Skip to content. | Skip to navigation

Vikaspedia

ഹോം പേജ് / ഇ-ഭരണം / ഓണ്‍ലൈൻ ഈ - ഭരണസേവനങ്ങൾ / പഞ്ചായത്ത് ഓഫീസും ഇ-ഗവേണന്‍സും
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

പഞ്ചായത്ത് ഓഫീസും ഇ-ഗവേണന്‍സും

കൂടുതല്‍ വിവരങ്ങള്‍

സ്ഥാപന പി.എഫ് - ജീവനക്കാരുടെ പ്രോവിഡന്‍റ് ഫണ്ട് കമ്പ്യൂട്ടറൈസേഷന്‍

26.10.1976 ലെ ജി.ഒ.(എം.എസ്) 259/76 എല്‍.എ & എസ്.ഡബ്ലിയു.ഡി. നമ്പര്‍ സര്‍ക്കാര്‍ ഉത്തരവ് പ്രകാരം പഞ്ചായത്ത് ജീവനക്കാര്‍ക്കു വേണ്ടി ڇകേരള പഞ്ചായത്ത് എംപ്ലോയിസ് പ്രോവിഡന്‍റ് ഫണ്ട് റൂള്‍സ്, 1976ڈ രൂപീകരിക്കുകയുണ്ടായി. പ്രസ്തുത റൂള്‍സ് 01.04.1978 മുതല്‍ പ്രാബല്യത്തില്‍ വന്നു. 31.01.2012 ലെ കണക്ക് പ്രകാരം കെ.പി.ഇ.പി.എഫ്. അക്കൗണ്ടില്‍ ചേര്‍ന്ന ജീവനക്കാരുടെ എണ്ണം 22606 ആണ്. അവയില്‍ 9758 അക്കൗണ്ടുകള്‍ ക്ലോസ് ചെയ്തത് കഴിച്ച് 12848 അക്കൗണ്ടുകള്‍ ഇപ്പോള്‍ നിലവിലുണ്ട്. 31.03.2001 വരെയുള്ള കെ.പി.ഇ.പി.എഫ്. അക്കൗണ്ടുകള്‍ പഞ്ചായത്ത് ഡയറക്ടറേറ്റിലെ പ്രോവിഡന്‍റ് ഫണ്ട് സെക്ഷനില്‍ മാനുവല്‍ ആയാണ് കൈകാര്യം ചെയ്തിരുന്നത്. 01.04.2011 മുതല്‍ക്കുള്ള കണക്കുകള്‍ ഐ.കെ.എം വികസിപ്പിച്ചു നല്‍കിയ ڇസ്ഥാപന പി.എഫ്.ڈ സോഫ്റ്റ്വെയര്‍ ഉപയോഗിച്ചാണ് തയ്യാറാക്കിവരുന്നത്. കെ.പി.ഇ.പി.എഫ്. ക്രെഡിറ്റ് വിവരവും ക്രെഡിറ്റ് കാര്‍ഡും കാലാകാലങ്ങളില്‍ ഐ.കെ.എം. എല്‍.എസ്.ജി.ഡി വെബ്സൈറ്റ് (സുലുള.ഹഴെസലൃമഹമ.ഴീ്.ശി) വഴി ജീവനക്കാര്‍ക്ക് ലഭ്യമാക്കുന്നുണ്ട്. ഇതിലൂടെ ജീവനക്കാര്‍ക്ക് അവരുടെ പ്രോവിഡന്‍റ് ഫണ്ട് ക്രെഡിറ്റ് വിവരങ്ങള്‍ കാണുന്നതിനും, അവയുടെ പ്രിന്‍റൗട്ട് ജീവനക്കാര്‍ക്കു തന്നെ എടുത്ത് പരിശോധിക്കുന്നതിനും, തെറ്റുകള്‍ ഉണ്ടെങ്കില്‍ അവ പരിഹരിച്ച് പ്രോവിഡന്‍റ് ഫണ്ട് അക്കൗണ്ടിന്‍റെ കൃത്യത ഉറപ്പു വരുത്തുന്നതിനും കഴിയുന്നു. 201011 സാമ്പത്തിക വര്‍ഷത്തെ കെ.പി.ഇ.പി.എഫ് ക്രെഡിറ്റ് വിവരങ്ങള്‍ 20.08.2011 ല്‍ മേല്‍പറഞ്ഞ ഔദ്യോഗിക വെബ്സൈറ്റില്‍ പ്രസിദ്ധപ്പെടുത്തുകയും തുടര്‍ന്ന് അവ 13.12.2011 ല്‍ അത് അപ്ഡേറ്റ് ചെയ്യുകയുമുണ്ടായി. കൂടാതെ ഐ.കെ.എം വികസിപ്പിച്ച ڇസ്ഥാപന പി.എഫ്.ڈ ഓണ്‍ലൈന്‍ ആപ്ലിക്കേഷന്‍റെ ഔപചാരികമായ ഉദ്ഘാടനം ബഹു. തദ്ദേശ സ്വയംഭരണ വകുപ്പ് മന്ത്രി ഡോ. എം.കെ. മുനീര്‍ 05.09.2011 ല്‍ ഐ.കെ.എം. ഹെഡ്ക്വാര്‍ട്ടേഴ്സില്‍ വച്ച് നിര്‍വ്വഹിക്കുകയുണ്ടായി. പ്രസ്തുത ഓണ്‍ലൈന്‍ ആപ്ലിക്കേഷന്‍ പ്രാവര്‍ത്തികമാക്കുന്നതോടെ കെ.പി.ഇ.പി.എഫ് അക്കൗണ്ട്സ് കൈകാര്യം ചെയ്യുന്ന നടപടി കൂടുതല്‍ സുഗമമാകുമെന്ന കാര്യത്തില്‍ സംസയമില്ല.

കേരള മുനിസിപ്പല്‍ പെന്‍ഷണബിള്‍ എംപ്ലോയിസ് സെന്‍ട്രല്‍ പ്രോവിന്‍റ് ഫണ്ട്

മുനിസിപ്പല്‍ ജീവനക്കാര്‍ക്കു വേണ്ടി ڇകേരള മുനിസിപ്പല്‍ പെന്‍ഷണബിള്‍ എംപ്ലോയിസ് സെന്‍ട്രല്‍ പ്രോവിന്‍റ് ഫണ്ട് റൂള്‍സ്, 1981ڈ രൂപീകരിക്കുകയുണ്ടായി. പ്രസ്തുത റൂള്‍സ 01.12.1981 മുതല്‍ പ്രാബല്യത്തില്‍ വന്നു. 31.01.2012 ലെ കണക്ക് പ്രകാരം കെ.എം.പി.ഇ.സി.പി.എഫ് അക്കൗണ്ടില്‍ നിലവിലുള്ള ജീവനക്കാരുടെ എണ്ണം 12881 ആണ്. മുനിസിപ്പല്‍ ജീവനക്കാരുടെ പ്രോവിഡന്‍റ് ഫണ്ട് അക്കൗണ്ട് വിവരങ്ങളുടെ കൃത്യത ഉറപ്പു വരുത്തുന്നതിനും, ക്രെഡിറ്റ് കാര്‍ഡ് വിതരണം ത്വരിതപ്പെടുത്തുന്നതിനും സഹായകരമായ ഒരു സോഫ്റ്റ്വെയര്‍ ആപ്ലിക്കേഷന്‍ വികസിപ്പിക്കുന്നതിന് ഐ.കെ.എമ്മിനെ ചുമതലപ്പെടുത്തിക്കൊണ്ട് 09.09.2009 ല്‍ ജി.ഒ (ആര്‍. ടി) 2304/09 എല്‍.എസ്.ജി.ഡി. നമ്പരായി സര്‍ക്കാര്‍ ഉത്തരവ് പുറപ്പെടുവിക്കുകയുണ്ടായി. അതിന്‍ പ്രകാരം ഐ.കെ.എം വികസിപ്പിച്ച ഓണ്‍ലൈന്‍ ആപ്ലിക്കേഷന്‍ 13.11.2009 ല്‍ എല്‍.എസ്.ജി.ഡി വെബ്സൈറ്റില്‍ (സാുലരുള.ഹഴെസലൃമഹമ.ഴീ്.ശി) ലഭ്യമാക്കി. പ്രസ്തുത ആപ്ലിക്കേഷന്‍ ഉപയോഗിച്ച് നഗരസഭ ജീവനക്കാരുടെ പ്രോവിന്‍റ് ഫണ്ട് വിവരങ്ങള്‍ നഗരസഭകളില്‍ വച്ചുതന്നെ ഡേറ്റ എന്‍ട്രി നടത്തിയ ശേഷം അവിടെയുള്ള വെരിഫിക്കേഷനും അപ്രൂവലും നടത്തുകയും, തുടര്‍ന്ന് ഡേറ്റ ഓണ്‍ലൈനായി നഗരകാര്യ ഡയറക്ടറേറ്റിലേക്ക് അയക്കുകയും ചെയ്യുന്നു. ഓണ്‍ലൈനായി ലഭിച്ച പ്രസതുത വിവരങ്ങള്‍ നഗരകാര്യ ഡയറക്ടറേറ്റില്‍ പരിശോധനയും അംഗീകാരവും നടത്തികഴിഞ്ഞാല്‍ മേല്‍ പരഞ്ഞ ഔദ്യോകിക വെബ്സൈറ്റിലൂടെ ജീവനക്കാര്‍ക്ക് അവരുടെ പ്രോവിഡന്‍റ് ഫണ്ട് ക്രെഡിറ്റ് വിവരങ്ങള്‍ കാണുന്നതിനും, അവയുടെ പ്രിന്‍റൗട്ട് ജീവനക്കാര്‍ക്ക് തന്നെ എടുത്ത് പരിശോധിക്കുന്നതിനും, തെറ്റുകള്‍ ഉണ്ടെങ്കില്‍ അവ ബന്ധപ്പെട്ടവരുടെ ശ്രദ്ധയില്‍പ്പെടുത്തി പരിഹരിച്ച് പ്രോവിഡന്‍റ് ഫണ്ട് അക്കൗണ്ടിന്‍റെ കൃത്യത ഉറപ്പു വരുത്തുന്നതിനും കഴിയുന്നു.

കേരള എയിഡഡ് സ്കൂള്‍ എംപ്ലോയിസ് പ്രോവിന്‍റ് ഫണ്ട്

പൊതുവിദ്യാഭ്യാസ ഡയറക്ടറുടെ അഭ്യര്‍ത്ഥന പ്രകാരം കേരള എയിഡഡ് സ്കൂള്‍ എംപ്ലോയിസ് പ്രോവിന്‍റ് ഫണ്ട് കമ്പ്യൂട്ടറൈസേഷന് ആവശ്യമായ സോഫ്റ്റവെയര്‍ വികസിപ്പിച്ചു നല്‍കുന്നതിനുള്ള പ്രൊപ്പോസലും എസ്റ്റിമേറ്റും ഐ.കെ.എം തയ്യാറാക്കി പൊതുവിദ്യാഭ്യാസ ഡയറക്ടര്‍ക്ക് അയച്ചുകൊടുത്തു. ഇത് സംബന്ധിച്ച് ഗവണ്‍മെന്‍റില്‍ നിന്നുള്ള അനുവാദത്തിനായി പൊതു വിദ്യാഭ്യാസ ഡയറക്ടര്‍ കത്തിയപാടുകള്‍ നടത്തി വരികയാണെന്ന് ഐ.കെ.എമ്മിനെ അറിയിക്കുകയുണ്ടായി. പ്രൊപ്പോസലും എസ്റ്റിമേറ്റും അംഗീകരിച്ച് അനുവാദം ലഭിച്ച് കഴിഞ്ഞാല്‍ പ്രസ്തുത സോഫ്റ്റ്വെയര്‍ തയ്യാറാക്കി വിന്യസിക്കുന്നതാണ്.

കേരള എയിഡഡ് ഹയര്‍ സെക്കന്‍ററി സ്കൂള്‍ എംപ്ലോയിസ് പ്രോവിന്‍റ് ഫണ്ട്

കേരള ഹയര്‍ സെക്കന്‍ററി ഡയറക്ടറുടെ അഭ്യര്‍ത്ഥന പ്രകാരം കേരള എയിഡഡ് ഹയര്‍ സെക്കന്‍ററി സ്കൂള്‍ (+2) എംപ്ലോയിസ് പ്രോവിന്‍റ് ഫണ്ട് കമ്പ്യൂട്ടറൈസേഷന് ആവശ്യമായ സോഫ്റ്റവെയര്‍ വികസിപ്പിച്ചു നല്‍കുന്നതിനുള്ള പ്രൊപ്പോസലും എസ്റ്റിമേറ്റും ഐ.കെ.എം തയ്യാറാക്കി ഹയര്‍ സെക്കന്‍ററി ഡയറക്ടര്‍ക്ക് അയച്ചുകൊടുത്തു. തുടര്‍ന്ന് ഇത് സംബന്ധച്ച് ഐ.കെ.എം പ്രതിനിധികള്‍ 01.12.2011 ല്‍ ഹയര്‍ സെക്കന്‍ററി ഡയറക്ടറുമായി ചര്‍ച്ച നടത്തുകയുണ്ടയി. പ്രൊപ്പോസലും എസ്റ്റിമേറ്റും അംഗീകരിച്ച് അനുവാദം ലഭിക്കുന്ന മുറക്ക് പ്രസ്തുത സോഫ്റ്റ്വെയര്‍ തയ്യാറാക്കി വിന്യസിക്കുന്നതാണ്.

രാജേന്ദ്രന്‍ ജി (റിസോഴ്സ് പെര്സണ്‍)

ഹോസ്പിറ്റല്‍ കിയോസ്ക്ക് - ജനന-മരണ-വിവരങ്ങളുടെ ഓണ്‍ലൈന്‍ റിപ്പോര്‍ട്ടിംഗ് സംവിധാനം

ആശുപത്രികളില്‍ നിന്നു ജനന-മരണ രജിസ്ട്രേഷന്‍ ഓണ്‍ലൈനിലൂടെ റിപ്പോര്‍ട്ടിംഗിനും സര്‍ട്ടിഫിക്കറ്റുകള്‍ ആശുപത്രി വഴി തന്നെ ബന്ധപ്പെട്ടവര്‍ക്കു നല്‍കുന്നതിനുള്ള കേരളത്തിന്‍റെ തനതു സംവിധാനമായ ഹോസ്പിറ്റല്‍ കിയോസ്ക്കുകള്‍ സംസ്ഥാനത്തു പ്രവര്‍ത്തനം ആരംഭിച്ചിട്ട് ആറ് വര്‍ഷങ്ങള്‍ പിന്നിടുന്നു,

ജനനമോ മരണമോ റിപ്പോര്‍ട്ട് ചെയ്തു കഴിഞ്ഞാല്‍ 24 മണിക്കൂറിനകം അത് രജിസ്റ്റര്‍ ചെയ്യുന്നതിനും തത്സംബന്ധമായ സെക്ഷന്‍ 12 പ്രകാരമുള്ള സര്‍ട്ടിഫിക്കറ്റ് ആശുപത്രി വഴി തന്നെ ബന്ധുക്കള്‍ക്കു ലഭ്യമാക്കാനും ഹോസ്പിറ്റല്‍ കിയോസ്ക്കുകള്‍ ലക്ഷ്യമിടുന്നു. ബന്ധപ്പെട്ടവര്‍ക്ക് കമ്പ്യൂട്ടറില്‍ രേഖപ്പെടുത്തുന്ന വിവരങ്ങള്‍ പരിശോധിച്ച് തെറ്റ് തിരുത്താന്‍ അവസരം നല്കുന്നതിലൂടെ ക്യത്യത വര്‍ദ്ധിപ്പിക്കുന്നതിന് സാധിക്കുന്നു. മാത്രമല്ല ഭാവിയില്‍ രജിസ്ട്രേഷന്‍ റിക്കാര്‍ഡുകളിലെ തെറ്റുകള്‍ തിരുത്തേണ്ട സ്ഥിതി ഒഴിവാക്കാനും കഴിയുന്നു.

തദ്ദേശഭരണ സ്ഥാപനം വഴി യഥാസമയം, രജിസ്ട്രേഷന്‍ നടത്താതിരിക്കുക, ബന്ധപ്പെട്ട ഫാറങ്ങളില്‍ തെറ്റായതോ പൂര്‍ണ്ണമല്ലാത്തതോ ആയ വിവരങ്ങള്‍ രേഖപ്പെടുത്തുക, സെക്ഷന്‍ 12 സര്‍ട്ടിഫിക്കറ്റ് നല്‍കാത്തതുമൂലം രജിസ്ട്രേഷനില്‍ രേഖപ്പെടുത്തിയിട്ടുള്ള വിവരങ്ങള്‍ അറിയാതിരിക്കുക - എന്നീ കാരണങ്ങളാല്‍ ജനനം കഴിഞ്ഞ് അഞ്ച് വര്‍ഷങ്ങള്‍ക്കുശേഷം കൂട്ടികളുടെ സ്കൂള്‍ പ്രവേശന സമയത്ത് ജനന സര്‍ട്ടിഫിക്കറ്റിനുവേണ്ടി തദ്ദേശഭരണ അധികാരികളെ സമീപിക്കുമ്പോള്‍, രേഖകളില്‍ സംഭവിച്ചിട്ടുള്ള വീഴ്ചകള്‍ പരിഹരിക്കുന്നതിന് സാധാരണക്കാര്‍ക്ക് പലവിധത്തിലുള്ള ബുദ്ധിമുട്ടുകള്‍ അനുഭവിക്കേണ്ടിവരുന്നു. ഇത്തരം ഒരവസ്ഥ ഒഴിവാക്കുന്നതിന് ഹോസ്പിറ്റല്‍ കിയോസ്ക്കുകള്‍ സഹായകമാണ്.

90 ശതമാനത്തിലധികം ജനനവും മരണവും ആശുപത്രികളില്‍ തന്നെ നടക്കുന്ന കേരളത്തില്‍ ഇവ രജിസ്റ്റര്‍ ചെയ്യുന്നതിനും സര്‍ട്ടിഫിക്കറ്റുകള്‍ വിതരണം ചെയ്യുന്നതിനുമുള്ള സൗകര്യം ആശുപത്രികളില്‍ തന്നെ ലഭ്യമാക്കുകയാണ് ഹോസ്പിറ്റല്‍ കിയോസ്ക്കുകള്‍ ചെയ്യുന്നത്. തദ്ദേശഭരണ സ്ഥപനങ്ങളുമായി കമ്പ്യൂട്ടര്‍ വഴി ബന്ധിപ്പിക്കപ്പെട്ടിട്ടുള്ള ജനന-മരണ രജിസ്ട്രേഷന്‍ കേന്ദ്രങ്ങളാണ് വിവിധ ആശൂപത്രികളില്‍ സ്ഥാപിച്ചിട്ടുള്ള ഹോസ്പിറ്റല്‍ കിയോസ്ക്കുകള്‍. ഇന്‍ഫര്‍മേഷന്‍ കേരള മിഷന്‍റെ സാങ്കേതിക സഹായത്തോടെ തദ്ദേശഭരണ സ്ഥപനങ്ങളും ആശുപത്രികളും ചേര്‍ന്നാണ് ഈ സംവിധാനം ഏര്‍പ്പെടുത്തിയിരിക്കുന്നത്. ഇതുമൂലം പൊതുജനങ്ങള്‍ക്ക് ജനന-മരണ രജിസ്ട്രേഷനുകള്‍ക്കും സര്‍ട്ടിഫിക്കറ്റ് ലഭിക്കുന്നതിനുമായി തദ്ദേശഭരണ സ്ഥാപനങ്ങളിലേക്ക് പോകേണ്ട ആവശ്യമില്ല. മാത്രവുമല്ല രജിസ്റ്റര്‍ ചെയ്യുന്ന വിവരങ്ങളുടെ കൃത്യതയും ഗുണമേന്മയും വര്‍ദ്ധിക്കുകയും ചെയ്യുന്നു.

5 കോര്‍പ്പറേഷനുകളിലെ അഞ്ചു സര്‍ക്കാര്‍ ആശുപത്രികളില്‍ 2005 ആഗസ്റ്റില്‍ ഈ സംവിധാനം നിലവില്‍ വന്നു. പിന്നീട് സ്വകാര്യ ആശുപത്രികളിലേക്കും വ്യാപിപ്പിച്ചു. പദ്ധതിയുടെ ഉപയോഗം കണക്കിലെടുത്ത് 2006 ഒക്ടോബര്‍ മുതല്‍ മുനിസിപ്പാലിറ്റികളിലും 2006 നവംമ്പര്‍ മുതല്‍ ഗ്രാമപഞ്ചായത്തുകളിലും ഹോസ്പിറ്റല്‍ കിയോസ്ക്കുകള്‍ ആരംഭിച്ചു.

