ഈ ചെറു പ്രായത്തില് തന്നെ തലമുടി നരക്കുന്നു എന്ന വിഷമത്തിലാണോ നിങ്ങള് .കൂട്ടുകാരൊക്കെ വയസന് എന്നു വിളിച്ചു തുടങ്ങിയോ ? എങ്കിലിതാ അകാല നര കാരണം വിഷമിക്കുന്നവര്ക്ക് ഒരു സന്തോഷവാര്ത്ത .
മനുഷ്യര്ക്ക് വരുന്ന നരയും വ്യക്തിയുടെ ആരോഗ്യവും തമ്മില് ബന്ധമുണ്ടെന്ന് ശാസ്ത്രജ്ഞന്മാര് . നര ആരോഗ്യത്തിന്റെ പ്രത്യക്ഷ സൂചനയാണെന്നാണ് ശാസ്ത്രജ്ഞന്മാര് പറയുന്നത്.പെട്ടന്ന് നരക്കുന്നവര്ക്ക് ആരോഗ്യ പരവും നീണ്ടതുമായ ഒരു ജീവിതം മുന്നിലുണ്ടെന്ന് ഗവേഷണ ഫലങ്ങള് ആധാരമാക്കി സ്പാനിഷ് ശാസ്ത്രജ്ഞര് വ്യക്തമാക്കുന്നു. കാട്ടുപന്നികളില് നടത്തിയ ഗവേഷണങ്ങളുടെ ഫലമായാണ് അവര് ഇത്തരം ഒരു അഭിപ്രായത്തില് എത്തി ചേര്ന്നത്.
കാട്ടുപന്നികളില് മനുഷ്യരെപോലെ നരച്ച രോമങ്ങള് കാണാറുണ്ട്. ഇത്തരം കാട്ടുപന്നികള്ക്ക് നല്ല ആരോഗ്യമായിരിക്കുമെന്നു ഗവേഷകര് ചൂണ്ടിക്കാട്ടുന്നു. ഇതേവിധം,മെലാനിന്റെ കുറവുകൊണ്ടുണ്ടാകുന്ന നര മനുഷ്യരുടെ കാര്യത്തിലും ആരോഗ്യത്തിന്റെയും ആഹ്ലാദത്തിന്റെയും സൂചകമാകുകയാണ്. നേരത്തേ നരക്കുന്നവരും കൂടുതല് നരക്കുന്നവരും താരതമ്യേന അധികകാലം ജീവിക്കുന്നുവെന്ന് കാണാമെന്നു ശാസ്ത്രജ്ഞര് പറയുന്നു. അതേസമയം ചെമ്പിച്ച മുടിയുള്ളവര് ശ്രദ്ധിക്കണം. ഇത്തരക്കാരുടെ ആരോഗ്യം മോശമായിരിക്കും.
ഇക്കാര്യത്തിലും കാട്ടുപന്നികളുടെ ഉദാഹരണം തന്നെയാണ് ഗവേഷകര് ചൂണ്ടിക്കാട്ടുന്നത്. ചെമ്പന് രോമമുള്ള കാട്ടുപന്നികളില് കോശനാശം കൂടുതലായിരിക്കും. നരയുമായി ബന്ധപ്പെട്ട പഠന ഫലങ്ങള് ഫിസിയോളജിക്കല് ആന്ഡ് ബയോകെമിക്കല് സുവോളജിയില് പ്രസിദ്ധീകരിച്ചിട്ടുണ്ട്.
മധുരം ഒഴിവാക്കുക.
എണ്ണയും തേങ്ങയും നിയന്ത്രിക്കുക.
കൃത്യസമയങ്ങളില് ആഹാരം കഴിക്കുക.
വറുത്തതും പൊരിച്ചതും കഴിവതും ഒഴിവാക്കുക.
പഴങ്ങള് ദിവസം ഒന്നോ രണ്ടോ മാത്രം കഴിക്കുക.
പച്ചക്കറികളും ഇലവര്ഗങ്ങളും എല്ലാ ഭക്ഷണത്തിനൊപ്പവും ഉള്പ്പെടുത്തുക.
തൊലികളഞ്ഞ കോഴിയിറച്ചി കഴിക്കാം.
