ജൈവ വളങ്ങള്
രാസവളങ്ങള് പരമാവധി ഒഴിവാക്കി പകരം ജൈവ വളങ്ങളും ജീവാണു വളങ്ങളും ഉപയോഗിക്കുന്ന ഒരു പ്രവണതയ്ക്ക് കേരളത്തില് പ്രചാരം വര്ധിങച്ചു വരുന്നുണ്ട്. എന്നാല് കൃഷി കൂടുതല് ആദായകരമാകണമെങ്കില് ജൈവ വളങ്ങളെ, പ്രത്യേകിച്ച് വീട്ടില് തന്നെ തയ്യാര് ചെയ്യാവുന്ന ജൈവവളങ്ങളെ, ആശ്രയിച്ചുള്ള ഒരു കൃഷി രീതിയ്ക്കാണ് മുന്ഗണന കൊടുക്കേണ്ടത്. ജീവാണു വളങ്ങള് മണ്ണിനെ സംരക്ഷിക്കുകയും പരിപോഷിപ്പിക്കുകയും ചെയ്യുമെങ്കിലും അത് രാസവളം പോലെ തന്നെ കര്ഷുകന്റെി കീശ കാലിയാക്കും. മികച്ച ജൈവ വളങ്ങള് എങ്ങനെ വീട്ടില് തയ്യാറാക്കാമെന്ന് നോക്കാം.
ശീമക്കൊന്ന
കേരളത്തിലെ കാലാവസ്ഥയില് നന്നായി വളരുന്ന ഒരു പച്ചില വള മരമാണ് ശീമക്കൊന്ന. എത്ര കോതിയാലും വീണ്ടും പൊട്ടി മുളയ്ക്കാനുള്ള ഇതിന്റെക കഴിവ് അത്ഭുതാവഹമാണ്. ഇതിന്റെത മൃദുലമായ ഇലകള് മണ്ണില് വീണു കഴിഞ്ഞാല് വേഗത്തില് ചീഞ്ഞളിഞ്ഞു ജൈവാംശമായി മണ്ണില് കലരും. പണ്ടുകാലത്ത് പറമ്പുകളുടെ അതിരില് ശീമക്കൊന്ന ധാരാളമായി വളര്ത്തി യിരുന്നു എന്നാല് ഇന്ന് ഇതിന്റെള സ്ഥാനം മുള്ളു വേലികള് ഏറ്റെടുത്തതോടെ ഈ മരം അന്യം നിന്നു പോകുന്ന അവസ്ഥയാണ്. ശീമക്കൊന്നകളുടെ ഇലകള് ശേഖരിച്ച് പച്ചക്കറികള്ക്ക്ന പുതയിടുന്നതു വഴി വേനലില് മണ്ണില് നിന്നും ജൈവാംശം വിഘടിച്ച് കാര്ബ്ണ് ഡൈ ഒക്സൈഡായി നഷ്ട്പ്പെടുന്നത് തടയാം. കൂടാതെ ഇലകള് അഴുകി മണ്ണില് ചേരുമ്പോള് നല്ലൊരു നൈട്രജന് വളവുമാകും.
അസോള
വീട്ടില് തന്നെ വളര്ത്തികയെടുക്കാവുന്ന ജല സസ്യമായ അസോള നല്ലൊരു ജൈവ വളമെന്നതിലുപരി ഒരു കോഴി തീറ്റയും, കാലി തീറ്റയുമാണ്. അന്തരീക്ഷത്തിലെ നൈട്രജനെ വലിച്ചെടുത്ത് ഉള്ളിലെ കോശങ്ങളില് സൂക്ഷിക്കുവാന് അസോളയ്ക്ക് കഴിവുണ്ട്. അസോള വളമായി നല്കുളമ്പോള് ഈ നൈട്രജന് ചെടികള്ക്ക്ോ ലഭിക്കും.
മട്ടുപ്പാവിലോ വീട്ടു വളപ്പിലോ ഉണ്ടാക്കിയ കൃത്രിമ കുളത്തില് അസോള കൃഷി ചെയ്യാം. കുളത്തിന്റെണ ആഴം മിനിമം ഒരടി വേണം. വീതിയും നീളവും സ്ഥല പരിമിതി അനുസരിച്ച് നിര്ണ്ണിയിക്കാം. കുഴി കുത്തുന്നതിനു പകരം അതിരുകളില് ഒരടി പൊക്കത്തില് ഇഷ്ടിക വെച്ച് അടിയില് പ്ലാസ്റ്റിക് ഷീറ്റ് വിരിച്ചും കുളം നിര്മ്മി ക്കാം. പ്ലാസ്റ്റിക് ഷീറ്റിനു മീതെ വളക്കൂറുള്ള മണ്ണ് നിരത്തണം അതിനു ശേഷം പച്ച ചാണകം വെള്ളത്തില് കലക്കി മണ്ണിനു മീതെ ഒഴിക്കണം. ഇനി അരയടി ഉയരത്തില് വെള്ളം നിറയ്ക്കാം.വെള്ളത്തിനു മുകളിലായി അസോള വിത്ത് വിതറണം. വിത്ത് വിതറിയ ശേഷം ഒരു കമ്പ് കൊണ്ട് നന്നായി കുളം ഇളക്കി കൊടുക്കണം. രണ്ടാഴ്ച കൊണ്ട് അസോള വളര്ന്നു വരും. രണ്ടര ആഴ്ച കഴിഞ്ഞാല് വിളവെടുത്തു തുടങ്ങാം. വെള്ളത്തില് നിന്ന് വാരിയെടുക്കുന്ന അസോള നേരിട്ട് ചെടിയുടെ ചുവട്ടിലിടാം. വൃത്തിയായി കഴുകിയ ശേഷം കാലിത്തീറ്റയുമായി ചേര്ത്ത് കാലികള്ക്കും കൊടുക്കാവുന്നതാണ്. ആഴ്ച തോറും പച്ച ചാണകം കുളത്തിലേക്ക് ഇട്ടു കൊടുക്കണം. കുളത്തിലെ വെള്ളം എല്ലായ്പ്പോഴും അരയടിയായി നില നിര്ത്തു വാന് ശ്രദ്ധിക്കുക. തണലുള്ള സ്ഥലങ്ങളാണ് അസോള കൃഷിയ്ക്ക് അനുയോജ്യം.
മുരിക്ക്
അന്തരീക്ഷ നൈട്രജനെ ആഗിരണം ചെയ്ത് അമോണിയ രൂപത്തില് മണ്ണില് നിക്ഷേപിക്കാന് കഴിവുള്ള ഒരു നാടന് മരമാണ് മുരിക്ക്. കുരുമുളക് പടര്ത്താ്നും വേലിക്ക് ഉറപ്പ് പകരാനും മുരിക്ക് നടാം. ഇതിന്റെം ഇലകളും വേഗത്തില് ചീഞ്ഞളിഞ്ഞ് വളമായി മാറുന്നവയാണ്.
ജീവാമൃതം
ഏതു കൃഷിക്കും ഉപയോഗിക്കാവുന്ന ഒരു ഉത്തമ ജൈവ വളമാണ് ജീവാമൃതം. മണ്ണില് കര്ഷവകന്റെമ സുഹൃത്തുക്കളായ ജീവാണുക്കളുടെ എണ്ണം വര്ദ്ധി പ്പിച്ച് ചെടികള്ക്ക്ു പരമാവധി പോഷകങ്ങള് എത്തിക്കുവാന് ജീവാമൃതത്തിനു കഴിയും. ജീവാമൃതം സ്ഥിരമായി ഉപയോഗിക്കുന്ന കൃഷിയിടങ്ങളില് രണ്ടോ മൂന്നോ വര്ഷകങ്ങള് കൊണ്ട് മിത്ര കീടങ്ങളുടെ എണ്ണം വര്ദ്ധി ച്ച് പ്രകൃത്യാലുള്ള കീട നിയന്ത്രണം സാദ്ധ്യമാകുമെന്നാണ് പഠനങ്ങള് തെളിയിക്കുന്നത്.