സംസ്ഥാനത്ത ഇന്ന് 113 തദ്ദേശസ്ഥാപനങ്ങളിലായി 62 സര്‍ക്കാര്‍ ആശുപത്രികള്‍ ഉള്‍പ്പെടെ 417 ആശുപത്രികളില്‍ ഈ സംവിധാനം നിലവിലുണ്ട്. (5 കോര്‍പ്പറേഷനുകള്‍, 42 നഗരസഭകള്‍, 65 ഗ്രാമപഞ്ചായത്തുകള്‍, കണ്ണൂര്‍ കണ്‍ന്‍റോണ്‍മെന്‍റ്). തെക്ക് കുന്നത്തുകാല്‍ ഗ്രാമപഞ്ചായത്ത് മുതല്‍ വടക്ക് കുമ്പള ഗ്രാമപഞ്ചായത്തില്‍ വരെ ഇതു വ്യാപിച്ചിട്ടുണ്ട്. ഇപ്പോള്‍ സംസ്ഥാനത്തു രജിസ്റ്റര്‍ ചെയ്യപ്പെടുന്ന ജനനങ്ങളുടെ 75 ശതമാനവും ഹോസ്പിറ്റല്‍ കിയോസ്കുള്‍ വഴിയാണ്. 2011 വരെ 19.63 ലക്ഷം രജിസ്ട്രേഷനുകള്‍ ഈ സംവിധാനം വഴി നിര്‍വ്വഹിച്ചിട്ടുണ്ട്. പ്രതിമാസം 40000 കുടുംബങ്ങള്‍ക്ക് ഇതിന്‍റെ പ്രയോജനം ലഭിക്കുന്നു.

വസ്തു നികുതിയും ഇ-പേയ്മെന്റും

കേരളത്തിലെ പഞ്ചായത്തുകളും മുനിസിപ്പാലിറ്റികളും കോര്‍പ്പറേഷനുകളും ഈടാക്കുന്ന വിവിധ ഇനം നികുതികളും, ലൈസന്‍സുകളും, ഫീസുകളും സുഗമമായും കാര്യക്ഷമമായും കൈകാര്യം ചെയ്യുന്നതിന് നിലിവിലുള്ള നിയമങ്ങളും ചട്ടങ്ങളും അനുസരിച്ച് വികസിപ്പിച്ച് വിന്യസിച്ച് പ്രവര്‍ത്തനക്ഷമമാക്കിയിട്ടുള്ളതാണ് ڇസഞ്ചയڈ ആപ്ലിക്കേഷന്‍ സോഫ്റ്റ്വെയര്‍. തദ്ദേശസ്വയംഭരണ വകുപ്പിന്‍റെ വെബ്സൈറ്റിലൂടെ പൊതുജനങ്ങള്‍ക്കും, ഡയറക്ടറേറ്റ് തുടങ്ങിയ സംസ്ഥാന തലത്തിലുള്ള ഓഫീസുകളിലെ ഉദ്യോഗസ്ഥര്‍ക്കും വിവിധ ഭരണപരമായ ആവശ്യങ്ങള്‍ക്ക് ഉപകരിക്കുന്ന തരത്തിലുള്ള റിപ്പോര്‍ട്ടുകള്‍ വീക്ഷിക്കുന്നതിനും മോണിട്ടര്‍ ചെയ്യുന്നതിനും ഇതിലൂടെ സാധ്യമാണ്. നികുതികളുടെയും ഫീസുകളുടേയും അസസ്സ്മെന്‍റ് വിവരങ്ങള്‍, ഡിമാന്‍റ് വിവരങ്ങള്‍, കളക്ഷന്‍ വിവരങ്ങള്‍, ലൈസന്‍സ്, രജിസ്ട്രേഷന്‍ സംബന്ധിച്ച സേവനങ്ങള്‍ എന്നിവയാണ് സഞ്ചയയിലൂടെ കൈകാര്യം ചെയ്യാന്‍ സാധിക്കുന്നത്. ഇതോടൊപ്പം തന്നെ അക്കൗണ്ടിങ്ങിനായി ഉപയോഗിക്കുന്ന സാംഖ്യ ഡബിള്‍ എന്‍ട്രി ആപ്ലിക്കേഷനിലേക്ക് ആവശ്യമായ ഡിമാന്‍റ് വിവരങ്ങള്‍ നല്‍കുവാനും, അവയില്‍ നിന്നും ലഭിക്കുന്ന കളക്ഷന്‍ വിവരങ്ങള്‍ തത്സമയം ഡിമാന്‍റില്‍ കുറവു വരുത്തി ഡി.സി.ബി. റിപ്പോര്‍ട്ടുകള്‍, കുടിശ്ശിക റിപ്പോര്‍ട്ടുകള്‍ എന്നിവ തയ്യാറാക്കുന്നതിനും കഴിയുന്നു.

തദ്ദേശഭരണസ്ഥാപനങ്ങളിലെ ക്യാഷ് കൗണ്ടറിലും ഔട്ട് ഡോര്‍ കളക്ഷന്‍ മുഖേനയും ജില്ലാ കേന്ദ്രങ്ങളിലെ ഫ്രണ്ട്സ് ജനസേവന കേന്ദ്രങ്ങള്‍ മുഖേനയും മാത്രമാണ് നിലവില്‍ പൊതുജനങ്ങള്‍ക്ക് നികുതികളും ഫീസുകളും ഒടുക്കാന്‍ സാധിച്ചിരുന്നത്. എന്നാല്‍ ഇതിനോടൊപ്പം തന്നെ സാങ്കേതികവിദ്യയുടെ വളര്‍ച്ചയുടെ ഭാഗമായി നിലിവില്‍ വന്ന ഇ-പെയ്മെന്‍റ് (ക്രെഡിറ്റ് കാര്‍ഡ്/ ഡെബിറ്റ് കാര്‍ഡ്/ഇന്‍റര്‍നെറ്റ് പെയ്മന്‍റ്) രീതിയിലൂടെയും, കേന്ദ്രസര്‍ക്കാര്‍ സ്ഥാപനമായ ഇന്ത്യാ പോസ്റ്റ് അഥവാ പോസ്റ്റാഫീസുകളിലൂടെയും പണം ഒടുക്കുവാന്‍ സാധിച്ചാല്‍ അത് പൊതുജനത്തിന് തദ്ദേശഭരണസ്ഥാപനത്തില്‍ പോകാതെ തന്നെ അവരവരുടെ സൗകര്യം അനുസരിച്ച് നികുതി ഒടുക്കുന്നതിന് സഹായകരമാകും.

2011-ഫെബ്രുവരി 22-ാം തീയതി മുതല്‍ തിരുവനന്തപുരം നഗരസഭയിലെ വസ്തു നികുതി ഇ-പെയ്മെന്‍റ് മുഖേന വെബ്സൈറ്റിലൂടെ (www.corporationoftrivandrum.in) അടച്ചു വരുന്നു. ഇപ്പോള്‍ കോഴിക്കോട്, കൊല്ലം കോര്‍പ്പറേഷനുകളിലും കാസര്‍ഗോഡ്, ഒറ്റപ്പാലം നഗരസഭകളിലും, കാസര്‍ഗോഡ് ജില്ലയിലെ മഞ്ചേശ്വരം ഗ്രാമപഞ്ചായത്തിലും ഈ സംവിധാനം നിലവിലുണ്ട്. ഇതുകൂടാതെ https://www.tax.lsgkerala.gov.in എന്ന വെബ്സൈറ്റിലൂടെയും ഇ-പെയ്മെന്‍റ്, ഇ-ഫയിലിംഗ് എന്നീ സൗകര്യങ്ങള്‍ ലഭ്യമാണ്. കേരളത്തിലെ കമ്പ്യൂട്ടര്‍വല്‍ക്കരിച്ച ആയിരത്തോളം പോസ്റ്റാഫീസുകള്‍ വഴി തദ്ദേശഭരണസ്ഥാപനങ്ങളിലെ നികുതികളും ഫീസുകളും സ്വീകരിക്കുന്നതിനായി പോസ്റ്റല്‍ വകുപ്പിന്‍റെ കേരളാ സര്‍ക്കിളും തദ്ദേശഭരണ വകുപ്പുമായി ഒരു ധാരണാ പത്രത്തില്‍ ഒപ്പുവച്ചു. ആയത് ഈ സാമ്പത്തിക വര്‍ഷം തന്നെ പ്രാവര്‍ത്തികമാകുമെന്ന് കരുതുന്നു. പൊതുജനങ്ങള്‍ക്ക് നികുതി ഒടുക്കുന്നതിന് വിപുലമായ സൗകര്യം ഇതിലൂടെ സാധ്യമാകുന്നതുമാണ്.

സഞ്ചയ സ്യൂട്ടില്‍ ഉള്‍പ്പെടുന്ന മൊഡ്യൂളുകള്‍ ചുവടെ വിവരിക്കുന്നു. കേരളാ പഞ്ചായത്ത്രാജ് ആക്ടും, കേരളാ മുനിസിപ്പാലിറ്റി ആക്റ്റും ചട്ടങ്ങളും അനുസരിച്ചാണ് സഞ്ചയയുടെ വിവിധ മൊഡ്യൂളുകള്‍ പ്രവര്‍ത്തിക്കുന്നത്.

എല്‍.ബി. മൊഡ്യൂള്‍

തദ്ദേശഭരണസ്ഥാപനത്തിലെ ചുമതലപ്പെട്ട ഉദ്യോഗസ്ഥര്‍ കൈകാര്യം ചെയ്യുന്നതിനുള്ള മൊഡ്യൂള്‍. ഡേറ്റാ എന്‍ട്രി ഓപ്പറേറ്റര്‍, ക്ലാര്‍ക്ക്, സൂപ്രണ്ട്, സെക്രട്ടറി, തെരഞ്ഞെടുക്കപ്പെട്ട ജന പ്രതിനിധികള്‍ തുടങ്ങിയവരാണ് ഈ മൊഡ്യൂളിന്‍റെ പ്രധാന ഉപയോക്താക്കള്‍.
സഞ്ചയയിലൂടെ തയ്യാറാക്കാന്‍ സാധിക്കുന്ന ചില പ്രധാന പ്രവര്‍ത്തനങ്ങള്‍

  1. വസ്തു നികുതി - വാര്‍ഷിക വാടക മൂല്യം അനുസരിച്ചോ, കെട്ടിട വിസ്തീര്‍ണ്ണം അനിസരിച്ചോ നികുതി നിര്‍ണ്ണയിക്കല്‍, പിരിവ്, കുടിശ്ശക കണക്കാക്കല്‍ മുതലായവ.
  2. തൊഴില്‍ നികുതി - സ്ഥാപനങ്ങള്‍/തൊഴിലാളികള്‍ എന്നിവരുടെ നികുതി നിര്‍ണ്ണയം, പിരിവ്, കുടിശ്ശിക കണക്കാക്കല്‍ തുടങ്ങിയവ
  3. കെട്ടിടങ്ങള്‍/ഭൂമി - വാടക ലേല വ്യവസ്ഥ പ്രകാരം പ്രതിമാസ തുക തയ്യാറാക്കല്‍, പിരിവ്, കുടിശ്ശിക കണക്കാക്കല്‍ തുടങ്ങിയവ
  4. പരസ്യ നികുതി - പരസ്യനികുതി ഡിമാന്‍റ്, പിരിവ് തുടങ്ങിയവ
  5. ഡി ആന്‍റ് ഒ ലൈസന്‍സും സ്ഥാപനങ്ങളുടെ രജിസ്ട്രേഷനും - ഡി ആന്‍റ് ഒ ലൈസന്‍സ് അപേക്ഷ, ഡിമാന്‍റ്, കളക്ഷന്‍, ലൈസന്‍സ് നല്‍കല്‍, സ്ഥാപനങ്ങളുടെ രജിസ്ട്രേഷനും പുതുക്കലും തുടങ്ങിയവ

വെബ് മൊഡ്യൂള്‍

തദ്ദേശസ്വയംഭരണവകുപ്പിന്‍റെ പ്രധാന വെബ് സര്‍വ്വറില്‍ പ്രവര്‍ത്തിക്കുന്ന ഈ മൊഡ്യൂള്‍ നികുതികളുടേയും, ലൈസന്‍സുകളുടേയും വിവരങ്ങള്‍ പൊതുജനങ്ങള്‍ക്ക് പരിശോധിക്കാനും അപേക്ഷകള്‍ ഡിജിറ്റലായി സമര്‍പ്പിക്കുവാനും, നികുതികള്‍ ഇ-പെയ്മെന്‍റ് മുഖേന ഒടുക്കുവാനും സഹായിക്കുന്നു. ഡിമാന്‍റും പണം ഒടുക്കിയ വിവരങ്ങളും അപേക്ഷയുടെ അവസ്ഥയും ഇ-മെയിലായും മൊബൈല്‍ ഫോണിലേക്ക് എസ്.എം.എസ്.ആയും അറിയിക്കുന്നു. അതോടൊപ്പം വിവിധതരം സംസ്ഥാനതലത്തില്‍ ക്രോഡീകരിച്ച റിപ്പോര്‍ട്ടുകളും ലഭ്യമാണ്.

സിംക്രണൈസിങ് മൊഡ്യൂള്‍

തദ്ദേശഭരണസ്ഥാപനത്തിലെ ജീവനക്കാര്‍ തയ്യാറാക്കുന്ന വിവരങ്ങള്‍ ആവശ്യമുള്ളവ മാത്രം സ്റ്റേറ്റ് ഡേറ്റാ സെന്‍ററിലേക്ക് എത്തിക്കുവാനും, വെബ്സൈറ്റിലൂടെ പൊതു ജനങ്ങള്‍ സമര്‍പ്പിക്കുന്ന അപേക്ഷകളും ഇ-പെയ്മെന്‍റ്, പോസ്റ്റാഫീസ്, ഫ്രണ്ട്സ്, ബാങ്ക് വഴി ഒടുക്കുന്ന നികുതിയുടെ വിവരങ്ങള്‍ ഡേറ്റാ സെന്‍ററില്‍ നിന്നും തിരിച്ച് അതാത് ലോക്കല്‍ ബോഡിയിലേക്ക് എത്തിക്കുന്നതിനുമായി ഉപയോഗിക്കുന്ന മൊഡ്യൂള്‍

പോസ്റ്റാഫീസ് മൊഡ്യൂള്‍

തദ്ദേശഭരണസ്ഥാപനങ്ങളുടെ നികുതികള്‍, ഫീസുകള്‍ തുടങ്ങിയവ കേരളത്തിലെ കമ്പ്യൂട്ടര്‍ വല്‍ക്കരിച്ച പോസ്റ്റാഫീസുകളിലൂടെ സ്വീകരിക്കുന്ന തിനാവശ്യമായ മൊഡ്യൂള്‍. കേരളാ പോസ്റ്റല്‍ സര്‍ക്കിളിലുള്ള പോസ്റ്റാഫീസ് ജീവനക്കാരാണ് ഇതിന്‍റെ ഉപയോക്താക്കള്‍. ഇതിലൂടെ കിട്ടുന്ന തുക അതാത് തദ്ദേശഭരണസ്ഥാപനത്തിന്‍റെ ബാങ്ക് അക്കൗണ്ടിലേക്ക് അവര്‍ തന്നെ നേരിട്ട് നിക്ഷേപിക്കുന്നതാണ്. അവയുടെ ഡിമാന്‍റ് സഞ്ചയയില്‍ വരവ് വയ്ക്കുകയും, വരവിന്‍റെ വിവരങ്ങള്‍ അക്കൗണ്ടിംഗ് സോഫ്റ്റ്വെയറായ സാംഖ്യയില്‍ രേഖപ്പെടുത്തുകയും ചെയ്യുന്നു.

ഔട്ട് ഡോര്‍ കളക്ഷന് വേണ്ടിയുള്ള ഹാന്‍ഡ് ഡിവൈസ്

ഔട്ട് ഡോര്‍ കളക്ഷന്‍ നിര്‍വ്വഹിക്കുന്നതിനായി ഉദ്യോഗസ്ഥര്‍ക്ക് കൈയ്യില്‍ കൊണ്ടു നടക്കാവുന്ന കമ്പ്യൂട്ടര്‍ (പ്രിന്‍റര്‍ ഉള്‍പ്പെടെ) സംവിധാനമാണ് ഇത്. കളക്ഷന് പോകുന്നതിനു മുമ്പ് പ്രസ്തുത വാര്‍ഡിലെ ഡിമാന്‍റ് ഈ കമ്പ്യൂട്ടറില്‍ ശേഖരിക്കുന്നു. വാര്‍ഡ് നമ്പരും ഡോര്‍ നമ്പരും നല്‍കിയാല്‍ ഉടമസ്ഥന്‍റെ പേരും അടക്കേണ്ടുന്ന തുകയും ലഭ്യമാവും. അവയ്ക്കുള്ള രസീത് ഉടനടി പ്രിന്‍റ് ചെയ്ത് നല്‍കാവുന്നതാണ്. ഓഫീസിലെത്തി പ്രധാന കമ്പ്യൂട്ടറിലേക്ക് അതാത് ദിവസത്തെ കളക്ഷന്‍ വിവരങ്ങള്‍ ട്രാന്‍സ്ഫര്‍ ചെയ്യണം. ഡിമാന്‍റ് പോസ്റ്റിംഗ്, കളക്ഷന്‍ വിവരങ്ങള്‍ സാംഖ്യയിലേക്ക് നല്‍കല്‍ എന്നീ പ്രവര്‍ത്തികള്‍ ഈ സംവിധാനത്തിലൂടെ സുഗമമാവും.

ഇവയ്ക്ക് പുറമേ നികുതി ഒടുക്കുന്നതിന് ഫ്രണ്ട്സ് ജനസേവന കേന്ദ്രങ്ങളിലേക്ക് ആവശ്യമായ വിവരം ഓണ്‍ലൈനായി നല്‍കുന്നതിനുള്ള മൊഡ്യൂള്‍ തിരുവനന്തപുരം, കൊല്ലം ജില്ലാതല ഫ്രണ്ട്സ് ജനസേവന കേന്ദ്രങ്ങളില്‍ പ്രവര്‍ത്തിച്ചു വരുന്നു. ഇതുകൂടാതെ തദ്ദേശഭരണസ്ഥാപനത്തില്‍ സ്ഥിതിചെയ്യുന്ന ടച്ച് സ്ക്രീന്‍ കിയോസ്ക്ക് സൗകര്യത്തിലൂടെയും, കേരളത്തിന്‍റെ പ്രധാന സ്ഥാപനങ്ങളിലോ സ്ഥലങ്ങളിലോ കെല്‍ട്രോണിന്‍റെ സഹായത്തോടെ വിന്യസിച്ചിരിക്കുന്ന ڇസ്പര്‍ശ്ڈ എന്ന ടച്ച് സ്ക്രീന്‍ സൗകര്യത്തിലൂടെയും പൊതുജന ങ്ങള്‍ക്ക് വസ്തുനികുതി വിവരങ്ങള്‍, ഡിമാന്‍റ് വിവരങ്ങള്‍ എന്നിവ അറിയുവാന്‍ സാധിക്കും. സ്റ്റേറ്റ് ബാങ്ക് ഓഫ് ഇന്ത്യയുടെ തെരഞ്ഞെടുത്ത ശാഖകളിലൂടെയും അവരുടെ തന്നെ ഓണ്‍ലൈന്‍ വെബ്സൈറ്റിലൂടെയും ശരീഹഹലരേ എന്ന സംവിധാനത്തിലൂടെ നികുതി അടയ്ക്കുവാനുള്ള പദ്ധതി പരിഗണനയിലാണ്.

മേല്‍പ്പറഞ്ഞ സൗകര്യങ്ങള്‍ സഞ്ചയ സോഫ്റ്റ്വെയര്‍ വിന്യസിച്ച് പ്രവര്‍ത്തിപ്പിക്കുന്ന തദ്ദേശഭരണസ്ഥാപനങ്ങളിലാണ് ലഭ്യമായിട്ടുള്ളത്. മറ്റ് സ്ഥലങ്ങളില്‍ വസ്തുനികുതിയും മറ്റ് നികുതികളുടേയും വിവരവ്യൂഹം (ഡേറ്റാബേസ്) തയ്യാറാക്കുന്ന മുറയ്ക്ക് മേല്‍പ്പറഞ്ഞ സംവിധാനങ്ങള്‍ പ്രാവര്‍ത്തികമാവുന്നതാണ്.

