Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

ആയൂർവേദം - ചില പ്രതിവിധികൾ

ചില രോഗങ്ങൾക്ക് ഉള്ള ആയുർവേദ ചികിത്സകൾ

ആയുര്‍വേദം

വില്ലന്‍ ചുമയ്ക്ക് വെല്ലുവിളിയായി ആയൂര്‍വേദം

ചുമയെന്നാല്‍ പല രോഗത്തിന്റെ രോഗലക്ഷണമായി വരുന്ന ഒരവസ്ഥയാണ്. അതുകൊണ്ട് തന്നെ വളരെ നിസാരമായി നമ്മള്‍ തള്ളികളയുന്ന ചുമയ്ക്ക് പിന്നില്‍ പല രോഗങ്ങളും ഒളിഞ്ഞിരിക്കുന്നുണ്ട്. എന്നാല്‍ ചില ഘട്ടങ്ങളില്‍ രോഗങ്ങള്‍ അകന്നാലും ചുമ പിന്നെയും ബാക്കി ആകും. ഏറെ നാള്‍ അങ്ങനെ അലട്ടുന്ന ഒരു തരം ചുമയാണ് വില്ലന്‍ ചുമ. ഇത് മുതിര്‍ന്നവരില്‍ കാണുമെങ്കിലും കൂടുതലായി കുട്ടികളിലാണ് കണ്ടുവരുന്നത്. ശരീരത്തില്‍ ബാക്ടീരിയയുടെ കടന്നുകയറ്റമാണ് ഇതിന് കാരണം. ചെറിയ ചുമയില്‍ തുടങ്ങി പിന്നെ വളരെ വലിയ രീതിയില്‍ നിര്‍ത്താതെ ചുമയ്ക്കുകയും ഒടുവില്‍ ചുമച്ച് ഛര്‍ദ്ദിക്കുകയും ചെയ്യുന്നു.

വില്ലന്‍ ചുമയുടെ ലക്ഷണങ്ങള്‍
1. തുടര്‍ച്ചയായ ചുമയില്‍ തുടങ്ങി ഒടുവില്‍ തീവ്രമായ ചുമയില്‍ എത്തുക
2. ചുമയ്ക്കുന്ന സമയത്ത് മൂക്കില്‍ നിന്ന് കഥം പുറത്ത് വരുന്നു.
3. ചുമയുടെ തീവ്രതകൊണ്ട് കണ്ണിലൂടെ കണ്ണുനീര്‍ ഒഴുകുന്നു.
4. ചെറിയ പനിയും ഉണ്ടായിരിക്കുന്നതാണ്.
5. തൊണ്ട വേദനയും ഉരലും മറ്റും ഉണ്ടാവുന്നു.
6. തുടര്‍ച്ചായും തീവ്രമായ ചുമ കാരണം കുട്ടികളുടെ ശരീരം മുഴുവന്‍ ഇളകുന്നു.
7. ഉറക്കെ , അലറി ചുമക്കാനുള്ള പ്രേരണ ഈ സമയത്ത് ഉണ്ടാവുന്നു.
ആയൂര്‍വേദത്തില്‍ ഇതിന് വാതദോഷവുമായി ബന്ധിച്ചിരിക്കുന്നു. വളരെ ഫലപ്രദമായ ആയൂര്‍വേദ മരുന്നുകള്‍ ആയൂര്‍വേദത്തില്‍ ലഭ്യമാണ്.
കണ്ടകാരിരസായനം, പിപ്പല്യാദി കഷായം, ദശമൂലാദിഘൃതം, കണ്ടകാരിഘൃതം,ശുളച്യാദിഘൃതം, വാശകാദി കാരിഘൃതം കര്‍പ്പൂരാദി ചൂര്‍ണ്ണം, താലിസ്പത്രാദി ചൂര്‍ണ്ണം ശ്വാസകാഡാന്തക തൈലം എന്നിങ്ങനെ വളരെ ഏറെ ഫലപ്രദമായ ഔഷധങ്ങള്‍ ആയൂര്‍വേദത്തില്‍ ലഭ്യമാണ്. കൂടാതെ നമ്മുടെ വീട്ടില്‍ ഇരുന്നു ചെയ്യാവുന്ന ചില പൊടികൈകള്‍
1. ആടലോടകത്തിന്റെ ഇല ചെറുതായിരിഞ്ഞ് ജീരകവും ചേര്‍ത്ത് വെയിലത്തുണക്കിപ്പൊടിച്ച് കുറച്ചുവീതം കഴിക്കുക.
2. കര്‍പ്പൂരാദി ചൂര്‍ണം സേവിക്കുക
3. തുളസിക്കഷായം കഴിക്കുക
4. മുക്കുറ്റി സമൂലം തേനില്‍ അരച്ച് കഴിച്ചാല്‍ ചുമയും കഫക്കെട്ടും പാര്‍ശ്വ വേദനയും കുറയുന്നതാണ്.
5. ഗോരോചനാദി ഗുളിക, കസ്തുരാദി ഗുളിക തുടങ്ങിയവയില്‍ ഒന്ന്് ജീരകവെള്ളത്തില്‍ കുടിക്കുക.
6. ഈ സമയങ്ങളില്‍ മലബന്ധം ഉണ്ടെങ്കില്‍ ആവണക്കെണ്ണ പശുവിന്‍പാലില്‍ ചേര്‍ത്ത് കഴിക്കുക
7. തൊണ്ടയുടെ ചൊറിച്ചിലും കാറലും തീരുന്നതിന് 10 മില്ലിഗ്രാം ഇഞ്ചീനിരീല്‍ അതേ അളവ് തേന്‍ ചേര്‍ത്ത് കഴിക്കുക

ചിക്കന്‍പോക്‌സ്

ഒന്നു മുതല്‍ പത്തുവയസ്സുവരെയുള്ള കുട്ടികള്‍ക്കിടയിലാണ് ചിക്കന്‍ പോക്‌സ് എന്ന രോഗം കൂടുതലായി കാണപ്പെടുന്നത്. ഇത് കുട്ടികള്‍ക്കുണ്ടാകുന്ന ചുമ, പനി, എന്നീ രോഗങ്ങളെപ്പോലെ തന്നെ വളരെ സാധാരണമായി കാണേണ്ട ഒരു രോഗം തന്നെയാണ്. നല്ല വിശ്രമത്തിലൂടെ ഈ രോഗത്തിന് വേഗം തന്നെ മുക്തി നേടാം. ഇന്ന് കുട്ടികള്‍ക്ക് ചിക്കന്‍ പോക്‌സ് വാക്‌സിനേഷനിലൂടെ ഈ അസുഖത്തെ തടയാന്‍ സാധിക്കുന്നു. ചില ഘട്ടങ്ങളില്‍ മുതിര്‍ന്നവര്‍ക്കും ഈ രോഗബാധ കണ്ടുവരുന്നുണ്ട്. ജലദോഷം കടുത്ത ശരീര വേദന, തലവേദന, പനി തുടങ്ങിയ ലക്ഷണങ്ങളാണ് ചിക്കന്‍ പോക്‌സിന്റെ ആദ്യ ദിവസങ്ങളില്‍ കാണുന്നത്. തുടര്‍ന്ന് രണ്ടു ദിവസത്തിനുള്ളില്‍ ചെറിയ കുമിളകള്‍ ഉണ്ടാവുന്നു.നെഞ്ചിലും മുതുകിലും കൂടുതല്‍ കുരുക്കള്‍ ഉണ്ടാകുന്നു. രണ്ടു മൂന്ന് ആഴ്ചകളെങ്കിലും ഈ രോഗത്തെ പൂര്‍ണ്ണമായും മറികടക്കാന്‍ ആവശ്യമായി വരുന്നു അമിതമായ ചൂടുകാലത്താണ് ഇത് കൂടുതലായി കാണപ്പെടുന്നത് . ഗര്‍ഭാശയ സ്ത്രീകള്‍ ഈ രോഗം പിടിപെടുമ്പോള്‍ തന്നെ അടിയന്തര ചികിത്സ നല്‍കേണ്ടതാണ്. ഇതിന് ആയുര്‍വേദ വിധി പ്രകാരം ചില മരുന്നുകള്‍ വീട്ടില്‍ തന്നെയുണ്ടാക്കാവുന്നതാണ്.

അര ടീസ് സ്പൂണ്‍ ബേക്കിംഗ് സോഡ ഒരു ഗ്ലാസ് വെള്ളത്തില്‍ കലക്കി സ്‌പോഞ്ച് ഉപയോഗിച്ച് ചൊറിച്ചിലും വേദനയുമുള്ള ഭാഗത്ത് മൃദുവായി വച്ചുകൊടുക്കേണ്ടതാണ്.

ശുദ്ധമായതേന്‍ ചിക്കന്‍ പോക്‌സ് ഉണ്ടായഭാഗത്ത് തേയ്ക്കുന്നതുവഴി പാടുകള്‍ മാറി കിട്ടും.

