Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

സ്കോളര്ഷിപ്പുകളും വായ്പകളും

വിവിധ തരത്തിലുള്ള സ്കോളര്ഷിപ്പുകളെയും വായ്പകളെയും കുറിച്ചുള്ള വിവരങ്ങള്

സംസ്ഥാന ദേശീയ സ്കോളര്‍ഷിപ്പുകള്‍

എല്‍.എസ്.എസ്. (ലോവര്‍ സെക്കന്‍ഡറി സ്കോളര്‍ഷിപ്പുകള്‍)/യു.എസ്.എസ്.(അപ്പര്‍ സെക്കന്‍ഡറി സ്കോളര്‍ഷിപ്പുകള്‍)

ലോവര്‍ പ്രൈമറി, അപ്പര്‍ പ്രൈമറി ക്ലാസ്സുകളില്‍ പഠിക്കുന്ന വിദ്യാര്‍ത്ഥികള്‍ക്കുള്ള സ്കോളര്‍ഷിപ്പുകളാണിവ. വര്‍ഷംതോറും നടത്തുന്ന എല്‍.എസ്.എസ്./ യു.എസ്.എസ്. സ്കോളര്‍ഷിപ്പ് പരീക്ഷയില്‍ എ ഗ്രേഡ് നേടുന്ന വിദ്യാര്‍ത്ഥികളെയാണ് ഇതിന് പരിഗണിക്കുക. യു.എസ്.എസിനു 150 രൂപയും എല്‍.എസ്.എസിന് 100 രൂപയുമാണ് സ്കോളര്‍ഷിപ്പ് തുക. സ്കോളര്‍ഷിപ്പ് പരീക്ഷയില്‍ ബി-ഗ്രേഡ് നേടുന്നവര്‍ക്ക് സംസ്ഥാന പരീക്ഷാ കമ്മീഷണറുടെ ഒപ്പോടുകൂടിയ സര്‍ട്ടിഫിക്കറ്റ് ലഭിക്കും.

 

സംസ്കൃത വിദ്യാലയങ്ങളില്‍ പഠിക്കുന്നവര്‍ക്കുള്ള സ്കോളര്‍ഷിപ്പ്

വിദ്യാലയങ്ങളില്‍ സംസ്കൃത പഠനം പ്രോത്സാഹിപ്പിക്കുന്നതിനാണ് ഈ സ്കോളര്‍ഷിപ്പ് ഏര്‍പ്പെടുത്തിയിരിക്കുന്നത്. നിലവില്‍ രണ്ട് പദ്ധതികളാണുള്ളത്.

ഹൈസ്കൂളിലെ ഓരോ ക്ലാസ്സിലെയും (8,9,10) രണ്ട്പേര്‍ക്ക് വീതം (മൊത്തം ആറ്) സ്കോളര്‍ഷിപ്പ് നല്‍കിവരുന്നു. മുന്‍ വാര്‍ഷിക പരീക്ഷയിലെ മാര്‍ക്ക് കണക്കിലെടുത്താണ് ഇതിനുള്ള യോഗ്യത നിര്‍ണ്ണയിക്കുക. പതിനഞ്ച് രൂപ വീതം പത്ത് മാസത്തേക്കാണീ സ്കോളര്‍ഷിപ്പ് അനുവദിച്ചിരിക്കുന്നത്.

യു.പി. മുതല്‍ ഹൈസ്കൂള്‍ വരെയുള്ള (6-10) ഓരോ ക്ലാസ്സിനും ഓരോ സ്കോളര്‍ഷിപ്പ് നല്‍കുന്നതാണീ പദ്ധതി. ഹൈസ്കൂള്‍ വിഭാഗത്തില്‍ പതിനഞ്ചും യു.പി. വിഭാഗത്തില്‍ പന്ത്രണ്ടും രൂപാ വീതം പത്ത് മാസത്തേക്കാണ് സ്കോളര്‍ഷിപ്പ് അനുവദിക്കുക. മുന്‍ വാര്‍ഷിക പരീക്ഷയുടെ മികവാണ് ഇവിടെയും കണക്കാക്കുക.

സൈനിക സ്കൂള്‍ സ്കോളര്‍ഷിപ്പുകള്‍

ഇന്ത്യയിലെ വിവിധ സൈനിക സ്കൂളുകളില്‍ പഠിക്കുന്ന മലയാളികളായ വിദ്യാര്‍ത്ഥികള്‍ക്കുള്ള സ്കോളര്‍ഷിപ്പാണിത്. പരീക്ഷയിലെ മാര്‍ക്കും വാര്‍ഷികവരുമാനവും കണക്കിലെടുത്താണ് ഈ സ്കോളര്‍ഷിപ്പ് നല്‍കുന്നത്.

വിശദവിവരങ്ങള്‍

വാര്‍ഷിക വരുമാനം 30,000 രൂപ വരെയുള്ളവര്‍ക്ക് മുഴുവന്‍ സ്കോളര്‍ഷിപ്പും യൂണിഫോം അലവന്‍സും അനുവദിക്കും. 14,000 രൂപയാണ് സ്കോളര്‍ഷിപ്പ് തുക 1000 രൂപ യൂണിഫോം അലവന്‍സായി ആദ്യത്തെ വര്‍ഷം ലഭിക്കും. 500 രൂപ വീതം പിന്നീടുള്ള വര്‍ഷങ്ങളില്‍ കിട്ടും.

30,000-36,000 രൂപ വരെ വാര്‍ഷിക വരുമാനം ഉള്ളവര്‍ക്ക് സ്കോളര്‍ഷിപ്പ് തുകയുടെ മുക്കാല്‍ ഭാഗവും യൂണിഫോം അലവന്‍സും അനുവദിക്കും. 10,500 രൂപ സ്കോളര്‍ഷിപ്പ് തുകയായി ലഭിക്കും. 1000 രൂപ യൂണിഫോം അലവന്‍സായി ആദ്യത്തെ വര്‍ഷവും 500 രൂപവീതം പിന്നീടുള്ള വര്‍ഷങ്ങളിലും കിട്ടും.

36,000 രൂപയ്ക്ക് മുകളില്‍ വാര്‍ഷിക വരുമാനം ഉള്ളവര്‍ക്ക് സ്കോളര്‍ഷിപ്പ് തുകയുടെ കാല്‍ഭാഗം ലഭിക്കും. ഇവര്‍ക്ക് യൂണിഫോം അലവന്‍സ് ഇല്ല.

നാടാര്‍, മുസ്ലീം, ആംഗ്ലോ-ഇന്ത്യന്‍ സ്കോളര്‍ഷിപ്പ്

18,000 രൂപയ്ക്ക് താഴെ വാര്‍ഷിക വരുമാനമുള്ള യു.പി., ഹൈസ്കൂള്‍ ക്ലാസ്സുകളില്‍ പഠിക്കുന്ന നാടാര്‍, മുസ്ലീം, ആംഗ്ലോ-ഇന്ത്യന്‍ വിഭാഗങ്ങളില്‍പ്പെട്ട   പെണ്‍കുട്ടികള്‍ക്ക് അനുവദിച്ചിട്ടുള്ള സ്കോളര്‍ഷിപ്പാണിത്. യു.പി. വിഭാഗത്തിന് പ്രതിവര്‍ഷം 75 രൂപയും ഹൈസ്കൂള്‍ വിഭാഗത്തിന് 100 രൂപയുമാണ് സ്കോളര്‍ഷിപ്പ്. പ്രദേശിക കേന്ദ്രങ്ങള്‍ വഴിയാണ് ഇവ വിതരണം ചെയ്യുന്നത്.

നാഷണല്‍ സ്കോളര്‍ഷിപ്പ്

ഓരോ സാമൂഹ്യ വികസന ബ്ലോക്കില്‍ നിന്നും അപ്പര്‍ സെക്കന്‍ഡറി സ്കോളര്‍ഷിപ്പ് പരീക്ഷയില്‍ മികവ് പുലര്‍ത്തിയവര്‍ക്കാണ് ഈ സ്കോളര്‍ഷിപ്പ് നല്‍കുന്നത്. ബ്ലോക്കില്‍ ഓരോ വിഭാഗത്തിനും അനുവദിച്ച സ്കോളര്‍ഷിപ്പ് താഴെപ്പറയുന്ന വിധമാണ്.

ജനറല്‍ കാറ്റഗറി വിഭാഗത്തില്‍ ഓരോ കമ്മ്യൂണിറ്റി ബ്ലോക്കിനും നാല് സ്കോളര്‍ഷിപ്പ് വീതം ലഭിക്കും.

ജോലിയുള്ളവരും എന്നാല്‍ ഭൂമിയില്ലാത്തവരുമായവരുടെ കുട്ടികള്‍ക്ക് ഓരോ കമ്മ്യൂണിറ്റി ബ്ലോക്കിനും രണ്ട് സ്കോളര്‍ഷിപ്പ് വീതം അനുവദിക്കും.

