കയ്യോന്നി, കയ്യുണ്ണ്യം, കഞ്ഞുണ്ണി എന്നിങ്ങനെ പേരുള്ള ഈ ചെടി ഈര്പ്പമുള്ള പ്രദേശങ്ങളില് കാണപ്പെടുന്ന ഒരു ഏകവര്ഷി ദുര്ബല സസ്യമാണ്. കയ്യോന്നിയുടെ ശാസ്ത്രനാമം എക്ലിപ്റ്റ ആല്ബ (Eclipta Alba Hassk.) എന്നാണ്. Verbesina prostrata L എന്ന പേരിലും പ്രശസ്തമാണ് കയ്യോന്നി. ആസ്റ്ററേസീയൈയ് . ഇംഗ്ലീഷില് ഇതിനെ എക്ലിപ്റ്റ(Eclipta) എന്നറിയപ്പെടുന്നു. ഭൃംഗരാജ എന്ന പേരിലും ഇതറിയപ്പെടുന്നു. ഇത് ദശപുഷ്പത്തില്ഉള്പ്പെടുന്നു. ആയുര്വേദ വിധിപ്രകാരം കടുരസവും തീക്ഷ്ണഗുണവും ഉഷ്ണവീര്യവുമാണ് കയ്യോന്നിക്ക്. വട്ടതില് കമ്മല് പോലെ കാണപ്പെടുന്ന പൂവുകള്ക്ക് പൊതുവെ വെള്ളനിറമാണ്. ഇലച്ചാറിന് ഹൃദ്യമായ ഗന്ധമാണ്.
രൂക്ഷഗന്ധമുള്ള ഈ സസ്യം സമൂലമാണ് ഉപയോഗിക്കുന്നത്. നാട്ടിന് പുറങ്ങളിലെ ആരോഗ്യരക്ഷാ ഔഷധസസ്യങ്ങളില് പ്രധാനപ്പെട്ട ഇത് കൈകൊണ്ട കേശ ഔഷധവും കൂടിയാണ്.
ശരീരത്തിന് പ്രതിരോധശേഷി പ്രദാനം ചെയ്യാന് കയ്യോന്നിക്ക് കഴിവുണ്ട്. മുടിവളരുന്നതിനും ശിരോരോഗങ്ങള് കുറയ്ക്കുന്നതിനും ഉപയോഗിക്കുന്ന കയ്യോന്നി എണ്ണ നല്ല ഉറക്കം നല്കും. കയ്യോന്നി,പനിക്കൂര്ക്ക ഇവയുടെ സ്വരസവും പച്ചമഞ്ഞളും ചേര്ത്ത് കാച്ചിയ വെളിച്ചെണ്ണ കുട്ടികളുടെ മുടിയഴകും ശരീരബലവും കൂട്ടും. ജലദോഷം വരാതിരിക്കുകയും ചെയ്യും.
അവസാനം പരിഷ്കരിച്ചത് : 2/15/2020