പൂര്ണ്ണമായും കേരള സര്ക്കാര് ഉടമസ്ഥതയിലുള്ള ഒരു പൊതുമേഖലാ സ്ഥാപനമാണ് മലബാര് സിമന്റ്സ്. ഈ കമ്പനിയുടെ സിമന്റ് ഉന്നത ഗുണനിലവാരമുള്ളതാണെന്ന് കേരളത്തില് അങ്ങോളമിങ്ങോളമുള്ള ഉപഭോക്താക്കള് സാക്ഷ്യപ്പെടുത്തുന്നു. ഉല്പന്നത്തിന്റെ ഗുണം മെച്ചപ്പെടുത്തുകയെന്നത് മലബാര് സിമന്റ്സിന്റെ ഒരു തത്ക്കാലിക വിപണന തന്ത്രമല്ല, മറിച്ച് സ്ഥാപനത്തെ പരമോന്നതിയിലെത്തിയ്ക്കാനുള്ള ത്വരയാണ്. ഏറ്റവും നല്ല അസംസ്കൃത വസ്തുക്കള് ശാസ്ത്രീയമായി തെരഞ്ഞെടുക്കുന്നതോടെ ഞങ്ങളുടെ ലക്ഷ്യം ആരംഭിക്കുന്നു. അസംസ്കൃത വസ്തുക്കള് മിശ്രണം ചെയ്യുന്നതിലും, ക്ലിങ്കര് ഉല്പാദനത്തിലും, സിമന്റ് ഉല്പാദനത്തിലും, അവസാനം അത് പായ്ക്ക് ചെയ്യുന്നതിലും വരെ ശക്തമായ ഗുണ നിയന്ത്രണം ഉറപ്പുവരുത്തുന്നു. ഈര്പ്പം, ആര്ദ്രത എന്നിവ മൂലം ഉല്പാദന സമയത്തുള്ള ബലം നഷ്ടപ്പെടാതെ വെറും 12 മണിക്കൂറുകള്ക്കകം കേരളത്തിലെവിടേയും സിമന്റ് എത്തിക്കുവാന് മലബാര് സിമന്റ്സിനു മാത്രമാണ് സാധിക്കുന്നത്.
അടിസ്ഥാന നിര്മ്മാണ വസ്തുവായ സിമന്റ് ഉല്പാദിപ്പിച്ച് വിതരണം ചെയ്തുകൊണ്ട് മലബാര് സിമന്റ്സ് സംസ്ഥാനത്തിന്റെ വികസന പ്രവര്ത്തനങ്ങളില് പങ്കാളിയാവുന്നു. പ്രതിവര്ഷം 4.2 ലക്ഷം ടണ് സിമന്റാണ് വാളയാര് പ്ലാന്റിലെ ഉല്പാദന ശേഷി. കമ്പനിയുടെ വികസന പരിപാടിയുടെ ഭാഗമായി 2003 ആഗസ്റ്റില് ചേര്ത്തലയില് 2 ലക്ഷം ടണ് ഉല്പാദന ശേഷിയുള്ള ഒരു ഗ്രൈന്ഡിംഗ് യൂണിറ്റ് സ്ഥാപിക്കുകയുണ്ടായി. അങ്ങിനെ കമ്പനിയുടെ മൊത്തം ഉല്പാദനശേഷി 6.2 ലക്ഷം ടണ്ണായി ഉയര്ന്നു.
പൂര്ണ്ണമായും കേരള സര്ക്കാര് ഉടമസ്ഥതയിലുള്ള ഒരു പൊതുമേഖലാ സ്ഥാപനമാണ് മലബാര് സിമന്റ്സ്. ഈ കമ്പനിയുടെ സിമന്റ് ഉന്നത ഗുണനിലവാരമുള്ളതാണെന്ന് കേരളത്തില് അങ്ങോളമിങ്ങോളമുള്ള ഉപഭോക്താക്കള് സാക്ഷ്യപ്പെടുത്തുന്നു. 1978 ഏപ്രിലില് കമ്പനി രൂപീകരിക്കുകയും 1984 ഏപ്രിലില് വാളയാര് പ്ലാന്റില് ഉല്പാദനം ആരംഭിക്കുകയും ചെയ്തു. ഉല്പന്നതിന്റെ ഗുണം പരമാവധി മെച്ചപ്പെടുത്തുകയെന്നത് ഓരോരുത്തുടേയും ഉത്തരവാദിത്വമാണിവിടെ. ഏറ്റവും നല്ല അസംസ്കൃതവസ്തുക്കള് ശാസ്ത്രീയമായി തെരഞ്ഞെടുക്കുന്നതോടെ ഞങ്ങളുടെ ലക്ഷ്യം ആരംഭിക്കുന്നു. അസംസ്കൃത വസ്തുക്കള് മിശ്രണം ചെയ്യുന്നതിലും, ക്ലിങ്കര് ഉല്പാദനത്തിലും, സിമന്റ് ഉല്പാദനത്തിലും, അവസാനം പായ്ക്ക് ചെയ്യുന്നതിലും വരെ ശക്തമായ ഗുണ നിയന്ത്രണം ഉറപ്പുവരുത്തുന്നു.