ലേഖകന്‍: നാരായണന്‍ നമ്പൂതിരി ജി, സീനിയര്‍ പ്രോഗ്രാമര്‍

സംവേദിത - തദ്ദേശ സ്വയംഭരണ വകുപ്പിന്‍റെ വെബ് പോര്‍ട്ടല്‍

തദ്ദേശ സ്വയംഭരണ വകുപ്പിന്‍റെ ഔദ്യോഗിക വെബ് സൈറ്റ്   www.lsgkerala.gov.in 2002 ഡിസംബര്‍ 9ാം തിയതിയാണ് പ്രവര്‍ത്തനമാരംഭിച്ചത്. കേരളത്തിലെ തദ്ദേശ ഭരണ സ്ഥാപനങ്ങളുടെ കമ്പ്യൂട്ടര്‍വല്‍ക്കരണത്തിനായി നിയോഗിക്കപ്പെട്ട ഇന്‍ഫര്‍മേഷന്‍ കേരള മിഷന്‍ ആണ് സംവേദിത എന്ന നാമധേയത്തില്‍ വെബ് സൈറ്റ് വികസിപ്പിക്കുന്നതിനു നേതൃത്വം നല്‍കിയത്.  കേരളത്തിലെ എല്ലാ ഗ്രാമപഞ്ചായത്തുകള്‍ക്കും, ബ്ളോക്കുപഞ്ചായത്തുകള്‍ക്കും, ജില്ലാ പഞ്ചായത്തുകള്‍ക്കും  മുനിസിപ്പാലിറ്റികള്‍ക്കും, കോര്‍പ്പറേഷനുകള്‍ക്കും പ്രത്യേകം ഇടം നല്‍കിയാണ് അന്ന് തദ്ദേശസ്വയംഭരണവകുപ്പിന്റെ ബൃഹത്തായ സൈറ്റ് പ്രവര്‍ത്തനക്ഷമമാക്കിയത്. ഭൂമിശാസ്ത്രപരമായ വിവരങ്ങള്‍, ജനസംഖ്യാ കണക്കുകള്‍, തിരഞ്ഞെടുപ്പു വിവരങ്ങള്‍,  പ്രാദേശിക കലാ സാംസ്കാരിക വിശേഷങ്ങള്‍, പ്രാദേശിക  ചരിത്രം എന്നിങ്ങനെ വൈവിദ്ധ്യങ്ങളായ വിവരങ്ങളുടെ ശേഖരമാണ് ഈ വെബ് സൈറ്റ്. സര്‍ക്കാര്‍ ഉത്തരവുകള്‍, ടെണ്ടറുകള്‍, ഔദ്യോഗിക അറിയിപ്പുകള്‍, പ്രൊവിഡന്‍റ്ഫണ്ട് വിശദാംശങ്ങള്‍, പദ്ധതി വിവരങ്ങള്‍, ജനന മരണ രജിസ്ട്രേഷന്‍ വിവരങ്ങള്‍, എന്നിങ്ങനെ നിരവധി  ഔദ്യോഗിക വിവരങ്ങള്‍ വെബ് സൈറ്റില്‍  ഇന്ന് ലഭ്യമാണ് . ഇ-ഗവേണന്‍സ് മേഖലയില്‍ കേരളം കൈവരിച്ച പുരോഗതി സൂചിപ്പിക്കുന്ന വെബ് സര്‍വ്വീസുകള്‍ ഉള്‍ക്കൊള്ളുന്ന ഈ വെബ് സൈറ്റ് വിവരശേഖരത്തിന്‍റെ കാര്യത്തില്‍ ഏറ്റവും മുന്‍പന്തിയില്‍ നില്‍ക്കുന്ന ഒന്നാണ്.

  • www.cr.lsgkerala.gov.in - ജനന മരണ വിവാഹ രജിസ്ട്രേഷന്‍ സര്‍ട്ടിഫിക്കറ്റുകള്‍
  • www.welfarepension.lsgkerala.gov.in - സാമൂഹ്യ ക്ഷേമ പെന്‍ഷന്‍ വിശദാംശങ്ങള്‍
  • www.sulekhaweb.lsgkerala.gov.in - പദ്ധതി വിവരങ്ങളുടെ ക്രോഡീകരണം
  • www.tax.lsgkerala.gov.in - വസ്തുനികുതി വിശദാംശങ്ങള്‍
  • www.go.lsgkerala.gov.in - സര്‍ക്കാര്‍ ഉത്തരവുകള്‍, സര്‍ക്കുലറുകള്‍, ഗസറ്റ് വിജ്ഞാപനങ്ങള്‍
  • www.tender.lsgkerala.gov.in – തദ്ദേശ സ്ഥാപനങ്ങളുടെ ടെണ്ടര്‍ അറിയിപ്പുകള്‍
  • www.gis.lsgkerala.gov.in - ഡിജിറ്റല്‍ ഭൂപടങ്ങള്‍
  • www.kmpecpf.lsgkerala.gov.in – മുനിസിപ്പല്‍ കോമണ്‍സര്‍വ്വീസ് ജീവനക്കാരുടെ പ്രൊവിഡന്‍റ് ഫണ്ട്
  • www.kpepf.lsgkerala.gov.in - പഞ്ചായത്ത് കോമണ്‍സര്‍വ്വീസ് ജീവനക്കാരുടെപ്രൊവിഡന്‍റ് ഫണ്ട്
  • www.filetracking.lsgkerala.gov.in - ഫയലുകളുടെ നിജസ്ഥിതി അറിയുന്ന സംവിധാനം

എന്നീ വെബ് സര്‍വ്വീസുകള്‍ തദ്ദേശ സ്വയംഭരണ വകുപ്പിന്‍റെ ഔദ്യോഗിക വെബ് സൈറ്റിന്‍റെ ഭാഗമാണ് . ഐ.കെ.എം വികസിപ്പിച്ചെടുത്ത് വിന്യസിക്കുന്ന ഓരോ സോഫ്റ്റു വെയറുകളുടേയും വെബ് അധിഷ്ഠിത സേവനം ജനങ്ങളിലെത്തിക്കുന്നതിന്  തദ്ദേശ ഭരണ വകുപ്പിനൊപ്പം ഇന്‍ഫര്‍മേഷന്‍ കേരള മിഷനും കടപ്പെട്ടിരിക്കുന്നു.

തദ്ദേശ സ്വയംഭരണ സ്ഥാപനങ്ങളുടെ  പ്രവൃത്തി മണ്ഡലത്തില്‍ നടന്നു വരുന്ന മുന്നേറ്റത്തിന്‍റെ ഭാഗമായി നിരവധി വിവരങ്ങള്‍ വെബ് സൈറ്റില്‍ പ്രസിദ്ധീകരിക്കേണ്ടത് ഇന്ന് അനിവാര്യമായിരിക്കയാണ്. ഈ സന്ദര്‍ഭത്തില്‍  ഐ.കെ.എം വികസിപ്പിച്ചെടുത്ത്  പരിപാലിക്കുന്ന  വെബ് സൈറ്റുകളുടെ ഉള്ളടക്കത്തിന്‍റെ അധികാരം തദ്ദേശ സ്ഥാപനങ്ങള്‍ക്കു തന്നെ എന്നത്  തിരിച്ചറിയപ്പെടേണ്ട വസ്തുതയാണ്. ഇതിനായി  Content Management System ഉപയോഗിച്ച് ഓരോ തദ്ദേശ സ്ഥാപനങ്ങള്‍ക്കും  വ്യത്യസ്ത വെബ് സൈറ്റുകള്‍ കൂടെ തയ്യാറാക്കി  ഐ.കെ.എം മുന്നേറ്റം നടത്തിയിരിക്കയാണ്. 60 മുനിസിപ്പാലിറ്റികള്‍ക്കും തൃശ്ശൂര്‍, തിരുവനന്തപുരം, കൊല്ലം എന്നീ നഗരസഭകള്‍ക്കും അതത് തദ്ദേശ സ്ഥാപനങ്ങളില്‍ നിന്ന്  തന്നെ വിവരങ്ങള്‍ പ്രസിദ്ധപ്പെടുത്തുന്നതിനുള്ള സംവിധാനം ലഭ്യമാക്കി കഴിഞ്ഞു. മേല്‍ പ്രവര്‍ത്തനം പഞ്ചായത്തുകള്‍ക്ക് ലഭ്യമാക്കി  കൊണ്ടിരിക്കയാണ്.

30 ലക്ഷത്തിലധികം ആളുകള്‍ സന്ദര്‍ശിച്ചു കഴിഞ്ഞ വെബ് സൈറ്റിലെ ദൈനംദിന സന്ദര്‍ശകരുടെ ഗ്രാഫ് വെബ് സൈറ്റിന്‍റെ ഉള്ളടക്കത്തിന്‍റെ സാധ്യതകളും നമ്മെ ഓര്‍മ്മിപ്പിക്കുന്നു.

വികേന്ദ്രീകൃതാസൂത്രണത്തിന്‍റെ കാര്യക്ഷമമായ പ്രവര്‍ത്തനങ്ങളില്‍ സുലേഖ ആപ്ലിക്കേഷന്‍റെ പങ്ക്

1992 ലെ 73, 74 ഭരണഘടനാ ഭേദഗതികളെ തുടര്‍ന്ന് കേരളം ഭരണ പരിഷ്കാരങ്ങള്‍ക്ക് തുടക്കം കുറിക്കുകയും വികേന്ദ്രീകൃതാസൂത്രണത്തിലൂടെ അധികാര വികേന്ദ്രീകരണം സാക്ഷാത്കരിക്കുകയും ചെയ്തു. ആസൂത്രണാധികാരം, ഫണ്ട്, ഉദ്യോഗ സംവിധാനം എന്നിവ വികേന്ദ്രീകരിച്ച് പ്രാദേശിക സ്ഥാപനങ്ങളിലേക്ക് നല്‍കി വികസന പ്രവര്‍ത്തനങ്ങളുടെ നടത്തിപ്പ് തദ്ദേശഭരണസ്ഥാപനങ്ങളില്‍ നിക്ഷിപ്തമാക്കി. ഇതിലൂടെ തദ്ദേശഭരണസ്ഥാപനങ്ങള്‍ പ്രാദേശിക വികസനത്തിന്‍റെ സിരാകേന്ദ്രങ്ങളായി മാറുകയും വിപുലമായ ഭരണസാമ്പത്തികാധികാരങ്ങള്‍ ലഭിക്കുകയും ചെയ്തു. ഇതോടെ ഇവര്‍ ചെയ്യേണ്ടുന്ന വികസന പദ്ധതികളുടെ എണ്ണവും വര്‍ദ്ധിച്ചു. ഈ വികസന പദ്ധതികളുടെ നടത്തിപ്പും, മേല്‍നോട്ടം വഹിക്കലും അവയുടെ പുരോഗതി വിലയിരുത്തേണ്ടതുമായ ഭീമമായ ചുമതല തദ്ദേശഭരണസ്ഥാപനങ്ങളിലേക്കെത്തി ചേര്‍ന്നു. വികസന പ്രവര്‍ത്തനങ്ങളില്‍ ജനപങ്കാളിത്തം, സുതാര്യത, കാര്യക്ഷമത എന്നിവ ഉറപ്പാക്കിയും നിര്‍വ്വഹണ സ്ഥാപനങ്ങളെ സംയോജിപ്പിച്ചുകൊണ്ടും സമഗ്ര സമീപനത്തോടെ പദ്ധതികള്‍ ആവിഷ്കരിച്ച് നടപ്പിലാക്കിയും സാമ്പത്തിക വികസനം സാമൂഹ്യനീതിയിലധിഷ്ഠിതമായി സാധ്യമാക്കുക എന്നതാണ് വികേന്ദ്രീകൃതാസൂത്രണത്തിന്‍റെ പ്രധാന ലക്ഷ്യം.

സുലേഖ ആപ്ലിക്കേഷന്‍റെ പങ്ക്

തദ്ദേശഭരണ സ്ഥാപനങ്ങളിലൂടെ നടപ്പിലാക്കി വന്നിരുന്ന വാര്‍ഷിക വികസന പദ്ധതികളുടെ സുതാര്യതയും കാര്യക്ഷമതയും ഉറപ്പുവരുത്തുന്നതിന് അവയുടെ പുരോഗതി സര്‍ക്കാര്‍ തലത്തില്‍ വിലയിരുത്തേണ്ടത് അത്യന്താപേക്ഷിതമായ ഒരു ഘടകമായി മാറി. ഇത്തരത്തില്‍ പുരോഗതി വിലയിരുത്തുന്നതിന് പ്രവര്‍ത്തനക്ഷമമായ ഒരു സംവിധാനം ആവിഷ്കരിക്കുന്നതിന്‍റെ ഭാഗമായി 9, 10 പഞ്ചവത്സപദ്ധതി കാലത്തെ പദ്ധതി പ്രവര്‍ത്തനങ്ങളുടെ പുരോഗതി റിപ്പോര്‍ട്ട് വെബ്സൈറ്റില്‍ ലഭ്യമാക്കുന്നതിന് സര്‍ക്കാര്‍ തീരുമാനിക്കുകയുണ്ടായി. ഇതിലേക്കായി പദ്ധതി വിവരങ്ങള്‍ ശേഖരിച്ച് ക്രോഡീകരിക്കുന്നതിനു വേണ്ടി ഇന്‍ഫര്‍മേഷന്‍ കേരള മിഷന്‍ (ഐ കെ എം) ڇസുലേഖڈ സോഫ്റ്റ് വെയര്‍ വികസിപ്പിച്ചു. സുലേഖ സോഫ്റ്റ് വെയര്‍ ഉപയോഗിച്ച് എല്ലാ തദ്ദേശഭരണ സ്ഥാപനങ്ങളുടെയും പദ്ധതി പുരോഗതി റിപ്പോര്‍ട്ട് തയ്യാറാക്കണമെന്ന് 2004 ഫെബ്രുവരി 3 ലെ ജി.ഒ.(എം.എസ്)നമ്പര്‍7/2004 പ്ലാനിംഗ് അനുസരിച്ച് ഗവണ്‍മെന്‍റ് ഉത്തരവ് പുറപ്പെടുവിച്ചു.

തുടര്‍ന്ന് സംസ്ഥാനത്തെ തദ്ദേശഭരണ സ്ഥാപനങ്ങള്‍ ഏറ്റെടുത്ത് നടത്താനുദ്ദേശിക്കുന്ന ഓരോ വാര്‍ഷിക പദ്ധതികളുടെയും രൂപീകരണം മുതല്‍ മോണിട്ടറിംഗ് വരെയുള്ള എല്ലാ പ്രവര്‍ത്തനങ്ങളും സുതാര്യവും കാര്യക്ഷമവുമാക്കുന്നതിന് വിവര സംവേദന സാങ്കേതിക വിദ്യ എന്ന ലക്ഷ്യത്തോടെ ഇന്‍ഫര്‍മേഷന്‍ കേരള മിഷന്‍ വികസിപ്പിച്ചെടുത്ത സുലേഖ ആപ്ലിക്കേഷന്‍ കൂടുതല്‍ പ്രവര്‍ത്തനക്ഷമമാക്കുകയും വിവിധ ഘട്ടങ്ങളിലായി വിന്യസിപ്പിക്കുകയും ചെയ്തു. 10-ാം പഞ്ചവത്സര പദ്ധതി മുതല്‍ സര്‍ക്കാര്‍ നിര്‍ദേശമനുസരിച്ചുള്ള മാനദണ്ഡങ്ങള്‍ക്ക് വിധേയമായി മുഴുവന്‍ തദ്ദേശഭരണ സ്ഥാപനങ്ങളും സുലേഖ ആപ്ലിക്കേഷന്‍ ഉപയോഗിച്ച് വികസന പദ്ധതി പ്രോജക്ടുകള്‍ ഓണ്‍ ലൈനായി ജില്ലാ വികസന സമിതിക്കു സമര്‍പ്പിച്ചു തുടങ്ങി. കൂടാതെ സുലേഖ ആപ്ലിക്കേഷന്‍റെ വിവിധ മൊഡ്യൂളുകള്‍ ഉപയോഗിച്ച് തദ്ദേശഭരണ സ്ഥാപനങ്ങളുടെ പദ്ധതികള്‍ സാങ്കേതിക ഉപദേശക സമിതി പരിശോധിക്കുകയും, ജില്ലാ പ്ലാനിംഗ് കമ്മിറ്റി അംഗീകരിക്കുകയും ചെയ്തുവരുന്നു.

കാലാകാലങ്ങളില്‍ സര്‍ക്കാര്‍ ഉത്തരവുകളിലൂടെയും സര്‍ക്കുലറുകളിലൂടെയും പദ്ധതി രൂപീകരണത്തിനും നിര്‍വ്വഹണത്തിനും നല്‍കുന്ന നിര്‍ദ്ദേശങ്ങള്‍ കാല താമസം കൂടാതെ ഓരോ വാര്‍ഷിക പദ്ധതിയിലും സുലേഖ ആപ്ലിക്കേഷനില്‍ ഉള്‍പ്പെടുത്തുന്നു. ഒരു തദ്ദേശഭരണ സ്ഥാപനത്തിന് ലഭ്യമാകുന്ന വികസന ഫണ്ട്, മെയിന്‍റനന്‍സ് ഗ്രാന്‍റ് എന്നിവയില്‍ നിന്നും മേഖലാ പരിധിയിലുള്ള പ്രോജക്ടുകള്‍, അനിവാര്യ ചുമതലകള്‍ എന്നിവയ്ക്കായി സര്‍ക്കാര്‍ മാര്‍ഗ്ഗരേഖയില്‍ പ്രതിപാദിച്ചിട്ടുള്ള ശതമാനമനുസരിച്ച് വകയിരുത്തേണ്ട തുകയുടെ വിവരങ്ങള്‍ ആപ്ലിക്കേഷന്‍ വഴി തയ്യാറാക്കപ്പെടുകയും പ്രസ്തുത തുകയ്ക്കനുസരിച്ച് തദ്ദേശഭരണ സ്ഥാപനങ്ങള്‍ പദ്ധതികള്‍ ഏറ്റെടുക്കുകയും ചെയ്യേണ്ടതാണ്. ഇത്തരത്തില്‍ മേഖലാ വിഭജനം, അനിവാര്യ ചുമതലകള്‍, ന്യൂനത പരിഹാരം തുടങ്ങി തദ്ദേശഭരണ സ്ഥാപനം നിര്‍ബന്ധമായും പാലിക്കേണ്ട നടപടികള്‍ സര്‍ക്കാര്‍ മാര്‍ഗ്ഗനിര്‍ദ്ദേശം അനുസരിച്ച് തന്നെ പാലിക്കപ്പെടുന്നു എന്ന് ഉറപ്പുവരുത്തുന്നതിന് വാലിഡേഷന്‍ പോലുള്ള സംവിധാനം ആപ്ലിക്കേഷനില്‍ ക്രമീകരിച്ചിരിക്കുന്നു. വാലിഡേഷന്‍ റിപ്പോര്‍ട്ട് ലഭ്യമായാല്‍ മാത്രമേ തദ്ദേശഭരണ സ്ഥാപനങ്ങള്‍ക്ക് അവരുടെ പദ്ധതി പ്രവര്‍ത്തനങ്ങള്‍ മുന്നോട്ടു കൊണ്ടു പോകാന്‍ സാധ്യമാകുകയുള്ളൂ. അതുകൊണ്ട് തന്നെ സംസ്ഥാനത്തെ മുഴുവന്‍ തദ്ദേശഭരണ സ്ഥാപനങ്ങള്‍ക്കും ജനകീയാസൂത്രണത്തിന് സര്‍ക്കാര്‍ നിഷ്കര്‍ഷിച്ചിട്ടുള്ള കര്‍ശന നടപടിക്രമങ്ങള്‍ പാലിച്ചു കൊണ്ട് മാത്രമേ സുലേഖ ആപ്ലിക്കേഷന്‍ വഴി പദ്ധതി രൂപീകരിക്കാനും അംഗീകാരം നേടാനും സാധ്യമാകൂ. ആയതിനാല്‍ കേരളത്തിലെ ജനകീയാസൂത്രണം മറ്റ് സംസ്ഥാനങ്ങളെ അപേക്ഷിച്ച് കൃത്യതയും, സുതാര്യതയും, കാര്യക്ഷമവും നിയമാധിഷ്ഠിതവുമാണെന്ന് നിസ്സംശയം പറയാം.

