍രണ്ട് തവണ പുഴമീനുകള്‍ ശീലമാക്കാം. ഇത് പല വിധത്തിലുള്ള ആരോഗ്യപ്രതിസന്ധികളെ പരിഹരിക്കുന്നതിന് സഹായിക്കുന്നു.

ഒമേഗ 3 ഫാറ്റി ആസിഡ്

ഒമേഗ 3 ഫാറ്റി ആസിഡ് കൊണ്ട് സമ്ബുഷ്ടമാണ്പുഴമീനുകള്. കടല്‍ മീനുകളേക്കാള്‍ കൂടുതലാണ് പുഴമീനുകളില്‍ ഒമേഗ 3 ഫാറ്റിആസിഡ്. അതുകൊണ്ട് ഇത് സ്ഥിരമായി കഴിക്കുന്നത് നല്ലതാണ്. ഏത് ആരോഗ്യപ്രശ്‌നങ്ങള്‍ക്കും പരിഹാരം കാണുന്നതിനും ധാരാളം ഒമേഗ 3 ഫാറ്റി ആസിഡ്സഹായിക്കുന്നു.

സ്തനാര്‍ബുദത്തെ തടയുന്നു

സ്ത്രീകള്‍ പുഴമീന്‍ ധാരാളം കഴിക്കുന്നത് നല്ലതാണ്. ഇത് സ്തനാര്‍ബുദമെന്ന വില്ലനെ ഇല്ലാതാക്കുന്നതിന് സഹായിക്കുന്നു. സ്ത്രീകളില്‍ മരണ നിരക്ക് വര്‍ദ്ധിപ്പിക്കുന്ന ഒന്നാണ്സ്തനാര്‍ബുദം. ഇതിന് പരിഹാരം കാണുന്നതിന് മികച്ച്‌ നില്‍ക്കുന്ന ഒന്നാണ്പുഴമീന്. സ്തനാര്‍ബുദത്തെ തടയുന്നതിനും ഏറ്റവും മികച്ചതാണ് പുഴമീനുകള്.

ശ്വസന സംബന്ധമായ പ്രശ്നങ്ങള്‍

ശ്വസന സംബന്ധമായ പ്രശ്നങ്ങളെ പരിഹരിക്കുന്നതിനും പുഴമീന്‍ സഹായിക്കുന്നു. ആസ്തമയുള്ള കുട്ടികളുടെ ഡയറ്റില്‍ സ്ഥിരമായി ഉള്‍പ്പെടുത്താവുന്നതാണ് പുഴമത്സ്യം. പെട്ടെന്ന് തന്നെ ശ്വസന സംബന്ധമായ പ്രശ്നങ്ങള്‍ക്ക് പരിഹാരം കാണാന്‍ നല്ല പുഴമീന്‍ സഹായിക്കുന്നു.

വാര്‍ദ്ധക്യ സംബന്ധമായ പ്രശ്നങ്ങള്‍

പ്രായം കൂടുന്നതിലൂടെ ആരോഗ്യപ്രശ്നങ്ങളും വര്‍ദ്ധിക്കുകയാണ്. പ്രായമായവര്‍ പുഴമീന്‍ കഴിക്കുന്നത് സ്ഥിരമാക്കുക. ഇത് വാര്‍ദ്ധക്യസംബന്ധമായുണ്ടാകുന്ന കാഴ്ച പ്രശ്നങ്ങളെ ഇല്ലാതാക്കുന്നു. കാഴ്ച പ്രശ്നങ്ങള്‍ മാത്രമല്ല എല്ലാ വിധത്തിലുള്ള ആരോഗ്യപ്രശ്നങ്ങള്‍ക്കും പരിഹാരം കാണാന്‍ സഹായിക്കുന്നു പുഴമീന്‍.

ഓര്‍മ്മശക്തി

തലച്ചോറിന്റെ പ്രവര്‍ത്തനത്തെ മെച്ചപ്പെടുത്തുന്നതിലും പുഴമീന്‍ മുന്നില്‍ തന്നെയാണ്. അതുകൊണ്ട് തന്നെ ഭക്ഷണത്തില്‍ പുഴമീന്‍ ഒരു ശീലമാക്കുന്നത് എന്തുകൊണ്ടും ആരോഗ്യവും ആയുസ്സും നല്‍കുന്നു. ഓര്‍മ്മശക്തി വര്‍ദ്ധിപ്പിക്കുന്നതിന് സഹായിക്കുന്ന ഒന്ന്തന്നെയാണ് പുഴമീന്‍..

