മ്യൂച്ച്വല്‍ ഫണ്ട് നിക്ഷേപം

ഒരു മൂച്വല്‍ ഫന്‍ഡ് എന്നാല്‍ എന്താണ്?

മ്യൂച്ച്വല്‍ ഫന്‍ഡ് എന്നത് ഒരു കൂട്ടം നിക്ഷേപകരുടെ സമ്പത്ത് ഒരേ ലക്ഷ്യത്തിനായി ഒന്നിച്ചു കൂട്ടുന്ന ഒരു ട്രസ്റ്റ് ആണ്. കുറച്ച് പണം മാത്രം കയ്യിലുള്ളവര്‍ക്കും മ്യൂച്ച്വല്‍ ഫന്‍ഡില്‍ നിക്ഷേപിക്കാം. ഈ നിക്ഷേപകര്‍ നിക്ഷേപത്തിന്ന് മുന്‍കൂട്ടി നിശ്ചയിച്ച ലക്ഷ്യവും നീതിയുമുള്ള ഒരു മ്യൂച്ച്വല്‍ ഫന്‍ഡിന്റെ യൂണിറ്റുകള്‍ വാങ്ങുന്നു.

അങ്ങിനെ സ്വരുക്കൂട്ടിയ പണം ഫന്‍ഡ് മാനേജര്‍ പല സെക്യൂരിറ്റികളില്‍ നിക്ഷേപിക്കുന്നു. ഇത് സ്കീമിന്റെ മുന്‍നിശ്ചയിച്ച ലക്ഷ്യത്തിന്നനുസരിച്ച് ഷെയറുകളാകാം, ഡിബഞ്ചറുകളാകാം അല്ലെങ്കില്‍ മറ്റേതെങ്കിലും പണമിടപാട് ഇന്‍സ്ട്രുമെന്റുകളാകാം. ഇങ്ങിനെയുള്ള നിക്ഷേപങ്ങളില്‍നിന്നും മൂലധനത്തിന്റെ വര്‍ദ്ധനവില്‍ നിന്നും ലഭിക്കുന്ന പണം യൂണിറ്റ് വാങ്ങിയവര്‍ വാങ്ങിയ യൂണിറ്റിന്റെ അനുപാതത്തില്‍ വിഭജിച്ചെടുക്കുന്നു. അതുകൊണ്ടു തന്നെ ഒരു സാധാരണക്കാരനെ സംബന്ധിച്ചിടത്തോളം ഏറ്റവും യോജിച്ച നിക്ഷേപം മ്യൂച്ച്വല്‍ ഫന്‍ഡ് ആണ്, കാരണം അത് വിവിധ സെക്യൂരിറ്റികളില്‍ കുറഞ്ഞ ചിലവില്‍ നിക്ഷേപിക്കുവാനുള്ള അവസരം നല്‍‌കുകയും അതിന്ന് ഒരു പ്രൊഫഷണല്‍ മേല്‍ നോട്ടം നല്‍‌കുകയും ചെയ്യുന്നു.

മ്യൂച്ച്വല്‍ ഫന്‍ഡ് സ്കീമുകളുടെ തരങ്ങള്‍

നിങ്ങളുടെ പ്രായം, സാമ്പത്തിക നില, റിസ്ക് എടുക്കുവാനുള്ള നിങ്ങളുടെ മനസ്ഥിതി, പ്രതിഫലേച്ച എന്നിവ എന്തുമാകട്ടെ അവയ്ക്കൊക്കെ ചേര്‍ന്ന ഒരുപാട് മ്യൂച്ച്വല്‍ ഫന്‍ഡുകളുണ്ട്. നിങ്ങളുടെ നിക്ഷേപങ്ങളുടെ അടിത്തറ എന്ന നിലയിലോ നിക്ഷേപങ്ങള്‍‌ക്ക് ഒരു കൂട്ട് എന്ന നിലയിലോ എന്തുമാകട്ടെ, നിങ്ങളുടെ സാമ്പത്തിക ലക്ഷ്യങ്ങള്‍ കൈവരിക്കുവാന്‍ മ്യൂച്ച്വല്‍ ഫന്‍ഡ് സ്കീമുകള്‍‌ക്കാകും.

(എ) ഘടനയനുസരിച്ച്

ഓപണ്‍ എന്‍ഡഡ് സ്കീമുകള്‍

ഇവയ്ക്ക് ഒരു നിശ്ചിത പക്വതാ സമയം (മചുരിറ്റി) ഇല്ല. നിങ്ങള്‍ നിങ്ങളുടെ മ്യൂച്ച്വല്‍ ഫന്‍ഡുമായി നിങ്ങളുടെ നിക്ഷേപം തിരിച്ചെടുക്കല്‍ എന്നിവയ്ക്ക് ഇടപെടുന്നു. ഈ തരം ഫന്‍ഡുകളുടെ പ്രധാന സ്വഭാവ വിശേഷം അവ എളുപ്പത്തില്‍ പണമാക്കി മാറ്റാമെന്നതാണ് (ലിക്വിഡിറ്റി). നിങ്ങള്‍‌ക്ക് ഏത് സമയത്ത് വേണമെങ്കിലും നിങ്ങളുടെ യൂണിറ്റുകള്‍ നെറ്റ് അസറ്റ് വാല്യു (എന്‍ എ വി) വുമായി ബന്ധപ്പെട്ട വിലയ്ക്ക് വാങ്ങുകയോ വില്‍‌ക്കുകയോ ചെയ്യാവുന്നതാണ്.

ക്ലോസ് എന്‍ഡഡ് സ്കീമുകള്‍

ഒരു നിശ്ചിത പക്വതാ പരിധി (മചുരിറ്റി) ഉള്ള സ്കീമുകളെയാണ് (2 മുതല്‍ 15 വര്‍ഷം വരെ) ക്ലോസ് എന്‍ഡഡ് സ്കീമുകള്‍ എന്നു വിളിക്കുന്നത്. നിങ്ങള്‍‌ക്ക് ഈ ഫന്‍ഡുകളില്‍ അവയുടെ ആദ്യ ഇഷ്യുവിന്റെ സമയത്ത് നിക്ഷേപിക്കാവുന്നതും, അതിനുശേഷം അവ ലിസ്റ്റ് ചെയ്തിരിക്കുന്ന സ്റ്റോക് എക്സ്ചേഞ്ചുകളില്‍ നിന്നും വാങ്ങുകയോ വില്‍‌ക്കുകയോ ചെയ്യാവുന്നതുമാണ്. സ്റ്റോക്ക് എക്സ്ചേഞ്ചിലെ മാര്‍ക്കറ്റ് വില,സ്കീമിന്റെ എന്‍ എ വി യില്‍ നിന്നും വ്യത്യസ്ഥമായേക്കാം, ഇതിന്ന് കാരണം പ്രധാനമായും ഡിമാന്റ് സപ്ലൈ അനുപാതം, യൂണിറ്റുകള്‍ കയ്യിലുള്ളവരുടേ പ്രതീക്ഷ, അല്ലെങ്കില്‍ മറ്റ് മാര്‍ക്കറ്റ് ഘടകങ്ങള്‍ എന്നിവയാണ്. ക്ലോസ് എന്‍ഡഡ് സ്കീമുകളുടെ ഒരു സാധാരണ സ്വഭാവ വിശേഷം അവ എന്‍ എ വിയില്‍ കുറഞ്ഞ വിലയ്ക്കാണ് ട്രേഡ് ചെയ്യപ്പെടുന്നതെന്നാണ്; എന്നാല്‍ മചുരിറ്റി സമയം അടുത്തുവരും തോറും ഈ അകലം കുറഞ്ഞു വരുന്നു.

ചില ക്ലോസ് എന്‍ഡഡ് സ്കീമുകള്‍ എന്‍ എ വി യുമായി ബന്ധപ്പെട്ട വിലയ്ക്കു തന്നെ മ്യൂച്ച്വല്‍ ഫന്‍ഡിന് തിരിച്ചു വില്‍ക്കുവാനുള്ള സൗകര്യം ഒരുക്കുന്നുണ്ട്. നിക്ഷേപകന് രണ്ടില്‍ ഒരു നിര്‍ഗമന മാര്‍ഗം തുറന്നിരിക്കുന്നുവെന്ന് സെബിയുടെ റഗുലേഷന്‍ ഉറപ്പാക്കുന്നു.

ഇന്റര്‍വല്‍ സ്കീമുകള്‍

ഇവ ഓപണ്‍ എന്‍ഡഡ് സ്കീമുകളുടേയും ക്ലോസ് എന്‍ഡഡ് സ്കീമുകളുടേയും സ്വഭാവ വിശേഷങ്ങള്‍ സമന്വയിപ്പിക്കുന്നു. ഇവ സ്റ്റോക് എക്സ്ചേഞ്ചില്‍ ട്രേഡ് ചെയ്യുകയോ, മുന്‍ കൂട്ടി നിശ്ചയിച്ച ഇടവേളകളില്‍ എന്‍ എ വിയുമായി ബന്ധപ്പെട്ട വിലയ്ക്ക് വില്‍‌ക്കുകയോ പിന്‍വലിക്കുകയോ ചെയ്യാവുന്നതാണ്.

(ബി) നിക്ഷേപ ലക്ഷ്യം മുന്‍ നിറുത്തി

ഗ്രോത്ത് സ്കീമുകള്‍ (വളര്‍ച്ചാ സ്കീമുകള്‍)

മദ്ധ്യകാലം മുതല്‍ ദീര്‍ഘകാലം വരെയുള്ള കാലയളവില്‍ മൂലധന വര്‍ദ്ധന ലക്ഷ്യമാക്കുന്നു. ഈ സ്കീമുകള്‍ സാധാരണയായി അവരുടെ ഫന്‍ഡിന്റെ ഭൂരിഭാഗവും ഇക്വിറ്റിയില്‍ നിക്ഷേപിക്കുകയും, ഹ്യസ്വകാലങ്ങളില്‍ വിലയില്‍ ചെറിയ നഷ്ടങ്ങള്‍ സഹിച്ച് ഭാവിയിലെ വിലകയറ്റത്തിനായി കാത്തിരിക്കുവാനും തയ്യാറാകുന്നു.
ഈ സ്കീമുകള്‍ ഒരു സ്ഥിര വരുമാനം തേടുന്ന അല്ലെങ്കില്‍ ഹ്യസ്വകാലത്തില്‍ പണം തിരികെ വേണമെന്ന് ഉദ്ദേശിക്കുന്ന നിക്ഷേപകരെ ലക്ഷ്യമാക്കിയുള്ളതല്ല.

