പൊതുവിവരങ്ങൾ
കുരുമുളക് കൃഷിയുമായി ബന്ധപ്പെട്ട പൊതുവിവരങ്ങള്
കുരുമുളക് കൃഷിയുടെ ഉത്ഭവം
കേരളത്തിൽ പശ്ചിമ ഘട്ട മലനിരകളാണ്‌ കുരുമുളകിന്റെ ജൻമസ്ഥലം. ഇതിപ്പോഴും വന്യ ഇനമായി കൃഷിചെയ്യുന്ന ഇനങ്ങൾ പശ്ചിമ ഘട്ട മലനിരകളിലുണ്ട്‌ എന്നതുകൊണ്ട്‌ കുരുമുളകിന്റെ ഉത്ഭവകേന്ദ്രം ഇവിടെത്തന്നെയെന്ന്‌ പറയാം. ഇന്ത്യയിൽ നിന്ന്‌ ദേശാന്തരഗമനം നടത്തിയ ജനങ്ങൾ കുരുമുളക് വള്ളി മുറിച്ചെടുത്ത്‌ ഇന്തോനേഷ്യ തുടങ്ങി തെക്കുകിഴക്കൻ ഏഷ്യയിലേക്ക്‌ പ്രചരിച്ചതാണെന്നു കരുതാം.
ചരിത്രം
കറുത്തപൊന്ന്‌ സുഗന്ധ വ്യജ്ഞനത്തിന്റെ രാജാവ്‌ എന്നിങ്ങനെയുള്ള കുരുമുളകിന്റെ പേരുകൾ ലോകത്ത്‌ കുരുമുളകിന്റെ സ്വീകാര്യതയെയാണ്‌ കാണിക്കുന്നത്‌. പശ്ചിമഘട്ടത്തിലെ ഒരു സസ്യം എന്ന നിലയിൽ ഇന്ത്യയിലെ അനേകം ഔഷധക്കൂട്ടുകളിൽ ഒരു ഘടകമാണ്‌ കുരുമുളക്. കായ്‌ കുല എന്നർത്ഥമുള്ള പിപ്പലി എന്ന സംസ്കൃത പദത്തിൽ നിന്നാണ്‌ പെപ്പർ എന്ന പദം ഉണ്ടായിട്ടുള്ളത്‌.
വിതരണം
സുഗന്ധവ്യജ്ഞന വ്യാപാരത്തിലെ ഏറ്റവും പ്രാചീനമായ ഒരു ഉത്പന്നമായിരുന്നു കുരുമുക്‌. 4000 വർഷം മുൻപ്‌ ഇഞ്ചിക്കൊപ്പം തെക്കേ ഏഷ്യയിൽ നിന്ന്‌ കയറ്റുമതി ചെയ്തിരുന്ന ഒരു ചരിത്രമാണ്‌ കുരുമുളകിനുള്ളത്‌. കുരുമുളകിന്റെ വന്യഇനങ്ങൾ വളർന്നിരുന്ന തെക്കുപടിഞ്ഞാറൻ ഇന്ത്യയിലായിരുന്നു. കുരുമുളകിന്റെ പ്രധാന വ്യാപാരകേന്ദ്രങ്ങളും തുറമുഖങ്ങളും ഇന്ത്യയെ കൂടാതെ ഇന്തോനേഷ്യ, മലേഷ്യ, തായ്‌ലാണ്ട്‌, ട്രോപിക്കൽ ആഫ്രിക്ക, ബ്രസീൽ, ശ്രീലങ്ക, വിയറ്റ്നാം, ചൈന എന്നിവിടങ്ങളിലും കുരുമുളക് ധാരാളം കൃഷിചെയ്യുന്നു.
സസ്യശാസ്ത്രപരമായ സവിശേഷത
വേര്‌
പിപ്പർ നൈഗ്രാം എന്ന ശാസ്ത്രീയ നാമമുള്ള കുരുമുളക് പിപ്പറേസിയേ സസ്യ കുടുംബത്തിലെ ഒരംഗമാണ്‌. പടർന്നു കയറുന്ന ഒരു വള്ളിച്ചെടിയാണിത്‌.
വള്ളി
ഇടമുട്ടുകളോട്‌ കൂടിയ ശാഖകളുള്ള മിനുസമേറിയ തണ്ടാണ്‌ കുരുമുളകിനുള്ളത്‌. മണ്ണിനു മുകളിൽ വളരുന്ന വേരുകൾ ഉപയോഗിച്ച്‌ 10 മീറ്ററോളം ഉയരത്തിൽ പടരുന്നു. കുരുമുളകിന്‌ മൂന്ന്‌ തരത്തിലുള്ള മുളകൾ വളരുന്നു. നീളത്തിലുള്ള ഇടമുട്ടുകളോടുകൂടിയ കൂമ്പ്‌ തണ്ടുകളിൽ വളരുന്ന ചെറുവേരുകളുള്ളവ താങ്ങുചെടിയിൽ പിടിക്കാൻ ഉപയോഗിക്കുന്നു.
കടക്കൽ നിന്നു വളരുന്ന ഓരോ ഇടമുട്ടിലും വേരുകളുള്ളവ പാർശ്ചത്തിലേക്കു വളരുന്നവ- ഇവയിലാണ്‌ കുരുമുളകുതിരികൾ ഉണ്ടാകുന്നത്‌.
ഇലകൾ
തണ്ടിൽ ഒന്നിടവിട്ട്‌ വ്യന്യസിച്ചിരിക്കുന്നു. ബദാംകായയുടെ ആകൃതിയിലുള്ള ഇലകൾ അറ്റം ഉള്ളിലേക്ക്‌ വളഞ്ഞിരിക്കുന്നു. തിളങ്ങുന്ന കടും പച്ചനിറമുള്ള മുകൾ ഭാഗവും വിളറിയ പച്ചനിറത്തോടെയും അടിഭാഗവുമാണ്‌ ഇലകൾക്കുള്ളത്‌.
പൂക്കൾ
പൂക്കളുണ്ടാകുന്ന മുളകളിൽ കുലയായി 50-15 വരെ, വെളുത്ത വിളറിയ പച്ചനിറത്തോടെ പൂക്കൾ ഉണ്ടാകുന്നു.
കായ്കൾ
പൂങ്കുല ഉരുണ്ട കായ്കളോടുകൂടിയ തിരികളായി വികസിക്കുന്നു. ഓരോ തിരിയിലും 50-60 കായകൾ ഉണ്ടാവാം. 4-6 മില്ലിമീറ്റർ വ്യാസത്തിൽ വളരുന്ന ഒരു കായ്ക്കകത്ത്‌ ഒരു വിത്താണുണ്ടാവുക. പച്ചനിറത്തിലുള്ള കായ്കൾ പഴുക്കുമ്പോൾ ചുമക്കുന്നു. ഈ കായകൾ പച്ചനിറത്തിൽ തന്നെല്ല, പഴുക്കുമ്പോഴോ പറിച്ചെടുത്ത്‌ കറുത്തതോ വെളുത്തതോ ആയ കുരുമുളകുണ്ടാകുന്നു. കത്തലോടുകൂടിയ ഇക്ഷാരുചിയും തുളച്ചു കയറുന്നു സുഗന്ധവുമാണ്‌ കുരുമുകൾ മണികൾക്ക്‌.
മണ്ണും കാലാവസ്ഥയും
കാലാവസ്ഥ
ധാരാളം മഴയും ചൂടുമുള്ള ഉഷ്ണ മേഖല പ്രദേശമാണ്‌ കുരുമുളകിന്റെ വളർച്ചക്കാവശ്യം. ചൂടും ഈർപ്പവുമുള്ള കാലാവസ്ഥയിൽ പശ്ചിമ ഘട്ടത്തിന്റെ താഴ്‌വര പ്രദേശങ്ങളാണ്‌ കുരുമുളക് കൃഷിക്കനുയോജ്യം. സമുദ്ര നിരപ്പിൽ നിന്ന്‌ 1500 അടി ഉയരത്തിൽ 20 ഡിഗ്രിയിൽ വടക്കും 20 ഡിഗ്രിയിൽ തെക്കും അക്ഷാംശങ്ങൾക്കിടയിലാണ്‌ കുരുമുളക് വിജയകരമായി വളരുന്നത്‌. 10 ഡിഗ്രി,സെൽഷ്യസിനും 40 ഡിഗ്രിസെൽഷ്യസിനും ഇടയിൽ ചൂടുതാങ്ങാനുള്ള ശേഷി ഈ വിളക്കുണ്ട്‌. 125-200 നു മിടയിൽ വാർഷ മഴ ലഭ്യതയാണ്‌ കുരുമുളകിന്‌ അനുയോജ്യം. 45-6.5 നു മിടയിൽ പി.എച്ച്‌. മൂല്യമുള്ള ഏതു തരം മണ്ണിലും കുരുമുളക് വളർത്തുന്നുണ്ടെങ്കിലും ചെമ്മണ്ണാണ്‌ (ചെങ്കൽ മണ്ണ്‌) സ്വാഭാവികമായ ആവാസവ്യവസ്ഥ.
മഴ
വാർഷിക മഴ ലഭ്യത 250 സെ.മി ആകുന്നതാണ്‌ കുരുമുളകിന്റെ ശരിയായ വളർച്ചക്ക്‌ ഏറ്റവും അനുയോജ്യം. മഴലഭ്യത കുറഞ്ഞ പ്രദേശങ്ങളിലും കുരുമുളക് വളർന്നു കാണുന്നുണ്ട്‌. 20 ദിവസത്തിൽ 70 മില്ലിമീറ്റർ മഴ, ചെടി തിടം വക്കാനും പൂവിടാനും മതിയാകും. പൂവിട്ടു തുടങ്ങിയാൽ പിന്നെ അത്‌ തുടർന്ന്‌ കൊള്ളും ശക്തിയായ മഴ കുരുമുളകു മണികൾ വികസിക്കുന്ന സമയത്ത്‌ ലഭിച്ചില്ലങ്കിലും കുറച്ചു ദിവസത്തേക്കായാൽ പോലും ഈ സമയത്ത്‌ അൽപം വരൾച്ച ബാധിച്ചാൽ അത്‌ ഉത്പാദനത്തെ സാരമായി ബാധിക്കും. നീണ്ടുനിൽക്കുന്ന വരൾച്ച ചെടിയുടെ വളർച്ചയേയും ബാധിക്കും.
മണ്ണ്‌
ഇളക്കമുള്ള നീർവാർച്ചയുള്ള ധാരാളം ജൈവാംശമുള്ള മണ്ണാണ്‌ കുരുമുളകിനാവശ്യം. മണ്ണിൽ വെള്ളമില്ലാതാകുന്ന അവസ്ഥ വളരെ കുറഞ്ഞ ദിവസത്തേക്കാണെങ്കിലും ചെടിക്ക്‌ വളരെ ഹാനികരമാണ്‌.നീർവാർച്ചക്ക്‌ സൗകര്യമില്ലാത്ത പ്രദേശങ്ങൾ നിർബന്ധമായും ഒഴിവാക്കണം.
പരമ്പരാഗത അറിവുകൾ
മണ്ണും കാലാവസ്ഥയും സംബന്ധിച്ച്‌
- കുരുമുളക് തോട്ടത്തിൽ ഇഞ്ചി, മഞ്ഞൾ, കച്ചോലം എന്നിവ കൃഷിചെയ്യുന്നത്‌ കുരുമുളകിന്റെ വിളവ്‌ വർദ്ധിപ്പിക്കും.
കൃഷിയുമായി ബന്ധപ്പെട്ടത്‌
- മാതൃ സസ്യത്തിൽ നിന്നും വേർപെടുത്താതെ തന്നെ കുരുമുളക് വേറൊരു താങ്ങുചെടിയിൽ വളർത്തി 2-3 വർഷത്തിനു ശേഷം മാതൃസസ്യത്തിൽ വേർപെടുത്തിയാൽ അതിജീവനശേഷി കൂടും.
സസ്യസംരക്ഷണവും ആയി ബന്ധപ്പെട്ടത്‌
- തടത്തിലും ഒരു മീറ്റർ ഉയരത്തിൽ ചെടിയിലും കുമ്മായം തൂവിയാൽ രോഗങ്ങളെ ചെറുക്കാം.
- ചെറിയ കല്ലുകൾ വേരുകളുടെ ഭാഗത്ത്‌ വച്ചാൽ ഫൈറ്റോഫ്ത്തോറമൂലമുള്ള ചീയൽ ചെറുക്കാം.
വിളവെടുപ്പും സംഭരണവും സംബന്ധിച്ച്‌
- കുരുമുളക് ഒരു മിനിട്ട്‌ തിളച്ച വെള്ളത്തിൽ മുക്കിയാൽ നിറവും അതുവഴി വിപണി
മൂല്യവും വർധിക്കും.