മാട്ടിറച്ചി പരമാവധി ഒഴിവാക്കണം. പൊറോട്ട, ബേക്കറി ഉല്പന്നങ്ങള്, ലഘുപാനീയങ്ങള്, മുട്ടയുടെ മഞ്ഞക്കരു എന്നിവ ഒഴിവാക്കുക.
ഉപ്പിന്റെ ഉപയോഗം കുറക്കുക.
തവിടോടുകൂടിയ ധാന്യങ്ങള് ഭക്ഷണത്തില് ഉള്പ്പെടുത്തുക.
പാലിന്റെ അളവ് നിയന്ത്രിക്കുക.
ആഹാരത്തിന്റെ അളവ് നിയന്ത്രിക്കുക.
ദിവസവും 8 മുതല് 12 വരെ ഗ്ലാസ്സ് വെള്ളം കുടിക്കുക.
കാപ്പിയും ചായയും അമിതമായി കഴിക്കരുത്.
ശിരോ രോഗങ്ങള്
ശിരോ രോഗികള്ക്കുള്ള ഭക്ഷണക്രമവും ജീവിതക്രമവും ആയുര്വേദം നിര്ദ്ദേശിക്കുന്നുണ്ട്. ആട്ടിന്മാംസം, പഴകിയ ചെന്നല്ലരി, ചെറുപയര്, പഴം, മുതിര, ഉഴുന്ന്, പഴകിയ നെയ്യ്, ചൂടുപാല്, മുന്തിരി, നെല്ലിക്ക, പടവലങ്ങ, മാതളപ്പഴം എന്നീ ഭക്ഷണങ്ങള് ശിരോരോഗികള്ക്ക് ഉത്തമമാണ്. ദുഷിച്ച ജലം, പകലുറക്കം, അമിത മാനസിക വിക്ഷോഭം, വേഗധാരണം, പുളി, എരിവ്, ഉപ്പ് എന്നീ രസങ്ങളടങ്ങിയ ഭക്ഷണങ്ങളുടെ അമിതോപയോഗം എന്നിവ ശിരോ രോഗികള്ക്ക് നിഷിദ്ധമാണ്.
ശിരസ്സിനെ സംബന്ധിക്കുന്ന രോഗങ്ങള്ക്കുള്ള പ്രധാന ചികിത്സ നസ്യം ആണ്. പ്രഭാതത്തിലാണ് നസ്യം ചെയ്യുന്നത്. രോഗിയെ രോഗത്തിനനുസരിച്ചുള്ള എണ്ണ പുരട്ടി വിയര്പ്പിക്കുകയാണ് ആദ്യം. എന്നിട്ട് മൂക്കിലൂടെ ഔഷധപ്രയോഗം നടത്തുന്നു. നസ്യം കൂടാതെ ശിരോവസ്തി, ശിരോധാര തുടങ്ങിയ ചികിത്സാ ക്രമങ്ങളും നടത്താറുണ്ട്. ആയുര്വേദം ആദ്യം ചെയ്യുക രോഗകാരണം കണ്ടെത്തി അത് ഒഴിവാക്കുകയാണ്. രോഗകാരണങ്ങള് ഉപേക്ഷിച്ചിട്ടും മാറാത്തവയ്ക്കാണ് ദോഷാനുസരേണ ചികിത്സ നടത്തുന്നത്.
മൂത്രാശയ കല്ലുകള്.