താഴെപ്പറയുന്നവയ്ക്ക് ഏറ്റവും അനുയോജ്യമാണിവ:

• വരുമാനകാര്യത്തില്‍ അവരുടെ നല്ലകാലത്തായിരിക്കുന്ന നിക്ഷേപകര്‍.

• ദീര്‍ഘകാല വളര്‍ച്ച ആഗ്രഹിക്കുന്ന നിക്ഷേപകര്‍.

വരുമാന സ്കീമുകള്‍

നിക്ഷേപകര്‍‌ക്ക് സ്ഥിരവരുമാനമാണുദ്ദേശം. ഈ സ്കീമുകള്‍ സാധാരണയായി സ്ഥിര വരുമാനം തരുന്ന ബോന്‍ഡുകള്‍, കോര്‍പറേറ്റ് ഡിബഞ്ചറുകള്‍ മുതലായ സെക്യൂരിറ്റികളില്‍ നിക്ഷേപിക്കുന്നു.

അത്തരം സ്കീമുകളിലെ മൂലധന വര്‍ദ്ധന കുറവായിരിക്കാം.

ഇവ‌ര്‍ക്ക് യോജിച്ചതാണ്:

• മൂലധനത്തില്‍ സ്ഥിരതയും നിശ്ചിത വരുമാനവും ആഗ്രഹിക്കുന്ന് റിട്ടയര്‍ ചെയ്തവരും മറ്റുള്ളവരും.

• അവരുടെ സ്ഥിരവരുമാനത്തിനു പിന്തുണയായി മറ്റൊരു വരുമാനം കൂടി വേണമെന്നുള്ളവര്‍.

ബാലന്‍സ്ഡ് സ്കീമുകള്‍

വരുമാനത്തിന്റേയും മൂലധന ലാഭത്തിന്റേയും ഒരു ഭാഗം നിശ്ചിത കാലയളവുകളില്‍ വിതരണം ചെയ്ത് വരുമാനവും വളര്‍ച്ചയും രണ്ടും ലക്ഷ്യമാക്കുന്നു. അവര്‍ അവരുടേ ഓഫര്‍ രേഖയില്‍ കാണിച്ചിരിക്കുന്ന അനുപാതത്തില്‍ ഷെയറുകളിലും സ്ഥിര വരുമാന സെക്യൂരിറ്റികള്‍ലും നിക്ഷേപിക്കുന്നു. ഇത്തരം സ്കീമുകളുടേ എന്‍ എ വി സ്റ്റോക് മാര്‍ക്കറ്റ് ഉയരുമ്പോള്‍ അതേ വേഗതയില്‍ ഉയരുകയോ താഴുമ്പോള്‍ അതേ വേഗതയില്‍ താഴുകയോ ചെയ്യുകയില്ല.

താഴെപ്പറയുന്നവയ്ക്ക് ഏറ്റവും അനുയോജ്യമാണിവ:

• ഒരു വരുമാനത്തിനും മിതമായ ഒരു വളര്‍ച്ചയ്ക്കും നോക്കുന്ന നിക്ഷേപകര്‍.

മണി മാര്‍ക്കറ്റ് / ലിക്വിഡ് സ്കീമുകള്‍ 

പണം എപ്പോള്‍ ആവശ്യമുണ്ടോ അപ്പോള്‍ ലഭ്യമാക്കുന്നതിനായി ലക്ഷ്യമിടുന്നു, അതേസമയം മൂലധനത്തില്‍ നഷ്ടമില്ലായ്മയും മിതമായ ഒരു വരുമാനവും. ഈ സ്കീമുകള്‍ സാധാരണയായി സുരക്ഷിതമായ, ഹ്യസ്വകാല ഇന്‍സ്ട്രുമെന്റുകളില്‍, ഉദാഹരണത്തിന് ട്രഷറി ബില്ലുകള്‍, ഡിപോസിറ്റ് സര്‍ട്ടിഫിക്കറ്റുകള്‍, കമേഴ്സ്യല്‍ പേപറുകള്‍, ഇന്റര്‍ ബാങ്ക് കോള്‍ മണികള്‍ എന്നിവയില്‍ നിക്ഷേപിക്കുന്നു. 

ഈ സ്കീമുകളില്‍ നിന്നുമുള്ള വരുമാനം മാര്‍ക്കറ്റില്‍ അപ്പോള്‍ നിലവിലുള്ള പലിശ നിരക്കനുസരിച്ച് കൂടിയും കുറഞ്ഞുമിരിക്കാം.

ഇവ‌ര്‍ക്ക് യോജിച്ചതാണ്:

• അവരുടെ അധിക സമ്പത്ത് ഒരു ഹസ്വകാലത്തേക്ക് നിക്ഷേപിക്കുവാന്‍ ആഗ്രഹിക്കുന്ന അല്ലെങ്കില്‍ നിക്ഷേപത്തിനായി കൂടുതല്‍ മറ്റൊരു സൗകര്യം കാത്തിരിക്കുന്ന കോര്‍പറേറ്റുകള്‍ക്കും വ്യക്തികള്‍‌ക്കും

മറ്റ് സ്കീമുകള്‍ 

ടാക്സ് സേവിങ്ങ് സ്കീമുകള്‍ (ഇക്വിറ്റി ലിങ്ക്‌ഡ് സേവിങ്ങ് സ്കീം -ഇ എല്‍ എസ് എസ്) 

ഈ സ്കീമുകള്‍ കാലാകാലങ്ങളില്‍ തീരുമാനിക്കുന്ന നികുതി നിയമങ്ങള്‍ക്കനുസ്യതമായി നിക്ഷേപകര്‍ക്ക് നികുതി ലാഭങ്ങള്‍ ഓഫര്‍ ചെയ്യുകയും, മൂച്ച്വല്‍ ഫന്‍ഡുകളിലൂടെ ഇക്വിറ്റിയില്‍ ദീര്‍ഘകാല നിക്ഷേപം പ്രോത്സാഹിപ്പിക്കുകയും ചെയ്യുന്നു. 

ഇവ‌ര്‍ക്ക് യോജിച്ചതാണ്:

• നികുതിയിളവ് ആഗ്രഹിക്കുന്ന നിക്ഷേപകര്‍.

സ്പെഷ്യല്‍ (പ്രത്യേക) സ്കീമുകള്‍

ഇതില്‍ ഒരു പ്രത്യേക ഇന്‍ഡക്സ്റ്റിന്റെ പ്രകടനം പകര്‍ത്തുവാന്‍ ആഗ്രഹിക്കുന്ന, ഉദാഹരണമായി ബി എസ് ഇ സെന്‍സക്സ്, എന്‍ എസ് ഇ 50 (നിഫ്റ്റി) അല്ലെങ്കില്‍ ഏതെങ്കിലും ഒരു പ്രത്യേക വിഭാഗത്തില്‍ മാത്രം നിക്ഷേപിക്കുന്ന, ഉദാഹരണമായി സാങ്കേതിക വിദ്യ, ഇന്‍ഫ്രാസ്ട്രക്‌ചര്‍, ബാങ്കിങ്ങ്, ഫാര്‍മ മുതലായവ; സ്കീമുകള്‍ ഉള്‍പ്പെടുന്നു.

ഇതുകൂടാതെ കാപിറ്റല്‍ മാര്‍ക്കറ്റില്‍ ചില പ്രത്യേക വിഭാഗങ്ങളില്‍ മാത്രം, ലാര്‍ജ് മിഡ് കാപ്, മിഡ് കാപ്, സ്മോള്‍ കാപ്, മൈക്രൊ കാപ്, 'എ' ഗ്രൂപ് ഷെയറുകള്‍, ഇനിഷ്യല്‍ പബ്ലിക് ഓഫറിലൂടെ (ഐ പി ഒ) ഇഷ്യു ചെയ്യപ്പെടുന്ന ഇഷ്യുകള്‍ മുതലായവ; നിക്ഷേപിക്കുന്ന ചില സ്കീമുകളുമുണ്ട്.

ഏകദേശം ഇന്‍ഡക്സിനു തുല്യമായ വരുമാനത്താല്‍ സംത്യപ്തരാകുന്ന നിക്ഷേപകര്‍ക്ക് ഏറ്റവും യോജിച്ചതാണ് ഇന്‍ഡക്സ് ഫന്‍ഡ് സ്കീമുകള്‍.

സെക്ടറല്‍ ഫന്‍ഡ് സ്കീമുകള്‍ ഏതെങ്കിലും ഒരു പ്രത്യേക വിഭാഗത്തില്‍ നിക്ഷേപിക്കുവാന്‍ ഉദ്ദേശിച്ചിരിക്കുന്ന നിക്ഷേപകര്‍ക്ക് ഏറ്റവും യോജിച്ചതാണ്.

ഫിക്സ്ഡ് മചൂരിറ്റി പ്ലാനുകള്‍

ഫിക്സ്ഡ് മചൂരിറ്റി പ്ലാനുകള്‍ (എഫ് എം പി) എന്നത് ക്ലോസ് എന്‍ഡഡ് ആയിട്ടുള്ള മ്യൂച്ച്വല്‍ ഫന്‍ഡുകള്‍ ഇറക്കുന്ന ചില സ്കീമുകളാണ്. ഇവയ്ക്ക് സ്ഥിരമായ ഒരു കാലാവുധിയുണ്ട്. ഈ കാലാവുധി ഒരു മാസം മുതല്‍ മൂന്ന് / അഞ്ച് വര്‍ഷം വരെയാകാം. ഈ പ്ലാനുകള്‍ മിക്കവാറും ഡെറ്റ് ചായ്‌വുകള്‍ ഉള്ളതാണ്, എങ്കിലും അവയില്‍ ചിലതിന് ചെറിയ ഒരു ഇക്വിറ്റി ഭാഗധേയവും കാണും.