സുലേഖ ആപ്ലിക്കേഷന്‍ മൊഡ്യൂളുകള്‍

പദ്ധതി രൂപീകരണം മുതല്‍ മോണിട്ടറിംഗ് വരെയുള്ള പ്രവര്‍ത്തനങ്ങളുടെ കമ്പ്യൂട്ടര്‍വത്കരണം സുലേഖ ആപ്ലിക്കേഷന്‍റെ വിവിധ മൊഡ്യൂളുകളിലൂടെയാണ് നിര്‍വ്വഹിക്കപ്പെടുന്നത്. മൊഡ്യൂളുകളുടെ പ്രവര്‍ത്തനങ്ങളും നേട്ടങ്ങളും ചുവടെ ചേര്‍ക്കുന്നു.

പദ്ധതി രൂപീകരണത്തിനുള്ള ഫോര്‍മുലേഷന്‍ മൊഡ്യൂള്‍

ഒരു സാമ്പത്തിക വര്‍ഷം തദ്ദേശഭരണ സ്ഥാപനങ്ങള്‍ ഏറ്റെടുത്ത് നടപ്പില്‍ വരുത്തുന്ന എല്ലാ പദ്ധതികളും ഈ മൊഡ്യൂളിലൂടെ ഇലക്ട്രോണിക് രൂപത്തില്‍ തയ്യാറാക്കുന്നു. സര്‍ക്കാര്‍ നിര്‍ദ്ദേശിച്ചിട്ടുള്ള പ്രോജക്ട് രൂപീകരണ ഫോറത്തിലെ വിവരങ്ങളെല്ലാം ഉള്‍പ്പെടുത്തി അതേ മാതൃകയിലാണ് ഈ മൊഡ്യൂള്‍ രൂപവല്‍ക്കരിച്ചിട്ടുള്ളത്. പ്രോജക്ട് കാറ്റഗറി, വികസന മേഖലകള്‍, ഉപമേഖലകള്‍, സൂക്ഷ്മ മേഖലകള്‍, നിര്‍വ്വഹണ ഉദ്യോഗസ്ഥരുടെ വിവരങ്ങള്‍, നിര്‍വ്വഹണ ഏജന്‍സികള്‍, പ്രോജക്ടിന്‍റെ ലക്ഷ്യങ്ങള്‍, ഗുണഭോക്താക്കളെ തിരഞ്ഞെടുക്കുന്നതിനുള്ള മാനദണ്ഡങ്ങള്‍, ആസ്തി, വിഭവ സ്രോതസ്സുകള്‍, വര്‍ക്കിംഗ് ഗ്രൂപ്പ്, സ്റ്റാന്‍റിംഗ് കമ്മിറ്റി തുടങ്ങി പ്രോജക്ട് മാര്‍ഗ്ഗരേഖയില്‍ പ്രതിപാദിച്ചിട്ടുള്ള എല്ലാ വിവരങ്ങളും ഈ മൊഡ്യൂളില്‍ മാസ്റ്റര്‍ രൂപത്തില്‍ ഉള്‍ക്കൊള്ളിച്ചിട്ടുണ്ട്. പദ്ധതി പ്രവര്‍ത്തനങ്ങള്‍ക്കായി സര്‍ക്കാര്‍ അനുവദിക്കുന്ന വികസന ഫണ്ട്, മെയിന്‍റനന്‍സ് ഗ്രാന്‍റ് എന്നിവ മേഖലാടിസ്ഥാനത്തില്‍ മാര്‍ഗ്ഗനിര്‍ദ്ദേശങ്ങള്‍ക്കനുസൃതമായി തന്നെ വിനിയോഗിക്കുന്നു എന്ന് ഉറപ്പു വരുത്തുന്നതിനുള്ള വാലിഡേഷന്‍ സൗകര്യവും ഈ മൊഡ്യൂളില്‍ ലഭ്യമാണ്. അതുകൊണ്ട് തന്നെ സര്‍ക്കാരിന്‍റെ നിര്‍ദ്ദേശ പ്രകാരമല്ലാതെ തദ്ദേശഭരണസ്ഥാപനങ്ങള്‍ക്ക് അവയുടെ ഫണ്ടുകള്‍ മറ്റൊരു രീതിയില്‍ വിനിയോഗിക്കുന്നതിന് സാധ്യമല്ല. വാലിഡേഷന്‍ റിപ്പോര്‍ട്ട് ലഭ്യമായാല്‍ മാത്രമേ അടുത്ത ഘട്ടത്തിലേക്ക് കടക്കാന്‍ തദ്ദേശഭരണസ്ഥാപനത്തിന് സാധ്യമാകൂ.

സാങ്കേതിക ഉപദേശക സമിതിയുടെ പരിശോധനയ്ക്ക് വേണ്ടിയുള്ള ടി എ ജി മൊഡ്യൂള്‍

തദ്ദേശഭരണസ്ഥാപനങ്ങള്‍ വാര്‍ഷിക പദ്ധതികള്‍ രൂപീകരിച്ചുകഴിഞ്ഞാല്‍ പരിശോധനയ്ക്കായി സാങ്കേതിക പരിശോധന സമിതിക്ക് സമര്‍പ്പിക്കേണ്ടതാണ്. പദ്ധതി പരിശോധനയ്ക്ക് വേണ്ടിയുള്ള സുലേഖ ആപ്ലിക്കേഷന്‍റെ മൊഡ്യൂളാണ് ടി എ ജി മൊഡ്യൂള്‍ (ഠഅഏ ങീറൗഹല). ഗ്രാമപഞ്ചായത്തുകള്‍ക്ക് ബ്ലോക്ക് തലത്തിലും, ബ്ലോക്ക് പഞ്ചായത്തിനും മുനിസിപ്പാലിറ്റികള്‍ക്കും ജില്ലാ തലത്തിലും, ജില്ലാ പഞ്ചായത്തിനും മുനിസിപ്പല്‍ കോര്‍പ്പറേഷനുകള്‍ക്കും സംസ്ഥാന തലത്തിലുമാണ് പദ്ധതി പരിശോധന നടത്തുന്നത്. ടാഗ് മാര്‍ഗ്ഗരേഖയില്‍ പ്രതിപാദിച്ചിട്ടുള്ള പദ്ധതി പരിശോധനകള്‍ക്കാവശ്യമായ ചെക്ക് ലിസ്റ്റുകള്‍ രേഖപ്പെടുത്തുന്നതിനും റിപ്പോര്‍ട്ട് രൂപത്തില്‍ ലഭ്യമാക്കുന്നതിനും ഈ മൊഡ്യൂളിലൂടെ സാധ്യമാകുന്നു.

ജില്ലാ ആസൂത്രണ സമിതി തലത്തില്‍ പദ്ധതി അംഗീകരിക്കുന്നതിന് വേണ്ടിയുള്ള ഡി പി സി മൊഡ്യൂള്‍

സാങ്കേതിക ഉപദേശക സമിതിയുടെ പരിശോധനയ്ക്ക് വിധേയമായ പദ്ധതികള്‍ അംഗീകാരത്തിനായി ശുപാര്‍ശ ചെയ്ത് കഴിയുന്നതോടെ തദ്ദേശഭരണസ്ഥാപനങ്ങള്‍ക്ക് ജില്ലാ ആസൂത്രണ സമിതിയില്‍ അംഗീകാരത്തിനായി സമര്‍പ്പിക്കാം. പദ്ധതി അംഗീകാരത്തിനായി ജില്ലാ പ്ലാനിംഗ് ഓഫീസ് തലത്തില്‍ പ്രവര്‍ത്തിക്കുന്ന മൊഡ്യൂളാണ് ഡി പി സി മൊഡ്യൂള്‍. ജില്ലാ ആസൂത്രണ സമിതിയുടെ അജണ്ട, അന്തിമ നടപടി ഉത്തരവ് (Final Proceedings) എന്നിവ ഈ മൊഡ്യൂളിലൂടെയാണ് തയ്യാറാക്കുന്നത്.

ചെലവ് റിപ്പോര്‍ട്ടിംഗിനുള്ള മൊഡ്യൂള്‍ (Monthly Monitoring System)

ജില്ലാ ആസൂത്രണ സമിതിയുടെ അംഗീകാരം ലഭിക്കുന്ന പദ്ധതികളുടെ ചെലവ് മോണിറ്റര്‍ ചെയ്യുന്നതിനാണ് ഈ മൊഡ്യൂള്‍ ഉപയോഗിക്കുന്നത്. ചെലവ് പുരോഗതിയും ഓരോ പ്രോജക്ടില്‍ നിന്നും ആര്‍ജ്ജിക്കുന്ന ആസ്തി വിവരവും Monthly Monitoring System ത്തിലൂടെ KSWAN, VPN അല്ലെങ്കില്‍ ഡയല്‍ അപ് കണക്റ്റിവിറ്റി വഴി തദ്ദേശഭരണ സ്ഥാപനങ്ങള്‍ ഡാറ്റാ സെന്‍ററിലേക്ക് റിപ്പോര്‍ട്ട് ചെയ്യുന്നു. ഇത്തരത്തില്‍ ഡാറ്റാ സെന്‍ററിലേക്ക് ചെലവ് കണക്കുകള്‍ റിപ്പോര്‍ട്ട് ചെയ്യുന്നതോടെ വാര്‍ഷിക പദ്ധതി കണക്കുകള്‍ സര്‍ക്കാരിലേക്ക് സമര്‍പ്പിച്ചതായി കണക്കാക്കപ്പെടുന്നു. ചെലവ് കണക്കുകള്‍ ഡാറ്റാ സെന്‍ററിലേക്ക് റിപ്പോര്‍ട്ട് ചെയ്ത് കഴിഞ്ഞാല്‍ ഒരു തരത്തിലുള്ള തിരുത്തലുകളും തദ്ദേശഭരണസ്ഥാപന തലത്തില്‍ ചെയ്യാന്‍ കഴിയുന്നതല്ല.

വെബ് മൊഡ്യൂള്‍ (www.plan.lsgkerala.gov.in)

ഡി പി സി അംഗീകാരം പൂര്‍ണ്ണമാകുന്നതോടെ എല്ലാ തദ്ദേശഭരണസ്ഥാപനങ്ങളുടെയും പദ്ധതി വിവരങ്ങള്‍ ഡാറ്റാ സെര്‍വറില്‍ അപ്ലോഡ് ചെയ്യുന്നു. തുടര്‍ന്ന് ങീിവേഹ്യ ങീിശീൃശേിഴ ട്യലൊേ-ത്തിലൂടെ പദ്ധതി ചെലവുകളും ആര്‍ജ്ജിച്ച ആസ്തി വിവരങ്ങളും ഡാറ്റാ സെന്‍ററില്‍ റിപ്പോര്‍ട്ട് ചെയ്ത് കഴിയുന്ന മുറയ്ക്ക് അവ ംംം.ഹഴെസലൃമഹമ.ഴീ്.ശി/ൗഹെലസവമംലയ എന്ന വെബ് സൈറ്റില്‍ ലഭ്യമാകുന്നു. വെബ്സൈറ്റിലൂടെ തദ്ദേശഭരണസ്ഥാപനങ്ങളുടെ പദ്ധതി പുരോഗതി റിപ്പോര്‍ട്ടുകള്‍ ലഭ്യമാണ്. കാറ്റഗറി, മേഖല, ഉപമേഖല, സൂക്ഷ്മ മേഖല, സ്രോതസ്സ് എന്നിവ തിരിച്ചുള്ള വകയിരുത്തല്‍-ചെലവ് റിപ്പോര്‍ട്ടുകളും പ്രോജക്ടുകളുടെ വകയിരുത്തല്‍-ചെലവ് റിപ്പോര്‍ട്ടുകളും ലഭിക്കുന്നു. ഈ റിപ്പോര്‍ട്ടുകള്‍ ഓഡിറ്റിംഗിനുള്ള അടിസ്ഥാന രേഖയായി ലോക്കല്‍ ഫണ്ട് ഓഡിറ്റിംഗ് വകുപ്പും പെര്‍ഫോര്‍മന്‍സ് ഓഡിറ്റ് വിഭാഗവും സ്വീകരിക്കേണ്ടതാണെന്ന് സര്‍ക്കാര്‍ ഉത്തരവായിട്ടുള്ളതാണ്.

സുലേഖ ആപ്ലിക്കേഷന്‍റെ നേട്ടങ്ങള്‍

  • ഇന്ത്യയിലെ ആസൂത്രണ നിര്‍വ്വഹണ സംവിധാനങ്ങള്‍ക്ക് മാതൃകയായികൊണ്ട് കേരളത്തിലെ മുഴുവന്‍ തദ്ദേശഭരണ സ്ഥാപനങ്ങളിലും പദ്ധതി പ്രവര്‍ത്തനങ്ങള്‍ സുതാര്യവും കാര്യക്ഷമവുമായി സര്‍ക്കാര്‍ നിര്‍ദ്ദേശ പ്രകാരം നടപ്പിലാക്കുന്നതിന് ഒരു അത്യന്താപേക്ഷിതമായ ഘടകമായി സുലേഖ ആപ്ലിക്കേഷന്‍ നിലകൊള്ളുന്നു.
  • ആപ്ലിക്കേഷന്‍ ഉപയോഗിച്ച് പദ്ധതി രൂപീകരണം, പരിശോധന, അംഗീകാരം തുടങ്ങിയവ പ്രാവര്‍ത്തികമാക്കുന്നതിലൂടെ തദ്ദേശഭരണസ്ഥാപനങ്ങള്‍ക്ക് സമയബന്ധിതമായി പദ്ധതി നിര്‍വ്വഹണം നടപ്പിലാക്കാന്‍ സാധിക്കുന്നു.
  • 28 ല്‍ പരം വിഭവ സ്രോതസ്സുകളില്‍ വകയിരുത്തുന്ന ഏകദേശം 2 ലക്ഷത്തോളം വികസന പ്രോജക്ടുകള്‍ ഓരോ വാര്‍ഷിക പദ്ധതികളില്‍ സുലേഖ ആപ്ലിക്കേഷനിലൂടെ രൂപീകരിക്കാന്‍ സാധിക്കുന്നു.
  • 10, 11 പഞ്ചവത്സര പദ്ധതികാലയളവുകളിലെ ഏകദേശം 17,00,000 -ല്‍ പരം പ്രോജക്ടുകള്‍ സുലേഖ ആപ്ലിക്കേഷനിലൂടെ ലഭ്യമാക്കാന്‍ കഴിഞ്ഞിട്ടുണ്ട്.
  • സുലേഖ വെബ്സൈറ്റില്‍ നിന്നും ഓരോ തദ്ദേശഭരണസ്ഥാപനം നടപ്പിലാക്കിയ പദ്ധതികളുടെ കാറ്റഗറി, മേഖല, ഉപമേഖല, സൂക്ഷ്മ മേഖല, സ്രോതസ്സ് എന്നിവ തിരിച്ചുള്ള വകയിരുത്തല്‍-ചെലവ് റിപ്പോര്‍ട്ടുകള്‍ നിഷ്പ്രയാസം ലഭ്യമാകുന്നതാണ്. കൂടാതെ ഇത്തരം റിപ്പോര്‍ട്ടുകള്‍ ഓഡിറ്റിംഗിനുള്ള അടിസ്ഥാന രേഖയായി ലോക്കല്‍ ഫണ്ട് ഓഡിറ്റിംഗ് വകുപ്പും പെര്‍ഫോര്‍മന്‍സ് ഓഡിറ്റ് വിഭാഗവും സ്വീകരിക്കുവാന്‍ സര്‍ക്കാര്‍ നിര്‍ദ്ദേശിച്ചിട്ടുള്ളതുമാണ്.
  • ഐ കെ എം വികസിപ്പിച്ച മറ്റു സോഫ്റ്റ്വെയറുകളുമായി (സാംഖ്യ-അക്കൗണ്ടിംഗ്, സചിത്ര-അസ്സറ്റ്, സുഗമ-എസ്റ്റിമേറ്റ്, സകര്‍മ്മ-കൗണ്‍സില്‍ നടത്തിപ്പ്) കൂട്ടിയിണക്കി സമഗ്രതയോടെ പ്രവര്‍ത്തിക്കുന്നു.

പുരസ്കാരങ്ങള്‍

ഗവണ്‍മെന്‍റ് ടു ഗവണ്‍മെന്‍റ് പ്രോജക്ട് കാറ്റഗറിയില്‍ സുലേഖ പ്ലാന്‍ മോണിറ്ററിംഗ് ആപ്ലിക്കേഷന്‍ സോഫ്റ്റ്വെയറിന് 2009 ലെ സി എസ് ഐ നിഹിലെന്‍റ് ഇ-ഗവേര്‍ണന്‍സ് അവാര്‍ഡ് ലഭിച്ചു.

2009-10 ല്‍ ഭാരത സര്‍ക്കാരിന്‍റെ ദേശീയ ഇ-ഗവേര്‍ണന്‍സിന്‍റെ സ്വര്‍ണ്ണ മെഡല്‍ Excellence in Government Process Re-engineering എന്ന വിഭാഗത്തിന് സുലേഖ സോഫ്റ്റ് വെയറിന് ലഭിച്ചു.

 

ലക്ഷ്മി ജെ (ടീം ലീഡര്‍, ലോബ്‌)
ജയശ്രീ എസ് (ടെക്നിക്കല്‍ ഓഫീസര്‍)

പൊതുവിവാഹ രജിസ്ട്രേഷന്‍ ഇ-ഫയലിംഗ്

2008-ലെ കേരള വിവാഹങ്ങള്‍ രജിസ്റ്റര്‍ ചെയ്യല്‍ (പൊതു) ചട്ടങ്ങള്‍ക്കനുസൃതമായി ഗ്രാമപഞ്ചായത്തുകളിലും നഗരസഭകളിലും മുനിസിപ്പല്‍ കോര്‍പ്പറേഷനിലും നടക്കുന്ന വിവാഹങ്ങള്‍ കമ്പ്യൂട്ടറൈസ് ചെയ്യുന്നതിനും സര്‍ട്ടിഫിക്കറ്റ് വിതരണം ചെയ്യുന്നതിനും ഉള്ള സോഫ്റ്റ്വെയര്‍ ആപ്ലിക്കേഷന്‍ ഇന്‍ഫര്‍മേഷന്‍ കേരള മിഷന്‍ എല്ലാ തദ്ദേശ ഭരണ സ്ഥാപനങ്ങളിലും വിന്യസിച്ചിട്ടുണ്ട്.

2008-ലെ പൊതുവിവാഹ ചട്ടങ്ങള്‍ക്കനുസരിച്ച് വിവരങ്ങള്‍ രജിസ്റ്റര്‍ ചെയ്യുന്നതിന് നിശ്ചിത ഫാറത്തിലുള്ള ഒരു മെമ്മോറാണ്ടം / അനുബന്ധ രേഖകള്‍ സഹിതം വിവാഹം നടക്കുന്ന സ്ഥലത്തെ തദ്ദേശഭരണ സ്ഥാപനത്തില്‍ സമര്‍പ്പിക്കുകയും നിശ്ചിത ഫീസ് ഒടുക്കുകയും ചെയ്യണം. കൂടാതെ വിവാഹിതരായവര്‍ രജിസ്ട്രാറുടെ മുമ്പില്‍ നേരിട്ട് ഹാജരായി രജിസ്റ്ററില്‍ ഒപ്പു വയ്ക്കണം. നിലവിലുള്ള സംവിധാനത്തോടൊപ്പം വെബ് വഴിയായി ഡേറ്റ എന്‍ട്രി ചെയ്ത മെമ്മോറാണ്ടം സമര്‍പ്പിക്കാനുള്ള സൗകര്യം ഇന്‍ഫര്‍മേഷന്‍ കേരള മിഷന്‍ സേവന സോഫ്റ്റ്വെയര്‍ ആപ്ലിക്കേഷനില്‍ വരുത്തിയിട്ടുണ്ട്. ഈ സൗകര്യം ംംം.രൃ.ഹഴെസലൃമഹമ.ഴീ്.ശി എന്ന വെബ്സൈറ്റ്ഡഞഘ വഴിയായി ലഭ്യമാക്കിയിട്ടുണ്ട്. കഠിനംകുളം ഗ്രാമപഞ്ചായത്ത്, കൊല്ലം കോര്‍പ്പറേഷന്‍, ത്യപ്പുണിത്തുറ നഗരസഭ എന്നിവടങ്ങളില്‍ ഈ സംവിധാനം ഇപ്പോള്‍ പ്രവര്‍ത്തിച്ചു വരുന്നു.

