പ്രവര്‍ത്തനങ്ങള്‍
സര്‍ക്കാരിന്റെ വരുമാനം പലതരത്തിലുള്ള നികുതികളാണ്. പല ഡിപ്പാര്‍ട്ട്മെന്റില്‍കൂടി സര്‍ക്കാര്‍ നികുതികള്‍ പിരിച്ചെടുക്കുന്നു റവന്യ വകുപ്പ് മുഖേന ഭൂനികുതി, തോട്ടനികുതി, കെട്ടിട നികുതി, ആഢംബര നികുതി, ജലനികുതി, കര്‍ഷകത്തൊഴിലാളി ക്ഷേമനിധി , സര്‍ക്കാര്‍ കാലാകാലങ്ങളില്‍ ചുമത്തുന്ന നികുതികള്‍ എന്നിവ പിരിച്ചെടുക്കുന്നു.
ഭുനികുതി
ലാന്‍റ് റവന്യു കമമീഷണറുടെ 14-06-2012 ലെ എല്‍.ആര്‍.ബ3- 11432/2012 സര്‍ക്കുലര്‍ പ്രകാരം സംസ്ഥാനത്ത് നിലവിലുള്ള ഭൂനികുതികള്‍ താഴെ വിവരിക്കും പ്രകാരമാണ്.
| കോര്‍പ്പറേഷന്‍ | 2 ആര്‍ വരെ |
1 ആറിന് 4/- രൂപ |
| 2 ആറിന് മുകളില്‍ |
1 ആറിന് 8/- രൂപ | |
| മുനിസിപ്പാലിറ്റി /ടൗണ്‍ഷിപ്പ് | 6 ആര്‍ വരെ | 1 ആറിന് 2/- രൂപ |
| 6 ആറിന് മുകളില്‍ |
1 ആറിന് 4/- രൂപ | |
| പഞ്ചായത്ത് | 20 ആര്‍ വരെ |
1 ആറിന് 1/- രൂപ |
തോട്ട നികുതി
1987 ലെ കേരള സംസ്ഥാന ധനവകുപ്പ് പുറപ്പെടുവിച്ചിട്ടുള്ള ഉത്തരവിന്‍ പ്രകാരം തോട്ട വിളകളുടെ നികുതി നിരക്കുകള്‍ താഴെ ചേര്‍ക്കുന്നു. (തോട്ടവിളകളായി അംഗീകരിച്ചിട്ടുള്ളത് തെങ്ങ്, കമുങ്ങ്, റബ്ബര്‍, ഏലം, കുരുമുളക് എന്നിവയാകുന്നു)
| ഇനം | നികുതി | |
| 1 |
ആകെ പ്ലാന്റേഷന്‍ വിസ്തീര്‍ണ്ണം 2 ഹെക്ടറില്‍ കുറവുള്ള തോട്ടം ഉടമയ്ക്ക് (കമുങ്ങും തെങ്ങും ഒഴികെ) |
നികുതി ഇല്ല |
| 2 | 4 ഹെ. കുറവുള്ള തെങ്ങും കമുങ്ങും ഉള്ള തോട്ടം |
നികുതി ഇല്ല |
| 3 |
ആകെ പ്ലാന്റേഷന്‍ വിസ്തീര്‍ണ്ണം 2ഹെ . മുതല്‍4 ഹെ വരെയുള്ള തോട്ടം(കമുങ്ങ്, തെങ്ങ് ഒഴികെ) |
2 ഹെ കൂടുതലുള്ള ഓരോ ഹെക്ടറിനും 100 രൂപ പ്രകാരം |
| 4 | ആകെ പ്ലാന്റേഷന്‍ വിസ്തീര്‍ണ്ണം 4 ഹെ . മുതല്‍ 8ഹെ വരെയുള്ള തോട്ടം ഉടമയ്കക്ക് |
തെങ്ങും കമുങ്ങും ഒഴികെ 2 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 150 രൂപ പ്രകാരം. തെങ്ങിനും കമുങ്ങിനും 4 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 150 രൂപ പ്രകാരം |
| 5 |
ആകെ പ്ലാന്റേഷന്‍ വിസ്തീര്‍ണ്ണം 8 ഹെ. മുതല്‍ 15 ഹെ. കുറവുള്ള തോട്ടം ഉടമയ്ക്ക് |
തെങ്ങും കമുങ്ങും ഒഴികെ 2 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 200 രൂപ പ്രകാരം. തെങ്ങിനും കമുങ്ങിനും 4 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 250 രൂപ പ്രകാരം |
| 6 | ആകെ പ്ലാന്റേഷന്‍ വിസ്തീര്‍ണ്ണം 15 ഹെ.മേല്‍ 25 ഹെ.താഴെയുള്ള തോട്ടം |
തെങ്ങും കമുങ്ങും ഒഴികെ 2 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 250 രൂപ പ്രകാരം. തെങ്ങിനും കമുങ്ങിനും 4 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 250 രൂപ പ്രകാരം |
| 7 |
ആകെ പ്ലാന്റേഷന്‍ വിസ്തീര്‍ണ്ണം 25 ഹെ. കൂടുതലുള്ള തോട്ടം | തെങ്ങും കമുങ്ങും ഒഴികെ 2 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 350 രൂപ പ്രകാരം. തെങ്ങിനും കമുങ്ങിനും 4 ഹെ. വരെ നികുതി ഇല്ല. ബാക്കിയുള്ള ഓരോ ഹെക്ടറിനും 350 രൂപ പ്രകാരം |
പ്ലാന്റേഷന്‍ വിസ്തീര്‍ണ്ണം കണക്കാക്കുന്ന രീതി ചുവടെ ചേര്‍ക്കുന്നു.