ആര്യവേപ്പില, കൊണ്ടു ശരീരം മുഴുവനും മൃദുവായി തടവുന്നത് നല്ലതാണ്.
പ്രാചീന കാലം മുതലേ ചിക്കന്‍ പോക്‌സ് ബാധിക്കുന്നവര്‍ വേപ്പില നന്നായി അരച്ച്് ദേഹത്ത് തേയ്ക്കുകയും വേപ്പില ഇട്ട് തിളപ്പിച്ച വെള്ളം ഉപയോഗിച്ച്് കുളിക്കുകയും ചെയ്തുവരാറുണ്ട്. ഇത് ശരീരത്തിലെ ചൊറിച്ചിലും അണുക്കളും ഇല്ലാതാക്കുവാന്‍ സഹായിക്കുന്നു.

ക്യാരറ്റും കൊത്തമല്ലിയിലയും സമം എടുത്ത് ചെറുതായി നുറുക്കി അരക്കപ്പ് വെള്ളത്തില്‍ നന്നായി വേവിച്ച് എടുക്കുക അതിനു ശേഷം ഈ വെള്ളം അരിച്ച് ചെറു ചൂടോടെ ഒരു മാസം രോ ഗിക്ക് നല്‍കുന്നത് വഴി ശരീരം തണുക്കുവാനും അതിവേഗം രോഗവിമുക്തമാകുവാനും ഇത് സഹായിക്കുന്നതാണ്.

ചിക്കന്‍ പോക്‌സ് മൂലം ഉണ്ടാകുന്ന ചൊറിച്ചിലിന് കലാമിന്‍ ലോഷന്‍ പുരട്ടുന്നത് അതിത്യുമമാണ്.

വിശപ്പ് ശമിക്കുവാന്‍ വേണ്ടി മാത്രം ആഹാരം കഴിക്കുക. കട്ടിയുള്ള ആഹാരം കഴിവതും ഒഴിവാക്കേണ്ടതാണ്. എണ്ണമയമുള്ള ആഹാരം മാംസം എന്നിവ പാടെ ഉപേക്ഷിക്കുക.

മഞ്ഞപിത്തതെ നേരിടാം

പിത്തദോഷം സംബന്ധമായ രോഗമാണ് മഞ്ഞപിത്തം. ഇത് കൂടുതലായി കാണുന്നത് ഉഷ്ണ കാലവസ്ഥയില്‍ ആണ്. കരളിനെ ബാധിക്കുന്ന ഈ രോഗം പിത്തരസം ഉണ്ടാവുന്നതിനോ അത് വിതരണം നടത്തുന്നതിനോ തടസം സൃഷ്ടിക്കുകയും രക്തത്തിലെ ചുവന്ന രക്താണുക്കളെ നശിപ്പിക്കുകയോ ചെയ്യുന്നതുവഴി മഞ്ഞപിത്തം ഉണ്ടാവുന്നു. പിത്തരസത്തിന് നിറം നല്‍കുന്ന ബിലിറൂബിന്റെ അളവ് ഈ രോഗാവസ്ഥയില്‍ അമിതമായി രക്തത്തില്‍ കലരുന്നതിനാല്‍ ചര്‍മ്മം, കണ്ണ്, നഖം, മുത്രം എന്നിവ മഞ്ഞനിറം ആകുന്നു. കരളിനെ ബാധിക്കുന്ന മിക്ക രോഗങ്ങളുടെയും രോഗലക്ഷണം മഞ്ഞപിത്തമാണ്. ആധുനിക വൈദ്യശാസ്ത്രം മഞ്ഞപിത്തത്തെ മുന്നായി തരം തിരിച്ചിരിക്കുന്നു.
1. ഒബ്ഡ്ട്രക്ടീവ് ഹെപ്പറ്റൈറ്റിസ്:
ഇവിടെ പിത്തരസം അമിതമായി രക്തത്തില്‍ പ്രവഹിക്കുന്നത് വഴിയാണ് മഞ്ഞപിത്തം ഉണ്ടാകുന്നത്. ചില ആലോപതി മരന്നുകളുടെ ഉപയോഗം മൂലവും ഈ അവസ്ഥ ഉണ്ടാകാന്‍ സാധ്യതയുണ്ട്. ഇവിടെ വളരെ സമയമെടുത്തെ് രോഗലക്ഷണങ്ങള്‍ കണ്ടു തുടങ്ങുന്നു.
2. ഹിമോലിറ്റിക്ക് ഹെപ്പറ്റൈറ്റിസ്:
രക്തത്തില്‍ ഉണ്ടാവുന്ന ചില വ്യതിയാനങ്ങള്‍ കാരണം ഈ വിഭാഗം മഞ്ഞപിത്തം ഉണ്ടാവുന്നു. ചില അസുഖങ്ങള്‍ കാരണം രക്തത്തിന്റെ കുറവ് ഉണ്ടാവുക, ചില വൈറസ് രാസപദാര്‍ത്ഥങ്ങള്‍ എന്നിവ രക്തത്തിലെ ചുവന്നരക്താണുക്കളെ നശിപ്പിക്കുക വഴി ബില്‍ റൂബിന്‍ അമിതമായി ഉണ്ടാവുകയും അത് മൂത്രത്തിലൂടെ പുറത്ത് പോകാതെ പിത്തസഞ്ചിയില്‍ കെട്ടികിടക്കുകയും വഴി മഞ്ഞപിത്തം ഉണ്ടാവുന്നു

3. ഇന്‍ഫെക്ടീവ് ഹൈപ്പറൈറ്റിസ്

ഇതിനെ ആയൂര്‍വേദത്തില്‍ യകൃത് കോശജന്യകാമല എന്ന് പറയുന്നു. ഈ അവസ്ഥയ്ക്ക് കാരണം ചില വൈറസ് ആണ്. ഹൈപ്പറ്റൈറ്റിസ് എ, ബി, സി, ഡി, ഇ,ജി വൈറസുകള്‍ ആണ് കാരണം. ഇതില്‍ ‘എ’ വൈറസ് മലിനമായ അന്തരീക്ഷത്തിലൂടെയും വെള്ളത്തിലൂടെയും മനുഷ്യശരീരത്തില്‍ കടക്കുകയും മഞ്ഞപിത്തം ഉണ്ടാവുകയും ചെയ്യുന്നു.

ആയൂര്‍വേദത്തില്‍ ഇതിന്് നല്ല പത്യത്തോടെ പാലിക്കേണ്ട ചില ഒറ്റമൂല്യകള്‍ ഉണ്ട്. അത്തരത്തില്‍ ഒന്നാണ് കീഴാര്‍നെല്ലി,ഇത് മഞ്ഞപിത്ത സംബന്ധമായ രോഗങ്ങള്ഡക്ക് ആത്യുത്തമമാണ്.

രോഗലക്ഷണം കണ്ടുതുടങ്ങുമ്പോഴെ കീഴാര്‍നെല്ലി, പാല്‍ക്കഷായം വച്ചു സേവിക്കുന്നത് രോഗത്തിന് അത്യുത്തപമാണ്. കടുത്തപത്യം ഇതിന് വളരെ ആവശ്യമാണ് ഉപ്പിന്റെ ഉപയോഗം വളരെ അധികം കുറയ്ക്കുക ആഹാരം വളരെ കുറച്ച് ആവശ്യത്തിന് മാത്രം ഉപയോഗിക്കുക. മാംസഹാരങ്ങള്‍ , മദ്യപാനം, പുകവലി, എന്നിവ വളരെ അധികം പൂര്‍ണ്ണമായി ഒഴിവാക്കുക

മഞ്ഞഴിഞ്ഞ ചികിത്സയില്‍ പ്രധാനമായി വേണ്ട ചികിത്സ ദുഷിച്ച പിത്തരസം പൂര്‍ണ്ണമായും കളയുകയെന്നതാണ് ദഹന പ്രകൃിയ ശരിയായ രീതിയില്‍ കൊണ്ട് വരണം. അതിന് ഇളനീര്‍, നെല്ലിക്കാനീര്. കരിമ്പിന്‍ നീര്്, മുന്തിരിച്ചാറ് ഇവ കൂടുതലായി ആഹാരത്തില്‍ ഉള്‍പ്പെടുത്തുക. മധുരമുള്ളതും ചൂടുള്ളതും പഴവര്‍ഗ്ഗങ്ങളും രോഗിക്ക് നല്‍കാവുന്നതാണ് ഫലത്രികാദി കഷായം, ആരോഗ്യവര്‍ദ്ധിനീവടി, പുനര്‍വാദി കഷായം, ധാത്രി ലേഹ്യം ഗുളുച്യാദി കഷായം എന്നിവ അത്യുത്തമമാണ്.