ഇത്തരം സ്കീമുകളുടെ ഉദ്ദേശം ഒരു സ്ഥിരമായ പക്വതാ കാലയളവില്‍ സ്ഥിരമായ വരുമാനമുണ്ടാക്കുകയും മാര്‍ക്കറ്റിലെ ഗതിവിഗതികളില്‍ നിന്നും നിക്ഷേപകനെ സംരക്ഷിക്കുകയുമാണ്. എഫ് എം പി സാധാരണ നിലയ്ല്‍ അപ്രവര്‍ത്തകമായി മാനേജ് ചെയ്യുന്ന സ്ഥിര വരുമാന സ്കീമുകളാണ്, ഇവയില്‍ ഫന്‍ഡ് മാനേജന്‍ നിക്ഷേപങ്ങള്‍ സ്കീമിന്റെ പക്വതാ സമയവുമായി അടുത്ത പക്വതാ സമയമുള്ള പദ്ധതികളില്‍ നിക്ഷേപിക്കുന്നു. എഫ് എം പി കള്‍ ഗാരന്റിയുള്ള ഉത്പന്നങ്ങളല്ല.

എക്സ്ചേഞ്ച് ട്രേഡഡ് ഫന്‍ഡ്സ് (ഇ ടി എഫ്സ്)

എക്സ്ചേഞ്ച് ട്രേഡഡ് ഫന്‍ഡുകള്‍ എന്നത് ഇന്‍ഡക്സ് ഫന്‍ഡുകളാണ്, ഇവ എക്സ്ചേഞ്ചുകളില്‍ ലിസ്റ്റ് ചെയ്യപ്പെടുകയും ട്രേഡ് ചെയ്യപ്പെടുകയും ചെയ്യുന്നു. ലോകവ്യാപകമായി ഇ ടി എഫുകള്‍ ചില്ലറ നിക്ഷേപകര്‍‌ക്കും ഇന്‍സ്റ്റിറ്റൂഷണല്‍ നിക്ഷേപകര്‍ക്കും നിക്ഷേപത്തിന്ന് വലിയ ഒരു ലോകം തന്നെ തുറന്നിട്ടു. ഇ ടി എഫുകള്‍ നിക്ഷേപകര്‍ക്ക് മൊത്തം സ്റ്റോക് മാര്‍കറ്റില്‍ അല്ലെങ്കില്‍ പ്രത്യേക വിഭാഗങ്ങളില്‍ വലിയ ഒരു പ്രകാശനം എളുപ്പത്തില്‍ ലഭ്യമാക്കുന്നു, ഇത് എപ്പോഴാണോ അപ്പോള്‍ എന്ന നിലയിലും, മറ്റ് നിക്ഷേപ സൗകര്യങ്ങളെ അപേക്ഷിച്ച് ചുരുങ്ങിയ വിലയിലും ലഭ്യമാകുകയും ചെയ്യുന്നു.

ഇ ടി എഫ് എന്നത് സ്റ്റോക്കുകളുടെ ഒരു കൂമ്പാരമാണ്, അതില്‍ എസ് ആന്റ് പി സി എന്‍ എക്സ് നിഫ്റ്റി, ബി എസ് ഇ സെന്‍സക്സ്, സി എന്‍ എക്സ് ബാങ്ക് ഇന്‍ഡക്സ്, സി എന്‍ എക്സ് പി എസ് യു ബാങ്ക് ഇന്‍ഡക്സ്, മുതലായ ഇന്‍ഡക്സുകളുടെ മിശ്രണം പ്രതിഫലിക്കുന്നു. ഇ ടി എഫിന്റെ ട്രേഡ് ചെയ്യുന്ന വില അത് പ്രതിനിധീകരിക്കുന്ന സ്റ്റോക്കുകളുടെ നെറ്റ് അസറ്റ് വിലയെ അടിസ്ഥാനമാക്കിയാകുന്നു. ഇതിനെ മാര്‍ക്കറ്റ് സമയങ്ങളില്‍ ഏതു സമയത്തുവേണമെങ്കിലും വാങ്ങുകയും വില്‍ക്കുകയും ചെയ്യാവുന്ന ഒരു സ്റ്റോക്കിനോട് താരതമ്യപ്പെടുത്താം. ഇന്ത്യയിലെ അദ്യത്തെ ഇ ടി എഫ്, ബഞ്ച് മാര്‍ക്ക് നിഫ്റ്റി ബീസ്, സബ്സ്ക്രിപ്ഷനായി ഡിസംബര്‍ 12, 2001ന്‌ തുറക്കുകയും ജനുവരി 8,2002 ന് ലിസ്റ്റ് ചെയ്യപ്പെടുകയും ചെയ്തു.

കാപിറ്റല്‍ പ്രൊട്ടക്ഷന്‍ ഓറിയന്റഡ് സ്കീമുകള്‍

കാപിറ്റല്‍ പ്രൊട്ടക്ഷന്‍ ഓറിയന്റഡ് സ്കീമുകള്‍ എന്നത് മൂലധം സംരക്ഷിക്കുക എന്ന പ്രധാന്‍ ഉദ്ദേസത്തോടെ ഉയര്‍ന്ന ഗുണനിലവാരമുള്ള സ്ഥിര വരുമാന സെക്യൂരിറ്റികളിലും മൂലധന വര്‍ദ്ധനയ്ക്കായി ഇക്വിറ്റി / ഇക്വിറ്റിയുമായി ബന്ധപ്പെട്ട ഇന്‍സ്ട്രുമെന്റുകളില്‍ രണ്ടാമതായും നിക്ഷേപിക്കുക എന്ന ലക്ഷ്യമുള്ള സ്കീമുകളാണ്. ഇന്ത്യയിലെ ആദ്യത്തെ കാപിറ്റല്‍ പ്രൊട്ടക്ഷന്‍ ഓറിയന്റ്ഡ് ഫന്‍ഡ്, ഫ്രാങ്ക്ലിന്‍ ടെം‌പ്ലെറ്റൊണ്‍ കാപിറ്റല്‍ ഓറിയന്റഡ് ഫന്‍ഡ് അതിന്റെ സബ്സ്ക്രിപ്ഷന്‍ ഒക്ടോബര്‍ 31,2006 ന് തുറന്നു.

ഗോള്‍ഡ് എക്സ്ചേഞ്ച് ട്രേഡഡ് ഫന്‍ഡ്സ് (ജി ഇ ടി എഫ്സ്) 

ഗോള്‍ഡ് എക്സ്ചേഞ്ച് ട്രേഡഡ് ഫന്‍ഡുകള്‍ നിക്ഷേപകര്‍‌ക്ക് കുറഞ്ഞ ചിലവില്‍, പുതുമയാര്‍ന്ന, സുരക്ഷിതമായ സ്വര്‍ണ്ണ മാര്‍ക്കറ്റിനെ സമീപിക്കുവാനുള്ള മാര്‍ഗം ഓഫര്‍ ചെയ്യുന്നു. ഗോള്‍ള്‍ഡ് ഇ ടി എഫുകള്‍ നിക്ഷേപകര്‍ക്ക് സ്വര്‍ണ്ണത്തിന്റെ മാര്‍ക്കറ്റില്‍, യൂണിറ്റുകള്‍ സ്റ്റോക് എക്സ്ചേഞ്ചിലൂടെ വാങ്ങിയും വിറ്റും, സ്വര്‍ണ്ണം നേരിട്ട് കൈപറ്റാതെ, പങ്കെടുക്കുവാനുള്ള ഒരു മാര്‍ഗമാണ്. ഇന്ത്യയിലെ ആദ്യത്തെ ഗോള്‍ഡ് ഇ ടി എഫ്, ബഞ്ച്മാര്‍ക്ക് ജി ഇ ടി എഫ്, അതിന്റെ സബ്സ്ക്രിപ്ഷന്‍ ഫെബ്രുവരി 15, 2007 ന് തുറക്കുകയും എന്‍ എസ് ഇ യില്‍ ഏപ്രില്‍ 17,2007 ന് ലിസ്റ്റ് ചെയ്യുകയും ചെയ്തു.

ക്വാണ്ടിറ്റേറ്റീവ് ഫന്‍ഡുകള്‍

ക്വാണ്ടിറ്റേറ്റീവ് ഫന്‍ഡുകള്‍ എന്നത് എണ്ണം അടിസ്ഥാനമാക്കി സെക്യൂരിറ്റി തിരഞ്ഞെടുക്കുന്ന ഒരു നിക്ഷേപ ഫന്‍ഡ് ആണ്. അത്തരം ഫന്‍ഡുകളുടെ മാനേജര്‍മാര്‍ ഒരു നിക്ഷേപം ആകര്‍ഷകമായിരിക്കുമോ അല്ലയോ എന്നറിയുവാനായി കംപ്യൂട്ടര്‍ നിര്‍മ്മിത മോഡലുകള്‍ ഉപയോഗിക്കുന്നു. ശുദ്ധമായ ഒരു "ക്വാണ്ട് കട"യില്‍ വാങ്ങുവാനും വില്‍ക്കുവാനുമുള്ള തീരുമാനം എടുക്കുന്നത് ഈ മോഡലാണ്. എന്നിരുന്നാലും ഫന്‍ഡ് മാനേജര്‍ ഈ കംപ്യൂട്ടര്‍ തീരുമാനത്തെക്കൂടാതെ അദ്ദേഹത്തിന്റെ ബുദ്ധിയുമുപയോഗിക്കുന്ന ഒരു മദ്ധ്യവര്‍ത്തി നയവുമുണ്ട്. ഇന്ത്യയിലെ ആദ്യത്തെ ക്വാണ്ട് അടിസ്ഥാനമാക്കിയുള്ള മ്യൂച്ച്വല്‍ ഫന്‍ഡ്, ലോട്ടസ് അജൈല്‍ ഫന്‍ഡ് അതിന്റെ സബ്സ്ക്രിപ്ഷന്‍ ഒക്ടോബര്‍ 25,2007 ന് തുറന്നു.