| തെങ്ങിന്‍ തോട്ടം |
കായ്ഫലമുള്ള തെങ്ങുകളുടെ എണ്ണം /150 |
| കമുങ്ങിന്‍ തോട്ടം |
കായ്ഫലമുള്ള കമുങ്ങുകളുടെ എണ്ണം/1200 |
| റബ്ബര്‍ തോട്ടം |
വിള നല്‍കുന്ന മരങ്ങളുടെ എണ്ണം/400 |
| കാപ്പിത്തോട്ടം | വിളനല്‍കുന്ന കാപ്പിച്ചെടുകളുടെ എണ്ണം/1200 |
| കുരുമുളക് | കായ്ഫലങ്ങളുടെ ചെടികളുടെ എണ്ണം/750 |
| തേയില/ഏലം | വിള നല്‍കുന്ന തോട്ടത്തിന്റെ അസ്സല്‍ വിസ്തീര്‍ണ്ണം |
| മേല്‍ പറഞ്ഞ വിസ്തീര്‍ണ്ണങ്ങളെല്ലാം ഹെക്ടറിലായിരിക്കും | |
തോട്ട നികുതി ചുമത്തിയതില്‍ ആക്ഷേപമുള്ള പക്ഷം റവന്യു ഡിവിഷണല്‍ ഓഫീസര്‍ മുമ്പാകെ ഹരജി ബോധിപ്പിക്കാവുന്നതാണ്.
റവന്യു റിക്കവറി
നികുതി ഇനത്തിലോ മറ്റിതര ഇനങ്ങളിലോ സര്‍ക്കാരിലേക്ക് അടക്കാനുള്ള തുക യഥാസമയം ഒടുക്കുന്നതില്‍ വീഴ്ച വരുത്തിയാല്‍ ,അത് കുടിശ്ശികയായി കണക്കാക്കി, കുടിശ്ശികയായ തീയ്യതി മുതലുള്ള പലിശ സഹിതം ഈടാക്കുന്നതിന് 1968 ലെ കേരള റവന്യൂ റിക്കവറി നിയമവും അതിന്‍മേലുള്ള ചട്ടങ്ങളും സര്‍ക്കാരിന് അധികാരം നല്‍കുന്നു. സര്‍ക്കാരിലേക്ക് ലഭിക്കേണ്ട ഏതു തുകയും കുടിശ്ശികയായാല്‍, അത് ഭൂമിയിന്‍മേല്‍ ചുമത്തപ്പെടുന്ന പബ്ലിക് റവന്യു കുടിശ്ശികയായി കണക്കാക്കിയാണ് ടി നിയമപ്രകാരം ഈടാക്കുന്നത്. ഭുമിയിന്‍മേല്‍ ചുമത്തപ്പെടുന്ന പബ്ലിക് റവന്യു എന്നത് ഭൂ നികുതി മാത്രമല്ല മറ്റു നികുതികളും, ഫീസ്, സെസ്സ് , വെള്ളക്കരം എന്നിവയും ഉള്‍പ്പെടും. സര്‍ക്കാരിലേക്ക് ഒടുക്കേണ്ട ഏതു തുകയും കുടിശ്ശികയായാല്‍ ടി നിയമപ്രകാരം ഈടാക്കുന്നതിന് 68 ം വകുപ്പ് അധികാരപ്പെടുത്തുന്നു. ടി നിയമത്തിലെ 71 ം വകുപ്പ് പ്രകാരം സര്‍ക്കാര്‍ കാലാകലങ്ങളില്‍ വിജ്ഞാപനപ്പെടുത്തുന്ന സ്ഥാപനങ്ങളിലേക്കുള്ള കുടിശ്ശിക തുകയും ഈ നിയമത്തിന് പരിധിയില്‍വരുന്നതാണ്.