അടിസ്ഥാന നിര്മ്മാണ വസ്തുവായ സിമന്റ് ഉല്പാദിപ്പിച്ച് വിതരണം ചെയ്തുകൊണ്ട് മലബാര് സിമന്റ്സ് സംസ്ഥാനത്തിന്റെ വികസന പ്രവര്ത്തനങ്ങളില് പങ്കാളിയാവുന്നു. ഈര്പ്പം, ആര്ദ്രത എന്നിവ മൂലം ഉല്പാദന സമയത്തുള്ള ബലം നഷ്ടപ്പെടാതെ വെറും 12 മണിക്കൂറുകള്ക്കകം കേരളത്തിലെവിടേയും സിമന്റ് എത്തിക്കുവാന് മലബാര് സിമന്റ്സിനു മാത്രമാണ് സാധിക്കുന്നത്. പ്രതിവര്ഷം 4.2 ലക്ഷം ടണ് സിമന്റാണ് വാളയാര് പ്ലാന്റിലെ ഉല്പാദന ശേഷി. കമ്പനിയുടെ വികസന പരിപാടിയുടെ ഭാഗമായി 2003 ആഗസ്റ്റില് ചേര്ത്തലയില് 2 ലക്ഷം ടണ് ഉല്പാദന ശേഷിയുള്ള ഒരു ഗ്രൈന്ഡിംഗ് യൂണിറ്റ് സ്ഥാപിക്കുകയുണ്ടായി. അങ്ങിനെ കമ്പനിയുടെ മൊത്തം ഉല്പാദനശേഷി 6.2 ലക്ഷം ടണ്ണായി ഉയര്ന്നു.
ഐ.എസ്.ഒ സര്ട്ടിഫിക്കറ്റ് ലഭിക്കുകയും ഊര്ജ്ജ സംരക്ഷണ രംഗത്തെ മികച്ച നേട്ടങ്ങള്ക്ക് ദേശിയ അവാര്ഡിനര്ഹമാവുകയും ചെയ്ത ആദ്യത്തെ പൊതുമേലാസ്ഥാപനമാണ് എം.സി.എല്. തൊഴിലാളി സമരത്തെ തുടര്ന്ന് ഉല്പാദനം നഷ്ടപ്പെടുന്ന അവസ്ഥ കമ്പനിയുടെ ചരിത്രത്തില് ഇന്നേവരെ ഉണ്ടായിട്ടില്ല. കേരളത്തിലെ സിമന്റ് ഉപഭോഗത്തിന്റെ ഏതാണ്ട് 10 ശതമാനത്തോളം മലബാര് സിമന്റ്സിന് വിതരണം ചെയ്യാന് സാധിക്കാറുണ്ടായിരുന്നു. എന്നാല് വികസന പ്രവര്ത്തനങ്ങള് മുന്നേറുകയും അയല് സംസ്ഥാനങ്ങളില് നിന്നുമുള്ള സിമന്റ് വിതരണം വര്ദ്ധിക്കുകയും ചെയ്യുന്നതുകൊണ്ട് കേരള മാര്ക്കറ്റില് എം.സി.എല് ന്റെ വിഹിതം കുറയുന്നുണ്ട്.
അടിസ്ഥാന വികസനപ്രവര്ത്തനങ്ങള്ക്ക് ഒരു അത്യാവശ്യ ഘടകവും നിര്മ്മാണ വ്യവസായത്തിനു വേണ്ട ഒരു പ്രധാന അസംസ്കൃത വസ്തുവുമാണ് സിമന്റ്. 1970 കളില് കേരളം സിമന്റിനുവേണ്ടി മറ്റു സംസ്ഥാനങ്ങളേയും രാജ്യങ്ങളേയും ആശ്രയിക്കേണ്ടി വരികയായിരുന്നു. നമ്മുടെ സംസ്ഥാനത്ത് പൊതുമേഖലയിലോ സ്വകാര്യമേഖലയിലോ സിമന്റ് ഫാക്ടറി ഉണ്ടായിരുന്നില്ല. പാലക്കാട് വിടവിന്റെ വടക്കു ഭാഗത്തുള്ള വാളയാര് മേഖലയിലെ പണ്ടാരത്ത് താഴ്വരയില് ചുണ്ണാമ്പ് കല്ല് ശേഖരം ഉള്ളതായി ജിയോളജിക്കല് സര്വെ ഓഫ് ഇന്ത്യ 1961-62 ല് കണ്ടെത്തുകയുണ്ടായി. അത് നിബിഡ വനത്തിനകത്ത് മലമടക്കുകള്ക്കിടയിലായതുകൊണ്ട് ഖനി ഒരുക്കുന്നതിന് കൂടുതല് മുതല്മുടക്ക് ആവശ്യമായി വന്നു. എന്നിരുന്നാലും സംസ്ഥാന സര്ക്കാര് ഒരു സിമന്റ് ഫാക്ടറി സ്ഥാപിക്കുവാന് തയ്യാറായി.
ഇതിനായി നടത്തിയ സാധ്യതാപഠനം, പണ്ടാരത്ത് ചുണ്ണാമ്പുകല്ല് ഉപയോഗിച്ച് പ്രതിദിനം 1200 ടണ് ഉല്പാദിപ്പിക്കാവുന്ന ഒരു സിമന്റ് പ്ലാന്റ് സ്ഥാപിക്കാവുന്നതാണന്ന് കണ്ടെത്തി. 1976 നവംബറില് കെ.എസ്.ഐ.ഡി.സി സിമന്റ് നിര്മ്മാണത്തിനുള്ള ലൈസന്സ് എടുത്തു ഈ പദ്ധതിയുമായി മുന്നോട്ട് പോകാന് സര്ക്കാര് തീരുമാനിച്ചു. സിമന്റ് ഫാക്ടറി സ്ഥാപിക്കുന്നതിനും തുടര്ന്നുള്ള പ്രവര്ത്തനങ്ങള് നടത്തുന്നതിനുമായി 'മലബാര് സിമന്റ്സ് ലിമിറ്റഡ്' എന്ന പേരില് കമ്പനി രൂപീകരിച്ചു. 1984 ഫെബ്രുവരിയില് പ്ലാന്റ് വിജയകരമായി കമ്മീഷന് ചെയ്യുകയും ഏപ്രില് മാസത്തില് സിമന്റ് ഉല്പാദനം ആരംഭിക്കുകയും ചെയ്തു.