റൊട്ടേറ്റര്‍ കഫ് പരുക്കുകള്‍ - കാരണങ്ങള്‍

തോള്‍ സന്ധിയെ ചുറ്റിയുള്ള ഒരു കൂട്ടം മസിലുകളും സ്നായുക്കളുമാണ് റൊട്ടേറ്റര്‍ കഫ്. സപ്രാസ്പൈനേറ്റസ്,ഇന്‍ഫ്രാസ്പൈനേറ്റസ്, സബ്സ്ക്യാപുലാരിസ്, ടെറിസ് മൈനര്‍  എന്നീ നാല് മസിലുകള്‍ ചേര്‍ന്നാണ് റൊട്ടേറ്റര്‍ കഫ് രൂപംകൊള്ളുന്നത്.

കൈകള്‍ ഉയര്‍ത്തുന്നതിനും കൈത്തണ്ട ചുഴറ്റുന്നതിനും റൊട്ടേറ്റര്‍ കഫ് സഹായിക്കുന്നു. ഈ സമയത്ത് തോള്‍ സന്ധിക്കുള്ളിലെ ബോളിന് സ്ഥിരത ലഭിക്കുന്നത് ഇവയുടെ പ്രവര്‍ത്തന ഫലമായാണ്. പരുക്കുകള്‍ പറ്റുന്നതിന്ഏറ്റവും കൂടുതല്‍ സാധ്യതയുള്ള മസിലുകളാണിവ.

കാരണങ്ങള്‍

  • ടെന്‍ഡിനൈറ്റിസ്: സ്നായുക്കള്‍ക്ക് കോശജ്വലനം സംഭവിക്കുന്നു.
  • ബുര്‍സൈറ്റിസ്: ബുര്‍സ എന്ന ദ്രവം നിറഞ്ഞ ചെറിയ സഞ്ചിക്ക് കോശജ്വലനം സംഭവിക്കുന്നു.
  • റൊട്ടേറ്റര്‍ കഫ് ടിയര്‍: പരുക്ക് അല്ലെങ്കില്‍ ആഘാതം മൂലം മസിലുകളെ ബന്ധിപ്പിക്കുന്ന സ്നായുക്കള്‍ ഭാഗികമയോ പൂര്‍ണമായോ പൊട്ടുന്നു.

ബാഡ്മിന്‍റണ്‍, ടെന്നിസ്, ബേസ്ബോള്‍ പോലെയുള്ള കായിക ഇനങ്ങളില്‍ ഏര്‍പ്പെടുന്നവര്‍, പെയിന്‍റര്‍മാര്‍, ആശാരിമാര്‍ തുടങ്ങി കൈകള്‍ തുടര്‍ച്ചയായി ചലിപ്പിക്കേണ്ടി വരുന്നവരില്‍ ഇത്തരം പരുക്കുകള്‍ സാധാരണമായിരിക്കും.

ലക്ഷണങ്ങള്‍

  • ബാധിക്കപ്പെട്ട ചുമലില്‍ ആഴത്തില്‍ കടുത്ത വേദന
  • കയ്യ് പിന്നോട്ട് ചലിപ്പിക്കുന്നതിനു ബുദ്ധിമുട്ട്
  • കൈത്തണ്ട ഉയര്‍ത്തുന്നതിനു ബുദ്ധിമുട്ട്
  • ബാധിക്കപ്പെട്ട കൈയുടെ ഭാഗം ചരിഞ്ഞ് കിടന്ന് ഉറങ്ങാന്‍ കഴിയാതിരിക്കുക
  • ചുമലുകള്‍ക്ക് ശക്തിയില്ലാത്തതായി തോന്നുക

സ്ഥിരീകരണം

തൊഴില്‍സ്ഥലത്തെ ശാരീരിക പ്രവര്‍ത്തനങ്ങളെ ക്കുറിച്ച്‌ ഡോക്ടര്‍ ചോദിച്ചു മനസ്സിലാക്കും. മിക്കപ്പോഴും ഇതാവും പ്രധാന കാരണം. കൈയുടെ ചലനശേഷിയും വിലയിരുത്തും.