വിദേശങ്ങളില്‍ നിക്ഷേപിക്കുന്ന ഫന്‍ഡുകള്‍

സാമ്പത്തിക രംഗം തുറന്നതായതോടെ മ്യൂച്ച്വല്‍ ഫന്‍ഡുകള്‍‌ക്ക് വിദേശ സെക്യൂരിറ്റികളില്‍ / അമേരിക്കല്‍ ഡിപോസിറ്ററി റസീപ്റ്റുകളില്‍ (എ ഡി ആര്‍) / ഗ്ലോബല്‍ ഡിപോസിറ്ററി റസീപ്റ്റുകളില്‍ (ജി ഡി ആര്‍) നിക്ഷേപിക്കുവാന്‍ അനുവാദം ലഭിച്ചിട്ടുണ്ട്. അത്തരം ചില ഫന്‍ഡുകള്‍ വിദേശത്ത് മാത്രം നിക്ഷേപങ്ങള്‍ നടത്തുന്നവര്യും മറ്റു ചിലവ ഭാഗികമായി വിദേശ സെക്യൂരിറ്റികളിലും ഭാഗികമായി ദേശീയ സെക്യൂരിറ്റികളിലും നിക്ഷേപിക്കുന്നു. ഇതില്‍ തന്നെ മിക്കവാറും സ്കീമുകള്‍ ലോകത്തിന്റെ നാനാ ഭാഗത്തുമുള്ള സെക്യൂരിറ്റികളില്‍ നിക്ഷേപിക്കാറുണ്ടെങ്കിലും ചിലത് ചില രാജ്യങ്ങളില്‍ മാത്രം നിക്ഷേപിക്കുന്ന നയമുള്ളവയാണ്.

ഫന്‍ഡ് ഓഫ് ഫന്‍ഡ്സ് (എഫ് ഒ എഫ്സ്)

ഫന്‍ഡ് ഓഫ് ഫന്‍ഡ്സ് എന്നിവ മറ്റ് മ്യൂച്ച്വല്‍ ഫ്ന്‍ഡ് സ്കീമുകളില്‍ നിക്ഷേപിക്കുന്നവയാണ്. ഇത്തരം സ്കീമുകളുടെ പോര്‍ട്ഫോളിയൊയില്‍ മറ്റ് മ്യൂച്ച്വല്‍ ഫന്‍ഡുകളുടെ സ്കീമുകള്‍, കാഷ് / മണി മാര്‍ക്കറ്റ് സെക്യൂരിറ്റികള്‍ / ഹ്യസ്വകാല ഡിപോസിറ്റുകള്‍ മുതലായവ മാത്രമേ കാണുകയുള്ളു. ആദ്യത്തെ എഫ് ഒ എഫ് തുടങ്ങിയത് ഫ്രാങ്ക്ലിന്‍ ടെംപ്ലെടൊണ്‍ മ്യൂച്ച്വല്‍ ഫന്‍ഡ് ഒക്ടോബര്‍ 17, 2003 നാണ്.

ഫന്‍ഡ് ഓഫ് ഫന്‍ഡ് പ്രത്യേക വിഭാഗങ്ങള്‍ക്ക് മാത്രമായോ; ഉദാഹരണത്തിന് റിയല്‍ എസ്റ്റേറ്റ് എഫ് ഒ എഫ്, തീം അടിസ്ഥാനമാക്കിയുള്ളവ; ഉദാഹരണത്തിന്, ഇക്വിറ്റി എഫ് ഒ എഫ്, ലക്ഷ്യം അടിസ്ഥാനമാക്കിയുള്ളവ, ഉദാഹരണത്തിന് ലൈഫ് സ്റ്റേജസ്റ്റ് എഫ് ഒഫ് എഫ്, അല്ലെങ്കില്‍ ശൈലി അടിസ്ഥാനമാക്കിയുള്ളവ; ഉദാഹരണത്തിന് അഗ്രസീഫ് / കോഷ്യസ് എഫ് ഒ എഫ് മുതലായവ എന്നിങ്ങനേയോ ആവാം.

ഏതെങ്കിലും ഒരു സ്കീം നിങ്ങളുടെ എല്ലാകാലത്തേയും ആവശ്യങ്ങല്‍ എല്ലാ കാലത്തും നേടിത്തരില്ലെന്നത് ദയവായി ശ്രദ്ധിക്കുക. നിങ്ങള്‍ നിങ്ങള്‍‌ക്കാവശ്യമായ വളര്‍ച്ച, വരുമാനം, സ്ഥിരത എന്നിവയുടെ ശരിയായ മിശ്രണം ലഭിക്കുവാനായി നിങ്ങളുടെ പണം വളരെ കരുതലോടെ പല സ്കീമുകളില്‍ നിക്ഷേപിക്കേണ്ടതുണ്ട്.

എല്ലായിപ്പോഴുമെന്നതുപോലെ ഇപ്പോഴും ഓര്‍ക്കുക, കൂടുതല്‍ ഫലേച്ചയുണ്ടെങ്കില്‍ നിങ്ങള്‍ കൂടുതല്‍ അപായസാദ്ധ്യതകളുമായി ഏറ്റുമുട്ടുവാനും തയ്യാറാകണം.

അപായങ്ങള്‍ മനസിലാക്കലും അത് കൈകാര്യം ചെയ്യലും

ഷെയറുകള്‍, ഡിബഞ്ചറുകള്‍ എല്ലെങ്കില്‍ ഡിപോസിറ്റുകള്‍, നിക്ഷേപങ്ങള്‍ ഏതുമാകട്ടെ അവയിലെല്ലാം റിസ്ക് ഉണ്ട്: ഷെയറുകളുടെ മൂല്യം കമ്പനിയുടെ, വ്യവസായത്തിന്റെ പ്രകടനമനുസരിച്ച്, അല്ലെങ്കില്‍ കാപിറ്റല്‍ മാക്കറ്റിന്റേയോ സാമ്പത്തിക സ്ഥിതിയുടേയോ സ്ഥിതിയനുസരിച്ച്, താഴേക്കു വരാം; എന്നിരുന്നാലും, സാധാരണയഅയി, ദീര്‍ഘകാല നിക്ഷേപമാണെങ്കില്‍ റിസ്കും കുറവാണ്; ഡിബഞ്ചര്‍/ബോന്‍ഡ്/ ഡിപോസിറ്റുകള്‍ എന്നിവയുടെ പലിശ/മുതല്‍ എന്നിവ നല്‍‌കുന്നതില്‍ കമ്പനികള്‍ വീഴ്ച വരുത്തിയേക്കാം; നിക്ഷേപത്തിന്മേല്‍ ലഭിക്കുന്ന പലിശ വിലകയറ്റമനുസരിച്ച് ഉള്ളതാകണമെന്നില്ല, ഇത് വാങ്ങുവാനുള്ള കരുത്തിനെ സാരമായി ബാധിക്കുന്നു.

റിസ്ക് ഒഴിവാക്കുവാന്‍ ആകാത്തതാണെങ്കിലും നിപുണതയോടുകൂടെ കൈകാര്യം ചെയ്യുന്നത് റിസ്ക് കുറയ്ക്കുന്നു. മ്യൂച്ച്വല്‍ ഫന്‍ഡുകള്‍ വൈവിധ്യം നല്‍‌കുക വഴിയും പ്രൊഫഷനല്‍ മാനേജ്മെന്റ് വഴിയും റിസ്ക് കുറയ്ക്കുവാന്‍ സഹായിക്കുന്നു. അടിസ്ഥാനപരമഅയി മ്യൂല്യവത്തായ സെക്യൂരിറ്റികള്‍ തിരഞ്ഞെടുക്കുകയും അവ എപ്പോള്‍ വാങ്ങുകയും എപ്പോള്‍ വില്‍‌ക്കുകയും ചെയ്യണമെന്ന് ശരിയായ സമയത്തില്‍ തീരുമാനമെടുക്കുകയും ചെയ്യുന്ന മ്യൂച്ച്വല്‍ ഫന്‍ഡ് മാനേജര്‍മാരുടെ അനുഭവവും നിപുണതയും അവരെ വൈവിധ്യമുള്ള ഒരു പോര്‍ട്ഫോളിയൊ വളര്‍ത്തുവാനും അതുവഴി റിസ്ക് കുറച്ച് വരുമാനം വര്‍ദ്ധിപ്പിക്കുവാനും സഹായിക്കുന്നു.

മ്യൂച്ച്വല്‍ ഫന്‍ഡുകളില്‍ എങ്ങിനെ നിക്ഷേപിക്കാം

ആദ്യത്തെ സ്റ്റെപ് - നിങ്ങളുടെ നിക്ഷേപാവശ്യങ്ങള്‍ തിരിച്ചറിയുക. 