ഇപ്പോള് മറ്റു പൊതുമേലാ സ്ഥാപനങ്ങള്ക്ക് മാതൃകയാക്കാവുന്ന പല പ്രവര്ത്തനങ്ങള്ക്കും തുടക്കം കുറിക്കാന് ഈ കമ്പനി സജ്ജമാണ്. 1994-95 ല് ഇറക്കിയ രണ്ട് ഉന്നത ഗുണനിലവാരമുള്ള 'മലബാര് സൂപ്പര് 'മലബാര് ക്ലാസ്സിക്' എന്നീ പേരുകളിലുള്ള ഉല്പന്നങ്ങള് കമ്പനിയുടെ വിപണിയിലെ സാന്നിദ്ധ്യം മെച്ചപ്പെടുത്തി. 1995 നു ശേഷം ചെയ്ത പല നവീകരണ പ്രവര്ത്തങ്ങളും മലബാര് സിമന്റ്സിന്റെ ഉല്പാദനവും ഉല്പാദന ക്ഷമതയും മെച്ചപ്പെടുത്തിയിട്ടുണ്ട്. വാളയാര് പ്ലാന്റിന്റെ വൈദ്യുതി ആവശ്യകതയുടെ 25% വരെ ഉല്പാദിപ്പിക്കാവുന്ന 2.5 പ്പല് ശേഷിയുള്ള ഒരു മള്ട്ടി-ഫ്യൂവല് പവര് പ്ലാന്റ് 1998 ജൂണില് സ്ഥാപിക്കുകയുണ്ടായി. വികസന പരിപാടിയുടെ ഭാഗമായി 2003 ആഗസ്തില് ചേര്ത്തലയില് ഒരു ഗ്രൈന്റിംഗ് യൂണിറ്റ് സ്ഥാപിച്ചു. 2004 ഡിസംബറില് പൂര്ത്തിയായ വാളയാറിലെ സിമന്റ് മില് നവീകരണം സിമന്റ് ഉല്പാദനം വര്ദ്ധിപ്പിക്കുവാന് സഹായിച്ചു.
സിമന്റ് വ്യവസായ രംഗത്തെ സാങ്കേതിക വിദ്യയുടെ പുരോഗതിയ്ക്കനുസരിച്ച് കമ്പനിയിലും വേണ്ട നവീകരണ പ്രവര്ത്തനങ്ങള് നടത്തുകയുണ്ടായി. ബെല്ട്ട് ബക്കറ്റ് എലിവേറ്റര്, കിലിന് ഒട്ടൊമേഷന്, സിമന്റ് മില് നവീകരണം എന്നിവ എടുത്തു പറയേണ്ടവയാണ്. നിലവിലുള്ള സിമന്റ് ഉല്പാദന ശേഷി ഉപയോഗിച്ച് കേരളത്തിന്റെ സിമന്റ് ഉപഭോഗത്തിന്റെ 10 ശതമാനത്തില് താഴെ മാത്രമേ കമ്പനിയ്ക്ക് കൊടുക്കുവാന് സാധിക്കുകയുള്ളുവെന്നതാണ് ഈ സ്ഥാപനത്തിന്റെ പരിമിതി
ഉദ്ദേശ്യലക്ഷ്യം
ഉന്നത ഗുണ നിലവാരമുള്ള സിമന്റ് ഉല്പാദിപ്പിച്ച് സംസ്ഥാനത്തെ സാധാരണ ജനങ്ങള്ക്ക് ന്യായവിലയ്ക്ക് വില്പന നടത്തുകയും അതുവഴി സംസ്ഥാനത്തിന്റെ സാമൂഹ്യ സാമ്പത്തിക പുരോഗതിയില് ഒരു പ്രധാന പങ്കു വഹിക്കുകയും ചെയ്യുക.
ഗുണമേന്മാ നയം
മലബാര് സിമന്റ്സിലെ ഓരോ ജീവനക്കാരനും (ജീവനക്കാരിയും), ഗുണമേന്മാ നിര്വ്വഹണ പദ്ധതിയുടെ പ്രയോഗക്ഷമത ഉറപ്പുവരുത്താനും അത് നിരന്തരം മെച്ചപ്പെടുത്താനും ആവശ്യമായതെല്ലാം ചെയ്യുന്നതോടൊപ്പം
വിഷന്
നിര്മ്മാണ രംഗത്ത് ഏറ്റവും നല്ല പരിഹാരങ്ങള് നല്കിക്കൊണ്ട് കൂടുതല് മെച്ചപ്പെട്ട ഒരു ആവാസകേരളം കെട്ടിപടുക്കുവാന് സഹായിക്കുക.
മിഷന്
വിപണിയില് ശക്തമായി ഇടപെട്ടുകൊണ്ട് ജനങ്ങള്ക്ക് ഗുണനിലവാരമുള്ള ഉല്പന്നങ്ങളും സേവനവും പ്രധാനം ചെയ്യുക
|
- | 1975 |
|
- | 1976 |
|
- | 1978 |
|
- | 1981 |
|
- | 1984 |
|
- | 1984 |
|
- | 1994 |
|
- | 1994 |
|
- | 1996 |
|
- | 1998 |
|
- | 2003 |
|
- | 2003 |
|
- | 2005 |
|
- | 2007 |
|
- | 2010 |
|
- |
2011 |
ഐ.എസ്.ഒ. സര്ട്ടിഫിക്കേഷന്
പുരസ്കാരങ്ങള്
കേരള സംസ്ഥാന മലിനീകരണ നിയന്ത്രണ ബോര്ഡ് അവാര്ഡ് | 1990 - 91 |
ആദ്യത്തെ സംസ്ഥാന ഊര്ജ്ജ സംരക്ഷണ അവാര്ഡ് | 1992 |
സുരക്ഷിതത്വത്തിനുള്ള വി.എസ്.എസ്.സി. റോളിംഗ് ട്രോഫി | 1994 -95 |
ഊര്ജ്ജ സംരക്ഷണരംഗത്തെ മികച്ച പ്രവര്ത്തനത്തിനുള്ള ദേശീയ അവാര്ഡ് | 1998 |
സംസ്ഥാന ഊര്ജ്ജ സംരക്ഷണ അവാര്ഡ് | 1998 |
മലിനീകരണരംഗത്തെ മികച്ച പ്രവര്ത്തനത്തിനുള്ള സംസ്ഥാന സര്ക്കാര് അവാര്ഡ് | 2007 |
സുതാര്യമായ പ്രവര്ത്തനം ലക്ഷ്യമാക്കി .SAP-ERP പദ്ധതി നടപ്പിലാക്കി | 2007 |
കേരള സര്ക്കരിന്റെ സംസ്ഥാന ട്രേഡ് അവാര്ഡ് |
2010 |
മലബാര് സിമന്റ്സ് രാജ്യത്ത് നിലവിലുള്ള നൂതന സാങ്കേതിക വിദ്യയുപയോഗിച്ച് ബ്യൂറോ ഓഫ് ഇന്ത്യന് സ്റ്റാന്ഡേര്സ് നിഷ്കര്ഷിക്കുന്നതിലധികം ഗുണനിലവാരമുള്ള ഉല്പന്നങ്ങള് നിര്മ്മിക്കുന്നു. വിവിധ ആവശ്യങ്ങള്ക്കായി കമ്പനിയ്ക്ക് മലബാര് സൂപ്പര്, മലബാര് ക്ലാസ്സിക് മലബാര് ഐശ്വര്യ എന്നീ മൂന്ന് ബ്രാന്ഡ് ഉല്പന്നങ്ങള് ഉണ്ട്.