എല്ലുകളില്‍മുഴകള്‍ ഉണ്ടോയെന്ന് മനസ്സിലാക്കുന്നതിനായി കൈത്തണ്ടയുടെ എക്സ്-റേഎടുക്കും. ഇത്തരത്തില്‍ ഉണ്ടാകുന്ന വളര്‍ച്ചകള്‍ സ്നായുക്കളില്‍ ഉരസുന്നതും വേദനയ്ക്ക് കാരണമാകാം.

സോഫ്റ്റ് ടിഷ്യൂകള്‍, സ്നായുക്കള്‍, മസിലുകള്‍ എന്നിവ പരിശോധിക്കുന്നതിനായി എം‌ആര്‍ഐ എടുക്കാന്‍നിര്‍ദേശിച്ചേക്കാം. കീറലുകളും പൊട്ടലുകളും മറ്റും വിലയിരുത്താന്‍ ഇത് സഹായിക്കും.

ചികിത്സ

വിശ്രമം മുതല്‍ ശസ്ത്രക്രിയ വരെയുള്ള ചികിത്സകളായിരിക്കും ഇതിനായി നിര്‍ദേശിക്കുക.

ചികിത്സയില്‍ ഇനി പറയുന്നവയും ഉള്‍പ്പെടുന്നു;

  • നീര് കുറയ്ക്കുന്നതിനായി കോള്‍ഡ് പായ്ക്കുകള്‍ വയ്ക്കാന്‍ നിര്‍ദേശിക്കാം.
  • ബാധിക്കപ്പെട്ട കൈത്തണ്ടയ്ക്ക് വിശ്രമം നല്‍കുന്നതിനായി സ്ല്ലിംഗില്‍ ഇടുക.
  • ഫിസിക്കല്‍ തെറാപ്പി: ചുമലിനുള്ള വ്യായാമങ്ങള്‍
  • ആന്‍റി-ഇന്‍ഫ്ളമേറ്ററി മരുന്നുകള്‍
  • സ്റ്റിറോയിഡ് കുത്തിവച്ച്‌ കോശജ്വലനം കുറയ്ക്കുക
  • ശസ്ത്രക്രിയ: സ്നായുക്കളുടെ പൊട്ടല്‍ ഗുരുതരമാണെങ്കിലും പൂര്‍ണമാണെങ്കിലും ശസ്ത്രക്രിയ നടത്തുന്നു.

പ്രതിരോധം

  • തോളുകള്‍ക്ക് നിരന്തര അധ്വാനം നല്‍കുന്ന കായിക താരങ്ങളും തൊഴിലാളികളും ഇടവേളകള്‍ എടുത്ത് കൈകകള്‍ക്ക് വിശ്രമം നല്‍കേണ്ടതുണ്ട്.
  • തോളുകള്‍ക്ക് മെച്ചപ്പെട്ട ചലനവും ശക്തിയും നല്‍കാന്‍ സഹായിക്കുന്ന സ്ട്രെച്ചുകളും വ്യായാമങ്ങളും ഡോക്ടറില്‍ നിന്ന് മനസ്സിലാക്കുക.

സങ്കീര്‍ണതകള്‍

റൊട്ടേറ്റര്‍ കഫ് പരുക്ക് ചികിത്സിച്ചില്ലെങ്കില്‍,

  • കാഴ്ചശക്തി സ്ഥിരമായി നഷ്ടമാകും
  • തോളിലെ സന്ധി നശിക്കുന്നു
  • തോള്‍ വേദന

അടുത്ത നടപടികള്‍

മുകളില്‍ പറഞ്ഞിരിക്കുന്ന ഏതെങ്കിലും ലക്ഷണങ്ങള്‍ ശ്രദ്ധയില്‍പ്പെടുകയാണെങ്കില്‍ ഉടന്‍ വൈദ്യസഹായം തേടുക.