രോഗത്തെ പ്രതിരോധിക്കാന്‍
1. തിളപ്പിച്ചാറിയ വെള്ളം മാത്രം കുടിക്കുക
2. എപ്പോഴും വൃത്തിയുള്ള അന്തരീക്ഷത്തില്‍ മാത്രം മലമൂത്ര വിസര്‍ജ്ജനം നടത്തുക.

ശാന്തമായ മനസിന് ശിരോധാര

ഒന്നിനും സമയമില്ലാതെ പായുന്ന ജീവിതം പോലെ തന്നെ ഒരിക്കലും സ്വസ്ഥതയും സമാധാനവും ലഭിക്കാത്ത മനസ് ഒരു പ്രശ്‌നം തീരുമ്പോള്‍ അടുത്തത് എന്നിങ്ങനെ ഒന്നിനു പിറകേ മറ്റൊന്നായി നമ്മെ വേട്ടയാടുന്ന ചിന്തകള്‍ ഒരിക്കലും സുന്ദരമായ ഒരു ജീവിതം പ്രദാനം ചെയ്യുകയില്ല. ഒരിടത്തും ഉറച്ചു നില്‍ക്കാത്ത മനസ്സ് കുരങ്ങനെപ്പോലെയാണ് അത് ഇങ്ങനെ ചാടി ചാടി നടക്കും. മനസിനെ നിയന്ത്രിച്ച് ഒരിടത്ത് പിടിച്ചു നിര്‍ത്താന്‍ ചില പൊടികൈകള്‍ ആയൂര്‍വേദത്തില്‍ ഉണ്ട് അതില്‍ ഏറ്റവും ലളിതമായ ഒന്നാണ് ഹോട്ട് ഓയില്‍ ട്രീറ്റ്‌മെന്റ് അല്ലെങ്കില്‍ ശീരോധാര.
നൂറ്റാണ്ടുകള്‍ക്ക് മുമ്പേ ആയൂര്‍വേദത്തില്‍ എണ്ണകള്‍ക്ക് അതീവ പ്രധാന്യമാണ് ഉള്ളത്. ശരീരത്തിനെയും മനസിനെയും ഒരുപോലെ തണുപ്പിക്കുകയും ശാന്തമാക്കുകയും ചെയ്യുന്നതില്‍ എണ്ണകള്‍ക്കുള്ള സ്ഥാനം വളരെ വലുതാണ് .സംസ്‌കൃതത്തില്‍ ശിരോ എന്നാല്‍ തലയെന്നും ധാരയെന്നാല്‍ ഒഴുക് എന്നാണു പറയുന്നത്. ചെറു ചൂടു എണ്ണ നമ്മുടെ നെറ്റിയില്‍ തുടര്‍ച്ചയായി ചെറുതായി തൂകി കൊടുത്തതുകൊണ്ട് ശിരോധാര ചികിത്സ നടത്തുന്നതുവഴി പ്രക്ഷുബധമായ നരമ്പുകള്‍ ശാന്തമാക്കുകയും സുഖപ്പെടുകയും ചെയ്യുന്നു.
ആദ്യം ഔഷധഗൂണങ്ങള്‍ അടങ്ങിയ എണ്ണതോണിയില്‍ (മസ്സാജിംഗ് ടേബിള്‍) കിടക്കുക നമ്മുടെ തലയുടെ മുകളിലായി അതായത് നെറ്റിയുടെ ഭാഗം വരുന്നതിന്റെ നേരെയായി നാല് ഇഞ്ച് ഉയരത്തില്‍ ശിരോധാര ചെയ്യുന്ന പ്രത്യേക കലം സജ്ജീകരിക്കുക ഇതില്‍ നിരവധി ഔഷധങ്ങള്‍ വെള്ളിച്ചണ്ണയുമായി യോജിപ്പിച്ചതോ അല്ലെങ്കില്‍ ചൂട് പശുവിന്‍ പാലോ ഈ കലത്തിലൂടെ ഒഴിച്ചു കൊടുക്കണം ഇങ്ങനെ 20 മുതല്‍ 40 മിനിറ്റ് വളരെ തുടരെ ചെയ്യണം. ഈ ധാര വഴി തലച്ചോറിലെ രക്തയോട്ടം നേരയാക്കുകയും, കൂടാതെ ഇതില്‍ അടങ്ങിയിരിക്കുന്ന അമുല്യമായ ഔഷധ കൂട്ടുകള്‍ കാരണം അതിശക്തമായ തലവേദനകള്‍ നാഡീ രോഗങ്ങള്‍ എന്നിവ പൂര്‍ണ്ണമായും സുഖപ്പെടുന്നു. മാത്രവുമല്ല കൂടുതല്‍ ശാന്തമാക്കുകയും നമ്മുടെ നാഢീനരമ്പുകള്‍ കൂടുതല്‍ നന്നായി പ്രവര്‍ത്തയോഗ്യമായി തീരുന്നു. വിഷാദം, തലവേദനകള്‍, കാഴ്ചക്കുറവ്, ആകാംഷ, എന്നിവയ്ക്ക് ഇത്തരം ധാരകള്‍ അതി ഉത്തമമാണ്.

പനികള്‍ (ജ്വരം)

ഇന്ന് പനി വന്നാല്‍ ഉടനെതന്നെ വിവിധതരം അലോപ്പതി മരുന്നുകള്‍ ഉപയോഗിക്കുകയാണ് ചെയ്യുന്നത് പനിയെ തല്‍ക്കാലത്തേക്ക് അടിച്ചമര്‍ത്തി കൂടുതല്‍ ശക്തമായ രോഗങ്ങള്‍ ക്ഷണിച്ചു വരുത്തുകയാണ് ചെയ്യുന്നത്. പനി രോഗമല്ല രോഗലക്ഷണമാണ്, രോഗാണുക്കളുടെ ആക്രമണത്തെ തടയാന്‍ ശരീരം ചെയ്യുന്ന സ്വയംരക്ഷണ പ്രക്രിയയാണ് പനി. തെറ്റായ ചികിത്സകളും ആഹാര ശീലങ്ങളും മുഖേന ഉണ്ടാകുന്ന ലഘുവായ പനി പീന്നിട് ടൈഫോയ്ഡും ന്യൂമോണിയയും മസ്തിഷ്‌ക ജ്വരവുമായിത്തീരുന്നു.
നല്ല ചികിത്സ പരിചരണ ശുശ്രൂഷയും കൊണ്ട് സ്രോതോശുദ്ധി യഥാവിധി കിട്ടുകയാണെങ്കില്‍ പനികള്‍ സുഖപ്പെടുകയും ആരോഗ്യം പഴയതിലുമധികം കൂടുകയും ചെയ്യും.
പനിയുടെ തുടക്കത്തില്‍ ഉപവാസം ഏറ്റവും ഫലപ്രദമാണ്. ശുദ്ധജലം കൂടുതലുപയോഗിക്കാം വെള്ളത്തില്‍ ചെറുനാരങ്ങയുടെ നീരും തേനും ചേര്‍ത്ത് പല പ്രാവിശ്യം കുടിക്കുക. വെള്ളം മാത്രം സ്പൂണില്‍ പല പ്രാവിശ്യമായി കഴിക്കുന്നത് വളരെ നല്ലതാണ്. നീണ്ടു നില്‍ക്കുന്ന പനിയില്‍ ആദ്യത്തെ കുറച്ചു ദിവസത്തെ പനിയെ നവജ്വരമെന്നും തുടര്‍ന്നു പനിയെ ജീര്‍ണ്ണജ്വരമെന്നുമാണ് പറയുന്നത്, നവജ്വരസമയത്ത് കഴിക്കുന്ന ആഹാരങ്ങള്‍ ദഹിക്കാന്‍ പ്രായസമാണ്.

നവജാതശിശുക്കളുടെ പനി

രണ്ടു തുള്ളി പനികുര്‍ക്കനീരില്‍, മുന്നിരട്ടിതേനും ചേര്‍ത്ത് കുഞ്ഞിന് രണ്ട് തുള്ള വീതം ഇടവിട്ട് കൊടുക്കുക.

വയമ്പിനെ കയ്പയിലയുടെ ചാരിലരച്ച് ചാലിച്ചത് നാവില്‍ തേച്ചു കൊടുക്കുക

മുലപ്പാലില്‍ കടുകരോഹിണി പൊടിച്ച് ചേര്‍ത്ത് കുടിപ്പിക്കുക എല്ലാവിധ പനികള്‍ക്കും ഇത് ഉത്തമമാണ്.

പര്‍പ്പടകപ്പുല്ല് ഉണക്കിപ്പൊടിച്ചത് മുലപ്പാലില്‍ ചാലിച്ച് പലപ്രാവിശ്യമായി കൊടുക്കുക.