1. മലബാര് സൂപ്പര്
ഏതു നിലയിലും അത്യപൂര്വമായ ഒരു ഉല്പന്നമാണിത്. ഉന്നത ബലം, ശ്രേഷ്ഠമായ പ്രവര്ത്തന ക്ഷമത, ഊടും, കാലത്തെ വെല്ലുന്ന ഉറപ്പും ഈ ഉല്പന്നത്തിന്റെ പ്രത്യേകളാണ്. ബ്യൂറോ ഓഫ് ഇന്ത്യന് സ്റ്റാന്ഡേര്സിന്റെ പരിശോധകള് മലബാര് സൂപ്പറിന് തകര്ക്കാന് പറ്റാത്ത വിശ്വാസം നേടിക്കൊടുത്തു. അധിക ബലം വളരെ വേഗം കട്ടിയാവുന്നതിനും നല്ല ഫിനിഷിംഗിനും സഹായിക്കുന്നു. സാധാരണ 43 ഗ്രേഡ് സിമന്റിനെ അപേക്ഷിച്ച് മലബാര് സൂപ്പര് വളരെയധികം ബലം ഉള്ളതാണ്. ഇന്ത്യന് സ്റ്റാന്ഡേര്ഡ്സ് പ്രകാരം 28 ദിവസം കൊണ്ട് വേണ്ട ബലം ഇത് വെറും 7 ദിവസം കൊണ്ട് ആര്ജിക്കുന്നു.
അതുമാത്രമല്ല, 28 ദിവസം കൊണ്ട് ആര്ജ്ജിക്കുന്ന ബലം ഇന്ത്യന് സ്റ്റാന്ഡെര്ഡ് അനുസരിച്ച് വേണ്ടതിലും 50 ശതമാനത്തിലധികമാണ്. കമ്പ്യൂട്ടറിനാല് നിയന്ത്രിക്കുന്ന ഉല്പാദന പ്രക്രിയ മൂലം ചേരുവയില് രൂപപ്പെടുത്താന് സാധ്യമാവുന്ന വളരെ നേര്ത്ത കണങ്ങളാണ് സൂപ്പറിന്റെ മെച്ചപ്പെട്ട ബലത്തിനാധാരം.
2. മലബാര് ക്ലാസ്സിക്
ഫ്ളൈ ആഷ് അടിസ്ഥാനപ്പെടുത്തിയുള്ള പൊസൊലാന സിമന്റ് വിഭാഗത്തില് മലബാര് ക്ലാസ്സിക് വളരെ മികവുറ്റതാണ്. തുടക്കത്തില് സാവധാനം കട്ടിയായി തുടങ്ങുകയും നേരത്തെ പൂര്ണ്ണമായും കട്ടിയാവുകയും ചെയ്യുന്നതിനാല് സാവധാനം പണിചെയ്യാനും നിരീക്ഷണ സമയം കുറക്കുകയും ചെയ്യുന്നു. ചൂട് പ്രതിരോധിക്കാനുള്ള മലബാര് ക്ലാസ്സിക്കിനുള്ള പ്രത്യേക ഗുണം ഇത് ഉപയോഗിച്ചുള്ള ജോലികള് സുഗമമാക്കുകയും, ഈടും ഉറപ്പും വിശ്വസനീയതയും പ്രദാനം ചെയ്യുന്നു. ഈ സിമന്റ് വളരെ നേര്മയുള്ള പൊടിയായതുകൊണ്ട് ചുമരും മേല്ക്കൂരയുമൊക്കെ തേയ്ക്കുമ്പോള് കൂടുതല് സ്ഥലത്ത് നല്ല മിനുസമായി തേയ്ക്കാന് സാധിക്കുന്നു. ഇതുമൂലം പെയിന്റ്ന്റെ ഉപയോഗം കുറയ്ക്കാന് കഴിയും.
3.മലബാര് ഐശ്വര്യ
ഈ ഉല്പന്നം പല വിധത്തിലും ആദായം നല്കുന്ന ഒന്നാണ്. സള്ഫേറ്റിന്റെ ആക്രമണത്തെ ചെറുത്ത് നിങ്ങളുടെ നിര്മ്മാണങ്ങള്ക്ക് കരുത്ത് പകര്ന്ന് ദീര്ഘകാലം നിലനില്ക്കാന് പ്രാപ്തി നല്കുന്നു. ഐശ്വര്യ കുറഞ്ഞ ചെലവില് ഉയര്ന്ന ഗുണം നല്കുന്നു.