കുടിശ്ശിക തുക ഒടുക്കുന്നതില്‍ വീഴ്ച വരുത്തിയ വ്യക്തി മാത്രമല്ല ജാമ്യക്കാരനും സര്‍ക്കാരിനെ സംബന്ധിച്ച് കുടിശ്ശികക്കാരന്‍ തന്നെയാണ്.
തുക അടവാക്കുന്നതിന് വീഴ്ച വരുത്തുന്ന പക്ഷം , കുടിശ്ശികതുകയും, പലിശയും, മറ്റ് ചിലവുകളുമുള്‍പ്പടെ താഴെ പറയുന്ന ഒന്നോ അതിലധികമോ മാര്‍ഗ്ഗങ്ങളിലൂടെ ഈടാക്കാന്‍ 5 ം വകുപ്പ് അനുശാസിക്കുന്നു.
- (എ).ജംഗമ സ്വത്ത് ജപ്തി ചെയ്ത് ലേല വില്‍പന നടത്തി
- (ബി) സ്ഥാവര സ്വത്ത് ജപ്തി ചെയ്ത് ലേല വില്‍പന നടത്തി
- (സി) സ്ഥാവര സ്വത്തിന്റെ ഭരണ കതൃത്വത്തിന് ഏജന്റിനെ നിയമിച്ച്.
- (ഡി) കുടിശ്ശികക്കാരനെ അറസ്റ്റുചെയ്ത് തടവില്‍ പാര്‍പ്പിച്ച്
റവന്യു വകുപ്പിന്റെ 29.05.2012 ലെ ജി.ഒ (എം.എസ്) 217/12/ ആര്‍.ഡി നമ്പര്‍ പ്രകാരം മുഖ്യമന്ത്രി, റവന്യുവകുപ്പ് മന്ത്രി, ജില്ലാ കലക്ടര്‍ എന്നവര്‍ക്ക് റവന്യു റിക്കവറി കേസുകളില്‍ സ്റ്റേ അനുവദിക്കാനുള്ള അധികാര പരിധി താഴെ പറയും പ്രകാരം പുനര്‍നിര്‍ണ്ണയിച്ചിരിക്കുന്നു.
| ജില്ലാ കലക്ടര്‍ |
50000 രുപ വരെ |
| റവന്യ വകുപ്പ് മന്ത്രി |
200000 രുപ വരെ |
| റവന്യു വകുപ്പ് മന്ത്രി ( ധനകാര്യ വകുപ്പ് മന്ത്രിയുടെ അനുമതിയോടെ) | 2,00,000 മുതല്‍ 5,00,000 രൂപ വരെ |
| മുഖ്യമന്ത്രി | 5,00,000 രൂപക്ക് മുകളില്‍ |
സ്റ്റേ (ഗഡു) അനുവദിച്ച് കിട്ടുന്നതിന് 5 രുപയുടെ കോര്‍ട്ട് ഫീ സ്റ്റാപ് പതിപ്പിച്ച അപേക്ഷയും, ഡിമാന്റ് നോട്ടീസിന്റെ അസ്സലും സഹിതം അപേക്ഷസമര്‍പ്പിക്കണം. ഗഡുതുക വീഴ്ചവരുത്തുന്ന പക്ഷം കുടിശ്ശികതുക മൊത്തമായി അടവാക്കേണ്ടതാണ്.
ജംഗമ വസ്തുക്കള്‍ ജപ്തി ചെയ്തയക്കുമ്പോള്‍ തയ്യാറേക്കേണ്ട മഹസ്സറിന്റെ മാതൃക
സ്ഥാവര വസ്തുക്കള്‍ ജപ്തി ചെയ്തയക്കുമ്പോള്‍ തയ്യാറേക്കേണ്ട മഹസ്സറിന്റെ മാതൃക
സര്‍ക്കാര്‍ ഭൂമി സംരക്ഷണം
സര്‍ക്കാര്‍ ഭൂമിയിലെ അനധികൃത കൈയ്യേറ്റം
സര്‍ക്കാര്‍ ഭൂമിയിലെ അനധികൃത കൈയ്യേറ്റങ്ങള്‍ തടയേണ്ടതും അഥവാ കയ്യേറിയിട്ടുണ്ടെങ്കില്‍ അവ ഒഴിപ്പിക്കുന്നതിന് ഭൂസംരക്ഷണ നിയമപ്രകാരമുള്ള നടപടികളെടുത്ത് തഹസില്‍ദാര്‍ക്ക് റിപ്പോര്‍ട്ട് ചെയ്യേണ്ടതാണ്.