ഇതിന്‍റെ നടത്തിപ്പ് സംബന്ധമായ നടപടി ക്രമങ്ങള്‍

അക്ഷയ കേന്ദ്രങ്ങള്‍, ഇന്‍റര്‍നെറ്റ് കഫേകള്‍, സ്വന്തമായി ഇന്‍റര്‍നെറ്റ് കണക്ഷനുകള്‍ എന്നിവിടങ്ങളില്‍ നിന്ന് വിവാഹ രജിസ്ട്രേഷന് ആവശ്യമായ മെമ്മോറാണ്ടം വെബ് ഫാറത്തില്‍ രേഖപ്പെടുത്താന്‍ കഴിയുന്നതാണ്. വിവാഹത്തിന് ശേഷം തദ്ദേശഭരണ സ്ഥാപനത്തില്‍ നേരിട്ട് ഹാജരായി മെമ്മോറാണ്ടം ആവശ്യമായ രേഖകളും ഫീസും സഹിതം സമര്‍പ്പിക്കുമ്പോള്‍ മാത്രമേ വെബ് വഴിയുള്ള രേഖകള്‍ സാധൂകരിക്കുകയുള്ളൂ. വിവാഹ സംബന്ധമായ വിവരങ്ങള്‍ വെബില്‍ രേഖപ്പെടുത്തുന്നിതിന് ംംം.രൃ.ഹഴെസലൃമഹമ.ഴീ്.ശി എന്ന വെബ് സൈറ്റിലേക്ക് ലോഗ് ഓണ്‍ ചെയ്യേണ്ടതാണ്. അതിനുശേഷം څഛി ഹശില മുുഹശരമശേീി ൗയൊശശൈീിچ എന്ന ബട്ടണ്‍ ഉപയോഗിച്ച് ജില്ല, തദ്ദേശഭരണ സ്ഥാപനം എന്നിവ തെരഞ്ഞെടുക്കാന്‍ കഴിയുന്നതാണ്. ലളിതമായ രജിസ്ട്രേഷന്‍ നടപടി പൂര്‍ത്തിയാക്കിയാല്‍ ഡേറ്റാ എന്‍ട്രിക്കു വേണ്ടി വിവാഹ രജിസ്ട്രേഷന്‍ ഫോറം 1 ലഭിക്കുന്നതാണ്.

ഫാറത്തില്‍ ആവശ്യപ്പെട്ടിട്ടുള്ള വിവരങ്ങള്‍ കൃത്യതയോടെ, തെറ്റുകൂടാതെ രേഖപ്പെടുത്തേണ്ടതാണ്. വിവാഹിതരായവരുടെ ഫോട്ടോ സ്കാന്‍ ചെയ്ത് ചേര്‍ക്കേണ്ടതാണ്. ഫാറത്തിന്‍റെ പ്രിന്‍റ് എടുത്ത് ബന്ധപ്പെട്ട എല്ലാവരും ഒപ്പിട്ട് തദ്ദേശ ഭരണ സ്ഥാപനത്തില്‍ അപേക്ഷയായി നല്‍കണം. രജിസ്ട്രേഷന് ഉപയോഗിക്കുന്ന യൂസര്‍ നെയിമും പാസ്വേഡും ഉപയോഗിച്ച് ഫാറം വീണ്ടും കാണുന്നതിനും ആവശ്യമെങ്കില്‍ തിരുത്തല്‍ വരുത്തുന്നതിനും കഴിയുന്നതാണ്. തദ്ദേശഭരണ സ്ഥാപനത്തില്‍ ഫാറം ഡൗണ്‍ലോഡ് ചെയ്യുന്നതു വരെ മാത്രമേ ഈ സൗകര്യം ലഭ്യമാവുകയുള്ളൂ. വെബില്‍ വിവരങ്ങള്‍ രേഖപ്പെടുത്തുന്നതു കൊണ്ടു മാത്രം തദ്ദേശഭരണ സ്ഥാപനത്തില്‍ അപേക്ഷ നല്‍കിയതായി കണക്കാക്കുന്നതല്ല. അതിന് മെമ്മോറാണ്ടം ആവശ്യമായ രേഖകളും ഫീസും വെബില്‍ നിന്നും ലഭിക്കുന്ന റഫറന്‍സ് നമ്പറും സഹിതം തദ്ദേശ ഭരണ സ്ഥാപനത്തില്‍ നല്‍കേണ്ടതാണ്. വിവാഹ രജിസ്ട്രേഷന്‍ ചട്ടങ്ങള്‍ പ്രകാരം ദമ്പതികള്‍ നേരിട്ട് രജിസ്ട്രേഷന്‍ യൂണിറ്റില്‍ (തദ്ദേശഭരണ സ്ഥാപനം) ഹാജരാകേണ്ടതുള്ളതുകൊണ്ട് മുകളില്‍ പറഞ്ഞ രേഖാ സമര്‍പ്പണം അതോടൊപ്പം നിര്‍വ്വഹിക്കാന്‍ കഴിയുന്നതാണ്. രജിസ്ട്രേഷന്‍ നപടികള്‍ അപ്പോള്‍ തന്നെ പൂര്‍ത്തിയാക്കാനും കഴിയും. രജിസ്ട്രേഷന്‍ നടപടികള്‍ പൂര്‍ത്തിയാക്കി വെബിലേക്ക് അപ്ഡേറ്റ് ചെയ്തു കഴിയുമ്പോള്‍ വിവരങ്ങള്‍ വെബ്സൈറ്റിലും ലഭ്യമാകുന്നതാണ്.

www.cr.lsgkerala.gov.in എന്ന വെബ്സൈറ്റില്‍ സംസ്ഥാനത്ത് നടക്കുന്ന മുഴുവന്‍ രജിസ്ട്രേഷനുകളുടേയും എണ്ണം തദ്ദേശഭരണസ്ഥാപനതലത്തിലും ജില്ലാതലത്തിലും സംസഥാനതലത്തിലും ഓണ്‍ലൈന്‍ ആയി അപ്ഡേറ്റ് ചെയ്യപ്പെടുന്നു. വെബ് സൈറ്റ് സന്ദര്‍ശിക്കുന്നവര്‍ക്ക് രജിസ്ട്രേഷന്‍ ഘടികാരത്തിലൂടെ ഈ കണക്കുകള്‍ കാണാന്‍ കഴിയുന്നതാണ്.

കമ്പ്യൂട്ടര്‍വല്‍ക്ക്യത സിവില്‍ രജിസ്ട്രേഷന്‍ സംബന്ധമായി ആരംഭിച്ചിട്ടുള്ള പ്രവര്‍ത്തനം പൂര്‍ത്തീകരിക്കുന്നതിന് തദ്ദേശഭരണസ്ഥാപനങ്ങള്‍ അടിയന്തിരമായി നിര്‍വ്വഹിക്കേണ്ട കാര്യങ്ങള്‍.

  1. സംസ്ഥാന ഡേറ്റാ സെന്‍ററുമായുള്ള ബന്ധം പൂര്‍ത്തിയാക്കാനുള്ള സ്ഥാപനങ്ങള്‍ അതു പൂര്‍ത്തിയാക്കി സിവില്‍ രജിസ്ട്രേഷന്‍ ഡേറ്റാ ദിവസേന സ്റ്റേറ്റ് ഡേറ്റാ സെന്‍ററിലേക്ക് അപ്ലോഡ് ചെയ്യുക.
  2. കമ്പ്യൂട്ടര്‍വല്‍ക്കൃത പൊതുവിവാഹ രജിസ്ട്രേഷനും ഇ-ഫയലിംഗ് സംവിധാനവും ഇനിയും ആരംഭിച്ചിട്ടില്ലാത്ത സ്ഥലങ്ങളില്‍ ആരംഭിക്കുക.
  3. ജനന-മരണങ്ങള്‍ നടക്കുന്ന എല്ലാ ആശുപത്രികളിലും ഹോസ്പിറ്റല്‍ കിയോസ്ക്കുകള്‍ സ്ഥാപിക്കുക.
  4. മുന്‍കാല റിക്കാര്‍ഡുകളുടെ കമ്പ്യൂട്ടര്‍വല്‍ക്കരണം സമയബന്ധിതമായി പൂര്‍ത്തിയാക്കുക.
  5. ഈ വര്‍ഷത്തെ സ്കൂള്‍ പ്രവേശനത്തിനു വേണ്ടി വരുന്ന ജനന സര്‍ട്ടിഫിക്കറ്റുകള്‍ പൂര്‍ണ്ണമായും വെബ്സൈറ്റ് വഴിയായി ലഭിക്കുന്നതിനുള്ള സംവിധാനം നിലവില്‍ വരുത്തുക. അതിന് ആവശ്യമായ പ്രചാരണം നല്‍കി തദ്ദേശഭരണസ്ഥാപനങ്ങളിലെ തിരക്ക് ഒഴുവാക്കുക.
  6. രജിസ്ട്രേഷനില്‍ കടന്നു കൂടുന്ന തെറ്റുകള്‍ പൂര്‍ണ്ണമായും ഒഴിവാക്കുന്നതിന് ആശുപത്രികള്‍ കല്ല്യാണമണ്ഡപങ്ങള്‍ എന്നിടങ്ങളിലെ ബന്ധപ്പെട്ടവര്‍ക്ക് ബോധവല്‍ക്കരണ പരിപാടികള്‍ സംഘടിപ്പിക്കുക.

ജനന-മരണ-വിവാഹ രജിസ്ട്രേഷന്‍

സംസ്ഥാനത്തെ എല്ലാ ജനങ്ങളും തദ്ദേശഭരണസ്ഥാപനങ്ങളുമായി നേരിട്ട് ബന്ധപ്പെടുന്ന ഒരു സേവന സംവിധാനമാണ്. ജനന-മരണ-വിവാഹ രജിസ്ട്രേഷന്‍ അഥവാ സിവില്‍ രജിസ്ട്രേഷന്‍. ഗ്രാമപഞ്ചായത്തുകള്‍, നഗരസഭകള്‍, കണ്ണൂര്‍ കന്‍റോണ്‍മെന്‍റ് തുടങ്ങി 1058 രജിസ്ട്രേഷന്‍ യൂണിറ്റുകള്‍ ഇന്ന് സംസ്ഥാനത്ത് നിലവിലുണ്ട്.

ജനന-മരണ-വിവാഹ രജിസ്ട്രേഷന്‍ ഭരണപരമായ സ്ഥിതി വിവരക്കണക്കുകളുടെ സമാഹരണത്തിലും പരിമിതമായ ഔദ്യോഗികമായ ആവശ്യങ്ങള്‍ക്കും മാത്രമായാണ് ഉപയോഗിച്ചിരുന്നത്. അതു കൊണ്ട് രജിസ്ട്രേഷന്‍ പ്രക്രിയ ഒരു ഔദ്യോഗിക പ്രക്രിയ്ക്കുപരിയായി സാര്‍വ്വത്രികമോ നിര്‍ബന്ധിതമോ ആയിരുന്നില്ല. 1970 ല്‍ ജനന-മരണ രജിസ്ട്രേഷന്‍ നിയമവും ചട്ടങ്ങളും നിലവില്‍ വന്നു. ഇതു പ്രകാരം ജനന-മരണ രജിസ്ട്രേഷന്‍ നിര്‍ബന്ധമാക്കിയെങ്കിലും വേണ്ടത്ര ശ്രദ്ധ ലഭിച്ചിരുന്നില്ല. ആശുപത്രികളില്‍ നടക്കുന്ന ജനന-മരണങ്ങള്‍ക്ക് മാത്രം ആശുപത്രികളില്‍ നിന്ന് റിപ്പോര്‍ട്ട് തയ്യാറാക്കി നല്‍കുകയും അവ തദ്ദേശഭരണ സ്ഥാപനങ്ങള്‍ രജിസ്റ്ററില്‍ പകര്‍ത്തി എഴുതി സൂക്ഷിക്കുകയും ചെയ്തിരുന്നു. ഇംഗ്ലീഷിലാണ് റിക്കാര്‍ഡുകള്‍ സൂക്ഷിച്ചിരുന്നതും സര്‍ട്ടിഫിക്കറ്റുകള്‍ നല്‍കിയിരുന്നതും. പകര്‍ത്തിയെഴുത്ത് രീതിയും, ഇപയോക്താവുമായുള്ള ആശയ വിനിമയത്തിന്‍റെ അഭാവത്താലും രജിസ്ട്രേഷന്‍ റിക്കാര്‍ഡുകളില്‍ പല രീതിയിലുള്ള തെറ്റുകള്‍ കടന്നു കൂടുന്നതിന് ഇടയായി. രജിസ്ട്രേഷന്‍ സര്‍ട്ടിഫിക്കറ്റുകള്‍ നിയമപരമായ രേഖയായി പല കാര്യങ്ങള്‍ക്കും അംഗീകരിക്കപ്പെട്ടു. തിരുത്തലുകള്‍ വരുത്തുന്നതിനും, നിയമാനുസൃതമല്ലാതെ വിവരങ്ങള്‍ കൂട്ടിച്ചേര്‍ക്കുന്നതുനുള്ള സാഹചര്യം ഒഴുവാക്കുന്നതിന് വളരെ കര്‍ശനമായ നിര്‍ദ്ദേശങ്ങളും നടപടിക്രമങ്ങളും ആണ് ആവിഷ്ക്കരിച്ചിരുന്നത്. 2000 ല്‍ പുനര്‍ക്രമീകരിച്ച രജിസ്ട്രേഷന്‍ സിസ്റ്റം നടപ്പിലാക്കി. അതോടൊപ്പം 2000 ജനുവരി മുതല്‍ പരിഷ്കരിച്ച ജനന-മരണ രജിസ്ട്രേഷന്‍ ചട്ടങ്ങളും നിലവില്‍ വന്നു. അതു പ്രകാരം റിപ്പോര്‍ട്ടിംഗ് ഫോറം ബന്ധപ്പെട്ടവര്‍ പൂരിപ്പിച്ച് റിപ്പോര്‍ട്ട് ചെയ്യുന്ന സംവിധാനം നിലവില്‍ വന്നു. വിവിധ നിറത്തിലുള്ള ഫാറത്തില്‍ മലയാളത്തില്‍ മാത്രമാണ് വിവരം രേഖപ്പെടുത്തിയിരുന്നത്. മലയാളത്തിലുള്ള സര്‍ട്ടിഫിക്കറ്റുകള്‍ ആണ് നല്‍കിയിരുന്നത്. ആ റിപ്പോര്‍ട്ടുകളിലെ നിയമപരമായ ഭാഗം രജിസ്ട്രേഷന്‍ നമ്പര്‍ നല്‍കി രജിസ്റ്റര്‍ ആയി ബൈന്‍ഡ് ചെയ്ത് സൂക്ഷിച്ചു വരുന്നു. സ്ഥിതിവിവര ഭാഗം സംസ്ഥാലതല ക്രോഡീകരണത്തിനായി സ്ഥിതിവിവര വകുപ്പിന് നല്‍കുന്നു. സ്കൂളില്‍ ചേരുന്നതിനു ജനന രേഖ നിര്‍ബന്ധിതമല്ലാതിരുന്നതിനാല്‍ സ്കൂള്‍ രേഖകളില്‍ സൗകര്യപ്രദമായ ജനന തീയതികള്‍ രേഖപ്പെടുത്തപ്പെട്ടു. 2007 ല്‍ ദ്വിഭാഷാ സര്‍ട്ടിഫിക്കറ്റുകള്‍ ഏകീക്യത ഫോറത്തില്‍ നല്‍കുന്ന സബ്രദായം നിലവില്‍ വന്നു. അതേപോലെ ജനന രജിസ്ട്രേഷന്‍ കാര്യത്തില്‍ മാതാവിന്‍റെ സ്ഥിര താമസ സ്ഥലവും മേല്‍വിലാസവും, മരണ രജിസ്ട്രേഷന്‍റെ കാര്യത്തില്‍ മരണപ്പെട്ട ആളുടെ സ്ഥിര താമസസ്ഥലവും സര്‍ട്ടിഫിക്കറ്റില്‍ ചേര്‍ക്കുന്നതിനും നടപടി ആയി. പാസ്പോര്‍ട്ടില്‍ ജനന തീയതി രേഖപ്പെടുത്തണമെങ്കില്‍ 1989 മുതലുള്ള ജനനങ്ങള്‍ക്ക് തദ്ദേശഭരണ സ്ഥാപനങ്ങളുടെ ജനന സര്‍ട്ടിഫിക്കറ്റുകള്‍ നിര്‍ബന്ധമാക്കി. (അതിന് മുന്‍പുള്ളവയ്ക്ക് സ്കൂള്‍ രേഖ മതിയാകും) ഇപ്പോള്‍ ജനന-മരണ-വിവാഹ സര്‍ട്ടിഫിക്കറ്റുകള്‍ വിവധ ആവശ്യങ്ങള്‍ക്ക് നിയമപരമായ ഒരു അവശ്യ രേഖയാണ്. അതു കൊണ്ടു തന്നെ അതുമായി ബന്ധപ്പെട്ട എല്ലാ പ്രവര്‍ത്തനങ്ങളും നിയമങ്ങളും ചട്ടങ്ങളും അനുസരിച്ച് മാത്രമേ നിര്‍വ്വഹിക്കാന്‍ സാധിക്കുകയുള്ളു.
2008 വരെ ഹിന്ദുവിവാഹ രജിസ്ട്രേഷന്‍ മാത്രമാണ് തദ്ദേശഭരണ സ്ഥാപനങ്ങളില്‍ നിര്‍വ്വഹിച്ചിരുന്നത്. എല്ലാ വിവാഹങ്ങളും രജിസ്റ്റര്‍ ചെയ്യപ്പെടാറില്ലായിരുന്നു. എന്നാല്‍ 2008 ഫെബ്രവരി 29 മുതല്‍ പൊതുവിവാഹ രജിസ്ട്രേഷന്‍ ചട്ടങ്ങള്‍ നിലവില്‍ വരുകയും മതാചാരപ്രകാരം നടക്കുന്ന എല്ലാ വിവാഹങ്ങളും നിര്‍ബന്ധമായും രജിസ്റ്റര്‍ ചെയ്യപ്പെടണം എന്ന നിയമം പ്രാബല്യത്തില്‍ വരികയും ചെയ്തതോടു കൂടി വിവാഹ രജിസ്ട്രേഷനുകള്‍ നിയമപരമായ ഓരാവശ്യമായി മാറി. ജനന-മരണ-വിവാഹ സംബന്ധമായ സേവനങ്ങള്‍ കൈയ്യെഴുത്തായി നിര്‍വ്വഹിച്ചു നല്‍കുന്നതിന് വളരെയധികം കാലതാമസവും പൊതുജനങ്ങള്‍ക്ക് വളരെയേറെ ബുദ്ധിമുട്ടും അനുഭവപ്പെട്ടിരുന്നു.

വിവര വിനിമയ സാങ്കേതികവിദ്യയുടെ സഹായത്താല്‍ 2005 മുതല്‍ തന്നെ ഇന്‍ഫര്‍മേഷന്‍ കേരള മിഷന്‍ വികസിപ്പിച്ച സേവന സിവില്‍ രജിസ്ട്രേഷന്‍ സോഫ്റ്റ്വെയര്‍ ഉപയോഗിച്ച് ജനന-മരണ-ഹിന്ദു വിവാഹ രജിസ്ട്രേഷനുകള്‍ മുഴുവന്‍ നഗരസഭകളിലും നല്‍കി തുടങ്ങി. അന്നത്തെ സര്‍ക്കാരിന്‍റെ 100 ദിനപരിപാടിയുടെ ഭാഗമായി സമയബന്ധിതമായി നടപ്പാക്കിയതിനാല്‍ ഇന്ന് നഗരസഭകളില്‍ 2005 മുതലുള്ള മുഴുവന്‍ ജനന-മരണ രജിസ്ട്രേഷന്‍ വിവരങ്ങളും ഇലക്ട്രോണിക് രജിസ്റ്ററില്‍ ലഭ്യമാണ്. സംസ്ഥാനത്ത് നടക്കുന്ന ആകെ രജിസ്ട്രേഷന്‍റെ 60% വും നഗരസഭകളിലാണ് രജിസ്റ്റര്‍ ചെയ്യപ്പെടുന്നത് എന്നത് പ്രത്യേകം ശ്രദ്ധേയമാണ്. (പ്രതിവര്‍ഷം ഏകദേശം 450000 രജിസ്ട്രേഷനുകള്‍). ഗ്രാമപഞ്ചായത്തുകളില്‍ ഇടമലക്കുടിയും അഞ്ചുതെങ്ങും ഒഴികെയുള്ള മുഴുവന്‍ രജിസ്ട്രേഷന്‍ യൂണിറ്റുകളിലും ജനന-മരണ രജിസ്ട്രേഷന്‍ ڇസേവനڈ സോഫ്റ്റ്വെയര്‍ ഉപയോഗിച്ചാണ് ഇപ്പോള്‍ നിര്‍വ്വഹിക്കപ്പെടുന്നത്. (സംസ്ഥാനത്ത് ആകെ നടക്കുന്ന 750000 രജിസ്ട്രേഷനുകളുടെ 99.99%).