നനയുമ്പോള് മറ്റു സിമന്റുകളെ അപേക്ഷിച്ച് കുറച്ച് ചൂട് മാത്രം പുറത്ത് വിടുന്നത് കൊണ്ട് വിള്ളലുകള് ഉണ്ടാവുന്നത് തടയുന്നു. മണ്ണിലും വെള്ളത്തിലും അധികമായി ലോഹത്തിന്റെയും, സള്ഫേറ്റിന്റെയും, അലുമിനയുടേയും മറ്റും അംശം കലര്ന്നിരിക്കുന്ന സ്ഥലങ്ങളില് ഈ സിമന്റ് വളരെ യോജിച്ചതാണ്. നല്ല ഗുണ നിലവാരമുള്ള സിമന്റ് ഉല്പാദിപ്പിക്കാനായി മെച്ചപ്പെട്ട സ്ലാഗാണ് അസംസ്കൃത വസ്തുവായി ഉപയോഗിക്കുന്നത്
ലോകത്ത് ഇന്ന് നിലവിലുള്ള ആധുനിക ജര്മ്മന് സാങ്കേതിക വിദ്യയായ ഡ്രൈ പ്രോസസ്സ് മുഖേനയാണ് എം.സി.എല് സിമന്റ് നിര്മ്മിക്കുന്നത്. സംസ്ഥാനത്തെ പ്രകൃതി ലവണങ്ങളായ ചുണ്ണാമ്പു കല്ലും ചെങ്കല്ലുമാണ് സിമന്റ് നിര്മ്മാണത്തിനു വേണ്ട പ്രധാന അസംസ്കൃത വസ്തുക്കള് . സിമന്റിലെ പ്രധാന ഘടകങ്ങളായ ലൈം, സിലിക്ക, അലുമിന, അയേണ് ഓക്സൈഡ് എന്നിവ ഈ അസംസ്കൃത വസ്തുക്കള് പ്രധാനം ചെയ്യുന്നു. നിര്മ്മാണ പ്രക്രിയയുടെ എല്ലാ ഘട്ടങ്ങളും ഒരു കേന്ദ്രീകൃത നിയന്ത്രണ മുറിയില് നിന്നും കമ്പ്യൂട്ടര് മുഖേന നിയന്ത്രിക്കുകയും എല്ലാ ഘട്ടങ്ങളിലും ശക്തമായ ഗുണനിയന്ത്രണം ഉറപ്പുവരുത്തുകയും ചെയ്യുന്നു. ഗുണനിയന്ത്രണം അപ്പപ്പോള് ഉറപ്പുവരുത്തുന്നതിന് ഈയിടെയായി ഒരു എക്സ് റേ അനലൈസര് സ്ഥാപിച്ചിട്ടുണ്ട്. മലിനീകരണം നിയന്ത്രിക്കുന്നതിനായി ആധുനിക സാങ്കേതിക വിദ്യ ഉപയോഗിച്ചുള്ള ബാഗ് ഹൗസ് സ്ഥാപിച്ചിട്ടുണ്ട്. ഉല്പാദന പ്രക്രിയയ്ക്ക് പ്രധാനമായി മൂന്ന് ഘട്ടങ്ങളുണ്ട്
1. റോ മീല് ഉല്പാദനം.
നമ്മുടെ ഖനിയില് നിന്നും ലഭിക്കുന്ന ചുണ്ണമ്പുകല്ല് ആവശ്യം വരുന്ന സന്ദര്ഭങ്ങളില് തമിഴ്നാട്ടില് നിന്നു വാങ്ങുന്ന മെച്ചപ്പെട്ട ഗുണനിലവാരമുള്ള ചുണ്ണാമ്പുകല്ല് ചേര്ത്ത് സംപുഷ്ഠമാക്കുന്നു. സാധാരണയായി അസംസ്കൃത മിശ്രിതം 95 ശതമാനം ചുണ്ണാമ്പുകല്ലും 5 ശതമാനം ചെങ്കല്ലും അടങ്ങിയതാണ്. 20-25 എം.എം വലിപ്പമുള്ള ഈ മിശ്രിതം ഒരു ബാള് മില്ലില് ഈര്പ്പമില്ലാതെ നേര്ത്ത പൊടിയാക്കുന്നു. റോ മീല് എന്ന ഈ ഉല്പന്നം നല്ലപോലെ മിശ്രണം ചെയ്ത് വലിയ സംഭരണിയില് സൂക്ഷിക്കുന്നു.
2. ക്ലിങ്കര് ഉല്പാദനം
65 മീറ്റര് നീളവും 4.2 മീറ്റര് വ്യാസവുമുള്ള സിലിണ്ടര് ആകൃതിയിലുള്ള റോട്ടറി കിലനിലാണ് ക്ലിങ്കര് ഉല്പാദിപ്പിക്കുന്നത്. കിലന് 3 ഡിഗി ചരിവില് മിനുട്ടില് 2 മുതല് 2.2 പ്രാവശ്യം കറങ്ങുന്ന വിധത്തിലാണ് സ്ഥാപിച്ചിട്ടുള്ളത്. സംഭരണിയില് സൂക്ഷിച്ചിരിക്കുന്ന റോ മീല് നാല് തലങ്ങളുള്ള മള്ട്ടി സൈക്ലോണ് പ്രീ ഹീറ്ററിലൂടെ ബെല്ട്ട് ബക്കറ്റ് മുഖേന കിലിനില് എത്തിക്കുന്നു. കോള് മില്ലില് പൊടിച്ച കല്ക്കരി ഉപയോഗിച്ച് കിലിനിലെ ഊഷ്മാവ് 1450 ഡിഗ്രി സെന്റി ഗ്രേഡായി നിലനിര്ത്തുന്നു. കിലിനിലെ ഉറപ്പുള്ള ഉല്പന്നത്തെ ക്ലിങ്കര് എന്നു വിളിക്കുന്നു. ഇത് കൂളറില് തണുപ്പിച്ച് കിങ്കര് സംഭരണ കേന്ദ്രത്തില് സൂക്ഷിക്കുന്നു.