ഉറക്കമില്ലായ്മയും ആയൂര്‍വേദവും

ഒരു മനുഷ്യശരീരത്തിന് ഏറെ ആവശ്യമായ ഉറക്കം, വൃത്തിയും വെടിപ്പുമുള്ള അന്തരീക്ഷം ഇവയുടെ താളം തെറ്റലുകളില്‍ നിന്നാണ് രോഗത്തിലേക്ക് ശരീരത്തെ കൊണ്ട് എത്തിക്കുന്നത.് പ്രത്യേകിച്ചും ഉറക്കം ശാരീരിക ഉന്മേഷത്തിനും മാനസിക ഉണര്‍വിനും ഉറക്കം. വളരെ പ്രധാന സ്ഥാനം വഹിക്കുന്നു. നമ്മളില്‍ പലരും ഉറക്കമില്ലായ്മ പരാതിയായി പറയാറുണ്ടെങ്കിലും അത് അത്രകണ്ട് ഗൗരവമായി എടുക്കാറില്ലയെന്നതാണ് സത്യം. എന്നാല്‍ ഈ ഉറക്കമില്ലായ്മ ശാരീരികവും അസ്വാസ്ഥതകളും മാനസിക പിരിമുറുക്കവും ഉണ്ടാവുന്നതാണ്. ഇതുനുശാസിക്കുന്നത് പ്രകാരം ആയൂര്‍വേദം ഉറക്കമില്ലായ്മ് വാതപിത്തങ്ങളുടെ കോപംമൂലമാണ് എന്നാണ്.

ഉറക്കമില്ലായ്മയുടെ കാരണങ്ങള്‍
1. കാലാവസ്ഥയുടെ മാറ്റം
2. ആഹാരക്രമത്തില്‍ വന്ന വ്യത്യാസം
3. ചില മരുന്നുകളുടെ ഉപയോഗം
4. ഉല്‍കണ്ഠ, ആദി
5. ചില അസുഖങ്ങളുടെ ഭാഗമായി ഉറക്കമില്ലായ്മ അനുഭവപ്പെടാം.

ആയൂര്‍വേദ ചികത്സയും ഉറക്കമില്ലായ്മയും

1. തൈര് കുടിക്കുക, ശരീരം തിരുമ്മുക, എരുമപ്പാല്‍ കുടിക്കുക, തേച്ചു കുളിക്കുക എന്നിവ നല്ല ഉറക്കം ലഭിക്കുന്നതാണ്.
2. തണുത്ത എണ്ണ തലയില്‍ തേയ്ക്കുക. ശിരോവസ്തിധാര എന്നിവ ഉചിതമായ ഔഷധങ്ങള്‍ ഉപയോഗിച്ച് നടത്തുന്നത് സങ്കീര്‍ണ്ണമായ ഉറക്കമില്ലായ്മയ്ക്ക് പ്രയോജന പ്രദമാണ്.
ബ്രഹ്മിഘൃതം, ബ്രഹ്മിതൈലം എന്നിവയും വളരെയധികം പ്രയോജനപ്രദമാണ്.
3. വെണ്ണയും പാലും ചേര്‍ത്ത് ചാലിച്ച് തലയിലിടുന്നത് നല്ലതാണ്.
4. തുംഗദ്രുമാദി എണ്ണ, ആറുകാലാദി എണ്ണ എന്നിവയിലൊന്ന് തലയില്‍ തേച്ചു കുളിക്കുന്നതും ഉത്തമമാണ്.
5. നെല്ലിക്കയുടെ നീര് 20 മില്ലി വീതം ദിവസവും സേവിക്കുന്നത് പ്രയോജനപ്രദമാണ്.
6. ചുവന്നുള്ളി രണ്ടോ മൂന്നോ എണ്ണം കിടക്കാന്‍ നേരത്ത് ചവച്ചരച്ച് കഴിക്കുക.
7. ശരിയായ ദഹനം ഉറപ്പു വരുത്തുക
8. കൂവളത്തിന്‍ വേര് അരച്ച് വെണ്ണയും ചേര്‍ത്ത് ഉള്ളം കാലില്‍ പുരട്ടി കിടക്കുക.
9. കുമ്പളങ്ങാ നീര് 50 മില്ലി വീതം അല്‍പ്പം ചെറു തേനും ചേര്‍ത്ത് വെറും വയറ്റില്‍ സേവിക്കുകയും ചെയ്യുന്നത് നല്ലതാണ്.
10. അമിതമായ കാപ്പി, ചായ, പുകവലി എന്നിവ ഉപേക്ഷിക്കുക.

ആയൂര്‍വേദം കൊണ്ട് ചെവി വേദനയെ നേരിടാം.

1 .കര്‍ണ്ണരോഗങ്ങളെയും ചികിത്സയെയും പറ്റി ആയൂര്‍വേദശാസ്ത്രം വളരെ വിശദമായി പ്രതിപാദിക്കുന്നു. സാധാരണ കര്‍ണ്ണരോഗങ്ങളെയും അവയ്ക്കുള്ള ചികിത്സകളുമാണ് ഇവിടെ പറഞ്ഞിരി ക്കുന്നത്.

2.കൊട്ടം, ദേവതാരം , മുതലായവ ചതച്ചിട്ട് മൂപ്പിച്ച എണ്ണ ചെവിയിലൊഴിക്കുക.

3.ഇഞ്ചി ചതച്ച് ഇന്തുപ്പ് പൊടിയിട്ട് ശീലയിലാക്കി ഞെക്കി ചെവിയില്‍ ഇറ്റിക്കുക.

4.ആവണക്കില എണ്ണ തേയ്ച്ച് വാട്ടിയതിന്റെ നീര് ചെവിയിലൊഴിക്കുക. മുരിങ്ങതൊലി, ഇഞ്ചിനീര് മുതലായവ ചതച്ചു പിഴിഞ്ഞെടുത്ത നീര് ചെറിയ ചൂടോടെ ചെവിയിലൊഴിക്കുക.

5.കടുക് എണ്ണ ചെറിയ ചൂടോടെ ചെവിയിലൊഴിക്കുക.

6.ആട്ടിന്‍ മൂത്രത്തില്‍ ഇന്തുപ്പ് ചേര്‍ത്ത് ചെവിയിലൊഴിക്കുക എത്ര ശക്തിയായ വേദനയും ഭേദമാകും.

7.അല്‍പ്പം തേനില്‍ പന്ത്രണ്ട് മുതിരയിട്ട് ചൂടാക്കുക. തേന്‍ ചൂടാകുമ്പോള്‍ ആ തേന്‍ ചെവിയിലൊഴിക്കുക.

8.കടുകണ്ണ ചെറിയ ചൂടോടെ ചെവിയിലൊഴിക്കുക.

9.ആട്ടിന്‍മുത്രത്തില്‍ ഇന്തുപ്പ് ചേര്‍ത്ത് ചെവിയിലൊഴിക്കുക. എത്ര ശക്തിയായ വേദനയും ഭേദമാകും.

10ക്ഷാരതൈലം ചെറിയ ചൂടോടെ ഇറ്റിക്കുക.

11മുരിങ്ങയിലയുടെ നീര്‍ ചെവിയിലൊഴിക്കുക, മുള്ളങ്കി നീര് ചെവിയിലൊഴിക്കുന്നത് ഉത്തമമാണ്.

ടോണ്‍സിലൈറ്റിസും ആയുര്‍വേദവും

 

മഞ്ഞുകാലം ആയതുകൊണ്ട് തന്നെ ടോണ്‍സിലൈറ്റിസ് പോലുള്ള രോഗങ്ങള്‍ ഉണ്ടാവാന്‍ സാധ്യതയേറെയാണ്. ടോണ്‍സിലൈറ്റിസ് ഉള്ളവര്‍ ഏതു കാലാവസ്ഥയായാലും വളരെ അധികം സുക്ഷിയ്ക്കണം. നമ്മുടെ രോഗത്തെ മനസ്സിലാക്കി ചിട്ടയായ ഒരു ജീവിതശൈലി മെനഞ്ഞെടുക്കുവാന്‍ നമ്മുക്ക് സാധിച്ചാല്‍ ഇത്തരം രോഗങ്ങളില്‍ നിന്ന് നമ്മുക്ക് ഏറെക്കുറേ രക്ഷപ്പെടാന്‍ സാധിക്കും.    പൊതുവെ ടോണ്‍സിലൈറ്റിസ് വന്നുകഴിഞ്ഞാല്‍ മരുന്നിനെക്കാള്‍ ഡോക്ടര്‍മാര്‍ ഉപദേശിക്കുന്നത് ഇടയ്ക്ക് ഇടയ്ക്ക് സഹിക്കാവുന്ന ചൂട് വെള്ളത്തില്‍ ഉപ്പ് ഇട്ട് ആവികൊള്ളുന്നതും വായില്‍ കൊളളുന്നതുമാണ് ഉത്തമം. കൊച്ചു കുട്ടികള്‍ക്ക് ചെറിയ തൊണ്ടവേദന വരുമ്പോള്‍ മരുന്നു നല്‍കുന്നതിനെക്കാള്‍ ഫലപ്രദമായ ഒരു രീതിയാണ് ഇത് . ചെറുതായി അസ്വാസ്ഥം തോന്നിതുടങ്ങുമ്പോള്‍ തന്നെ ഇതു ചെയ്താല്‍ വേഗം സുഖം പ്രാവിക്കുന്നതാണ്. ഇനി ചില ആയൂര്‍ വേദ രീതികള്‍ കൊണ്ട് രോഗത്തെ എങ്ങനെ നേരിടാം എന്നു നോക്കാം.