ജനന-മരണ-വിവാഹ രജിസ്ട്രേഷന്‍ നിര്‍വ്വഹിക്കുന്നതിനും അതു സംബന്ധമായി പൊതുജനങ്ങള്‍ക്ക് നല്‍കേണ്ട എല്ലാ സേവനങ്ങളും നല്‍കുന്നതിനും സേവന സോഫ്റ്റ്വെയര്‍ ഉപയോഗിച്ച് കഴിയുന്നതാണ്. ബന്ധപ്പെട്ട നിയമങ്ങള്‍ക്കും ചട്ടങ്ങള്‍ക്കും അനുസരണമായി ചിട്ടപ്പെടുത്തിയിട്ടുള്ള ഈ സോഫ്റ്റ്വെയര്‍ ബന്ധപ്പെട്ട ഉദ്ദ്യോഗസ്ഥന്‍മാര്‍ തന്നെയാണ് പ്രവര്‍ത്തിപ്പിക്കുന്നത്. പൊതുവിവാഹ രജിസ്ട്രേഷന്‍ 600 ല്‍ അധികം യൂണിറ്റുകളില്‍ ഈ സോഫ്റ്റ്വെയറിലൂടെ നിര്‍വ്വഹിക്കപ്പെടുന്നുണ്ട്.

കൈയ്യെഴുത്തായി നിര്‍വ്വഹിച്ചിരുന്ന 1970 മുതലുള്ള റിക്കാര്‍ഡുകള്‍ ഇലക്ട്രോണിക് രൂപത്തിലാക്കുന്ന പ്രവര്‍ത്തനങ്ങള്‍ എല്ലാ തദ്ദേശഭരണ സ്ഥാപനങ്ങളിലും പൂരോഗമിക്കുന്നു. കമ്പ്യൂട്ടര്‍വല്‍ക്കരിക്കപ്പെട്ട കാലയളവിലെ സര്‍ട്ടിഫക്കറ്റുകള്‍ക്ക് ആവശ്യമായ രേഖകള്‍ സഹിതം അപേക്ഷിക്കുന്നവര്‍ക്ക് സോഫ്റ്റ്വെയര്‍ സഹായത്താല്‍ അന്നു തന്നെ നല്‍കുന്നതിനും സാധിക്കുന്നുണ്ട്. (പേരു ചേര്‍ക്കല്‍, തെറ്റു തിരുത്തലുകള്‍ എന്നിവ ഉള്‍പ്പെടെ എല്ലാ സേവനങ്ങളും)

സര്‍ക്കാരിന്‍റെ ഡേറ്റാ സെന്‍ററിലേക്ക് ബന്ധം പൂര്‍ത്തിയാക്കിട്ടുള്ള 700 ല്‍ അധികം സ്ഥലങ്ങളിലെ രജിസ്ട്രേഷന്‍ വിവരങ്ങള്‍ തത്സമയം ഡാറ്റാ സെന്‍ററിലേക്ക് അയക്കാന്‍ തദ്ദേശഭരണ സ്ഥാപനങ്ങള്‍ക്ക് കഴിയും. അപ്രകാരമുള്ള സ്ഥലങ്ങളിലെ ജനന-മരണ-വിവാഹ സര്‍ട്ടിഫിക്കറ്റുകള്‍ www.cr.lsgkerala.gov.in എന്ന വെബ്സൈറ്റില്‍ പ്രവേശിച്ച് ലഘുവായ ചില വിവരങ്ങള്‍ (ഉദാ: അമ്മയുടെ പേര്, കുട്ടിയുടെ ലിംഗ പദവി, ജനന തീയതി) നല്‍കി യഥേഷ്ടം ഡൗണ്‍ലോഡ് ചെയ്ത് എടുക്കാന്‍ കഴിയുന്നതാണ്. ഇപ്രകാരം ഡൗണ്‍ലോഡ് ചെയ്ത് എടുക്കുന്ന ജനന സര്‍ട്ടിഫിക്കറ്റുകള്‍ സ്ക്കൂള്‍ പ്രവേശനത്തിന് മതിയായ രേഖയാണെന്ന് വിദ്യാഭ്യാസ വകുപ്പിന്‍റെ 02.09.2010 ലെ 173/10 നമ്പര്‍ ഉത്തരവിലും. വെബ് വഴി ലഭിക്കുന്ന ജനന-മരണ സര്‍ട്ടിഫിക്കറ്റുകള്‍ ആധികാരിക രേഖയാണെന്ന് 08.12.2010 ലെ 20741/09 സര്‍ക്കുലര്‍ വഴിയായി ചീഫ് രജിസ്റ്റാറും (ജനന-മരണ രജിസ്ട്രേഷന്‍) അംഗീകാരം നല്‍കിയിട്ടുണ്ട്.
സംസ്ഥാനത്തു നടക്കുന്ന എല്ലാ രജിസ്ട്രേഷനുകള്‍ക്കും ഒരു യൂണിക്ക് ഐ.ഡി നമ്പര്‍ നല്‍കപ്പെടുന്നു കൂടാതെ സര്‍ട്ടിഫിക്കറ്റുകളില്‍ ഒരു ബാര്‍കോഡ് സെക്യൂരിറ്റി സംവിധാനം നല്‍കി സുരക്ഷിതമാക്കിയിട്ടുണ്ട്. ഈ സര്‍ട്ടിഫിക്കറ്റുകള്‍ ലഭിക്കുന്ന സ്ഥാപനങ്ങള്‍ക്ക് അതിന്‍റെ നിജസ്ഥിതി വെബ്സൈറ്റ് വഴി പരിശോധിച്ച് ഉറപ്പാക്കാന്‍ കഴിയുന്നതാണ്. വ്യാജ സര്‍ട്ടിഫിക്കറ്റുകള്‍ തടയാന്‍ ഇതു സഹായകരമാണ്. പാസ്പോര്‍ട്ട് ഓഫീസുകള്‍ ഈ സംവിധാനം പ്രയോജനപ്പെടുത്തുന്നത് പാസ്പോര്‍ട്ടിന് അപേക്ഷ നല്‍കുന്നവര്‍ക്ക് വളരെ പ്രയോജനകരമായിട്ടുണ്ട്. സേവന സിവില്‍ രജിസ്ട്രേഷന്‍ സോഫ്റ്റ്വെയര്‍ കേന്ദ്ര സംസ്ഥാനസര്‍ക്കാരുകളുടെ 2010 ലെ പൗര സേവന കേന്ദ്രീകൃത സോഫ്റ്റ്വെയറിനുള്ള അവാര്‍ഡുകള്‍ കരസ്ഥമാക്കിയിട്ടുണ്ട്.

സിവില്‍ രജിസ്ട്രേഷന്‍ ഇ-ഗവേണന്‍സില്‍ നിന്നും എം-ഗവേണന്‍സിലേക്ക്

സിവില്‍ രജിസ്ട്രേഷന്‍ വിവരങ്ങള്‍ എസ്.എം.എസ് സന്ദേശങ്ങള്‍ വഴിയായി അറിയിക്കുന്നതിനുള്ള സംവിധാനം ഐ.കെ.എം വികസിപ്പിച്ചുണ്ട്. നവജാതശിശുക്കളുടെ രോഗപ്രതിരോധ കുത്തിവെയ്പ് സംബന്ധമായ സന്ദേശങ്ങള്‍ മാതാപിതാക്കള്‍ക്ക് നല്‍കുന്നതുള്ള സംവിധാനവും തയ്യാറായിട്ടുണ്ട്. സര്‍ക്കാര്‍ ഉത്തരവ് ലഭ്യമാകുന്ന മുറയ്ക്ക് ഇത് പ്രാവര്‍ത്തികമാക്കാന്‍ കഴിയുന്നതാണ്.

ഇലക്ട്രേണിക് രൂപത്തില്‍ അപേക്ഷകള്‍ സമര്‍പ്പിക്കുന്നതിനുള്ള നടപടിക്രമങ്ങളും ഇ-പെയ്മെന്‍റ് വഴിയായി അപേക്ഷാ ഫീസുകള്‍ സ്വീകരിക്കുന്നതിനുള്ള സംവിധാനവും തീരുമാനങ്ങള്‍ എസ്.എം.എസ്സിലൂടെയും ഇ-മെയിലൂടെയും ബന്ധപ്പെട്ടവരെ അറിയിക്കുന്നതിനും ആധികാരികമായ സര്‍ട്ടിഫിക്കറ്റുകള്‍ വെബ്സൈറ്റ് വഴിയായി ലഭ്യമാക്കി പൊതുജനങ്ങള്‍ക്ക് പരമാവധി വേഗത്തില്‍ സുതാര്യമായ സേവനങ്ങള്‍ നല്‍കുന്നതിനുള്ള സംവിധാനവുംഏര്‍പ്പെടുത്താന്‍ കഴിയുന്നതാണ്.

1970 മുതല്‍ നടന്നിട്ടുള്ള ജനന-മരണ വിവാഹ രജിസ്ട്രേഷനുകളുടെ ഡാറ്റാബെയ്സ് പൂര്‍ത്തിയാക്കുമ്പോള്‍ സിവില്‍ രജിസ്ട്രേഷന്‍ രംഗത്ത് കേരളം ഒരു മാതൃകയാവും.

സൂചിക

തദ്ദേശഭരണസ്ഥാപനങ്ങളില്‍ ഫ്രണ്ട് ഓഫീസ് സംവിധാനം കമ്പ്യൂട്ടറിന്‍റെ സഹായത്തോടൂ കൂടി കാര്യക്ഷമമായി നടത്തുന്നതിനുവേണ്ടി ഇന്‍ഫര്‍മേഷന്‍ കേരളാ മിഷന്‍ രൂപകല്‍പ്പന ചെയ്ത് പ്രാവര്‍ത്തികമാക്കിയ ആപ്ലിക്കേഷന്‍ സോഫ്റ്റ്വെയറാണ് സൂചിക. കേരളത്തിലെ എല്ലാ തദ്ദേശഭരണ സ്ഥാപനങ്ങളിലും ഇതര ഓഫീസുകളിലും പ്രവര്‍ത്തിപ്പിക്കാവുന്ന തരത്തിലാണ് ആപ്ലിക്കേഷന്‍ തയ്യാറാക്കിയിരിക്കുന്നത്.

ജനങ്ങള്‍ക്ക് മെച്ചപ്പെട്ട നിലയിലുള്ള സേവനം ഫ്രണ്ട് ഓഫീസ് സംവിധാനം നിലവില്‍ വന്നിട്ടുള്ള ഓഫീസുകളില്‍ ലഭ്യമാണ്. ഇതിന്‍റെ ഫലമായി ഓഫീസില്‍ അപേക്ഷകള്‍ക്കും പരാതികള്‍ക്കും കൈപ്പറ്റ് രസീത് നല്‍കുന്നുണ്ട്. രസീതില്‍ ബന്ധപ്പെട്ട അപേക്ഷയുടെ നമ്പരും തീയതിയും സേവനം ലഭ്യമാകുന്ന തീയതിയും രേഖപ്പെടുത്തുന്നു. അതിനാല്‍ അപേക്ഷകന് തുടര്‍ നടപടിയെപ്പറ്റി അന്വേഷിക്കുന്നതിന് അനായസമായി കഴിയും.
ഒരു അപേക്ഷയോ പരാതിയോ മറ്റ് കത്തുകളോ തദ്ദേശസ്വയംഭരണ സ്ഥാപനത്തില്‍ ലഭിക്കുന്നതു മുതല്‍ ഫയലാവുന്നതും, ഫയല്‍ ഏതൊക്കെ സെക്ഷനിലേക്കാണ് പോകുന്നതെന്നും ഓരോ സെക്ഷനിലും ആ ഫയലിന്‍ മേല്‍ എന്തൊക്കെ നടപടികള്‍ സ്വീകരിച്ചുവെന്നും വളരെ സുതാര്യമായി മനസ്സിലാക്കുവാന്‍ സൂചിക ആപ്ലിക്കേഷന്‍ വഴി സാധിക്കുന്നതാണ്. ഫയലുകളുടെ നിജസ്ഥിതി കൃത്യമായും സുഗമമായും രേഖപ്പെടുത്തുവാനും മനസ്സിലാക്കുവാനും ഇതുവഴി സാധിക്കും. ഉടമസ്ഥാവകാശം, താമസം, ബി.പി.എല്‍, നോണ്‍ ഇലക്ട്രിഫിക്കേഷന്‍, ജനന-മരണ രജിസ്ട്രേഷന് വേണ്ട നോണ്‍ അവയബിലിറ്റി മുതലായ സര്‍ട്ടിഫിക്കറ്റുകള്‍ സൂചിക ആപ്ലിക്കേഷന്‍ വഴി ലഭ്യമാണ്.

തദ്ദേശഭരണസ്ഥാപനങ്ങളില്‍ കാര്യക്ഷമമായ ദൈനംദിന പ്രവര്‍ത്തനങ്ങള്‍ക്ക് വേണ്ടി വിന്യസിച്ചിട്ടുള്ള സേവന (സിവില്‍ രജിസ്ട്രേഷന്‍, ജനന-മരണ വിവാഹ രജിസ്ട്രേഷനുകള്‍) വിവിധ ഇനം വരുമാന സ്രോതസ്സുകള്‍ കൈകാര്യം ചെയ്യുന്ന ڇസഞ്ചയڈ, കെട്ടിടനിര്‍മ്മാണ ചട്ടങ്ങളുമായി ബന്ധപ്പെട്ട ڇസങ്കേതംڈ , സാമൂഹ്യസുരക്ഷാ പെന്‍ഷന്‍ വിതരണത്തിനുള്ള സേവന (പെന്‍ഷന്‍) , വരവ് ചെലവ് കണക്കുകള്‍ കൈകാര്യം ചെയ്യുന്ന ڇസാംഖ്യڈ (ഡബിള്‍ എന്‍ട്രി) എന്നീ ആപ്ലിക്കേഷനുകളുമായി സംയോജിപ്പിച്ച് പ്രവര്‍ത്തിപ്പിക്കുന്നുണ്ട്.

സൂചികയുടെ ഉപയോഗം വഴി തദ്ദേശഭരണസ്ഥാപനങ്ങളിലെ ഓഫീസ് നടപടിക്രമങ്ങള്‍ ലഘൂകരിക്കുന്നതിനോടൊപ്പം തന്നെ ഓഫീസ് നടപടിക്രമങ്ങളില്‍ സുതാര്യതയും വേഗതയും കൈവരുന്നു. ഓഫീസ് നടപടിക്രമങ്ങളുടെ ഭാഗമായി സാധാരണയായി സംഭവിക്കാവുന്ന ചുവപ്പുനാടയും സമയ നഷ്ടവും ഒഴിവാക്കാനും സൂചിക ആപ്ലിക്കേഷന്‍ വഴി സാധിക്കുന്നു. ഫയലുകള്‍ സംബന്ധിച്ച് ഓഫീസ് നടപടിക്രമ നിയമപ്രകാരം തയ്യാറാക്കേണ്ട തന്‍പതിവേട് (പേഴ്സണല്‍ രജിസ്റ്റര്‍) തുടങ്ങിയ രജിസ്റ്ററുകളും അപ്പപ്പോള്‍ തന്നെ സൂചിക വഴി തയ്യാറാക്കപ്പെടുന്നു. ആപ്ലിക്കേഷന്‍റെ ഏറ്റവും പ്രധാന പ്രത്യേകത ڇടച്ച് സ്ക്രീന്‍ڈ കിയോസ്ക്ക് സംവിധാനം വഴി ഒരു ഫയലിന്‍റെ അവസ്ഥയും വസ്തുനികുതി, സാമൂഹ്യസുരക്ഷാ പെന്‍ഷന്‍ മുതലായവയുടെ വിവരങ്ങളും പൊതുജനങ്ങള്‍ക്ക് അറിയുവാന്‍ സാധ്യമാണ്.

ഇതുകൂടാതെ www.filetracking.lsgkerala.gov.in എന്ന വെബ്സൈറ്റിലൂടെയും ഫയലിന്‍റെ അവസ്ഥ അറിയാവുന്നതാണ്.

കമ്പ്യൂട്ടര്‍വല്‍ക്കരണം നടപ്പിലായതോടുകൂടി തദ്ദേശഭരണ സ്ഥാപനങ്ങളിലാകെ തന്നെ അടുക്കും ചിട്ടയുമുള്ള ഒരുഭരണ സംവിധാനം നിലവില്‍ വരികയും ചെയ്തു. ബന്ധപ്പെട്ട വിവരങ്ങള്‍ക്കായി പഴയ റിക്കാര്‍ഡുകളും ഫയലുകളും പരതുന്ന ബുദ്ധിമുട്ട് ഒഴിവായിരിക്കുന്നു. എല്ലാ വിവരങ്ങളും വേഗത്തിലും കൃത്യമായും ലഭ്യമാകുന്ന സാഹചര്യം ഇന്നുണ്ട്. തന്മൂലം പൊതുജനങ്ങള്‍ക്കും ജീവനക്കാര്‍ക്കുമിടയിലെ ഊഷ്മളവും ആരോഗ്യകരവുമായ ഒരന്തരീക്ഷം സൃഷ്ടിച്ചെടുക്കാനും കഴിഞ്ഞിട്ടുണ്ട്. പൊതുജനങ്ങളോടുള്ള ജീവനക്കാരുടെ പെരുമാറ്റത്തിലും സ്വാഗാതാര്‍ഹമായ മാറ്റങ്ങള്‍ വന്നുകഴിഞ്ഞു. ജനസേവന കേന്ദ്രങ്ങള്‍/ഫ്രണ്ട് ഓഫീസുകള്‍ ജനസൗഹൃദകേന്ദ്രങ്ങള്‍ കൂടിയായി മാറുന്ന കാഴ്ചയാണ് ഇന്ന് പൊതുവെ കാണുവാന്‍ കഴിയുന്നത്. സേവനം തേടി വരുന്ന ജനങ്ങളെ അകറ്റി നിര്‍ത്തി ബുദ്ധിമുട്ടിക്കുന്ന സമ്പ്രദായം പാടെ മാറിയിരിക്കുന്നു. ഉദ്യോഗസ്ഥരും ജനങ്ങളും ഒരു മേശക്ക് അപ്പുറത്തും ഇപ്പുറത്തുമിരുന്ന് സേവനം നല്‍കുന്നതും തേടുന്നതും ജനസേവനകേന്ദ്രങ്ങളില്‍ ഇന്നൊരു പതിവ്കാഴ്ചയാണ്. ഈ സംവിധാനം ഇനിയും മെച്ചപ്പെടുത്തി കൂടുതല്‍ കുറ്റമറ്റതാക്കി കൊണ്ടുപോകാന്‍ നമുക്ക് കഴിയേണ്ടതുണ്ട്.