വിവിധ തരത്തിലുള്ള കൈയ്യേറ്റങ്ങള്‍
-
അനുമതി കൂടാതെ സര്‍ക്കാര്‍ വക ഭൂമിയില്‍ ഏതെങ്കിലും മതിലോ,വേലിയോ,കെട്ടിടമോ നിര്‍മ്മിക്കുകയോ സ്ഥിരമായോ, താല്‍ക്കാലികമായോ മറ്റേതെങ്കിലും നിര്‍മ്മാണപ്രവര‍ത്തനം നടത്തുകയോ ചെയ്യുക.
-
നിയമവിധേയമല്ലാതെ സര്‍ക്കാര്‍ ഭൂമിയുടെ ഉപരിഭാഗത്തേക്ക് തള്ളിനില്‍ക്കുന്നതോ തൂങ്ങിക്കിടക്കുന്നതോ ആയവിധത്തില്‍ മതിലോ,വേലിയോ, കെട്ടിടമോ നിര്‍മ്മിക്കുകയോ സ്ഥിരമായോ, താല്‍ക്കാലികമായോ മറ്റേതെങ്കിലും നിര്‍മ്മാണപ്രവര‍ത്തനം നടത്തുകയോ ചെയ്യുക.
-
സര്‍ക്കാരില്‍നിന്നോ അധികാരമുള്ള ഉദ്യോഗസ്ഥനില്‍നിന്നോ ലഭിച്ച അനുമതിയുടെ വ്യവസ്ഥകള്‍ക്ക് വിധേയമല്ലാതെ സര്‍ക്കാര്‍ ഭൂമിയില്‍നിന്നും മണ്ണ്, മണല്‍, ചല്ലി,ചരല്‍, കരിങ്കല്ല്, വെട്ടുകല്ല്, കക്ക തുടങ്ങിയ വിലപിടിപ്പുള്ളവ കടത്തുക
-
സര്‍ക്കാര്‍ വക വൃക്ഷങ്ങള്‍ നശിപ്പിക്കുകയോ, നിയമവിരുദ്ധമായി സ്വന്തമാക്കാന്‍ ശ്രമിക്കുകയോ ചെയ്യുക.
-
സര്‍ക്കാര്‍ വക ഭൂമിയില്‍ അനധികൃതമായി പ്രവേശിച്ച് താമസം ഉറപ്പിക്കുക
ഏതെങ്കിലും അനധികൃത കയ്യേറ്റം ശ്രദ്ധയില്‍പെട്ടാല്‍ ഭൂസംരക്ഷണ ചട്ടങ്ങളിലെ4(ii) ചട്ടപ്രകാരം എ ഫോറത്തിലുള്ള റിപ്പോര്‍ട്ട്, അനധികൃതമായി പ്രവേശിച്ച സ്ഥലത്തിന്റെ സ്കെച്ചും മഹസ്സറും സഹിതം വില്ലേജ് ഓഫീസര്‍ തഹസില്‍ദാര്‍ക്ക് സമര്‍പ്പിക്കേണ്ടതാണ്.
സര്‍ക്കാര്‍ ഭൂമിയില്‍നിന്നും ആരെങ്കിലും വൃക്ഷങ്ങള്‍ മുറിച്ചതോ, വിറക്, മണ്ണ്, മണല്‍ ,ചല്ലി,ചരല്‍ ,കരിങ്കല്ല്, വെട്ടുകല്ല് , തുടങ്ങി ഏതെങ്കിലും കടത്തിക്കൊണ്ട് പോകുന്നതായി കണ്ടാല്‍ അവ പിടിച്ചെടുക്കേണ്ടതും വിറ്റ് ഖജനാവിലേക്ക് മുതല്‍ കൂട്ടുന്നതിന് ബന്ധപ്പെട്ട തഹസില്‍ദാര്‍ക്ക് AA ഫോറത്തില്‍ റിപ്പോര്‍ട്ടയക്കേണ്ടതാണ്. AA ഫോറത്തിനോടൊപ്പം പിടിച്ചെടുത്ത സാധനങ്ങളുടെ വിശദമായ മഹസ്സറും ബി.റ്റി.ആര്‍ പകര്‍പ്പും കൂടെ ഉള്ളടക്കം ചെയ്തിരിക്കണം.തഹസില്‍ദാര്‍ വില്‍പന നടത്തുന്നതുവരെ ടി സാധനങ്ങള്‍ നഷ്ടം വരാതെ സൂക്ഷിക്കുന്നത് വിശ്വസ്തനായ ഒരാള്‍ പക്കം മൂന്നാം സ്ഥാനം ഏല്‍പിക്കേണ്ടതാണ്.