സ്കിം മില്‍ക്കിന്‍റെ ആരോഗ്യഗുണങ്ങള്‍

പാല്‍ നല്ലൊരു ആരോഗ്യ പാനീയമാണെന്ന് എല്ലാവരും സമ്മതിക്കും. എന്നാല്‍, നിങ്ങള്‍ ശരീരഭാരത്തെക്കുറിച്ച്‌ ഉത്കണ്ഠപ്പെടുന്ന ആളാണെങ്കില്‍, സ്കിംമില്‍ക്ക് (കൊഴുപ്പ് നീക്കിയ പാല്) ആയിരിക്കും നല്ലത്. ഇത്എന്തുകൊണ്ടാണെന്ന് നോക്കാം.

കുറഞ്ഞ കാലറി, കൂടുതല്‍ ഗുണങ്ങള്‍

സാധാരണ പാലിനെ അപേക്ഷിച്ച്‌ സ്കിം മില്‍ക്കിന് കാലറി മൂല്യം കുറവായിരിക്കും. അതായത്, ഒരു കപ്പ് സാധാരണ പാലില്‍ 150 കാലറിഅടങ്ങിയിട്ടുണ്ട് എങ്കില്‍ സ്കിം മില്‍ക്കില്‍ 90 കാലറി മാത്രമാണുള്ളത്.എന്നാല്‍, രണ്ടിലും അടങ്ങിയിരിക്കുന്ന വൈറ്റമിന്‍റെയും പ്രോട്ടീനിന്‍റെയും ധാതുക്കളുടെയും അളവ് ഒരേപോലെയായിരിക്കും. അതായത്, കൊഴുപ്പ് നീക്കിയ പാല്‍കുടിക്കുന്നതു കൊണ്ട് നഷ്ടമൊന്നും സംഭവിക്കുന്നില്ല.

കുറഞ്ഞ കൊഴുപ്പ്

സാധാരണ പാലില്‍ നിന്ന് കൊഴുപ്പ് (പാട) നീക്കിയാണ് സ്കിം മില്‍ക്ക് ഉണ്ടാക്കുന്നത്. ഇത്തരത്തില്‍, പൂരിത കൊഴുപ്പുകള്‍ കുറയുന്നത് ഭാരം കൂടാതിരിക്കാന്‍ സഹായിക്കും. ഇത് അനാവശ്യ കൊഴുപ്പുകള്‍ ശരീരത്തില്‍ അടിഞ്ഞുകൂടാതിരിക്കുന്നതിനും സഹായകമാവും.

കാത്സ്യത്തിന്‍റെ നല്ലൊരു സ്രോതസ്സാണ്

പാലും പാല്‍ ഉത്പന്നങ്ങളും ശരീരത്തിനാവശ്യമായ കാത്സ്യം നല്‍കുന്നു. ഇത്എല്ലുകള്‍ക്ക് ശക്തി പകരുന്നു. കൊഴുപ്പ് നീക്കിയ പാലിലും നല്ലൊരളവ് കാത്സ്യം അടങ്ങിയിരിക്കുന്നു. ഒരു കപ്പ് സ്കിം മില്‍ക്കില്‍ 300 മില്ലി ഗ്രാം കാത്സ്യമാണ് അടങ്ങിയിരിക്കുന്നത്.

വൈറ്റമിന്‍ സമ്പുഷ്ടം

പാലിന്‍റെ കൊഴുപ്പ് നീക്കുന്ന അവസരത്തില്‍, വൈറ്റമിനുകളും നഷ്ടമാകുന്നു. എന്നാല്‍, വൈറ്റമിന്‍ എ യും ഡി യും ചേര്‍ക്കുന്നതിലൂടെ ഇത് സാധാരണ പാലിനെക്കാള്‍ ഗുണപ്രദമാകുന്നു. അതായത്, പൂരിതകൊഴുപ്പുകളുടെ സാന്നിധ്യമില്ലാതെ വൈറ്റമിനുകള്‍ ലഭ്യമാക്കുന്നു. വൈറ്റമിന്‍ 'എ ' ചര്‍മ്മത്തിന്‍റെയും കണ്ണുകളുടെയും ആരോഗ്യത്തിന് അത്യാവശ്യമാണ്. കാത്സ്യത്തെ സ്വാംശീകരിക്കുന്നതിന് വൈറ്റമിന്‍ ഡി സഹായിക്കുന്നു.