3. സിമന്റ് ഉല്പാദനം
ക്ലിങ്കര് 3-5 ശതമാനം ജിപ്സവും ചേര്ത്ത് ക്ലോസ്ഡ് സര്ക്യൂട്ട് ബാള് മില്ലില് നന്നായി പൊടിച്ച് സിമന്റാക്കുന്നു. ജിപ്സം ചേര്ക്കുന്നത് സിമന്റ് കട്ടിയാകാന് സഹായിക്കുന്നു. ക്ലിങ്കറിന്റെ കൂടെ ജിപ്സം മാത്രം ചേര്ത്ത് പൊടിക്കുമ്പോള് ഓര്ഡിനറി പോര്ട്ട് ലാന്റ് സിമന്റും (OPC), ഫൈ ആഷ്/ സ്ലാഗ്, ജിപ്സം എന്നിവ ചേര്ത്ത് പൊടിക്കുമ്പോള് പോര്ട്ട് ലാന്റ് പൊസൊലാന സിമന്റും(PPC)/ പോര്ട്ട് ലാന്റ് സ്ലാഗ് സിമന്റും (PSC) ഉണ്ടാവുന്നു. സിമന്റ് വലിയ സംഭരണിയില് സൂക്ഷിച്ച് ആവശ്യാനുസരണം 50 കിലോയുടെ ചാക്കുകളില് നിറച്ച് വിതരണം ചെയ്യുന്നു.
1961-62 കാലഘട്ടത്തില് ജിയോളജിക്കല് സര്വ്വെ ഓഫ് ഇന്ത്യ വാളയാര് നിക്ഷിപ്ത വനത്തില് സിമന്റ് ഗ്രേഡ് ചുണ്ണമ്പുകല്ല് ശേഖരം കണ്ടെത്തി. മിനറല് എക്സ്പ്ലൊറേഷന് കോര്പ്പറേഷന് ഇക്കാര്യം സ്ഥിരീകരിച്ചു.
പൂര്ണ്ണമായും സര്ക്കാര് ഉടമസ്ഥതയിലുള്ള മലബാര് സിമന്റ്സ് ലിമിറ്റഡ് സംസ്ഥാനത്തെ ഏക പോര്ട്ട് ലാന്റ് സിമന്റ് നിര്മാതാവാണ്. 1978 ഏപ്രിലില് കമ്പനി രൂപീകരിക്കുകയും 26 കോടി രൂപ സര്ക്കാര് മുതല് മുടക്കുള്പ്പടെ 68 കോടി രൂപ മുതല് മുടക്കി 1984 ഏപ്രിലില് സിമന്റ് ഉല്പാദനം ആരംഭിക്കുകയും ചെയ്തു. പ്രതിദിനം 1200 ടണ് ഉല്പദനശേഷിയുള്ള വാളയാര് പ്ലാന്റ് തുടര്ച്ചയായി എല്ലാ വര്ഷവും ലാഭം നേടിക്കൊണ്ടിരിക്കുന്നു.
സാങ്കേതിക വിദ്യയിലുണ്ടാവുന്ന പുരോഗതിയ്ക്കനുസരിച്ച് ഊര്ജ്ജ ഉപഭോഗം കുറയ്ക്കുന്നതിനുാ, മലിനീകരണം കുറയ്ക്കുന്നതിനും, ഉല്പാദനക്ഷമത വര്ദ്ധിപ്പിക്കുന്നതുമായി ഈ വ്യവസായ ശാലയില് നവീകരണ പ്രവര്ത്തനങ്ങള് നിരന്തരം നടത്തിക്കൊണ്ടിരിക്കുന്നു. വ്യവസായ ശാലയുടെ സവിശേഷതകള് താഴെ കൊടുക്കുന്നു.
അര്പ്പണബോധവും സാങ്കേതിക ജ്ഞാനവുമുള്ള 900 ത്തോളം ജീവനക്കാരാണ് മലബാര് സിമന്റ്സിന്റെ കരുത്ത്. സമൂഹത്തോടുള്ള കടപ്പാടെന്ന നിലയില് സാധാരണക്കാരായ ജനങ്ങള്ക്ക് തൊഴിലവസരങ്ങള് സൃഷ്ടിക്കുന്നതില് എം.സി.എല്. പ്രധാന പങ്കുവഹിക്കുന്നു. അതുകൊണ്ട് 1000 ത്തോളം കുടുബങ്ങള് നേരിട്ട് എം.സി.എല്ലിനെ ആശ്രയിച്ച് ജീവിക്കുന്നു.
01-06-2013 ലെ എം.സി.എല്ലിലെ ജീവനക്കാരുടെ എണ്ണം
വിഭാഗം |
പ്ലാന്റ് |
മൈന്സ് |
ഗ്രൈന്റിംഗ് യൂണിറ്റ് |
ആകെ |
മാനേജീരിയല് | 89 | 16 | 3 | 108 |
നോണ്-മാനേജീരിയല് | 434 | 259 | 10 | 703 |
ആകെ | 523 | 275 | 13 | 811 |
ആരോഗ്യം സംരക്ഷിക്കുന്നതിനും തൊഴില് ശാലയിലെ സുരക്ഷിതത്വം ഉറപ്പാക്കുന്നതിനും നിയമപ്രകാരമുള്ള എല്ലാ മുന് കരുതലുകളും പാലിക്കുന്നതില് മലബാര് സിമന്റ്സ് ഒരിക്കലും വിട്ടുവീഴ്ച്ച വരുത്താറില്ല. ഇക്കാര്യം ഉറപ്പ് വരുത്തുന്നതിനായി വിവിധ നടപടികളും, കര്മ്മ പരിപാടികളും കമ്പനി നടപ്പാക്കി വരുന്നു. റോ മില് , കിലിന് , കൂളര് , സിമന്റ് മില് എന്നിവിടങ്ങളില് ആധുനിക മലിനീകരണ നിയന്ത്രണ ഉപകരണങ്ങള് സ്ഥാപിച്ചിട്ടുണ്ട്. പരിസ്ഥിതി സംരക്ഷണം ഉറപ്പാക്കുന്ന രീതിയിലുള്ള ഖനന സാങ്കേതിക വിദ്യയാണ് കമ്പനിയുടെ ഖനിയില് നടപ്പാക്കിയിട്ടുള്ളത്. പരിശോധനകളും പ്രവര്ത്തനം വിലയിരുത്തലും ഒരോ ഘട്ടത്തിലുമുള്ള പ്രവര്ത്തന ക്ഷമത കണക്കാക്കുന്നതിനും പ്രശ്നങ്ങള് ഉണ്ടെങ്കില് പരിഹരിക്കുന്നതിനും സഹായിക്കുന്നു.