- പറിച്ചെടുത്ത കുരുമുളക് തിരികൾ ഒരു ദിവസം വെയിലത്തിട്ടാൽ മണികൾ വേർപ്പെടുത്തിയെടുക്കുന്നത്‌ ( മെതിക്കുന്നത്‌) എളുപ്പമാകും.
പ്രാധാന്യവും ഉപയോഗവും
സാമ്പത്തിക പ്രാധാന്യം
സുഗന്ധ വ്യജ്ഞനങ്ങളുടെ രാജാവ്‌ എന്നറിയപ്പെടുന്ന കുരുമുളക‍ാണ്‌ ലോകത്തെ ഏറ്റവും വിലപിടിച്ചതും അമൂല്യവും ആയ സുഗന്ധ വ്യജ്ഞനം. ഭക്ഷണത്തിൽ ചേർക്കുന്ന സുഗന്ധ വ്യജ്ഞനം എന്ന നിലയിൽ കുരുമുളക് മൂന്നാം സ്ഥാനത്താണ്‌ . ചൈനയും വിയറ്റ്നാമും കഴിഞ്ഞാൽ ഏറ്റവും അധികം കുരുമുളക് ഉത്പാദിപ്പിക്കുന്നത്‌ ഇന്ത്യയിലാണ്‌. ഇന്ത്യയുടെ അന്തർദേശീയ വ്യാപാരത്തിൽ കുരുമുളകിന്‌ പ്രമുഖസ്ഥാനമാണുള്ളത്‌. യൂറോപ്യൻമാർ ഇന്ത്യയിൽ വന്നതു തന്നെ കുരുമുളകിനു വേണ്ടിയാണ്‌ എന്നാണ്‌ ചരിത്ര മതം. അന്തർദേശീയ തലത്തിൽ വളരെയധികം ഇനം കുരുമുളക് വിൽക്കപ്പെടുന്നു. കുരുമുളക് കയറ്റുമതി ചെയ്യുന്ന ആദ്യ അഞ്ചു രാജ്യങ്ങളിലൊന്നാണ്‌ (വിയറ്റ്നാം ഇൻഡോനേഷ്യ) ഇന്ത്യ.
പോഷക ഗുണ പ്രാധാന്യം
കുരുമുളക് മാഠഗനിസിന്റെ ഒരു നല്ല ഉറവിടമാണ്‌. അയേൺ, വിറ്റാമിൻ കെ, എന്നിവയുടെയും ഭക്ഷ്യ നാരുകളുടെ ഒരു നല്ല ഉറവിടവുമാണ്‌. കുരുമുളക് സാധാരണ ഗതിയിൽ അലർജി ഉണ്ടാക്കുന്നതായി കണ്ടെത്തിയിട്ടില്ല. ഗോയിറ്ററോജിൻ, ഓക്സലേറ്റ്‌ പ്യൂമിൻ എന്നിവയൊന്നും തന്നെ കുരുമുളകിൽ അടങ്ങിയിട്ടില്ല എന്നാണ്‌ ഷോപ്പേഴ്സ്‌ ഗൈഡ്‌ & പെസ്റ്റി സൈഡ്‌ എന്ന ഗ്രൂപ്പ്സ്‌ റിപ്പോർട്ടിൽ (2009 ) പറയുന്നു.
ഔഷധഗുണം
കുരുമുളക് (ജലു‍ുലൃ ഴൃമാ) നാവിലെത്തുമ്പോൾ ടേസ്റ്റ്‌ ബഡ്‌ (രുചിമുകുളങ്ങൾ) ആമാശയത്തിലെത്തിക്കുന്ന സന്ദേശം വഴി ആമാശയത്തിൽ ഹൈഡ്രോക്ളോറിക്‌ ആസിഡിന്റെ സ്രവം വർദ്ധിക്കുന്നു. ഇത്‌ ദഹനത്തെ ത്വരിതപെടുത്തുന്നു. പ്രോട്ടീൻ ഉൾപ്പെടുന്ന ഭക്ഷ്യവസ്തുക്കളിലെ ഘടകങ്ങൾ ദഹിപ്പിക്കുന്നതിനെ ഹൈഡ്രോക്ളോറിക്‌ അത്യാവശ്യമാണ്‌. ഹൈഡ്രൊക്ളോറിക്‌ ആസിഡിന്റെ ഉത്പാദനം ശരീരത്തിൽ കുറഞ്ഞാൽ ഭക്ഷ്യവസ്തുക്കൾ ആമാശയത്തിൽ അധികം സമയം ഇരിക്കുകയും നെഞ്ചെരിച്ചിൽ അഥവാ ദഹനക്കേട്‌ ഉണ്ടാവുകയും ചെയ്യും. അല്ലങ്കിൽ അത്‌ കുടലിലേക്ക്‌ കടന്ന്‌ ഉപദ്രവകാരിയായ ഗട്ട്‌ ബാക്ടീരിയയുടെ പ്രവർത്തനം ഉണ്ടാവുകയും ഗ്യാസ്‌, വയറുകടി, മലബന്ധം മറ്റു അസ്വസ്ഥതകൾ എന്നിവയുണ്ടാക്കുന്നു.
വയറ്റിൽ (കുടലിന്റെ) ഗ്യാസ്‌ ഉണ്ടാകുന്നത്‌ തടയാനുള്ള കുരുമുളകിന്റെ ശേഷി കാലങ്ങൾക്കുമുൻപേ തെളിയിക്കപെട്ടതാണ്‌. ഹൈഡ്രോക്ളോറിക്‌ ആസ്ഡിന്റെ ഉത്പാദനം ത്വരിതപെടുത്തുന്നതു വഴിയുള്ള മേൻമ, വിയർപ്പ്‌ വർധിപ്പിക്കുന്നു. മൂത്രത്തിന്റെ അളവ്‌ കൂട്ടുന്നു. ഇതെല്ലാം കുരുമുളകിന്റെ മേ?യാണ്‌.
കുരുമുളക് ഒരു നല്ല ആന്റി ഓക്സീഡന്റായും ആന്റീബാക്ടീരിയൽ ഏജന്റായും പ്രവർത്തിക്കുന്നു എന്ന്‌ മാത്രമല്ല ദഹനേന്ദ്രിയ വ്യൂഹത്തിന്റെ ആരോഗ്യം മെച്ചപെടുത്തുന്നു. ഭക്ഷണത്തിലൂടെ മാത്രമല്ല കുരുമുളക് ഗുണം ചെയ്യുന്നത്‌. കുരുമുളക് കോണിന്റെ പുറംതോട്‌ കൊഴുപ്പിനെ വിഘടിപ്പിച്ച്‌ വണ്ണം കുറക്കുന്നു.
മറ്റു പലവിധ ഉപയോഗങ്ങൾ
കുരുമുളകിന്റെ രുചിയും മണവും മൂലം ഭക്ഷണത്തിലെ ഒരു പ്രധാന ഘടകമാണ്‌
ആരോഗ്യകാര്യത്തിൽ കുരുമുളകിനുള്ള സ്വാധീനം അത്‌ പല പരമ്പരാഗത ഔഷധകൂട്ടുകളിലും ആയൂർവ്വേദ, സിദ്ധ, യൂനാനി ഒഴിവാക്കാനാവാത്ത ഘടകമായിത്തീർന്നു.
കുരുമുളക് ആന്റി ഓക്സീഡന്റായും ആന്റീ ഡിപ്രസന്റായും പ്രവർത്തിച്ച്‌ ഒരളവു വരെ കൊളസ്ട്രോൾ കുറക്കും
കുരുമുളകിൽ അടങ്ങിയിട്ടുള്ള എസ്സൻഷ്യൽ ഓയിൽ പേശിവേദന, പനി എന്നിവ കുറക്കുകയും രക്ത ചംക്രമണം ത്വരിതപെടുത്തുകയും ചെയ്യും.
കീടങ്ങളെ തുരത്തും നാലിലൊന്ന്‌ വെള്ളം ചേർത്ത്‌ പ്രയോഗിച്ചാൽ എലി തുടങ്ങി കരണ്ടുതിന്നുന്ന ജീവികളേയും ഉറുമ്പ്‌ തുടങ്ങീ കീടങ്ങളും നശിക്കും
നടീല് പ്രവര്ത്തനങ്ങള്
കുരുമുളക് കൃഷിയുടെ നടീല് പ്രവര്ത്തനങ്ങള്
വേരുപിടിപ്പിച്ച കുരുമുളക് വള്ളികളുടെ ഉത്പാദനം
നടീലിനുള്ള വള്ളികൾ
ഉത്പാദനക്ഷമമായ ആരോഗ്യമുള്ള, ഊർജ്ജ്വസ്വലമായ, വള്ളികളിൽ നിന്നാവണം നടീലിനുള്ള വള്ളികൾ ശേഖരിക്കേണ്ടത്‌. ഇടമുട്ടിൽ ധാരാളം വേരുകളുള്ള 29 ഇഞ്ച്‌ നീളത്തിൽ വള്ളികൾ മുറിക്കുക. പടർന്നുകയറുന്ന വള്ളികളിൽ നിന്നുവേണം നടീൽ വസ്തു. തിരിയുണ്ടാകുന്ന ശാഖകൾ വളർത്തിയാൽ ചിലപ്പോൾ കുറ്റി സ്വാഭാവം ഉണ്ടാകാം. എന്നാലും കുറ്റി കുരുമുളക് തൈ പിടിപ്പിക്കാൻ ഇതാണ്‌ ഉപയോഗിക്കുന്നത്‌.
പരമ്പരാഗതരീതി
ഉത്പാദനക്ഷമത കൂടിയ, ആരോഗ്യമുള്ള വള്ളികളിൽ നിന്നു പടരുന്ന മുളകൾ കടക്കൽ മരവടികൾ ഉറപ്പിച്ച്‌ ചുറ്റിവക്കുന്നു. ഫെബ്രുവരി - മാർച്ച്‌ മാസങ്ങളിൽ ഇത്‌ മുറിച്ചെടുത്ത്‌ ഇലകൾ വെട്ടികളഞ്ഞ്‌ പോളിത്തീൻ ബാഗുകളിലോ ഞാറ്റടികളിലോ നട്ട്‌ ഇടക്കിടക്ക്‌ നനച്ച്‌ വേരു പിടിപ്പിക്കുന്നു. ഇങ്ങിനെ ചെയ്യുന്ന തൈകൾ മെയ്‌ -ജൂൺ മാസങ്ങളിൽ നടാൻ കഴിയുന്നു.
റാപ്പിഡ്‌ മൾട്ടിപ്ളിക്കേഷൻ മെതേഡ്‌ (അതിവേഗം വർദ്ധിക്കുന്ന രീതി)
വളരെ ഫലപ്രദമായ ഒരു രീതിയാണിത്‌. ഇന്ത്യയിൽ നിന്ന്‌ സ്വീകരിച്ച്‌ ശ്രീലങ്കയിൽ നവീകരിക്കപ്പെട്ടതാണ്‌ ഈ രീതി. 45 സെ.മി ആഴത്തിലും 30 സെ.മി വീതിയിലും സൗകര്യപ്രദമായ നീളത്തിൽ ചാലുകൾ കീറുന്നു. വേരു പിടിക്കാനാവശ്യമായ വസ്തുക്കൾ വനമണ്ണ്‌ (?), മണൽ ഫാംയാർഡ്മാന്വർ എന്നിവ 1:1:1 എന്ന അനുപാതത്തിൽ നിറക്കുന്നു.1.25-1.50 മീറ്റർനീളത്തിൽ 8-10 മീറ്റർ വ്യാസത്തിലുള്ള പി.വി.സി പൈപ്പുകളോ, മുളയുടെ മുറിച്ചെടുത്ത തണ്ടുകളോ 30സെ.മി അകലത്തിൽ 45 ഡിഗ്രി ചരിവിൽ താങ്ങായി വച്ച്‌ കൊടുക്കുക.
വേരു പിടിപ്പിച്ച തണ്ടുകൾ ചാലുകളിൽ ഒരു മുളം തണ്ടിൽ ഒന്ന്‌ എന്ന ക്രമത്തിൽ നടുന്നു. മുളം തണ്ടിന്റെ അടിഭാഗം വേരു പിടിക്കാൻ ആവശ്യമായ മിശ്രിതം നിറക്കുക. ( ചകിരിച്ചോറും ഫായാർഡ്മാന്വറും 1.1 എന്ന അനുപാതത്തിൽ) വളരുന്ന കുരുമുളകു വള്ളി വാഴനാരുപയോഗിച്ച്‌ നോഡുകൾ വേരുപിടിപ്പിക്കുന്ന മിശ്രിതത്തിൽ തൊട്ടിരിക്കുന്ന രീതിയിൽ കെട്ടിവയ്ക്കുന്നു. പതിവായി ജലസേചനം നടത്തുന്നു. തണ്ടുകൾ വളരുന്നതനുസരിച്ച്‌ വേരുപിടിപ്പിക്കുന്ന മിശ്രിതം കൊണ്ട്‌ മുളം തണ്ട്‌ നിറക്കുന്നു. 1 കി.ഗ്രാം യൂറിയ, 0.75 കി.ഗ്രാം സൂപ്പർ ഫോസ്ഫേറ്റ്‌, 0.5കി.ഗ്രാം മുറേറ്റ്‌ ഓഫ്‌ പൊട്ടാഷ്‌, 0.25കി.ഗ്രാം മാഗ്നീഷ്യം സൾഫേറ്റ്‌ എന്നിവ 250 ലിറ്റർ വെള്ളത്തിൽ കലക്കി 0.25 ലിറ്റർ ഒരു തണ്ടിന്‌ എന്ന ക്രമത്തിൽ മാസത്തിലൊരിക്കൽ ചേർത്തു കൊടുക്കുന്നു. മൂന്നോ -നാലോ മാസം കഴിയുമ്പോഴത്തേക്കും കുരുമുളകു വള്ളിയിൽ വളർന്നു മുകളിലെത്തും.