വില്ലേജ് ഓഫീസറുടെ റിപ്പോര്‍ട്ടിന്റെ അടിസ്ഥാനത്തില്‍ കയ്യേറ്റക്കാരന് കുറ്റക്കാരനെന്നു തെളിഞ്ഞാല്‍ തഹസില്‍ദാര്‍ക്ക് ഭൂസംരക്ഷണ നിയമത്തിലെ6,7,8,9,10,& 11 വകുപ്പുകള്‍ പ്രകാരം താഴെ പറയുന്ന ഒന്നോ അതിലധികമോ ശിക്ഷകള്‍ നല്കാവുന്നതാണ്. 1. പിഴ, 2) നികുതി/നിരോധനകരം, 3) നഷ്ടപരിഹാരം4) വിളകണ്ടുകെട്ടല്‍ 5) ഒഴിപ്പിക്കല്‍
ഒഴിപ്പിക്കല്‍ നടപടി അനുസരിക്കാതിരിക്കുകയോ തടസ്സപ്പെടുത്തുകയോ ചെയ്താല്‍
വകുപ്പ് 11(1) പ്രകാരമുള്ള ഉത്തരവനുസരിച്ചുള്ള ഒഴിപ്പിക്കല്‍ നടപടിയെ തടസ്സപ്പെടുത്തുകയോ, ടി ഉത്തരവ് അനുസരിക്കാതിരിക്കുകയോ ചെയ്താല്‍ ഇക്കാര്യത്തെ സംബന്ധിച്ച് തഹസില്‍ദാര്‍ ഒരു 'Summary Enquiry' നടത്തേണ്ടതൂം അപ്രകാരം അന്വേഷണം നടത്തുമ്പോള്‍ ഒഴിപ്പിക്കലിന് തടസ്സം നില്‍ക്കുന്നുയെന്ന് ബോധ്യപ്പെട്ടാല്‍ ടി തടസ്സക്കാരനെ അറസ്റ്റുചെയ്ത് മുമ്പാകെ ഹാജരാക്കുന്നതിന് ഡി ഫോറത്തിലുള്ള ഒരു വാറണ്ട് പുറപ്പെടുവിക്കേണ്ടതാണ്. അപ്രകാരം വാറണ്ടനുസരിച്ച് അറസ്റ്റ്ചെയ്ത് ഹാജരാക്കുമ്പോള്‍ തഹസില്‍ദാര്‍ ഒരു 'Summary Enquiry' കൂടി നടത്തി തടസ്സം ഉണ്ടാക്കാതിരിക്കുന്നതിനുവേണ്ടി 30 ദിവസം അധികരിക്കാത്ത കാലത്തേക്ക് ടിയാനെ സിവില്‍ ജയിലിലേക്ക് അയക്കേണ്ടതാണ്. [ S.11(2) & R 12].
11(2) വകുപ്പില്‍ പറയുന്ന നടപടി ക്രമങ്ങള്‍ പാലിക്കാതെയുള്ള ഒഴിപ്പിക്കല്‍
അനധികൃതമായി കയ്യേറിയ ഭൂമി അടിയന്തിരമായി ഒഴിപ്പിക്കേണ്ടതാണന്ന് തഹസില്‍ദാര്‍ക്ക് ഉത്തമ വിശ്വാസം വന്നാല്‍ 11(2) വകുപ്പില്‍ പറയുന്ന നടപടിക്രമങ്ങള്‍ പാലിക്കാതെ തന്നെ ഒഴിപ്പിച്ചെടുത്കാവുന്നതാണ്. പൊതു താല്‍പര്യത്തിന് ഈ സ്ഥലം അടിയന്തിരമായി ഒഴിപ്പിച്ചെടുക്കേണ്ടതിന്റെ ആവശ്യകതയെ സംബന്ധിച്ച കാരണങ്ങള്‍ രേഖപ്പെടുത്തിയതിനുശേഷം കയ്യേറ്റക്കാരന് നോട്ടീസ് (CC ഫോറം ) നല്‍കേണ്ടതുമാണ്. ടി നോട്ടീസിന്റെ അടിസ്ഥാനത്തില്‍ വിട്ടൊഴിഞ്ഞ് പോയില്ലെങ്കില്‍ ബലം പ്രയോഗിച്ച് ഒഴിപ്പിക്കേണ്ടതാണ്.