ജീവാമൃതം തയ്യാറാക്കുന്ന വിധം
പച്ച ചാണകം – 10 കി.ഗ്രാം
ഗോമൂത്രം – 5 - 10 ലിറ്റര്
ശര്ക്കരര(കറുത്തത്) – 2 കി.ഗ്രാം
ധാന്യപ്പൊടി (പയറുപൊടി കൂടുതല് അനുയോജ്യം) - 2 കി.ഗ്രാം
വന മണ്ണ്(ഫല ഭൂയിഷ്ടമായ മണ്ണ്) – ഒരു പിടി
വെള്ളം – 200 ലിറ്റര്
മുകളില് പറഞ്ഞ കൂട്ടുകളില് വെള്ളം ഒഴികെ ബാക്കിയെല്ലാം ഒരു വീപ്പയിലിട്ട് നന്നായി ഇളക്കി ചേര്ക്കുൂക. ശര്ക്ക ര ചെറുതായി പൊടിച്ച് ചേര്ക്കടണം. വീപ്പയുടെ മുകള് ഭാഗം ഒരു നനഞ്ഞ ചാക്കു കൊണ്ട് മൂടി രണ്ട് ദിവസം വെയ്ക്കുക. ദിവസവും രണ്ടു നേരം മൂടി മാറ്റി മിശ്രിതം ഇളക്കി കൊടുക്കണം. മൂന്നാം ദിവസം 200 ലിറ്റര് പച്ച വെള്ളം ചേര്ത്തി ളക്കി വിളകള്ക്ക് ഒഴിച്ചു കൊടുക്കാം. ജീവാമൃതം തളിക്കുന്നതിനു മുന്പുട വിളകളുടെ ചുവട്ടില് കരിയില കൊണ്ട് പുതയിടുന്നത് ഗുണഫലം കൂട്ടും. രണ്ടാഴ്ച്ചയിലൊരിക്കല് എന്ന കണക്കില് ജീവാമൃതം തളിക്കാം.
വളച്ചായ
ചെടികളുടെ വളര്ച്ചന കൂട്ടാനും വിളവ് വര്ദ്ധികപ്പിക്കുവാനും കീട നിയന്ത്രണത്തിനും സഹായിക്കുന്ന ഒരു ജൈവ വളമാണ് വളച്ചായ.
ആവശ്യമായ വസ്തുക്കള്
ചാണകം – 5 കി.ഗ്രാം
ഗോമൂത്രം – 10 ലിറ്റര്
കടലപ്പിണ്ണാക്ക് – ½ കി.ഗ്രാം
വേപ്പിന് പിണ്ണാക്ക് – ½ കി.ഗ്രാം
ശര്ക്കര – ½ കി.ഗ്രാം
പാളയന് കോടന് പഴം – 5 എണ്ണം
ചാണകവും ഗോമൂത്രവും ഒരു ടാങ്കിലോ വീപ്പയിലോ ഇട്ട് നന്നായി ഇളക്കിച്ചേര്ത്തവതിനു ശേഷം അതിലേക്ക് കടലപിണ്ണാക്ക്, വേപ്പിന്പിനണ്ണാക്ക്, ശര്ക്കപര ലായനി, പഴം ചതച്ചത് എന്നിവ ചേര്ക്കുകക. ഈ മിശ്രിതം വീണ്ടും നന്നായി ഇളക്കിയതിനു ശേഷം 50 ലിറ്റര് വെള്ളം ഒഴിച്ച് വായ്ഭാഗം അടച്ചു വെയ്ക്കുക. ആദ്യത്തെ 10 ദിവസം ദിവസേനെ രണ്ട് പ്രാവശ്യം ഇളക്കി കൊടുക്കണം അതിനു ശേഷമുള്ള പത്തു ദിവസം ഇളക്കാതെ സൂക്ഷിച്ച ശേഷം ഈ ലായനി പുറത്തെടുത്ത് നന്നായി ഇളക്കി പച്ചക്കറികള്ക്ക്ൂ തളിക്കാം.
ഫിഷ് അമിനോ ആസിഡ്
നല്ലൊരു വളര്ച്ചാ ത്വരകമാണ് ഫിഷ് അമിനോ ആസിഡ്. ചെറിയ കഷണങ്ങളായി മുറിച്ച ഒരു കിലോ മത്തിയും ഒരു കിലോ പൊടിച്ച ശര്ക്കആരയും (കറുത്ത ശര്ക്കചരയാണ് നല്ലത്) ഒരുമിച്ച് ചേര്ത്തിംളക്കി വായു കടക്കാത്ത അടപ്പുള്ള ഒരു പാത്രത്തിലിട്ട് അടച്ചു വെയ്ക്കുക. 20 ദിവസത്തിനു ശേഷം തുറന്ന് പത്തിരട്ടി വെള്ളം ചേര്ത്ത് നേര്പ്പി ച്ച് ആഴ്ചയിലൊരിക്കല് ചെടികള്ക്ക്ന തളിക്കാം. നാലില പ്രായമായ ചെടികള് തൊട്ട് കായ്ക്കുന്ന പച്ചക്കറി വിളകള്ക്കുസ പോലും വളരെ ഫലപ്രദമാണ് ഈ ലായനി. വീട്ടാവശ്യത്തിനു വാങ്ങുന്ന മത്തിയുടെ അവശിഷ്ടങ്ങള് കൊണ്ട് ഈ ലായനി ഉണ്ടാക്കുമ്പോള് നല്ലൊരു മാലിന്യസംസ്കരണവുമായി.
50 ലിറ്റര് വെള്ളം നിറച്ച ഒരു ടാങ്കില് 10 കിലോ പച്ചച്ചവറ് അരിഞ്ഞിടുക. 100 ഗ്രാം ശര്ക്കര, 100 ഗ്രാം പുളി, 100 ഗ്രാം ഉപ്പ് എന്നിവ അതിന് മുകളില് വിതറുക. ടാങ്ക് അടച്ചിട്ട് 15 ദിവസത്തിനുശേഷം തുറന്നു നോക്കിയാല് ചാണകംപോലെ ഒരു ലായനി ലഭിക്കും. ഇത് മണ്ണിനെ ഫലപുഷ്ഠമാക്കുന്ന ഉത്തമ ജൈവവളമാണ്.
ജൈവവളങ്ങളുടെ ഉപയോഗം കൊണ്ട് വിളകള്ക്കും ഭൂമിയ്ക്കും ഉണ്ടാവുന്ന ഗുണങ്ങള്
ചെടികള്ക്ക് ആവശ്യമുള്ള ഉപപ്രധാന മൂലകങ്ങളും സൂക്ഷ്മ മൂലകങ്ങളും നല്കുന്നു.
മണ്ണിന്റെ ഘടന മെച്ചപ്പെടുത്തുന്നു.
മണ്ണിന്റെ ജല സംഭരണ ശേഷി വര്ദ്ധിപ്പിക്കുന്നു.
മണ്ണില് സൂക്ഷ്മജീവികളുടെ വളര്ച്ച മെച്ചപ്പെടുത്തുന്നു.
മണ്ണില് ഫോസ്ഫറസിന്റെ ലഭ്യത ഉയര്ത്തുന്നു.
മണ്ണില് നെഗറ്റീവ് ചാര്ജുകള് വര്ദ്ധിപ്പിച്ച് മൂലകങ്ങളുടെ സംഭരണം ഉറപ്പാക്കുന്നു.രാസവളങ്ങളില് നിന്നുള്ള മൂലകങ്ങള് നഷ്ടപെടാതെ സൂക്ഷിക്കുന്നു
ജൈവവളങ്ങളുടെ പരിമിതികള്
ജൈവ വസ്തുക്കള് സാവധാനം മണ്ണില് അഴുകിചേരുന്നതിനാല് ഇവയില് നിന്ന് സസ്യമൂലകങ്ങള് വരെ സാവധാനമെ കിട്ടുകയുള്ളൂ.
വിളകളുടെ വളര്ച്ചയുടെ ചില ഘട്ടങ്ങളില് മൂലകങ്ങള് കൂടുതല് അളവില് വേണം.ഉദാഹരണത്തിന് നെല്ലില് ചിനപ്പുകള് പൊട്ടുന്ന പ്രായം.ഇങ്ങനെയുള്ള സമയങ്ങളില് കൂടുതല് മൂലകങ്ങള് കൊടുക്കുന്നതിനു ജൈവവളത്തിന് പറ്റില്ല.
മൂലകങ്ങളുടെ തോത് ജൈവവളത്തില് നന്നേ കുറവാണ്
ജൈവവളത്തിന്റെ ലഭ്യതെ ഇന്ന് അല്പ്പം കുറവാണ്.
ജൈവവളം വളരെ കൂടുതല് ഉപയോഗിക്കുന്നതുകൊണ്ട് കൂലിചെലവ് ഏറും.
ജൈവ കീടനാശിനികള്
സസ്യസത്തുക്കള് ഉപയോഗിച്ചുള്ള കീടനിയന്ത്രണം.
പുകയില കഷായം
അരക്കിലോ പുകയില ഞെട്ടും തണ്ടും ചെറുതായരിഞ്ഞ് നാലര ലിറ്റര് വെള്ളത്തില് ഒരു ദിവസം മുക്കി വെക്കുക. ഇത് ഞെരടിപ്പിഴിഞ്ഞ് നീരെടുക്കുക. 120 ഗ്രാം ബാര്സോപ്പ് അര ലിറ്റര് വെള്ളത്തില് ലയിപ്പിക്കുക. സോപ്പു ലായനി പുകയില സത്തിലേക്കൊഴിച്ച് ശക്തിയായി ഇളക്കി ചേര്ക്കണം. ഇതിലേക്ക് ഏഴിരട്ടി വെള്ളം ചേര്ത്ത് സ്പ്രേ ചെയ്താല് മൃദുല ശരീരകാരികളായ എല്ലാ കീടങ്ങളെയും നിയന്ത്രിക്കാം.