കല്ലുരുക്കി എന്ന പച്ചമരുന്ന് അതിരാവിലെ പച്ചയായി അരച്ചുകലക്കി കഴിച്ചാല് മൂത്രാശയകല്ലുകള്ക്ക് ആശ്വാസം കാണുന്നു. കല്ലൂര്വഞ്ചി എന്ന മരുന്ന് കഷായം വെച്ചും ഈ മരുന്നിട്ട് വെള്ളം തിളപ്പിച്ചും സ്ഥിരമായി കുടിക്കുന്നത് ആശ്വാസകരമാണ്. ഇളനീര് വെള്ളത്തില് രാത്രി ഏലത്തരി പൊടിച്ചു ചേര്ത്ത് രാവിലെ കുടിക്കുന്നതും നല്ലതാണ്. വിരതരാദി കഷായം, കന്മദ ഭസ്മം മുതലായവ വിദഗ്ദ നിര്ദേശത്തില് സേവിക്കാവുന്നതാണ്. വാതഹരങ്ങളായ തൈലങ്ങള് പുരട്ടി വിയര്പ്പിക്കുന്നത് ഇതിന്റെ വേദന കുറയ്ക്കുവാനും മൂത്രം പോകുന്നതിനും ഉപകരിക്കും. ആയുര്വേദത്തില് ഈ രോഗത്തിനെ അശ്മരി എന്നാണ് പറയുന്നത്. നാലു തരത്തിലുള്ള അശ്മരി രോഗമുണ്ട്. വാതാശ്മരി, പിത്താശ്മരി, കഫാശ്മരി, ശുക്ലാശ്മരി എന്നിങ്ങനെയാണിവ. കുടിക്കുന്ന വെള്ളത്തില് കാല്സ്യത്തിന്റെ അളവു കൂടുതലാകുന്നതാണ് മൂത്രാശയ രോഗത്തിന് പ്രധാന കാരണം. വെള്ളം കുടിക്കുന്നത് കുറവായിരിക്കുക, വിയര്പ്പു രൂപത്തില് വെള്ളം ശരീരത്തില് നിന്ന് ധാരാളമായി പോകുക എന്നീ കാരണങ്ങളാല് മൂത്രാശയത്തിലെത്തുന്ന ജലാംശം കുറയുന്നതും മറ്റൊരു കാരണമാണ്. കാല്സ്യം കാര്ബണേറ്റ്, ഫോസ്ഫേറ്റ്, യൂറിക് ആസിഡ് എന്നിവ ചേര്ന്നതാണ് സാധാരണ ഈ കല്ലുകള്.
വായുശമനത്തിന്
വായുവിന്റെ പ്രധാനസ്ഥാനങ്ങളിലൊന്നാണ് ചെവി. വായുവിന് ശമനമുണ്ടാകാന് ചെവിയില് എണ്ണ വീഴ്ത്തി ശീലിക്കേണ്ടതാണ്. രോഗാവസ്ഥയില് വൈദ്യ നിര്ദ്ദേശപ്രകാരവും രോഗമില്ലാത്ത അവസ്ഥയില് നിത്യേന തേച്ചുകുളിക്കുമ്പോഴും ചെവിയില് എണ്ണ വീഴ്ത്തി ശീലിക്കാം. സഹിക്കാവുന്ന ചൂടോടെ എണ്ണ ഓരോ ചെവിയിലും നിറക്കുകയും 10-15 മിനിറ്റ് അതേപടി വയ്ക്കുകയുമാണ് വേണ്ടത്. പിന്നീട് ഒരു തിരികൊണ്ട് തുടച്ച് എണ്ണ എടുത്തു കളയണം. കര്ണ്ണരോഗങ്ങള് അകറ്റാന് ആയുര്വേദം നിര്ദ്ദേശിക്കുന്ന മറ്റൊരു ചികിത്സാക്രമമാണ് പുക കൊള്ളിക്കല്. കുരുമുളക് പൊടി കനലില് വിതറിയുണ്ടാകുന്ന പുക ഒരു ചോര്പ്പിലൂടെയോ പേപ്പര് കോട്ടിയുണ്ടാക്കിയ കുഴലിലൂടെയോ ചെവിയിലെത്തിച്ചാല് ചെവിവേദനയും ചെവിയിലെ ദുര്ഗന്ധവും ശമിക്കും. ഗുല്ഗുലു, കുന്തിരിക്കം, തുളസിയില തുടങ്ങിയവ നെയ്യ് ചേര്ത്തോ, വേപ്പെണ്ണ ചേര്ത്തോ പുകച്ചും ചെവിയില് കൊള്ളിക്കാവുന്നതാണ്. കേള്വിക്കുറവിനും ചെവിയിലെ മൂളല് അകറ്റുന്നതിനും എള്ള്, ചെറുപയര്, കായം, ഏലത്തരി ഇവ കടുകെണ്ണയില് കുഴച്ചു പുകയ്ക്കുന്ന ചികിത്സ ദിവസം 3-4 തവണ ചെയ്യണം.