സത്വരം

നഗരസഭകളില്‍ മേയറുടെ പരാതി പരിഹാരപ്രവര്‍ത്തനത്തിനാണ് ഈ ആപ്ലിക്കേഷന്‍ പ്രവര്‍ത്തിക്കുന്നത്. പൊതുജനങ്ങളില്‍ നിന്നും മേയര്‍ക്ക് നേരിട്ട് ലഭിക്കുന്ന പരാതികളിലും അപേക്ഷകളിലും ഉടനെ പ്രശ്നപരിഹാരം കണ്ടെത്തി നടപടികള്‍ പൂര്‍ത്തീകരിക്കുന്നതിനായി ഉപയോഗപ്പെടുത്തുക എന്നതാണ് څസത്വരംچ ആപ്ലിക്കേഷന്‍ സോഫ്റ്റ്വെയറിന്‍റെ ലക്ഷ്യം. സൂചിക ആപ്ലിക്കേഷന്‍ സോഫ്റ്റ്വെയറിനൊപ്പം പ്രവര്‍ത്തിക്കുന്ന സോഫ്റ്റ്വെയറാണ് സത്വരം, സൂചിക ഉപയോഗിക്കുന്ന ജീവനക്കാരന് വളരെ പെട്ടന്ന് മനസിലാക്കത്തക്ക രീതിയിലാണ് ആപ്ലിക്കേഷന്‍ തയ്യാറാക്കിയിരിക്കുന്നത്. മേയറുടെ സെക്ഷനില്‍ നേരിട്ട് അപേക്ഷ സീകരിക്കുന്നതു മുതല്‍ ഫയലിന്‍റെ പ്രവര്‍ത്തനം അവസാനിക്കുന്നതുവരെയുള്ള എല്ലാ പ്രവര്‍ത്തനങ്ങളും ഈ ആപ്ലിക്കേഷന്‍ വഴി കൈകാര്യം ചെയ്യാന്‍ സാധിക്കും.

മരാമത്ത് പ്രവൃത്തികളുടെ നടത്തിപ്പിന് സുഗമ

എഴുപത്തി മൂന്നും എഴുപത്തി നാലും ഭരണഘടനാ ഭേദഗതികളിലൂടെ പ്രാദേശിക സര്‍ക്കാരുകളായി മാറിയ ഗ്രാമപഞ്ചായത്തുകള്‍, മുനിസിപ്പാലിറ്റികള്‍, കോര്‍പ്പറേഷനുകള്‍ എന്നിവയ്ക്ക് സംസ്ഥാനം കയ്യാളിയിരുന്ന വിവിധ അധികാരങ്ങളേയും ഉദ്യോഗസ്ഥരേയും അതോടൊപ്പം സമ്പത്തും വിഭജിച്ചു നല്‍കി. ഇങ്ങനെ വികസനപ്രക്രിയയിലെ ഏറ്റവും പ്രധാന ചുമതലക്കാരാകാന്‍ കേരളത്തിലെ പ്രാദേശിക സര്‍ക്കാരുകള്‍ക്ക് സാധ്യമായിട്ടുണ്ട്. അധികാരവികേന്ദ്രീ കരണ പ്രക്രിയയിലെ ഈ പരിഷ്കാരം ഇന്ത്യയിലെ മറ്റു സംസ്ഥാനങ്ങളെ മാത്രമല്ല രാജ്യാന്തര ശ്രദ്ധപോലും പിടിച്ചുപറ്റിയതാണ്.

അധികാരവും സമ്പത്തും പ്രാദേശിക സര്‍ക്കാരുകളില്‍ എത്തിയപ്പോള്‍ സര്‍വ്വ മേഖലകളിലും ജനങ്ങളുടെ വികസന സ്വപ്നങ്ങള്‍ക്ക് ചിറക് മുളയ്ക്കുകയും എല്ലാ മേഖലകളിലും വികസനാവശ്യങ്ങള്‍ അനേകമനേകം പ്രോജക്ടുകളായി രൂപാന്തരപ്പെടുകയും ചെയ്തു. മറ്റേതൊരു വികസനമേഖലയിലും എന്നപോലെ പ്രാദേശികവികസന പ്രോജക്ടുകളിലും ഏറെയും മരാമത്തു പ്രവര്‍ത്തികളോ അവ ഉള്‍ക്കൊള്ളുന്നുവയോ ആണ് മറ്റ് പ്രോജക്ടുകളില്‍ നിന്നും വിഭിന്നമായി ഒരു മരാമത്തു പ്രോജക്ട് രൂപപ്പെടുത്തുന്നതിന് അനേകം കടമ്പകള്‍ തരണം ചെയ്യേണ്ടതുണ്ട്. ഏതൊരു മരാമത്ത് പ്രവൃത്തിക്കും ഇന്‍വെസ്റ്റിഗേഷന്‍ ഒഴിവാക്കാന്‍ പറ്റാത്ത ഒരു ഘടകമാണ്. പ്രവൃത്തി നടത്താനുള്ള സ്ഥലത്തെ മണ്ണിന്‍റെ ഘടന അറിയുകയെന്നുള്ളത് എല്ലാ മരാമത്തു പ്രവൃത്തികള്‍ക്കും വേണ്ട കാര്യമാണ്. പാലം പണിയ്ക്ക് നദിയിലൊഴുകുന്ന ജലത്തിന്‍റെ തോത്, ഏറ്റവും കൂടിയ ജലവിതാനം മഴയുടെ തോത്, റോഡിലൂടെ ഉണ്ടാകുന്ന വാഹനങ്ങളുടെ കണക്ക് തുടങ്ങി അനേകം വിവരാന്വേഷണവും നിരീക്ഷണവുമൊക്കെ വേണ്ടിവരും. കുടിവെള്ള പ്രോജക്ടിന് ഗുണഭോക്താക്കളുടെ എണ്ണം, വെള്ളത്തിന്‍റെ ലഭ്യത, ഉറവിടം, ജലസംഭരണിയുടെ സ്ഥാനം, ജലവിതരണം നടത്തുന്ന ലൈനുകള്‍ തുടങ്ങി അനേകം ഘടകങ്ങളുടെ ശേഖരണം വേണ്ടിവരും. മേല്‍പ്പറഞ്ഞ രീതിയിലുള്ള അന്വേഷണ നിരീക്ഷണങ്ങള്‍ക്ക് ശേഷം മാത്രമെ ഏതൊരു മരാമത്ത് പ്രവൃത്തിയും രൂപകല്‍പ്പന ചെയ്ത് ഡ്രായിംഗ് തയ്യാറാക്കി എസ്റ്റിമേറ്റ് തയ്യാറാക്കാന്‍ കഴിയൂ. ഓരോ പ്രാദേശിക സര്‍ക്കാരുകളുടേയും വാര്‍ഷിക പദ്ധതിയിലുള്‍പ്പെട്ട പ്രോജക്ടുകള്‍ക്ക് ഒരേ സമയം പരിശോധനയും അനുവാദവും നല്‍കുന്ന രീതി അവലംബിച്ചിട്ടുള്ളതുകൊണ്ട് എല്ലാ മരാമത്തു പ്രവൃത്തികളുടെയും എസ്റ്റിമേറ്റ് ഒരേ സമയം തയ്യാറാക്കേണ്ടതായി വരുന്നു.

മരാമത്തു പ്രോജക്ടുകള്‍ നടപ്പാക്കുന്നതിന് ജില്ലാ വികസന സമിതിയുടെ അംഗീകാരം ലഭിച്ച ശേഷവും പല നടപടിക്രമങ്ങളും പാലിക്കേണ്ടതുണ്ട്. എസ്റ്റിമേറ്റിന്‍റെ തുക അനുസരിച്ച് വിവിധ മേല്‍ത്തട്ടു സാങ്കേതിക സമിതികളുടെ പരിശോധനയ്ക്കു ശേഷം ബന്ധപ്പെട്ട ടെക്നിക്കല്‍ ഗ്രൂപ്പില്‍ നിന്നും സാങ്കേതിക അനുമതി വാങ്ങുക, സാങ്കേതികാനുമതി ലഭിച്ച പ്രോജക്ടുകള്‍ക്ക് ടെണ്ടര്‍ ഷെഡ്യൂള്‍ തയ്യാറാക്കി, ടെണ്ടര്‍ ചെയ്ത കരാറുകാരനെ കണ്ടെത്തുക, അല്ലെങ്കില്‍ ഗുണഭോക്തൃ സമിതി, അക്രഡിറ്റഡ് ഏജന്‍സികള്‍ തുടങ്ങിയവയില്‍ നിന്ന് നിര്‍വ്വഹണ ഏജന്‍സിയെ കണ്ടെത്തി കരാറിലേര്‍പ്പെടുക തുടങ്ങിയവയൊക്കെ ഏന്‍ജിനീയറുടെ ചുമതലകളാണ്. ഗുണനിലവാരം ഉറപ്പാക്കി, നിര്‍ദ്ദിഷ്ട കാലാവധിയ്ക്കുള്ളില്‍ പണിപൂര്‍ത്തീകരിക്കുക, അളവുകള്‍ രേഖപ്പെടുത്തുക, ബില്‍ തയ്യാറാക്കുക തുടങ്ങിയ ചുമതലകളും എഞ്ചിനീയറില്‍ നിക്ഷിപ്തമാണ്. ചുരുക്കത്തില്‍ ആസൂത്രണത്തഘട്ടത്തിലും നിര്‍വ്വഹണ ഘട്ടത്തിലും, അതിനു ശേഷവും ഉള്ള ചുമതലകള്‍ നിറവേറ്റി അനേകം നിര്‍മ്മാണ പ്രോജക്ടുകള്‍ ഒരേ സമയം നടപ്പാക്കുന്നത് പ്രാദേശിക ഗവണ്‍മെന്‍റുകളിലെ എഞ്ചിനീയര്‍മാര്‍ നേരിടുന്ന ഭാരിച്ച വെല്ലുവിളിയാണ്.

വികസന പ്രവര്‍ത്തനങ്ങളുടെ വിജയത്തിന് മരാമത്തു പ്രവൃത്തികളുടെ സമയബന്ധിത നിര്‍വ്വഹണം നിര്‍ണ്ണായക പങ്ക് വഹിക്കുന്നു എന്നതാണ് മേല്‍പ്പറഞ്ഞ കാര്യങ്ങളില്‍ നിന്നു വ്യക്തമാകുന്നത്. എഞ്ചിനീയറുടെ പ്രവര്‍ത്തനക്ഷമത വര്‍ദ്ധിപ്പിക്കുന്നതിലൂടെ മാത്രമെ മരാമത്തു പ്രവൃത്തികള്‍ ഗുണമേന്മ ഉറപ്പാക്കി, സമയബന്ധിതമായി പൂര്‍ത്തീകരിക്കാന്‍ കഴിയൂ.

എഞ്ചിനീയര്‍മാരുടെ ജോലിഭാരം കുറയ്ക്കുന്നതിനോടൊപ്പം, ഏകീകൃത മാനദണ്ഡങ്ങള്‍, സുതാര്യത തുടങ്ങിയവ പാലിച്ചും എസ്റ്റിമേറ്റ് തയ്യാറാക്കി, സാങ്കേതികാനുമതി ലഭ്യമാക്കി, നര്‍വ്വഹണ ഏജന്‍സിയെ നിശ്ചയിക്കുക, അളവുകള്‍ രേഖപ്പെടുത്തി ബില്‍ തയ്യാറാക്കി നല്‍കുന്നതുവരെയുള്ള കാര്യങ്ങള്‍ ഉള്‍ക്കൊള്ളിച്ച് ഒരു സോഫ്റ്റ്വെയര്‍ തയ്യാറാക്കുക എന്നത് ഇന്‍ഫര്‍മേഷന്‍ കേരളാ മിഷന്‍റെ പരിഗണനയില്‍ കുറെ കാലമായി നിലനിന്നിരുന്നതാണ്. സുഗമ എന്ന ഈ സോഫ്റ്റ്വെയറില്‍ അടങ്ങിയിട്ടുള്ള കാര്യങ്ങളുടെ വിപുലത, സാങ്കേതികത്വം ഒക്കെ കണക്കാക്കി ഘട്ടം ഘട്ടമായാണ് ഈ സോഫ്റ്റ്വെയര്‍ ഡെവലപ്പ് ചെയ്യുന്നത്.

അംഗീകൃത പ്ലാന്‍ തയ്യാറാക്കി ഓരോ ഇനം പ്രവൃത്തിയിലും അടങ്ങിയിട്ടുള്ള അളവുകള്‍ രേഖപ്പെടുത്തിയാല്‍ വിശദമായ എസ്റ്റിമേറ്റ്, നിരക്കുകള്‍ (ഡാറ്റ) എസ്റ്റിമേറ്റ് തുക വ്യക്തമാക്കുന്ന അബ്സ്ട്രാക്റ്റ് ഓഫ് എസ്റ്റിമേറ്റ്, നിര്‍വ്വഹണത്തിനാവശ്യമായ വര്‍ക്ക് ഷെഡ്യൂള്‍ എന്നിവ ലഭിക്കുന്ന ഒന്നാം ഘട്ട സോഫ്റ്റ്വെയര്‍ കേരളത്തിലെ മുഴുവന്‍ തദ്ദേശസ്വയംഭരണസ്ഥാപനങ്ങളിലും വിന്യസിച്ചിട്ടുണ്ട്. പ്രവൃത്തിയുടെ രൂപകല്‍പ്പനയും (ഡിസൈന്‍) ഡ്രായിംഗ്സും മനുഷ്യ പ്രയത്നത്താല്‍ നിര്‍വ്വഹിക്കേണ്ടതാണ്.

ഓരോ ഇനം പ്രവൃത്തിയുടേയും സ്പെസിഫിക്കേഷന്‍ പി.ഡബ്ല്യു.യു.ഡി ഡാറ്റാ ബുക്കില്‍ നിന്നാണ് സോഫ്റ്റ്വെയറില്‍ സ്വീകരിച്ചിട്ടുള്ളത്. സൗകര്യത്തിനായി ഡാറ്റാബുക്കിലെ വിവിധ അദ്ധ്യായങ്ങളെ തരംതരിച്ച് നല്‍കിയിട്ടുണ്ട്. നമുക്ക് ആവശ്യമുള്ള ഇനം പ്രവൃത്തി അടങ്ങുന്ന കാറ്റഗറി തെരഞ്ഞെടുത്ത് സബ് കാറ്റഗറി തെരഞ്ഞെടുക്കുന്നതിലൂടെ അതിലടങ്ങിയിട്ടുള്ള സ്പെസിഫിക്കേഷന്‍ മുഴുവന്‍ സ്ക്രീനിന്‍റെ ഒരുവശത്തു തെളിയും. നമുക്കാവശ്യമുള്ള സ്പെസിഫിക്കേഷനില്‍ ക്ലിക്ക് ചെയ്താല്‍ ഐറ്റം ഐഡിയും മറ്റു വലതുഭാഗത്തു തെളിയും. എസ്റ്റിമേറ്റിനുള്ള ബട്ടണില്‍ ക്ലിക്ക ചെയ്താല്‍ വിശദമായ എസ്റ്റിമേറ്റിന്‍റെ സ്ക്രീന്‍ തെളിയുകയും അളവുകള്‍ രേഖപ്പെടുത്തുകയും ചെയ്യാം. പ്രോജക്ടിന്‍റെ പൊതു വിവരങ്ങള്‍ രേഖപ്പെടുത്തുക എന്നുള്ളതാണ് ആദ്യപടി. അതില്‍ നിര്‍വ്വഹണ ഏജന്‍സിയെ തെരഞ്ഞെടുക്കുന്നതോട് കൂടി, ആ നിര്‍വ്വഹണ സംവിധാനത്തിനനുയോജ്യ മായ നിരക്കുകള്‍ ആയിരിക്കും എസ്റ്റിമേറ്റില്‍ ഉണ്ടാവുക. ഉദാഹരണമായി നിര്‍വ്വഹണ ഏജന്‍സി ഗുണഭോക്തൃ സമിതി ആണെങ്കില്‍ എസ്റ്റിമേറ്റ് നിരക്കുകളില്‍ കരാറുകാരന്‍റെ ലാഭവിഹിതം ഉണ്ടായിരിക്കുകയില്ല. ഡ്രായിംഗ് പ്രകാരമുള്ള ഓരോ ഇനം പ്രവൃത്തി തെരഞ്ഞെടുത്ത് അളവുകള്‍ രേഖപ്പെടുത്തുന്ന ജോലിമാത്രമാണ് എഞ്ചിനീയര്‍ ചെയ്യാനുള്ളത്. അതോടുകൂടി വിശദമായ എസ്റ്റിമേറ്റ് (ഡീറ്റൈല്‍ഡ് എസ്റ്റിമേറ്റ്) നിരക്കുകള്‍, (ഡേറ്റ) വിശദമായി കണക്കുകൂട്ടിയ ക്വോണ്ടിറ്റി, നിരക്ക്, സ്പെസിഫിക്കേഷന്‍, തുക ആകെ കാണിക്കുന്ന അബ്സ്ട്രാകറ്റ് ഓഫ് എസ്റ്റിമേറ്റ്, വര്‍ക്ക് ഷെഡ്യൂള്‍ ഒക്കെ ലഭ്യമാകും.

എസ്റ്റിമേറ്റ് തയ്യാറാക്കുന്നതിന് പി.ഡബ്ല്യു.യു.ഡി. ഡാറ്റാ ബുക്കിലെ അദ്ധ്യായങ്ങളേയും സ്പെസിഫിക്കേഷനേയുമാണ് അടിസ്ഥാനപരമായി അവലംബിച്ചതെന്ന് നേരത്തെ സൂചിപ്പിച്ചിരുന്നല്ലോ. എന്നാല്‍ ഡാറ്റാ ബുക്കില്‍ ഉള്‍പ്പെടാത്ത ആനേകം ഇനം പ്രവൃത്തികള്‍ ഇപ്പോള്‍ സര്‍വ്വ സാധാരണമാണ്. അപ്രകാരം ഉള്ള ഇനങ്ങളും റേറ്റും തയ്യാറാക്കി എസ്റ്റിമേറ്റില്‍ ഉള്‍പ്പെടുത്താനും സുഗമ സോഫ്റ്റ്വെയറില്‍ സംവിധാനം ഉണ്ട്. ചുരുക്കത്തില്‍ എസ്റ്റിമേറ്റ് തയ്യാറാക്കലുമായി ബന്ധപ്പെട്ട എല്ലാ കാര്യങ്ങളും ഈ സോഫ്റ്റ്വെയറില്‍ ഉണ്ട്. ഒരു എഞ്ചിനീയര്‍ എസ്റ്റിമേറ്റ് തയ്യാറാക്കി മുകള്‍ തട്ടിലേക്ക് അയച്ചു കഴിഞ്ഞാല്‍ അത് തിരിച്ചെടുത്ത് കൂട്ടിച്ചേര്‍ക്കലുകള്‍ നടത്താന്‍ ആ എഞ്ചിനീയര്‍ക്ക് പിന്നീട് കഴിയില്ല. മേല്‍ത്തട്ടിലെ എഞ്ചിനീയര്‍ എസ്റ്റിമേറ്റ് അംഗീകരിക്കപ്പെടാതെ തിരിച്ച് കൊടുത്താല്‍ മാത്രമേ കൂട്ടിച്ചേര്‍ക്കലുകള്‍ക്ക് കഴിയൂ. (എസ്റ്റിമേറ്റ് തയ്യാറാക്കിക്കൊണ്ടിരിക്കുമ്പോള്‍ കൂട്ടിച്ചേര്‍ക്കലുകള്‍ വരുത്താനും കട്ട് ചെയ്യാനും കോപ്പി ചെയ്യാനും പേസ്റ്റ് ചെയ്യാനും എല്ലാം കഴിയും.)

തദ്ദേശഭരണസ്ഥാപനങ്ങളിലെ എസ്റ്റിമേറ്റുകള്‍ സാങ്കേതികാനുമതി നല്‍കുന്നതിന് ബ്ലോക്ക്തല, ജില്ലാതല സംസ്ഥാനതല ടെക്നിക്കല്‍ കമ്മിറ്റികള്‍ ഉള്ള വിവരം അറിയാമല്ലോ. താഴെത്തട്ടില്‍ സുഗമ ആപ്ലിക്കേഷനിലൂടെ തയ്യാറാക്കപ്പെടുന്ന എസ്റ്റിമേറ്റ് 15 ലക്ഷംവരെയുള്ളത് ബ്ലോക്ക്തല ടെക്നിക്കല്‍ കമ്മിറ്റി സാങ്കേതികാനുമതി നല്‍കുന്നു. സൂപ്രണ്ടിംഗ് എഞ്ചിനീയര്‍ കണ്ടവീനറായ ജില്ലാ ടെക്നിക്കല്‍ കമ്മിറ്റികള്‍ക്ക് 200 ലക്ഷം രൂപ വരെയുള്ള എസ്റ്റിമേറ്റുകള്‍ക്ക് സാങ്കേതികാനുമതി നല്‍കാം. സാങ്കേതികാനുമതി ലഭിച്ച എസ്റ്റിമേറ്റിന് പിന്നീട് റിവൈസ്ഡ് എസ്റ്റിമേറ്റിലൂടെ മാത്രമേ മാറ്റം വരുത്താന്‍ സാധിക്കൂ.