ഹൃദയവും രക്തധമനികളും സംബന്ധിച്ച രോഗങ്ങളുടെ അപകടസാധ്യത കുറയ്ക്കുന്നു

പൂരിത കൊഴുപ്പുകളും ഉയര്‍ന്ന കൊളസ്ട്രോള്‍ നിലയും തമ്മില്‍ അടുത്ത ബന്ധമുണ്ടെന്ന് ചില പഠനങ്ങളില്‍ തെളിഞ്ഞിട്ടുണ്ട്. ഉയര്‍ന്ന കൊളസ്ട്രോള്‍നില ഹൃദ്രോഗത്തിനുള്ള അപകടസാധ്യത വര്‍ദ്ധിപ്പിക്കുന്നു. സാധാരണ പാലിനു പകരം സ്കിം മില്‍ക്ക് ഉപയോഗിക്കുന്നതികൂടെ ഇത്തരം പ്രശ്നങ്ങളെ പ്രതിരോധിക്കാന്‍ സാധിക്കും. കാരണം, ഇതില്‍ പൂരിത കൊഴുപ്പുകള്‍ അടങ്ങിയിട്ടില്ല.

നിങ്ങള്‍ പാല്‍ പൂര്‍ണമായും ഒഴിവാക്കുകയാണെങ്കില്‍, ശരീരത്തിന് ആവശ്യമായ വൈറ്റമിനുകളും പോഷകങ്ങളും നിഷേധിക്കുകയായിരിക്കും ചെയ്യുന്നത്. എന്നാല്‍, സ്കിം മില്‍ക്ക് ഉപയോഗിക്കുന്നതിലൂടെ പാലിന്‍റെ ആരോഗ്യപരമായ എല്ലാ ഗുണങ്ങളും ലഭ്യമാക്കാന്‍ സാധിക്കും.

ശ്വാസനാള സമ്മര്‍ദ്ദത്തിന്‍റെ ലക്ഷണങ്ങളറിയാം...

ശ്വാസകോശത്തെയും വലതുഭാഗത്തെ ഹൃദയധമനികളെയും ബാധിക്കുന്ന മാരകമായൊരു രോഗാവസ്ഥയാണ് പള്‍മിനറി ഹൈപ്പര്‍ടെന്‍ഷന്‍ അഥവാ ശ്വാസനാള സമ്മര്‍ദ്ദം. അമിതമായ രക്തസമ്മര്‍ദ്ദമാണ് ഇതിന്‍റെ പ്രധാനകാരണം.
ശ്വാസനാള സമ്മര്‍ദ്ദം ഹൃദയ പേശികളെ ദുര്‍ബ്ബലപ്പെടുത്തുക മാത്രമല്ല ഇത് ഹാര്‍ട്ട് അറ്റാക്കിലേക്കും നയിച്ചെന്നുവരാം.

ശ്വാസനാള സമ്മര്‍ദ്ദങ്ങളെ നിസാരമയി കണ്ട് അവഗണിച്ചാല്‍ ഇത്ഗുരുതരാവസ്ഥയിലേക്ക് നയിക്കും.  ചില ശ്വാസനാള സമ്മര്‍ദ്ദങ്ങള്‍ ചികിത്സിച്ചുഭേദമാക്കാന്‍ കഴിയാത്തവയാണ്. ഇത്തരം അവസ്ഥയില്‍ ചികിത്സകൊണ്ട് രോഗലക്ഷണങ്ങളെ കുറയ്ക്കാനും ജീവിതനിലവാരം മെച്ചപ്പെടുത്താനും സാധിക്കും. .

ശ്വാസനാള സമ്മര്‍ദ്ദത്തിന്റെ പ്രധാന ലക്ഷണങ്ങള്‍ അതിന്റെ ആദ്യനാളുകളില്‍ കണ്ടെത്താന്‍ കഴിഞ്ഞില്ലെന്ന് വരാം. വളരെ പതുക്കെയാണ് ഇത് ശരീരത്തില്‍പ്രകടമാകുന്നതും ഗുരുതരമാകുന്നതും. ചില അവസരങ്ങളില്‍ വര്‍ഷങ്ങള്‍ വേണ്ടിവരും രോഗ ലക്ഷണങ്ങള്‍ ശരീരത്തില്‍ പ്രകടമാകാന്.