നിങ്ങളുടെ പ്രായം, ജീവിത ശൈലി, സാമ്പത്തിക സ്വാതന്ത്ര്യം, കുടുംബ ബാധ്യതകള്‍, വരുമാനം, ചിലവ് എന്നിവ തുടങ്ങി മറ്റനേകം കാരണങ്ങള്‍ വഴി നിങ്ങളുടെ സാമ്പത്തിക ലക്ഷ്യങ്ങളും വ്യത്യസ്ഥമാകും. അതുകൊണ്ടു തന്നെ ആദ്യത്തെ പടി നിങ്ങളുടെ ആവശ്യങ്ങള്‍ നിര്‍ണ്ണയിക്കുക എന്നതാണ്. ഈ ചോദ്യങ്ങള്‍ ചോദിച്ചുകൊണ്ട് തുടങ്ങുക:

1. എന്റെ നിക്ഷേപ ലക്ഷ്യങ്ങളും ആവശ്യങ്ങളും എന്തൊക്കെ?
സാധ്യതയുള്ള ഉത്തരങ്ങള്‍ : എനിക്ക് സ്ഥിരവരുമാനം വേണം അല്ലെങ്കില്‍ ഒരു വീടു വാങ്ങിക്കണം അല്ലെങ്കില്‍ വിവാഹത്തിന്ന് പണം വേണം അല്ലെങ്കില്‍ എന്റെ കുട്ടികള്‍‌ക്ക് നല്ല വിദ്യഭ്യാസം നല്‍‌കണം അല്ലെങ്കില്‍ ഇവയില്‍ ഒന്നിലധികം കാരണങ്ങള്‍.

2. ഞാന്‍ എത്ര റിസ്ക് എടുക്കുവാന്‍ തയ്യാറുണ്ട്?
സാധ്യതയുള്ള ഉത്തരങ്ങള്‍ : എനിക്ക് വളരെകുറച്ച് റിസ്ക് എടുക്കുവാനേ ആകൂ അല്ലെങ്കില്‍ എന്റെ നിക്ഷേപത്തിന്റെ മൂല്യം മാറിക്കൊണ്ടിരിക്കുമെന്ന വസ്തുത എനിക്ക് അംഗീകരിക്കാം അല്ലെങ്കില്‍ ദീര്‍ഘകാലത്തില്‍ സാധ്യതയുള്ള ചില ലാഭങ്ങള്‍‌ക്കായി ഹ്യസ്വകാലങ്ങളില്‍ നഷ്ടം സഹിക്കുന്നതില്‍ എനിക്ക് കുഴപ്പമില്ല.

3. എന്റെ പണത്തിന്റെ ആവശ്യങ്ങള്‍ എന്തൊക്കെയാണ്?
സാധ്യതയുള്ള ഉത്തരങ്ങള്‍ : എനിക്ക് പണത്തിന് നിരന്തരം ആവശ്യമുണ്ട് അല്ലെങ്കില്‍ എനിക്ക് ഇപ്പോള്‍ പണത്തിന്റെ ആവശ്യമില്ല എന്നാല്‍ എനിക്ക് ഭാവിയിലേക്കായി എന്റെ മൂലധനം സ്വരുക്കൂട്ടണം.

ഇങ്ങിനെ ഒരു വ്യായാമം ചെയ്യുക വഴി നിങ്ങള്‍‌ക്ക് നിങ്ങളുടെ നിക്ഷേപത്തില്‍ നിന്നും നിങ്ങള്‍ എന്ത് പ്രതീക്ഷിക്കുന്നു എന്ന് മനസ്സിലാക്കുകയും, നല്ലൊരു മ്യൂച്ച്വല്‍ ഫന്‍ഡ് നിക്ഷേപ തന്ത്രത്തിന് അടിത്തറയിടുകയുമാകാം.

രണ്ടാമത്തെ സ്റ്റെപ് - ശരിയായ മ്യൂച്ച്വല്‍ ഫ്ന്‍ഡ് തിരഞ്ഞെടുക്കുക.

ഒരിക്കല്‍ നിങ്ങളുടെ മനസ്സില്‍ വ്യക്തമായ ഒരു തന്ത്രം രൂപപ്പെട്ടുകഴിഞ്ഞാല്‍ നിങ്ങള്‍ പിന്നെ ഏത് മ്യൂച്ച്വല്‍ ഫന്‍ഡില്‍ നിക്ഷേപിക്കണമെന്നത് തിരഞ്ഞെടുക്കണം. സ്കീമിറ്റ്നെ ഓഫര്‍ രേഖ അതിന്റെ ലക്ഷ്യങ്ങള്‍ നിങ്ങള്‍‌ക്ക് പറഞ്ഞു തരികയും അതേ ഫന്‍ഡ് മാനേജര്‍ കൈകാര്യം ചെയ്യുന്ന മറ്റ് സ്കീമുകളുടെ പ്രവര്‍ത്തനത്തെ കുറിച്ച് വിവരിക്കുകയും ചെയ്യുന്നു. ഒരു പ്രത്യേക ഫന്‍ഡ് തിരഞ്ഞെടുക്കുന്നതിനു മുമ്പ് ശ്രദ്ധിക്കേണ്ട ചില കാര്യങ്ങള്‍:

കഴിഞ്ഞ ഏതാവും വര്‍ഷത്തെ പ്രവര്‍ത്തനം എങ്ങിനെയിരുന്നുവെന്ന് വിലയിരുത്തുക, ഇത് അതേ വിഭാഗത്തിലുള്ള അതേ പോലുള്ള ഫന്‍ഡുകളുമായി ഒത്തുനോക്കി ചെയ്യാവുന്നതാണ്.

ഫലവത്തായ, കാലതാമസംമില്ലാത്ത വ്യക്തിഗത സേവനം നല്‍‌കുവാന്‍ മ്യൂച്ച്വല്‍ ഫണ്ട് എത്ര കണ്ട് സംഘടിതമാണ്.

അവരുടെ സംവേദങ്ങളില്‍ പ്രതിഫലിപ്പിച്ചിരിക്കന്നതുപോലെ അവരുടെ സുതാര്യതയുടെ നിലവാരം.

മൂന്നാമത്തെ സ്റ്റെപ് - ഏറ്റവും ഉചിതമായ സ്കീമുകളുടെ മിശ്രണം തിരഞ്ഞെടുക്കുക.

ഒരൊറ്റ മ്യൂച്ച്വല്‍ ഫന്‍ഡ് സ്കീമില്‍ നിക്ഷേപിക്കുന്നത് നിങ്ങളുടേ എല്ലാ നിക്ഷേപാവശ്യങ്ങളും പൂര്‍ത്തീകരിക്കുവാന്‍ ഉതകിയേക്കില്ല. നിങ്ങളുടെ പ്രത്യേക ലക്ഷ്യം നേടുന്നതിനായി പല സ്കീമുകളില്‍ നിക്ഷേപിക്കുന്നത് പരിഗണിക്കുക.

നിങ്ങളുടെ ആവശ്യങ്ങള്‍ക്ക് ത്യപ്തി നല്‍‌കുവാനായി സ്കീമുകളുടെ കൂട്ടം തിരഞ്ഞെടുക്കുവാന്‍ നിങ്ങളെ സഹായിച്ചേക്കും.

മ്യൂച്ച്വല്‍ ഫന്‍ഡിന് അഥവാ ലോകത്തിന്റെ ചില പ്രദേശങ്ങളില്‍ വിളിക്കുന്നതു പോലെ യൂണിറ്റ് ട്രസ്റ്റിന് വിജയത്തിന്റെ ദീര്‍ഘകാല ചരിത്രമുണ്ട്. യുണൈറ്റഡ് സ്റ്റേറ്റ്സ് പോലെയുള്ള വികസ്വര സാമ്പത്തിക മാര്‍കറ്റുകളില്‍ മ്യൂച്ച്വല്‍ ഫന്‍ഡിന്റെ ജനപ്രിയത വളരെയധികം വര്‍ദ്ധിച്ചിട്ടുണ്ട്. മാര്‍ച്ച് 2008 അവസാനത്തെ കണക്കുകള്‍ അനുസരിച്ച് യു എസില്‍ മാത്രമായി 8064 മ്യൂച്ച്വല്‍ ഫന്‍ഡുകളുണ്ട്, അവയുടെ മൊത്തം ആസ്തി യു എസ് ഡോളര്‍ 11.734 ട്രില്യണ്‍ ആണ് (470 ലക്ഷം കോടി രൂപ)*. ഇന്ത്യയില്‍ മ്യൂച്ച്വല്‍ ഫന്‍ഡുകളുടെ ചരിത്രം ആരംഭിക്കുന്നത് 1963 ല്‍ യൂണിറ്റ് ട്രസ്റ്റ് ഓഫ് ഇന്ത്യ സ്ഥാപിക്കുന്നതോടെയാണ്. 1987 ല്‍ പബ്ലിക് സെക്ടര്‍ ബാങ്കുകള്‍‌ക്കും സാമ്പത്തിക സ്ഥാപനങ്ങള്‍‌ക്കും മ്യൂച്ച്വല്‍ ഫന്‍ഡുകള്‍ സ്ഥാപിക്കുവാനുള്ള അനുവാദം ലഭിച്ചു. 1993 മുതല്‍ സ്വകാര്യ സെക്ടറിനും വിദേശ സ്ഥാപനങ്ങള്‍‌ക്കും മ്യൂച്ച്വല്‍ ഫന്‍ഡുകള്‍ സ്ഥാപിക്കുവാനുള്ള അനുവാദം ലഭിച്ചു.

ഫെബ്രുവരി 2003 ല്‍ യൂണിറ്റ് ട്രസ്റ്റ് ഓഫ് ഇന്ത്യ ആക്ട് 1963 അസാധുവക്കിയതോടെ, യു ടി ഐ രണ്ട് വ്യത്യസ്ഥ സ്ഥാപനങ്ങളായി വിഭജിക്കപ്പെട്ടു, അവയാണ് വിസ്ത്യതമായി പറഞ്ഞാല്‍ ഉറപ്പുള്ള ഫലപ്രാപ്തിയുള്ള ചില സ്കീമുകളും മറ്റു ചില സ്കീമുകളുമുള്ള യു എസ് 64 സ്കീമുകളുടെ മൂലധനം കൈകാര്യം ചെയ്യുന്ന ദ സ്പെസിഫൈഡ് അന്‍ഡര്‍ടേക്കിങ്ങ് ഓഫ് ദ യൂണിറ്റ് ട്രസ്റ്റ് ഓഫ് ഇന്ത്യയും സെബിയുടെ ഫന്‍ഡ് റെഗുലേഷനനുസരിച്ചുള്ള യു ടി ഐ മ്യൂച്ച്വല്‍ ഫന്‍ഡും.