മുറിച്ചെടുത്ത ഓരോ തണ്ടും ഫ്യൂമിഗേറ്റഡ്‌ പോട്ടിംങ്ങ്‌ മിശ്രിതം നിറച്ച പോളിത്തീൻ ബാഗുകളിൽ നടുന്നു. ട്രൈക്കോഡെർമ 1 ഗ്രാം വി.എ.എം 100 ലിറ്റർ വെള്ളത്തിൽ 1കി.ഗ്രാം മണ്ണിൽ ചേർത്ത്‌ മിശ്രിതത്തിൽ ഇട്ടു കൊടുക്കുന്നു. ആക്സിൽ മണ്ണിനു മുകളിലായിരിക്കാൻ ശ്രദ്ധിക്കണം.
പോളിത്തീൻ ബാഗുകൾ തണുത്ത ഈർപ്പമുള്ള സ്ഥലത്ത്‌ വക്കുന്നു. 200 ഗേജിന്റെ പോളിത്തീൻ ഷീറ്റ്‌ വച്ച്‌ മൂടി ഈർപ്പം നിലനിർത്തുന്നു. 3 ആഴ്ചയാവുമ്പോഴേക്കും കുരുമുളക് വള്ളി വളർന്നു തുടങ്ങുന്നു. അപ്പോൾ മൂടിയിരിക്കുന്ന പോളിത്തീൻ ബാഗ്‌ മാറ്റി തണലിൽ സൂക്ഷിക്കുന്നു. ഈ വീതിയുടെ മേ? എന്നു പറയുന്നത്‌ ഒരേ സമയം വളരെയധികം വേരുപിടിപ്പിച്ച തൈകൾ ഉണ്ടാക്കിയെടുക്കാൻ (1:40) കഴിയുന്നു. എന്നതും ധാരാളം വേരുപിടിച്ച തൈകളുമാണ്‌ ഈ തൈകൾ കൃഷിയിടത്തിൽ അതിവേഗം ഊർജ്ജ്വസ്വലമായി വളരുന്നു.
ചാലുരീതി
ലളിതവും, ചിലവുകുറഞ്ഞതും എന്നാൽ ഫലപ്രദവും ആയ ഒരു രീതിയാണിത്‌. കൃഷിയിടത്തിൽ വളരുന്ന കുരുമുളക് വള്ളികളിൽ നിന്നും പടരുന്ന മുളകൾ ശേഖരിച്ച്‌ വേരു പിടിപ്പിക്കുന്ന ഒരു രീതിയാണിത്‌. തണുപ്പും തണലുമുള്ള സ്ഥലത്ത്‌ 2 മീ ഃ 1 മീ ഃ 0.5 മീ വലുപ്പത്തിൽ കുഴികൾ എടുക്കുക. 8-10 സെ.മി നീളമുള്ള ഒറ്റ ഒറ്റമുട്ടുകൾ ഇലകൂമ്പോടെ പടരുന്ന മുകളിൽ നിന്നും ശേഖരിച്ച്‌ പോളിത്തീൻ ബാഗിൽ നടുന്നു. 25 സെമി ഃ 15 സെ.മി വലുപ്പമുള്ള 200 ഗേജിന്റെ പോളിത്തീൻ കവറുകൾ എടുത്ത്‌ അതിൽ പകുതിയോളം മണ്ണും മണലും ചകിരിച്ചോറും പശുവിൻ ചാണകവും ചേർത്ത മിശ്രിതം നിറക്കണം. ഇലക്കവിൾ മണ്ണിനു മുകളിൽ വരത്തക്ക വിധം വേണം. നടേണ്ടത്‌. നടീൽ നടത്തിയ പോളിത്തീൻ ബാഗുകൾ കുഴികളിൽ നിരത്തിവക്കുന്നു. അതിനു ശേഷം ഒരു പോളിത്തീൻ ഷീറ്റെടുത്ത്‌ കുഴിമൂടുന്നു. തണ്ടുകൾ ഒരു ദിവസം അഞ്ചു പ്രാവശ്യമെങ്കിലും നനച്ചു കൊടുക്കണം. നനച്ചതിനുശേഷം ഉടനെ തന്നെ ഷീറ്റെടുത്ത്‌ കുഴിമൂടണം. രണ്ടോ മൂന്നോ തവണ കോപ്പറോക്സിക്ളോറൈഡ്‌ ലായനി ഉപയോഗിച്ച്‌ നട്ട തണ്ടുകൾ നനച്ചുകൊടുക്കേണ്ടതുണ്ട്‌. രണ്ടോ മൂന്നോ ആഴ്ചക്കുള്ളിൽ തണ്ടുകൾ വേരുപിടിക്കുന്നു. അത്‌ പോളിത്തീൻ ബാഗിലൂടെ കാണാൻ കഴിയുന്നു. വേരു പിടിച്ചു തുടങ്ങിയാൽ നനയുടെ ആവൃത്തി കുറക്കാം. ഒരു മാസത്തിനു ശേഷം ഇലക്കവിളിൽ നിന്നും പുതിയ മുളകൾ ഉണ്ടാവാൻ തുടങ്ങുന്നു. ഈ ഘട്ടത്തിൽ ഒരു മണിക്കൂർ സമയത്തേക്ക്‌ കുഴിമൂടിയിരിക്കുന്ന പോളിത്തീൻ ഷീറ്റ്‌ എടുത്ത്‌ മാറ്റാവുന്നതാണ്‌. രണ്ടുമാസം കഴിയുമ്പോൾ തൈകൾ കുഴികളിൽ നിന്നും പുറത്തെടുത്ത്‌ തണലിൽ വച്ച്‌ ദിവസത്തിൽ രണ്ടുനേരവും നനച്ചുകൊടുക്കുന്നു. ( ഈ സമയത്ത്‌ പോഷകങ്ങളടങ്ങിയ ലായനി ഇലകളിൽ തളിച്ചു കൊടുക്കുന്നത്‌ നല്ലതാണ്‌. വേരുപിടിപ്പിച്ച ഈ തൈകൾ 2 1/2 മാസങ്ങൾക്കു ശേഷം കൃഷിയിടത്തിൽ നടാവുന്നതാണ്‌. ഈ രീതി 80-85 % വിജയകരമെന്ന്‌ കണ്ടെത്തിയിട്ടുണ്ട്‌.
സെർപെൻറ്റൈൻ രീതി
കുരുമുളകിന്റെ വേരുപിടിപ്പിച്ച തൈകൾ ഉണ്ടാക്കുന്നതിനുള്ള താരതമ്യേന ചിലവു കുറഞ്ഞ രീതിയാണിത്‌. ഷീറ്റോ നെറ്റോ ഉപയോഗിച്ച്‌ മേൽക്കുരകെട്ടിയ നഴ്സറി ഷെഡുകളിൽ വേരുപിടിപ്പിച്ച കുരുമുളകുതൈകൾ ഉണ്ടാക്കുന്ന രീതിയാണിത്‌. 500 ഗ്രാം പോട്ടിംങ്ങ്‌ മിശ്രിതം നിറച്ച പോളിത്തീൻ ബാഗുകളിൽ മുറിച്ചെടുത്ത കുരുമുളകുവള്ളികൾ നടുന്ന രീതിയാണിത്‌. വളർന്ന്‌ പുതിയ നോഡുകൾ ഉത്പാദിപ്പിച്ചു തുടങ്ങുമ്പോൾ പോളിത്തീൻ ബാഗിൽ പോട്ടിംങ്ങ്‌ മിശ്രിതം നിറച്ചു കൊടുക്കണം. ഇത്‌ മാതൃസസ്യം എന്നപോലെ വളരുന്ന ചെടിക്ക്‌ പോഷണങ്ങൾ നൽകും. ഓരോ നോഡിനുമടിയിൽ പോട്ടിങ്ങ്‌ മിശ്രിതം വച്ചു കൊടുക്കണം. തെങ്ങോലകൾ മുറിച്ചെടുത്ത്‌ ഇതിന്‌ ഉപയോഗിക്കാം. ഒരോ നോഡും ശ്രാദ്ധാപൂർവ്വം മിശ്രിതത്തിൽ അമർത്തിവക്കണം. ഓരോ നോഡിലും വേരു പിടിക്കാൻ തുടങ്ങുന്നു. ഇങ്ങിനെ വേരു പിടിക്കുന്ന നോഡിന്റെ താഴെ വച്ച്‌ മുറിച്ചെടുക്കാം. മൂന്നു മാസം കൊണ്ട്‌ 10 നോഡുകൾ നന്നായി വേരുപിടിച്ചിരിക്കും. ഇത്‌ മുറിച്ചെടുക്കാൻ പാകത്തിലാവും. ഓരോ നോഡും വേരുവന്ന ഭാഗത്തിനു തൊട്ടു താഴെ വച്ചു മുറിച്ച്‌ വീണ്ടും മിശ്രിതത്തിൽ താഴ്ത്തിവക്കുക. ഇത്‌ കൂടുതൽ വേരുപിടിക്കാൻ സഹായിക്കും. പോളിത്തീൻ ബാഗ്‌ സോളറൈഡ്സ്‌ പോട്ടിങ്ങ്‌ മിശ്രിതം മണ്ണ്‌, ഗ്രാനൈറ്റ്‌ പൗഡർ ഇവയിലേതെങ്കിലും നിറച്ച്‌ ഫാംയാർഡ്മാന്വറും 2:2:1 എന്ന അനുപാതത്തിൽ പോളിത്തീൻ ബാഗിൽ ഇട്ടുകൊടുക്കുന്നത്‌. രോഗവിമുക്തമായ തൈകൾ ഉണ്ടാവാൻ സഹായിക്കും. വേരുപിടിപ്പിച്ച തൈകളിൽ ഒരാഴ്ചക്കുള്ളിൽ തന്നെ പുതു മുളകൾ വരാൻ തുടങ്ങും. ഈ സമയം തൈകൾ 2-3 മാസം കൊണ്ട്‌ കൃഷിയിടത്തിലേക്ക്‌ മാറ്റിനടാവുന്നതാണ്‌. ഈ സമയത്ത്‌ ദിവസവും നനക്കേണ്ടതുണ്ട്‌. ഈ രീതിയിൽ ശരാശരി 60 തൈകൾ ഒരു മാതൃസസ്യത്തിൽ നിന്നും ഉത്പാദിപ്പിക്കാൻ കഴിയും.
നിലമൊരുക്കൽ
സ്ഥലം തിരഞ്ഞെടുപ്പ്‌
ചരിവുള്ള നിർവാർച്ചയുള്ള സ്ഥലമാണ്‌ കുരുമുളകിന്‌ അനുയോജ്യം. കഴിയുമെങ്കിൽ തെക്കോട്ട്‌ ചരിവുള്ള സ്ഥലം ഒഴിവാക്കണം.
താങ്ങുചെടികളുടെ നടീൽ
മൺസൂണിനു മുൻപുള്ള മഴലഭിക്കത്തക്കരീതിയിൽ ഏപ്രിൽ മെയ്‌ മാസത്തിലാണ്‌ താങ്ങുചെടികൾ നടേണ്ടത്‌. മുരിക്ക്‌ ( എറിത്രിന ഇൻഡിക്ക) കാരയം അല്ലങ്കിൽ കിള്ളിനുഗിൽ(ഗാരുഗ പിന്നേറ്റ) എയ്‌ലാൻന്തസ്‌ സ്വപീഷീസ്‌, സുബാബുൽ (ല്യൂ സീനിയ ല്യൂകോസെഫാല) എന്നിവ കുരുമുളക് വളർത്താൻ വളരെ അനുയോജ്യമാണ്‌. സമുദ്ര നിരപ്പിൽ നിന്നും വളരെ ഉയർന്ന പ്രദേശമാണെങ്കിൽ ഡാഡപ്‌ (ഇ. ലിത്തോസ്പെർമ), സിൽവർഓക്ക്‌ (ഗ്രിവില്ലിയ റോബസ്റ്റ്‌) എന്നിവ കുരുമുളകിന്‌ നല്ല താങ്ങുചെടികളാണ്‌.