ജ്വരം- രോഗമായും രോഗലക്ഷണമായും
ജ്വരം ഒരു വ്യാധിയായും മറ്റു വ്യാധികളുടെ ലക്ഷണമായും പ്രത്യക്ഷപ്പെടാമെന്ന് ആയുര്വേദത്തില് പറയുന്നു. മറ്റു വ്യാധികള് മൂലമാണു ജ്വരമെങ്കില് യഥാര്ത്ഥ രോഗം ഏതെന്നു നിര്ണയിക്കണം. മുത്തങ്ങയും പര്പ്പടകപ്പുല്ലും കഷായമായി നല്കുന്നതാണ് ജ്വരത്തിനുള്ള ഏറ്റവും ശ്രേഷ്ഠമായ ഔഷധം. വാതവുമായി ബന്ധപ്പെട്ട ജ്വരങ്ങളില് അമൃതു ചേര്ന്ന കഷായങ്ങളും പിത്തജന്യമായ ജ്വരങ്ങളില് മധുരശീതഗുണങ്ങളോടുകൂടിയ കഷായങ്ങളും കഫം മൂലമുണ്ടാകുന്ന ജ്വരത്തിന് തിക്തരസത്തോടുകൂടിയ കഷായങ്ങളും ഹിതകരമാണ്. ജ്വരത്തിന്റെ തീവ്രതയും അനുബന്ധവികാരങ്ങളും പരിശോധിച്ച ശേഷമാണ് ചികിത്സ നിശ്ചയിക്കുക.
വാതജ്വരത്തില് ഗളുച്യാദികഷായം, കിരാതതിക്താകാദി കഷായം എന്നിവയും പിത്തജ്വരത്തില് ദ്രാക്ഷാദികഷായം പര്പ്പടകപ്പുല്ലു കഷായം എന്നിവയും കഫജ്വരത്തില് പാര്ങ്യാദി കഷായം എന്നിവയും നല്കുന്നു. ഇവയോടൊപ്പം സര്വജ്വരഹരമായി കടുക്ക, നെല്ലിക്ക, തിപ്പലി, കൊടുവേലി, ഇവ കൊണ്ടുള്ള കഷായവും നല്കണമെന്നു നിഷ്കര്ഷിച്ചിട്ടുണ്ട്. കഷായം കുടിക്കാന് പല രോഗികള്ക്കും ബുദ്ധിമുട്ടായതിനാല്, അരിഷ്ടങ്ങളും ഗുളികകളും ചേര്ത്തുള്ള മിശ്രിതങ്ങള് നല്കാവുന്നതാണ്.
ദ്രാക്ഷാരിഷ്ടം, അമൃതാരിഷ്ടം, സുദര്ശനാരിഷ്ടം ഇവ പ്രയോജനപ്രദമാണ്. സൂര്യപ്രഭാഗുളിക, ആരോഗ്യവര്ദ്ധിനി ഗുളിക ഇവ ചേര്ത്തുള്ള ഔഷധപ്രയോഗങ്ങളും ജ്വരം അകറ്റാന് ഉപകരിക്കും. തളം വെയ്ക്കുക, തുണി നനച്ചിടുക എന്നിവ ശരീരത്തിന്റെ ചൂടുകുറയ്ക്കാന് ചെയ്യാവുന്നതാണ്. ഭക്ഷണം കുറയ്ക്കുന്നതാണ് നല്ലത്. രോഗിക്ക് വിശപ്പനുഭവപ്പെടുന്നതനുസരിച്ച് ഔഷധങ്ങളിട്ടു പാകപ്പെടുത്തിയ കഞ്ഞി നല്കാം.
ജലദോഷം, നീരിറക്കം
കുളികഴിഞ്ഞ് രാസ്നാദി ചൂര്ണ്ണം തലയില് തിരുമ്മുന്നത് പതിവാക്കുക. ജലദോഷവും തലനീരിറക്കവും നിശ്ശേഷം മാറുന്നതാണ്.
മുട്ടുവേദന
കരിനൊച്ചിയില അരച്ചിട്ടാല് മുട്ടുവേദന മാറും.
മുലപ്പാല് വര്ദ്ധിക്കാന്
ശതാവരിക്കിഴങ്ങ് ഉണക്കിപ്പൊടിച്ച് പശുവിന് പാലില് കലക്കി സേവിക്കുന്നത് മുലപ്പാല് വര്ദ്ധിക്കാന് വിശേഷമാണ്.