മാര്‍ച്ച് 2008 അവസാനത്തില്‍ 33 മ്യൂച്ച്വല്‍ ഫന്‍ഡുകളുണ്ട്. ഇവയെല്ലാം കൂടി 956 സ്കീമുകളിലായി 5,05,152 കോടി രൂപയുടെ മൂലധനം കൈകാര്യചെയ്യുന്നു (യു എസ് $ 126 ബില്യണ്‍)*.

വളരെ വേഗത്തില്‍ വളരുന്ന് ഈ വ്യവസായത്തെ നിയന്ത്രിക്കുന്നത് സെക്യൂരിറ്റീസ് ആന്റ് എക്സ്ചേഞ്ച് ബോര്‍ഡ് ഓഫ് ഇന്ത്യ (സെബി) യാണ്.

നിങ്ങള്‍ മ്യൂച്ച്വല്‍ ഫന്‍ഡില്‍ എന്തുകൊണ്ട് നിക്ഷേപിക്കണം?

മ്യൂച്ച്വല്‍ ഫന്‍ഡില്‍ നിക്ഷേപിക്കുന്നതിന്റെ ഗുണങ്ങള്‍:

1.പ്രൊഫഷണല്‍ മാനേജ്മെന്റ്: കമ്പനിയുടെ പ്രകടനവും ഭാവിയും വിശകലനം ചെയ്ത് സ്കീമിന്റെ ലക്ഷ്യങ്ങള്‍ക്ക് അനുസ്യതമായ നിക്ഷേപങ്ങള്‍ തിരഞ്ഞെടുക്കുന്ന അര്‍പ്പണം ചെയ്ത നിക്ഷേപ ഗവേഷണ ടീമിന്റെ പിന്തുണയുള്ള അനുഭവവും നിപുണതയുമുള്ള പ്രൊഫഷണലുകളുടെ സേവനം നിങ്ങള്‍‌ക്ക് ലഭ്യമാകുന്നു.
2.വൈവിധ്യം: മ്യൂച്ച്വല്‍ ഫന്‍ഡുകള്‍ വ്യവസായത്തിന്റേയും വിഭാഗത്തിന്റേയും ഒരു നല്ല ക്രോസ് സെക്ഷനിലുള്ള കമ്പനികളില്‍ നിക്ഷേപിക്കുന്നു. ഈ വൈവിധ്യവല്‍ക്കരണം റിസ്ക് കുറയ്ക്കുന്നു, കാരണം ഒരേ സമയം എല്ലാ സ്റ്റോക്കുകളുടേയും വില ഒരേ തോതില്‍ കുറയുന്നത് സാധാരണയല്‍ല. ഈ വൈവിധ്യം നിങ്ങള്‍ക്ക് മ്യൂച്ച്വല്‍ ഫന്‍ഡുകളിലൂടെ നിങ്ങള്‍‌ക്ക് ഒറ്റയ്ക്ക് ചെയ്യാവുന്നതിലും കുറഞ്ഞ ചിലവില്‍ ചെയ്യുവാനുമാകുന്നു.
3.അഡ്മിനിസ്ട്രേഷനുള്ള സൗകര്യം: മ്യൂച്ച്വല്‍ ഫന്‍ഡുകളില്‍ നിക്ഷേപിക്കുന്നത് കടലാസു ജോലികള്‍ കുറയ്ക്കുകയും, തെറ്റായ ഡെലിവറി, വൈകിയുള്ള ലഭ്യത, ബ്രോക്കര്‍മാരും കമ്പനികളുമായി അനാവശ്യ ഫോളൊ അപ് എന്നീ പ്രശ്നങ്ങളില്‍ നിന്നും ഒഴിവാക്കുന്നു. മ്യൂച്ച്വല്‍ ഫന്‍ഡുകള്‍ നിങ്ങളുടേ സമയം ലാഭിക്കുകയും നിക്ഷേപം സൗകര്യപ്രദവും എളുപ്പവുമാക്കുന്നു.
4.വരുമാനത്തിനുള്ള സാദ്ധ്യത: മദ്ധ്യകാലം തുടങ്ങി ദീര്‍ഘകാലത്തിനുള്ളില്‍ മ്യൂച്ച്വല്‍ ഫന്‍ഡുകള്‍‌ക്ക് അവ വിവിധങ്ങളായ സെക്യൂരിറ്റികളില്‍ നിക്ഷേപിക്കുന്നു എന്നതുകൊണ്ട് കൂടുതല്‍ വരുമാനം നല്‍‌കുവാന്‍ ഉള്ള കഴിവുണ്ട്.
5.കുറഞ്ഞ ചിലവ്: നേരിട്ട് കാപിറ്റല്‍ മാര്‍ക്കറ്റില്‍ നിക്ഷേപിക്കുന്നതിന്ന് താരതമ്യം ചെയ്യുമ്പോള്‍ മ്യൂച്ച്വല്‍ ഫന്‍ഡിലെ നിക്ഷേപം താരതമ്യേന ചിലവു കുറഞ്ഞ മാര്‍ഗമാണ്, കാരണം അത് ബ്രോക്കറേജിലുള്ള കുറവ്, കസ്റ്റോഡിയല്‍ കൂടാതെ മറ്റ് ഫീസുകളിലുള്ള കുറവ് എന്നിവ നിക്ഷേപകര്‍ക്ക് ലാഭകരമാക്കുവാന്‍ കാരണമാക്കുന്നു.
6.ദ്രവ്യത: ഓപണ്‍ എന്‍ഡഡ് സ്കീമുകളില്‍ നിങ്ങള്‍‌ക്ക് നിങ്ങളുടെ പണം ക്യത്യതയോടെ നെറ്റ് അസറ്റ് വാല്യുവുമായി ബന്ധപ്പെട്ട വിലയില്‍ മ്യൂച്ച്വല്‍ ഫന്‍ഡുകളില്‍ നിന്നു തന്നെ ലഭിക്കുന്നു. ക്ലോസ്ഡ് എന്‍ഡഡ് സ്കീമുകളില്‍ നിങ്ങള്‍‌ക്ക് നിങ്ങളുടെ യൂണിറ്റുകള്‍ സ്റ്റോക് എക്സ്ചേഞ്ചില്‍ അപ്പോള്‍ നിലവിലുള്ള മാര്‍ക്കറ്റ് വിലയില്‍ വില്‍‌ക്കുകയോ അല്ലെങ്കില്‍ മ്യൂച്ച്വല്‍ ഫന്‍ഡിന്റെ എന്‍ എ വി യുമായി ബന്ധപ്പെട്റ്റ വിലയില്‍ ചില ക്ലോസ് എന്‍ഡഡ് സ്ക്കീമുകള്‍ ചില ഇടവേളകലില്‍ നല്‍‌കുന്ന ഓഫര്‍ അനുസരിച്ച് റീ പര്‍ച്ചേസ് ചെയ്യുകയോ ചെയ്യാം.
7.സുതാര്യത: നിങ്ങള്‍‌ക്ക് നിങ്ങളുടെ നിക്ഷേപത്തിനെക്കുറിച്ച് സ്ഥിരമായ ഇടവേളകളില്‍ വിവര്‍ങ്ങള്‍ ലഭിക്കുന്നു, കൂടാതെ നിങ്ങളുടെ സ്കീമുകള്‍ നടത്തിയിട്ടുള്ള പ്രത്യേകാല്‍ നിക്ഷേപങ്ങളെക്കുറിച്ചുള്ള വിവരങ്ങളും ഓരോ തരം അസറ്റുകളിലെ നിക്ഷേപ അനുപാതവും ലഭിക്കുന്നു. ഇതോടൊപ്പം ഫന്‍ഡ് മാനേജരുടെ നിക്ഷേപത്തെക്കുറിച്ചുള്ള നയപരമായ വീക്ഷണ ഗതിയും ലഭിക്കുന്നു.
8.അയവുള്ളവ (ഫ്ലെക്സിബിലിറ്റി) : സിസ്റ്റമേറ്റിക് ഇന്‍വസ്റ്റ്മെന്റ് പ്ലാനുകള്‍ (എസ് ഐ പി), സിസ്റ്റമേറ്റിക് വിത്ഡ്രോവല്‍ പ്ലാനുകള്‍ (എസ് ഡ്ബ്ല്യു പി), ഡിവിഡന്റ് റീ ഇന്‍വസ്റ്റ്മെന്റ് പ്ലാനുകള്‍, എന്നീ സ്വഭാവ വിശേഷങ്ങളോടെ നിങ്ങള്‍ക്ക് നിങ്ങളുടെ പണം വ്യവസ്ഥാപിതമഅയി നിക്ഷേപിക്കുകയോ പിന്‍‌വലിക്കുകയോ നിങ്ങളുടെ ആവശ്യത്തിന്നനുസരിച്ച് ചെയ്യാം.
9. സ്കീമുകള്‍ തിരഞ്ഞെടുക്കാം: ഒരു ആയുഷ്കാലത്തിന്നിടയ്ക്ക് നിങ്ങള്‍‌ക്കാവശ്യമുള്ളതനുസരിച്ച നിങ്ങള്‍‌ക്ക് വൈവിധ്യമുള്ള സ്കീമുകളില്‍ നിന്നും തിരഞ്ഞെടുക്കുവാനുള്ള സൗകര്യം മ്യൂച്ച്വല്‍ ഫന്‍ഡുകള്‍ നല്‍‌കുന്നു.
10. നല്ലവണ്ണം നിയന്ത്രിക്കപ്പെട്ടിരിക്കുന്നു: മ്യൂച്ച്വല്‍ ഫന്‍ഡുകള്‍ സെബിയി റജിസ്റ്റര്‍ ചെയ്യപ്പെട്ടവയും, നിക്ഷേപകരുടെ താത്പര്യങ്ങള്‍ സംരക്ഷിക്കുവാനായുള്ള കര്‍ശനമായ നിയന്ത്രണ നിയമങ്ങള്‍‌ക്ക് വിധേയമായി പ്രവര്‍ത്തിക്കുന്നവയുമാണ്. മ്യൂച്ച്വല്‍ ഫന്‍ഡുകളുടെ പ്രവര്‍ത്ത്നം സെബി നിരന്തരം നിരീക്ഷിക്കുന്നുണ്ട്.
വരുമാനത്തിന്റെ നല്ല കാലത്തുള്ളതും കൂടുതല്‍ റിസ്ക് എടുക്കുവാന്‍ തയ്യാറുള്ളതുമായ നിക്ഷേപകര്‍. ദീര്‍ഘകാലത്തില്‍ വളര്‍ച്ച ആഗ്രഹിക്കുന്ന നിക്ഷേപകര്‍