 

  • കരിക്കിന്‍വെള്ളം, ചെറുനാരാങ്ങനീര് എന്നിവയിലൊന്ന് കുടിച്ചു ഒന്നോ രണ്ടോ ദിവസം ഉപവസിക്കുന്നത് ഉത്തമമാണ്.
  • യവക്ഷാരം തേനില്‍ കുഴച്ച് ടോണ്‍സിലുകളില്‍ തേയ്ക്കുക
  • മുയല്‍ ചെവിയന്‍ സമൂലം അരച്ചെടുത്തത് തൊണ്ടയില്‍ തേയ്ക്കുക
  • വാശാരിഷ്ടം, ഭൃംഗരാജസരം, അമൃതാരിഷ്ടം തുല്യം ചേര്‍ത്ത് 3 നേരം കഴിക്കുക. ദശമൂല പുനര്‍തവാദി കഷായത്തില്‍ മഹാസുദര്‍ശന ചൂര്‍ണ്ണ മേല്‍പ്പൊടി ചേര്‍ത്ത് കഴിക്കുക
  • താംബൂലസായനം, താലീസപടകം എന്നിവ നാവില്‍ ഇട്ട് അടച്ചു പിടിക്കുക, പൊടിച്ച ഇന്തുപ്പ് പൊന്‍കാരം എന്നിവ തിളപ്പിച്ച വെള്ളത്തില്‍ ഇട്ട് കവിള്‍കൊള്ളുക
  • അഷ്ടപത്രം, പുനര്‍വാദി, പഞ്ചാമ്ലാദി എണ്ണകള്‍ എന്നിവ തേച്ചു കുളിക്കാന്‍ ഉപയോഗിക്കുക എന്നും കൃത്യ സമയത്ത് തന്നെ തല കുളിക്കുക.
  • കടുകുരോഹിണീചൂര്‍ണ്ണം ചേര്‍ത്ത് ഗുല്‍ഗുലുതിക്താരിഷ്ടം, അമൃതപഥ്യാദി കഷായം, അമൃതാരിഷ്ടം മുതലായവയ്ക്ക് ചികത്സയില്‍ വളരെയധികം പ്രാധാന്യമുണ്ട്.
  • മാംസാഹാരം കുറയ്ക്കുക ടോണ്‍സിലകുളുടെ വീക്കം മാറുന്നതുവരെ പെട്ടെന്ന് ദഹിക്കുന്ന ഭക്ഷണം കഴിക്കുക.

ആസത്മയും ആയുര്‍വേദവും

ഇന്ന് നമ്മുടെ ഇടയില്‍ നല്ലൊരു ശതമാനം ആളുകളും ആസത്മ രോഗത്തിന് അടിമകളാണ്. ശ്വസനത്തിന് വരുന്ന ബുദ്ധിമുട്ട് ശരി്ക്കും വളരെ ഭയാനകമാണ് പല കാര്യങ്ങള്‍ മൂലം ആസത്മ ഉണ്ടാകാറുണ്ട്. ഇന്ന് ജനിക്കുന്ന നല്ലൊരു ഒരു ശതമാനം കുട്ടികള്‍ക്കും ആസത്മയുടെ കടന്നാക്രമണം ഉണ്ട്.
ചില ആസത്മ കുടുംബ പാരമ്പര്യമായി പിന്‍തലമുറക്കാര്‍ക്ക് വരാറുണ്ട്. കുടുംബത്തിലെ മുത്തച്ഛന്‍മാര്‍ക്കും മറ്റും ഉണ്ടെങ്കില്‍ ചെറുമക്കളിലേക്ക് വരുവാന്‍ സാധ്യതഏറെയാണ്

മറ്റുള്ളവരെ അപേക്ഷിച്ച് ഈ രോഗികളുടെ ശ്വാസക്കുഴലുകള്‍ താരതമേന്യ വളരെ പ്രവര്‍ത്തനക്ഷമതയുള്ളതായി കാണുന്നു. നമ്മുടെ ശ്വസനത്തിലൂടെ ചില വസ്തുക്കളും പൊടിപടലങ്ങളും മറ്റും ശ്വാസനാളത്തില്‍ പ്രവേശിക്കുന്നു അത് പെട്ടെന്ന് വീപരിതമായി പ്രവര്‍ത്തിക്കുവാന്‍ തുടങ്ങുന്നു. അതിന്റെ ഫലമായി മ്യൂക്കസല്‍ ഒഡീമ ( കഫസംബന്ധമായ) രൂപപ്പെടുന്നു. അങ്ങനെ ഇവരില്‍ ശ്വസനത്തിന് ബുദ്ധിമുട്ട് ഉണ്ടാകുന്നു.
ഇത് പാരമ്പര്യ ആസത്മക്കാരുടെ രോഗാവസ്ഥ. ഇനി ചിലര്‍ക്ക് ചില കാലാവസ്ഥ, ചിട്ടയില്ലാത്ത ജീവിതശൈലി. ശുചിത്വമില്ലാത്ത അന്തരീക്ഷം, പ്രായമാകുന്നതിലൂടെയും ജീവിതത്തില്‍ ആസത്മയുടെ കടന്നുവരവുകള്‍ ഉണ്ടാകാറുണ്ട്.

ആസത്മയില്‍ ശ്രദ്ധിക്കേണ്ടവ

ആസത്മയെ വേണ്ട വിധത്തില്‍ ശ്രദ്ധിച്ചില്ലെങ്കില്‍ രോഗം കൂടുതല്‍ സങ്കീര്‍ണമായ അവസ്ഥയില്‍ കൊണ്ട് എത്തിക്കും. നിരന്തരമായ രോഗാക്രമണം മൂലം ശ്വാസകോശരോഗം ഉണ്ടാകും. ഇത് ഹൃദ്‌രോഗങ്ങള്‍ക്ക് കാരണമാകും. വയര്‍, കാല്, എന്നീ അവയവങ്ങളില്‍ നീരുണ്ടായി ആസത്മ ഗുരുതരാവസ്ഥയിലേക്ക് രോഗിയെ കൊണ്ടെത്തിക്കും.

ആസത്മയെ നേരിടാം ചില ചിട്ടകളിലൂടെ
1. മരുന്നു എന്നത് രോഗാവസ്ഥയ്ക്ക് ശമനം എന്നത് മാത്രമേ ആസ്തമയുടെ കാര്യത്തില്‍ ഉള്ളു. രോഗം വരാതെ നോക്കുകയാണ് പ്രധാനം. ആസത്മയുള്ളവര്‍ വീടുകളില്‍ ആവശ്യമുള്ള മരുന്നുകള്‍ കരുതി വയ്ക്കണം. യാത്രപോകുമ്പോള്‍ മരുന്നുകള്‍ കൂടെ കരുതുക.
2. അമിതമായ ആഹാരം ഒഴിവാക്കണം.
3. ഒരു നേരം പഴങ്ങളും വേവിക്കാത്ത പച്ചക്കറികളും ഉപയോഗിക്കുക.
4. ആസത്മ കൂടുതലൂള്ള അവസരങ്ങളില്‍ പഴവര്‍ഗ്ഗങ്ങള്‍ മാത്രം ഉപയോഗിക്കുക.
5. പാലും പാലുല്‍പ്പന്നങ്ങളും പാടെ ഉപേക്ഷിക്കുക.
6. തുളസി ഇല, കൂവളത്തില എന്നിവ പച്ചയായി കഴിക്കാവുന്നതാണ്
7. രാത്രി ഭക്ഷണം വളരെ ലളിതമായി 8 മണിക്കു മുന്‍പേ കഴിക്കുക
8. മത്സ്യം, മാംസം, മുട്ട, എണ്ണയില്‍ വറുത്ത പലഹാരങ്ങള്‍, ബേക്കറി വസ്തുക്കള്‍ മുതലായവ ഉപേക്ഷിക്കേണ്ടത് അത്യാവശ്യമാണ്.