പട്ടികജാതിയിലെ കുട്ടികള്‍ക്ക് ഓരോ ട്രൈബല്‍ കമ്മ്യൂണിറ്റി ബ്ലോക്കിനും മൂന്ന് സ്കോളര്‍ഷിപ്പ് വീതം.

പട്ടി വിഭാഗത്തിലെ കുട്ടികള്‍ക്ക് ഓരോ കമ്മ്യൂണിറ്റി ബ്ലോക്കിനും രണ്ട് സ്കോളര്‍ഷിപ്പ് വീതം അനുവദിക്കും. ജനസംഖ്യയില്‍ ഇരുപതോ അതില്‍ കൂടുതലോ ശതമാനം പിന്നാക്ക വിഭാഗങ്ങളുള്ള ബ്ലോക്കിന് ഒരു സ്കോളര്‍ഷിപ്പ് അധികം അനുവദിക്കും.

ഡെറാഡൂണ്‍ രാഷ്ട്രീയ ഇന്ത്യന്‍ മിലിട്ടറി കോളേജ്

ആര്‍.ഐ.എം.സി. പരീക്ഷയില്‍ ഒന്നാംറാങ്ക് നേടിയതും കേരളത്തില്‍ കുറഞ്ഞത് അഞ്ചുകൊല്ലം സ്ഥിരമായി താമസിക്കുകയും ചെയ്യുന്ന ഇന്ത്യന്‍ വ്യക്തിക്ക് അനുവദിക്കുന്ന സ്കോളര്‍ഷിപ്പാണിത്. 11,000 രൂപ വീതം അഞ്ച് കൊല്ലത്തേക്കാണീ തുക കൊടുക്കുന്നത്

വികലാംഗ വിദ്യാര്‍ത്ഥികള്‍ക്ക് നല്‍കിവരുന്ന സ്കോളര്‍ഷിപ്പ്

കുടുംബ വാര്‍ഷിക വരുമാനം 24,000/- രൂപയില്‍ കവിയാത്തവരും മുന്‍വാര്‍ഷിക പരീക്ഷയില്‍ 40 ശതമാനത്തില്‍ കുറയാത്ത മാര്‍ക്കോട് കൂടി വിജയിച്ചിട്ടുള്ളവരുമായ വികലാംഗ വിദ്യാര്‍ത്ഥികള്‍ക്ക് ലഭിക്കുന്നതാണ്.

ഒന്നാം ക്ലാസ്സ് മുതല്‍ നാലാം ക്ലാസ്സ് വരെ  പ്രതിമാസം 30 രൂപ സ്കോളര്‍ഷിപ്പ് ലഭിക്കും. റിക്വസിറ്റ് അലവന്‍സായി 25 രൂപയും പ്രതിമാസം കിട്ടും.

അഞ്ചാം ക്ലാസ്സ് മുതല്‍ എട്ടാം ക്ലാസ്സ് വരെ പ്രതിമാസം 45 രൂപ സ്കോളര്‍ഷിപ്പ് ലഭിക്കുന്നതാണ്. റിക്വസിറ്റ് അലവന്‍സായി 40 രൂപയും പ്രതിമാസം കിട്ടും.

ഒന്‍പതാം ക്ലാസ്സ് മുതല്‍ പ്രീഡിഗ്രി വരെ  പ്രതിമാസം 85 രൂപ ഡേ സ്കോളര്‍ഷി പ്പായി ലഭിക്കും. ഹോസ്റ്റലേഴ്സ് അലവന്‍സായി പ്രതിമാസം 140 രൂപയും റീഡേഴ്സ് അലവന്‍സായി പ്രതിമാസം 50 രൂപയും കിട്ടും.

ബിരുദതലത്തില്‍ ഡേ സ്കോളര്‍ഷിപ്പായി പ്രതിമാസം 125 രൂപ ലഭിക്കും. ഹോസ്റ്റലേഴ്സ് അലവന്‍സായി പ്രതിമാസം 180 രൂപയും റീഡേഴ്സ് അലവന്‍സായി പ്രതിമാസം 75 രൂപയും കിട്ടും.

ബിരുദാനന്തര ബിരുദതലത്തില്‍ ഡേ സ്കോളര്‍ഷിപ്പായി പ്രതിമാസം 170 രൂപ ലഭിക്കും. ഹോസ്റ്റലേഴ്സ് അലവന്‍സായി പ്രതിമാസം 240 രൂപയും റീഡേഴ്സ് അലവന്‍സായി പ്രതിമാസം 100 രൂപയും കിട്ടും.

കൂടാതെ പ്രത്യേക ഉപകരണങ്ങള്‍ ഉപയോഗിക്കുന്ന അസ്ഥി സംബന്ധമായ വൈകല്യമുള്ളവര്‍ക്ക് പ്രതിമാസം 25 രൂപയും പ്രത്യേക യാത്രാസംവിധാനം ഉപയോഗിക്കുന്നവര്‍ക്ക് പ്രതിമാസം 50 രൂപയും പ്രത്യേക അലവന്‍സായി നല്‍കുന്നു.

മന്ദബുദ്ധികളായ കുട്ടികള്‍ക്കുള്ള സ്കോളര്‍ഷിപ്പ്

സ്വകാര്യ സ്ഥാപനങ്ങളില്‍ പഠിക്കുന്ന 21 വയസ്സിന് താഴെയുള്ള ബുദ്ധിമാന്ദ്യം സംഭവിച്ചവര്‍ക്ക് പ്രതിമാസം 75 രൂപ നിരക്കില്‍ പരമാവധി 10 മാസത്തേയ്ക്ക് 750 രൂപ സ്കോളര്‍ഷിപ്പായും ഡ്രസ് അലവന്‍സായി പ്രതിവര്‍ഷം 100 രൂപയും പാഠ്യോപകരണങ്ങള്‍ക്കുള്ള അലവന്‍സായി ഒരു അധ്യയന വര്‍ഷം 50 രൂപയും എന്ന നിരക്കില്‍ ആകെ ഒരു വിദ്യാര്‍ത്ഥിക്ക് ഒരു അദ്ധ്യയന വര്‍ഷം 900 രൂപ ധനസഹായം നല്‍കുന്നു. കുടുംബ വാര്‍ഷിക വരുമാനം 24,000 രൂപയില്‍ കവിയാന്‍ പാടില്ല.

സംയോജിത വിദ്യാഭ്യാസ പരിപാടി

പ്രത്യേകസഹായം-പരസഹായം ആവശ്യമുള്ള വിദ്യാര്‍ത്ഥികള്‍ സ്പെഷ്യല്‍ സ്കൂളുകളില്‍ അല്ലാതെ സ്വന്തം ഭവനത്തില്‍ താമസിച്ച് സമപ്രായക്കാരോടൊപ്പം സാധാരണ വിദ്യാലയങ്ങളില്‍ പഠിപ്പ് തുടരുന്നതാണ് സംയോജിത വിദ്യാഭ്യാസ പദ്ധതിയുടെ പ്രധാന ലക്ഷ്യം.

സംയോജിത വിദ്യാഭ്യാസ പദ്ധതിയനുസരിച്ച് ലഭിക്കുന്ന ആനുകൂല്യങ്ങള്‍:

സാമ്പത്തികം

1. ബുക്കും സ്റ്റേഷനറി സാധനങ്ങള്‍ക്കും പ്രതിവര്‍ഷം 400 രൂപ.

2. യൂണിഫോം അലവന്‍സ് പ്രതിവര്‍ഷം 200 രൂപ.

3. യാത്രാബത്ത 500 രൂപ.(സ്കൂളുകളിലേയ്ക്ക് രണ്ട് കി.മീ. കൂടുതല്‍ ദൂരമുണ്ടെങ്കില്‍).

4. റീഡേര്‍ട്ട് അലവന്‍സ് പ്രതിവര്‍ഷം 500 രൂപ. (അഞ്ചാം ക്ലാസിന് മുകളില്‍ പഠിക്കുന്ന കാഴ്ചക്കുറവുള്ള കുട്ടികള്‍ക്ക്).

5. അരയ്ക്ക് താഴെ വൈകല്യമുള്ളവരുടെ യാത്രാ സഹായിക്ക് പ്രതിവര്‍ഷം 750 രൂപ.

ഉപകരണങ്ങള്‍

അഞ്ച് വര്‍ഷത്തിലൊരിക്കല്‍ പരമാവധി 2000 രൂപയ്ക്കുള്ള സഹായ ഉപകരണങ്ങള്‍ (ശ്രവണ സഹായി, കണ്ണട, വീല്‍ ചെയര്‍, ഷൂ, ട്രൈ സൈക്കിള്‍ മുതലായവ.)

പട്ടിക ജാതി പട്ടിക വര്‍ഗ വിദ്യര്‍ത്ഥികള്‍ക്കുള്ള സ്കോളര്‍ഷിപ്പുകല്‍

 

1. സര്‍ക്കാര്‍ കാഷ് അവാര്‍ഡ്

എസ്.എസ്.എല്‍.സി., പ്ലസ്ടു, ടി.ടി.സി., പോളിടെക്നിക്, ഡിഗ്രി, പോസ്റ്റ് ഗ്രാജ്വേറ്റ് പരീക്ഷകളില്‍ മികച്ച വിജയം കരസ്ഥമാക്കുന്ന പട്ടികജാതി വിദ്യാര്‍ത്ഥികള്‍ക്ക് സര്‍ക്കാര്‍ കാഷ് അവാര്‍ഡ് നല്‍കാറുണ്ട്.