സുബാബുലിന്റേയും സിൽവർ ഓക്കിന്റേയും തൈകൾ കുരുമുളക് നടുന്നതിന്‌ 2-3 വർഷം മുൻപേ നടേണ്ടതാണ്‌. താങ്ങു ചെടികളുടെ കമ്പുകൾ 40-50 സെ.മി ആഴത്തിലുള്ള കുഴികളുണ്ടാക്കി നടണം.
അകലം
3ഃ3 മീ സമതലത്തിലും, 2മീ അകലമുള്ള നിരയായി നല്ല ചരിവുള്ളിടത്തും നടാവുന്നതാണ്‌ താങ്ങുചെടികളുടെ ചുറ്റുമുള്ള മണ്ണ്‌ നന്നായി അമർത്തി ചെടി ചരിയാതെ സൂക്ഷിക്കണം.
കൃഷിയിടത്തിലെ നടീൽ
കുഴിയുണ്ടാക്കൽ
താങ്ങുസസ്യത്തിന്റെ കടക്കൽ നിന്നും 30 സെ.മി അകലത്തിൽ വടക്കുഭാഗത്തായി 50 സെ.മി വ്യാസമുള്ള കുഴികൾ മൺസൂൺ തുടങ്ങുന്നതിന്‌ മുൻപേ എടുക്കണം. കുഴികൾ മേൽമണ്ണും ഫാംയാർഡ്‌ മാന്വറും 5 കി.ഗ്രാം / കുഴിയൊന്നിന്‌ എന്നതോതിൽ 150 ഗ്രാം റോക്ക്‌ ഫോസ്ഫേറ്റും കൊണ്ട്‌ നിറക്കുക. നടീൽ സമയത്ത്‌ വേപ്പിൻപ്പിണ്ണാക്ക്‌ 1 കി.ഗ്രാം ട്രൈക്കോഡെർമ 50ഗ്രാം എന്നിവയും ചേർക്കണം.
കൃഷിയിടത്തിൽ നടീൽ
മൺസൂൺ ആരംഭത്തോടെ ഒരു കുഴിയിൽ 2-3 വേരുപിടിപ്പിച്ച തൈകൾ താങ്ങുചെടിയുടെ കടക്കൽ നിന്നും 30 സെ.മി അകലത്തിൽ വടക്കുഭാഗത്തായി നടുക. ഒരു നോഡ്‌ മണ്ണിനടിയിലാകുന്നത്‌ ചെടി നന്നായി മണ്ണിലുറപ്പിച്ചിരിക്കാൻ സഹായിക്കും. തൈയുടെ കടക്കൽ നന്നായി മണ്ണിട്ട്‌ കുനയാക്കി വെള്ളം കെട്ടിനിൽക്കുന്നത്‌ ഒഴിവാക്കണം. തൈകളുടെ വളരുന്ന ഭാഗം താങ്ങുചെടിയിൽ ചുറ്റി കെട്ടിവച്ചു കൊടുക്കണം.
പ്രാരംഭ സംരക്ഷണം.
ചെടി നല്ലവണ്ണം സൂര്യപ്രകാശം ഏൽക്കുന്ന ഭാഗത്താണെങ്കിൽ മഴലഭ്യത കുറഞ്ഞാൽ തണൽ കൊടുക്കണം. കുരുമുളക് തെങ്ങിലോ കവുങ്ങിലോ ആണ്‌ വളർത്തുന്നതെങ്കിൽ കടക്കൽ നിന്നും 1-1.5 മീറ്റർ അകലത്തിലാണ്‌ നടേണ്ടത്‌. ഒന്നോ രണ്ടോ വർഷത്തേക്ക്‌ താൽക്കാലിക താങ്ങിൽ കുരുമുളക് വള്ളി ചുറ്റിവക്കണം. ആവശ്യത്തിനു വളർച്ച ആയാൽ വള്ളികൾക്ക്‌ പരിക്കുപറ്റാതെ ഇതു മാറ്റി തെങ്ങിലോ കവുങ്ങിലോ ചുറ്റി കെട്ടിവച്ചുകൊടുക്കണം.
നടീലിനു ശേഷമുള്ള പരിചരണം
തണൽ നൽകൽ
കുരുമുളകുതൈകൾ തുറസ്സായ സ്ഥലങ്ങളിലാണെങ്കിൽ നിർബന്ധമായും തണൽ കൊടുക്കുകയും വേനൽ മാസങ്ങളിൽ തെങ്ങോല, കവുങ്ങിൻ പട്ട, മരക്കൊമ്പ്‌ എന്നിവ ഉപയോഗിച്ച്‌ മൂടിയിട‍ുകയും വേണം. കുരുമുളകിന്റെ കടക്കൽ പുതയിടുന്നത്‌ വേനൽ മാസങ്ങളിൽ വളരെ ഗുണം ചെയ്യും. ഈർച്ചപൊടി, അടക്കാതൊണ്ട്‌ ഉണങ്ങിയ ഇലകൾ എന്നിവ പുതയിടാൻ ഉപയോഗിക്കാം. ആവശ്യമില്ലാത്ത മുളകൾ മുറിച്ചു കളയാവുന്നതാണ്‌.
ഇടവിളകൾ
കുരുമുളക് തോട്ടത്തിൽ ഇഞ്ചി, മഞ്ഞൾ, ചേന ചേമ്പ്‌ എന്നിവ ഫലപ്രദമാണ്‌. കുരുമുളക് തോട്ടത്തിൽ വാഴകൃഷിചെയ്യുന്നത്‌ വിളവു കുറക്കുന്നതായി കണ്ടിട്ടുണ്ട്‌. കുരുമുളക് വള്ളികൾ മൂന്നോ നാലോ വർഷം ആകുന്നതുവരെ വാഴ കൃഷി ഒഴിവാക്കുന്നതാണ്‌ നല്ലത്‌. എന്നിരുന്നാലും വാഴ കുരുമുളകുതോട്ടത്തിൽ ആവശ്യത്തിന്‌ തണൽ നൽകും.
പുതവിളകൾ
കുരുമുളക് വൻതോതിൽ വളർത്തുന്ന കൃഷിയിടങ്ങളിൽ കാലപഗോണിയം മ്യുകനോയ്ഡ്സ്‌(?) പോലുള്ള വിളകൾ അഭികാമ്യമാണ്‌. അത്തരം സസ്യങ്ങൾ വളർത്തുമ്പോൾ സമയാ സമയത്തിന്‌ വെട്ടിയൊതുക്കിയില്ലെങ്കിൽ ഇവ കുരുമുളകുവള്ളിയോടൊപ്പം പടർന്നു കയറാൻ കാരണമാകും. ഒരു വർഷത്തെ വളർച്ചക്കുശേഷം വള്ളികൾ കുറക്കുന്നത്‌ പാർശ്വ മുളകളുടെ വളർച്ചക്കു സഹായിക്കും
ജൈവ കുരുമുളകിന്റെ ഉത്പാദനം
സ്ഥലം
കുരുമുളക് വളരുന്നത്‌ മറ്റ്‌ വിളകളുള്ള കാർഷിക സംവിധാനത്തിൽ ആണെങ്കിൽ എല്ലാ വിളകളും ജൈവ ഉത്പാദനരീതി പിൻതുടരേണ്ടതുണ്ട്‌. മൃഗ പരിപാലനവും ജൈവ തത്ത്വങ്ങൾ അനുസരച്ച്‌ വേണം പയറുവർഗ്ഗ ചെടികളുടെ ഒരു ആവരണം കൃഷിയിടത്തിൽ ഉണ്ടാകണം. അവ വെട്ടി വേനൽക്കാലത്ത്‌ പുതയിട്ട്‌ മണ്ണിലെ ഈർപ്പം സംരക്ഷിക്കണം. തണലും താങ്ങും നൽകുന്ന മരങ്ങൾ, പയറുവർഗ്ഗ ചെടികളും, പച്ചിലവള കുറ്റിച്ചെടികളും, വേപ്പ്‌ പോലുള്ള സസ്യ സംരക്ഷണ സഹായികൾ എന്നിവക്ക്‌ കൃഷിയിടത്തിൽ തന്നെയോ, തോട്ടത്തിന്റെ അതിരിലോ സ്ഥലം കണ്ടെത്തേണ്ടതുണ്ട്‌.
കാലാവസ്ഥ
പെപ്പർ നൈഗ്രാം എന്ന കുരുമുളകു ചെടിക്ക്‌ തണലും സൂര്യപ്രകാശവും ഒരു പോലെ ആവശ്യമാണ്‌. കുരുമുളകിന്റെ ശരിയായ വളർച്ചക്ക്‌ നല്ല നീർവാർച്ചയുള്ള പശിമയുള്ള ജൈവാംശമുള്ള മണ്ണും ചൂടും ഈർപ്പവുമുള്ള കാലാവസ്ഥയും അത്യാവശ്യമാണ്‌. മഴകിട്ടുന്ന ഉഷ്ണമേഖലാ പ്രദേശമാണ്‌ അഭികാമ്യം. മെയ്‌ ജൂൺ മാസത്തിലെ മഴ വിളവുകൂട്ടാനും കുരുമുളക് മണികളുടെ ശരിയായ വികാസത്തിനും ഗുണകരമാണ്‌. സാധാരണ തെക്കുപടിഞ്ഞാറൻ മൺസൂണിന്റെ ആരംഭത്തോടെ പൂവിട്ട്‌ നവംബർ - ഡിസംബർ മാസത്തോടെ വിളവെടുക്കുന്ന ഒരു വിളയാണിത്‌.
മണ്ണ്‌
എല്ലാ വിളകളുടേയും അവശിഷ്ടങ്ങൾ കംപോസ്റ്റ്‌ രൂപത്തിൽ പുനചംക്രമണം നടത്തി മണ്ണിൽ ചേർത്താൽ മണ്ണിന്റെ ഫലഭൂയിഷ്ടത ഉയർന്ന തോതിൽ വീണ്ടെടുക്കാൻ കഴിയും. മേൽമണ്ണും പോഷകഗുണവും ഒഴുകി നഷ്ടപെടാൻ സാധ്യതയുണ്ട്‌. ശരിയായ കാർഷിക രീതി ഉപയോഗിച്ച്‌ ഇത്‌ തടയാവുന്നതാണ്‌. നഴ്സറിയിൽ താഴെ പറയുന്ന രീതികൾ അവലംബിക്കുന്നത്‌ നല്ലതാണ്‌. വേര്‌ പിടിപ്പിക്കാൻ ഉപയോഗിക്കുന്ന പോട്ടിംങ്ങ്‌ മിശ്രിതം തയ്യാറാക്കാൻ ഉപയോഗിക്കുന്ന മണ്ണ്‌ നല്ലവണ്ണം വെയിൽ കൊള്ളിക്കണം. ഇങ്ങിനെ വെയിലു കൊള്ളിച്ച മണ്ണിൽ ട്രൈക്കോഡെർമ്മ ചേർക്കുന്നത്‌ നല്ലതാണ്‌.
നടീൽ
ജൈവ നടീൽ വസ്തുക്കൾ ലഭ്യമല്ലങ്കിൽ സമ്പ്രദായിക കൃഷിയിടത്തിൽ നിന്നു തന്നെ മുറിച്ചെടുത്ത തണ്ടുകൾ തന്നെ ഉപയോഗിക്കാവുന്നതാണ്‌. തുടർന്നുള്ള വർഷങ്ങളിൽ ജൈവരീതിയിൽ വളർത്തുന്ന മാതൃ സസ്യത്തിൽ നിന്നു പടരുന്ന മുളകളോ ഏരിയൽ മുളകളോ നടീൽ വസ്തുക്കളായി ശേഖരിക്കാവുന്നതാണ്‌. മൾട്ടിപ്ളിക്കേഷൻ രീതിയിൽ വളർത്തുന്ന നെഴ്സറിയിൽ വെർമിവാഷ്‌ തളിക്കുന്നത്‌ വളർച്ച ത്വരിതപ്പെടുത്തും.
വളം
രണ്ട്‌ കി.ഗ്രാം അഴുകിയ പശുവിൻ ചാണകം കംപോസ്റ്റ്‌ 125 കി.ഗ്രാം റോക്ക്‌ ഫോസ്‌ ഫേറ്റിൽ കലർത്തി വേരു പിടിപ്പിച്ച കുരുമുളക് തൈനടുമ്പോൾ അടിസ്ഥാനവളമായി ചേർത്തു കൊടുക്കണം മണ്ണു പരിശോധന നടത്തി ആവശ്യമെങ്കിൽ റോക്ക്‌ ഫോസ്‌ ഫേറ്റ്‌, കുമ്മായം ഡോളോമൈറ്റ്‌ എന്നിവ ചേർത്തു കൊടുക്കാം മരത്തിന്റെ ചാരം പൊട്ടാസ്യത്തിന്റെ കുറവുണ്ടെങ്കിൽ ചേർത്തു കൊടുക്കാം.