ജീവനക്കാരില് ഈ വിഷയങ്ങളില് ആവശ്യമായ ധാരണയുണ്ടാക്കാന് കമ്പനിയിലെ ട്രെയിനിംഗ് + ഡവലെപ്പ്മന്റ് വിഭാഗത്തിന്റെ സഹായത്തോടെ കമ്പനി വളരെയധികം പ്രധാന്യം കൊടുക്കുന്നു. എല്ലാ ജോലിയുടെയും ഒരു അവിഭാജ്യ ഘടകമാണ് സുരക്ഷിതത്വം എന്ന് ഞങ്ങള് വിശ്വസിക്കുന്നു. എല്ലാ തലങ്ങളിലുമുള്ള ജീവനക്കാരുടെ കൂട്ടായ പങ്കാളിത്തത്തിലൂടെ മാത്രമേ ഇത് സാധിക്കുകയുള്ളുവെന്നാണ് ഞങ്ങളുടെ വിശ്വാസം. സുരക്ഷിതത്വം ഉറപ്പക്കുന്നതിന് കേന്ദ്ര സുരക്ഷിതത്വ കമ്മിറ്റിയും ഡിപ്പാര്ട്ട്മന്റ് തല സബ്കമ്മിറ്റികളും രൂപീകരിച്ച് അവയുടെ പ്രവര്ത്തനത്തിലൂടെ ജീവനക്കാരുടെ പങ്കാളിത്തം ഉറപ്പാക്കുന്നു.
തൊഴില് സ്ഥലം വൃത്തിയും വെടിപ്പുമുള്ളതായി പരിപാലിക്കുന്നതിന് 5S എന്ന ജപ്പാന്കാരുടെ രീതി കമ്പനിയില് പിന് തുടരുന്നു, കമ്പനിയുടെ ചുറ്റുപാടുമുള്ള പച്ചപ്പ് നിലനിര്ത്തുന്നതിന് മരങ്ങള് നട്ട്പിടിപ്പിച്ച് പരിപാലിച്ചുവരുന്നു. മലിനീകരണ നിയന്ത്രണ നിയമങ്ങള് കര്ക്കശമാക്കുന്നതനുസരിച്ച് അത് പാലിക്കാനായി കമ്പനി പ്ലാന്റില് വേണ്ട നവീകരണ പ്രവര്ത്തനങ്ങള് നടത്തിവരുന്നു.
സമീപ പ്രദേശത്തുള്ള കമ്പനികളേയും മറ്റു പൊതുമേലാസ്ഥാപനങ്ങളേയും താരതമ്യം ചെയ്യുമ്പോള് മലബാര് സിമന്റ്സ് വളരെയധികം തൊഴിലാളി ക്ഷേമപ്രവര്ത്തങ്ങളാണ് നടപ്പിലാക്കിയിട്ടുള്ളതെന്ന് താഴെ വിവരിച്ചിരിക്കുന്നതില് നിന്ന് മനസ്സിലാക്കാം.
1. കാന്റീന്
പ്ലാന്റിലും, മൈന്സിലും മുഴുവന് സമയവും പ്രവര്ത്തിക്കുന്ന കാന്റീനില് ഡ്യൂട്ടിയിലുള്ള ജീവനക്കാര്ക്ക് മിതമായ നിരക്കില് ഭക്ഷണം നല്കുന്നു.
2. മെഡിക്കല് സെന്റ് റും ആംബുലന്സും
കമ്പനി ടൗണ്ഷിപ്പില് പ്രവര്ത്തിക്കുന്ന രണ്ട് കിടക്കകള് ഉള്ള മെഡിക്കല് സെന്റ് റില് ജീവനക്കാര്ക്കും, ആശ്രിതര്ക്കും പരിശോധനയും മരുന്നും സൗജന്യമാണ്. ഇവിടെ രണ്ട് മെഡിക്കല് ഓഫീസര്മാരുടെ സേവനം ലഭ്യമാണ്. അത്യാവശ്യഘട്ടങ്ങളില് ജീവനക്കാരെ ആശുപത്രിയിലെത്തിയ്ക്കാന് പ്ലാന്റിലും, മൈന്സിലും ഓരൊ ആംബുലന്സും ഉണ്ട്.
3. പാരിതോഷികങ്ങള്
മെച്ചപ്പെട്ട ലാഭം നേടുന്ന വര്ഷങ്ങളില് ജീവനക്കാര്ക്ക് പാരിതോഷികങ്ങള് നല്കാറുണ്ട്. കഴിഞ്ഞ രണ്ട് വര്ഷങ്ങളില് ഓരോ ജീവനക്കാരനും ഈയിനത്തില് 4 ഗ്രം സ്വര്ണ്ണം നല്കുകയുണ്ടായി. സര്വ്വിസില് നിന്നു വിരമിക്കുന്ന ജീവനക്കാരന് 8 ഗ്രം സ്വര്ണ്ണം വീതം നല്കി വരുന്നു. 25 വര്ഷം പൂര്ത്തിയാക്കുന്ന ജീവനക്കാര്ക്ക് 10 ഗ്രം തങ്കം നല്കി അനുമോദിക്കുന്നു.