വേപ്പിന്കുരു സത്ത്
50 ഗ്രാം വേപ്പിന് കുരു പൊടിച്ച് കിഴി കെട്ടി ഒരു ലിറ്റര് വെള്ളത്തില് 12 മണിക്കൂര് മുക്കി വെക്കുക. ഇത് നീരുറ്റിയാല് അഞ്ച് ശതമാനം വീര്യമുള്ള വേപ്പിന് സത്ത് ലഭിക്കും. കായ്/തണ്ട് തുരപ്പന് പുഴുക്കള്, ഇലതീനിപ്പുഴുക്കള് എന്നിവയെ അകറ്റി നിര്ത്താന് ഫലപ്രദമാണ്.
വേപ്പെണ്ണ വെളുത്തുള്ളി മിശ്രിതം
60 കി.ലോ ബാര്സോപ്പ് അരിഞ്ഞ് അരലിറ്റര് ഇളം ചൂടുവെള്ളത്തില് ലയിപ്പിച്ചതില് 200 മില്ലി വേപ്പെണ്ണ ചേര്ത്തിളക്കി പതപ്പിക്കുക. 180 ഗ്രാം വെളുത്തുള്ളി നന്നായി അരച്ച് 300 എം.എല് വെള്ളവുമായി ചേര്ത്ത് അരിച്ച് വേപ്പെണ്ണ എമള്ഷനുമായി ചേര്ക്കുക. ഇത് ഒമ്പത് മില്ലി വെള്ളം ചേര്ത്ത് നേര്പ്പിച്ച് നീരൂറ്റി കുടിക്കുന്ന പ്രാണികളെ നിയന്ത്രിക്കാം.
ഗോമൂത്രം കാന്താരി മുളക് മുശ്രിതം
ഒരു മില്ലി ഗോമൂത്രത്തില് പത്ത് ഗ്രാം കാന്താരി മുളക് അരച്ച് അരിച്ചെടുത്ത് പത്ത് എം.എല് വെള്ളം ചേര്ത്ത് നേര്പ്പിച്ച് പ്രയോഗിച്ചാല് പുഴുക്കളെ പ്രത്യേകിച്ചും ചീരയിലെ കൂടുകെട്ടിപ്പുഴുവിനെ നിയന്ത്രിക്കാം.
നാറ്റപ്പൂച്ചെടി സോപ്പ് മിശ്രിതം
നാറ്റപ്പൂച്ചെടിയുടെ ഇളം ഇലയും തണ്ടും ചതച്ച് ഒരു ലിറ്ററോളം നീരെടുക്കുക. 60 ഗ്രാം ബാര്സോപ്പ് അര ലിറ്റര് വെള്ളത്തില് യോജിപ്പിച്ചെടുത്ത് ഇതുമായി യോജിപ്പിക്കുക. ഇതിനെ പത്തിരട്ടി വെള്ളം ചേര്ത്ത് നേര്പ്പിച്ച് പയറിലെ ഇലപ്പേനിനെയും മറ്റ് നീരൂറ്റിക്കുടിക്കുന്ന പ്രാണികളെയും നിയന്ത്രിക്കാം.
പാല്ക്കായം മഞ്ഞള്പ്പൊടി മിശ്രിതം
പത്ത് ഗ്രാം പാല്ക്കായം 2.5 ലിറ്റര് വെള്ളത്തില് അലിയിക്കുക. ഇതില് 2 ഗ്രാം സോഡാപൊടിയും (അപ്പസോഡ) എട്ട് ഗ്രാം മഞ്ഞള്പ്പൊടിയും ചേര്ന്ന മിശ്രിതം കലര്ത്തണം. ഇത് അരിച്ചെടുത്ത് ഇലകളുടെ ഇരുവശത്തും നനയത്തക്കവണ്ണം സ്പ്രേ ചെയ്യുക. ചീരയിലെ ഇലപ്പുള്ളി രോഗം നിയന്ത്രിക്കുന്നതിന് ഇത് വളരെ ഫലപ്രദമാണ്.
ജീവാണു വളങ്ങള്
മണ്ണിലെ സൂക്ഷ്മ ജീവികള്
മണ്ണില് രണ്ടു തരം സൂക്ഷ്മ ജീവികള് ഉണ്ട്
- ചെടികള്ക്ക് രോഗം വരുത്തുന്നവര്
- ചെടികള്ക്ക് ഉപകാരികള്
ഇതില് രണ്ടാം വിഭാഗത്തില് പെടുന്നവരെ (ഉപകാരികളെ) വേര്തിരിച്ചെടുത്ത് കൃത്രിമമായി വളര്ത്തി മണ്ണിലേക്ക് തിരിച്ചു നല്കുന്നതാണ് ഇതിലെ ശാസ്ത്രം.ഇങ്ങനെയുള്ളവയെ നമുക്ക് “മിത്ര സൂക്ഷമാണുക്കള്” എന്ന് വിളിക്കാം.ചില ബാക്ടീരിയകളും കുമിളകളുമാണ് മിത്ര ഗണത്തില് പെട്ടത്.മറ്റ് വളങ്ങള് സസ്യ വളര്ച്ചക്ക് വേണ്ട ഏതാനും പോഷകങ്ങള് മാത്രം നല്കുമ്പോള്.സൂക്ഷ്മാണു വളങ്ങള് സര്വ പോഷകങ്ങളും നല്കി മിത്രങ്ങളായി മാറുന്നു. നൈട്രജന്റെ സ്രോതസ്സ് അന്തരീക്ഷ വായുവാണ്.വായുവില് 78.6% നൈട്രജന് ഉണ്ട് എന്നാല് ഈ മൂലകത്തെ നേരിട്ട് ഉപയോഗിക്കാന് സസ്യങ്ങള്ക്ക് കഴിയുകയില്ല. നൈട്രജന് അമോണിയായും,നൈട്രെറ്റായും മാറ്റപ്പെടുമ്പോഴാണ് ചെടികള്ക്ക് ആഗികരണം ചെയ്യാനാകുക.അന്തരീക്ഷ നൈട്രജനെസ്വയം സ്വീകരിച്ച് അതിനെ അമോണിയ രൂപത്തിലാക്കാന് കഴിവുള്ള നാല് തരം സൂക്ഷ്മജീവികളാണുള്ളത്.
1. റൈസോബിയം
2. അസറ്റോബാക്ടര്
3. അസോസ്പൈറില്ലം
4. സയനോ ബാക്ടിരിയ(Bluegreen alge)
റൈസോബിയം
പയറുവര്ഗ്ഗ ചെടികളുടെ വേരുകളിലുള്ള മുകുളങ്ങളിലായാണ് റൈസോബിയം ബാക്ടീരിയ കാണപെട്ടുവരുന്നത്.റൈസോബിയം കള്ച്ചര് വിത്തില് പുരട്ടിയാണ് ഉപയോഗിക്കുന്നത്.10kg പയര് വിത്തിന് ½ kg കള്ച്ചര് മതി.കഞ്ഞിവെള്ളത്തില് കലക്കിയ കള്ച്ചര് വിത്തില് പുരട്ടി വിത്ത് ഉണക്കുക.ഓരോ പയര് വര്ഗത്തിനും പ്രത്യേക കള്ച്ചര് ഉണ്ട്.
വന്പയര്, നില കടല,ചെറു പയര് -റൈസോബിയം സ്പീഷിസ്സ്
സോയാബീന് - റൈസോബിയം ജാസോണിക്കം
ബീന്സ് - റൈസോബിയം ഫേസിയോളൈ
ഗ്രീന്പീസ്,അമര- റൈസോബിയം ലെഗുമിനോസാരം.