ദഹനക്കേട്, വായുകോപം
ഇഞ്ചിനീര്, നാരങ്ങാനീര് ഇവ ചേര്ത്തു കഴിച്ചാല് ദഹനക്കേടുംവായുകോപവും മാറും.
കുരുക്കള്
വിങ്ങിപ്പൊട്ടിയ കുരുക്കളില് നിന്ന് പഴുപ്പു പൂര്ണ്ണമായും പോയില്ലെങ്കില് മുളമ്പഞ്ഞിവെയ്ക്കാവുന്നതാണ്.
നടുവേദന
ആവണക്കെണ്ണയും കരിനൊച്ചിയിലയുടെ ചാറും സമാസമം ചേര്ത്തു സേവിക്കുന്നത്നടുവേദന കുറയാന് സഹായിക്കും.
മോണപഴുപ്പ്
മല്ലിയുടെ ഇല ചവച്ചുതുപ്പിയാല് മോണപഴുപ്പ് ശമിക്കും.
പ്രസവാനന്തരമുള്ള നടുവേദന
ഉലുവ കഞ്ഞിവെച്ച് കുടിച്ചാല് പ്രസവാനന്തരമുള്ള നടുവേദനയുംക്ഷീണവും മാറും.
മുറിവ്
മുക്കുറ്റിയുടെ വിത്ത് അരച്ച് പുരട്ടിയാല് മുറിവ് ഉണങ്ങും. മുറിവിന് മുളയുടെ മൊരിയും നൂറും ചാലിച്ച് പുരട്ടുക.
രക്താര്ശസ്സ്
പാവയ്ക്കയുടെ വേര് അരച്ച് മോരില് ചേര്ത്ത് കുടിക്കുന്നത് രക്താര്ശസ്സ് മാറാന്സഹായിക്കും.
ശരീരക്ഷീണം
വെള്ളത്തില് പുളിയിലയിട്ട് തിളപ്പിച്ച ശേഷം കുളിച്ചാല് ശരീരക്ഷീണം മാറും.
വളം കടി
കാലിന്റെ വളം കടിക്ക് മൈലാഞ്ചി അരച്ച് വിരലില് പൊത്തുക.
വാതം, തരിപ്പ്, കടച്ചില്, നീര്ക്കെട്ട് എന്നിവക്ക്
വെയിലിപ്പരുത്തി സമൂലം ഇടിച്ച് പിഴിഞ്ഞ നീരും,തേങ്ങാപാലും, വെളിച്ചെണ്ണയും സമം ചേര്ത്ത് കൊട്ടം, കരിഞ്ചീരകം എന്നിവയും അരച്ച് കലക്കി സമംചേര്ത്ത് തേച്ചാല് മതി.
തലവേദന, പനി
മുഞ്ഞയുടെ ഇല അരച്ച് നെറ്റിയില് പുരട്ടിയാല് തലവേദനക്കും പനിക്കും ആശ്വാസംകിട്ടും.
ചോരക്കുരു
കോവലിന്റെ ഇല നെയ്യുടെ പാകത്തില് അരച്ച് വെണ്ണയില് ചേര്ത്ത് ചാലിക്കുക. ഇത് പുരട്ടിയാല് ചോരക്കുരു പൊട്ടി ചലവും, ദുഷിച്ച ചോരയും പോയി വളരെ പെട്ടെന്ന് സുഖമാവും.
മുള്ള് കുത്തിയാല്
കാരത്തൊട്ടിയുടെ ഇല വെണ്ണപോലെ അരച്ച് പുരട്ടിയാല് കുത്തിയമുള്ള്, കുപ്പിച്ചില്ല് എന്നിവ പുറത്തുപോരും.
നെഞ്ചെരിച്ചില്
പെരുംജീരകം ദിവസത്തില് പലതവണ ചവച്ചിറക്കിയാല് നെഞ്ചെരിച്ചില് മാറും.
തൊണ്ടയടപ്പ്
തിപ്പലിയും ഇഞ്ചിയും ഒരു ഗ്ലാസ്സ് പാലില് ചേര്ത്ത് കഴിച്ചാല് തൊണ്ടയടപ്പ് മാറും.