ആയൂര്‍വേദ പ്രതിവിധികള്‍
ആസത്മയുടെ ചികിത്സാരീതികള്‍ വളരെ വിശദമായി തന്നെ ആയൂര്‍വേദത്തില്‍ പരാമര്‍ശിച്ചിട്ടുണ്ട്.
1. ആഹാരത്തിന് മുന്‍പ് 4 തൊട്ടാവാടിനാമ്പ്, 7 ജീരകം എന്നിവ ചേര്‍ത്ത് അരച്ചത് രാവിലെയും വൈകിട്ടും കഴിക്കുക.
2. മുരിങ്ങയില കുമ്പളനീരില്‍ ചതച്ചരച്ച് സേവിക്കുക.
3. തൊട്ടാവാടി സമൂലം 50 മില്ലി തേങ്ങാപാലും ചേര്‍ത്ത് സേവിക്കുക.
4. ഇലച്ചാറ് രണ്ടു നേരം കഴിക്കുക
5. രോഗാധിക്യം കുറഞ്ഞിരിക്കുന്ന അവസരത്തില്‍ വള്ളിപ്പാലയുടെ അഞ്ചോ പത്തോ ഇലകള്‍ നിത്യേന രാവിലെ (30 ദിവസം) കഴിക്കുക.
6. പൊന്നാംതകരയുടെ വേര് കഷായം വച്ച് സേവിക്കുക.
7. ഒരു പിടി പൊതിന തിളച്ച വെള്ളത്തില്‍ ഇട്ട് മൂടുക. പിന്നീട് തുറന്ന് അതില്‍ നിന്നു വരുന്ന ആവി ശ്വസിക്കുക. പൊതിനയിലക്ക് പകരം കുറച്ചു തുള്ളി യൂക്കാലിതൈലം ആയാലും ഉത്തമമാണ്.
8. വാശാരിഷ്ടം, കുശ്മാണ്ഡരസായനം, ദശമൂലരസായനം, കസ്തൂരാദിലേഹ്യം, തേജോവത്യാദിഘൃതം, കണാസ്വനവര്‍ഷലാദിഘൃതം, ധാത്രാദി തൈലം, ധന്വന്തരംഗുളിക, പിപ്പല്യാദി കഷായം, ദശമൂലാദി കഷായം, ജീരകാദിചൂര്‍ണ്ണം തുടങ്ങി നിരവധി ഔഷധങ്ങള്‍ ശ്വാസകോശ രോഗത്തിന് ആയൂര്‍വേദത്തില്‍ അനുശാസിക്കുന്നു.

എങ്ങനെ വയ്ക്കും വണ്ണം

ഇന്ന് വണ്ണം കുറയ്ക്കുന്നതിന് വേണ്ടിയാണ് ആളുകള്‍ പട്ടിണികിടക്കുന്നതും,  സര്‍ജറി നടത്തുന്നതും, വ്യായാമം ചെയ്യുന്നതും എല്ലാം. ഇത് ഒരു കൂട്ടരുടെ കഥ. എന്നാല്‍ മറു ഭാഗത്ത് സാഹചര്യങ്ങള്‍ അല്‍പ്പം വ്യത്യസ്ഥമാണ്. എന്ത് കഴിച്ചിട്ടും വണ്ണം വയ്ക്കുന്നില്ല എന്ന മനോദു:ഖമാണ് ഈ കൂട്ടരുടെ ഉറക്കം കെടുത്തുന്നത്. മെലിഞ്ഞ് കോലുപോലെ ഇരിക്കുന്നത് അത്ര നല്ലതാണോ എന്ന് ചോദിച്ചാല്‍ അല്‍പ്പം വണ്ണം ആവശ്യമാണ് എന്ന് ഭംഗിവാക്കില്‍ അഭിപ്രായം ആവും മിക്ക ആളുകളും പറയുക. അതുകൊണ്ട് തന്നെ വണ്ണംവയ്ക്കുവാന്‍ എന്താണ് ചെയ്യേണ്ടതെന്ന് അറയാതെ.
മാര്‍ക്കറ്റില്‍ കിട്ടുന്ന ഹോര്‍മോണ്‍ അടങ്ങിയ ഗുളിക, മരുന്നുകള്‍, ലേഹ്യങ്ങള്‍വാങ്ങി കഴിക്കുന്നു ഇതുവഴി അമിതവണ്ണവും മറ്റും മാവും ഫലം. വണ്ണം കുറക്കുന്നതിനേക്കാള്‍ അല്‍പ്പം ശ്രമകരമാണ് വണ്ണം വെയ്ക്കുന്നത്.  അല്‍പ്പം ചിട്ടയുള്ള ജീവിതം ശീലിച്ചാല്‍ ആവശ്യത്തിന് വണ്ണവും ശരീര പുഷ്ടിയും നേടാം. അതിനുള്ള ചില ആയൂര്‍വേദ പ്രതിവിധികള്‍ ഏതെന്ന് നോക്കാം.

  • പ്രഭാത ഭക്ഷണം തീര്‍ച്ചയായും  ഒരു ശീലമാക്കണം ഒരു ദിവസത്തെ ഊര്‍ജ്ജം മുഴുവന്‍ ലഭിക്കുന്നത് പ്രാതലിലൂടെയാണ്.
  • ഉലുവ ഒരു പിടിയെടുത്ത് ദിവസവും രാത്രി ശുദ്ധവെള്ളത്തില്‍ ഇട്ട് വയ്്ക്കുക പിറ്റേദിവസം അത് എടുത്ത് ഞെരിടിപ്പിഴിഞ്ഞ് ആ വെള്ളം  കുടിക്കുക  ഇങ്ങനെ ഒരു മാസക്കാലം കൂടിക്കുന്നത് ശരീരം വണ്ണം വെയ്ക്കാന്‍ സഹായിക്കും.
  • ശരീരം പുഷ്ടിപ്പെടുവാന്‍ ബ്രഹ്മി നെയ്യില്‍ വറുത്ത് പാലു കൂട്ടി പതിവായി സേവിക്കുക.
  • ശരീരം പുഷ്ടിപ്പെടാന്‍ തുല്യഅളവില്‍ അമുക്കുരുവും ഉണക്ക മുന്തിരിയും  നന്നായി ചതയ്ക്കുക. ഇതില്‍ നിന്നും  രണ്ടു സ്പൂണ്‍ വീതം ഒരു ഗ്ലാസ് പശുവിന്‍ പാലില്‍ ചേര്‍ത്ത് നന്നായി തിളപ്പിച്ച് പതിവായി രാത്രി ഭക്ഷണത്തിനുശേഷം കുടിക്കുക.
  • പത്തുഗ്രാം അമുക്കുരം വെയിലത്തുവെച്ച് നന്നായി ഉണക്കിപ്പൊടിച്ചെടുക്കുക. ഓരോ ടീസ്പൂണ്‍ വീതമെടുത്ത്് ഒരു ടീസ് പൂണ്‍ വെണ്ണയില്‍ കുഴച്ച് കഴിക്കുക. പുറമേ നാഴി കാച്ചിയപാലും  കഴിക്കുക.
  • ബദാം പരിപ്പ് പൊടിച്ചിട്ടു പാല്‍ കാച്ചി കഴിക്കുക.
  • ഇന്തുപ്പും വെണ്ണയും ചേര്‍ത്ത് രാത്രി ആഹാരം കഴിക്കുകയാണെങ്കില്‍ കുട്ടികള്‍ നന്നായി തടി വെയ്ക്കും
  • ആഹാരത്തിന് കൃത്യസമയം പാലിക്കണം
  • വിഷ്ണു ക്രാന്തി ചതച്ചിട്ടു പാല്‍ കാച്ചി കഴിക്കുന്നത് നല്ലതാണ്.
  • നിലക്കടല പച്ചയ്ക്ക് തോട് പൊളിച്ചു കഴിക്കുന്നത് വളരെ നല്ലതാണ്
  • ഭക്ഷണത്തില്‍ പയര്‍വര്‍ഗ്ഗങ്ങള്‍, വെണ്ണ എന്നിവ ഉള്‍പ്പെടുത്തുന്നത് നിറയെ പച്ചക്കറിയും, ഇലകളും പഴവര്‍ഗ്ഗങ്ങളും ഉള്‍പ്പെടുത്തണം
  • ആഹാരത്തിനോടൊപ്പം മിതമായ വ്യായമവും മെലിഞ്ഞവര്‍ക്ക് ആവശ്യമാണ് .എന്നാല്‍ മാത്രമേ ദഹനം നടക്കുകയും  അമിതമായി ശരീരഭാരം കൂടാതെയും ഇരിക്കുകയുള്ളു.
  • തൈറോയ്ഡ്,ഡയബറ്റിക്ക് മുതലായവ  മൂലവും ശരീരം മെലിഞ്ഞ് പോകുന്നതിന് കാരണമാകുന്നു. അതിനാല്‍ രണ്ട് മാസത്തില്‍ ഒരിക്കലെങ്കിലും ചെക്കപ്പ് നടത്തുന്നത് ന്ന്നായിരിക്കും.