ജൈവവളം
മെയ്‌ - ജൂൺ മാസത്തിൽ കംപോസ്റ്റ്‌ അല്ലങ്കിൽ ഫാംയാർഡ്മാന്വർ 20 കി.ഗ്രാം വള്ളിയൊന്നിന്‌ എന്ന ക്രമത്തിൽ വർഷത്തിൽ ചേർത്തു കൊടുക്കണം. ഇതിനു പകരം ഭാഗികമായോ പൂർണ്ണമായോ വെർമികംപോസ്റ്റ്‌ ഉപയോഗിക്കാവുന്നതാണ്‌. പച്ചിലകൾ, വിളകളുടെ അവിശിഷ്ടങ്ങൾ, പുല്ല്‌, പശുവിൻ ചാണകം , കോഴികാഷ്ടം എന്നിവ ഉപയോഗിച്ച്‌ കംപോസ്റ്റ്‌ ഉണ്ടാക്കാം. ഇത്‌ റോക്ക്‌ ഫോസ്ഫേറ്റ്‌ അല്ലങ്കിൽ മരച്ചാരം ചേർത്ത്‌ പുഷ്ടിപെടുത്തി പതിവായി ഫാംയാർഡ്മാന്വറിന്‌ പകരമായി ഉപയോഗിക്കാം. ഇത്തരം കംപോസ്റ്റ്‌ ഭക്ഷ്യയോഗ്യമല്ലാത്ത എണ്ണക്കുരുവിന്റെ പിണ്ണാക്കും, സൂക്ഷമജീവികളും ഉപയോഗിച്ച്‌ കംപോസ്റ്റ്‌ കുഴിയിൽ വച്ചോ, കുഴിയിൽ നിന്നെടുത്ത്‌ വളമായി ചേർക്കുന്നതിനു മുൻപോ പുഷ്ടിപ്പെടുത്താവുന്നതാണ്‌. വേപ്പിൻകുരു പൊടിച്ചത്‌ 2 കി.ഗ്രാം വള്ളിയൊന്നിന്‌ വർഷത്തിൽ എന്ന ക്രമത്തിൽ നീമാവിരകളുടെ ഉപദ്രവം ഉള്ള സ്ഥലങ്ങളിൽ ചേർത്തു കൊടുക്കണം.
കളകൾ
കളകൾ വെട്ടികളയുക വെട്ടിക്കളയുന്ന കളകൾ ഉപയോഗിച്ച്‌ പുതയിടാം.
രോഗങ്ങളും കീടങ്ങളും
നഴ്സറിയിലെ പ്രധാനമായ രണ്ടു രോഗങ്ങളാണ്‌ റൈഡോക്ടോണിയ ഡൊളാനി മൂലം ഉണ്ടാകുന്ന ഇലചീയലും, സക്ളീറോട്ടിയം റോൾഫ്സൈ ഉണ്ടാക്കുന്ന ബേസൽ വിൽറ്റും ആണ്‌. രണ്ടു രോഗങ്ങളും വെയിലു കൊള്ളിച്ച്‌ വി.എ.എം. ട്രൈക്കോഡെർമയും ഉപയോഗിച്ച്‌ പരിചരിച്ചമണ്ണ്‌ ഉപയോഗിച്ച്‌ നിയന്ത്രിക്കാവുന്നതാണ്‌. എന്നിരുന്നാലും ഒറ്റപ്പെട്ട രോഗബാധ ശ്രദ്ധയിൽ പെട്ടാൽ കൃത്യസമയത്തുതന്നെ സസ്യസംരക്ഷണമാർഗ്ഗങ്ങൾ സ്വീകരിക്കണം. 1% വീര്യമുള്ള ബോർഡോമിശ്രിതം ആ സ്ഥലത്ത്‌ തളിക്കണം. നീമാവിരകളുടെ ഉപദ്രവം കണ്ടാൽ പൊടിച്ച വേപ്പിൻ കുരുവോ വേപ്പിൻപ്പിണ്ണാക്കോ ചേർത്തു കൊടുക്കണം. ഗുരുതരമായി നീമാവിരകളുടെ ആക്രമണമുള്ള കുരുമുളക് തോട്ടത്തിൽ പൗർണമി പോലുള്ള പ്രതിരോധ രേഖകൾ ഉപയോഗിക്കാം.
വിളവെടുപ്പ്‌
ഉത്പന്നത്തിന്റെ ഗുണനിലവാരം ഉറപ്പുവരുത്താൻ ഒന്നോ രണ്ടോ തിരികൾ ഓരോ ചെടിയിലും ഓറഞ്ചു നിറത്തിലോ ചുവപ്പുനിറത്തിലോ ആവുമ്പോൾ വിളവെടുക്കുക. പൂർണ്ണമായും പാകമായ തിരികൾ നോക്കി തെരഞ്ഞെടുത്ത്‌ വിളവെടുപ്പ്‌ നടത്തുക. വിളവെടുപ്പ്‌ സമയത്ത്‌ കുരുമുളക് വള്ളികൾക്ക്‌ കേടുപറ്റാതിരിക്കാൻ പ്രത്യേകം ശ്രദ്ധിക്കണം.
വിളവെടുപ്പിന്‌ ശേഷം
വിളവെടുക്കുമ്പോൾ ഏതെങ്കിലും തിരി മണ്ണിൽ വീഴുന്നു എങ്കിൽ അത്‌ മറ്റുള്ളവയിൽ കൂട്ടുന്നതിനു മുൻപ്‌ നന്നായി കഴുകണം. ഉറുമ്പ്‌ പോലുള്ള ക്ഷുദ്ര ജീവികളെ അകറ്റാൻ രാസവസ്തുക്കൾ ഉപയോഗിച്ചിട്ടുണ്ടെങ്കിൽ അത്‌ മുഴുവൻ വിളവും ആയി ചേർക്കുന്നതിന്‌ മുൻപ്‌ നന്നായി കഴുകണം. ഉൽപന്നത്തിന്റെ ഗുണമേ? അസംസ്കൃതവസ്തു, സംസ്കരണത്തിനുപയോഗിക്കുന്ന രീതി , പാക്കിംങ്ങ്‌, വിപണന മാർഗ്ഗം എന്നിവയെല്ലാം ആശ്രയിച്ചിരിക്കുന്നു. അതുകൊണ്ട്‌ വിളവെടുപ്പു മുതൽ ഉത്പന്നം ഉപഭോക്താവിന്റെ കയ്യിലെത്തും വരെ നിതാന്ത ശ്രദ്ധപുലർത്തണം.
വിളവ്‌
ജൈവ പെപ്പർ നൈഗ്രാം നടീലിനു ശേഷം മൂന്നോ നാലോ വർഷം കഴിയുമ്പോൾ വിളവുതരാൻ തുടങ്ങിയാൽ 15 വർഷത്തേക്ക്‌ അതിന്റെ ഉത്പാദന ശേഷി നിലനിർത്തും
കുരുമുളകിന്റെ രോഗങ്ങൾ
ഫൈറ്റോഫ്ത്തോറ ബാധ
നഴ്സറിയിലെ കുരുമുളക് തണ്ടുകളിൽ ഇല, തണ്ട്‌, വേര്‌ എന്നിവടങ്ങളിൽ ഫൈറ്റോഫ്ത്തോറ ബാധ കണ്ടുവരുന്നുണ്ട്‌. മാർജിനോടുകൂടിയ ഇരുണ്ട പുള്ളികൾ ഇലകളിൽ കാണപ്പെടുന്നു. ഇത്‌ വർധിച്ച്‌ ഇലകൊഴിഞ്ഞു പോകാനിടയാക്കുന്നു. തണ്ടിൽ കറുത്ത പാണ്ടുകൾ കാണപ്പെടുകയും തുടർന്ന്‌ വാടുകയും ചെയ്യുന്നു. വേരുകളിൽ ഈ പൂപ്പൽ ബാധ വേരു പടലം ചീഞ്ഞു പോകാൻ കാരണമാകുന്നു.
ഒരു ശതമാനം വീര്യമുള്ള ബോർഡോമിശ്രിതം തളിക്കുകയോ 0.2% വീര്യമുള്ള കോപ്പർ ഓക്സീ ക്ളോറൈഡ്‌ ലായനിയിൽ മണ്ണ്‌ നനച്ചു കൊടുക്കുന്നത്‌ രോഗം തടയും.
ആന്ത്രാക്നോസ്‌
ഈ രോഗത്തിനു കാരണം കൊളറ്റോട്രൈക്കം ഗ്ളോയോസ്പോറിയോഡ്സ്‌ എന്ന ഫംഗസ്‌ ആണ്‌. ഈ ഫംഗസ്‌ ഇലകളെ ബാധിച്ചാൽ മഞ്ഞ കലർന്ന തവിട്ടു നിറത്തിൽ തുടങ്ങി ഇരുണ്ട തവിട്ടുനിറംവരെ ക്രമമില്ലാത്ത പുള്ളികൾ മങ്ങിയ നിറമുള്ള വലയത്തിനുള്ളിൽ കാണപ്പെടും. ഒരു ശതമാനം വീര്യമുള്ള ബോർഡോ മിശ്രിതം ഒരു ശതമാനം വീര്യമുള്ള കാർബെൻഡാസിൻ എന്നിവ ഇടവിട്ടു തളിക്കുന്നത്‌ ഈ രോഗത്തിന്‌ ഫലപ്രദമാണ്‌.
ഇല ചീയലും വാട്ടവും
ഈർപ്പവും ചൂടും നിലനിൽക്കുന്ന ഏപ്രിൽ മെയ്മാസങ്ങളിൽ നഴ്സറികളിൽ ഗുരുതരമാവാറുള്ള ഒരു രോഗമാണിത്‌. രോഗകാരി റൈസക്ടോണിയ സൊളാനി എന്ന ഫംഗസ്‌ ആണ്‌ ഫംഗസ്‌ ഇലകളേയും തണ്ടിനേയും ആക്രമിക്കുന്നു. നരച്ച കുതിർന്നതുപോലുള്ള പുള്ളികളും ഫംഗസിന്റെ ശരീരഭാഗമായ നാരുകളും ഇലകളിൽ കാണപ്പെടുന്നു. ഇലകൾ ഈ നാരുകളുമായി ചേർന്ന്‌ ഒട്ടിപ്പിടിക്കുന്നു. തണ്ടിൽ രോഗം പ്രത്യക്ഷപെടുന്നത്‌ ഇരുണ്ട തവിട്ടുനിറമുള്ള പാണ്ടുകളായാണ്‌. ഇത്‌ അടിയിലേക്കും മുകളിലേക്കും വ്യാപിക്കുന്നു. ബാധയേറ്റഭാഗം പതുക്കെ വാടി ഉണങ്ങാൻ തുടങ്ങുന്നു. കൊളെറ്റോ ട്രൈക്കം സ്പീഷീസുകൾ ഉണ്ടാക്കുന്ന ഇലപുള്ളികൾക്ക്‌ ചുറ്റും വിളറിയ വലയങ്ങൾ ഉണ്ടാവും. തടയൽ മാർഗ്ഗമായി 1% വീര്യമുള്ള ബോർഡോമിശ്രിതം രണ്ടു രോഗത്തിനും ഫലപ്രദമാണ്‌.
ബേസൽ വില്റ്റ്‌
ജൂൺ- സെപ്റ്റംബർ മാസങ്ങളിലാണ്‌ നഴ്സറികളിൽ ഈ രോഗം കണ്ടുവരുന്നത്‌. രോഗകാരി സ്ക്ളീറോട്ടിയം റോൾഫ്ഡൈ എന്ന ഫംഗസ്‌ ആണ്‌ നരച്ച പാണ്ടുകൾ ഇലയിലും തണ്ടിലും കാണപ്പെടുന്നതാണ്‌ രോഗലക്ഷണം . പുള്ളിയുടെ അരികുകളിലായി വെളുത്തനിറത്തിൽ ഫംഗസിന്റെ ശരീരഭാഗങ്ങളായ നേർത്ത നാരുകൾ കാണും. ഫംഗസ്‌ നാരുകൾ തണ്ടിൽ വിള്ളലുകൾ ഉണ്ടാക്കുകയും ആ ഭാഗത്തുവച്ച്‌ ഇലയോ തണ്ടോ മുറിഞ്ഞുപോകുകയും ചെയ്യും. രോഗാവസ്ഥ ഗുരുതരമാകുമ്പോൾ നഴ്സറിയിലെ വേരു പിടിക്കുന്ന തൈകൾ വാടിക്കരിഞ്ഞുപോകും. തീരെ ചെറിയ വെളുത്തതോ ക്രീം നിറത്തിലുള്ളതോ ആയ പൊടി പോലുള്ള ഫംഗസ്‌ ഭാഗങ്ങൾ പാണ്ടുകളിൽ കാണാവുന്നതാണ്‌. തുടക്കത്തിൽ കണ്ടെത്തി ശരിയായ സസ്യസംരക്ഷണമാർഗ്ഗങ്ങൾ അവലംബിച്ചാൽ രോഗം തടയാവുന്നതാണ്‌. രോഗബാധയേറ്റ തണ്ടുകളും കൊഴിഞ്ഞ ഇലകളും നീക്കം ചെയ്ത്‌ നശിപ്പിക്കണം. അതിനുശേഷം എല്ലാ തണ്ടുകളിലും 2% വീര്യമുള്ള കാർബൻഡാസിനോ 1% വീര്യമുള്ള ബോർഡോമിശ്രിതമോ തളിക്കണം.