എസ്.എസ്.എല്‍.സി.-750 രൂപ.

പ്ലസ്ടു/ ടി.ടി.സി./ പോളിടെക്നിക്/ വി.എച്ച്.എസ്.ഇ.-1000രൂപ.

ഡിഗ്രി-1500 രൂപ.

പി.ജി. ഡിഗ്രി/ പ്രൊഫഷണല്‍ കോഴ്സുകള്‍-2000 രൂപ. എന്നിങ്ങനെയാണ് കാഷ് അവാര്‍ഡ് നിരക്കുകള്‍.

ജാതി സര്‍ട്ടിഫിക്കറ്റ്, പരീക്ഷയില്‍ ലഭിച്ച മാര്‍ക്ക് ലിസ്റ്റിന്‍റെ പകര്‍പ്പ്, തുടര്‍ന്നു പഠിക്കുന്ന സ്ഥാപനത്തിന്‍റെ വിവരങ്ങള്‍ എന്നിവ സഹിതം ജില്ലാ പട്ടികജാതി വികസന ഓഫീസര്‍ക്ക് സമര്‍പ്പിക്കണം. അപേക്ഷ സമര്‍പ്പിക്കേണ്ടത് അവസാനപരീക്ഷയെഴുതിയ സ്ഥാപനം സ്ഥിതി ചെയ്യുന്ന ജില്ലയിലുള്ള ജില്ലാ പട്ടികജാതി ഓഫീസര്‍ക്കാണ്.

2. സ്വകാര്യ ബോര്‍ഡിംഗ് സ്കൂളുകളില്‍ വിദ്യാഭ്യാസ സൗകര്യം

ഉയര്‍ന്ന മാര്‍ക്കോടെ നാലാം ക്ലാസ്സ് ജയിക്കുന്ന പട്ടികജാതി വിദ്യാര്‍ത്ഥികള്‍ക്ക് സ്വകാര്യ സ്ഥാപനങ്ങള്‍ നടത്തുന്ന ബോര്‍ഡിംഗ് സ്കൂളുകളില്‍ വിദ്യാഭ്യാസം തുടരാനുള്ള പദ്ധതിയാണിത്. സ്കൂളിലെ എല്ലാ ചെലവുകളും ഗവണ്‍മെന്‍റ് വഹിക്കും. ഈ പദ്ധതി ജില്ലാ പഞ്ചായത്ത്, മുനിസിപ്പാലിറ്റി, കോര്‍പ്പറേഷന്‍ മുഖാന്തിരം നടപ്പാക്കുന്നു.

അപേക്ഷകള്‍ ജാതി, വരുമാന സര്‍ട്ടിഫിക്കറ്റിനോടൊപ്പം അവസാനവര്‍ഷ പരീക്ഷയ്ക്ക് ലഭിച്ച മാര്‍ക്ക് ലിസ്റ്റിന്‍റെ പകര്‍പ്പ് സഹിതം മുനിസിപ്പല്‍/ കോര്‍പ്പറേഷന്‍ സെക്രട്ടറിമാര്‍ക്കോ ജില്ലാപഞ്ചായത്ത് സെക്രട്ടറിക്കോ സമര്‍പ്പിക്കണം.

3. ക്ഷേത്രപ്രവേശന വിളംബര സ്മാരക സ്കോളര്‍ഷിപ്പ്/ അവാര്‍ഡ്

1. എഞ്ചിനീയറിംഗ്, മെഡിസിന്‍, ഡിഗ്രി, പ്ലസ്ടു, എസ്.എസ്.എല്‍.സി. തുടങ്ങി വിവിധ കോഴ്സുകളില്‍ ഉന്നത വിജയം കരസ്ഥമാക്കുന്ന പട്ടികജാതി-പട്ടികവര്‍ഗത്തില്‍പ്പെടുന്ന വിദ്യാര്‍ത്ഥികള്‍ക്ക് നല്‍കുന്ന സ്കോളര്‍ഷിപ്പാണിത്. ക്ഷേത്രപ്രവേശന വിളംബരത്തിന്‍റെ സ്മാരകമായി ഏര്‍പ്പെടുത്തിയിട്ടുള്ള എന്‍ഡോവ്മെന്‍റ് തുകയുടെ പലിശയും ഗവണ്‍മെന്‍റ് ഗ്രാന്‍റും ചേര്‍ത്താണ് സ്കോളര്‍ഷിപ്പ് അനുവദിക്കുന്നത്.

2. എസ്.എസ്.എല്‍.സി. പരീക്ഷയില്‍ ഉയര്‍ന്ന മാര്‍ക്ക് നേടുന്ന പിന്നാക്ക സമുദായത്തില്‍പ്പെട്ട ഒരു ആണ്‍കുട്ടിക്കും ഒരു പെണ്‍കുട്ടിക്കും 1000 രൂപാവീതം ക്യാഷ് അവാര്‍ഡ് ഏര്‍പ്പെടുത്തിയിട്ടുണ്ട്.  പട്ടികജാതി/ പട്ടികവര്‍ഗ വകുപ്പ് നടത്തുന്ന ഐ.ടി.സികളില്‍ ഓരോ ട്രേഡിനും ഏറ്റവും കൂടുതല്‍ മാര്‍ക്ക് വാങ്ങി ജയിക്കുന്ന പട്ടികജാതി/ പട്ടികവര്‍ഗ വിദ്യാര്‍ത്ഥികള്‍ക്കും 1000 രൂപാവീതം ക്യാഷ് അവാര്‍ഡ് നല്‍കും.

അപേക്ഷകള്‍, ജാതി, വരുമാന സര്‍ട്ടിഫിക്കറ്റ,് പരീക്ഷയുടെ മാര്‍ക്ക്ലിസ്റ്റിന്‍റെ പകര്‍പ്പ് എന്നിവ സഹിതം പട്ടികജാതി വികസന ഡയറക്ടര്‍ക്ക് സമര്‍പ്പിക്കണം.

4. മുഖ്യമന്ത്രിയുടെ സ്കോളര്‍ഷിപ്പ്

ഓരോ വര്‍ഷവും എസ്.എസ്.എല്‍.സി. പരീക്ഷയില്‍ സംസ്ഥാനത്ത് ഏറ്റവും കൂടുതല്‍ മാര്‍ക്ക് വാങ്ങുന്ന പട്ടികജാതി-പട്ടികവര്‍ഗത്തില്‍പ്പെട്ട ഓരോ ആണ്‍കുട്ടിക്കും പെണ്‍കുട്ടിക്കുമായി മൊത്തം നാലുപേര്‍ക്ക് 1000 രൂപ വീതമുള്ള സ്കോളര്‍ഷിപ്പുകള്‍ മുഖ്യമന്ത്രിയുടേതായി നല്‍കുന്നുണ്ട്.

5. റാങ്ക് ജേതാക്കള്‍ക്ക് അവാര്‍ഡ്

ഡോ. അംബേദ്ക്കര്‍ മെമ്മോറിയല്‍ അവാര്‍ഡ്

സംസ്ഥാനത്തെ ഓരോ യൂണിവേഴ്സിറ്റിയിലും ത്രിവത്സര, പഞ്ചവത്സര എല്‍.എല്‍.ബി. പരീക്ഷയില്‍ ഒന്നാംറാങ്ക് നേടുന്ന പട്ടികജാതിയിലേയും പട്ടികവര്‍ഗത്തിലേയും വിദ്യാര്‍ത്ഥികള്‍ക്ക് നല്‍കുന്ന അവാര്‍ഡാണിത്. മെഡലിന് പുറമേ 5001 രൂപ ക്യാഷ് അവാര്‍ഡും ലഭിക്കും.

മെഡിക്കല്‍-എഞ്ചിനീയറിംഗ് പ്രവേശന പരീക്ഷയില്‍ പട്ടികജാതി-പട്ടികവര്‍ഗത്തിലെ ഒന്നാംറാങ്ക് കിട്ടുന്ന ആണ്‍കുട്ടിയും പെണ്‍കുട്ടിയും ഉള്‍പ്പടെ എട്ട് പേര്‍ക്ക് 2501 രൂപ ക്യാഷ് അവാര്‍ഡ് നല്‍കാറുണ്ട്.

അപേക്ഷകള്‍ വരുമാന, ജാതി സര്‍ട്ടിഫിക്കറ്റിനോടൊപ്പം മാര്‍ക്ക്ലിസ്റ്റിന്‍റെ പകര്‍പ്പ് സഹിതം പട്ടികജാതി വികസന ഡയറക്ടര്‍ക്ക് സമര്‍പ്പിക്കണം.