വില്ലേജ് ഓഫീസില്‍ നിന്നും ഭൂമി സംബന്ധമായ റിപ്പോര്‍ട്ടു നല്‍കുമ്പോള്‍ ഏക്കര്‍, സെന്‍റ്,അടി തുടങ്ങിയ നോണ്‍മെട്രിക് അളവുകള്‍ ഉപയോഗിക്കരുത്. ഹെക്ടര്‍, ആര്‍ ച.മീ.മുതലായ മെട്രിക് അളവുകള്‍ മാത്രമേ ഉപയോഗിക്കാവൂ.
കെട്ടിട നികുതി
1975 ലെ കേരള കെട്ടിട നിയമ പ്രകാരം 01-04-1974 ന് ശേഷം പണി പൂര്‍ത്തീകരിച്ചിട്ടുള്ളതോ, കൂട്ടിച്ചേര്‍ക്കലുകള്‍ വരുത്തിയിട്ടുള്ളതോ ആയ കെട്ടിടത്തിന് നികുതി ഒടുക്കേണ്ടതാണ്. നിലവില്‍ കെട്ടിടത്തിന്‍െ തറവിസ്തീര്‍ണ്ണം അടിസ്ഥാനപ്പെടുത്തിയാണ് നികുതി നിര്‍ണ്ണയിക്കേണ്ടത്. 30-07-1996 മുതല്‍ പുതിയ നിരക്ക് പ്രാഭല്യത്തില്‍ ഉണ്ട്.
കെട്ടിട നികുതിക്ക് പുറമെ 278.7 ച.മീ. കൂടുതല്‍ തറവിസ്തീര്‍ണ്ണമുള്ള വാസഗൃഹങ്ങള്‍ക്ക് അവ 01-04-1999 നോ അതിനുശേഷമോ പൂര്‍ത്തിയാക്കുകയോ, കൂട്ടിച്ചേര്‍ക്കലുകള്‍ നടത്തുകയോ ചെയ്തിട്ടുള്ളവയാണങ്കില്‍ പ്രതിവര്‍ഷം 2000 രൂപ എന്ന ക്രമത്തില്‍ ആഡംബര നികുതി കൂടി ചുമത്തുന്നതാണ്. ആഡംബര നികുതി മുന്‍കൂര്‍ അടവാക്കേണ്ടതാണ്. കെട്ടിട ഉടമ കെട്ടിടത്തിന്‍റെ പണി പൂര്‍ത്തീകരിക്കുകയോ, താമസം തുടങ്ങുകയോ ഏതാണ് ആദ്യം മെങ്കില്‍ അന്നേദിവസം നികുതി നിശ്ചയിക്കുന്നതിന് തഹസില്‍ദാര്‍ മുമ്പാകെഫോറം 2 റിട്ടേണ്‍ സമര്‍പ്പിക്കേണ്ടതാണ് .
കെട്ടിട നികുതി ചുമത്തിക്കൊണ്ടുള്ള തഹസില്‍ദാരുടെ ഉത്തരവിനെതിരെ റവന്യു ഡിവിഷണല്‍ ഓഫീസര്‍ മുമ്പാകെ അപ്പീല്‍ ഹരജി സമര്‍പ്പിക്കാവുന്നതാണ്. ഡിമാന്‍് നോട്ടീസ് കൈപ്പറ്റി 30 ദിവസത്തിനകം അപ്പീല്‍ ഫയല്‍ ചെയ്യേണ്ടതാണ്. 30 ദിവസം കഴിഞ്ഞ് ഫയല്‍ ചെയ്യുന്ന അപ്പീല്‍ മതിയായ കാരണം കൊണ്ടാണ് താമസം വന്നതെന്ന് അപ്പീല്‍ അധികാരിക്ക് ബോധ്യമായാല്‍ അത് സ്വീകരിക്കാവുന്നതാണ്. എന്നാല്‍ ടി കാലയളവ് 6 മാസത്തില്‍ കൂടുതല്‍ ആകാന്‍ പാടില്ലാത്തതാകുന്നു. ഒരു ഗഡു അടവാക്കിയതിനു ശേഷം വേണം അപ്പീല്‍ ഹരജി നല്‍കുവാന്‍. അപ്പീല്‍ അധികാരിയുടെ ഉത്തരവിനെതിരെ അസ്സസ് ചെയ്ത തുകയുടെ 50 % കെട്ടിവെച്ച് ജില്ലാകലക്ടര്‍ക്ക് റിവിഷന്‍ പെറ്റീഷന്‍ നല്കാവുന്നതാണ്. ജില്ലാ കലക്ടറുടെ ഉത്തരവിനെതിരെ സര്‍ക്കാരും റിവിഷന്‍ അധികാരികളാണ്.