അസറ്റോ ബാക്ടര്
മണ്ണില് സ്വതന്ത്രമായ് വളരാനും അന്തരീക്ഷത്തിലെ നൈട്രജനെ അമോണിയയാക്കി മാറ്റുവാനും കഴിവുള്ള ബാക്ടീരിയയാണ് ഇത്.മണ്ണിലെ ജൈവവസ്തുക്കളെ വിഘടിപ്പിച്ചാണ് ഇത് വളര്ച്ച്ചക്കാവശ്യമായ ഊര്ജം സ്വയം സംഭരിക്കുന്നത്.ജൈവ സമൃദ്ധമായ മണ്ണില് ധാരാളം ഇത്തരം ബാക്ടീരിയകള് കാണും.നൈട്രജന് ലഭ്യമാക്കുന്നതിനു പുറമേ ചെടികള്ക്ക് ആവശ്യമായ ഇന്ഡോള് അമ്ലം,ജിമ്പറലിക് അമ്ലം, വിറ്റാമിന് ബി എന്നിവയും നല്കുന്നു.വിത്തില് പുരട്ടി ഉപയോഗിക്കമെന്നാണെങ്കില് വിത്ത് വെള്ളത്തില് ഇട്ട ശേഷം കള്ച്ചര് ചേര്ത്തിളക്കി തണലത്ത് ഉണക്കി പാകം.5kg വിത്തിന് 1/2kg കള്ച്ചര് എന്നതാണ് തോത്.25gm കള്ച്ചര് 1ലിറ്റര് വെള്ളത്തില് കലര്ത്തി അരമണിക്കൂര് വേരുപടലങ്ങള് മുക്കി വെക്കുക.മണ്ണില് ചേര്ക്കുമ്പോള് ചാണകപ്പൊടിയുമായി ചേര്ക്കുക.25kg ചാണകത്തിന് 1kg കള്ച്ചര് എന്നാണ് കണക്ക്
അസോസ്പൈറില്ലം
ജൈവാംശം കൂടിയതും PH 6 മുതല് 7 വരെയുള്ള മണ്ണില് വളരുന്ന ഒരിനം ബാക്ടീരിയാണ് അസോസ്പൈറില്ലം.ചെടികളുടെ വേരിലും പരിസരത്തും ഇവ വളരും.അന്തരീക്ഷ നൈട്രജനെ സസ്യ വളര്ച്ചക്ക് ആവശ്യമായ വിധത്തില് മാറ്റുന്നതിനോടൊപ്പം,വളര്ച്ചക്കാവശ്യമായ വളര്ച്ചക്കാവശ്യമായ ഹോര്മോണുകള്-സൈറ്റോകൈനിന്,ഓക്സിന്, വിറ്റാമിന് ബി,ആന്റി ബയോട്ടിക്കുകള് എന്നിവയും ഉല്പ്പാദിപ്പിക്കുന്നു.നെല്കൃഷിക്ക് ഏറ്റവും അനുയോജ്യമായത്.60kg നെല്വിത്തിന്-1kg നെല്വിത്ത് നന്നായി നനച്ച്, ചേര്ത്തിളക്കി 1 ദിവസത്തിന് ശേഷം നടുക.ഞാറ് പറിച്ചു നടുമ്പോള് 1kg കള്ച്ചര് -20ലിറ്റര് വെള്ളത്തില് കലക്കി 30 മിനിട്ട് മുക്കിവെച്ചതിനു ശേഷം നടുക.25kg ചാണകത്തില് 1kg കള്ച്ചര് കലര്ത്തി പാടത്ത് വിതറി കൊടുക്കുക.
- സസ്യങ്ങളുടെ വേരുകളുടെ വളര്ച്ചയെ ത്വരിതപെടുത്തുന്നു.
- സൂക്ഷ്മ വേരുകളുടെ എണ്ണം വര്ധിപ്പിക്കുന്നു
- വരള്ച്ചയെയും രോഗബാധകളെയും നേരിടാനുള്ള കഴിവ് നല്കുന്നു.
ഫോസ്ഫറസ്,പൊട്ടാസ്യം ലഭ്യമാക്കുന്ന ജീവാണുക്കള്
ഫോസ്ഫറസ് ലഭ്യമാക്കുന്ന ജീവാണുക്കള്
ചെടികള്ക്ക് കായ്ക്കുന്നതിനും ഫലം തരുന്നതിനും ആവശ്യം വേണ്ട മൂലകമാണ് ഫോസ്ഫറസ്.
ഈ മൂലകം വെള്ളത്തില് അലിയുന്ന രൂപത്തില് ലഭിക്കാറില്ല. ഇപ്രകാരമുള്ള ഫോസ്ഫറസിനെ ചെടികള്ക്ക് വലിച്ചെടുക്കാവുന്ന രൂപത്തിലാക്കി മാറ്റാനും ബാക്ടീരിയകള് മണ്ണില് ഉണ്ട്.കേരളത്തിലെ മണ്ണിന്റെ അമ്ലത്വം കൂടിയതിനാല് ചെടികള്ക്ക് മണ്ണിലെ ഫോസ്ഫറസ് വേണ്ടപ്പോള് ഉപയോഗിക്കാന് കഴിയാതെ പോകുന്നു. ഫോസ്ഫോ ബാക്ടീരിയ ഉല്പ്പാദിപ്പിക്കുന്ന വിവിധ ജൈവ ആസിഡുകളും, രാസാഗ്നികളും വഴി ലഭിക്കാത്ത ഫോസ്ഫാറസിനെ ലഭിക്കുന്ന ഫോസ്ഫറസ് ആക്കി മാറ്റുന്നു.10kg വിത്തിന് 1/2kg എന്ന തോതില് വിത്തില് പുരട്ടി ഉപയോഗിക്കുക.1kg കള്ച്ചര് 20ലിറ്റര് വെള്ളത്തില് കലക്കി ചെടികള്,വേരുകള് 30 മിനിട്ട് മുക്കി വയ്ക്കുക.25kg ചാണകത്തിന് 1kg കള്ച്ചര് എന്ന തോതില് ഉപയോഗിക്കുക.
അല്പം രസതന്ത്രം
- മൂലകങ്ങള്
നൈട്രജന് |
സസ്യവളര്ച്ചയ്ക്ക് |
പൊട്ടാസ്യം |
പ്രകാശ സംശ്ലേഷണത്തിനും,ശ്വസനത്തിനും |
സള്ഫര് |
വൈറ്റമിന്,പ്രോട്ടീന് നിര്മ്മാണത്തിന് |
ഫോസ്ഫറസ് |
വേരുകളുടെ വളര്ച്ചയ്ക്ക് |
കാത്സ്യം |
കോശ/ക്രോമോസോമുകളുടെ നിര്മ്മാണത്തിന് |
മഗ്നീഷ്യം |
ഹരിതക നിര്മ്മാണത്തിന് |
2. സൂക്ഷ്മ മൂലകങ്ങള്
ഇരുമ്പ് |
പച്ച നിറം കൊടുക്കുന്നതിനു |
മാംഗനീസ് |
ഹരിതകത്തിലെ ഘടകം |
മോളിബ്ഡിനം |
ഓക്സീകരണത്തിനു പ്രോട്ടീന് നിര്മ്മാണത്തില് നൈട്രജനെ അമോണിയ ആക്കി മാറ്റുന്നു |
ബോറോണ് |
അണുജീവുകളുടെ പ്രവര്ത്തനം ത്വരിതപ്പെടുത്തും. |
സിങ്ക് |
ഓക്സീകരണത്തിന്റെ പ്രധാന ഘടകം. |
കോപ്പര് |
അമോണിയ രൂപത്തിലുള്ള നൈട്രജന് ഉപയോഗിക്കാനും വേരിന്റെ പ്രവര്ത്തനങ്ങള്ക്കും |
ക്ലോറിന് |
സൂര്യപ്രകാശം വലിച്ചെടുക്കുന്നതിന് |
മള്ബറി,ശീമകൊന്ന – നൈട്രജന്
എള്ള് - സള്ഫര്
കാച്ചില് - കാത്സ്യം
ഉമ്മത്ത്,അരളി - ബോറോണ്
കറിവേപ്പ് - ഇരുമ്പ്
ചെമ്പരത്തി - ചെമ്പ്
മുരിങ്ങയില - ഇരുമ്പും കാത്സ്യവും
പുളി - സിങ്ക്
നൈട്രജന്, പൊട്ടാസ്യം ,ഫോസ്ഫറസ് മുതലായ പോഷകമൂലകങ്ങളുടെ വിവിധ തരം പിണ്ണാക്കുകളിലെ അളവ്
പിണ്ണാക്ക്
|
മൂലകങ്ങളുടെ ശതമാനം
|
നൈട്രജന്
|
നേരിയ തോത്
|
പൊട്ടാഷ്
|
വേപ്പിന് പിണ്ണാക്ക്
|
5.2
|
1.0
|
1.4
|
ആവണക്കിന് പിണ്ണാക്ക്