6. അന്യസംസ്ഥാനങ്ങളില്‍ പഠിക്കുന്നവര്‍ക്ക് ധനസഹായം

കേരള സംസ്ഥാനത്തിനു പുറത്തു പഠിക്കുന്ന പട്ടികജാതി, മറ്റു പിന്നോക്ക വിദ്യാര്‍ത്ഥികള്‍ക്ക് വിദ്യാഭ്യാസാനുകൂല്യം നല്‍കുന്ന പദ്ധതി നിലവിലുണ്ട്. സംസ്ഥാനത്ത് പഠനസൗകര്യം നിലവിലില്ലാത്തതും പ്രത്യേക തരത്തിലുള്ളതുമായ ബിരുദാനന്തര കോഴ്സുകള്‍ക്കും പ്രൊഫഷണല്‍ കോഴ്സുകള്‍ക്കും എം.ഫില്‍, പി.എച്ച്.ഡി. എന്നീ കോഴ്സുകള്‍ക്കും പഠിക്കുന്ന വിദ്യാര്‍ത്ഥികള്‍ക്ക് ഇതിന്‍റെ പ്രയോജനം ലഭിക്കുന്നു.

ധനസഹായത്തിനുള്ള അപേക്ഷ സ്ഥാപനമേധാവി മുഖേന പട്ടികജാതി വികസന ഡയറക്ടര്‍ക്ക് സമര്‍പ്പിക്കണം.

7. പാരലല്‍ കോളേജുകളില്‍ പഠിക്കുന്നവര്‍ക്കുള്ള ധനസഹായം.

റഗുലര്‍ കോളേജുകളില്‍ പ്രവേശനം ലഭിക്കാതെപോയ പട്ടികജാതി വിഭാഗക്കാര്‍ക്കും മറ്റു പിന്നോക്ക സമുദായത്തില്‍പ്പെട്ട വിദ്യാര്‍ത്ഥികള്‍ക്കും നല്ല നിലവാരമുള്ള പാരലല്‍ കോളേജില്‍ ചേര്‍ന്നു പഠിക്കുന്നതിനുള്ള പദ്ധതിയാണിത്. നിശ്ചിത നിരക്കിലുള്ള ഫീസും റഗുലര്‍ സ്ഥാപനങ്ങളില്‍ പഠിക്കുന്നവര്‍ക്കു നല്‍കുന്ന നിരക്കിലുള്ള ആനുകൂല്യങ്ങളും പാരലല്‍ കോളേജില്‍ പഠിക്കുന്ന പട്ടികജാതി/ മറ്റര്‍ഹ സമുദായത്തില്‍പ്പെട്ട വിദ്യാര്‍ത്ഥികള്‍ക്ക് ലഭിക്കും. അപേക്ഷ നിശ്ചിത ഫോറത്തില്‍ ജില്ലാ പട്ടികജാതി വികസന ഓഫീസര്‍ക്ക് സ്ഥാപന മേധാവി വഴി സമര്‍പ്പിക്കാം.

8. ഭാരത്ദര്‍ശന്‍, ദക്ഷിണേന്ത്യന്‍ പര്യടനം

എസ്.എസ്.എല്‍.സി, പ്ലസ്ടു, ഡിഗ്രി പരീക്ഷകളില്‍ ഉന്നതവിജയം നേടുന്ന ആണ്‍കുട്ടികള്‍ക്ക് ഒരുമാസം നീണ്ടുനില്‍ക്കുന്ന ഭാരതദര്‍ശന്‍ പര്യടനവും പെണ്‍കുട്ടികള്‍ക്ക് ദക്ഷിണേന്ത്യന്‍ പര്യടനവും ഓരോ വര്‍ഷവും നടത്തിവരുന്നു. പരീക്ഷകളില്‍ ലഭിച്ച മാര്‍ക്ക് കണക്കാക്കിയാണ് തിരഞ്ഞെടുപ്പ്. അപേക്ഷ സ്ഥാപനമേധാവി വഴി ജില്ലാ പട്ടികജാതി വികസന ഓഫീസര്‍ക്ക് സമര്‍പ്പിക്കാം.

9. വിദേശ സര്‍വകലാശാലകളില്‍ ഉപരിപഠനത്തിന് ധനസഹായം

ഉപരിപഠനത്തിന് വിദേശ സര്‍വകലാശാലകളില്‍ പ്രവേശനം ലഭിക്കുന്ന പട്ടികജാതി-പട്ടികവര്‍ഗ വിദ്യാര്‍ത്ഥികള്‍ക്ക് 15 ലക്ഷം രൂപ വരെ പലിശരഹിത വായ്പയായി ലഭിക്കുന്നു. ഇതില്‍ 2.50 ലക്ഷംരൂപ ഗ്രാന്‍റാണ്. ഈ ധനസഹായ പദ്ധതി പട്ടികജാതി/ പട്ടികവര്‍ഗ വികസന കോര്‍പ്പറേഷന്‍ വഴിയാണ് നടപ്പിലാക്കുന്നത്.

10. തുടര്‍പഠന ധനസഹായം

എസ്.എസ്.എല്‍.സി., പ്ലസ്ടു, ഡിഗ്രി കോഴ്സുകളില്‍ പരാജയപ്പെടുന്നവര്‍ക്ക് ട്യൂട്ടോറിയല്‍ കോളേജില്‍ ചേര്‍ന്ന് പഠിച്ച് അടുത്ത ചാന്‍സ് എഴുതുന്നതിനു ധനസഹായം നല്‍കിവരുന്ന പദ്ധതിയാണിത്. എസ്.എസ്.എല്‍.സിക്ക് 20 ശതമാനവും പ്ലസ്ടു, ഡിഗ്രി എന്നിവയ്ക്ക് 25 ശതമാനവും മാര്‍ക്ക് കുറഞ്ഞത് ലഭിച്ചിരിക്കണം. റിസല്‍ട്ട് വന്നാലുടന്‍, ജാതി-വരുമാന സര്‍ട്ടിഫിക്കറ്റും, മാര്‍ക്ക്ലിസ്റ്റിന്‍റെ സാക്ഷ്യപ്പെടുത്തിയ പകര്‍പ്പും സഹിതം അപേക്ഷ ബ്ലോക്ക് പട്ടികജാതി വികസന ഓഫീസര്‍ മുഖേന ജില്ലാ പട്ടികജാതി വികസന ഓഫീസര്‍ക്ക് സമര്‍പ്പിക്കണം.

11. രാജീവ്ഗാന്ധി നാഷണല്‍ ഫെല്ലോഷിപ്പ്

പട്ടികജാതി പട്ടികവര്‍ഗ വിഭാഗത്തില്‍പ്പെട്ട സമര്‍ത്ഥരായ വിദ്യാര്‍ത്ഥികള്‍ക്ക് ഉപരിപഠനത്തിനായി യൂണിവേഴ്സിറ്റി ഗ്രാന്‍റ്സ് കമ്മിഷന്‍ നല്‍കുന്ന ഫെല്ലോഷിപ്പാണിത്.

സയന്‍സ്, എഞ്ചിനീയറിംഗ് ആന്‍ഡ് ടെക്നോളജി, ഹ്യൂമാനിറ്റീസ്, സോഷ്യല്‍ സയന്‍സ് എന്നിവയില്‍ എം.ഫില്‍/ പി.എച്ച്.ഡി. ബിരുദങ്ങളിലേക്ക് നയിക്കുന്ന ഉന്നത പഠനം നടത്താന്‍ സാമ്പത്തിക സഹായം നല്‍കുകയാണ് ഫെല്ലോഷിപ്പിന്‍റെ ലക്ഷ്യം.

അപേക്ഷകര്‍ ബന്ധപ്പെട്ട വിഷയത്തില്‍ പോസ്റ്റ് ഗ്രാജ്വേറ്റ് കോഴ്സിന് അല്ലെങ്കില്‍ പി.എച്ച്.ഡി.ക്ക് രജിസ്റ്റര്‍ ചെയ്തവരാകണം. പൂരിപ്പിച്ച നിര്‍ദ്ദിഷ്ട അപേക്ഷാ ഫോറം ഗവേഷണം നടത്താനുദ്ദേശിക്കുന്ന സര്‍വകലാശാലകള്‍/ സ്ഥാപനങ്ങള്‍/ കോളേജുകള്‍ മുഖാന്തരം

ജോയിന്‍റ് സെക്രട്ടറി (എസ്.എ)

യൂണിവേഴ്സിറ്റി ഗ്രാന്‍റ്സ് കമ്മിഷന്‍.