	ഗ്രോത്ത് സ്കീമുകള്‍		വരുമാന സ്കീമുകള്‍
	സമതുലിതമായ (ബാലന്‍സ്ഡ്) സ്കീമുകള്‍		മണി മാര്‍ക്കറ്റ് സ്കീമുകള്‍

	വരുമാനവും മിതമായ വളര്‍ച്ചയും ആഗ്രഹിക്കുന്ന നിക്ഷേപകര്‍.
	വളര്‍ച്ചയും സ്ഥിരതയും ചെറിയ റിസ്കോടെ ആഗ്രഹിക്കുന്ന നിക്ഷേപകര്‍

	ഗ്രോത്ത് സ്കീമുകള്‍		വരുമാന സ്കീമുകള്‍
	സമതുലിതമായ (ബാലന്‍സ്ഡ്) സ്കീമുകള്‍		മണി മാര്‍ക്കറ്റ് സ്കീമുകള്‍

	മൂലധനം അതേപടിവയ്ക്കുകയും ഒരുസ്ഥിര വരുമാനം വേണമെന്ന് ആഗ്രഹിക്കുകയും ചെയ്യുന്ന ജോലിയില്‍ നിന്നും വിരമിച്ചവരും അതുപോലുള്ള നിക്ഷേപകരും.

	ഗ്രോത്ത് സ്കീമുകള്‍		വരുമാന സ്കീമുകള്‍
	സമതുലിതമായ (ബാലന്‍സ്ഡ്) സ്കീമുകള്‍		മണി മാര്‍ക്കറ്റ് സ്കീമുകള്‍

നാലാമത്തെ സ്റ്റെപ്- സ്ഥിരമായി നിക്ഷേപിച്ചുകൊണ്ടിരിക്കുക
മിക്കവാറും നമുക്കെല്ലാവര്‍ക്കും സ്വീകരിക്കാവുന്നതും പ്രാവര്‍ത്തികമാകുന്നതുമായ ഒരു മാര്‍ഗം ഒരു നിശ്ചിത കാലയളവില്‍, ഉദാഹരണത്തിന് മാസത്തിലൊരിക്കല്‍, ഒരു നിശ്ചിത തുക നിക്ഷേപിക്കുക എന്നതാണ്. ഒരു നിശ്ചിത തുക മാസംതോറും നിക്ഷേപിക്കുമ്പോള്‍ വില അധികമായ മാസങ്ങളില്‍ നിങ്ങള്‍‌ക്ക് കുറച്ച് യൂണിറ്റുകളും വില കുറഞ്ഞിരിക്കുന്ന മാസങ്ങളില്‍ നിങ്ങള്‍‌ക്ക് കുറവ് യൂണിറ്റുകളും ലഭിക്കുന്നു, അത് നിങ്ങളുടെ ഒരു യൂണിറ്റിന് നിങ്ങള്‍ നല്‍‌കുന്ന വില കുറയ്ക്കുവാന്‍ സഹായിക്കുന്നു. ഇതിന്റെ റുപീ കോസ്റ്റ് ആവറേജിങ്ങ് എന്നാണ് വിളിക്കുന്നത്, ഇത് ലോകമെമ്പാടുമുള്ള നിക്ഷേപകര്‍ സ്വീകരിക്കുന്ന അച്ചടക്കമുള്ള ഒരു നിക്ഷേപ തന്ത്രമാണ്. പല ഓപണ്‍ എന്‍ഡഡ് സ്കീമുകളും സിസ്റ്റമേറ്റിക് ഇന്‍വസ്റ്റ്മെന്റ് പ്ലാനുകള്‍ നല്‍‌കുന്നുള്ളതുകൊണ്ട്, നിരന്തരമായുള്ള നിക്ഷേപത്തിന്റെ ഈ സ്വഭാവം നിങ്ങള്‍‌ക്ക് എളുപ്പവുമാകുന്നു.

അഞ്ചാമത്തെ സ്റ്റെപ് - നിങ്ങള്‍ നല്‍‌കുന്ന നികുതിയെക്കുറിച്ച് ഓര്‍മ്മയുണ്ടായിരിക്കുക 

നിലവിലുള്ള നികുതി നിയമങ്ങള്‍ അനുസരിച്ച് മ്യൂച്ച്വല്‍ ഫന്‍ഡുകള്‍ നല്‍‌കുന്ന ഡിവിഡന്റ് / വരുമാനം എന്നിവയിന്മേല്‍ നിക്ഷേപകര്‍ നികുതി അടക്കേണ്ടതില്ല. എന്നിരുന്നാലും ഡെറ്റ് സ്കീമുകളിലെ ഡിവിഡന്റിന്മേല്‍ / വരുമാനത്തിന്മേല്‍ ഡിവിഡന്റ് ഡിസ്ട്രിബ്യൂഷന്‍ നികുതി ബാധകമാണ്. കൂടാതെ നിലവിലുള്ള നികുതി നിയമങ്ങള്‍ അനുസരിച്ച് മ്യൂച്ച്വല്‍ ഫന്‍ഡില്‍ നിക്ഷേപിക്കുമ്പോള്‍ മറ്റ് ചില ഗുണങ്ങളും ലഭ്യമാണ്. അതുകൊണ്ടു തന്നെ നിക്ഷേപത്തിന്മേല്‍ ഏറ്റവും കൂടുതല്‍ ഫലവത്തത ലഭിക്കുവാനായി നിക്ഷേപിക്കുന്നതിനു മുമ്പ് നിങ്ങള്‍ നിങ്ങളുടെ നികുതി ഉപദേശകനുമായി / ചാര്‍ട്ടേഡ് അക്കൗണ്ടന്റുമായി ചര്‍ച്ച ചെയ്യുക.

ആറാമത്തെ സ്റ്റെപ്- നേരത്തെ തുടങ്ങുക

നിക്ഷേപിക്കുന്ന സ്വഭാവം നേരത്തെ തുടങ്ങുകയും ഒരു സ്ഥിരമായ നിക്ഷേപ പദ്ധതിയില്‍ നിക്ഷേപിക്കുന്നതും നല്ലതാണ്. ഇപ്പോള്‍ തുടങ്ങുകയാണെങ്കില്‍ പിന്നീട് തുടങ്ങുന്നതിനേക്കാള്‍ കൂടുതല്‍ വരുമാനം നിങ്ങള്‍‌ക്ക് ഉണ്ടാകും. കൂട്ടുപലിശയുടെ തത്വമനുസരിച്ച് വരുമാനത്തിന്മേല്‍ നിന്നും വരുമാനമുണ്ടാകുവാനും അങ്ങിനെ നിങ്ങളുടെ വരുമാനം ഇരട്ടിപ്പിക്കുവാനും നിങ്ങള്‍ക്ക് കഴിയും.

ഏഴാമത്തെ സ്റ്റെപ് -അവസാനത്തെ സ്റ്റെപ്

ഇനി നിങ്ങള്‍ ചെയ്യേണ്ടത് ഒരു മ്യൂച്ച്വല്‍ ഫന്‍ഡുമായി അല്ലെങ്കില്‍ നിങ്ങളുടെ ഉപദേശകനുമായി ബന്ധപ്പെടുകയും നിക്ഷേപിക്കുവാന്‍ തുടങ്ങുകയും മാത്രമാണ്. വരും വര്‍ഷങ്ങളില്‍ അതിന്റെ ഗുണാനുഭവം കൊയ്തെടുക്കുക. മ്യൂച്ച്വല്‍ ഫന്‍ഡുകള്‍ എല്ലാ തരം നിക്ഷേപകര്‍ക്കും അനുയോജ്യമാണ് - അത് ഒരു ജീവിതം തുടങ്ങിവയ്ക്കുന്നവരാകട്ടെ, ജോലിയില്‍ നിന്നും വിരമിക്കുവാന്‍ പ്രായമായവരാകട്ടെ, യാഥാസ്തിതികരാകട്ടെ, റിസ്ക് എടുക്കുന്നവരാകട്ടെ, വളര്‍ച്ച ആഗ്രഹിക്കുന്നവരാകട്ടെ, വരുമാനം ആഗ്രഹിക്കുന്നവരാകട്ടെ.

സെബി (മ്യൂച്ച്വല്‍ ഫന്‍ഡ്സ്) റഗുലേഷന്‍സിന്റെ കീഴിലുള്ള മ്യൂച്ച്വല്‍ ഫന്‍ഡിന്റെ ഒരു യൂണിറ്റ് കൈവശമുള്ളയാള്‍ എന്ന നിലയില്‍ നിങ്ങള്‍‌ക്ക് ഇനി പറയുന്നവയ്ക്ക് അവകാശമുണ്ട് :

ഒരു ഓപണ്‍ എന്‍ഡഡ് സ്കീം ക്ലോസ് ചെയ്തതിനു ശേഷം 30 ദിവസങ്ങള്‍‌ക്കുള്ളില്‍ അല്ലെങ്കില്‍ മ്യൂച്ച്വല്‍ ഫന്‍ഡിന് നിങ്ങളുടെ യൂണിറ്റ് സര്‍ട്ടിഫിക്കറ്റിനായുള്ള അപേക്ഷ ലഭിച്ച് 6 ആഴ്ചയ്ക്കുള്ളില്‍ നിങ്ങളുടെ അവകാശം ഉറപ്പാക്കുന്ന യൂണിറ്റ് സര്‍ട്ടിഫിക്കറ്റുകള്‍ അല്ലെങ്കില്‍ അക്കൗണ്ട് സ്റ്റേറ്റ്മെന്റ് ലഭിക്കുക.