അഞ്ചാംപനി വരാതിരിക്കാന്
തുളസിനീരും ശര്ക്കരയും ചേര്ത്ത് മൂന്നുനേരം കഴിക്കുക.
ബുദ്ധിശക്തി
ബ്രഹ്മി നിഴലില് ഉണക്കിപ്പൊടിച്ചത് പാലിലോ തേനിലോ പതിവായി കഴിച്ചാല് നല്ല ബുദ്ധിശക്തിയുണ്ടാകും.
കാലിലെ മുഴ
പുല്ലാനിയുടെ കായ ചൂടാക്കി അതില് ചവിട്ടിയാല് ഭേദമാകും.
ചുമ, ശ്വാസം മുട്ടല്
ചെറിയ ആടലോടകത്തിന്റെ ഇല കുത്തിപ്പിഴിഞ്ഞെടുത്ത നീര് ഒരു സ്പൂണ് എടുത്ത് അത്രയും തേനും ചേര്ത്ത് കഴിക്കുക.
അപസ്മാരം
വയമ്പ് പൊടിച്ചതും തേനും ബ്രഹ്മിനീരില് ചേര്ത്ത് കഴിച്ചാല് അപസ്മാരം ശമിക്കും.
ശ്വാസാദിരോഗങ്ങള്ക്ക്
ചങ്കിനകത്തുണ്ടാകുന്ന എരിച്ചില്, വേദന, വരള്ച്ച, വിയര്പ്പ് മുതലായരോഗങ്ങള്ക്കും ക്ഷയത്തിനും പലതരത്തിലുള്ള ഹൃദ്രോഗങ്ങള്ക്കും ഏത്തവാഴച്ചുണ്ട് കൊത്തിയരിഞ്ഞ് ഇന്തുപ്പും കുരുമുളക് പൊടിയും ചേര്ത്ത് വേവിച്ച് നെയ്യില് കടുകുവറുത്ത് ചോറിന് കറിയായിട്ടോപലഹാരമായിട്ടോ 41 ദിവസം ഉപയോഗിച്ചാല് ഈ രോഗങ്ങള് കുറയും.
ഇതില് ഏതെങ്കിലുമൊരു കൂട്ടു തെരഞ്ഞെടുക്കാം. കൊളസ്ട്രോള്, പ്രമേഹം എന്നിവയുള്ളവര് തേങ്ങാ, ശര്ക്കര എന്നിവയില്ലാത്ത കൂട്ട് ഉപയോഗിക്കണം. ഔഷധകഞ്ഞിച്ചേരുവകള് അങ്ങാടി മരുന്നു കടയില് കിട്ടും.
തിളപ്പിച്ചു കുറുക്കിയ പാകത്തില് വേണം കഞ്ഞി ഉപയോഗിക്കുവാന്. മരുന്നു കഞ്ഞി കഴിക്കുമ്പോള് ഭക്ഷണം തന്നെ മരുന്നായി മാറുകയാണ്. വിപണിയിലെ ഏതെങ്കിലും കര്ക്കിടക കഞ്ഞിക്കൂട്ട് വാങ്ങി ഉപയോഗിക്കുന്നതിനു മുമ്പു വൈദ്യ നിര്ദേശം തേടുന്നതു നല്ലതാണ്
നമ്മുടെ വീട്ടിലും പരിസരത്തുമായുള്ള മരുന്നു കൊണ്ട് രോഗം മാറ്റിയിരുന്ന ഒരു കാലഘട്ടംഉണ്ടായിരുന്നു. പ്രകൃതിയില് നിന്നും അവരുടെ ജീവിത ചുറ്റുപാടില് നിന്നും ലഭ്യമായസസ്യചോതാദികളെയും, പ്രകൃതി വിഭവങ്ങളെയും മരുന്നായി ഔഷധങ്ങളെയും മരുന്നായി ഉപയോഗിച്ചു.ഈ ഔഷധങ്ങളെനേരിട്ട് മരുന്നായും ഭക്ഷണത്തിന്റെ കൂടെയുമാണ് ഉപയോഗിച്ചിരുന്നത്.