സൗത്ത് കാമ്പസ്,

ബെനിറ്റോ ജൂവാറെസ് മാര്‍ഗ്

ന്യൂഡല്‍ഹി - 110021

എന്ന വിലാസത്തില്‍ അയച്ചുകൊടുക്കേണ്ടതാണ്. അപേക്ഷയോടൊപ്പം ജാതി/ ഗോത്ര സര്‍ട്ടിഫിക്കറ്റുകള്‍ ഉള്‍പ്പെടെ എല്ലാ സര്‍ട്ടിഫിക്കറ്റുകളുടെയും സാക്ഷ്യപ്പെടുത്തിയ കോപ്പികള്‍ നല്‍കിയിരിക്കണം. കൂടുതല്‍ വിവരങ്ങള്‍ക്ക് സര്‍വകലാശാലകളിലെ എസ്.സി./ എസ്.ടി. വിഭാഗവുമായി ബന്ധപ്പെടുക

ഫുള്‍ബ്രിറ്റ് സ്കോളര്‍ഷിപ്പുകള്‍

അമേരിക്കന്‍ കോളേജുകളില്‍ ബിരുദാനന്തര ബിരുദപഠനത്തിനുളള ഉന്നതമായ സ്കോളര്‍ഷിപ്പാണ് ഫുള്‍ബ്രൈറ്റ് സ്കോളര്‍ഷിപ്പ്. യുണൈറ്റഡ് സ്റ്റേറ്റ്സ് എഡ്യൂക്കേഷന്‍ ഇന്‍ ഇന്ത്യയാണ് ഇതിനുളള അപേക്ഷകള്‍ ക്ഷണിക്കുന്നത്. ബിരുദത്തിന് മികച്ച വിജയവും നേതൃത്വ പാടവവുമുളളവര്‍ക്കാണ് ഫെല്ലോഷിപ്പ് നല്‍കുന്നത്. നാല് വര്‍ഷ ബിരുദ കോഴ്സിന് കുറഞ്ഞത് 55 ശതമാനം മാര്‍ക്കോടെ ബിരുദം നേടിയവര്‍ക്കും മൂന്നു വര്‍ഷബിരുദത്തിനു ശേഷം ബിരുദാനന്തര ബിരുദം പൂര്‍ത്തിയാക്കിയവര്‍ക്കും ഫെല്ലോഷിപ്പിന് അപേക്ഷിക്കാം.

അപേക്ഷകര്‍ക്ക് 25നും 30 നും ഇടയ്ക്ക് പ്രായമുണ്ടായിരിക്കണം. പഠനത്തോടൊപ്പമോ അതിനു ശേഷമോ മൂന്ന് വര്‍ഷത്തില്‍ കുറയാത്ത പ്രവൃത്തി പരിചയം ഉണ്ടായിരിക്കണം.

വിദ്യാഭ്യാസ വായ്പകള്

സ്റ്റേറ്റ് ബാങ്ക് ഓഫ് ഇന്ത്യ

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 10 ലക്ഷവും വിദേശത്ത് 20 ലക്ഷവും.

സമര്‍പ്പിക്കേണ്ട രേഖകള്‍

രക്ഷിതാവിന്‍റെ വരുമാന സര്‍ട്ടിഫിക്കറ്റ്, വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍, കോഴ്സിന്‍റെ ചെലവ്, അപേക്ഷകന് ബാങ്കുമായുളള പണമിടപാടുകള്‍, ജാമ്യം നില്‍ക്കുന്നയാളിന്‍റെ സത്യവാങ്മൂലം, രണ്ട് പാസ്പോര്‍ട്ട് സൈസ് ഫോട്ടോ.

പലിശ നിരക്ക്

നാല് ലക്ഷം വരെ 10.50 ശതമാനം, നാല് ലക്ഷത്തിന് മുകളില്‍ 11.50 ശതമാനം

യോഗ്യത

ഇന്ത്യന്‍ പൗരനായിരിക്കണം. ബിരുദം/ ബിരുദാനന്തരബിരുദം/ പ്രൊഫഷണല്‍/ ടെക്നിക്കല്‍ കോഴ്സുകള്‍ക്ക് അഡ്മിഷന്‍ ലഭിച്ചിരിക്കണം. യു.ജി.സി./ ഗവണ്‍മെന്‍റ്/ എ.ഐ.സി.ടി.ഇ. അംഗീകാരമുള്ളതാവണം കോഴ്സുകള്‍.

ലോണ്‍ തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിനുശേഷം അല്ലെങ്കില്‍ ജോലി ലഭിച്ച് ആറു മാസത്തിന് ശേഷം.

ലോണ്‍ തിരിച്ചടയ്ക്കേണ്ട കാലാവധി

ഇന്ത്യയിലെ പഠനത്തിന് ഒന്നര ലക്ഷം വരെ എടുത്തിട്ടുള്ള വായ്പകള്‍ക്ക് അഞ്ച് മുതല്‍ ഏഴ് വര്‍ഷം വരെ തിരിച്ചടവ് കാലാവധി ലഭിക്കും. ഏഴര ലക്ഷത്തിന് മുകളില്‍ അഞ്ച് മുതല്‍ 10 വര്‍ഷം വരെ ലഭിക്കും. വിദേശത്തെ പഠനത്തിന് 15 ലക്ഷം വരെ എടുത്തിട്ടുള്ള വായ്പകള്‍ക്ക് അഞ്ച് മുതല്‍ ഏഴ് വര്‍ഷം വരെ ലഭിക്കും. 15 ലക്ഷത്തിന് മുകളില്‍ അഞ്ച് മുതല്‍ 10 വര്‍ഷം വരെ ലഭിക്കും.

സ്റ്റേറ്റ് ബാങ്ക് ഓഫ് ട്രാവന്‍കൂര്‍

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 10 ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍, പ്രവേശനം ലഭിച്ച സ്ഥാപനത്തിലെ അധികാരികളുടെ സാക്ഷ്യപത്രം, കോഴ്സിന്‍റെ ചെലവ്, രക്ഷിതാവിന്‍റെ വരുമാനം തെളിയിക്കുന്ന രേഖകള്‍, രണ്ട് പാസ്പോര്‍ട്ട് സൈസ് ഫോട്ടോ

പലിശ നിരക്ക്

നാല് ലക്ഷം വരെ 11.00 ശതമാനവും നാല് ലക്ഷത്തിന് മുകളില്‍ 12.00 ശതമാനവും.

യോഗ്യത

അപേക്ഷകര്‍ ബിരുദം/ ബിരുദാനന്തരബിരുദം/ പ്രൊഫഷണല്‍/ ടെക്നിക്കല്‍ കോഴ്സുകള്‍ അല്ലെങ്കില്‍ അംഗീകൃത വിദേശ യൂണിവേഴ്സിറ്റികള്‍ ഇന്ത്യയില്‍ നടത്തുന്ന കോഴ്സുകള്‍ അല്ലെങ്കില്‍ നാഷണല്‍ ഇന്‍സ്റ്റിറ്റ്യൂട്ടുകള്‍ നടത്തുന്ന കോഴ്സുകള്‍ അല്ലെങ്കില്‍ അംഗീകൃത സ്ഥാപനങ്ങളുടെ ഈവനിംഗ് കോഴ്സുകള്‍ അല്ലെങ്കില്‍ ഡിപ്ലോമ കോഴ്സുകള്‍ അല്ലെങ്കില്‍ യൂണിവേഴ്സിറ്റി അംഗീകരിച്ച കംപ്യൂട്ടര്‍ സര്‍ട്ടിഫിക്കറ്റ് കോഴ്സുകള്‍ അല്ലെങ്കില്‍ നഴ്സിംഗ് ബിരുദം അല്ലെങ്കില്‍ ഐസി.ഡബ്ലിയൂ., സി.എ., സി.എഫ്.എ. അല്ലെങ്കില്‍ അംഗീകൃത വിദേശ യൂണിവേഴ്സിറ്റികളുടെ പ്രൊഫഷണല്‍/ ടെക്നിക്കല്‍ കോഴ്സുകള്‍ ജയിച്ചിരിക്കണം

ലോണ്‍ തിരിച്ചടക്കേണ്ട സമയം

കോഴ്സ് പുര്‍ത്തിയാക്കി ഒരു വര്‍ഷത്തിന് ശേഷം അല്ലെങ്കില്‍ ജോലി ലഭിച്ച് ആറുമാസത്തിനു ശേഷം.

ലോണ്‍ തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ.

ഇന്‍ഡസ്ട്രിയല്‍ ഡവലപ്മെന്‍റ് ബാങ്ക് ഓഫ് ഇന്ത്യ(ഐ.ഡി.ബി.ഐ.)

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 7.5 ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത

പലിശ നിരക്ക്

കാലാവധിക്ക് ശേഷം തുക അടച്ച് തീര്‍ത്തിലെങ്കില്‍ പലിശ നിരക്കില്‍ 1 ശതമാനം വര്‍ദ്ധനവ്

യോഗ്യത

വിദേശ യുണിവേഴ്സിറ്റികളിലേക്ക് ജി.ആര്‍.ഇ., ടോഫല്‍, ജിമാറ്റ് എന്നിവയുടെ സ്കോര്‍. ഇന്ത്യയിലെ ബിരുദ കോഴ്സിന് 75 ശതമാനം മാര്‍ക്ക് വേണം. ബിരുദാനന്തര ബിരുദത്തിന് ഫസ്റ്റ് ക്ലാസ്സ്

തിരിച്ചടയ്ക്കേണ്ട സമയം

കോഴ്സ് കാലാവധിയുള്‍പ്പെടെയുളള അഞ്ച് വര്‍ഷം. ഈ കാലാവധിക്ക് ശേഷം പലിശ നിരക്ക് കൂടും.