|
4.3
|
1.8
|
1.3
|
പഞ്ഞിക്കുരു പിണ്ണാക്ക്
|
3.9
|
1.8
|
1.6
|
തേങ്ങാപിണ്ണാക്ക്
|
3.0
|
1.9
|
1.8
|
കടലപ്പിണ്ണാക്ക്
|
7.3
|
1.5
|
1.3
|
കടുക് പിണ്ണാക്ക്
|
5.2
|
1.8
|
1.2
|
എള്ളിന് പിണ്ണാക്ക്
|
6.2
|
2.0
|
1.3
|
മൃഗങ്ങളുടെയും പക്ഷികളുടെയും വിസര്ജ്യ വസ്തുക്കളും അവയിലെ മൂലകങ്ങളും
വളം
|
|
പ്രധാന മൂലകങ്ങളുടെ ശതമാനം
|
നൈട്രജന്
|
നേരിയതോത്
|
പൊട്ടാഷ്
|
കാലിവളം
|
ചാണകം
മൂത്രം
|
0.3 - 0.4
0.9 – 1.2
|
0.1 – 0.2
നേരിയതോത്
|
0.1 – 0.3
0.5 - 1.0
|
ആടുവളം
|
ചാണകം
മൂത്രം
|
0.5 – 0.7
1.5 – 1.7
|
0.4 – 0.6
0.05
|
0.3 – 1.0
1.8 – 2.0
|
പന്നിവളം
|
ചാണകം
മൂത്രം
|
0.55
0.40
|
0.50
0.10
|
0.40
0.45
|
കോഴിവളം
|
|
1.0 – 1.8
|
1.4 – 1.8
|
0.8 – 0.9
|
ഏതൊരു സസ്യത്തിന്റെയും ശരിയായ വളര്ച്ചയ്ക്കും പൂവിടുന്നതിനും 18 തരം മൂലകങ്ങള് അത്യന്താപേക്ഷിതമാണ്. അതില് NPK അതായത് നൈട്രജന് (N for Nitrogen), ഫോസ്ഫറസ് (P for Phosphorus), പൊട്ടാസ്യം (K for Kalium, means potassium) എന്നിവ ഏറ്റവും അത്യാവശ്യമായ പ്രാഥമിക മൂലകങ്ങളാണ്. ചെടിയുടെയും ഇലകളുടെയും വളര്ച്ചയ്ക്ക് നൈട്രജന് വേണം. വേര്, തണ്ട്, കായ എന്നിവ ശക്തിവെയ്ക്കാന് ഫോസ്ഫറസ് വേണം. ധാരാളം പൂവ്, കായ എന്നിവ ഉണ്ടാകാന് പൊട്ടാസ്യം വേണം.കാര്ബണ്ഡയോക്സയിഡ്,ഹൈഡ്രജന്,ഓക്സിജന് എന്നിവ മറ്റു ജീവജാലങ്ങള്ക്കെന്ന പോലെ ചെടികള്ക്കും വേണം. അവ വായുവില് കൂടിയും വെള്ളത്തില് കൂടിയും കിട്ടുന്നു. കാത്സ്യം, സള്ഫര്, മഗ്നീഷ്യം എന്നിവ അവശ്യം വേണ്ട ദ്വിതീയ മൂലകങ്ങള് ആണ്. ബാക്കി 9 എണ്ണം സിങ്ക്, ക്ലോറിന്, ബോറോണ്, മോളിബ്ഡിനം, ചെമ്പ്, ഇരുമ്പ്, മാന്ഗനീസ്, കൊബാള്ട്ട്്, നിക്കല് എന്നിവ സൂക്ഷ്മ മൂലകങ്ങള് ആണ്. ഇതെല്ലാം യഥേഷ്ടം കിട്ടിയാലേ സമ്പൂര്ണ്ണ ആഹാരം കിട്ടി എന്ന് ചെടി സമ്മതിക്കൂ. ഓരോന്നിന്റെ്യും കുറവ് അത് വളര്ച്ച , തണ്ട്, ഇല, പൂവ്, കായ എന്നിവയിലൂടെ വിളിച്ചു പറയും.
അതെ സമയം അധികം വളം ഇട്ടാല് ചെടിയും കായയും മുരടിക്കും. അതുകൊണ്ട് ഒരു സമീകൃതവളം balanced fertilizer ആഴ്ചയിലൊരിക്കല് കുറേശ്ശെ ആയി കൊടുക്കണം. വെള്ളത്തില് അലിയുന്ന വളമാണ് കൊടുക്കേണ്ടത്. കാരണം ദ്രവരൂപത്തില് മാത്രമേ ചെടികള്ക്ക് ആഹാരം ആഗീരണം ചെയ്യാന് പറ്റൂ. ചെടിയുടെ നാല് വശത്തുമുള്ള മണ്ണു ചെടിയുടെ കടക്കലേക്ക് കൈകൊണ്ട് കൂട്ടുക. പിന്നെ വളം (ഖര/ദ്രവ രൂപത്തില് ഉള്ളത്) വശങ്ങളില് ഇട്ടു കുറച്ചു മണ്ണു കൂടി ഇട്ടു പഴയ മണ്ണുമായി ചെറുതായി കലര്ത്തിയശേഷം നനക്കുക. വളം ഒരിക്കലും തണ്ടില് തട്ടരുത്. പൂവിടാന് തുടങ്ങിയാല് നൈട്രജന് കുറക്കുക, പൊടാസ്യം കൂടുതലുള്ള വളമാണ് അപ്പോള് വേണ്ടത്. വളം ചേര്ക്കുന്നത് വൈകുന്നേരമാണ് നല്ലത്. പകലാണെങ്കില് വളം ചേര്ത്ത് നനക്കുമ്പോള് ഉണ്ടാകുന്ന ചൂട് വെയിലുള്ളപ്പോള് ചെടികള്ക്ക് സഹിക്കാന് പറ്റില്ല.
കടലപിണ്ണാക്ക്, വേപ്പിന്പിണ്ണാക്ക് എന്നിവ വെള്ളത്തില് കലക്കി മൂന്നുദിവസം പുളിപ്പിച്ച് പത്തു ദിവസത്തിലൊരിക്കല് നേര്പ്പിച്ചു കൊടുക്കാം. ഗോമുത്രം, ജീവാമൃതം, പഞ്ചഗവ്യം എന്നിവ ത്വരകങ്ങള് ആണ്. അത് നേര്പ്പിച്ചു രണ്ടാഴ്ചയിലൊരിക്കല് കൊടുക്കുന്നത് നല്ലതാണ്. അവയില് വളര്ത്തിയെടുത്ത ബാക്ടീരിയ, അടിവളമായി നാം കൊടുത്തിട്ടുള്ളവയെ ചെടിക്ക് എടുക്കാന് പാകത്തിലുള്ളവയാക്കി മാറ്റുന്നു. രാസവളങ്ങള് വേണ്ടേവേണ്ട. രാസവളങ്ങളിലെ ഉപ്പു മണ്ണില് അവശേഷിച്ചു മണ്ണിന്റെ ഘടന മാറ്റി മറിക്കും. pH കുറഞ്ഞു അമ്ലാംശം കൂടുതലുള്ള മണ്ണായി അത് മാറും. ക്രമേണ ആ മണ്ണില് ഒന്നും വളരില്ല. അതിനെ പൂര്വ്വസ്ഥിതിയിലേക്ക് കൊണ്ടുവരാന് വര്ഷങ്ങള് എടുക്കും. ജൈവകൃഷി മൂലം വളര്ച്ച കുറയുമെന്ന ധാരണ തെറ്റാണ്. തക്കസമയത് ആവശ്യമായ ജൈവവളങ്ങള് നല്കിയാല് ചെടി നന്നായി വളരുകയും ധാരാളം കായഫലം തരുകയും ചെയ്യും. ആ കായകള്ക്കു കിട്ടുന്ന സ്വാദ് രാസവളം ഉപയോഗിച്ചാല് കിട്ടില്ല. പഞ്ചഗവ്യം, എഗ്ഗ് അമിനോ ആസിഡ്, ഫിഷ് അമിനോ ആസിഡ്, ജൈവസ്ളറി പോലുള്ള വളര്ച്ച ത്വരകങ്ങള് ഉപയോഗിച്ചാല് ചെടികളുടെ ആരോഗ്യവും വളര്ച്ചയും ഉറപ്പാക്കാം. 15 ദിവസത്തില് ഒരിക്കല് എല്ലുപൊടി,കമ്പോസ്റ്റ്, കോഴിവളം, ആട്ടിന് കാഷ്ടം, കടലപ്പിണ്ണാക്ക് ഏതെങ്കിലും ഇട്ടുകൊണ്ടിരുന്നാല് ചെടികള് കരുത്തോടെ വളരും.