വെറുതെ ഒരു ചുമ

ചുമ പലതരമുണ്ട്. ശരിക്കും ചുമയെന്നത് രോഗമായി കണക്കാക്കാന്‍ പറ്റില്ല, കാരണം അത് രോഗലക്ഷണത്തെയോ ഏതെങ്കിലും രോഗത്തിന്റെ  ബാക്കി പാത്രമായോ ചിലപ്പോള്‍ ചുമ വരാറുണ്ട്. കൂടാതെ വായുവിലും  നമ്മുടെ ശ്വാസകോശത്തിലും ഉണ്ടാകുന്ന അസ്വസ്ഥതകള്‍ ചുമയിലൂടെയാണ് പുറത്ത് വരുന്നത്. ഉദാഹരണത്തിന് വാഹനങ്ങളുടെ അമിതമായ പുക,  പ്ലാസ്റ്റിക്ക് കത്തിക്കുമ്പോള്‍ ഉണ്ടാവുന്ന പുക, അമിതമായ ദുര്‍ഗന്ധം, പൊടിപടലങ്ങള്‍, വിഷാംശമുള്ള വായു, ആസ്മ  എന്നിവയും ചുമക്ക്  കാരണഹേതുവാകാറുണ്ട്.

ചുമയേ നിയന്ത്രിക്കാന്‍ ചിലകാര്യങ്ങള്‍ ശ്രദ്ധിക്കേണ്ടതാണ്

1. ശുദ്ധമായ വായുവുള്ള അന്തരീക്ഷം

2. കഫം ഉണ്ടാക്കുന്ന ആഹാരങ്ങളുടെ നിയന്ത്രണം

ആയുര്‍വേദ ചികിത്സാരീതികള്‍

1.ആടലോടത്തിന്റെ ഇല ചെറുതായി അരിഞ്ഞ് ജീരകവും ചേര്‍ത്ത് വെയിലത്തുണക്കിപ്പൊടിച്ച് കുറച്ചു വീതം സേവിക്കുക.

2. വയമ്പ് അരച്ചെടുത്ത് ചെറുതേനില്‍ ചേര്‍ത്ത്  കഴിക്കുന്നത് വളരെ കാലമായുള്ള ചുമക്ക് ഉപയോഗപ്രദമാണ്.

3. കൂവളത്തിന്റെ വേര് അരച്ചെടുത്തത് ചെറുതേനില്‍ രണ്ടുനേരം വീതം കഴിക്കുക

4. തുളസി കഷായം കഴിക്കുക

5. ഇഞ്ചിനീരില്‍ തേന്‍ ചേര്‍ത്ത് കഴിക്കുക

6. കര്‍പ്പൂരാദി  ചൂര്‍ണ്ണം സേവിക്കുക

7. ദശമൂലാരിഷ്ടം സേവിക്കുക

കരിപ്പെട്ടിയില്‍ അല്‍പ്പം കുരുമുളക് പൊടിയും വച്ച് കഴിക്കുന്നത് ചുമ ശമിക്കുന്നതിന് നല്ലതാണ്.

രക്തസമ്മര്‍ദ്ദം വരുധിയില്‍ വരുത്താം

മുന്‍ കാലങ്ങളില്‍ വാര്‍ദ്ധക്യ സമയത്ത്് മാത്രമേ രക്തസമ്മര്‍ദ്ദം പോലുള്ള പല രോഗങ്ങള്‍ വരാറുള്ളു. എന്നാല്‍ ഇന്ന് കാലംമാറി -തിരക്കും ടെന്‍ഷനും  പിടിച്ചുള്ള ജീവിതവും, ഫാസ്റ്റ് ഫുഡ് ഭക്ഷണങ്ങളോട് പുതുതലമുറക്കുള്ള അമിതമായ താല്‍പര്യവുമൊക്കെ വളരെ ചെറുപ്രായത്തില്‍ തന്നെ രോഗത്തെ ക്ഷണിച്ചു വരുത്തുകയാണ് ചെയ്യുക.  അത്തരത്തിലുള്ള ജീവിത രീതികളുമായി ബന്ധപ്പെട്ടു കിടക്കുന്ന ഒരു രോഗവസ്ഥയാണ് രക്തസമ്മര്‍ദ്ദം.

ശരിയായ ഒരു ജീവിതശൈലി പാലിച്ചു പോരുന്ന ഒരു വ്യക്തിയില്‍ രക്തസമ്മര്‍ദ്ദം വളരെ നോര്‍മ്മല്‍ അവസ്ഥയില്‍ ആകും.   ശരാശരി പൂര്‍ണ്ണ ആരോഗ്യമുള്ള ഒരു വ്യക്തിയില്‍ രക്തസമ്മര്‍ദ്ദം 110/60 മുതല്‍ 120/80 വരെയാണ.് ചില ഘട്ടങ്ങളില്‍ ഒരു വ്യക്തിയുടെ സ്വഭാവം, പ്രായം, ജോലി എന്നിവ പരിഗണിച്ച് ഈ കണക്കില്‍ അല്‍പ്പം വ്യതിയാനങ്ങള്‍ സംഭവിക്കാം. കൃത്യമായ അനുപാതത്തില്‍ അല്ല രക്തസമ്മര്‍ദ്ദമെങ്കില്‍ അത് പല അസുഖങ്ങളിലേക്കും വഴി തെളിയിക്കുമെന്നതില്‍ യാതൊരു സംശയവുമില്ല. ഹൃദയ സ്തംഭനം, കിഡ്‌നി ഫെയിലിയര്‍, ശരീരഭാഗങ്ങള്‍ സ്തംഭിച്ചു പോകുക, ഓര്‍മ്മ നഷ്ടപ്പെടുക തുടങ്ങി നിരവധി രോഗങ്ങളിലേക്ക് ഉയര്‍ന്ന രക്തസമ്മര്‍ദ്ദം ശരീരത്തെ കൊണ്ട് എത്തിക്കും.

കാരണങ്ങള്‍
പ്രായമാക്കുന്നതോടെ രക്തകുഴലുകള്‍ ചുരുങ്ങുന്നു, രക്തം പ്രവഹിക്കുന്നതില്‍ അല്‍പ്പം ബുദ്ധിമുട്ടുകള്‍ അനുഭവപ്പെടും. അത് ഉയര്‍ന്ന രക്ത സമര്‍ദ്ദത്തിന് കാരണം ആകും.

ചില കൊഴുപ്പുകള്‍ രക്തകുഴലുകളില്‍ അടിഞ്ഞ് രക്തം പ്രവഹിക്കുന്നതിന് വിഘാതം സൃഷ്ടിക്കുകയും രക്തം കട്ടപിടിപ്പിക്കുകയും ചെയ്യിന്നു.
പിന്നെ അമിതമായ ഉത്കണ്ഠ മാനസീക പിരിമുറുക്കം എന്നിവ രക്തസമ്മര്‍ദ്ദം വര്‍ദ്ധിപ്പിക്കുവാന്‍ കാരണങ്ങള്‍ ആണ്.

ലക്ഷണങ്ങള്‍

അമിതമായ കോപം രക്തസമര്‍ദ്ധത്തിന്റെ പ്രധാന ലക്ഷണമാണ്

കിതപ്പ്, അമിതമായ നെഞ്ചിടിപ്പ് ശ്വാസംമുട്ടല്‍, തലവേദന, ബോധക്ഷയം, ദാഹം, ഇവ രക്തസമ്മര്‍ദ്ദത്തിന്റെ ഭാഗമായി ശരീരം പ്രകടിപ്പിക്കുന്ന ലക്ഷണങ്ങള്‍ ആണ്.

ചികിത്സ

1. ഉലുവയും ജീരകവും വെളുത്തുള്ളിയും സമം ചേര്‍ത്ത് പുഴുങ്ങി അതിന്റെ നീരെടുത്ത് ദിവസവും കഴിക്കുക.

2. ആഹാരത്തില്‍ മുരിങ്ങയില, ഉള്ളി, ഇളനീര്‍, എന്നിവ കൂടുതലായി ഉള്‍പ്പെടുത്തുക.

3. പുളി ഇഞ്ചിക്ക ജൂസ് ആഴ്ചയില്‍ രണ്ട് തവണ കഴിക്കുന്നത് നല്ലതാണ്.

4. അമല്‍പൊരി വേര് ചതച്ചിട്ട്് പാലില്‍ ചേര്‍ത്ത് കാച്ചി രാത്രി ഭക്ഷണത്തിനുശേഷം സേവിക്കുക.

5. മാനസിക സമര്‍ദ്ദം കുറയ്ക്കുവാന്‍ യോഗയും പ്രാര്‍ത്ഥനയും നല്ലതാണ്.

6. ശരിയായ വ്യായാമം ചെയ്യുന്നത് ഉത്തമമാണ്.