സ്റ്റേറ്റ് ബാങ്ക് ഓഫ് ഹൈദരാബാദ്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 7.5 ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

മുന്‍ കാല വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍

പലിശ നിരക്ക്

നാല് ലക്ഷം വരെ 10.5. ശതമാനം, നാല് ലക്ഷത്തിന് മുകളില്‍ 11. 5 ശതമാനം

യോഗ്യത

ഇന്ത്യന്‍ പൗരനായിരിക്കണം.  ഇന്ത്യയിലോ വിദേശത്തോ അംഗീകൃത സ്ഥാപനത്തില്‍ പ്രവേശനം ലഭിച്ചിരിക്കണം

വായ്പ്പതിരിച്ചടയ്ക്കേണ്ട കാലാവധി

കോഴ്സ് പൂര്‍ത്തിയാക്കി അഞ്ച് മുതല്‍ ഏഴ് വര്‍ഷം വരെ

സ്റ്റേറ്റ് ബാങ്ക് ഓഫ് ഇന്‍ഡോര്‍

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 10 ലക്ഷവും വിദേശത്ത് 20 ലക്ഷവും.

സമര്‍പ്പിക്കേണ്ട രേഖകള്‍

വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍

പലിശ നിരക്ക്

നാല് ലക്ഷം വരെ 10.75 ശതമാനം, നാല് ലക്ഷത്തിന് മുകളില്‍ 11.5

യോഗ്യത

ഇന്ത്യന്‍ പൗരനായിരിക്കണം, ഇന്ത്യയിലോ, വിദേശത്തോ അംഗീകൃത സ്ഥാപനത്തില്‍ പ്രൊഫഷണല്‍/ ടെക്നിക്കല്‍ കോഴ്സിന് പ്രവേശനം ലഭിച്ചിരിക്കണം.

വായ്പ തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിന് ശേഷം അല്ലെങ്കില്‍ ജോലി ലഭിച്ച് ആറു മാസത്തിന് ശേഷം

വായ്പ തിരിച്ചടയ്ക്കേണ്ട കാലാവധി

ഇന്ത്യയിലെ പഠനത്തിന് ഏഴര ലക്ഷം വരെ എടുത്തിട്ടുള്ള വായ്പകള്‍ക്ക് അഞ്ച് മുതല്‍ ഏഴ് വര്‍ഷം വരെ തിരിച്ചടവ് കാലാവധി ലഭിക്കും. ഏഴര ലക്ഷത്തിന് മുകളില്‍ അഞ്ച് മുതല്‍ ഏഴ് വര്‍ഷം വരെ ലഭിക്കും. വിദേശത്തെ പഠനത്തിന് 15 ലക്ഷം വരെ എടുത്തിട്ടുള്ള വായ്പകള്‍ക്ക് അഞ്ച് മുതല്‍ ഏഴ് വര്‍ഷം വരെ ലഭിക്കും. 15 ലക്ഷത്തിന് മുകളില്‍ അഞ്ച് മുതല്‍ 10 വര്‍ഷം വരെ ലഭിക്കും.

സ്റ്റേറ്റ് ബാങ്ക് ഓഫ് മൈസൂര്‍

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 10 ലക്ഷവും വിദേശത്ത് 20 ലക്ഷവും.

സമര്‍പ്പിക്കേണ്ട രേഖകള്‍

വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍

പലിശ നിരക്ക്

നാല് ലക്ഷം വരെ - 10.50 ശതമാനം, നാല് ലക്ഷത്തിനു മുകളില്‍ - 11.25 ശതമാനം

യോഗ്യത

ബിരുദം/ ബിരുദാനന്തര ബിരുദം/ പ്രൊഫഷണല്‍/ ഡിപ്ലോമ കോഴ്സുകള്‍ക്ക് അഡ്മിഷന്‍ ലഭിച്ചിരിക്കണം.

ലോണ്‍ തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിനു ശേഷം അല്ലെങ്കില്‍ ജോലി ലഭിച്ച് ആറു മാസത്തിനുശേഷം

ലോണ്‍ തിരിച്ചടക്കേണ്ട കാലാവധി: പരമാവധി നാലു വര്‍ഷം

മറ്റു വിവരങ്ങള്‍: സ്വന്തം നിലയിലും മറ്റ് മൂന്നാം കക്ഷിയുടെ ജാമ്യാപേക്ഷയും വേണം.

ബാങ്ക് ഓഫ് ബറോഡ

ബാങ്ക് ഓഫ് ബറോഡ നാലുതരം വായ്പകള്‍ നല്‍കുന്നു.

1. ബറോഡ വിദ്യ

2. ബറോഡ ഗ്യാന്‍

3. ബറോഡ സ്കോളര്‍

4. ബറോഡ ലോണ്‍ ഫോര്‍ എക്സിക്യൂട്ടീവ് ഡവലപ്മെന്‍റ്

ബറോഡ വിദ്യ

പരമാവധി ലഭിക്കാവുന്ന തുക നാല് ലക്ഷം

പലിശ നിരക്ക്

നാല് ലക്ഷം വരെ 10.5 ശതമാനം, പെണ്‍കുട്ടികള്‍ക്ക് ഒരു ശതമാനം ഇളവ് ലഭിക്കും

യോഗ്യത

ഇന്ത്യന്‍ പൗരത്വമുളളയാളും ഇന്ത്യയില്‍ താമസിക്കുന്നയാളും ആയിരിക്കണം.

അംഗീകൃത സ്കൂള്‍/ ഹൈസ്കൂള്‍/ ജൂനിയര്‍ കോളേജ് (സി.ബി.എസ്.സി./ ഐ.സി.എസ്.സി./ സ്റ്റേറ്റ് ബോര്‍ഡ്) ഇവയിലേതെങ്കിലും അഡ്മിഷന്‍ ലഭിച്ചിരിക്കണം.

കേന്ദ്രസംസ്ഥാന സര്‍ക്കാരുടെ അംഗീകാരമുളള ഈവനിംഗ് കോഴ്സുകളിലെ പഠനത്തിനും ലോണ്‍ ലഭിക്കും.

വായ്പ തിരിച്ചടക്കേണ്ട വിധം

പന്ത്രണ്ട് ഗഡുക്കളായിവായ്പ തിരിച്ചടക്കണം. വായ്പ ലഭിച്ച് പന്ത്രണ്ട് മാസങ്ങള്‍ക്ക് ശേഷം ആദ്യ ഗഡു അടയ്ക്കണം.

ബറോഡ ഗ്യാന്‍

പരമാവധി ലഭിക്കാവുന്ന തുക ഏഴര ലക്ഷം

പലിശ നിരക്ക്

നാല് ലക്ഷം വരെ 10.50 ശതമാനം നാല് ലക്ഷത്തിന് മുകളില്‍ -11.50 ശതമാനം

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, ബിരുദം/ ബിരുദാനന്തരബിരുദം/ പ്രൊഫഷണല്‍/ കോഴ്സുകള്‍ക്ക് പ്രവേശനം ലഭിച്ചിരിക്കണം.

വായ്പ തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിന് ശേഷം അല്ലെങ്കില്‍ ജോലി ലഭിച്ച് ആറുമാസത്തിന് ശേഷം

വായ്പ തിരിച്ചടയ്ക്കേണ്ട കാലാവധി

അഞ്ച് വര്‍ഷം വരെ

ബറോഡ സ്കോളര്‍

പരമാവധി ലഭിക്കാവുന്ന തുക

മൂന്ന് വര്‍ഷം വരെയുളള ബിരുദത്തിനും മറ്റ് കോഴ്സുകള്‍ക്കും 10 ലക്ഷം രൂപയും ബിരുദാനന്തരബിരുദത്തിനും മറ്റ് ഉയര്‍ന്ന കോഴ്സുകള്‍ക്കും 15 ലക്ഷവും വായ്പ ലഭിക്കും.

പലിശ നിരക്ക്

നാല് ലക്ഷം വരെ 10.50 ശതമാനം, നാല് ലക്ഷത്തിന് മുകളില്‍ 11.50 ശതമാനം

യോഗ്യത

ഇന്ത്യന്‍ പൗരനായിരിക്കണം, വിദേശ യൂണിവേഴ്സിറ്റിയിലോ സ്ഥാപനങ്ങളിലോ പ്രവേശനം ലഭിച്ചിരിക്കണം.