കമ്പോസ്റ്റും മൂലകങ്ങളും
നാട്ടിന് പുറങ്ങളില് പ്രത്യേക ശ്രദ്ധയോടുകൂടി തൊഴുത്തില് നിന്നുള്ള ചാണകവും മൂത്രവും സസ്യ അവശിഷ്ടങ്ങളും ചേര്ത്തുണ്ടാക്കുന്ന കമ്പോസ്റ്റില് നൈട്രജന്,ഫോസ്ഫറസ്,പൊട്ടാഷ് എന്നിവ 0.8:0.6:2.2 എന്ന അനുപാതത്തിലുണ്ടാകാം.ടൌണ് കമ്പോസ്റ്റില് ഇവ 1.4:1.0:1.4 എന്ന അനുപാതത്തിലും ഉണ്ടാകാം.മണ്ണിര കമ്പോസ്റ്റ് ഏകദേശം 60 ദിവസം കൊണ്ട് തയ്യാറാക്കാം.ഇതിലുള്ള സസ്യ മൂലകങ്ങളുടെ ഏകദേശ കണക്ക് താഴെ കാണുംവിധമാകും
നൈട്രജന്
|
0.98 - 1.80%
|
ഇരുമ്പ്
|
21.60 – 27.30 പി.പി.എം
|
ഫോസ്ഫറസ്
|
0.75 – 0.90%
|
ചെമ്പ്
|
5.80 – 7.60 പി.പി.എം
|
പൊട്ടാഷ്
|
0.25 – 0.80%
|
നാകം
|
85.00 - 115.00 പി.പി.എം
|
കാത്സ്യം
|
0.38 – 0.44
|
മാംഗനീസ്
|
337.00 – 419.00പി.പി.എം
|
മഗ്നീഷ്യം
|
0.16 – 0.23%
|
|
|
കമ്പോസ്റ്റ് ടീ നേര്പ്പിെച്ചു ചെടികള്ക്ക് നേരിട്ട് തണ്ടുകളിലും ഇലകളിലും തളിച്ചാല് ഫലം ഉടനെ കിട്ടും. മണ്ണില് നിന്ന് വേരുകളെകൊണ്ടു എടുപ്പിച്ചു മുകളിലേക്കു അയച്ചു എത്താനുള്ള സമയവും അധ്വാനവും ഒഴിവാക്കാം. മണ്ണിരമണ്ണു അല്ലെങ്കില് കമ്പോസ്റ്റ് വളം വെള്ളത്തിലിട്ടു മൂന്നുദിവസം ഇളക്കി അരിച്ചെടുത്താല് കമ്പോസ്റ്റ് ടീ ആയി. ഇതിനെ ഒരു സമീകൃത ആഹാരം എന്ന് പറയാം. ഇത് ഇലകളില് സ്പ്രേ ചെയ്താല് വളരെ വേഗത്തിൽ അതിലെ ഗുണങ്ങൾ കിട്ടും. ആരോഗ്യം കുറവാണെങ്കില് ഇത് സ്പ്രേ ചെയ്താല് ഒന്ന് രണ്ടു ദിവസത്തിനകം ഫലം കാണാൻ കഴിയും. ഇല ചുരുളൽ, ഇലകള്ക്ക് ഉണ്ടാകുന്ന മറ്റു അസുഖങ്ങൾ ഇവക്കു ഇത് കൈകൊണ്ട ഔഷധമാണ്. കുമിള് രോഗങ്ങളെ പ്രതിരോധിക്കുവാനും ഇതിനു കഴിയും. ഇതു തളിച്ചാല് ഇലകള്ക്ക് വരുന്ന സ്വാദും വാസനയും പ്രാണികള്ക്കു രസിക്കാതതുകൊണ്ട് പ്രാണി ശല്യം കുറയും.
സൂക്ഷ്മ മൂലകങ്ങള്, NPK എന്നിവ ഇപ്പോള് ഇലകളില് നേരിട്ട് തളിക്കാവുന്ന രൂപത്തില് കിട്ടുന്നുണ്ട്. വളര്ച്ചയും കായഫലവും കുറവാണെന്ന് കണ്ടാല് ഇവ പ്രയോഗിക്കുന്നതില് തെറ്റില്ല.
ചകിരിച്ചോര് കമ്പോസ്റ്റില് നൈട്രജന്,ഫോസ്ഫറസ്,പൊട്ടാഷ് എന്നിവ യഥക്രമം 1.06,0.06,1.2 ശതമാനം വീതമുണ്ടാകും.
മണ്ണിലെ Ph ന്റെ അളവ്
NPK- ഒരു പഠനം
നൈട്രജന്
നല്ലൊരു വളര്ച്ച ത്വരകമായ നൈട്രജന് വളര്ച്ച വേഗത്തിലാക്കുന്നതിനോടൊപ്പം ഇലകള്ക്ക് കടും നിറവും നല്കുന്നു. ചീര,മുട്ടക്കോസ് എന്നീ ഇലക്കറി വിളകള്ക്ക് നൈട്രജന് കൂടുതല് ഗുണം പ്രദാനം ചെയ്യുന്നു. ഫലമൂലാദികളിലെ മാംസ്യാംശം വര്ദ്ധിപ്പിക്കുവാനും നൈട്രജന് കഴിയും.
ഫോസ്ഫറസ്സും പൊട്ടാഷും മണ്ണില് ഖനിജ രൂപത്തില് കണ്ടുവരാറുണ്ട് പക്ഷെ നൈട്രജന് ഒരിക്കലും ഖനിജ രൂപത്തില് കാണപ്പെടാറില്ല. എന്നാല് നമ്മുടെ അന്തരീക്ഷ വായുവിന്റെം 75 ശതമാനവും നൈട്രജന് ആണെന്ന് നിങ്ങള്ക്ക റിയാമല്ലോ. മഴക്കാലത്ത് ഇടിമിന്നല് മൂലം അന്തരീക്ഷത്തിലെ നൈട്രജന് നൈട്രിക് ഓക്സൈഡുകളായി മാറി വെള്ളത്തില് ലയിച്ച് മണ്ണില് കലരാറുണ്ട്. ജന്തു സസ്യങ്ങളുടെ അവശിഷ്ടങ്ങള് ജീര്ണി്ച്ചും മണ്ണില് നൈട്രജന് ഉണ്ടാകുന്നു. പയറു വര്ഗ്ഗവ ചെടികള് ഒഴികെയുള്ള മറ്റെല്ലാ സസ്യങ്ങളും മണ്ണില് ലയിച്ചു ചേര്ന്നാ ലവണ രൂപത്തിലുള്ള നൈട്രജനെയാണ് വേരുകള് വഴി വലിച്ചെടുക്കുന്നത്. മണ്ണില് നിന്നും ചെടികളുടെ വളര്ച്ചകയ്ക്കു വേണ്ടി നീക്കം ചെയ്യപ്പെടുന്ന നൈട്രജന് ഏതെങ്കിലും രൂപത്തില് തിരികെ നിക്ഷേപിക്കാതെ സമൃദ്ധമായ വിളവ് ലഭിക്കുകയില്ല. കന്നുകാലി വളത്തില് നൈട്രജന്റെ അളവ് ശരാശരി 0.5 ശതമാനം മുതല് 0.9 ശതമാനം വരെ മാത്രമാണ്. ഇത്തരം ജൈവ വളങ്ങള് വെയില് തട്ടാതെ സൂക്ഷിച്ചാല് മാത്രമേ അവയിലെ നൈട്രജന് നിലനില്ക്കുികയുമുള്ളൂ. പയറു വര്ഗ്ഗ് ചെടികള്ക്ക്വ അന്തരീക്ഷത്തില് നിന്നും നേരിട്ട് നൈട്രജന് ആഗിരണം ചെയ്യാനുള്ള കഴിവുണ്ട്. ഈ നൈട്രജന് അവയുടെ വേരില് കാണപ്പെടുന്ന മുഴകളിലാണ് ശേഖരിക്കപ്പെടുന്നത്. ഇവ പുഷ്പിച്ച് കായ്ച്ചു നശിക്കുമ്പോള് ഇവയുടെ വേര് അഴുകുന്നതോടൊപ്പം ഈ നൈട്രേറ്റ് ലവണങ്ങള് മണ്ണിലെ ഈര്പ്പുത്തില് പടരുകയും അത് അവിടെ വളരുന്ന മറ്റ് ചെടികള്ക്ക് പോഷകമാകുകയും ചെയ്യും. ഇതിനാലാണ് നെല്കൃ ഷി കഴിഞ്ഞ പാടത്ത് പയറിടുന്നത്. ജൈവ വളങ്ങളില് നിന്നും ലഭിക്കുന്ന നൈട്രജന്റെട അളവ് വളരെ കുറവായതിനാല് സ്വാഭാവികമായി തന്നെ മണ്ണിലെ നൈട്രജന് വര്ദ്ധി്പ്പിക്കുന്ന ഈ രീതി പച്ചക്കറി കൃഷിയിലും പരീക്ഷിക്കാവുന്നതാണ്.
പയര്വര്ഗ ചെടികളിലെ ജൈവവളവും നൈട്രജന്റെ അളവും
മണ്ണിന്റെ ഫലപുഷ്ടി വര്ദ്ധിപ്പിക്കാന് വിതച്ച് പുഷ്പ്പിക്കുന്നതോടെ നിലത്ത് ഉഴുതു ചേര്ക്കുന്ന പച്ചിലവളചെടിയാണിവ.ഇവ 8-25 ടണ് വരെ ജൈവവളം ഒരു ഹെക്ടറില് ഒരു തവണ ചേര്ക്കുക.പ്രധാനമായും നൈട്രജന്റെ ലഭ്യത മണ്ണില് വര്ദ്ധിപ്പിക്കുകയാണ് ഇവ ചെയ്യുന്നത്. വിവിധ തരം പയര്വര്ഗചെടികളില് നിന്നും കിട്ടാവുന്ന ജൈവ വളത്തിന്റെ തോതും,നൈട്രജന്റെ ലഭ്യതയുമാണ് താഴെ പട്ടികയില്.