7. പുളി, മുളക,് ഉപ്പ് എന്നിവയുടെ ഉപയോഗം നിയന്ത്രിക്കണം.

8. നിറയെ പഴവര്‍ഗ്ഗങ്ങളും , ഇലക്കറികളും ഭക്ഷണത്തില്‍ ഉള്‍പ്പെടുത്തുക.

9. പുകവലി, മദ്യപാനം എന്നിവ പൂര്‍ണ്ണമായും ഒഴിവാക്കുക.

10. ത്രിഫല കഷായത്തില്‍ അമല്‍പൊരി വേരിന്‍ ചൂര്‍ണ്ണം മേമ്പൊടി ചേര്‍ത്ത് രാത്രി കിടക്കാന്‍ നേരത്ത് 15 ദിവസം സേവിക്കുക.

ആയൂര്‍വേദത്തില്‍ രക്തസമര്‍ദ്ദത്തിന് വളരെ ഫലപ്രദമായ നിരവധി ഔഷധക്കൂട്ടുകള്‍ ഉണ്ട്്. നല്ല ഒരു ആയൂര്‍വേദ വിദഗ്ധന്റെ ഉപദേശ പ്രകാരം ചികിത്സിച്ചാല്‍ പൂര്‍ണ്ണമായും രക്തസമ്മര്‍ദ്ദത്തില്‍ നിന്ന് മോചനം നേടാം.

കുഞ്ഞുവാവയ്ക്കും ആയുര്‍വേദം

നവജാത ശിശുവിന്റെ സംരക്ഷണം വളരെ ശ്രദ്ധാപൂര്‍വ്വം നടത്തേണ്ടവയാണ്. കുഞ്ഞുങ്ങള്‍ക്ക്  ഇന്‍ഫക്്ഷന്‍ മൂലമുണ്ടാവുന്ന പനിയും, മൂക്കടപ്പും, ജലദോഷവും ആണ് സാധാരണ പ്രശ്‌നങ്ങള്‍. അവ ശ്രദ്ധാപൂര്‍വ്വം  ചികത്സിച്ചില്ലെങ്കില്‍ കുഞ്ഞുങ്ങള്‍ക്ക് പല അസ്വസ്ഥതകള്‍ക്കും അത് വഴി വയ്ക്കും.

1. രണ്ടു തുള്ളി  പനിക്കൂര്‍ക്കനീരില്‍ മൂന്നിരട്ടി തേനും ചേര്‍ത്ത് കുഞ്ഞിന് രണ്ടു തുള്ളി വീതം ഇടവിട്ട് കൊടുത്താല്‍ കുഞ്ഞിന്റെ പനി്ക്ക് ശമനമടക്കാം.

2. വയമ്പിനെ കയ്പയിലയുടെ ചാറിലരച്ച് ചാലിച്ചത് നാവില്‍ ചേര്‍ത്തു കൊടുക്കന്നതും  പനിക്ക് അത്യുത്തമമാണ്.
3. മല്ലിയും ചുക്കും  ചേര്‍ത്ത് തിളപ്പിച്ച വെള്ളം  കുടിച്ചാല്‍ ജലദോഷം  കുറഞ്ഞു കിട്ടും.

4.  ഉള്ളി, ഇഞ്ചി,  തുളസി എന്നിവയുടെ ചാറില്‍ വെള്ളം ചേര്‍ത്ത് കുടിക്കുക

5. ത്രിഫലചൂര്‍ണ്ണം തേനില്‍ ചാലിച്ച് കഴിക്കുന്നത് ഇടവിട്ടുള്ള പനിക്കു നല്ലതാണ്.

തലമുടിക്ക് വേണം ആയുര്‍വേദം

തുമ്പുകെട്ടിയിട്ട ചുരുള്‍ മുടിയില്‍ എന്ന ഗാനത്തെ വരികള്‍ പോലെയാണ് മലയാളികളുടെ മുടി സങ്കല്‍പ്പം. നീണ് ചുരുളന്‍ മുടി പെണ്ണായാലും ആണായാലും മുടിയുടെ കാര്യത്തില്‍ ഒരു വീട്ടുവിഴ്ചയ്ക്കും തയ്യാറല്ല. പക്ഷേ ഇപ്പോഴത്തെ ഈ ഫാസ്റ്റ് ലൈഫില്‍ മുടി സംരക്ഷണം അല്‍പ്പം ബുദ്ധിമുട്ടാണ്. അതുകൊണ്ട് തന്നെ മുടിയുടെ പ്രശ്‌നങ്ങള്‍ വളരെ ഏറെയാണ്. വിഷമിക്കണ്ട, വീട്ടില്‍ തന്നെ ഇരുന്നു ചെയ്യാവുന്ന ചില ആയുര്‍വേദരഹസ്യം ഇതാ:

മുടി് പൊഴിച്ചില്‍ തന്നെയാണ് ഇന്ന് എല്ലാവരുടെയും പേടി സ്വപ്‌നം. ഈ പൊഴിച്ചില്‍ കഷണ്ടിയിലേക്കുള്ള പോക്കാണോ എന്നതാണ് ആശങ്ക. ശാസ്ത്രീയമായി പറഞ്ഞാല്‍ ഒരു ദിവസം 60 മുതല്‍ 100 വരെ മുടികള്‍ ഒരു സാധാരണ വ്യക്തിയുടെ തലയില്‍ നിന്ന് പോകാം. ഇതിനെ ഒരിക്കലും  കൊഴിച്ചിലായി പറയാന്‍ കഴിയില്ല. ഇനി ചില മരുന്നുകളുടെ റിയാക്ഷന്‍. തൈറോയിഡ്, താരന്‍, ടെന്‍ഷന്‍. കാലാവസ്ഥ വ്യതിയാനും, വെള്ളത്തിലെ ക്ലോറിന്റെ അംശം തുടങ്ങി നിരവധി കാരണങ്ങള്‍ കൊണ്ട് മുടിപൊഴിച്ചില്‍ ഉണ്ടാവാറുണ്ട്. ഇതില്‍ നിന്ന് രക്ഷ നേടാന്‍ ഇതാ ചില പൊടിക്കൈകള്‍:

1. എണ്ണ അല്‍പ്പം ചുടാക്കി വിരലുകള്‍ ഉപയോഗിച്ച് പതിയെ 1.5 മിനിറ്റോളം മസ്സാജ് ചെയ്താല്‍ മുടി  തഴച്ച് വളരാന്‍ അത്യുത്തമാണ് കൂടാതെ താരന്‍ കുറയുവാനും ഇത് ഫലപ്രദമാണ്.
2. കൈതോന്നി. ചെമ്പരത്തിപ്പൂവ്, കറിവേപ്പില, കൂവളത്തില എന്നിവ ഇട്ട് എണ്ണ കാച്ചി തേച്ചാല്‍ ആരോഗ്യമുള്ള മുടിവളരും.

3. ആഴ്ചയില്‍ ഒരിക്കല്‍ മുട്ടയുടെ വെള്ളക്കരു മിക്‌സ് ചെയ്ത് തലയോട്ടിലും മുടിയിലും തേച്ചുപിടിപ്പിച്ചാല്‍ മുടിക്ക് നല്ല തിളക്കവും വളര്‍ച്ചയും ലഭിക്കും.

4. ശുദ്ധമായ മൈലാഞ്ചിപ്പൊടിയും നെല്ലിക്കാ പൊടിയും അല്‍പ്പം കാപ്പിപ്പൊടിയും തേയില വെള്ളം ഒഴിച്ചു കുഴമ്പുരൂപത്തിലാക്കി അതിലേക്കു ഒരു ടീസ് സ്പൂണ്‍ നാരങ്ങനീര്‍ ഒഴിച്ച് തലേദിവസം രാത്രി വയ്ക്കണം. പിറ്റേദിവസം ആ കൂട്ടില്‍ ഒരു മുട്ടയുടെ വെള്ളയും ചേര്‍ത്ത് തലയില്‍ തേച്ചു പിടിപ്പിക്കണം അര മുക്കാല്‍ മണിക്കൂര്‍ കഴിഞ്ഞ് കഴുകിക്കളയണം. ഇത് മുടിക്ക് കറുപ്പ് നിറവും , താരന്‍ അകലുകയിം വളരുകയും ചെയ്യും.

5. കറിവേപ്പിലയിട്ട് കാച്ചിയ എണ്ണ മുടി കറുക്കാന്‍ അത്യുത്തമം
6. രാത്രി അല്‍പ്പം ഉലവ വെള്ളത്തില്‍ ഇട്ട് വച്ചതിനുശേഷം പിറ്റേദിവസം അത് അരച്ച് തലയില്‍ തേച്ചുു പിടിപ്പിച്ചാല്‍ മുടി വളരാനും താരന്‍ അകലാനും അത്യുത്തമം.

3.35294117647
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top