സുഗമ സോഫ്റ്റ്വെയര്‍ കൈകാര്യം ചെയ്യുന്നതിന് വിവിധതരം ഉപയോക്താക്കളെ തരം തിരിച്ചിട്ടുണ്ട്. എസ്റ്റിമേറ്റ് തയ്യാറാക്കുന്ന ഓപ്പറേറ്റര്‍, അത് പരിശോധിക്കുന്ന വെരിഫെയര്‍, അംഗീകാരം നല്‍കുന്ന അപ്രൂവര്‍ ഈ ചുമതലകളൊക്കെ നിശ്ചയിച്ച് നടപ്പാക്കുന്ന അഡ്മിനിസ്ട്രേറ്റര്‍ എന്നിവയാണ് സുഗമ സോഫ്റ്റ്വെയറിലെ ഉപയോക്താക്കള്‍. (ഇതില്‍ ബ്ലോക്ക് തലത്തിലും ജില്ലാതലത്തിലും ഒരു എഞ്ചിനീയര്‍ തന്നെ അപ്രൂവര്‍ ആയും വെരിഫെയര്‍ ആയും പ്രവര്‍ത്തിക്കേണ്ടി വരും.) ഉദാഹരണമായി ബ്ലോക്ക്തല ടെക്നിക്കല്‍ കമ്മിറ്റിയിലെ അസിസ്റ്റന്‍റ് എക്സിക്യുട്ടീവ് എഞ്ചിനീയര്‍ 15 ലക്ഷം രൂപ വരെയുള്ള പ്രോജക്ടുകളെ സംബന്ധിച്ച് അപ്രൂവറും 15 ലക്ഷത്തില്‍ കൂടിയ എസ്റ്റിമേറ്റുകള്‍ക്ക് വെരിഫയര്‍ ആയും വര്‍ത്തിക്കേണ്ടി വരും.

ഒന്നാം ഘട്ട സോഫ്റ്റ്വെയറിന്‍റെ പ്രവര്‍ത്തനക്ഷമതയെ കുറിച്ച് ഇന്‍ഫര്‍മേഷന്‍ കേരളാ മിഷനില്‍ നടത്തിയ വിവിധ ഘട്ട നിരീക്ഷണങ്ങള്‍ക്ക് പുറമെ, കോഴിക്കോട് കോര്‍പ്പറേഷന്‍ മറ്റ് തദ്ദേശഭരണസ്ഥാപനങ്ങള്‍, വിദഗ്ദ്ധ എഞ്ചിനീയര്‍മാര്‍ തുടങ്ങി പല വേദികളില്‍ അവതരിപ്പിച്ച് അഭിപ്രായങ്ങള്‍ ഉള്‍ക്കൊണ്ട് കൂട്ടിച്ചേര്‍ക്കലുകള്‍ വരുത്തിയിട്ടുണ്ട്. സൂക്ഷ്മ വിശകലനത്തില്‍ ഇനിയും മാറ്റങ്ങളും കൂട്ടിച്ചേര്‍ക്കലുകളും വേണ്ടിവന്നേക്കാം അപ്രകാരമുള്ളവ പ്രാവര്‍ത്തികമാക്കാന്‍ തക്കവിധമാണ് സോഫ്റ്റ്വെയറിന് രൂപം കൊടുത്തിട്ടുള്ളത്.

സുഗമ സേഫ്റ്റ്വെയറിന്‍റെ അടുത്തപടിയായ ടെണ്ടര്‍ നടപടിക്രമങ്ങള്‍, അളവുകള്‍ രേഖപ്പെടുത്തല്‍, ബില്‍ തയ്യാറാക്കല്‍ തുടങ്ങിയവയുടെ പ്രവര്‍ത്തനം പൂര്‍ത്തീകരിച്ചിട്ടുണ്ട്. താമസംവിനാ അതു വിന്യസിക്കാന്‍ കഴിയുമെന്ന് പ്രത്യാശിക്കുന്നു.

സുഗമ ആപ്ലിക്കേഷനിലൂടെ ഒരു പ്രോജക്ടിന് ചെലവിടുന്ന സാധനങ്ങളുടെ കണക്ക്, തൊഴിലാളികളെ സംബന്ധിച്ച വിവരങ്ങള്‍, അസറ്റ് (Asset) സംബന്ധിച്ച വിവരങ്ങള്‍ ഒക്കെ വിരല്‍ത്തുമ്പില്‍ ലഭ്യമാകും. കൂടാതെ പദ്ധതി നിര്‍വ്വഹണവുമായി ബന്ധപ്പെട്ട സുലേഖ, സാംഖ്യ, സചിത്ര എന്നീ സോഫ്റ്റ്വെയറുകളുമായി ലിംങ്ക് ചെയ്യുന്നതിലൂടെ ആസൂത്രണ പ്രക്രിയയില്‍ ഒരു സുപ്രധാന ചുവട് വയ്പ്പിന് കൂടി വഴിയൊരുക്കും. സചിത്ര സുഗമയുമായി ലിങ്ക് ചെയ്യുന്നതിലൂടെ തദ്ദേശസ്വയംഭരണ സ്ഥാപനങ്ങളിലെ ആസ്തികളുടെ കൃത്യതയും പരിപാലനവും കുറ്റമറ്റ രീതിയില്‍ നിര്‍വഹിക്കാന്‍ കഴിയും. ഭാവിയില്‍ ഓട്ടോ കാഡില്‍ ഡ്രായിംഗ് തയ്യാറാക്കുന്ന ജോലി മാത്രം എഞ്ചിനീയര്‍ ചെയ്താല്‍ മരാമത്ത് നിര്‍മ്മാണ പ്രക്രിയയുമായി ബന്ധപ്പെട്ട മറ്റു കാര്യങ്ങളെല്ലാം ഞൊടിയിടയില്‍ കമ്പ്യൂട്ടര്‍ ചെയ്യുന്ന പ്രക്രിയയിലേക്ക് സുഗമ നയിക്കുമെന്ന് നമുക്ക് പ്രത്യാശിക്കാം.

എഞ്ചിനീയര്‍മാരുടെ ജോലിഭാരം കുറയ്ക്കുന്നതോടൊപ്പം, കാര്യക്ഷമവും ഗുണമേന്മയുള്ളതും സുതാര്യവുമായ നിര്‍മ്മാണ പ്രക്രിയയ്ക്ക് സുഗമ സോഫ്റ്റ്വെയര്‍ വഴിയൊരുക്കുമെന്ന കാര്യം നിസ്തര്‍ക്കമാണ്.

എന്‍. അപ്പുക്കുട്ടന്‍പിള്ള
സൂപ്രണ്ടിംഗ് എഞ്ചിനീയര്‍ (റിട്ട), കണ്‍സട്ടന്‍റ്, ഇന്‍ഫര്‍മേഷന്‍ കേരള മിഷന്‍

ഇ - ഗവേര്‍ണന്‍സും സാമൂഹ്യസുരക്ഷാ പെന്‍ഷനുകളും

1992 ലെ 73, 74 ഭരണഘടന ഭേദഗതികളുടെ അടിസ്ഥാനത്തില്‍ 1994 ലെ കേരള പഞ്ചായത്ത് രാജ് ആക്റ്റ്, 1994 ലെ കേരള മുനിസിപ്പാലിറ്റി ആക്റ്റ് എന്നിവ യഥാസക്രമം 1994 ഏപ്രില്‍ 24 നും 1994 മേയ് 30 നും നിലവില്‍ വന്നു. ത്രിതല പഞ്ചായത്തുകളുടേയും നഗരസഭകളുടേയും അധികാരങ്ങളും ചുമതലകളും പട്ടികയില്‍പ്പെടുത്തി. പഞ്ചായത്ത് രാജ് നിയമത്തിലെ 3-ാം പട്ടികയില്‍ ഗ്രാമപഞ്ചായത്തിന്‍റേയും മുനിസിപ്പാലിറ്റി നിയമത്തിലെ ഒന്നാം പട്ടികയില്‍ നഗരസഭകളുടേയും അധികാരങ്ങളും ചുമതലകളും ഉള്‍പ്പെടുത്തിയിട്ടുണ്ട്. പ്രസ്തുത നിയമങ്ങളില്‍ മേഖലാതല ചുമതലയില്‍ 13-ാമത് ഇനമായി "സാമൂഹ്യസുരക്ഷ പരിപാടികള്" എന്ന തലക്കെട്ടില്‍ വിവിധ സാമൂഹ്യ സുരക്ഷ പെന്‍ഷന്‍റെ നടത്തിപ്പ് തദ്ദേശ ഭരണ സ്ഥാപനങ്ങളുടെ അധികാരങ്ങളായി മാറി. ഇത് നടപ്പില്‍വരുത്തുന്നതിനായി സര്‍ക്കാര്‍ 1995 ڊ സെപ്തംബര്‍ 9 ന് സമഗ്രമായ ഉത്തരവ് പുറപ്പെടുവിക്കുകയുണ്ടായി (ജി.ഒ.(പി)189/95/തസ്വഭവ നമ്പര്‍). തുടര്‍ന്ന് ഇതിന്‍റെ നടത്തിപ്പ് സുഗമമാക്കുന്നതിനു വേണ്ടി സര്‍ക്കാര്‍ വിവിധ വകുപ്പുകളില്‍ നിന്നുള്ള പെന്‍ഷനുകള്‍ കൈമാറിക്കൊണ്ട് പ്രത്യേകം ഉത്തരവ് പുറപ്പെടുവിക്കുകയുണ്ടായി.

വിശദാംശങ്ങള്‍ ചുവടെ ചേര്‍ക്കുന്നു.

  1. ഇന്ദിരാഗാന്ധി ദേശീയ വാര്‍ദ്ധക്യകാല പെന്‍ഷന്‍ സ്കീം.
    വാര്‍ദ്ധക്യകാല പെന്‍ഷന്‍ എന്ന് അറിയപ്പെട്ടിരുന്ന ഈ പദ്ധതി ദേശീയ വാര്‍ദ്ധക്യകാല പെന്‍ഷന്‍ സ്കീം (NOAPS) എന്നും 19.11.2007 മുതല്‍ ഇന്ദിരാഗാന്ധി ദേശീയ വാര്‍ദ്ധക്യകാല പെന്‍ഷന്‍ സ്കീം എന്നും അറിയപ്പെടുന്നു. ജി.ഒ.(പി)47/95/എസ്.ഡബ്ല്യു തീയതി 13.12.1995
  2. അഗതി പെന്‍ഷന്‍ (വിധവ/വിവാഹമോചിതര്‍)
    ജി.ഒ.(പി)11/97/സാ.ക്ഷേ.വ തീയതി 07.04.1997 ഈ ഉത്തരവിലൂടെ ഈ പെന്‍ഷന്‍ പദ്ധതി തദ്ദേശസ്വയംഭരണ സ്ഥാപനങ്ങള്‍ക്ക് കൈമാറ്റം ചെയ്തു.
  3. വികലാംഗര്‍ക്കും അംഗവൈകല്യം സംഭവിച്ചവര്‍ക്കും മന്ദബുദ്ധികളായവര്‍ക്കും ഉള്ള പ്രത്യേക പെന്‍ഷന്‍ പദ്ധതി
    ജി.ഒ.(പി)11/97/സാ.ക്ഷേ.വ തീയതി 07.04.1997 ഈ ഉത്തരവിലൂടെ ഈ പെന്‍ഷന്‍ പദ്ധതി തദ്ദേശസ്വയംഭരണ സ്ഥാപനങ്ങള്‍ക്ക് കൈമാറ്റം ചെയ്തു.
  4. കേരള കര്‍ഷക തൊഴിലാളി പെന്‍ഷന്‍.
    തൊഴില്‍ വകുപ്പ് മുഖേന നടപ്പിലാക്കി വന്നിരുന്ന ഈ പെന്‍ഷന്‍ പദ്ധതി തദ്ദേശഭരണ സ്ഥാപനങ്ങള്‍ക്ക് കൈമാറ്റം ചെയ്തു. ജി.ഒ(പി).18/98/തൊഴില്‍ തീയതി 16.04.1998
  5. 50 വയസ്സിന് മേലെ പ്രായമുള്ള അവിവിവാഹിതരായ സ്ത്രീകള്‍ക്കുള്ള പെന്‍ഷന്‍ പദ്ധതി
    01.04.2001 മുതല്‍ തദ്ദേശഭരണ സ്ഥാപനങ്ങളിലൂടെ നടപ്പിലാക്കിവരുന്നു. ജി.ഒ.(എം.എസ്).14/2001/സ.ക്ഷേ.വ തീയതി 31.03.2001

ഗ്രാമ പഞ്ചായത്തുകള്‍, മുനിസിപ്പാലിറ്റികള്‍, മുനിസിപ്പല്‍ കോര്‍പ്പറേഷനുകള്‍ എന്നീ പ്രാദേശിക സര്‍ക്കാരുകള്‍ക്കാണ് മേല്‍ പറഞ്ഞ സാമൂഹ്യസുരക്ഷ പദ്ധതികളുടെ നടത്തിപ്പിന്‍റെ ചുമതല. പെന്‍ഷന്‍ പദ്ധതികളുടെ വിതരണം കൂടുതല്‍ കാര്യക്ഷമവും, ക്രമബന്ധവും സമയബന്ധിതവുമായി നടപ്പിലാക്കുന്നതിനാണ്, നിലവിലുള്ള നടപടിക്രമങ്ങള്‍ ഇലക്ട്രോണിക് സംവിധാനത്തിലൂടെയാക്കാന്‍ സര്‍ക്കാര്‍ തീരുമാനിച്ചത്. അതിന്‍റെ ഭാഗമായി പഞ്ചായത്ത് വകുപ്പിന്‍റെ സഹായത്തോടെ ڇസേവന പെന്‍ഷന്‍ڈ എന്ന ആപ്ലിക്കേഷന്‍ സോഫ്റ്റ്വെയര്‍ ഇന്‍ഫര്‍മേഷന്‍ കേരള മിഷന്‍ വികസിപ്പിച്ചു പ്രവര്‍ത്തനക്ഷമമാക്കി. അതുപയോഗിച്ച് സുരക്ഷാപെന്‍ഷന്‍ നടപടി ക്രമങ്ങള്‍ ഇലക്ട്രോണിക് സംവിധാനത്തിലൂടെ തദ്ദേശഭരണ സ്ഥാപനങ്ങള്‍ നടപ്പിലാക്കി വരുന്നു. കോര്‍പ്പറേഷനുകളിലും, മുനിസിപ്പാലിറ്റികളിലും, ഗ്രാമപഞ്ചായത്തുകളിലും നിലവിലുണ്ടായിരുന്ന പെന്‍ഷണര്‍മാരുടെ സമഗ്രമായ വിവരവ്യൂഹം സൃഷ്ടിച്ച് പ്രസ്തുത ആപ്ലിക്കേഷന്‍ സോഫ്റ്റ്വെയര്‍ ഉപയോഗിച്ച് കൊണ്ട് ഇന്ന് പെന്‍ഷന്‍ വിതരണം സമയബന്ധിതമായി നടപ്പിലാക്കാന്‍ കഴിഞ്ഞിട്ടുണ്ട്. മുന്‍ കാലങ്ങളില്‍ പെന്‍ഷന്‍ വിതരണത്തിന് അലോട്ട്മെന്‍റ് ലഭിച്ചാലും മാസങ്ങളോളം കഴിഞ്ഞാലെ മണിയോഡര്‍ തയ്യാറാക്കി പോസ്റ്റാഫീസുകളിലൂടെ പെന്‍ഷന്‍ വിതരണം നടത്താന്‍ സാധിക്കുമായിരുന്നുള്ളു എന്നാല്‍ ഇപ്പോള്‍ സമയനഷ്ടം ഒഴിവാക്കികൊണ്ട് നടപടിക്രമങ്ങള്‍ പൂര്‍ത്തിയാക്കി ഗുണഭോക്താക്കള്‍ക്ക് പെന്‍ഷന്‍ നല്‍കുന്നതിന് സാധ്യമായിട്ടുണ്ട്.

സര്‍ക്കാര്‍ വകുപ്പുകളില്‍ നിന്നും കൈമാറ്റം ചെയ്തുകിട്ടിയ വിവരങ്ങളുടെ അടിസ്ഥാനത്തില്‍ തദ്ദേശഭരണ സ്ഥാപനങ്ങളുടെ കൂട്ടായ്മയിലൂടെ പെന്‍ഷണര്‍മാരുടെ വിശദമായ വിവരവ്യൂഹം (Database) തയ്യാറാക്കുന്നതിനുള്ള സാങ്കേതികസഹായവും നിര്‍വ്വഹണവും ഐ.കെ.എമ്മാണ് നടത്തിയത്. തുടര്‍ന്ന് ആറ്റിങ്ങല്‍, നോര്‍ത്ത് പറവൂര്‍ എന്നീ മുനിസിപ്പാലിറ്റികളിലും തിരുവനന്തപുരം, കോഴിക്കോട് എന്നീ കോര്‍പ്പറേഷനുകളിലും പെന്‍ഷണര്‍മാരുടെ സമ്പൂര്‍ണ്ണവിവരങ്ങള്‍ ശേഖരിക്കുന്നതിനായി വ്യത്യസ്ത മാര്‍ഗ്ഗങ്ങളിലൂടെ അദാലത്തുകള്‍ നടത്തിക്കൊണ്ട്, ഐ.കെ.എം വിവരശേഖരണ പ്രക്രിയയുടെ പുതിയ മാതൃക സൃഷ്ടിക്കുകയുണ്ടായി. ആറ്റിങ്ങല്‍ മുനിസിപ്പാലിറ്റിയില്‍ കുടുംബശ്രീ/അയല്‍ക്കൂട്ടം പ്രവര്‍ത്തകരും ഐ.കെ.എം വാളന്‍റിയേഴ്സും സംയുക്തമായി പെന്‍ഷണര്‍മാരുടെ വീടുകളില്‍ സന്ദര്‍ശനം നടത്തി നേരിട്ട് വിവരങ്ങള്‍ ശേഖരിക്കുകയും, പെന്‍ഷര്‍മാരുടെ ഫോട്ടോകള്‍ എടുക്കുകയും ചെയ്തുകൊണ്ടാണ,് ഐഡന്‍റിറ്റി കാര്‍ഡുകള്‍ നല്‍കുന്നതിനുള്ള നടപടിക്രമങ്ങള്‍ പൂര്‍ത്തിയാക്കിയത്. തിരുവനന്തപുരം കോര്‍പ്പറേഷനിലാകട്ടെ ഉദ്യോഗസ്ഥരുടേയും ജനപ്രതിനിധികളുടേയും നേതൃത്വത്തില്‍ വാര്‍ഡുകള്‍ കേന്ദ്രീകരിച്ച് അദാലത്തുകള്‍ നടത്തി പെന്‍ഷണര്‍മാര്‍ക്ക് സേവന പെന്‍ഷന്‍ ആപ്ലിക്കേഷനിലൂടെ ഫോട്ടോ ഐഡന്‍റിറ്റികാര്‍ഡുകള്‍ വിതരണം നടത്തുകയുമുണ്ടായി. പുതിയ ഓരോ പെന്‍ഷണര്‍മാര്‍ക്കും അദാലത്ത് നടത്തി ഐ.ഡി. കാര്‍ഡ് നല്‍കിയശേഷം മാത്രമാണ് നിലവില്‍ പെന്‍ഷന്‍ നല്‍കുന്നു എന്നത് ശ്രദ്ധേയമാണ്. എറണാകുളം ജില്ലയിലെ പറവൂര്‍ മുനിസിപ്പാലിറ്റിയില്‍ മറ്റൊരു രീതിയാണ് വിവരശേഖരണത്തിന് പരീക്ഷിച്ചത്. പെന്‍ഷണര്‍മാര്‍ക്കായി വിദഗ്ദ്ധ ഡോക്ടര്‍മാരുടെ സേവനം ഉപയോഗിച്ച് മെഡിക്കല്‍ ക്യാമ്പുകള്‍ സംഘടിപ്പിക്കുകയും രോഗപരിശോധനയും രോഗനിര്‍ണ്ണയവും നടത്തി, മരുന്നു വിതരണം ചെയ്യുകയും, സൗജന്യ ചികില്‍സക്ക് സേവന ആപ്ലിക്കേഷനിലൂടെ തല്‍സമയമെടുത്ത ഫോട്ടോ പതിച്ച മെഡിക്കല്‍/ഐഡന്‍റിറ്റി കാര്‍ഡുകള്‍ നല്‍കുകയും, നേത്