സ്കീമിന്റെ നിക്ഷേപ നയങ്ങള്‍, നിക്ഷേപ ഉദ്ദേശങ്ങള്‍, സാമ്പത്തിക സ്ഥിതി, പൊതു കാര്യങ്ങള്‍ എന്നിവയെക്കുറിച്ചുള്ള വിവരങ്ങള്‍ ലഭിക്കുക.

3. ഡിവിഡന്റ് പ്രഖ്യാപിച്ച് 30 ദിവസത്തിനുള്ളില്‍ അത് ലഭിക്കുക, കൂടാതെ പിന്‍വലിയ്ക്കല്‍ അല്ലെങ്കില്‍ റീപര്‍ച്ചേസ് പണം നിങ്ങളുടെ പിന്‍വലിയ്ക്കല്‍ അല്ലെങ്കില്‍ റീപര്‍ച്ചേസന്റ്റെ തിയതിയില്‍ നിന്നും 10 ദിവസത്തിനുള്ളില്‍ ലഭിക്കുക.
4. നിയന്ത്രണാധികാരങ്ങള്‍‌ക്ക് വിധേയമായി താഴെപ്പറയുന്ന കാര്യങ്ങള്‍‌ക്ക് വോട്ട് ചെയ്യുക:
എ. അസറ്റ് മാനേജ്മെന്റ് കമ്പനി മാറ്റുക;
ബി. സ്കീം നിറുത്തിവയ്ക്കുക.
5.ട്രസ്റ്റികളില്‍ നിന്നും യൂണിറ്റ് കൈവശമുള്ളവര്‍ക്ക് സ്കീമിലുള്ള താത്പര്യത്തെ ബാധിക്കുന്ന വിധത്തില്‍ ഏതെങ്കിലും സ്കീമിന്റെ അടിസ്ഥാന സ്വഭാവവിശേഷങ്ങളില്‍ അല്ലെങ്കില്‍ മറ്റേതെങ്കിലും കാര്യത്തില്‍ മാറ്റമുണ്ടെങ്കില്‍ അതിനെക്കുറിച്ചുള്ള വിവരങ്ങള്‍ ലഭ്യമാകുകയും അങ്ങിനെയുള്ള അവസരങ്ങളില്‍ നിലവിലുള്ള നെറ്റ് അസറ്റ് വാല്യുവില്‍ എക്സിറ്റ് ലോഡ് കൂടാതെ പുറത്തുപോകുവാന്‍ അനുവാദമുണ്ടായിരിക്കുകയും ചെയ്യുക.
6. സ്കീമിന്റെ ഓഫര്‍ രേഖയില്‍ കാണിച്ചിരിക്കുന്ന മ്യൂച്ച്വല്‍ ഫന്‍ഡിന്റെ രേഖകള്‍ പരിശോധിക്കുക.

നിങ്ങളുടെ അവകാശങ്ങള്‍‌ക്ക് പുറമേ മ്യൂച്ച്വല്‍ ഫന്‍ഡുകളില്‍ നിന്നും നിങ്ങള്‍‌ക്ക് താഴെപ്പറയുന്ന കാര്യങ്ങള്‍ പ്രതീക്ഷിക്കാം:

അവരുടെ എന്‍ എ വി നിയന്ത്രണ നിയമങ്ങള്‍‌ക്ക് വിധേയമായി ഓപണ്‍ എന്‍ഡഡ് സ്കീമുകളുടെ കാര്യത്തില്‍ ദിവസവും, ക്ലോസ്ഡ് എന്‍ഡഡ് സ്കീമുകളുടെ കാര്യത്തില്‍ ആഴ്ചയില്‍ ഒരു ദിവസവും പ്രസിദ്ധപ്പെടുത്തുക.

വര്‍ഷത്തില്‍ രണ്ടു തവണ നിങ്ങളുടെ സ്കീമിന്റെ മുഴുവന്‍ പോര്‍ട്ഫോളിയോയും പുറത്ത് അറിയിക്കുക, ഓഡിറ്റ് ചെയ്യപ്പെടാത്ത സാമ്പത്തിക കാര്യ രേഖകള്‍ ആറുമാസത്തില്‍ ഒരിക്കലും, ഓഡിറ്റ് ചെയ്ത വാര്‍ഷിക അക്കൗണ്ട് വര്‍ഷത്തില്‍ ഒരിക്കലും പുറത്തറിയിക്കുക. ഇവയെ കൂടാതെ പല മ്യൂച്ച്വല്‍ ഫന്‍ഡുകളും ന്യൂസ് ലെറ്ററുകളും അയക്കുന്നു.

നിക്ഷേപ തീരുമാനങ്ങള്‍ യൂണിറ്റ് കൈവശമുള്ളവരുടേ താത്പര്യം മുന്‍നിറുത്തിയായിരിക്കും എടുക്കുക എന്ന കോഡ് ഓഫ് എതിക്സില്‍ നിന്നും വ്യതിചലിക്കാതിരിക്കുക.

പ്രൊഫഷണല്‍ മാനേജ്മെന്റ്

വൈവിധ്യത (ഡൈവേഴ്സിഫിക്കേഷന്‍)

അഡ്മിനിസ്ട്രേഷനുള്ള സൗകര്യങ്ങള്‍

വരുമാന സാധ്യത

കുറഞ്ഞ ചിലവ്

ദ്രവ്യത (ലിക്വിഡിറ്റി)

സുതാര്യത

ഫ്ലെക്സിബിലിറ്റി

തിരഞ്ഞെടുക്കാവുന്ന വിവിധ സ്കീമുകള്‍

നല്ല നിയന്ത്രണങ്ങള്‍

കൂടെക്കൂടെ ഉപയോഗിക്കുന്ന ചില വാക്കുകള്‍ താഴെ വിശദീകരിച്ചിരിക്കുന്നു:

നെറ്റ് അസറ്റ് വാല്യു (എന്‍ എ വി)
നെറ്റ് അസറ്റ് വാല്യു എന്നത് സ്കീമിലുള്ള അസറ്റുകളുടെ മാര്‍ക്കറ്റ് മൂല്യത്തില്‍ നിന്നും അതിന്റെ ബാധ്യതകള്‍ കുറച്ച് കിട്ടുന്ന തുകയാണ്. രു യൂണിറ്റിന്റെ എന്‍ എ വി എന്നത് അസറ്റിന്റെ ഇപ്പോഴത്തെ മൂല്യത്തെ ഇന്നത്തെ തിയതില്‍ ശേഷിച്ചിരിക്കുന്ന യൂണിറ്റുകളുടെ എണ്ണവുമായി ഹരിച്ചുകിട്ടുന്ന തുകയാണ്.

സെയില്‍ പ്രൈസ്
സെയില്‍ പ്രൈസ് എന്നത് നിങ്ങള്‍ സ്കീമില്‍ നിക്ഷേപിക്കുമ്പോള്‍ നല്‍‌കുന്ന വിലയാണ്. ഇതിനെ ഓഫര്‍ പ്രൈസ് എന്നും വിളിക്കുന്നു. ഇതില്‍ സെയില്‍സിന്റെ ലോഡും (ചിലവുകള്‍) ഉള്‍പ്പെടാം.

റി പര്‍ച്ചേസ് പ്രൈസ്
റി പര്‍ച്ചേസ് പ്രൈസ് എന്നത് ഓപണ്‍ എന്‍ഡഡ് സ്കീമിലുള്ള യൂണിറ്റുകള്‍ മ്യൂച്ച്വല്‍ ഫന്‍ഡ് തന്നെ തിരികെ വാങ്ങുന്ന വിലയാണ്. ഈ വില എന്‍ എ വി യുമായി ബന്ധപ്പെട്ടതാണ്.

റിഡംപ്ഷന്‍ പ്രൈസ്
റിഡംപ്ഷന്‍ പ്രൈസ് എന്നത് ക്ലോസ് എന്‍ഡഡ് സ്കീമുകള്‍ പക്വതയാകുമ്പോള്‍ തിരിച്ചു നല്‍‌കുന്ന വിലയാണ്. ഈ വില എന്‍ എ വി യുമായി ബന്ധപ്പെട്ടതാണ്.

സെയില്‍സ് ലോഡ്
സെയില്‍സ് ലോഡ് എന്നത് സ്കീം യൂണിറ്റുകള്‍ വില്‍‌ക്കുമ്പോള്‍ അതിനുള്ള ചാര്‍ജ് ആയി ശേഖരിക്കുന്ന തുകയാണ്. ഇതിനെ 'ഫ്രന്റ് എന്റ് ലോഡ്' എന്നും വിളിക്കാറുണ്ട്. അങ്ങിനെ ചാര്‍ജ് ഒന്നും വാങ്ങാത്തെ സ്കീമുകളെ 'നൊ ലോഡ്' സ്കീമുകള്‍ എന്നു വിളിക്കുന്നു.

റി പര്‍ച്ചേസ് അല്ലെങ്കില്‍ 'ബാക്ക്-എന്‍ഡ്' ലോഡ്
റി പര്‍ച്ചേസ് അല്ലെങ്കില്‍ 'ബാക്ക്-എന്‍ഡ്' ലോഡ് എന്നത് യൂണിറ്റുകള്‍ യൂണിറ്റ് കൈവശമുള്ളവരില്‍ നിന്നും തിരിച്ചുവാങ്ങുമ്പോള്‍ സ്കീം ശേഖരിക്കുന്ന ചാര്‍ജ് ആണ്.

കടപ്പാട് : iepf.gov.in