വായ്പ തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിനു ശേഷം അല്ലെങ്കില്‍ ജോലി ലഭിച്ച് ആറു മാസത്തിന് ശേഷം

വായ്പ തിരിച്ചടയ്ക്കേണ്ട കാലാവധി

അഞ്ച് വര്‍ഷം

ബറോഡ ലോണ്‍ ഫോര്‍ എക്സിക്യൂട്ടീവ് ഡവലപ്മെന്‍റ്

പരമാവധി ലഭിക്കാവുന്ന തുക എട്ട് ലക്ഷം രൂപയാണ്

പലിശ നിരക്ക്

10.50 ശതമാനം

യോഗ്യത

ഇന്ത്യന്‍ പൗരനായിരിക്കണം, മാനേജ്മെന്‍റില്‍ മൂന്ന് വര്‍ഷത്തെ തൊഴില്‍ പരിചയം, വാര്‍ഷിക വരുമാനം രണ്ട് ലക്ഷത്തില്‍ താഴെയായിരിക്കണം.

കോഴ്സ് യോഗ്യത

ഐ.ഐ.എം.എസ്. നടത്തുന്ന ഫുള്‍ടൈം മാനേജ്മെന്‍റ് കോഴ്സ്

തുക തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി മൂന്ന് മാസം കഴിഞ്ഞ് അല്ലെങ്കില്‍ ജോലി ലഭിക്കുന്ന മാസത്തിന് ശേഷം.

തിരിച്ചടയ്ക്കേണ്ട കാലാവധി

അഞ്ച് വര്‍ഷം വരെ

സെന്‍ട്രല്‍ ബാങ്ക് ഓഫ് ഇന്ത്യ

പരമാവധി ലഭിയ്ക്കാവുന്ന തുക

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് 7.5 ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

അപേക്ഷകന്‍റെ സത്യവാങ്മൂലം, രക്ഷകര്‍ത്താവിന്‍റെ വരുമാന സര്‍ട്ടിഫിക്കറ്റ്,  കോഴ്സിന്‍റെ ചെലവ് കാണിക്കുന്ന രേഖകള്‍

പലിശ നിരക്ക്

ഇന്ത്യയില്‍ പഠനത്തിന് നാല് ലക്ഷം വരെ 12.5 ശതമാനം നാല് ലക്ഷത്തിന് മുകളില്‍ 13 ശതമാനം

വിദേശത്ത് നാല് ലക്ഷം വരെ -12.5 ശതമാനം നാല് ലക്ഷത്തിന് മുകളില്‍ 13 ശതമാനം.

യോഗ്യത

ഇന്ത്യന്‍ പൗരനായിരിക്കണം , പ്രായം 16 നും 28 നും മദ്ധ്യേ

തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിനു ശേഷം അല്ലെങ്കില്‍ ജോലി ലഭിച്ച് ആറു മാസത്തിന് ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

സിന്‍ഡിക്കേറ്റ് ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് അഞ്ച് ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 10 ശതമാനം, നാല് ലക്ഷത്തിന് മുകളില്‍ 9.5 ശതമാനം

യോഗ്യത

പ്രൊഫഷണല്‍/ ടെക്നിക്കല്‍ കോഴ്സിന് എന്‍ട്രന്‍സിലൂടെ അഡ്മിഷന്‍ ലഭിച്ചിരിക്കണം അല്ലെങ്കില്‍ വിദേശ യൂണിവേഴ്സിറ്റിയിലോ സ്ഥാപനങ്ങളിലോ അഡ്മിഷന്‍ ലഭിച്ചിരിക്കണം.

തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിന് ശേഷം അല്ലെങ്കില്‍ ജോലി ലഭിച്ച് ആറുമാസത്തിനു ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

രക്ഷിതാവിന്‍റെ വരുമാന സര്‍ട്ടിഫിക്കറ്റ്, പ്രവേശനം ലഭിച്ചതിന്‍റെ രേഖകള്‍, കോഴ്സിന്‍റെ ചെലവ്

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 11 ശതമാനം നാല് ലക്ഷത്തിന് മുകളില്‍ 12 ശതമാനം

യോഗ്യത

ഇന്ത്യന്‍ പൗരനായിരിക്കണം, ഇന്ത്യയിലോ വിദേശത്തോ പ്രൊഫഷണല്‍/ ടെക്നിക്കല്‍ കോഴ്സിന് അഡ്മിഷന്‍ നേടിയിരിക്കണം.

തിരിച്ചടയ്ക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

ഇന്ത്യന്‍ ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 11  ശതമാനം നാല് ലക്ഷത്തിന് മുകളില്‍ 11.5 ശതമാനം

യോഗ്യത

ഇന്ത്യന്‍ പൗരനായിരിക്കണം, ഇന്ത്യയിലോ വിദേശത്തോ പ്രൊഫഷണല്‍/ ടെക്നിക്കല്‍ കോഴ്സിന് എന്‍ട്രന്‍സ് വഴി അല്ലെങ്കില്‍ മെരിറ്റില്‍ പ്രവേശനം ലഭിച്ചിരിക്കണം.

തിരിച്ചടയ്ക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

ഇന്ത്യന്‍ ഓവര്‍സീസ് ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും.

സമര്‍പ്പിക്കേണ്ട രേഖകള്‍

മാര്‍ക്ക് ഷീറ്റുകള്‍, പ്രവേശനം ഉറപ്പാക്കുന്ന രേഖകള്‍, വരുമാന സര്‍ട്ടിഫിക്കറ്റ്, മേല്‍വിലാസം തെളിയിക്കുന്ന രേഖകള്‍, ഫോട്ടോ

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 11 ശതമാനം നാല് ലക്ഷത്തിന് മുകളില്‍ 12 ശതമാനം

യോഗ്യത

ഇന്ത്യന്‍ പൗരനായിരിക്കണം, ഇന്ത്യയിലോ വിദേശത്തോ പ്രൊഫഷണല്‍/ ടെക്നിക്കല്‍ കോഴ്സിന് അഡ്മിഷന്‍ ലഭിച്ചിരിക്കണം

തിരിച്ചടയ്ക്കേണ്ട സമയം

കോഴ്സ് പൂര്‍ത്തിയാക്കി 6-12 മാസങ്ങള്‍ക്ക് ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

വൈശ്യാ ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും.

പലിശനിരക്ക്

നാല് ലക്ഷം വരെയുള്ള വായ്പകള്‍ക്ക് 12.5 ശതമാനം നാല് ലക്ഷത്തിന് മുകളില്‍ 13.5 ശതമാനം

യോഗ്യത

ഇന്ത്യന്‍ പൗരനായിരിക്കണം, പ്രൊഫഷണല്‍ അല്ലെങ്കില്‍ ടെക്നിക്കല്‍ കോഴ്സിന് എന്‍ട്രന്‍സിലൂടെ പ്രവേശനം നേടിയിരിക്കണം അല്ലെങ്കില്‍ വിദേശ യൂണിവേഴ്സിറ്റികളിലോ സ്ഥാപനങ്ങളിലോ പ്രവേശനം ലഭിച്ചിരിക്കണം.

തിരിച്ചടക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടയ്ക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

ബാങ്ക് ഓഫ് ഇന്ത്യ

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

വിദ്യാഭ്യാസ രേഖകള്‍, പ്രവേശനം ലഭിച്ചതിന്‍റെ രേഖകള്‍

പലിശ നിരക്ക്

15 ലക്ഷം വരെ 10.75 ശതമാനം , വനിതകള്‍ക്ക് 0.50 ശതമാനം ഇളവ് ലഭിക്കും.

സമയ പരിധിക്കുളളില്‍ തുക തിരിച്ചടച്ചാല്‍ സാധാരണ പലിശ മാത്രം

യോഗ്യത

ഇന്ത്യന്‍ പൗരനായിരിക്കണം, ഇന്ത്യയിലോ വിദേശത്തോ പ്രൊഫഷണല്‍ ടെക്നിക്കല്‍ കോഴ്സിന് പ്രവേശന പരീക്ഷയിലൂടെയോ, മെരിറ്റിലോ അഡ്മിഷന്‍ ലഭിച്ചിരിക്കണം.

തിരിച്ചടക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ.

പഞ്ചാബ് ആന്‍ഡ് സിന്ധ് ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, പ്രൊഫഷണല്‍ അല്ലെങ്കില്‍ ടെക്നിക്കല്‍ കോഴ്സിന് എന്‍ട്രന്‍സിലൂടെയോ അല്ലെങ്കില്‍ മെരിറ്റിലോ അഡ്മിഷന്‍ നേടിയിരിക്കണം.

തിരിച്ചടക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

പഞ്ചാബ് നാഷണല്‍ ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, കോഴ്സിന്‍റെ ചെലവ് തെളിയിക്കുന്ന രേഖകള്‍, വിദ്യാഭ്യാസ യോഗ്യത

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 10.75 ശതമാനം

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, പ്രൊഫഷണല്‍ അല്ലെങ്കില്‍ ടെക്നിക്കല്‍ കോഴ്സിന് എന്‍ട്രന്‍സിലുടെയോ സെലക്ഷനിലൂടെയോ പ്രവേശനം നേടിയിരിക്കണം. വിദേശ യൂണിവേഴ്സിറ്റിയിലോ സ്ഥാപനങ്ങളിലോ അഡ്മിഷന്‍ ലഭിച്ചിരിക്കണം.