ചില നാട്ടറിവുകള്
പുളിച്ചു തികട്ടല്
നെഞ്ചെരിച്ചില്
ചെന്നിക്കുത്ത്
തലവേദന
പനി
വിരേചനം
ഉദരകൃമി
നാഡീബലം
ധാതുക്ഷയം
ദുര്മേദസ്സ്
രക്ത സമ്മര്ദ്ദം
ചര്മ്മ രോഗങ്ങള്
ദീര്ഘകാല യൌവ്വനം
പാല്, തേന്, ഉഴുന്ന്, സസ്യങ്ങളുടെ മുളകള്, മുള്ളങ്കി ശര്ക്കര എന്നിവ പോത്തിറച്ചിയോട് കൂടി കഴിക്കരുത് .
മത്സ്യവും മാംസവും ഒരുമിച്ചു കഴിക്കരുത്
പുളിയുള്ള പദാര്ഥങ്ങള് അമ്പഴങ്ങ, ഉഴുന്ന്, അമരക്കായ് , മത്സ്യം, നാരങ്ങ, കൈതച്ചക്ക, നെല്ലിക്ക, ചക്ക, തുവര, ചെമ്മീന്, മാമ്പഴം,മോര്,
ആടിന് മാംസം, മാറിന് മാംസം, കൂണ്, ഇളനീര്,ഇലനീര്ക്കാംബ്, അയിനിപ്പഴം, കോല്പ്പുളി, മുതിര, ഞാവല്പ്പഴം, മാതളപ്പഴം, വാസ്തു ചീര, ഇവ പാലിന്റെ കൂടെ കഴിക്കുവാന് പാടില്ല.
ഉഴുന്നു, തൈര്, തേന്, നെയ്യ്, എന്നിവയ്ക്കൊപ്പം കൈതച്ചക്ക കഴിക്കരുത്
മത്സ്യം മാംസം നെയ്യ് മോര് എന്നിവ കൂണിനോട് ഒപ്പം കഴിക്കരുത്
എള്ള്, തേന്, ഉഴുന്നു എന്നിവ ആട്ടിന് മംസത്തോടെയും , മാട്ടിന് മംസത്തോടെയും കൂടെ കഴിക്കരുത്
പലതരം മാംസങ്ങള് ഒന്നിച്ചു ചേര്ത്ത് കഴിക്കരുത്
പാകം ചെയ്ത മാംസത്തില് അല്പ്പമെങ്ങിലും പച്ചമാംസം ചേര്ന്നാല് വിഷം ആണ്
കടുകെണ്ണ ചേര്ത്ത് കൂണ് വേവിച്ചു കഴിക്കരുത്
തേന്, നെയ്യ്, ഉഴുന്നു ശര്ക്കര എന്നിവ തൈരിനോടൊപ്പം കഴിക്കരുത്
തൈരും കൊഴിമംസംവും ചേര്ത്ത് കഴിക്കരുത്
പാല്പായസം കഴിച ഉടന് മോര് കഴിക്കരുത്
മുള്ളങ്കിയും ഉഴുന്നുപരിപ്പും ഒന്നിച്ചു കഴിക്കരുത്
പത്തുനാള് കൂടുതല് ഓട്ടുപാത്രത്തില് വെച്ച നെയ്യ് കഴിക്കരുത്
തേന്, നെയ്യ്, കൊഴുപ്പ്, എണ്ണ, വെണ്ണ, ഇവ രണ്ടെന്ണമോ മൂന്നെന്ണമോ തുല്യമാക്കി ചേര്ത്താല് വിഷം ആണ്
ചൂടാക്കിയോ, ചൂടുള്ള ഭക്ഷണതോടോപ്പമോ തേന് കഴിക്കരുത്.
നിലക്കടല കഴിച്ചു വെള്ളം കുടിക്കരുത്
ചെമ്മീനും കൂനും ഒരുമിച്ചു കഴിക്കരുത്
ഗോതമ്പും എള്ളെണ്ണയും കൂടി കഴിക്കരുത് – (എള്ളെണ്ണ പുരട്ടിയുള്ള ഗോതമ്പ് ദോശ അപകടം എന്നര്ഥം )
പ്രമേഹരോഗത്തെ നിയന്ത്രിക്കാന് ആയുര്വേദത്തിലൂടെ ഫലപ്രദമായി സാധിക്കും. ശരിയായ ഔഷധപ്രയോഗത്തോടൊപ്പം പഥ്യാഹാരവും വ്യായാമവും എണ്ണതേച്ചുകുളി തുടങ്ങിയവയും ശീലിക്കണം. മധുരം, പുള്, എരിവ്, പകലുറക്കം അലസത എന്നിവ ഉപേക്ഷിക്കുകയും വേണം.