വൈറസ്‌ ബാധകൾ
ഇലകൾ ചെറുതാവൽ മഞ്ഞപുള്ളികൾ മൊസൈക്‌ പാടുകൾ, വള്ളികളുടെ വാടൽ മോട്ട്ലിംങ്ങ്‌, എന്നിവയെല്ലാം വൈറസ്‌ ബാധയുടെ ലക്ഷണങ്ങളാണ്‌. വൈറസ്‌ ബാധക്ക്‌ സുഘടിതമായ ഒരു സ്വഭാവം ഉണ്ട്‌. കുരുമുളകിന്റെ വിതരണം സസ്യഭാഗം മുറിച്ചെടുത്ത്‌ ആയതുകൊണ്ട്‌ നഴ്സറിയിൽ കാണപ്പെടുന്ന വൈറസ്‌ ബാധ നടീൽ വസ്തുക്കളിലൂടെ വ്യാപിച്ചതാണെന്ന്‌ അനുമാനിക്കാം. രോഗബാധയുള്ള മാതൃസസ്യത്തിൽ നിന്നും മുറിച്ച തണ്ടുകൾ സ്വീകരിക്കുന്നത്‌ രോഗബാധക്ക്‌ വഴിവക്കും. അതിനാൽ രോഗവിമുക്തമായ മാതൃസസ്യത്തെ വേണം നടീൽ വസ്തു ശേഖരിക്കാൻ തെരഞ്ഞെടുക്കേണ്ടത്‌. മീലിബഗുകളും, എഫിഡുകളും രോഗം പരത്തും. നഴ്സറിയിൽ മുളകൾ അടുത്തടുത്ത്‌ വക്കുന്നത്‌ പ്രാണികൾ വഴിയുള്ള വ്യാപനം എളുപ്പമാക്കും. പതിവായി നഴ്സറി നിരീക്ഷിക്കേണ്ടതും കീടനാശിനി തളിക്കേണ്ടതും അത്യാവശ്യമാണ്‌. 0.05% വീര്യമുള്ള ഡൈമെനോയേറ്റ്‌ ബാധ കാണപെടുന്നിടത്ത്‌ തളിച്ചാൽ രോഗബാധതടയാം.
നീമാവിരകളുടെ ആക്രമണം
റൂട്ട്‌ നോട്ട്‌ വിരകൾ, (മെലോയ്ഡോജിൻ സ്പീഷീസുകൾ) , മണ്ണിനടിയിൽ കാണപ്പെടുന്ന നീമാവിരകളും (റോഡോഫോലസ്‌ സിമിലിയസ)്‌ എന്നിവയാണ്‌ വേരുപിടിക്കുന്ന കുരുമുളകു തൈകളെ ആക്രമിക്കുന്ന രണ്ട്‌ പ്രധാന വിരകൾ. വേരുകളിൽ ഇവയുടെ ആക്രമണമുണ്ടായാൽ വളർച്ച മുരടിപ്‌, ഇലകൾ മഞ്ഞക്കൽ, ചിലപ്പോൾ ഇലഞരമ്പുകൾക്കിടയിലെ വിളർച്ച എന്നിവയുണ്ടാകും. നീമാവിരയുടെ ആക്രമണമേറ്റ തൈകൾ വളരെ സാവധാനത്തിൽ മാത്രമേ കൃഷിയിടത്തിലേക്ക്‌ മാറ്റിനട്ടാൽ പിടിച്ചു വരുന്നുള്ളൂ. വളരെ പതുക്കെ വളർന്ന്‌ ചിലപ്പോൾ മുരടിച്ച്‌ പോകുന്നു. റാപ്പിഡ്‌ മൾട്ടിപ്ളിക്കേഷൻ നഴ്സറികളിൽ ഇതിന്റെ ഉപദ്രവം അധികമായി കണ്ടുവരുന്നു. നഴ്സറിയിൽ ഉപയോഗിക്കുന്ന നടീൽ മിശ്രിതം വെയിൽകൊള്ളിച്ച്‌ അണു വിമുക്തമാക്കാവുന്നതാണ്‌. വെയിലത്തുണക്കിയ മിശ്രിതം ജൈവനിയന്ത്രണോപാധിയായ പൊക്കോണിയ ക്ളാമിഡോസ്പോറിയ, അല്ലങ്കിൽ ട്രൈക്കോഡെർമ ഹാർഡിയാനം 1-2 ഗ്രാം / 1കി.ഗ്രാം മണ്ണിന്‌ എന്ന തോതിൽ ചേർക്കുക. റൈസോബാക്ടീരിയ 11 എസ്‌.ആർ 853 1ഗ്രാം/ ബാഗൊന്നിന്‌ എന്ന തോതിൽ ഒരു മാസം ഇടവിട്ട്‌ ചേർക്കുന്നത്‌ നല്ലതാണ്‌. നീമാവിരകളുടെ ആക്രമണം തടയാൻ വിരനാശിനികൾ മുൻക്കൂട്ടി ചേർക്കുന്നതും നല്ലതാണ്‌. ഇതിനായി മൂന്ന്‌ ദ്വാരങ്ങൾ 2-3 സെ.മി ആഴത്തിൽ തുല്യ അകലത്തിലായി ഇട്ട്‌ ഫോറേറ്റ്‌ 10ഏ ഒരു ഗ്രാം ബാഗൊന്നിന്‌ അല്ലങ്കിൽ കാർബോഫൂറാൻ 3ഏ മൂന്ന്‌ ഗ്രാം ബാഗൊന്നിന്‌ എന്ന തോതിൽ ദ്വാരത്തിൽ വച്ച്‌ മണ്ണ്‌ വച്ച്‌ അടക്കണം. മണ്ണിൽ ആവശ്യത്തിന്‌ ഈർപ്പം ഉറപ്പുവരുത്താൻ ചെറിയതോതിൽ നനക്കണം. റാപിഡ്‌ മൾട്ടിപ്ളിക്കേഷൻ നഴ്സറികളിൽ തൈകൾ അധികകാലം വക്കുന്നത്‌ കൊണ്ട്‌ 45 ദിവസത്തിലൊരിക്കൽ മേൽ സൂചിപ്പിച്ച രീതിയിൽ വിരനാശിനി പ്രയോഗിക്കുന്നത്‌ ഫലപ്രദമാണ്‌.
ഇടക്കാല സംരക്ഷണം
വളപ്രയോഗം
ജൈവവളവും രാസവളവും
തെക്കുപടിഞ്ഞാറൻ മൺസൂണിന്റെ തുടക്കത്തിൽ ചെടിയൊന്നിന്‌ വർഷത്തിൽ 10 കി.ഗ്രാം കാലിവളം / കംപോസ്റ്റ്‌/ പച്ചിലവളം എന്നിവ ചേർത്ത്‌ കൊടുക്കണം. ഏപ്രിൽ മെയ്‌ മാസങ്ങളിൽ മൺസൂണിന്‌ മുൻപുള്ള മഴ ലഭിക്കുമ്പോൾ 500 ഗ്രാം കുമ്മായം വള്ളിയൊന്നിന്‌ എന്ന തോതിൽ ഒന്നിടവിട്ട വർഷത്തിൽ ചേർത്ത്‌ കൊടുക്കാം.
മൂന്നു വർഷമോ അധികമോ ആയ കുരുമുളകിന്‌ ചേർക്കേണ്ടവളം
ഗ്രാം വള്ളി വർഷത്തിൽ ച ജ2 ഛ5 ഗ2ഛ
പൊതുനിർദ്ദേശം 50 : 50 : 150
പന്നിയൂർ സമാന പ്രദേശം 50 : 50 : 200
കോഴിക്കോടും പ്രദേശങ്ങളും 140 : 55 : 275
ചആ: 1/3 ഡോസ്‌ ഒരു വർഷം പ്രായമായ ചെടിക്കും 1/2 ഡോസ്‌ രണ്ട്‌ വർഷം പ്രായമായ ചെടിക്കും ചേർക്കുക.
വളപ്രയോഗത്തിന്റെ സമയം
വളം രണ്ട്‌ തുല്യ ഭാഗങ്ങളാക്കി ഒന്ന്‌ മെയ്‌ ജൂൺ മാസത്തിൽ വേനൽമഴ മഴ ലഭ്യമാകുമ്പോഴും രണ്ടാം ഭാഗം ആഗസ്റ്റ്‌ സെപ്റ്റമ്പർ മാസത്തിലും ചേർക്കുക.
വള പ്രയോഗരീതി
100 -150 സെ.മി വ്യാസത്തിലും 10-15 സെ.മി ആഴത്തിലും ചെടിയുടെ കടക്കൽ ചുറ്റും തടമെടുത്താണ്‌ കുരുമുളകു വള്ളികൾക്ക്‌ വളമിടേണ്ടത്‌.
മുരിക്കിലോ തേക്കിൻ കടയിലോ ചുറ്റിയിരിക്കുന്ന വള്ളിക്ക്‌ 30 സെ.മി അകലത്തിൽ ചുറ്റും വളമിടണം
ജലസേചനം
ജലസേചനതത്ത്വങ്ങൾ
പന്നിയൂർ -1 ഇനത്തിൽപെട്ട ചെടികൾക്ക്‌ കണ/ഇജഋ 0.25 എന്ന അനുപാതത്തിൽ നവംബർ- ഡിസംബർ മുതൽ മാർച്ച്‌ അവസാനം വരെ നനക്കണം. മൺസൂൺ മഴ നിന്നു പോയാൽ ജലസേചനം തുടരേണ്ടതുണ്ട്‌. ഈ പ്രവൃത്തി വിളവ്‌ 50% വരെ വർധിപ്പിക്കും. ഓരോ നനയിലും 100 ലിറ്റർ വെള്ളം എന്ന കണക്കിൽ 8-10 ദിവസത്തിൽ ഒരിക്കൽ എന്ന രീതിയിൽ ആണ്‌ നിർദ്ദേശിക്കപെടുന്നത്‌. 150 സെ.മി വ്യാസത്തിൽ തടമെടുത്താണ്‌ ജലസേചനം നടത്തേണ്ടത്‌. ചെടിയുടെ തടം ഉണങ്ങിയ ഇലയോ മറ്റ്‌ അനുയോജ്യമായ വസ്തുക്കളോ ഉപയോഗിച്ച്‌ പുതയിടണം.
അടിസ്ഥാന കാർഷിക വൃത്തികൾ
മണ്ണു സംരക്ഷണം
കൃഷിയിടം സ്ഥിതിചെയ്യുന്ന ഭൂമി ചരിഞ്ഞതും നിരപ്പില്ലാത്തതും ആണെങ്കിൽ തട്ടുകളാക്കി തിരിച്ച്‌ മണ്ണൊലിപ്പ്‌ തടയേണ്ടതാണ്‌. കുരുമുളകു തോട്ടത്തിൽ താങ്ങു മരത്തിന്റെ കടക്കൽ ഒരു മീറ്റർ ആരത്തിൽ വർഷത്തിൽ രണ്ടുതവണ തെക്കുടിഞ്ഞാറൻ മൺസൂണിനു മുൻപും വടക്കു കിഴക്കൻ മൺസൂണിനു മുൻപും കുഴികൾ എടുക്കുക.
കള നിയന്ത്രണം
ആവശ്യമെങ്കിൽ കളകൾ നീക്കം ചെയ്യണം കളകൾ വെട്ടി നീക്കാവുന്നതാണ്‌. ആവശ്യമെങ്കിൽ കുരുമുളകു വള്ളികൾ താങ്ങുചെടിയിൽ കെട്ടി ഉറപ്പിച്ചതിനു ശേഷം കളകൾ നീക്കം ചെയ്യണം.
തണൽ നിയന്ത്രണം
വർഷം തോറും മാർച്ച്‌ -ഏപ്രിൽ മാസങ്ങളിൽ താങ്ങു മരങ്ങളുടെ അധിക വളർച്ചയുള്ള കൊമ്പുകൾ വെട്ടിയൊതുക്കണം. കൂടുതൽ കാര്യക്ഷമതക്ക്‌ താങ്ങു മരത്തിന്റെ ഉയരം 6മീ ആക്കി നിറുത്തുന്നതാണ്‌ നല്ലത്‌. തോട്ടത്തിൽ തണൽ കൂടുതലുണ്ടെങ്കിൽ ജൂലായ്‌- ആഗസ്റ്റ്‌ മാസത്തിലും കൊമ്പുകൾ വെട്ടിയൊതുക്കണം.