തിരിച്ചടക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

തിരിച്ചടക്കേണ്ട കാലാവധി

അഞ്ച് മുതല്‍ ഏഴ് വര്‍ഷം വരെ

 

ഫെഡറല്‍ ബാങ്ക്

പരമാവധി ലഭിക്കാവുന്ന തുക

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, പ്രൊഫഷണല്‍ അല്ലെങ്കില്‍ ടെക്നിക്കല്‍ കോഴ്സിന് പ്രവേശന പരീക്ഷയലൂടെയോ മെരിറ്റിലുടെയോ അഡ്മിഷന്‍ നേടിയിരിക്കണം. സ്ഥാപനങ്ങള്‍ അംഗീകാരമുളളവയായിരിക്കണം.

തിരിച്ചടക്കേണ്ട സമയം

തുക ലഭിച്ച് അഞ്ച് മുതല്‍ ഏഴ് വര്‍ഷത്തിനുളളില്‍ തുല്യഗഡുക്കളായി അടച്ച് തീര്‍ക്കണം

തിരിച്ചടക്കേണ്ട കാലാവധി

കോഴ്സ് കാലാവധി കഴിഞ്ഞ് അഞ്ച് മുതല്‍ ഏഴ് വര്‍ഷം വരെ

ദി സൗത്ത് ഇന്ത്യന്‍ ബാങ്ക്

വിജ്ഞാന്‍പ്രദാന്‍ സ്കീം

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് അഞ്ച് ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

ലോണിന് അപേക്ഷിക്കുന്ന വിദ്യാര്‍ത്ഥിയുടെ പേരില്‍ കുറഞ്ഞത് ലോണെടുക്കുന്ന തുകയ്ക്കുളള എല്‍.ഐ.സി.  നിരക്ക് 12 ശതമാനം

യോഗ്യത

പ്രൊഫഷണല്‍ ടെക്നിക്കല്‍ കോഴ്സിന് അഡ്മിഷന്‍ നേടിയിരിക്കണം. കോഴ്സിന്‍റെ പ്രവേശന പരീക്ഷയുള്‍പ്പെടെ എല്ലാ പരീക്ഷകള്‍ക്കും 55 ശതമാനം മാര്‍ക്ക് നേടിയിരിക്കണം.

തിരിച്ചടക്കേണ്ട സമയം

ജോലി ലഭിച്ച് ആറുമാസത്തിന് ശേഷം  അല്ലെങ്കില്‍ അവസാനപരീക്ഷ കഴിഞ്ഞ് ഒരു വര്‍ഷത്തിനകം

മറ്റ് വിവരങ്ങള്‍

പ്രൊഫഷണല്‍ ടെക്നിക്കല്‍ കോഴ്സുകള്‍ക്ക് മാത്രമാണ് വായ്പ നല്‍കുന്നത്

ഓറിയന്‍റല്‍ ബാങ്ക് ഓഫ് കൊമേഴ്സ്

പരമാവധി ലഭിയ്ക്കാവുന്ന തുക

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത

പലിശ നിരക്ക്

10 ശതമാനം

യോഗ്യത

ഇന്ത്യന്‍ പൗരനായിരിക്കണം, 45 വയസ്സിന് താഴെയായിരിക്കണം പ്രായം. പ്രവേശനം അംഗീകൃത യൂണിവേഴ്സിറ്റിയുടെ കോഴ്സിനായിരിക്കണം

തിരിച്ചടക്കേണ്ട സമയം

കോഴ്സ് കാലാവധി കഴിഞ്ഞ് ഒരു വര്‍ഷം അല്ലെങ്കില്‍ ജോലി ലഭിച്ച് ആറു മാസത്തിനു ശേഷം

ബാങ്ക് ഓഫ് മഹാരാഷ്ട്ര

പരമാവധി ലഭിക്കാവുന്ന തുക

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

ഇന്ത്യന്‍ പൗരത്വം തെളിയിക്കുന്ന രേഖകള്‍, പ്രവേശന പരീക്ഷയിലൂടെ കോഴ്സിന് പ്രവേശനം ലഭിച്ച രേഖകള്‍ അല്ലെങ്കില്‍ വിദേശ യൂണിവേഴ്സിറ്റിയിലോ വിദ്യാഭ്യാസ സ്ഥാപനങ്ങളിലോ അഡ്മിഷന്‍ ലഭിച്ചതിന്‍റെ രേഖകള്‍.

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 11.5 ശതമാനം നാല് ലക്ഷത്തിന് മുകളില്‍ 12.25 ശതമാനം

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, പ്രൊഫഷണല്‍ അല്ലെങ്കില്‍ ടെക്നിക്കല്‍ കോഴ്സിന് പ്രവേശന പരീക്ഷയിലൂടെ അഡ്മിഷന്‍ ലഭിച്ചിരിക്കണം അല്ലെങ്കില്‍ വിദേശ യൂണിവേഴ്സിറ്റിയിലോ സ്ഥാപനത്തിലോ അഡ്മിഷന്‍ ലഭിച്ചിരിക്കണം

തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിന് ശേഷം അല്ലെങ്കില്‍ ജോലി ലഭിച്ച് ആറുമാസത്തിന് ശേഷം

തിരിച്ചടക്കേണ്ട കാലാവധി

അഞ്ച് വര്‍ഷം

കാനറാ ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത, മറ്റ് വിദ്യാഭ്യാസ രേഖകള്‍

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 10.75 ശതമാനം നാല് ലക്ഷത്തിന് മുകളില്‍ 11.75 ശതമാനം

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, സംസ്ഥാന/ കേന്ദ്രസര്‍ക്കാരുകളുടെ അംഗീകാരമുളള കോഴ്സുകള്‍ക്ക് അഡ്മിഷന്‍ ലഭിച്ചിരിക്കണം.

വായ്പ തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷതിതിന് ശേഷം, ജോലി ലഭിച്ച് ആറുമാസത്തിന് ശേഷം

തിരിച്ചടക്കേണ്ട കാലാവധി

കോഴ്സ് കാലാവധി കഴിഞ്ഞ് അഞ്ച് മുതല്‍ ഏഴ് വര്‍ഷം വരെ

കാത്തലിക് സിറിയന്‍ ബാങ്ക്

പരമാവധി ലഭിക്കാവുന്ന തുക ഇന്ത്യയിലെ പഠനത്തിന് ഏഴര ലക്ഷവും വിദേശത്ത് 15 ലക്ഷവും

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, വിദ്യാഭ്യാസ യോഗ്യത തെളിയിക്കുന്ന രേഖകള്‍

പലിശ നിരക്ക്

നാല് ലക്ഷം വരെയുള്ള വായ്പകള്‍ക്ക് 12 ശതമാനം നാല് ലക്ഷത്തിന് മുകളില്‍ 12.50 ശതമാനം

യോഗ്യത

ഇന്ത്യന്‍ പൗരത്വം ഉണ്ടായിരിക്കണം, പ്ലസ്ടു, ബിരുദം, അല്ലെങ്കില്‍ ബിരുദാനന്തര കോഴ്സുകള്‍ക്ക് പ്രവേശനം നേടിയിരിക്കണം അല്ലെങ്കില്‍ ഇന്ത്യയിലോ വിദേശത്തോ ഉള്ള പ്രൊഫഷണല്‍ കോഴ്സുകള്‍ക്ക് പ്രവേശന പരീക്ഷ യിലൂടെ അഡ്മിഷന്‍ ലഭിച്ചിരിക്കണം

തിരിച്ചടക്കേണ്ട സമയം

കോഴ്സ് പൂര്‍ത്തിയാക്കി ഒരു വര്‍ഷത്തിനുളളില്‍ അല്ലെങ്കില്‍ ജോലി ലഭിച്ച് ആറു മാസത്തിനകം

തിരിച്ചടക്കേണ്ട കാലാവധി

പരമാവധി 40 മാസം

ഹൗസിംഗ് ഡവലപ്പ്മെന്‍റ് ഫിനാന്‍സ് കോര്‍പറേഷന്‍ ലിമിറ്റഡ്(എച്ച്.ഡി.എഫ്.സി.)

പരമാവധി ലഭിയാക്കാവുന്ന തുക രണ്ട് ലക്ഷം

സമര്‍പ്പിക്കേണ്ട രേഖകള്‍

പ്രവേശനം ലഭിച്ചതിന്‍റെ രേഖകള്‍, അവസാനം പഠിച്ച കോഴ്സിന്‍റെ വിശദവിവരങ്ങള്‍

പലിശ നിരക്ക്

പലിശ നിരക്ക് 12 സെക്യൂരിറ്റിയോടുകൂടി ശതമാനവും സെക്യൂരിറ്റിയില്ലാതെ 13 ശതമാനവുമാണ്

യോഗ്യത

ഇന്ത്യന്‍ പൗരനായിരിക്കണം, നല്ല പഠന നിലവാരം ഉള്ളയാളായിരിക്കണം

തിരച്ചടയ്ക്കേണ്ട സമയം

കോഴ്സ് പൂര്‍ത്തിയാക്കിയതിനുശേഷം.

3.32
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top