അപ്പീല്‍ ഹരജി നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍
1) നിശ്ചത ഫോറത്തില്‍ അപ്പീല്‍ ഹരജി സമര്‍പ്പിക്കണം
2)പണം അടവാക്കിയതിന്‍റെ അസ്സല്‍ രശീതി , അസ്സല്‍ ഡിമാന്റ് നോട്ടീസ്,
3) കാലതാമസം മാപ്പാക്കിക്കൊണ്ടുള്ള ഹരജി (മാതൃക)
റിവിഷന്‍ ഹരജി നല്‍കുമ്പോള്‍ ശ്രദ്ധിക്കേണ്ട കാര്യങ്ങല്‍
| താമസ കെട്ടിടങ്ങള്‍ | |||
| തറവിസ്തീര്‍ണ്ണം |
പഞ്ചായത്ത് |
സ്പെഷല്‍ ഗ്രേഡ് പഞ്ചായത്ത് മുനിസിപ്പാലിറ്റി |
കോര്‍പ്പറേഷന്‍ |
| 100 ച.മീ. വരെ |
നികുതി ഇല്ല |
നികുതി ഇല്ല | നികുതി ഇല്ല |
| 100 ച.മീ. മുതല്‍ 150ച.മീ വരെ |
750.00 |
1350.00 |
2025.00 |
| 150ച.മീ. മുതല്‍ 200ച.മീ വരെ |
1500.00 | 2700.00 | 4050.00 |
| 200 ച.മീ. മുതല്‍ 250ച.മീ വരെ |
3000.00 | 5400.00 | 8100.00 |
| 250 ച.മീ മുകളില്‍ |
3000.00+അധികമുള്ള ഒരോ 10 ച.മീ നും 600 രൂപ വീതം | 5400.00+അധികമുള്ള ഒരോ 10 ച.മീ നും 1200 രൂപ വീതം | 8100.00+അധികമുള്ള ഒരോ 10 ച.മീ നും 1500 രൂപ വീതം |
|
മറ്റ് കെട്ടടങ്ങള്‍ |
|||
| 50 ച.മീ വരെ |
നികുതി ഇല്ല |
നികുതി ഇല്ല |
നികുതി ഇല്ല |
| 50ച.മീ. മുതല്‍ 75 ച.മീ വരെ |
750.00 | 1500.00 | 3000.00 |
| 75ച.മീ. മുതല്‍ 100 ച.മീ വരെ | 1125.00 | 2250.00 | 4500.00 |
| 100ച.മീ. മുതല്‍ 150 ച.മീ വരെ | 2250.00 |
4500.00 | 9000.00 |
| 150 ച.മീ. മുതല്‍ 200 ച.മീ വരെ | 4500.00 |
9000.00 | 18000.00 |
| 200 ച.മീ. മുതല്‍ 250 ച.മീ വരെ | 9000.00 | 18000.00 | 27000.00 |
| 250ച.മീ. ന് മുകളില്‍ |
9000.00+അധികമുള്ള ഒരോ 10 ച.മീ നും 900 രൂപ വീതം
|
18000.00+അധികമുള്ള ഒരോ 10 ച.മീ നും1800 രൂപ വീതം |
27000.00+അധികമുള്ള ഒരോ 10 ച.മീ നും 2250 രൂപ വീതം |
01-04-2014 മുതല്‍ കെട്ടിന നികുതി പുതുക്കി ഉത്തരവായി
| താമസ കെട്ടിടങ്ങള്‍ | |||
| തറവിസ്തീര്‍ണ്ണം |
പഞ്ചായത്ത് |
സ്പെഷല്‍ ഗ്രേഡ് പഞ്ചായത്ത് മുനിസിപ്പാലിറ്റി |
കോര്‍പ്പറേഷന്‍ |
| 100 ച.മീ. വരെ |
നികുതി ഇല്ല |
നികുതി ഇല്ല | നികുതി ഇല്ല |
| 100 ച.മീ. മുതല്‍ 150ച.മീ വരെ |
1500.00 |
2700.00 |
4050.00 |
| 150ച.മീ. മുതല്‍ 200ച.മീ വരെ |
3000.00 | 5400.00 | 8100.00 |