നടീലിനിടയിൽ
20 വർഷത്തെ തുടർച്ചയായ വിളവെടുപ്പിനു ശേഷം കുരുമുളകു വള്ളികളിൽ ഉത്പാദനം കുറയുന്നു. ഉത്പാദനം കുറയുന്നതിന്‌ പലതരം കാർഷിക - കാലാവസ്ഥ കാരണങ്ങളും പരിചരണ രീതിയും കാരണമാകാറുണ്ട്‌. പുതിയ തൈകളുടെ നടീൽ ഈ സമയത്ത്‌ നടത്തണം. പുതിയ തൈകൾക്ക്‌ 3-5 വർഷം പ്രായമാകുന്നതോടെ പഴയ ഉത്പാദനം കുറഞ്ഞ ചെടികൾ നീക്കം ചെയ്യാവുന്നതാണ്‌.
വിളവെടുപ്പും സംഭരണവും
കുരുമുളകിന്റെ വിളവെടുപ്പ്‌
വിളവെടുപ്പ്‌
കുരുമുളകിന്റെ വിളവെടുപ്പ്‌ യന്ത്ര സഹായമില്ലാതെ നേരിട്ട്‌ നടത്തണം. എല്ലാവർക്കും അറിയാവുന്നതുപോലെ കുരുമുളകിന്‌ രണ്ടു രീതിയിലാണ്‌ വിപണിയിൽ ആവശ്യക്കാർ- കറുത്തതും വെളുത്തതും കറുത്ത കുരുമുളക് ഉത്പാദിപ്പിക്കുന്നതിന്‌ കുരുമുളകിന്റെ വിളവെടുക്കുന്ന സമയം വളരെ പ്രധാനമാണ്‌. മഞ്ഞ നിറം വന്നു തുടങ്ങി കുലകൾ പാകമാകുന്ന സമയമാണ്‌ ഇതിനനുയോജ്യം.
വിളവെടുപ്പ്‌ രീതി
രണ്ടു വർഷം കൊണ്ട്‌ കുരുമുളക് ഫലം തരാൻ തുടങ്ങുന്നു. ആദ്യ വർഷം ഫലം വളരെ കുറവായിരിക്കും എന്നാൽ മൂന്നാം വർഷം തുടങ്ങി 500 ഗ്രാം മുതൽ ഒരു കി.ഗ്രാം വരെയും 4-ാം വർഷം മുതൽ ഓരോ ചെടിയും ഒന്നു മുതൽ ഒന്നര കി.ഗ്രാം വരെ കുരുമുളകു തരാൻ തുടങ്ങുന്നു.
- കുരുമുളകു മണികൾക്ക്‌ മഞ്ഞനിറം വരാൻ തുടങ്ങുമ്പോൾ വിളവെടുക്കണം. ഒരേ സമയം എല്ലാതിരികളും പാകമാകില്ല അതിന്‌ മൂന്നാഴ്ചമുതൽ ഒരു മാസം വരെ സമയമെടുക്കും.
- വിളവെടുത്ത കുരുമുളക് സിമന്റു തറയിൽ നിരത്തിയിടണം നല്ല കാലാവസ്ഥയാണെങ്കിൽ മൂന്നു ദിവസം കൊണ്ട്‌ ഉണങ്ങും. മഴയുള്ള സമയമാണെങ്കിൽ അഞ്ചു ദിവസമെടുക്കും. എന്നാൽ ഏതെങ്കിലും തരത്തിലുള്ള പാത്രത്തിലടച്ചുവക്കേണ്ടതില്ല അത്‌. കുരുമുളക് ചീയാനിടയാക്കും. തനിയേ ഉണങ്ങാൻ അനുവദിക്കുന്നതാണ്‌ നല്ലത്‌.
- മെതിക്കൽ കുരുമുളക് മണികൾ തിരിയിൽ നിന്നും മറ്റു വസ്തുക്കളൊന്നുമില്ലാതെ വേർതിരിച്ചെടുക്കലാണിത്‌. ഒരു മെഷീൻ ഉപയോഗിക്കുന്നത്‌ നല്ലതാണ്‌. അത്‌ തൊഴിൽ വേതനം കുറക്കും.
- ഉണങ്ങിയ കുരുമുളകിൽ നിന്നും പാകമാകാത്ത മണികൾ ചേറിയെടുക്കണം. ഇങ്ങനെ ഗുണനിലവാരമുള്ള നല്ലമണികൾ വേർത്തിരിച്ചെടുക്കാം.
- ഇതിന്‌ വിപണിയിൽ കൂടുതൽ വില ലഭിക്കും. നേരത്തെ പറഞ്ഞ കനം കുറഞ്ഞ ചേറിയെടുത്ത മണികളും തിരിയുടെ തണ്ടും എല്ലാം ചേർത്ത്‌ പൊടിച്ചാൽ അതിനും വിപണിയിൽ ആവശ്യക്കാരുണ്ട്‌.
വിളവെടുക്കുന്ന സമയം
ഇന്ത്യയിൽ കുരുമുളകിന്റെ വിളവെടുപ്പ്‌ ജനുവരിയിൽ തുടങ്ങി മാർച്ച്‌ വരെ നീളും ഇതിനെ തുടർന്ന്‌ ബ്രസീലിൽ വിളവെടുപ്പുകാലമാകും വിയറ്റ്നാമിൽ ഇന്ത്യയിൽ വിളവെടുക്കുന്ന സമയത്തു തന്നെയാണ്‌ വിളവെടുപ്പ്‌ വരുന്നത്‌ അത്‌ മെയ്‌ -ജൂലായ്‌ വരെ നീളുകയും ചെയ്യും.
ഉണക്കിന്റെ പ്രധാന്യം
ആദ്യത്തെ ഉണക്കിന്റെ ആവശ്യം കുരുമുളകു മണിയിലെ ഈർപ്പത്തിന്റെ അളവു കുറക്കുകയും മണികൾക്ക്‌ കറുത്ത നിറം കിട്ടുകയും എന്നതാണ്‌. കുരുമുളകിന്റെ ചരക്കുഗതാഗതം സമയത്ത്‌ കേടുകൂടാതെയിരിക്കാനും ഈർപ്പം ഇല്ലാതിരിക്കേണ്ടത്‌ അത്യാവശ്യമാണ്‌.
ഉണക്കുന്നതിന്‌ സ്വീകരിക്കേണ്ട രീതികൾ
വിളവെടുപ്പിനു ശേഷം കുരുമുളക് തിരികൾ ബോർഡുകളിലോ വേലികെട്ടിതിരിച്ച സ്ഥലത്തോ വെയിലത്തുണക്കണം. ഉണങ്ങി തുടങ്ങുമ്പോൾ മണികൾ തിരിയിൽ നിന്നു വേർപെട്ട്‌ പോന്നു തുടങ്ങും. എല്ലാ മണികളും ഒരു പോലെ ഉണങ്ങാൻ ഇടക്കിടക്ക്‌ ഇളക്കികൊടുക്കണം. തിരിയുടെയും വള്ളികളുടേയും അവശിഷ്ടങ്ങൾ നീക്കം ചെയ്യാൻ ഒരു അരിപ്പ ഉപയോഗിച്ച്‌ അരിച്ചെടുക്കണം
വൃത്തിയാക്കലും ഗ്രേഡിങ്ങും
ഉണങ്ങിയ കുരുമുളകിന്റെ കൂടെയുള്ള ഉണങ്ങിയ ഇലകൾ, മരക്കഷണങ്ങൾ മറ്റ്‌ മാലിന്യങ്ങൾ എന്നിവ ഉൽപന്നത്തിന്റെ വിലിയിടിക്കും അതുകൊണ്ടുതന്നെ വൃത്തിയാക്കൽ പ്രക്രിയ ഗുണനിലവാരം ഉറപ്പുവരുത്തുന്നതിന്‌ അത്യാവശ്യമാണ്‌.
കുരുമുളക് മണികളുടെ വൃത്തിയും ഗുണവും എത്രയും ഉയർന്നതാണോ അതിനനുസരിച്ച്‌ അതിന്റെ വിപണന മൂല്യവും കൂടും. അസംസ്കൃത വസ്തുക്കളും മാലിന്യങ്ങളും അടങ്ങിയ ഉൽപന്നം സംസ്കരണത്തിനും ശരിയായ ഉപയോഗത്തിനും യോജിച്ചതല്ല മുഴുവൻ മണികളും ഒരേ വലിപ്പത്തിലും നിറത്തിലും ആയിരിക്കാൻ ശ്രദ്ധിക്കണം. കേടുപറ്റിയതും തീരെ ചെറിയ മണികളും കൂട്ടത്തിൽ നിന്നും നീക്കം ചെയ്യണം. വൃത്തിയാക്കലും തെരഞ്ഞെടുപ്പും അതിനാവശ്യമായ ഉപകരണങ്ങൾ ഉപയോഗിച്ച്‌ ചെയ്യാം
കുരുമുളകിന്റെ സംഭരണം
ചരക്കു ഗതാഗതം
കുരുമുളക് വിളവെടുപ്പിനു ശേഷം കഴിയുന്നത്ര വേഗം തോട്ടത്തിൽ നിന്നും സംസ്കരണ ശാലയിലേക്ക്‌ മാറ്റണം. ഉയർന്ന ഊഷ്മാവും, നിർജ്ജലീകരണവും, ഉപാപചയം വഴിയുള്ള ശോഷണവും നടക്കാം.
പാക്കിംങ്ങ്‌
പോളി പ്രൊപ്പലൈൻ അല്ലങ്കിൽ ഗ്ളാസ്സ്‌ പാക്കിംങ്ങ്‌ കുരുമുളകിന്‌ നിർബന്ധമാണ്‌. ബാഗുകളോ ഫ്ലാസ്കുകളോ ഉപയോഗിക്കാം. ഇർപ്പത്തിന്റെ അളവിൽ മാറ്റം വരാതിരിക്കാനും ഭാരം കുറയാതിരിക്കാനും നന്നായി സീൽ ചെയ്യണം. സീലുചെയ്യുന്നതിനു മുൻപ്‌ പാക്കിൽ നിന്ന്‌ വായു നീക്കം ചെയ്യാനുള്ള മാർഗ്ഗം അവലംബിക്കണം. വാക്വം പാക്കിംങ്ങ്‌ നിർജ്ജലികരിച്ച കുരുമുളകിന്റെ സംരക്ഷണം ഉറപ്പു വരുത്തും
സംഭരണം
വെളിച്ചവും ഈർപ്പവും ഇല്ലാത്ത ശുദ്ധമായ സ്ഥലത്ത്‌ നിർജ്ജലീകരിച്ച കുരുമുളക് സംഭരിക്കണം. വെളിച്ചം കുരുമുളകിന്റെ നിറം കുറക്കുകയും ചൂട്‌ അതിന്റെ ആയുസ്സ്‌ കുറക്കുകയും ( വേഗം നാശമാകാൻ കാരണമാവുകയും ചെയ്യും)
കുരുമുളകിന്റെ സംസ്കരണം
കറുത്ത കുരുമുളക്
വാണിജ്യാടിസ്ഥാനത്തിൽ കുരുമുളക് ഉത്പാദിപ്പിക്കുന്നതിന്‌ പഴുക്കാത്ത എന്നാൽ വളർച്ചയെത്തിയ കുലകളിൽ നിന്നാണ്‌ മണികൾ ശേഖരിക്കുന്നത്‌. വിളവെടുത്ത കുലകൾ തവിട്ടു നിറമാവാൻ ആദ്യം കൂട്ടിയിടുന്നു. തുടർന്ന്‌ ഉണക്കാനുള്ള നിലത്ത്‌ മണികൾ തിരിയിൽ നിന്നും അടർത്തി പരത്തുന്നു. വെയിലത്തുണക്കുമ്പോൾ ഇടക്കിടക്ക്‌ ഇളക്കി കൊടുക്കണം. ഒരുപോലെ ഉണങ്ങാനും നിറം ശരിയാവാനും പൂപ്പൽ ബാധിക്കാതിരിക്കാനും ഇതത്യാവശ്യമാണ്‌. 3-5 ദിവസത്തെ ഉണക്കുകൊണ്ട്‌ ഈർപ്പത്തിന്റെ അളവ്‌ 10-12 ശതമാനം വരെ ആവും.
ഉണക്കുന്നതിനു മുൻപ്‌ കുരുമുളക് തിരികൾ ഒരു മിനിട്ട്‌ തിളച്ച വെള്ളത്തിൽ മുക്കിയെടുക്കുന്നത്‌ വേഗം തവിട്ടു നിറം ആകാനും വേഗം ഉണങ്ങാനും സഹായിക്കും. എല്ലാ മണികളും ഇരുണ്ട കറുപ്പ നിറമായിത്തീരാൻ മാത്രമല്ല പൂപ്പൽ ബാധ ഇല്ലാതിരിക്കാനും ഇത്‌ സഹായിക്കും. കൂടുതൽ സമയം തിളച്ച വെള്ളത്തിലെ പരിചരണം ഇരുണ്ട നിറമാകുന്ന എൻസൈം നിർവീര്യമാകാൻ കാരണമാകും.