പ്രകടമായ രോഗലക്ഷണങ്ങള്‍: ശ്വസിക്കുമ്പോള്‍ ഉണ്ടാകുന്ന അപര്യാപ്തത അഥവാ ശ്വാസതടസം. തുടക്കത്തില്‍ അത് വ്യായാമം ചെയ്യുമ്പോള്‍ മാത്രമായിരിക്കും. പിന്നീട് വിശ്രമിക്കുന്ന വേളയിലും വെറുതെയിരിക്കുമ്പോഴും ശ്വസതടസം അനുഭവപ്പെടാം. .

തളര്‍ച്ച, തലകറക്കം അല്ലെങ്കില്‍ മോഹാലസ്യം, നെഞ്ചില്‍ ഭാരം അനുഭവപ്പെടുന്ന അവസ്ഥ അല്ലെങ്കില്‍ നെഞ്ചുവേദന, കണങ്കാല്‍ വേദന, അടിവയറ്റിലെ വേദന, ചുണ്ടുകളിലുണ്ടാകുന്ന നിറവ്യത്യാസം, . ഹൃദയമിടിപ്പിലും നാഡീതുടിപ്പിലും ഉണ്ടാവുന്ന അസന്തുലിതമായ വര്‍ദ്ധനവ്.

ഈന്തപ്പഴത്തിന്‍റെ ആരോഗ്യഗുണങ്ങള്‍

ഒരു പിടി ആരോഗ്യദായകമായ ഘടകങ്ങളുടെ ഉറവിടമാണ് ഈന്തപ്പഴം. അയേണ്‍, പൊട്ടാസ്യം, മഗ്നീഷ്യം, വൈറ്റമിനുകള്‍ തുടങ്ങിയ ആന്‍റിഓക്‌സിഡന്‍റുകളുടെ നല്ലൊരു കലവറയായ ഇത് ക്യാന്‍സര്‍ പോലുള്ള പല രോഗങ്ങള്‍ തടയാനും ശരീരത്തിന് രോഗപ്രതിരോധശേഷി നല്‍കാനുമെല്ലാം ഏറെ ഗുണകരമാണ്. ഇതിലെ മധുരം സ്വാഭാവിക മധുരമായതു കൊണ്ട് മിതമായ തോതില്‍ പ്രമേഹരോഗികള്‍ക്കും കഴിയ്ക്കാം.

ദഹനപ്രക്രിയ സാധാരണ ഗതിയിലാക്കാന്‍ ഈന്തപ്പഴം സഹായിക്കും. ഈന്തപ്പഴം രാത്രി വെള്ളത്തില്‍ ഇട്ടുവച്ച്‌ രാവിലെ ഇത് ഈ വെള്ളത്തില്‍ ചതച്ചിട്ടു കുടിയ്ക്കാം. അത്താഴശേഷം ഈന്തപ്പഴം കഴിക്കുന്നത് ദഹനസംന്ധമായ എല്ലാപ്രശ്‌നങ്ങളേയും പരിഹരിക്കും. ദിവസവും ഈന്തപ്പഴം കഴിക്കുന്നത് കൊളസ്‌ട്രോള്‍കുറയ്ക്കും.

ഹൃദയസംബന്ധമായ രോഗങ്ങള്‍ കൊണ്ട് വലയുന്നവരും രോഗസാധ്യതയുള്ളവരും ഈന്തപ്പഴം ദിവസവും കഴിയ്ക്കുന്നത് നല്ലതായിരിക്കും. തടി കൂട്ടാതെ തൂക്കംവര്‍ദ്ധിപ്പിയ്ക്കാനുള്ള എളുപ്പ വഴിയാണ് വിശപ്പു വര്‍ദ്ധിപ്പിയ്ക്കാന്‍ പാലില്‍ ഈന്തപ്പഴം ചേര്‍ത്തു കുടിയ്ക്കാനാണ് ആയുര്‍വേദം പറയുന്നത്. അയേണ്‍ സമ്പുഷ്ടമാണ് ഈന്തപ്പഴം അതുകൊണ്ട് വിളര്‍ച്ച പോലുള്ള പ്രശ്‌നങ്ങള്‍ തടയാന്‍ ഇതു മതി.

കടപ്പാട് : ഇന്‍ഫോ മാജിക്

2.5
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