വിള
|
ജൈവവളത്തിന്റെ തൂക്കം(ടണ് )
|
ലഭ്യമാകുന്ന നൈട്രജന്(കി.ഗ്രാം )
|
ഡെയിഞ്ച
|
20
|
84.0
|
വന്പയര്
|
14
|
68.0
|
കിലുക്കി
|
20
|
86.0
|
ഉഴുന്ന്
|
11
|
45.0
|
ചെറുപയര്
|
8
|
43.0
|
കുമ്മായത്തിന് പകരം ഡോലമൈട് (DOLOMITE)
മണ്ണിന്റെ അമ്ലത കുറച്ച് pH ബാലന്സ് ചെയ്താല് മാത്രമേ വേരുകള് സൂക്ഷ്മ ഘടകങ്ങളെ വലിച്ചെടുത്ത് ചെടികള്ക്ക് നല്ല വളര്ച്ച പ്രദാനം.ചെയ്യൂ. ഇതിനായി മണ്ണില് കുമ്മായം ചേര്ക്കുകയാണ് പതിവ്. കുമ്മായത്തിന്റെ രാസനാമം CaOആണ്. ഇതു മണ്ണുമായി ചേരുംപോള് ചുണ്ണാമ്പ് (CaOH) ആയി മാറും. ഇതില് നിന്നും കാള്സിയം മാത്രമേ ചെടികള്ക്ക് കിട്ടൂ. മിച്ചം ഉള്ള ഓക്സിജനും ഹൈഡ്രൊജെനമ്
വെള്ളത്തില് നിന്നും ലഭിക്കുന്നതിനാല് ഇതിനു പ്രസക്തിയില്ല.
എന്നാല് Dolomite ഒരു "ഡബിള് കാര്ബനേട്" ആണ് .Calcium Magnesium Carbonate. ചെടികളുടെ. വളര്ച്ചയ്ക്ക് magnesium അത്യാവശ്യമാണ്. Dolomite ഉപയോഗിച്ചാല് വിളകല്ക്ക് calcium, magnesium,carbon എന്നിവ യഥേഷ്ടം ലഭിക്കും, കുമ്മായത്തേക്കാള് വില കുറവും വേസ്ടേജ് കുറവും ആയതിനാല് പതിന്മടങ്ങ് ലാഭകരം ആണ്. Dolomite ചേര്ത്ത് ഒരാഴ്ച്ച കഴിഞ്ഞിട്ട് മാത്രമേ മറ്റു ജൈവവളന്ഗല് ചേര്ക്കാവൂ. ചെടികള് നടുന്നതും ഒരാഴ്ച കഴിഞ്ഞ് മതി.
കര്ഷകര് കുമ്മായത്തില് നിന്ന് Dolomite ലേക്ക് മാരെണ്ട കാലം അതിക്രമിച്ചു. ഡോലമൈട് ഒരുതരം പാറ പൊടിച്ചുണ്ടാക്കുന്നതാണ്. 100% natural. ജൈവ കൃഷിയില് ധൈര്യമായി ഉപയോഗിക്കാം.
50 കിലോ ബാഗില് ലഭിക്കും. ലൂസും കിട്ടും
പൊട്ടാസ്യം ലഭ്യമാക്കുന്ന ജീവാണുക്കള്
മണ്ണിലുള്ള പൊട്ടാസ്യത്തെ ചെടികള്ക്ക് ലഭ്യമാക്കാനുള്ള ജീവാണുക്കള് ആണ് ഇവ.ചെടികള്ക്ക് ആവശ്യമായ അസെറ്റിക് ആസിഡ്,ജിബറലിക് ആസിഡ്,അമിനോ ആസിഡുകള് എന്നിവയും ഈ ജീവാണുക്കള് ലഭ്യമാക്കും.PH 3.5 മുതല് 8.5 വരെയുള്ള മണ്ണില് ഇവ ഉപയോഗിക്കാം. മണ്ണില് ലയിക്കാത്ത പോട്ടാഷിനെ ചെടികള്ക്ക് ലഭ്യമാകും.70% വരെ കൂടുതല് പൊട്ടാഷ് 25 ദിവസത്തിനുള്ളില് നല്കുന്നതായി കണ്ടെത്തിയിട്ടുണ്ട്.25kg ചാണകം/കമ്പോസ്റ്റിന് 1kg പൊട്ടാഷ് ജീവാണു എന്ന തോതില് മണ്ണില് നല്കുക.വര്ഷം രണ്ടു തവണ എന്ന ഇടവേളയില് നല്കുക.
പൊട്ടാഷ് വളത്തിന്റെ ചെലവ് ലാഭിക്കാന് പറ്റുന്നു.
പ്രതിരോധ ശേഷി വര്ധിപ്പിക്കുന്നു
50% വര്ദ്ധനവ് ലഭിക്കുന്നു.
ജീവാണുവളങ്ങള്
ട്രൈക്കോഡെര്മ
ട്രൈക്കോഡെര്മ എന്ന മിത്ര കുമിള് ഉപദ്രവകാരികളായ ബാക്ടീരിയകളെയും കുമിളുകളെയും നശിപ്പിക്കാന് കഴിവുള്ള മിത്ര കുമിളാണ്. ട്രൈക്കോഡെര്മയുടെ 12 ഇനങ്ങളെ കണ്ടെത്തിയിട്ടുണ്ട്.
- ട്രൈക്കോഡെര്മ വിറിഡേ
- ട്രൈക്കോഡെര്മ ഹാഴ്സിയാനം
എന്നിവയാണ് രോഗകാരികളായ കുമിളകളെ നശിപ്പിക്കുന്നതില് മുന്പന്തിയില്.ശത്രു കുമിളകളുടെ മേല് അതിവേഗം പടര്ന്ന് അവയെ വരിഞ്ഞുമുറുക്കി നിര്ജീവമാക്കുന്നു. ട്രൈക്കോഡെര്മ സസ്യങ്ങളോടുകൂടി ചേര്ന്ന് കാണപ്പെടുന്നതിനാല് രോഗകാരികളായ കുമിളുകള്ക്ക് വേരുകളെ ഉപദ്രവിക്കാന് പറ്റാതെ വരുന്നു. ട്രൈക്കോഡെര്മിന്, ഗ്ലൂക്കോവൈറ്റിന്, വിറിഡിന് തുടങ്ങിയ ആന്റിബയോട്ടിക്കുകള് ഉല്പ്പാദിപ്പിക്കുകയും ഇവ ശത്രുകുമിളുകളില് കുത്തിവെച്ച് അവയുടെ നാശം ഉറപ്പാക്കുന്നു. കൈറ്റിനേസ്,സെല്ലുലോസ്,B43 ഗ്ലൂക്കനേസ്,പ്രോട്ടിയേസ് തുടങ്ങിയ രാസാഗ്നികള് ഉല്പാദിപ്പിച്ച് ശത്രുകുമിളകളുടെ കോശങ്ങളെ വിഘടിപ്പിച്ച് നാശം പൂര്ണ്ണമാക്കുന്നു.
വിള
|
കുമിള്രോഗം
|
കുമിള്
|
കുരുമുളക്
|
ദ്രുതവാട്ടം
|
ഫൈറ്റോഫ്ത്തോറ
|
ഇഞ്ചി
|
മൂടുചീയല്
|
പിത്തിയം
|
മഞ്ഞള്
|
മൂടുചീയല്
|
പിത്തിയം
|
ഏലം
|
മൂട്അഴുകല്
|
ഫൈറ്റോഫ്ത്തോറ
|
വാനില
|
മൂട്അഴുകല്
|
ഫ്യൂസേറിയം
|
പച്ചക്കറികള്
|
വേരുചീയല്,വാട്ടം
|
പിത്തിയം
ഫൈറ്റോഫ്ത്തോറ
റൈസക്ടോണിയ
|
ഉത്പ്പാദനരീതി
രോഗഹേതുവായ കുമിളുകള്ക്ക് ഉത്തമമായ പ്രതിവിധിയാണ് ട്രൈക്കോ.
ഉണക്കിപൊടിച്ച ചാണകവും വേപ്പിന് പിണ്ണാക്കും 9:1:2 എന്നതില് 9-ചാണകം,1-വേപ്പിന് പിണ്ണാക്ക്,2-ട്രൈക്കോ അനുപാതത്തില് ആവശ്യത്തിന് വെള്ളം തളിച്ച് ഇളക്കിയെടുക്കണം.ഈ മിശ്രിതം ട്രൈക്കോഡെര്മയുടെ വളര്ച്ചയെ സഹായിക്കുക മാത്രമല്ല അവ ദീര്ഘകാലം മണ്ണില് നിലനില്ക്കുവാനും ഉപകരിക്കുന്നു.മിശ്രിതം നന്നായി കൂട്ടി കലര്ത്തുക പുട്ട് പൊടി തയ്യാറാക്കുന്നത് പോലെ.വെള്ളം അധികമാകരുത്. അധികമായാല് വായു സഞ്ചാരം നില്ക്കുന്നതു മൂലം കുമിളിന്റെ വളര്ച്ച തടസപെടും.ഇപ്രകാരം തയ്യാറാക്കിയ മിശ്രിതം കുറെകൂടി ഈര്പ്പമുള്ള ചാക്കുകൊണ്ട് മൂടുക.ഒരാഴ്ച കഴിയുമ്പോള് കൂനയില് പച്ച നിറത്തിലുള്ള പൂപ്പല് കാണാം.ട്രൈക്കോഡെര്മ പെരുകി തുടങ്ങി അല്പം നനവ് നല്കിയതിനു ശേഷം മൂന്ന് ദിവസം കൂടി മൂടിയിടുക.ഈ മിശ്രിതത്തില് 1ഗ്രാമില് 10 ലക്ഷം കുമിളിന്റെ കൊശങ്ങള് ഉണ്ടാകും.