വെളുത്ത കുരുമുളക്
വെളുത്ത കുരുമുളക് ഉത്പാദിപ്പിക്കുന്നത്‌ പഴുത്ത തിരിയിൽ നിന്നോ, കറുത്ത കുരുമുളകിനെ മോടി പിടിപ്പിച്ചോ ആണ്‌. കടും ചുവപ്പു നിറത്തിലുള്ള കുരുമുളക് തിരികൾ വിളവെടുത്ത്‌ മണികൾ വേർപെടുത്തി ഗണ്ണിബാഗുകളിൽ നിറക്കുന്നു. ബാഗുകൾ ഒഴുക്കു കുറഞ്ഞ വെള്ളത്തിൽ ഒരാഴ്ചയോളം താഴ്ത്തി വക്കുന്നു. കുരുമുളകു മണികളുടെ പുറം തൊലി അഴുകി വിട്ടു പോകുന്നു. ബാക്കിയുള്ള പുറം തൊലി ചവിട്ടിയരച്ച്‌ കളഞ്ഞ്‌ നന്നായി കഴുകിയെടുത്ത്‌ വെയിലത്തുണക്കി ഈർപ്പത്തിന്റെ അളവ്‌ 10-12 % ആക്കി കുറച്ച്‌ ക്രീം നിറത്തിലോ വെളുത്ത നിറത്തിലോ ആക്കുന്നു. വെളുത്ത കുരുമുളക് വൃത്തിയാക്കി അരിച്ച്‌ തരം തിരിച്ച്‌ ബാഗുകളിലാക്കുന്നു. 25 കി.ഗ്രാം വെളുത്ത കുരുമുളക് കിട്ടാൻ 100 കി.ഗ്രാം പഴുത്ത കുരുമുളക് തിരികൾ ആവശ്യമുണ്ട്‌.
മെച്ചപ്പെട്ട സി എഫ്‌ ടി.ആർ ഐ രീതി
പാകമായതും എന്നാൽ പഴുക്കാത്തതുമായ തിരികൾ വിളവെടുത്ത്‌ 10-15 മിനിട്ട്‌ തിളച്ച വെള്ളത്തിൽ വച്ച്‌ പുറം തൊലി മൃദുവാക്കുന്നു. തണുപ്പിച്ചതിനുശേഷം പുറം തൊലി മെഷീൻ ഉപയോഗിച്ചോ അല്ലാതെയോ കളയുന്നു. കഴുകി വെയിലത്തുണക്കി വെളുത്ത കുരുമുളകുണ്ടാക്കുന്നു. ഒരു തരത്തിലുമുള്ള അഴുകൽ രീതിയും പ്രയോഗിക്കുന്നില്ല എന്നതുകൊണ്ട്‌ അസുഖകരമായ മണമൊന്നും ഉണ്ടാകുന്നില്ല. ഗാമ്പ്രദായിക രീതിയിലുണ്ടാക്കുന്ന വെളുത്ത കുരുമുളക് പൊടിച്ചാൽ വെളുത്ത പൊടിയായിരിക്കും ലഭിക്കുക എന്നാൽ ഈ പുതിയരീതിയിൽ ഉത്പാദിപ്പിക്കുന്ന വെളുത്ത കുരുമുളക് പൊടിച്ചാൽ ഇളം തവിട്ടുനിറമായിരിക്കും കാരണം സംസ്കരണ പ്രക്രിയയിൽ അന്നജത്തിന്‌ ജലാറ്റിനൈസേഷൻ സംഭവിക്കുന്നു.
മോഡിപിടിപ്പിച്ച കറുത്ത കുരുമുളക്
വിപണിയിൽ വെളുത്ത കുരുമുളകിന്റെ ലഭ്യത കുറഞ്ഞാൽ കറുത്ത കുരുമുളക് യാന്ത്രികമായി പുറംതൊലിയിൽ വ്യത്യാസം വരുത്തി വെളുത്ത കുരുമുളകുണ്ടാക്കുന്ന രീതിയാണിത്‌. ഇത്‌ രണ്ടാതരമായാണ്‌ പരിഗണിക്കുന്നത്‌. വൊളടൈൽ ഓയിലിന്റെ നഷ്ടംവരാതിരിക്കാൻ കൂടുതൽ ശ്രദ്ധ ആവശ്യമുണ്ട്‌
നിർജ്ജലീകരിച്ച പച്ച കുരുമുളക
പാകമായ എന്നാൽ പഴുക്കാത്ത കുരുമുളകു തിരി വിളവെടുത്ത്‌ തവിട്ടുനിറം ഉണ്ടാക്കുന്ന എൻസൈം നിർവീര്യമാക്കുന്ന രീതിയാണിത്‌. കുരുമുളകു തിരികൾ നിയന്ത്രിത സാഹചര്യത്തിൽ ചൂടാക്കി പരമാവധി പച്ചനിറം നിലനിർത്തുന്നു. നിർജ്ജലീകരിച്ച പച്ചകുരുമുളക്‌ കുതിർത്താൽ പറിച്ചെടുത്ത പുതിയ പച്ച കുരുമുളകുപോലെയിരിക്കും. ഉൽപന്നത്തിന്റെ ലഭ്യത എല്ലാ സീസണിലും ഉറപ്പാക്കാം എന്നു മാത്രമല്ല ഒരു വർഷത്തേക്കു വരെ കേടുകൂടാതെയിരിക്കുകയും ചെയ്യും.
ടിന്നിലടച്ച പച്ച കുരുമുളക്
പറിച്ചെടുത്ത പച്ച കുരുമുളക് 20% വീര്യമുള്ള ബ്രിൻലായനിയിൽ സൂക്ഷിച്ച്‌ ചൂട്‌ ഉപയോഗിച്ച്‌ അണുവിമുക്തമാക്കും. നിർജ്ജലീകരിച്ച കുരുമുളകിനേക്കാൾ ഇതിന്‌ മേൻമയുണ്ടായിരിക്കും. നിറമോ ഗുണമോ മണമോ ഒന്നും നഷ്ടമാകുന്നില്ല. എന്നതും ഒരു ഗുണമേ?മായാണ്‌. കുപ്പിയിലടച്ച പച്ച കുരുമുളക്
പച്ചകുരുമുളക്‌ 20% ബ്രിൻ ലായനി (100 പിപിഎം സൾഫ്യൂരിക്കാസിഡും 0.2% സിട്രിക്‌ ആസിഡും അടങ്ങിയത്‌) യിൽ കേടുകൂടാതെ വക്കാം. സിട്രിക്‌ ആസിഡിന്റെ അളവ്‌ കൂട്ടിയാൽ തിരികൾ കറുപ്പുനിറമാകാതെയിരിക്കും.
ഉണങ്ങിയ പച്ച കുരുമുളക്
പച്ച ഇളം കുരുമുളകിൽ നിന്ന്‌ പൂർണ്ണമായും ജലാംശം വലിച്ചെടുത്ത്‌ (30%-40%) ൽ വാക്വം പാത്രത്തിൽ ഫ്രീസ്ചെയ്ത്‌ സൂക്ഷിക്കുന്നതാണിത്‌. നിറവും സുഗന്ധവും ഗുണവും തീരെ നഷ്ടപെടാത്ത ഈ ഉൽപന്നം യാന്ത്രികമായി ഉണക്കിയതോ വെയിലത്തുണക്കിയതോ ആയ കുരുമുളകിനേക്കാൾ വിപണിയിൽ പ്രിയമേറുന്ന ഒന്നാണ്‌.
കുരുമുളകെണ്ണ
കറുത്ത കുരുമുളക് പൊടിച്ച്‌ നേർത്ത പൊടിയാക്കി നീരാവി ഉപയോഗിച്ച്‌ ഡിസ്റ്റിൽ ചെയ്ത്‌ (2.5-3.5%) വിളറിയ പച്ചനിറമുള്ള എസ്സൻഷ്യൽ ഓയിൽ ഉത്പാദിപ്പിക്കാം പഴകുന്തോറും ഇത്‌ വഴുവഴുപ്പുള്ളതായിത്തീരും. സുഗന്ധമായും രുചിവർദ്ധിപ്പിക്കുന്ന വസ്തുവായും ഇത്‌ ഉപയോഗിക്കുന്നു. വെളുത്ത കുരുമുളകും ഓയിൽ ഉണ്ടാക്കാൻ ഉപയോഗിക്കാം എന്നാൽ ഓയിൽ ലഭ്യത വളരെ കുറവും വെളുത്ത കുരുമുളകിന്റെ കൂടിയ വിലയും ഇത്‌ വാണിജ്യാടിസ്ഥാനത്തിൽ ലാഭകരമ‍ില്ലാതാക്കുന്നു.
പെപ്പർ ഓലിയോ റെസിൻ
ഓർഗാനിക്‌ സോൾവെന്റുകളായ അസെറ്റോൺ, എത്തനോൾ, ഡൈക്ളോറോഎത്തനോൾ എന്നിവ കറുത്ത കുരുമുളകിൽ ചേർത്തുൽപാദിപ്പിക്കുന്ന എസ്സൻസ്‌( ഋഃ‍്മര‍ി) പെപ്പർ ഒലിയോറെസിൻ - ഒരു സുഗന്ധ വ്യജ്ഞനത്തിന്റെ മണവും രുചിയും എല്ലാം തരുന്നു. ഉണങ്ങിയ കുരുമുളകിൽ 4-6% വരെ അടങ്ങിയിരിക്കുന്ന രൂക്ഷ ഗന്ധമുള്ള ആൽക്കലോയ്ഡ്‌ ആയ പിപറൈൻ ഒലിയോറെസീനിൽ 35-50% വരെ അടങ്ങിയിരിക്കുന്നു. പറിച്ച ഉടനെയുള്ള കുരുമുളകുപയോഗിച്ച്‌ ഒലിയോ റെസിൻ ഉത്പാദിപ്പിച്ചാൽ കടുത്ത പച്ച നിറമുള്ള കൊഴുത്ത , കട്ടിയുള്ള രൂക്ഷ സുഗന്ധമുള്ള ഉൽപന്നമാണ്‌ ലഭ്യമാവുക. 1കി.ഗ്രാം ഒലിയോറെസിൻ നിർഗുണമായ അടിസ്ഥാനമുപയോഗിച്ച്‌ ലായനി ഉണ്ടാക്കിയാൽ 15-20 കി.ഗ്രാം വരെ സുഗന്ധ വ്യജ്ഞനത്തിനുപകരം ഉപയോഗിക്കാം.
കൂടുതൽ വിവിരങ്ങൾ
ഫെര്‍ട്ടിലൈസര്‍ അഡ്വൈസര്‍
ഒരു ഡയറ്റീഷ്യൻ എന്നതുപോലെ വളപ്രയോഗത്തിന്‌ ആവശ്യമായ നിർദ്ദേശങ്ങൾ നൽകുന്നു. വളം എപ്പോൾ, ഏതളവിൽ എങ്ങിനെ നൽകണം എന്ന്‌ പറയുന്നു.
ഫെര്‍ട്ടിലൈസര്‍ അഡ്വൈസര്‍
ജലസേചന സഹായി
ജല പ്രയോഗരീതി, സമയക്രമം, അളവ്‌ എന്നിവ സംബന്ധിച്ച്‌ വിവരങ്ങൾ ഇവിടെ ലഭ്യമാകും
ജലസേചന സഹായി
പെസ്റ്റ്‌ ഡോക്ടര്‍
ചെടിയില്‍ പ്രകടമായ ലക്ഷണങ്ങള്‍ ഉപയോഗിച്ച്‌ കൃഷിയിടത്തിലെ രൊഗകീട ബാദകള്‍ തിരിച്ചറിയാന്‍ സഹായിക്കുന്നു
പെസ്റ്റ്‌ ഡോക്ടര്‍
മാനേജ്‌മെന്റ്‌ സഹായി
കുരുമുളക് കൃഷിയുടെ പരിചരണത്തില്‍ നേരിടുന്ന ചില പൊതു പ്രശ്നങ്ങളും അവയുടെ രൂക്ഷതയും മാസം തിരിച്ച്‌ ലഭ്യമാക്കുന്നു.
മാനേജ്‌മെന്റ്‌ സഹായി
വെറയ്റ്റി സെലക്റ്റർ
നിങ്ങളുടെ പ്രാഥമിക ആവശ്യത്തെ മുൻനിർത്തി ആവശ്യത്തിനനുയോജിച്ച ഇനങ്ങൾ തെരഞ്ഞെടുക്കാൻ സഹായം ലഭ്യമാക്കുന്നു.
വെറയ്റ്റി സെലക്റ്റർ
കടപ്പാട് : ഫാം എക്സ് ടെൻഷൻ മാനേജർ