| 200 ച.മീ. മുതല്‍ 250ച.മീ വരെ |
6000.00 | 10800.00 | 16200.00 |
| 250 ച.മീ മുകളില്‍ |
6000.00+അധികമുള്ള ഒരോ 10 ച.മീ നും 1200 രൂപ വീതം | 10800.00+അധികമുള്ള ഒരോ 10 ച.മീ നും 2400 രൂപ വീതം | 16200.00+അധികമുള്ള ഒരോ 10 ച.മീ നും 3000 രൂപ വീതം |
|
മറ്റ് കെട്ടടങ്ങള്‍ |
|||
| 50 ച.മീ വരെ |
നികുതി ഇല്ല |
നികുതി ഇല്ല |
നികുതി ഇല്ല |
| 50ച.മീ. മുതല്‍ 75 ച.മീ വരെ |
1500.00 | 3000.00 | 6000.00 |
| 75ച.മീ. മുതല്‍ 100 ച.മീ വരെ | 2250.00 | 4050.00 | 9000.00 |
| 100ച.മീ. മുതല്‍ 150 ച.മീ വരെ | 4500.00 |
9000.00 | 18000.00 |
| 150 ച.മീ. മുതല്‍ 200 ച.മീ വരെ | 9000.00 |
18000.00 | 36000.00 |
| 200 ച.മീ. മുതല്‍ 250 ച.മീ വരെ | 18000.00 | 36000.00 | 54000.00 |
| 250ച.മീ. ന് മുകളില്‍ |
18000.00+അധികമുള്ള ഒരോ 10 ച.മീ നും 1800 രൂപ വീതം
|
36000.00+അധികമുള്ള ഒരോ 10 ച.മീ നും3600 രൂപ വീതം |
54000.00+അധികമുള്ള ഒരോ 10 ച.മീ നും 4500 രൂപ വീതം |
ആഡംബര നികുതി 01-4-2014 മുതല്‍ 2000 രൂപയില്‍ നിന്നും 4000 രൂപയായി വര്‍ദ്ധിപ്പിച്ചു
- ക്വാര്‍‌ട്ടേഴുകള്‍ താമസകെട്ടിടങ്ങളായി കണക്കാക്കുന്നതാണ് (ലാന്‍റ് റവന്യു കമ്മീഷണറുടെ കത്ത് )
- SSI റജിസ്ട്രേഷനുള്ള സ്ഥാപനങ്ങളെ കെട്ടിട നികുതിയില്‍ നിന്നും ഒഴിവാക്കുന്നതിന് വ്യവസ്ഥ ഇല്ല. ലാന്‍റ് റവന്യു കമ്മീഷണറുടെ 02.07.2008 ലെ എല്‍.ആര്‍.ബി1-25341/2004 ം നമ്പര്‍കത്ത്.
- തദ്ദേശ സ്വയംഭരണ സ്ഥാപനങ്ങളുടെ കല്യാണമണ്ഡപം, ഷോപ്പിങ്ങ് കോപ്ലക്സുകള്‍ തുടങ്ങിയവക്ക് ബില്‍ഡിങ്ങ്ടാക്സ് ഈടാക്കാവുന്നതാണ്. ആരാധനാലയങ്ങള്‍ വാടകക്ക് നല്‍കുന്ന ഹാള്‍, കല്യാണമണ്ഡപം തുടങ്ങിയവക്ക് നികുതി ഈടാക്കാവുന്നതാണ്.
- ഫാക്ടറീസ് ആന്റ് ബോയിലേഴ്സ് ലൈസന്‍സുള്ള , 10 ലധികം ജീവനക്കാരില്ലാത്ത സ്ഥാപനങ്ങളെയും കെട്ടിടനികുതിയില്‍ നിന്ന് ഒഴിവാക്കാന്‍ വ്യവസ്ഥയില്ല
അവസാനം പരിഷ്കരിച്ചത് : 10/13/2019
താലൂക്ക്‌ ഓഫീസുകളിൽ നിന്നു ലഭ്യമാകുന്ന സേവനങ്ങൾ
2002ൽ കേരള സർക്കാർ തുടക്കം കുറിച്ച പദ്ധതിയാണ് അക്...
- ഓരോ വ്യക്തികള്ക്കും അവരുടെതായ തിരിച്ചറിയല്‍ നമ്പ...
ഡിജിറ്റൽ വിദ്യ വച്ചുള്ള കേരള സംസ്ഥാനത്ത് നടപ്പാക്ക...