4. വെല്ഫെയര് ഫണ്ട്
ജീവനക്കാര്ക്ക് അത്യാവശ്യ സന്ദര്ഭങ്ങളില് സാമ്പത്തിക സഹായം നല്കാന് ഒരു വെല്ഫെയര് ഫണ്ട് രുപീകരിച്ചിട്ടുണ്ട്. മാനേജ്മെന്റും തൊഴിലാളികളുടെ പ്രതിനിധികളുമടങ്ങുന്ന കമ്മിറ്റിയ്ക്കാണിതിന്റെ ഭരണചുമതല. രോഗ ചികിത്സയ്ക്ക് പുറമെ, റിട്ടയര്മന്റ്, മരണം എന്നീ അവസരങ്ങളിലും ഇതിന്റെ സേവനം ലഭ്യമാണ്. ഗ്രൂപ്പ് മെഡിക്കല് ഇന്ഷുറന്സ് പദ്ധതിയില് ഉള്പ്പെടുത്തി ജീവനക്കാര്ക്ക് പുറമെ ആശ്രിതര്ക്കും ഇതിന്റെ ആനുകൂല്യം ലഭിക്കുന്നു.
5. മെഡിക്കല് റിഇമ്പേര്സ്മന്റ്
ഇ.എസ്.ഐ. ആനുകൂല്യം ലഭിക്കാത്ത എല്ലാ ജീവനക്കാര്ക്കും ഒരു വര്ഷം ഒരു മാസത്തെ ശമ്പളം മെഡിക്കല് റിഇമ്പേര്സ്മന്റ് ആയി ലഭിക്കാന് അര്ഹതയുണ്ട്.
6. മിതമായ നിരക്കില് സിമന്റ്
10 വര്ഷം സര്വീസ് പൂര്ത്തിയാക്കിയ ജീവനക്കാരന് 200 ചാക്ക് സിമന്റ് വരെ സിമന്റ് മിതമായ നിരക്കില് ലഭിക്കാന് അര്ഹതയുണ്ട് .
7. യാത്രാ സൗകര്യം
ജോലിയ്ക്ക് വന്നുപോകുന്നതിന് പാലക്കാടിനും വാളയാറിനുമിയ്ക്ക് സൗജന്യനിരക്കില് വാഹന സൗകര്യം ഒരുക്കിയിട്ടുണ്ട്. കൂടാതെ വാളയാറിലും സമീപപ്രദേശങ്ങളിലും താമസിക്കുന്ന ജീവനക്കാരുടെ മക്കള്ക്ക് സ്ക്കൂളിലും, കോളേജിലും പോയിവരാന് സൗജന്യമായി വാഹനസൗകര്യം നല്കുന്നുണ്ട്.
8. ആശ്രിത നിയമനം
സര്വ്വീസിലിരിക്കുമ്പോള് മരണപ്പെടുന്ന ജീവനക്കാരുടെ ആശ്രിതരില് ഒരാള്ക്ക് കമ്പനിയില് ജോലി നേടാനുള്ള ഒരു പദ്ധതി നിലവിലുണ്ട്.
9. താമസ സൗകര്യം
ഒറ്റയ്ക്കും കുടുംബസമേതവും ജീവനക്കാര്ക്ക് താമസിയ്ക്കാന് സൗകര്യമൊരുക്കിയിട്ടുള്ള ഒരു ടൗണ്ഷിപ്പ് കമ്പനിയ്ക്കുണ്ട്.
10. ജീവനക്കാരുടെ സഹകരണ സംഘം
കമ്പനിയുടെ സഹായത്തോടെ ജീവനക്കാരുടെ ഒരു സഹകരണസംഘം ടൗണ്ഷിപ്പില് പ്രവര്ത്തിച്ചുവരുന്നു. ജീവനക്കാര്ക്ക് കടമായി നിത്യോപയോഗസാധനങ്ങള് വാങ്ങിയ്ക്കുവാന് ഇവിടെ സൗകര്യമുണ്ട്.
ഏതൊരു വ്യവസായ സ്ഥാപനത്തിനും, പ്രത്യേകിച്ച് ലാഭത്തില് പ്രവര്ത്തിക്കുന്ന പൊതുമേലാസ്ഥാപനങ്ങള്ക്ക്, അതിന്റെ ചുറ്റുപാടുമുള്ള ജനങ്ങളുടെ സാമൂഹികോന്നതിയ്ക്ക് വളരെ പ്രധാനമായ പങ്കുവഹിയ്ക്കാനുണ്ട്. മലബാര് സിമന്റ്സ് തനതായ രീതിയില് ഈ പങ്ക് വഹിയ്ക്കുന്നുണ്ട്.
നടുപ്പതി ആദിവാസി കോളനി
ആദിവാസി സമൂഹത്തിന്റെ മൊത്തത്തിലുള്ള ഉന്നമനത്തിനായി നടുപ്പതി കോളനിയിലെ ആദിവാസി സ്ക്കൂള് കമ്പനി ദത്തെടുത്തിട്ടുണ്ട്.
സമൂഹിക ഉത്തരവാദിത്വം
ചന്ദ്രാപുരം മുതല് കമ്പനി ടൗണ്ഷിപ്പ് വരെ ദേശീയ പാത കമ്പനിയുടെ ചെലവില് വൈദുതീകരിച്ച് തെരുവ് വിളക്കുകള് സ്ഥാപിച്ചു.2010 ല് കോഴിക്കോട് മെഡിക്കല് കോളേജിലെ ഒരു കെട്ടിടം നവീകരിച്ചു നല്കി. ഭൂമിയിലെ പച്ചപ്പ് നിലനിത്തുന്നതിനായി മൈന്സിലും പ്ലാന്റിലും വൃക്ഷത്തൈകള് നട്ട് പരിപാലിക്കുന്നു.
അവസാനം പരിഷ്കരിച്ചത് : 5/30/2020
കൂടുതല് വിവരങ്ങള്
ആസൂത്രണം - വിശദ വിവരങ്ങൾ
കൂടുതല് വിവരങ്ങള്
കൂടുതല് വിവരങ്ങള്