പ്രമേഹചികിത്സയില് പ്രഥമവും പ്രധാനവുമായ ഭാഗം ആഹാരക്രമീകരണമാണ്. എന്നാല് ആഹാരത്തെ ഒഴിവാക്കുകയുമരുത്. ഗോതമ്പ്, റാഗി, യവം, പയറുവര്ഗങ്ങള്, പാവയ്ക്ക, കോവയ്ക്ക, വെണ്ടക്ക, വാഴക്കൂമ്പ്, വാഴപ്പിണ്ടി, ഇലക്കറികള്, ചെറു മത്സ്യങ്ങള് ഇവയൊക്കെ മാറിമാറി ഭക്ഷണത്തിലുള്പ്പെടുത്താം. ശീതളപാനീയങ്ങളും മറ്റും നിത്യോപയോഗത്തിന് നല്ലതല്ല. മോര്, നാരങ്ങാനീര്, കരിങ്ങാലിയോ വേങ്ങയോ വെന്തവെള്ളം ഇവയൊക്കെ ദാഹശമനത്തിന് ഉപയോഗിക്കാം. കഞ്ഞി, ചോറ്, ഇവ പാകം ചെയ്യുമ്പോള് ചെറൂള, കറുക എന്നിവ ചതച്ച് കിഴികെട്ടിയിടുന്നത് ആഹാരത്തെത്തന്നെ ഔഷധമാക്കി മാറ്റുന്നു. പ്രമേഹരോഗികള് ആഹാരത്തില് കൊഴുപ്പിന്റെ അളവ് വര്ധിക്കാതിരിക്കാന് ശ്രദ്ധിക്കണം.
ചിട്ടയായ വ്യായാമം പ്രമേഹരോഗനിയന്ത്രണത്തോടൊപ്പം രക്തസമ്മര്ദ്ദവും കൊളസ്ട്രോളും അമിതവണ്ണവും കുറക്കുകയും മാനസിക പിരിമുറുക്കങ്ങള് അകറ്റുകയും ചെയ്യും.
നാല്പാമരാദികേരം, ഏലാദികേരം, ധന്വന്തരം കുഴമ്പ്, പിണ്ഡതൈലം ഇവയില് ഏതെങ്കിലും ദേഹത്ത് തേച്ചുകുളിക്കുന്നത് നാഡികളെയും പാദങ്ങളെയും ത്വക്കിനെയും കണ്ണുകളെയും രുപോലെ സംരക്ഷിക്കും. പ്രമേഹരോഗി ഷധോപയോഗത്തോടൊപ്പം ഉലുവ പൊടിച്ചോ വെള്ളത്തിലിട്ടുവെച്ചോ ഉപയോഗിക്കുന്നത് ത്തമമാണ്. ഭക്ഷണത്തില് മഞ്ഞളിന്റെ ഉപയോഗം വര്ധിപ്പിക്കാനും ശ്രദ്ധിക്കണം.
15 മില്ലി നെല്ലിക്കാനീരില് അരടീസ്പൂണ് മഞ്ഞള്പൊടി ചേര്ത്ത് രാവിലെ വെറുംവയറ്റില് സേവിക്കാം. വാഴപ്പിണ്ടിനീരില് ഞ്ഞള്പൊടി ചേര്ത്ത് ഉപയോഗിക്കുന്നതും കടുക്കാത്തൊണ്ട്, കുമ്പിള്വേര്, മുത്തങ്ങ, പാച്ചോറ്റിത്തൊലി ഇവ സമം ഷായംവെച്ചു കുടിക്കുന്നതും പ്രമേഹരോഗികള്ക്ക് ഗുണപ്രദമാണ്. നിശാകതകാദി കഷായം പതിവായി സേവിച്ചാല് പ്രമേഹം നിയന്ത്രണവിധേയമാകും.
കടപ്പാട് : www.balusseryonline.com
അവസാനം പരിഷ്കരിച്ചത് : 7/27/2020