സ്യൂഡോമോണസ്(Pseudomonas)
മണ്ണില് ചെടിയുടെ വേരുപടലങ്ങളിലാണ് കാണപെടുന്നത്.നിര്മ്മാണ ശാലയില് പ്രത്യേക മാധ്യമത്തില് വളര്ത്തുമ്പോള് തിളങ്ങുന്നതിനാല് ഫ്ലൂറസെന്റ് സ്യൂഡോമോണസ് എന്ന് വിളിച്ച് പോരുന്നു.സ്യൂഡോമോണസ് ഒരു മിത്രബാക്ടീരിയയാണ്.കേരളത്തിലെ വിളകളിലെ പ്രധാന രോഗകാരികളായ ഫൈറ്റോഫ്ത്തോറ, പിത്തിയം, നൈസക്റ്റോണിയ,ഫ്യൂസേറിയം,കൊളിറ്റോട്രൈക്കം എന്നീ കുമിളുകളും,സാത്തോമോണസ്,നാത്സ്റ്റോണിയ എന്നീ ബാക്ടീരിയകളെയും പൂര്ണ്ണമായി നശിപ്പിക്കുന്നു.വന്തോതില് ഹോര്മോണുകള് ഉത്പാദിപ്പിച്ച് വിളവളര്ച്ചയെ ത്വരിതപെടുത്താനും കഴിവുള്ള സൂക്ഷ്മാണു ആണിത് സസ്യ ഹോര്മോണുകളായ ഓക്സിന്,ഗിബറലിന്,ഇന്ഡോള്,അസറ്റിക് ആസിഡ്,സൈറ്റോ കൈനില് എന്നിവ നിര്മ്മിക്കുവാനും കഴിയും,തന്മൂലം വിളവ് വര്ദ്ധിപ്പിക്കുവാനും കഴിയും.ഇതിനോടൊപ്പം ശത്രുകുമിളകള്ക്കും,ബാക്ടീരിയകള്ക്കും ഹാനികരമായ മൈക്കോസയനിന്,വൈല്യകട്ടിയോറിന്,ട്രോപ്പലോണ് എന്നീ ആന്റിബയോട്ടിക്കുകളും ഉത്പാദിപ്പിക്കുന്നു.മൂന്ന് രീതിയിലാണ് സ്യൂഡോമോണസ് പ്രയോഗിക്കുന്നത്.
- വിത്ത്/നടീല് വസ്തു മുക്കി വെയ്ക്കാനുള്ള ലായനി
- ഇലകളില് തളിച്ച് കൊടുക്കാനുള്ള ലായനി
- ചുവട്ടില് ഒഴിച്ച് കൊടുക്കാനുള്ള ലായനി
ഞാറിന് : 2% വീര്യമുള്ള ലായനിയില് ഞാറ് 30 മിനിറ്റ് മുക്കിവെക്കുക.
കുരുമുളക്: 2% വീര്യമുള്ള ലായനി ചുവട്ടില് ഒഴിക്കുക(ദ്രുതവാട്ടം)
പച്ചക്കറികള്: 2% വീര്യമുള്ള ലായനി വിത്ത് കിളിര്ത്ത ശേഷവും പറിച്ച് നടുമ്പോള് 30 മിനിറ്റും,2 ആഴ്ച്ച കൂടുമ്പോള് 2% വീര്യമുള്ള ലായനി
വാഴ: 2% വീര്യമുള്ള ലായനി ഇലകളിലെ പോളകളിലും ഒഴിക്കുക
ഇഞ്ചി,മഞ്ഞള് : 2% വീര്യമുള്ള ലായനി
വേര്ട്ടിസീലിയം
കീടങ്ങളെ നശിപ്പിക്കാന് നൈര്ഗ്ഗികമായ കഴിവുള്ള സൂക്ഷ്മാണു ആണ് വേര്ട്ടിസീലിയം ലക്കാന എന്ന കുമിള്. വേര്ട്ടിസീലിയം കീടങ്ങളുടെ പുറംതോട് തുളച്ച് ശരീരത്തിനുള്ളില് പ്രവേശിച്ച് കോശങ്ങളില് വിഷവസ്തുക്കള് കുത്തിവെച്ച് കീടങ്ങള് ജീവഹാനി ഉണ്ടാക്കുന്നു. വേര്ട്ടിസീലിയം ബാധിച്ച കീടങ്ങള് മറ്റു കീടങ്ങളുമായ് സമ്പര്ക്കപ്പെടുമ്പോള് കുമിള് അവയിലേക്കും പ്രവേശിക്കും.അന്തരീക്ഷ വായുവിലൂടെ ഈ കുമിള് മറ്റു കീടങ്ങളിലേക്ക് കടന്ന്കൂടും. മുഞ്ഞ,വെള്ളീച്ച,ചുമന്ന മണ്ഡരി,ചിതല് എന്നിവയെ വെര്ട്ടിസീലിയം നിയന്ത്രിക്കും.2% വീര്യമുള്ള ലായനി വിളകളുടെ ഇലകളില്-മുകളിലും അടിയിലും ഒരുപോലെ തളിക്കുക.
- അതിരാവിലെയോ വൈകുന്നേരമോ മാത്രം തളിക്കുക
- പശചേര്ത്ത് തളിക്കുക.
ലായനി തളിക്കുമ്പോള് മറ്റ് കീട-കുമിള് നാശനികളോ ചേര്ക്കരുത്.
മെറ്റാറൈസിയം
പച്ച കുമിള് തെങ്ങിന്റെ പ്രധാന ശത്രു കീടമായ കൊമ്പന് ചെല്ലി മുട്ടയിട്ട് പെരുകുന്നത് ചാണകത്തിലും കമ്പോസ്റ്റിലുമാണ്.അഴുകുന്ന തടികളിലും മുട്ടയിട്ടേക്കും.ഉത്ഭവ സ്ഥാനത്തു തന്നെ പുഴുക്കളെ നശിപ്പിക്കുകയാണ് മെറ്റാറൈസിയം അനിധോപ്ലിയെ എന്ന പച്ചകുമിള് ചെയ്യുന്നത്.പുഴുവിനെ ശരീരത്തില് തുളച്ചു കയറി അവിടെ പെരുകിയാണ് മെറ്റാറൈസിയം കീടത്തെ കൊല്ലുന്നത്.
25kg ചാണകത്തില് 100gm മെറ്റാറൈസിയം കള്ച്ചര് എന്ന കണക്കിലാണ് ഉപയോഗിക്കേണ്ടത്.
100gm കള്ച്ചര് 750ml വെള്ളത്തില് കലര്ത്തി ചാണകത്തില് തളിച്ച് ഇളക്കി മറിച്ച് മൂടിയിടുക.സൂര്യപ്രകാശം നേരിട്ട് എല്ക്കരുത്.15 ദിവസത്തിനകം പുഴുക്കള് ചത്തുപോകും.
PGPR മിശ്രിതം
സസ്യ വളര്ച്ച സഹായിയായ റൈസോബാക്ടീരിയ(plant Growth Promoting Rhizobacteria) എന്താണ്.ചെടികളുടെ വേര് പടലങ്ങളില് കേന്ദ്രികരിച്ച് കഴിയുകയും അങ്ങനെ സസ്യ വളര്ച്ച ത്വരിതപെടുത്തുകയും.കീട-രോഗങ്ങള് കുറയ്ക്കുകയും ചെയ്യുന്നു.സസ്യ ശരീരത്തിലെ ഹോര്മോണ് നിലയില് വ്യത്യാസം ഉണ്ടാക്കി,മണ്ണില് നിന്ന് പോഷകങ്ങള് വലിച്ചെടുക്കാന് സഹായിക്കുന്നു,ഇതിന്റെ അനന്തരഫലമായി വേര് കൂടുതല് പൊട്ടി വളരുകയും ചെയ്യും. നാം നേരത്തേ പരിചയപ്പെട്ട അസോസ്പൈറില്ലം,അസറ്റോബാക്ടര്, സ്യൂഡോമോണസ് എന്നീ ബാക്ടീരിയകള് ഉള്പെട്ട കൂട്ടായ്മയാണ് PGPR.പലതരം സൂക്ഷ്മാണുക്കള് ഉപയോഗിക്കുന്നതിന് പകരം ഒന്ന് എന്ന ആശയത്തില് നിന്നാണ് PGPR മിശ്രിതത്തിന്റെ പിറവി.
കടപ്പാട് : ഞാറ്റുവേല